Die Nasionale Weermag het bewerings verwerp dat hy doelbewus beplan het om ‘n buitelander te werf.
Die Suid-Afrikaanse Veiligheidsmagte-unie (SASFU) het sy skok uitgespreek dat ‘n Kongolese burger in die geledere van die SANW dien in die elite duikbootvloot van die SA Vloot. Dit is teen die agtergrond van ‘n hoë werkloosheidsyfer onder die jeug en die xenofobiese aanvalle het die unie in ‘n verklaring gesê.
“Die indiensneming van buitelanders in die SANW is ‘n bedreiging vir nasionale veiligheid want dit het ‘n potensiaal dat infiltrasie deur buitelanders bevorder word in die leierskap van die SANW en kan dalk selfs tot ‘n staatsgreep lei teen die demokraties verkose regering van Suid-Afrika.”
Die unie het ‘n beroep op pres. Zuma en die Kabinet gedoen om die Vloot te beskerm, “beide struktureel en filosofies om die identiteit van ‘n soewereine en demokratiese staat te bewaar en Suid-Afrika se vrede met sy bure te waarborg”.
Die buitelander is gekoppel aan magte wat vir en teen die Kabila-regering is, wat uiters problematies is, het die unie gewaarsku.
Die Weermag het ontken dat die Kongolese burger reeds aan boord van ‘n Vlootduikboot diens doen.
Die Weermag het gereageer op opmerkings deur die Suid-Afrikaanse Veiligheidsmagte -Unie, SASFU, wat die werwing van die Kongolees skerp veroordeel het.
Die Weermag sê die Kongolese burger se ouers woon in Suid-Afrika en hulle beskik oor Suid-Afrikaanse ID-dokumente en ‘n verblyfpermit.
Volgens RSG se redaksie het die Weermag gesê die seun was tydens ‘n werwingsproses by ‘n hoërskool in KwaZulu-Natal deel van ‘n groep leerders wat gewerf is.
Die leerder het ook ander toetse geslaag waarna daar vasgestel is dat hy nie ‘n Suid-Afrikaanse burger is nie.
Daar word tans stappe gedoen dat hy hom as kandidaat onttrek.
Hoe kry hy ‘n Id van die RSA as hy nog nie ‘n burger is van ons land nie?
Hoe het die swartmense gestem voor hulle burgerskap gehad het in Suid Afrika
Hulle het ‘n kruisie gemaak.
Jy seg: Die elite duikboot eskader van die SA Vloot. Jy bedoel seker die destydse elite eskader?
Matt jy was deel van hierdie elite eskaker? Julle kan met trots
terug dink en onthou van toe die vloot funksioneel op die hoogste vlak was. My
seun het sy militere diens gedoen op die – as ek reg onthou die Drakensberg as
kapelaan, hy was sopas afgestudeer. Jy sal weet hulle het n ander boot ontmoet
in die yswereld. Hoekom wou hy nooit se nie.
Die SA Vloot van destyds het verskeie buitelanders ingespan om ons op te lei in die wapentuig wat ons aangeskaf het. Vandaar ons suksesse om hierdie vaartuie doeltreffend aan te wend.
Stappe word gedoen. Stappe word nie geneem nie.
Is Dieter Gerhardt nie dalk ook terug nie?
Die Kongolees is sweerlik net die periskoop van ‘n spioenasienetwerk wat besig is om sy kop in die vloot uit te steek
Watse vloot???