Suid-Afrikaanse soldate gaan in die suide van die Demokratiese Republiek van die Kongo ontplooi word nadat die hoof van die Verenigde Nasies se missie in die DRK die beskerming van burgerlikes beveel het.
Die ontplooiing is deur president Jacob Zuma goedgekeur. Zuma het gister in Angola aangekom om vredespogings met die president van die DRK, Joseph Kabila, te bespreek.
Die minister van verdediging, Nosiviwe Mapisa Nqakula, het bevestig dat die ontplooiing ook deur die VN-Veiligheidsraad goedgekeur is.
Die hoof van die VN-missie, bekend as MONUSCO, sê daar is direkte aanvalle op bewoonde gebiede en VN-posisies in Goma. Hy sê die ontplooiing is genoodsaak nadat hernieude gevegte tussen die Kongolese weermag en die M23-rebelle uitgebreek het.
Vroeër vanjaar is 14 Suid-Afrikaanse soldate doodgeskiet en 27 gewond in gevegte tussen Suid-Afrikaanse soldate en rebelle in die Sentraal Afrikaanse Republiek.
Nosiviwe Mapisa Nqakula het aan die SAUK gesê indien Suid-Afrika nie ingryp nie, sal talle vlugtelinge uit die DRK oor die grense stroom na Suid-Afrika.
Hoe veilig voel ek nou!!
Mugabe en die ou in ons Kabinet se diamantvelde gaan nou baie veilig wees.
Ons weerloosmag moet net oppas vir die 11 jarige “soldate” hulle maak gewoonlik so om en by 14 van die beste soldate dood.
Die Staatspresident van ‘n land stuur onopgeleide werklose mense wat nie eers die grense van hulle eie land van volksvreemds wat inkom kan keer nie, om die president se sake belange te gaan beskerm? In die proses dood geskiet gaan word omdat hulle nie opgelei is vir die taak nie.
Hier kom weer ‘n hele spul staatsbegrafnisse. Wat kan verwag word as daar nie eers ‘n behoorlike “raw call” gedoen word en bevelstruktuur weet nie wat op grondvlak aangaan nie. Pateties!