‘n Bejaarde man is Sondagoggend met ‘n skêr in sy oog en rug gesteek toe hy en sy vrou deur twee swart verdagtes op hul plaas in Noordwes aangeval is.
Johannes Haasbroek (73) en sy vrou het albei in hul plaashuis op die plaas Friedslard in Ganyesa geslaap toe die aanval gebeur het.
Noordwes polisiewoordvoerder, Kealeboga Molale, het gesê twee swart verdagtes het deur toegang tot die huis deur ‘n venster verkry. Die verdagtes het ‘n pistool en twee selfone gesteel voordat hulle op die vlug geslaan het.
Volgens Molale het die polisie die verdagtes se spoor gevolg tot by ‘n veepos in Cassel, waar hulle die mans, onderskeidelik 27 en 28 jaar oud, aangekeer het.
Die verdagtes sal na verwagting vandag in die Ganyesa-landdroshof verskyn.
Verskeie afgevaardigdes van die Pan-Afrika Parlement is buite hul hotel in Midrand beroof, het die Gautengse polisie gesê.
Hulle is Vrydagaand aangeval terwyl hulle in hul pendelbus oppad van die lughawe hotel toe gereis het, het polisiewoordvoerder Lungelo Dlamini in ‘n verklaring gesê.
Die polisie is op soek na sekuriteitsbeeldmateriaal om die verdagtes te probeer identifiseer.
Niemand is beseer nie.
Die busbestuurder, Thandazani Mabuza, het aan die uitsaaier eNCA gesê toe hy sy venster oopmaak om ‘n kaart van die sekuriteitswag by die Protea Hotel Midrand se ingang te kry, is hy aangehou.
“Daar was twee mans, met ‘n geweer op my gerig. Hulle het die sleutels vir die motor gevra en toe sê hulle: ‘Waar is die geld? Waar is selfone?’Toe het hulle begin om almal te deursoek in die voertuig.”
Hulle het handbagasie met kontant, selfone, en paspoorte gesteel.
Die afgevaardigdes was van die Kaap Verde, Ethiopië, Ghana, Benin, Mosambiek en die Verenigde Koninkryk.
Die hoof van die Vrystaatse departement van Openbare Werke sterk aan by die huis nadat hy en sy vrou met vuurwapens aangehou en vasgebind is tydens ‘n gewapende roof en kaping.
Maditse Seoke en sy vrou is Dinsdagaand by hulle huis in Pellissier aangehou en geroof. Die twee is met toue binne hulle motor vasgemaak.
Die LUR vir polisie, paaie en vervoer, Butana Komphela, sê die polisie is glo op die spoor van vier verdagtes wat na verwagting binnekort in hegtenis geneem sal word.
Komphela sê die voertuie van die egpaar is ook teruggevind.
Mondli Mvambi, provinsiale regeringswoordvoerder, sê Seoke bly tans tuis.
’n Amerikaner is gister in die vroeë oggendure by sy huis op Otjiwarongo doodgeskiet, het die Republikein berig.
Volgens die polisie se woordvoerder in die Otjozondjupastreek, ao. Maureen Mbeha, het die voorval tussen Sondagaand en die vroeë oggendure gister plaasgevind toe die 56-jarige Amerikaner ondersoek gaan instel het nadat daar by sy bakkie ingebreek is.
“Hy is op ’n kort afstand in sy voorkop en onder sy ken deur ’n onbekende aanvaller doodgeskiet,” het Mbeha gesê en bygevoeg dat die oorledene se identiteit nie bekend gemaak kan word voordat sy naasbestaandes is nie van sy dood ingelig nie. Volgens Mbeha het die verdagte die Amerikaner se Ford Ranger-bakkie, wat buite sy huis geparkeer was, se linkervoorvenster met ’n baksteen uitgeslaan. Sy sê nadat die voertuig se venster uitgeslaan is, het die verdagte die linkervoordeur oopgemaak en die alarm het afgegaan.
“Dit word vermoed dat die Amerikaner deur die bakkie se alarm wakker gemaak is en twee skote deur sy kamervenster geskiet het om die verdagte op die vlug te laat slaan,” het Mbeha verduidelik.
“Omdat die deur van die voertuig steeds oop was, word vermoed dat die Amerikaner uit sy huis gegaan het om die bakkie se deur toe te maak, maar die verdagte moes iewers weggekruip het en toe op ’n kort afstand twee skote na hom gevuur het.”
Volgens Mbeha het die Amerikaner op sy maag geval en hy is op die toneel oorlede. Sy pistool het langs hom gelê, met sy bakkiesleutels in sy regterhand.
Niemand is nog in dié verband in hegtenis geneem nie en die polisieondersoek duur voort.
Die Amerikaner, ’n meganiese ingenieur, het sy eie onderneming op die Noordedorp besit en het regeringsvoertuie herstel.
Volgens inwoners het die oorledene meer as agt jaar op Otjiwarongo gewoon.
Owerhede in Frankryk sê 54 verskillende sake is geopen in verband met voorvalle waar terreur glo goedgepraat word ná verlede week se terreuraanvalle in Parys, maar nie een van die 54 mense is gekoppel aan die aanvalle nie.
Dit laat die vermoede ontstaan dat Francois Hollande se Sosialistiese regering basies regte en vryhede verontagsaam eerder as om vryheid van spraak te verdedig soos hulle wil voorgee met Charlie Hebdo.
Onder diegene wat aangehou word is Dieudonne, ‘n gewilde, maar omstrede swart komediant.
Hy het grappe gemaak oor die gewapende man wat ‘n polisievrou doodgeskiet het, asook die supermark-aanval waarin vier mense dood is en is in hegtenis geneem op aanklagte van “verdediging terrorisme.”
Dieudonne wat ‘n politieke loopbaan in die oog gehad het, is veral gekant teen wat hy as die Joodse invloed in Frankryk beskou.
Die oënskynlik kriminele stelling wat hy op Facebook gepos het, lui: “Vanaand, wat my betref, voel ek soos Charlie Coulibaly.”
Al-Qaeda in die Arabiese Skiereiland het Woensdag verantwoordelikheid vir die Charlie Hebdo-aanval in Parys verlede week aanvaar.
Die senior leier in Jemen het in ‘n video op YouTube aanspreeklikheid aanvaar vir die aanval waartydens 12 mense dood is.
Nasr al-Ansi, ‘n prominente bevelvoerder in die Arabiese Skiereiland sê die aanval is beplan in opdrag van die hoof van al-Kaïda, Ayman al-Zawahri.
In ‘n boodskap aan alle Franse aanklaers en regters, het die Franse ministerie van justisie intussen verduidelik waarom diegene wat die Parys-terreuraanvalle goedpraat sowel as diegene wat verantwoordelik is vir “rassistiese” of “anti-Semitiese woorde of dade”, aangehou en aangekla moet word. Islam word nie een keer in die boodskap genoem nie.
Die ministerie van justisie het gesê die 54 mense, waaronder vier minderjariges is reeds skuldig bevind onder dié spesiale maatreëls vir onmiddellike vonnisoplegging.
Aanhitsing van terrorisme kan vyf-jaar tronkstraf – of tot sewe jaar vir die aanhitsing van terrorisme aanlyn – beteken.
Die Franse president, Francois Hollande het intussen vanaf ‘n Franse kernvliegdekskip, die Charles de Gaulle, gesê die “situasie regverdig ons vliegdekskip se teenwoordigheid”.
Die regering het hul aanvalle op spraakvryheid verdedig en voorts gesê nuwe wette oor selfoonmeeluistering en ander intelligensiemaatreëls sal binnekort afgekondig word om “terrorisme te beveg”.
‘n Franse regeringswoordvoerder Stephane Le Foll het gesê ‘n projek om Frankryk se onderwysstelsel, stedelike beleid en integrasiemodel, te heroorweeg word ook in die vooruitsig gestel om die dieper probleme oor “ongelykheid”, veral by behuisingsprojekte, aan te spreek.
Alhoewel die Jemeense militante sê die aanval op die kantoor van die Charlie Hebdo was uit “wraak vir die profeet”, sê Amerikaanse intelligensie-amptenare hulle het geen bewyse dat AQAP die aanval gekoördineer het of geweet het daarvan voor die tyd nie.
Die amptenare het op voorwaarde van anonimiteit met Kanada se CBC News gepraat, want hulle was nie gemagtig om geklassifiseerde sake in die openbaar te bespreek nie.
Die Franse polisie ondersoek ook tien aanvalle op moskees sedertdien.
Die skok in Frankryk na Woensdag se dodelike aanval is enorm. Dit is, na alles, die mees moorddadige aanval op Franse bodem sedert die tyd van die koloniale oorlog in Algerië meer as 50 jaar gelede.
Twee van die slagoffers – Georges Wolinski en Cabu – is reeds jare bekend vir hul spotprente. Hul werk is al deur miljoene gadegeslaan, veral op televisie waar Cabu groot bewondering afgedwing het met spotprente wat hy tydens ‘n lewendige uitsending van ‘n gewilde politieke debatsprogram gemaak het. Wolinski het die Legion d’Honneur ontvang vir sy erotiese tekeninge.
Die staatsleiers se emosionele reaksie was vervat in die oproep tot eenheid. President Francois Hollande het dieselfde dag ‘n oproep om Franse eenheid gedoen want “ons beste wapen is dat niks ons kan verdeel nie…”
Maar net ure vroeër het ‘n Franse vrou van Arabiese afkoms in trane op TV gekla dat almal in haar kantoor haar dieselfde middag verdag aangegluur het.
En die ander giftige feit is dat ‘n Charlie Hebdo-joernalis, ‘n oorlewende van die aanval, berig het dat die moordenaars vlot Frans gepraat het.
Binne ure het die ongewilde Sosialiste met hul vrome oproepe tot eenheid, egter hul weg oopgesien om die aanval op die mees siniese wyse vir politieke doeleindes te ontgin, en die regses van “haat” beskuldig. Vingers is gewys na kritici van Islamitiese fundamentalisme maar nie na die fundamentaliste nie.
Die weeklikse satiretydskrif publiseer gereeld spotprente wat veral spot met die profeet Mohammed en Christene.
Dit het gelei tot dreigemente, ‘n petrolbomaanval in 2011, die behoefte aan voltydse polisiebeskerming en selfs harde woorde van die Franse minister van buitelandse sake wat verklaar het dat dit nie intelligent van die tydskrif is om “olie op die vuur te gooi nie”.
Charlie Hebdo het hom natuurlik geïgnoreer. Hierdie week se uitgawe het op sy voorblad ‘n spotprent oor Soumission, die omstrede nuwe roman deur Michel Houellebecq wat pas eergister (7 Januarie) verskyn het.
Soumission (Onderwerping) se verhaal is eenvoudig: Net ‘n paar jaar van nou af verkies Frankryk ‘n Moslempresident in ‘n poging om die “verregse”, anti-immigrasie-Front National van Marine Le Pen te verhoed om aan die mag te kom.
Kritici het die boek geloof wat ‘n nagmerrie-scenario uitbeeld wat dikwels deur die Front National self geskets word.
Maar Sosialiste is woedend oor die boek. Hulle meen dit verteenwoordig ‘n geskenk, aan die Front National se leier Marine Le Pen.
Die moorddadige aanval op Charlie Hebdo is in Frankryk se geval ‘n verdere polarisering tussen ‘n groeiende Moslembevolking van meer as vyf miljoen mense en ‘n toenemend invloedryke regse party wat immigrante as die bron van die land se probleme uitwys.
Frankryk is nie alleen nie. Langsaan is Duitsland waar die regering van Angela Merkel met konsternasie die groterwordende anti-Islamitiese optogte wat oral in die land die afgelope week plaasgevind het, dophou.
Duitsland het ‘n soortgelyke groot Moslem-bevolking, wat hoofsaaklik uit Turke saamgestel is.
Hul kinders is nou burgers van ‘n land wat ook nie wil buig voor hul godsdiensvoorkeure nie.
In nog ‘n voorval van guerilla-oorlog op straat, is die oud-Springbok Hannes Strydom eergister op straat in Waterkloofrif deur ses motorkapers met ‘n rots aangeval. Onlangs is mev. Irene Myburg vermoor toe ‘n groot klip vanaf ‘n snelwegbrug af gegooi is. Die klip het deur die motorruit gedring, haar op die keel getref en sy is op slag dood.
Volgens berigte het mnr. Hannes Strydom, 49, hard op hulp geskree en ook die Here aangeroep, “God, help my! God, help my!” Hierna het sy aanvallers weggehardloop.
Hy is egter erg in die aanval beseer en is tot gister nog in die intensiewesorgeenheid van die Little Company of Mary-hospitaal in Pretoria behandel.
Vanuit sy hospitaalbed vertel Hannes Strydom:
“Ek was so rondom 15:00 op pad na een van my apteke in Irene toe ek drie mans voor my in die straat sien staan. Een het aangedui ek moet stop en ek het gedink iets is fout en het stadiger gery.
“Die volgende oomblik het ’n klip so groot soos ’n rots deur die venster aan die passasierskant gevlieg. Die tweede klip het my aan die linkerkant teen die kop getref.”
Hannes Strydom in sy rugbydae
Ten spyte van sy beserings, het hy hom teen die ses motorkapers verset en hulle met die vuis toegetakel. Hy is egter wel met ‘n skroewedraaier en ‘n mes onder sy regterblad gesteek. Ook is sy skedel rondom sy linkeroogkas gekraak waar die rots hom getref het.
Die voorval het in Ariesstraat, Waterkloofrif, plaasgevind. Die ses kapers is met sy motorsleutels vort maar het die motor na die vuisgeveg gelos.
Strydom sê: “Ek het al erger gelyk op die rugbyveld, maar ek wil asseblief nie afgeneem word nie. My gesig lyk erger as wat dit voel.”
Hy was lid van die Springbokrugbyspan wat in 1995 die Wêreldbeker gewen het, asook van die Goue Leeusspan wat in 1999 die Curriebeker gebuit het. Tans is hy ‘n sakeman en eienaar van die Pharma Value-apteekgroep. Hy was juis op pad na een van sy apteke toe, toe hy aangeval is.
Weens sy beserings, kon die voorval nog nie by die polisie aangemeld word nie. Geen polisieman het Strydom boonop in die hospitaal kom besoek om ‘n verklaring af te neem nie. Dus verkeer al ses aanvallers nog op vrye voet.
‘n Skietery by die land se parlement waarin een soldaat dood is, het die Kanadese hoofstad, Ottowa geskud.
Volgens omstanders is minstens 30 skote afgevuur nadat die aanvaller die parlementsgebou binnegegaan het.
Een van die aanvallers is in die parlementsgebou doodgeskiet.
Skote is afgevuur net buite die vertrek waarin die Kanadese eerste minister, Stephen Harper met lede van sy Konservatiewe Party vergader het.
Harper is haastig onder begeleiding uit die gebou vergesel.
Harper het intussen getwiet dat die land nie deur die aanval geïntimideer sal word nie en dat die aanval van Kanada ‘n hegter nasie sal maak.
Die strate om die regeringsgeboue in Ottowa wat gewoonlik besig is, was Woensdag verlate nadat die regeringsamptenare deur veiligheidsdienste gemaan is om binne te bly.
Owerhede het aanvanklike gevrees dat die skietery deel van ‘n groter aanvalsplan mag wees.
Jim Watson, burgemeester het aan die Ottawa Citizen-dagblad gesê die stad is “steeds een van die veiligste stede in die wêreld, nie net in Kanada nie.”
Kanadese parlementsgeboue was voorheen toeganglik vir die publiek, maar kenners meen veiligheid sal nou opgeskerp moet word.
Volgens die jongste berigte soek die polisie na `n Kanadese man van Quebec wat blykbaar die Islamitiese geloof aangeneem het.
Rowers met Kalashnikov-aanvalsgewere het ‘n Saoedi-Arabiese prins van €250 000 in kontant en ‘sensitiewe dokumente’ beroof toe hulle sy motorkade van die Saoudi-ambassade in Parys aangeval het.
‘n Gesteelde voertuig waarin die agt gereis het om die aanval uit te voer, is later uitgebrand gevind.
Volgens die Franse polisie was die motorkade van die Saoediese ambassade in die noorde van Parys by Port de la Chapelle op pad na die lughawe by Le Bourget, toe die voorval plaasgevind het.
Niemand is in die aanval beseer nie.
Die owerhede ondersoek die saak. Hulle glo die aanvallers moes baie goeie inligting gehad het.
‘n Elektriese ingenieur van Somerset-Wes is op die N2 naby Macassar in ‘n lokval gelei, gesteek en deur die polisie geïgnoreer.
Frans Welgemoed, 29, het gesê hy het oor bakstene onder ‘n brug naby Macassar gery wat sy band geskeur het, maar hy het aangehou ry totdat die vonke van die voorwielnaaf gevlieg het.
Die band is heeltemal vernietig deur die bakstene op die N2. Welgemoed is in ‘n lokval gelei.
“Ek weet wat gebeur met mense wat stop langs die N2,” het Welgemoed gesê ná die beproewing waarin hy aangeval is deur twee swart mans, gesteek is in die skouer en beroof is.
Die rooftog was die jongste in ‘n reeks van soortgelyke hinderlae op die N2.
Welgemoed was op pad na sy werk in Montague Gardens net na 06:00 toe hy onder die brug oor die bakstene gery het.
“Dit was te laat om te swenk om die stene te mis. Ek sou in die kant van die brug vasgery het.”
Hy het het aanjou ry sonder om te stop want hy het geweet dis die “einde van my lewe.”
“Dit was donker. Toe ek nie verder kon ry nie, het ek gestop om vinnig te probeer om die wiel te ruil.”
Hy is deur twee swartes genader wat hom aangeval het. “In daardie stadium het my adrenalien gepomp en ek het nie geweet ek is met ‘n mes gesteek nie.”
Welgemoed het gegly en geval op die gras eiland. Hy het daar bly lê, terwyl die twee swartes sy motor geplunder het, met sy aktetas, huissleutels en ander items, voor hulle in die rigting van Macassar verdwyn het.
Hy het die polisie daarna gebel, maar hulle het nie opgedaag nie. ‘n Polisievoertuig het selfs verby hom gery, uitgeswenk en hom geïgnoreer.
Sy vrou het hom uiteindelik kom haal en na ‘n hospitaal geneem waar hy vir die steekwond in sy skouer behandel is.
Dan Plato, die DA se LUR vir veiligeheid, se enigste raad was dat motoriste nie bakstene moet optel nie, want hulle gaan aangeval word.
Swart aanvallers het ‘n bejaarde van Trompsburg met kookwater verbrand selfs nadat sy hulle gewys het waar sy haar geld bêre.
Nydia de Jager (64), is intussen in die Mediclinic in Bloemfontein opgeneem waar sy behandeling vir haar verbrande hande en bene.
“Ek het nie gehuil, of geskree toe hulle die kookwater oor my hande en toe my rug en bene gegooi het nie,” het De Jager aan Beeld gesê.
Hulle het daarna haar hande agter haar rug vasgebind sodat sy nie kon hulp soek nie. Hulle het die nag op die koue vloer deurgebring.
Volgens De Jager is haar man veral erg getraumatiseer. Sy en haar man, Gerhard (62), is Saterdagaand vroeg in hul huis oorval in hul slaapkamer.
Haar man is 14 jaar gelede verlam na ‘n beroerte.
Die aanvallers het glo by ’n deur ingekom wat nie gesluit was nie. Hulle het geld geëis. Hulle het haar verlamde man van die bed afgegooi en haar met kookwater verbrand selfs nadat sy hulle gewys het waar sy haar geld hou.
’n Werker het die twee hulpeloses eers die volgende oggend ontdek en het by bure hulp gaan soek.
Een van die vermeende aanvallers is reeds in hegtenis geneem.
Engela Nel in haar studeerkamer ‘n week ná die voorval. Foto: Die Pos
Die Pos op Nylstroom berig dat Engela Nel (86) van die Zebra Park-sekuriteitsoord op die dorp Woensdagnag, 19 Maart, ure lank gemartel is. Sy het vir haar lewe, asook vir haar tuinwerker se siel, gebid nadat hy haar glo oorval en ure lank in haar huis aangehou en emosioneel geteister en rondgeruk het.
Thomas Madimetsha Kemp het glo ongeveer vyf jaar lank vir Nel in haar tuin gewerk en ook gehelp met ander take in en om die huis.
Sy het aan Die Pos vertel dat Kemp op dié betrokke dag sy gewone vriendelike en gemoedelike self was.
Nadat hy om ongeveer 16:30 klaar gewerk het, het hy saam met Nel kombuis toe gestap, nes altyd, waar sy hom vir die dag se werk moes betaal. Hy het ’n register gehad waarin hy gewoonlik ontvangs geteken het vir sy geld.
Sy sê dat hy op dié dag kastig vir haar ’n lekkende kraan in die badkamer in haar slaapkamer wou wys, maar dat sy nie saam met hom soontoe gestap het om te gaan kyk nie. Sy het net vir hom gesê dat daar nie tyd was daarvoor nie. Sy was van plan om hom by die huis te gaan aflaai, aangesien dit gelyk het asof dit binnekort sou reën.
Kemp het haar toe glo vir meer geld gevra, maar Nel het vir hom gesê dat sy nie soveel geld het nie.
Die volgende oomblik, vertel sy, het dit vir haar gevoel asof sy deel is van ’n nare droom.
Toe sy omdraai om haar motorsleutel op die kombuistoonbank te vat, het hy haar glo van agter om die nek gegryp en begin wurg. Sy is hard op die kop geslaan en het vir ’n ruk haar bewussyn verloor.
Thomas Madimetsha Kemp, wat tans deur die polisie gesoek word
Toe sy ’n bietjie later in haar slaapkamer op die mat bygekom het, was Kemp besig om haar hande en voete vas te bind en aan die bed se pote vas te maak. Hy het ook tou om haar nek en oor haar mond vasgebind. Nel sê dat die toue só styf vasgemaak was, dat die gevoel in haar hande en voete doodgegaan het. Daar was ook baie bloed.
Sy sê dat sy vir hom gevra het hoekom hy dit doen. Hy het geantwoord dat hy R3 000 nodig het, blykbaar vir ‘n sangoma-kursus wat hy wou aflê of reeds afgelê het. Die hele tyd wat sy met hom probeer praat en by hom gepleit het om haar los te maak, het hy glo aangehou om te sê dat hy daardie bedrag geld nodig het. Sy het vir hom gesê dat sy nie soveel geld in die bank het nie, maar hy het blykbaar aangehou om vir haar te sê dat sy jok en dat hy haar nie vertrou nie.
Nel het later vir Kemp die kluis in haar studeerkamer oopgemaak, waarin daar ook niks van waarde was nie. Hy het haar toe in die studeerkamer toegesluit terwyl hy deur die huis gestap het en al die sleutels wat in die huis was, bymekaar gemaak het. Nel het die studeerkamer se duplikaatsleutel, wat toevallig ook in die kluis was, uitgehaal en die studeerkamer se deur versigtig oopgesluit. Omdat hy haar debietkaart gevat het, het sy gedink dat hy dalk gery het om te gaan kyk hoeveel geld hy uit haar rekening kon trek.
Toe sy by die studeerkamer uitstap, het hy haar egter weer van agter gegryp en gevra of sy probeer wegkom. Die toue, wat die dun vel oor haar arms en gewrigte teen dié tyd deurgeskaaf het, is nóg stywer getrek.
Teen ongeveer middernag is Kemp glo met Nel se bankkaart, selfoon, TV en motorsleutels weg. Die landlyn is blykbaar al vroeër ontkoppel en uit die studeerkamer geneem. Nel het haar handvuurwapen, wat in die studeerkamer versteek was, met haar geswelde en bebloede hande probeer laai en dit ná ’n gesukkel reggekry om twee skote af te vuur om die bure se aandag te trek.
Sy het ook een van die venstertjies in die studeerkamer se glasdeur met ’n ornament gebreek.
“Ek het besluit as hy weer terugkom, skiet ek hom dood voordat hy mý doodmaak,” het Nel gesê.
In die studeerkamer het sy ook ou Telkom-telefone onder in ’n boekrak gekry en gelukkig het een van hulle gewerk.
Sy het van die bure gebel en laat weet wat gebeur het. Terwyl sy besig was om oor die telefoon te praat, het sy haar aanvaller skielik wéér deur die glasvensters van die studeerkamer by die agterdeur sien inkom. Sy het hard vir haar buurman oor die foon gesê: “Bel die polisie, ek is deur Thomas (almal daar ken hom) aangeval.” Kemp het volgens haar net daar in sy spore omgedraai en verdwyn.
Een van haar bure, Theuns Minnaar, het ’n spaarsleutel vir Nel se voordeur gehad en kon die huis oopsluit. Die polisie, wat glo baie flink gereageer het op die oproep, moes egter die studeerkamer se deur oopskop om Nel te bevry, aangesien Kemp dié, sowel as alle ander sleutels in die huis met hom saamgeneem het.
Nel is eers na dr. Mich Veldman geneem om haar wonde te verbind, voordat ds. Fanie Hoffman (voorheen van die Hervormde Kerk op Modimolle) haar teen ongeveer 01:30 die oggend na die Orania-versorgingseenheid in die Noord-Kaap geneem het, waar sy tot Sondag, 23 Maart, behandel is. Haar dogter, Estelle Pretorius, het vir ’n paar dae kom kuier sodat sy ’n ogie oor haar ma kan hou. Sy sê dat dit die vreeslikste gevoel is om in die middel van die nag wakker gebel te word en te hoor dat jou ma aangeval is.
Nel is die tweede bejaarde inwoner in ’n kort tydperk wat op Nylstroom aangeval is. Piet Venter is verlede jaar ook pimpel en pers geslaan nadat hy in sy huis by die Amarula-kompleks deur ’n mede-inwoner se seun oorrompel en aangerand is vir geld.
“Ek kan nou nog nie glo dat Thomas tot so iets in staat was nie. Ek het op ’n stadium, terwyl hy my aangehou het, vir hom gesê om my hand te vat sodat ek vir hom ook kan bid omdat hy met ’n verkeerde ding besig was,” vertel sy.
Haar advies aan die gemeenskap: “Moet niémand vertrou nie.”
Ao. James Findlay, woordvoerder vir die polisie op Modimolle, het aan Die Pos gesê dat Nel se motor en selfoon later die nag in Kroepstraat, naby die polisiestasie, gevind is. Kemp is nog nie opgespoor nie, maar ’n saak van huisroof en diefstal van ’n voertuig is geopen. Dit word deur ao. Koos van der Berg en sy span ondersoek. ’n Beloning word aangebied vir positiewe inligting wat mag help met die ondersoek.
