SANW – Bladsy 2 – praag.co.za

SANW in ‘kritieke verval’

sandf — ‘n Kritieke gebrek aan modernisering

Suid-Afrika se gewapende magte is volgens ‘n militêre strategie-oorsig in kritieke verval wat minstens ‘n dekade nodig sal hê om omgekeer te word.

Volgens Reuters kan die agteruitgang in die land se verdedigingsvermoë ‘n invloed hê op alles van grensveiligheid tot handel- en vredessendings op die vasteland.

Dit kan ook beteken dat binnelandse veiligheid nie verseker is nie, maar die verslag is onheilspellend stil daaroor.

Suid-Afrika het op die oomblik soldate in die Demokratiese Republiek van die Kongo en Soedan, en sy skepe ondersteun anti-seerowerpogings naby die kus van Mosambiek.

In die Suid-Afrikaanse Verdedigingsoorsig van 2014 word gesê sulke ontplooiings word ook bedreig.

Volgens die verslag is daar ‘n gebrek aan behoorlike ammunisie, verouderde militêre vragvliegtuie en uitgediende toerusting soos vragmotors.

In die verslag word ook daarop gewys dat die gebrek aan fondse die modernisering van ‘n gewapende mag van 97.000 lede terughou.

Sonder meer geld, kan Pretoria se diplomatieke en kommersiële uitbreiding in Afrika misluk, waar die ou koloniale magte soos Frankryk, en ‘n nuwe een soos China teenwoordig is.

“Daar moet óf ‘n groter begrotingstoewysing of ‘n aansienlik afgeskaalde vlak van ambisie en toewyding wees,” lui die verslag.

Massiewe beleggings in swaar wapenvermoë, asook die handhawing van vrede in hoë-risiko situasies moet oorweeg word.

Kenners het gesê dit beteken Suid-Afrika se aanvalshelikopters en tenks moet aandag geniet.

Dit kan die militêre begroting na R74 miljard in 2030 van sowat R40 miljard in 2013 byna laat verdubbel.

Dit is gelykstaande aan sowat 1% van die BBP , ‘n verhouding ver onder ander ontwikkelde en ontwikkelende lande.

Militêre veiligheid benodig volgens die verslag die jaarlikse befondsing van R116 miljard of 3,3 % van die bruto binnelandse produk.

Onder apartheid was Suid-Afrika het een van die mees gevreesde gewapende magte op die vasteland, maar die hele militêre kompleks het intussen in duie gestort na ‘n doelbewuste gesamentlike poging van die NP en ANC om dit tot niet te maak.

Die ontplooiing van die Suid-Afrikaanse Weermag wat aan anti-seerowery-operasies naby die kus van Oos-Afrika deelneem, is intussen vir nog ‘n jaar verleng.

Altesaam 220 lede van die Weermag is aktief in die Mosambiekse en Tanzaniese gebiedswaters.

Mthethwa: Buitelandse eienaars van veiligheidsmaatskappye moet beperk word

Suid-Afrika se minister van polisie, Nathi Mthethwa het Dinsdag ‘n wetsontwerp aan die parlement voorgelê met die doel om buitelandse eienaarskap van privaatsekuriteitsmaatskappye te beperk.

Die wetsontwerp sluit die ondersteuning van veiligheidsdienste vanaf Suid-Afrika na ander lande in, het Mthethwa gesê.

Xinhua berig dat privaatveiligheidsmaatskappye in buitelandse hande daardeur verplig sal word om 51 persent van hulle aandele aan Suid-Afrikaners te verkoop.

Tans is daar meer as 445.000 geregistreerde privaatveiligheidswagte in vergelyking met net meer as 270.000 gewapende statutêre magte in die Suid-Afrikaanse Polisiediens ( SAPD) en die Suid-Afrikaanse Nasionale Weermag (SANW) volgens die minister.

Die Minister van Polisie, Nathi Mthethwa, sê dit is noodsaaklik in belang van staatsveiligheid.

Hy sê die grens tussen privaatveiligheidsmaatskappye en privaat militêre maatskappye is besig om toenemend te vervaag.

Die groei van die privaatsekuriteitsbedryf is nie uniek aan Suid-Afrika nie. Internasionaal het die privaatbedryf aansienlik gegroei oor die afgelope twee dekades.

Maar die groei in Suid-Afrika het talle ander ander lande die loef afgesteek.

Een van die redes vir die vinnige groei is stygende misdaad. Die polisie se onbevoegdheid in die stryd teen misdaad is ook ‘n belangrike faktor in die uitbreiding.

Sedert die einde van apartheid in 1994 is die polisie aan intense ondersoek deur die staat en die publiek blootgestel, maar dit is nie die geval met die privaatsekuriteitsbedryf nie, want hulle verantwoordelikheid is suiwer markgedrewe, het Mthethwa gesê.

Beide die regering en die burgerlike samelewing is gemoeid met die doeltreffende regulering van die bedryf en die wysigingswetsontwerp poog om die uitdagings aan te spreek, het hy gesê.

Mthethwa het ook besware verwerp dat dit sal lei tot werksverliese, ten spyte dat ‘n onteieningsklousule daarin vervat is.

VN prys SANW in DRK

Die Verenigde Nasies se spesiale verteenwoordiger in die Demokratiese Republiek van die Kongo, Martin Kobler, was vol lof vir die Suid-Afrikaanse soldate wat in die ooste van die land ontplooi is.

Die soldate was deel van ‘n operasie teen M23 rebelle in die oorlog-geteisterde streek.

Volgens Kobler het hulle ‘n belangrike rol gespeel in die beskerming van burgerlikes toe gevegte verlede week in Kiwanja uitgebreek het.

Kobler het die minister van Verdediging, Nosiviwe Mapisa Nqakula ontmoet, wat die soldate besoek het. Hy het die Suid-Afrikaanse soldate bedank vir hulle bydra om lewens te red, en het hulle as dapper en professioneel bestempel.

Intussen het Kongolese regeringsoldate die oostelike grensdorp, Bunagana ingeneem terwyl die meeste M23-rebelle padgegee het.

Dit was die laaste belangrike DRK-dorp waarvan hulle in beheer was. Dit was ook die eerste plek wat die rebelle verlede jaar ingeneem het.

Die oorname van die regering en VN se gesamentlike mag in die land, is die jongste sukses wat behaal is in die 20-maandlange rebellie.

Denel kry multimiljardrandkontrak vir Badger-pantser

‘n Multimiljardrandse kontrak is deur Krygkor aan die wapenvervaardiger Denel toegeken vir die bou van 200 gepantserde militêre voertuie.

Dit sal die Ratel vervang wat nou al 30 jaar oud is. Die weermag het nie soos die vloot en lugmag gebaat by die omstrede wapentransaksie nie.

Die Hoefysterprogram is daarop gemik om 8-wiel voertuie in die 25 ton-klas te vervaardig. Die voertuig, is soos sy voorganger, uiters rats en taai en kan 12 man dra.

Die twee partye sê die 8×8 Badger is die beste voertuig in sy soort en sal bydra tot die modernisasie van die Nasionale Weermag.

BAE Systems Land Systems SA het voorgestel dat die Badger laat vaar word ten gunste van die nuwe generasie RG4. Die RG41 voldoen aan mobiliteits-, beskermings- en vuurkragbehoeftes, en die nodige gevegskrag, sê kritici.

Die maatskappy in Benoni het honderde RG31 voertuie vir die Amerikaanse gewapende magte gebou en honderde miljoene dollars daaruit verdien.

Terwyl die RG31 voertuig gewild is by die Amerikaanse departement van verdediging, voldoen die BAE RG41 voertuig nie aan die Suid-Afrikaanse Weermag se spesifikasies nie. Die Suid-Afrikaanse voertuig gebruik ‘n Finse ontwerp wat aangepas is vir plaaslike toestande.

Krygkor en Denel sê Suid-Afrikaanse se troepe-ontplooiing in die Demokratiese Republiek van die Kongo het opnuut die klem geplaas op weerbare slagveldmobiliteit, wat die Badger sal kan verskaf.

Die uitvoerende hoof van Denel, Riaz Saloojee, sê dit is die grootste kontrak met ‘n Suid-Afrikaanse maatskappy die afgelope tien jaar.

SANW ontken gewonde in jongste M23-aanval

Honderde Kongolese burgers is in oproer ná buitelandse ingryping in hul land.

Ontstoke inwoners het in die strate van Goma ingevaar om protes teen die voortgesette gevegte tussen hul weermag en die rebelle aan te teken.

‘n Reuters-ooggetuie het vier liggame gesien – ‘n vrou en drie kinders – en ‘n inwoner van Ndosho Charles Paluku aangehaal deur die nuusagentskap AFP, het gesê ‘n mortier het in die gebied geland.

Die slagoffers van Saterdag se stryd, die VN, en die naburige Rwanda ruil beskuldigings uit oor wie verantwoordelik is.

Die slagoffers is dood toe ‘n woongebied oor die naweek onder mortiere deurgeloop het.

Sommige inwoners pak die skuld op die Verenigde Nasies se vredesmag wat met offensiewe operasies op die M23-rebelle in die omgewing begin het.

Die VN het vroeër bekend gemaak dat ‘n Suid-Afrikaanse soldaat saam met twee Tanzaniese soldate naby Goma gewond is.

‘n Woordvoerder van die Verenigde Nasies-mag, Monusco, het die mortieraanval van M23-rebelle op hul opstelling bevestig.

Die SANW ontken dat Suid-Afrikaanse soldate by enige onlangse skermutselings gewond is of betrokke was.

SA ontplooi soldate in DRK na Veiligheidsraad se goedkeuring

Suid-Afrikaanse soldate gaan in die suide van die Demokratiese Republiek van die Kongo ontplooi word nadat die hoof van die Verenigde Nasies se missie in die DRK die beskerming van burgerlikes beveel het.

Die ontplooiing is deur president Jacob Zuma goedgekeur. Zuma het gister in Angola aangekom om vredespogings met die president van die DRK, Joseph Kabila, te bespreek.

Die minister van verdediging, Nosiviwe Mapisa Nqakula, het bevestig dat die ontplooiing ook deur die VN-Veiligheidsraad goedgekeur is.

Die hoof van die VN-missie, bekend as MONUSCO, sê daar is direkte aanvalle op bewoonde gebiede en VN-posisies in Goma. Hy sê die ontplooiing is genoodsaak nadat hernieude gevegte tussen die Kongolese weermag en die M23-rebelle uitgebreek het.

Vroeër vanjaar is 14 Suid-Afrikaanse soldate doodgeskiet en 27 gewond in gevegte tussen Suid-Afrikaanse soldate en rebelle in die Sentraal Afrikaanse Republiek.

Nosiviwe Mapisa Nqakula het aan die SAUK gesê indien Suid-Afrika nie ingryp nie, sal talle vlugtelinge uit die DRK oor die grense stroom na Suid-Afrika.

Zille storm uit vergadering oor SANW nie ontplooi word

Die emosionele uitbarstings van die Wes-Kaapse premier, Helen Zille is al bekend agv haar energieke Twitter-vingers.

Zille het Donderdag weer vir ongelukkigheid gesorg nadat sy uit ‘n vergadering met die minister van polisie Nathi Mthethwa gestorm het. Die vergadering is belê om hernude bendegeweld te bespreek op die Kaapse Vlakte.

Mthethwa se woordvoerder, Zweli Mnisi, het gesê Zille het die vergadering vroeg verlaat, met die verskoning dat sy ‘n afspraak met die minister van menslike nedersettings Connie September het.

“Die minister was hier teen 10:30 vir die geskeduleerde vergadering om 11:00. Maar ons moes lank wag vir die premier om te kom,” het hy gesê.

Die vergadering is belê nadat Zille ‘n ope brief aan die minister van polisie gerig het waarin sy vra dat die SANW ontplooi word in warm kolle soos Manenberg.

By die vergadering het Mthethwa gesê dat sosio-ekonomiese toestande op die Kaapse Vlakte agter die geweld sit en dit moet verbeter word.

Maar Zille het haarself glo gewip en gesê troepe moet dadelik ingeroep word om die strate te patrolleer.

Zille het haarself skielik verskoon om blykbaar vir September te gaan ontmoet. Mthethwa en sy amptenare moes daarna ontdek dat sy by inligtingsessie joernaliste by die parlement toegespreek het.

Zille se woordvoerder, Zak Mbhele, het ontken sy Donderdagmiddag uit die vergadering gestorm het. – timeslive.co.za

Wapenaankope was vermorsing van belastinggeld

“Die Weermag se Strategiese Wapenaankope-pakket wat die belastingbetaler op die einde basies R70 miljard gekos het, was ‘n vermorsing van belastingbetalers se geld. Suid-Afrika het miljarde rande se nuwe wapentuig aangekoop, maar beskik nie oor die finansies en mannekrag om dit operasioneel ten volle aan te wend nie.

“Hoogs gesofistikeerde wapentuig soos die Gripen-vegvliegtuie is aangekoop, maar daar is nie geld om bestaande vegvliegtuie en helikopters te laat vlieg nie. Ons het duikbote aangekoop, maar net een is operasioneel en een is sedert 2006 in die droogdok vir onderhoud. Die regering moet volle verantwoording hiervoor aanvaar,” sê mnr. Pieter Groenewald, hoofwoordvoerder vir Verdediging van die Vryheidsfront Plus.

“Ek het reeds van 2002 die regering gewaarsku dat indien die regering ernstig is dat die Lugmag sy funksie behoorlik moet kan uitvoer, sal hy daadwerklik aandag moet gee aan die begroting van die SANW en veral die Lugmag.

“In 2008 het die destydse minister, Mosiuoa Lekota, op ’n vraag van my erken dat die Lugmag toe reeds 91 vegvlieëniers en 822 tegnici verloor het en ’n finansiële tekort het (sien onderstaande verklaring en antwoord). Niks is daaraan gedoen nie en nou sit ons met die krisis en word duur wapentuig eintlik nutteloos. Die regering het dit willens en wetens toegelaat en is daarom ten volle verantwoordelik,” het Groenewald gesê.

Heli’s, Gripens nuttelose, duur hardeware

Nie een van die lugmag se 18 Agusta A109-helikopters vlieg nie meer nie, want daar is nie geld om hulle operasioneel te gebruik nie, het Beeld Woensdag berig.

Daar is net genoeg geld sodat hulle af en toe aangeskakel kan word, maar hulle styg nooit op nie.

Die gevolg is dat vlieëniers en die helikopters hul bevoegdheid sowel as nut gaan prysgee.

Tesame met die lugmag se 26 Gripen-vegvliegtuie, wat byna ongebruik staan, beteken dit dat ’n tweede groep vliegtuie wat aangekoop is ingevolge die multimiljardrand-wapentransaksies ’n paar jaar gelede, nou in onbruik verval het.

Die situasie lyk beroerd, soos dit uit onlangse vertroulike inligting oor die stand van helikopteroperasies in die lugmag blyk.

Dit geld ook nie net die A109’s nie, maar ál die helikopteroperasies wat weens ’n begroting-snit van 60% veroorsaak dat daar landwyd gedeeltes van die lugmag “geamputeer” moet word, het een senior offisier aan Beeld gesê.

Helmoed-Römer Heitman, militêre kenner, het in reaksie gesê die lugmag – soos die hele weermag – ly onder die regering se besluiteloosheid oor wat van die weermag verwag word.

“’n Lugmag sonder vegvliegtuie is ’n dead duck in Afrika se militêre konteks. ’n Weermag sonder helikopters en transportvliegtuie is ’n dinosourus in ’n moeras. ’n Leër sonder aanvalshelikopters en taktiese transporthelikopters is ’n lame duck. ’n Vloot sonder skeepshelikopters en maritieme patrollievliegtuie is blind,” het Heitman ontstoke gesê.

Volgens die koerant het die weermag nie op versoeke vir kommentaar gereageer nie.

Die Suid-Afrikaanse Nasionale Weermag (SANW) weier om kommentaar te lewer oor bewerings dat sy 18 Agusta A109-helikopters weens ‘n geldtekort nie vlieg nie.

“My kommentaar is baie duidelik: ons bespreek nie operasionele aangeleenthede nie en [die verdedigingsmag se] toestand van gereedheid nie,” het die woordvoerder Siphiwe Dlamini gesê. – Sapa

Kongolees duik op in SA vloot

Die Nasionale Weermag het bewerings verwerp dat hy doelbewus beplan het om ‘n buitelander te werf.

Die Suid-Afrikaanse Veiligheidsmagte-unie (SASFU) het sy skok uitgespreek dat ‘n Kongolese burger in die geledere van die SANW dien in die elite duikbootvloot van die SA Vloot. Dit is teen die agtergrond van ‘n hoë werkloosheidsyfer onder die jeug en die xenofobiese aanvalle het die unie in ‘n verklaring gesê.

“Die indiensneming van buitelanders in die SANW is ‘n bedreiging vir nasionale veiligheid want dit het ‘n potensiaal dat infiltrasie deur buitelanders bevorder word in die leierskap van die SANW en kan dalk selfs tot ‘n staatsgreep lei teen die demokraties verkose regering van Suid-Afrika.”

Die unie het ‘n beroep op pres. Zuma en die Kabinet gedoen om die Vloot te beskerm, “beide struktureel en filosofies om die identiteit van ‘n soewereine en demokratiese staat te bewaar en Suid-Afrika se vrede met sy bure te waarborg”.

Die buitelander is gekoppel aan magte wat vir en teen die Kabila-regering is, wat uiters problematies is, het die unie gewaarsku.

Die Weermag het ontken dat die Kongolese burger reeds aan boord van ‘n Vlootduikboot diens doen.

Die Weermag het gereageer op opmerkings deur die Suid-Afrikaanse Veiligheidsmagte -Unie, SASFU, wat die werwing van die Kongolees skerp veroordeel het.

Die Weermag sê die Kongolese burger se ouers woon in Suid-Afrika en hulle beskik oor Suid-Afrikaanse ID-dokumente en ‘n verblyfpermit.

Volgens RSG se redaksie het die Weermag gesê die seun was tydens ‘n werwingsproses by ‘n hoërskool in KwaZulu-Natal deel van ‘n groep leerders wat gewerf is.

Die leerder het ook ander toetse geslaag waarna daar vasgestel is dat hy nie ‘n Suid-Afrikaanse burger is nie.

Daar word tans stappe gedoen dat hy hom as kandidaat onttrek.

Soldate wil weer betoog

Soldate berei voor om aanstaande maand voor die Uniegebou in Pretoria te betoog en ‘n memorandum te oorhandig, het die Suid-Afrikaanse Veiligheidsmagtevakbond (Sasfu) gister in Pretoria gesê.

Sasfu se Gautengse voorsitter Mfazwe Plaatjie het gesê die unie beplan ook regstappe teen die minister van verdediging en oorlogsveterane Lindiwe Sisulu omdat sy honderde soldate op spesiale verlof hou.

Hy het gesê dat die soldate op spesiale verlof geplaas is en nie gewerk het sedert die SA Nasionale Weermag (SANW) hulle geïdentifiseer het as deelnemers aan ‘n optog in Augustus 2009 nie, toe die polisie rubberkoeëls gebruik het om die soldate uiteen te jaag.

“Hulle betaal mense om by die huis te sit en niks te doen nie. Dit is ‘n vermorsing van belastingbetalers se geld en dit is teen ‘n hofbevel,” het hy gesê.

Kort ná die optog, het die SANW briewe gestuur aan sowat 1 500 soldate. Hulle is afgedank, tensy hulle in staat was om te verduidelik waar hulle hul op 26 Augustus 2009 bevind het.

Op 9 September het die Noord-Gautengse Hooggeregshof in Pretoria bevind dat hulle heraangestel moet word met volle voordele.

Plaatjie sê die meeste is op spesiale verlof geplaas en hy glo ongeveer 200 werk steeds nie.

Interdik

‘n Woordvoerder van die ministerie van verdediging Ndivhuwo Ha Wa Mabaya het gesê: “Sasfu het sl dikwels voorheen gesê dat hulle ‘n optog wil hou. Ek kan nie kommentaar lewer op bespiegelings nie…”

Maar Plaatjie meen die regering is bewus van die beplande opmars op 23 Oktober.

“Hulle is nou daarvan op hoogte, en as hulle daarmee wil ophou, moet hulle dit nou doen, sodat ons onsself in die hof kan verdedig,” het hy gesê, en daaraan toegevoeg dat die regering vir ‘n paar weke van die betoging op 26 Augustus bewus was.

“Daar is geen behoefte aan ‘n dringende interdik nie. Ons gee hulle vooraf kennisgewing van die optog,” het hy gesê.

Hy meen dat afgesien van hul eis vir die herindiensneming van soldate wat nog steeds op spesiale verlof verkeer, eis die vakbond dat die minister die militêre bedingingsraad moet gebruik om die soldate se klagtes aan te hoor.

Hy het gesê die raad is ‘n legitieme liggaam wat deur die regering in Augustus 1999 gestig is toe dit in die Staatskoerant gepubliseer is.

Hy het gesê die laaste keer dat vakbonde met ‘n minister van verdediging of sy verteenwoordiger ontmoet het, was Mosiuoa Lekota in 2007.

Sasfu ook ‘n beroep op die SANW gedoen om die teistering van vakbondlede te staak en om die vergoeding van alle soldate te verbeter, insluitende behuisingstoelaes.

Spioene

Die vakbond vereis ook die vinnige transformasie van die SANW.

Plaatjie sê dit sluit in die onthulling van die name van die voormalige vryheidsvegters wat vir vir die apartheidsregering gespioeneer het en ‘n hersiening van militêre vaardigheidsontwikkelingskontrakte, op grond waarvan jongmense vir ‘n tydperk van twee jaar gewerf is.

Hy het gesê dat diegene wat aangemeld het in die gebruik van wapens opgelei is, maar het geen ander vaardighede na twee jaar nie. Hy het gesê dat die kontrakte vir ‘n langer tydperk behoort te geld.

“Jy loop gevaar om misdadigers en mense wat net weet hoe om te skiet, los te laat. Hulle het ander vaardighede nodig voordat hulle uitklaar,” sê Plaatjie.

Hy het ook ‘n versoek aan Sisulu gerig om die tussentydse verslag van die militêredienskommissie vry te stel.

Die kommissie is gestig nadat die optog in Augustus 2009 plaasgevind het, maar tot op hede is sy verslag nog nie bekendgemaak nie.

“Ons sou graag wou weet wat dit sê. Hierdie verslag kos belastingbetalers geld. Suid-Afrikaners sou graag wou weet wat dit sê,” meen Sasfu se adjunkpresident Charles Jacobs.free slot games

Belgiese burger tydens plaasmoord keelaf gesny

Die Christen-Demokratiese Alliansie (CDA) het sy skok en afgryse oor die reeks van vyf plaasmoorde in Februarie in Limpopo uitgespreek, wat nou ook die barbaarse wrede moord op ‘n Belgiese burger, Etienne Cannaerts, ingesluit het. Cannaerts is vasgebind en keelaf gesny.

“Ons harte gaan uit na die naasbestaandes van al die slagoffers, en ook aan die regering en mense van België,” sê ds. Theunis Botha, leier van die Christen-Demokratiese Party (CDP) en waarnemende voorsitter van die CDA.

“Ons neem met kommer kennis dat die SANW met verminderde mannekrag op 1 April die grensbeveiliging by die SAPD oorneem, en dat sommige grense soos dié van Lesotho en Botswana eers oor ‘n paar jaar aan die beurt kom. Dit stuur ‘n heeltemal gebrekkige boodskap van die land se erns om sy burgers te beskerm uit, omdat baie plaasmoorde deur burgers van buurlande gepleeg word wat onwettig in die land is. Daarbenewens loop Vrystaatse boere nie net onder plaasmoorde deur nie, maar ander misdaad soos vee- en weidingdiefstal.

“Ons herinner dat die swart strikkie in ons mashoof vir nuusverklarings oor misdaad, ons meegevoel en gebede met alle misdaadslagoffers in Suid-Afrika en hul naasbestaandes verteenwoordig.”

casino games play

SANW laat rooi ligte flikker

Die onwettige SANW-betoging op Woensdag 26 Augustus, is kommerwekkend. 'n 'Weermag' wat die staatsgesag (wat hy veronderstel is om te beskerm) uitdaag, laat rooi ligte flikker. En dit nogal teen 'n Hooggerregshofbevel. Om nie te praat van die ongelooflike gebrek aan dissipline nie – waar was die militere polisie?

Gelukkig is dit nie soldate in die ware sin van die woord wat die Uniegebou bestorm het nie; die SANW se MK-kern se "krygsondervinding" is beperk tot lafhartige sluipaanvalle op sagte, nie-terugvegtende teikens. Toe die handjie vol SAPD-lede op hulle skiet, het hulle weggehol soos wat mens sou kon verwag.

Dit word al duideliker dat die SANW 'n Vigs-besmette, ongedissiplineerde gewapende gepeupel is wat nie die naam van weermag werd is nie.

купить готовую баню

Polisie gaan soldategeweld ondersoek

Die polisie skiet met rubberkoe?ls op die weermag

Die polisie ondersoek die onwettige betoging deur soldate by die Uniegebou wat gister gewelddadig geraak het toe honderde lede van die getransformeerde SANW (SA Nasionale Weermag) chaos gesaai het.

Die minister van polisie, Nathi Mthethwa het in 'n verklaring die geweld "sterk veroordeel".

"Terwyl lede van die SANW het die reg om vrylik te vergader en te betoog, maar daar kan geen regverdiging vir hul gedrag wees wat hul status as beskermers van die nasie weerspreek nie," het Mtethwa gesê.

'n Loonbetoging van ongeveer 1 000 soldate, wat almal lede van die SA Nasionale Weermagvakbond is, het in chaos verval toe die groep gepoog het om op die perseel van die Uniegebou te kom.

Die polisie het rubberkoeëls en traangas gebruik om die skare uiteen te jaag. Die soldate het die polisie uitgejou, 'n petrolbom op 'n motor gegooi en ander motors gevandaliseer.

Methethwa het gesê hy het die staking met die minister van verdediging en oorlogsveterane, Lindiwe Sisulu, bespreek en dat 'n ondersoek aan die gang is.

Diegene wat aan wetsoortredings skuldig bevind word, sal gestraf word, het hy gesê.