Suid-Afrika – Bladsy 18

1300 kg dagga in ‘n taxi

‘n Vyf-en-dertigjarige swart man is Maandag in hegtenis geneem met 1300kg dagga in sy minibus toe hy vir spoed op die N3 gevang is, het die Gautengse polisie gesê.

Die swarte het 147km / u in ‘n 100km / u- sone in sy Toyota Quantum gery het toe verkeersbeamptes hom op die N3, naby Heidelberg, om 06:25 voorgekeer het, sê konst Thivhulawi Tshilate.

“Toe die verkeersamptenaren aan hom te kenne gegee het dat hy moet stilhou, het die bestuurder teen ‘n hoë spoed weggejaag. Hulle het hom agtervolg totdat hulle horn tussen Spookbrug en Poortjiebrug gevang het,” het Tshilate gesê.

“Die bestuurder het die voertuig verlaat en in die veld in weggehardloop. Twee verkeersbeamptes het hom te voet agtervolg en die verdagte in hegtenis geneem.”

Binne die minibus het die polisie 95 sakke dagga met ‘n beraamde straatwaarde van R1 miljoen gevind.

Afrikaanse organisasies staan saam oor veiligheid

Ná twee vergaderings wat Saterdag gehou is, het alle Afrikaanse organisasies wat by gemeenskapsveiligheid betrokke is, verenig ten einde ‘n gemeenskaplike strategie te bedink om huidige bedreigings teen die Afrikanervolk van Suid-Afrika te hanteer.

Bedreigings spruit uit die verval van wet en orde in Suid-Afrika, asook die onlangse uitlatings wat deur die ANC-jeugleier, Julius Malema, in Zimbabwe gemaak is. Mnr. Malema het klaarblyklik die hulp van ZANU PF se militêre personeel bekom ten einde plase wat deur Afrikaners of blankes besit word, af te vat.

Dr. Dan Roodt van PRAAG (Pro-Afrikaanse Aksiegroep) het Saterdag ‘n vergadering belê waartydens veiligheidskwessies met lede van die Afrikanerfront se Veiligheidsdirektoraat bespreek is. “Daar bestaan vrese by Afrikaners dat Suid-Afrika besig is om in anargie en chaos soos in Zimbabwe te verval,” het Roodt gesê. “Rasgemotiveerde aanvalle op blankes en Afrikaners neem toe. Terwyl hy in Zimbabwe was, het mnr. Malema belowe dat grondbesettings in Suid-Afrika van die einde van die jaar af gaan begin. Volgens berigte, het die ANC van sy kaders na Zimbabwe gestuur vir opleiding in grondbesetting. Ons moet hierdie bedreigings baie ernstig opneem. Die voortbestaan van ons boere en die voedselsekerheid van Suid-Afrika is op die spel.”

Afrikaanse organisasies beplan om ‘n gemeenskaplike bevel- en beheerstruktuur daar te stel, met gedesentraliseerde kommando’s wat min of meer outonoom sal funksioneer, elkeen onder ‘n eie kommandant. Volgens Roodt, gaan die volgende organisasies deelneem aan ‘n vrywillige veiligheidstelsel wat in staat sal wees om veiligheid te verseker te midde van ‘n verval in wet en orde, maar ook om militêre bedreigings die hoof te bied wat spruit uit grondbesettings, met of sonder die deelname van ANC-kaders en ZANU PF-soldate wat oor ons grens mag kom: Boerevolkvryheidstigting, AWB, Suidlanders, Kommandokorps, TLU, PRAAG-gemeenskapsveiligheidsgroep.

Roodt het gesê dat die Afrikanerveiligheidsverenigings bekommerd is oor die stygende toon in die haatspraak wat teen Afrikaners gerig word. “Liedere wat geweld of selfs volksmoord teen Afrikaners of Boere aanhits, word steeds in verskeie dele van die land gesing. Die opmerkings van Julius Malema gister in die Noord-Kaap waardeur gesuggereer word dat Afrikanergrondeienaars buitelanders is, dra ‘n duidelike boodskap oor dat Afrikaners in Suid-Afrika ongewens is. Gegewe die xenofobiese aanvalle in Mei 2008, is ons bekommerd dat lede van die Afrikanervolk die volgende teiken vir pogroms deur Suid-Afrikaanse swartes gaan word.”

Roodt het ‘n beroep op Afrikanermans gedoen om by een van die burgerlike veiligheidsverenigings aan te sluit. “Ons ontleding toon dat ons op ‘n kruitvat sit. Die etniese en rassebewussyn van ‘n beduidende deel van die swart bevolking het kookpunt bereik en een of ander vorm van rassebotsing in die land mag voor die deur wees.”

big bad woolf topcargo

Eugene se broek nadoods afgetrek

Eugene Terre’Blanche se broek is wel nadoods afgetrek, wat die homoseksuele smeerstorie wat sedert Saterdag deur koerante versprei word, weerlê. Volgens ‘n polisieman wat die bewysstukke in die saak vervoer het, kan hy “onomwonde sê dat daar geen kondoom in daardie huis gevind is nie”.

Foto’s van die lyk toon dat daar slegs bloed op sy broek en hemp was, maar nie op sy skaamdele nie, wat bewys dat sy broek eers ná sy dood afgetrek is.

Intussen borduur die gedrukte media lustig voort op die homoseksuele tema.

‘Dis ‘n suiwer politieke moord’ – AWB

Die Afrikanerweerstandsbeweging (AWB) het Dinsdag ‘n beroep op president Jacob Zuma gedoen om die ANC-jeugliga se leier, Julius Malema, daarvan te weerhou om opruiende en rassistiese uitsprake te maak.

“Ons wil hê Jacob Zuma moet Malema keer want hy is besig om revolusie op te stook. Malema maak gedurig opruiende en rassistiese uitsprake… hy probeer rassehaat skep,” het die AWB-woordvoerder Pieter Steyn gesê.

Hy het buite die Ventersdorpse landdroshof gepraat waar ‘n 15-jarige swart jeugdige en ‘n 28-jarige swart man sou verskyn omdat hulle na bewering die AWB-leier Eugene Terre’Blanche vermoor het.

Steyn het gesê dat daar sedert 2004 meer as 2000 boere vermoor is.

“Die aanvalle is suiwer teen die Boerevolk gemik, dis ‘n metode van grondroof.

Ons het ‘n verklaring aan Zuma uitgereik waarin ons hom vra om te begin regeer. Die ANC het die land en nou moet hy begin om dit te regeer.”

Hy het gesê die moord kon nie oor ‘n arbeidsdispuut gegaan het nie aangesien ‘n mens nie ‘n panga saamvat om ‘n arbeidsdispuut by te lê nie.

“Dis ‘n suiwer politieke moord.”

Hy het gesê verklarings wat deur ‘n ander AWB-lid oor weerwraak vir die moord op Terre’Blanche gemaak is, is teruggetrek.

“Daardie persoon was baie naby aan mnr. Terre’Blanche en was geweldig ontsteld en emosioneel toe die verklaring gemaak is.

“Daardie persoon is tot orde geroep en daar sal geen weerwraak en geen rasseskeldtaal wees nie.”

Hy het gesê die party het vertroue in die regstelsel en dat polisie-ondersoeke tot dusver van “hoë gehalte” is.

Ongeveer 1000 mense het by die hof opgedaag, terwyl SAPA en ander nuusdienste berig het dat slegs “100 mense, sommige in hul khaki-uniforms, by die hof gewag het”.

“Ons verwag ‘n groot byeenkoms van ons lede maar daar sal geen marsjeerdery of skeltaal wees nie… ons sal ons lede dissiplineer en beheer.”

‘n Groot afvaardiging van die polisie, asook plaaslike en internasionale media, is insgelyks buite die hof opgemerk.

Volgens die polisie was die twee beskuldigdes teen 8-uur vanmôre reeds in die hofselle.

Die saak teen die twee beskuldigdes gaan in camera gehou word aangesien een van hulle ‘n minderjarige is.

Фільчаков прокурор

Plaasbesettings kom teen einde 2010 – Malema

Julius Malema, die omstrede jeugleier van die ANC, het eergister in Zimbabwe gesê dat sy party ZANU-PF se voorbeeld gaan volg en teen die einde van die jaar gaan begin om plase in blanke besit oor te neem.

Luidens die Zimbabwe Mail, het Malema dié opmerkings by ‘n myn 160 kilometer van Harare af gemaak. Hy het aan ‘n skare ZANU-PF-aanhangers gesê: “Julle is nie alleen nie. Julle stryd is ons stryd.”

Volgens Malema het “Zimbabwe die weg aangewys in die stryd oor grond”. Hy het ook belowe dat “Zimbabwiese metodes gebruik gaan word” om grond van blanke boere in Suid-Afrika af te neem.

Malema het ook aan die skare gesê dat hy sal aanhou om sy liedjies met woorde soos “Skiet die Boere” te sing, ongeag Suid-Afrikaanse hofuitsprake daarteen.

Gisteraand het Malema aan die SAUK TV-nuus gesê dat hy “sulke liedjies sing sedert hy nege jaar oud is en toe het dit niemand se dood veroorsaak nie”.

Die ANC-jeugleier het Zimbabwiërs aangemoedig om maatskappye in blanke en buitelandse besit oor te neem. Volgens hom moet “die mense bevryding omhels en aanhou om teen die Westerse imperialisme te veg”.

Dieselfde koerant het ‘n week gelede berig dat die ANC beplan om met die hulp van Robert Mugabe se oorlogsveterane grond in Suid-Afrika te beset.

‘n Lid van ZANU-PF se veiligheidsdepartement het verlede week aan die Zimbabwe Mail gesê dat Malema se besoek aan Zimbabwe in opvolg van ‘n geheime hoëvlakgesprek tussen Robert Mugabe en Jacob Zuma geskied het. Blykbaar het Mugabe reeds vir Zuma oortuig en sy “volgehoue steun in Suid-Afrika se grondhervormings- en verinheemsingsproses verseker”.

Verlede week het ‘n hoëvlakafvaardiging van Suid-Afrika se veiligheids- en intelligensiedienste, wat noue bande met die ANC het, in Harare aangekom waar hulle ‘n tyd lank aan die Zimbabwiese Nasionale Weermag se Stafkollege in Harare opleiding sal ondergaan.

Die Suid-Afrikaanse minister van Landelike ontwikkeling, Gugule Kkwinti, het die blaam vir die mislukking van die ANC se grondhervorming op blanke boere geplaas deur hulle daarvan te beskuldig dat hulle die prys van grond opjaag.

“Indien Suid-Afrikaners wat grond besit nie die werklikheid op voetsoolvlak erken nie en nie met die regering kan saamstap wat sy planne betref nie, dan gaan hulle verantwoordelik wees vir die skep van chaos wat erger kan wees as wat ons in Zimbabwe gesien het,” het Nkwinti gesê.

Die Zimbabwiese president, Robert Mugabe, het tydens die tydvak van Mbeki se presidentskap gesê dat sy land met radikale grondhervorming en die verdrywing van blankes gewag het om die ANC tyd te gee om homself eers behoorlik in te grawe en seker te maak dat hy beheer oor die weermag en polisie geniet Volgens Mugabe kon die skouspel in Zimbabwe in die vroeë negentigerjare die onderhandelings tussen die NP en ANC laat skipbreuk lei het aangesien Suid-Afrikaanse blankes daardeur ontstel kon gewees het.

освещение лестницы в

ET se moord en die verplasing van blaam

Ek is vanoggend omstreeks 04h00 wakkergemaak deur ons kat wat ‘n muis gevang het en die ding toe in die huis laat wegkom het. Ek het toe maar die nuus begin lees op die internet en was geskok om te verneem van die moord op Eugene Terre’Blanche.

Hy was weliswaar ‘n omstrede figuur, en ek het persoonlik nie juis met alles wat hy gesê het saamgestem nie, maar niemand verdien om op so ‘n wrede wyse te sterf nie, selfs nie eens Julius Malema nie. Malema en sy trawante binne die ANC is terloops myns insiens net so aandadig, met hul singery van “Kill the Boer”, aan die moord as wat die twee verdagtes wat vir die moord in hegtenis geneem is.

Wat ek nog selfs meer steurend vind as Terre’Blanche se wrede dood, indien so iets moontlik is, is die onmiddellike verplasing van blaam op die slagoffer. Gaan lees gerus die skokkende reaksies op CNN se werf onder dié se berig oor die moord. Dit is dadelik vir die Westerse liberaal Terre’Blanche se eie skuld, en onmiddelilk word die slagoffer die skuldige. Die gevoel van baie van die reaksies is dat hy sy verdiende loon gekry het.

Kom ons sien die ding egter in perspektief: geskille oor betalings en salarisse is ‘n alledaagse verskynsel. Baie van ons het al in soortgelyke dispute met ons werkgewers betrokke geraak. Die oorweldigende meerderheid mense gaan gryp egter nie gevolglik na sy panga en knopkierie en gaan kap sy baas dood nie. Nee, laasgenoemde is slegs tipiese gedrag van die Untermensch; die laeintelligensie-, hoëtestosteroonbarbaar wat geen selfbeheersing het nie.

Om Terre’Blanche en ander slagoffers van plaasmoorde se behandeling van hul plaaswerkers te wil blameer, is dus verregaande, en sou neerkom daarop dat ek ook my baas kan gaan kap met ‘n panga, sou my salaris te laat oorbetaal word. Dit is nie slegs buitelanders wat hulself aan hierdie soort blaamverplasing skuldig maak nie. Ene Afrikaan, ‘n gereelde briefskrywer aan Litnet se brieweblad (en ek is kennelik huiwerig om daardie idiwidu ‘n Afrikaner te noem, maar hy is sekerlik een van ons, tot ons ewige skaamte) skryf op 27 September 2007 hierdie juweel van ‘n brief, nadat ‘n ander gesin ook in ‘n plaasmoord gesterf het. In hierdie skrywe maak hy presies soos die CNN-reaksies maak, en verplaas die blaam op die slagoffer.

Vermoedelik sou hetsy Afrikaan, hetsy die kommentators op CNN hoog opgee oor hoe geskok hulle kwansuis sou wees as iemand sou sê dat ‘n vrou wat ‘n kort rokkie gedra het, verdien het om verkrag te word, maar dit is presies wat hulle maak: die slagoffer word die skuldige, en die skuldige word sodoende van blaam onthef. Vir my is dit opmerklik (en ek weet van Afrikaan se vriende lees hierdie rubriek) dat hy en andere meestal te papbroekig is om eens hulle eie naam te gebruik wanneer hulle sulke absoluut verregaande bog, twak en snert kwytraak, wat boekdele spreek oor ‘n bepaalde afstootlike en slapgattige mentaliteit. Ek het Afrikaan al herhaaldelik uitgedaag om sy sienings te kom lug voor ‘n groep boere, maar nodeloos om te sê is hy heeltemal te veel van ‘n lafaard om so te maak, of om eens sy eie naam te teken onder sy walgskrywes. Duidelik glo hy nie in sy eie uitlatings nie, en wil hy nie sy eie naam daaraan koppel nie.

Wat hieragter sit, is ook nie moeilik om te raai nie. In die verwronge denkraamwerk van die linkse en die liberaal, is swartes nie toerekeningsvatbaar nie. Hulle kan nie geblameer word vir hul optrede nie, selfs nie eens die twee wat Terre’Blanche vermoor het nie. Daar is altyd ‘n blanke wat die beweegrede was vir hul optrede – blanke rassisme of blanke rassiste. Op bisarre wyse word Terre’Blanche dus die skuldige in sy eie moord. Hy het homself as’t ware, volgens die linkse, met ‘n panga en ‘n knopkierie doodgekap. Die ware skuldiges, die barbare sonder enige selfbeheersing, intelligensie of rasionaliteit, verdwyn in die proses deur die krake. Meer as dit; die booswig, mits hy natuurlik swart is, word selfs vir die wit, Westerse liberaal die eintlike slagoffer, soos ons gesien het met die sieklike spektakel van Amy Biehl se ouers wat die sub-menslike gemors wat hul dogter vermoor het, vergewe het.

Dit is ook duidelik uit die skokreaksies op CNN se berig dat, sou hierdie situasie eskaleer na ‘n rasse-oorlog, iets wat nie uitgesluit kan word nie, dat Eugene Terre’Blanche se mede-blankes, jy, ek en ja, ook Afrikaan, hoegenaamd geen simpatie te wagte kan wees vanuit die oord van die meeste van ons mede-blankes in die Weste nie. Hulle sal, nes diegene wat op CNN kommentaar gelewer het, gevoelloos toekyk terwyl ons ook met pangas van die gras af gemaak word soos in Rwanda, en dan skouerophalend vir mekaar sê: “They had it coming.”

online slots no Фильчаков прокурор

Is Suid-Afrika ‘n mislukkende staat?

Hoe kan Afrikaners as ‘n minderheidsvolk hulself laat geld in ‘n mislukkende staat wat steeds deur die internasionale gemeenskap as sprekende voorbeeld van ‘n suksesvolle multietniese staat voorgehou word?

Terwyl daardie persepsie nog in die buiteland bestaan, sal ons nie op enige internasionale ondersteuning kan staatmaak nie. Inteendeel, dit wil voorkom asof ons steeds ‘n steen des aanstoots is. Ons is dus op onsself aangewese. Ons moet onsself organiseer en weerbaar hou. Die politieke situasie versleg daagliks en tyd is min, want Suid-Afrika is ‘n mislukkende staat.

Wanneer natuurwetenskaplikes besin of iets nuuts moontlik is al dan nie, baseer hulle hul oordeel op tientalle basiese natuurwette. Hierdie wette is absoluut en bepalend. Hulle is na deeglike navorsing deur wetenskaplikes geformuleer en verskaf die grondslag vir energie, die elemente, magnetisme, selfs van die lewe self.

Dieselfde kan van die sosiale wetenskappe gesê word.

‘n Amerikaanse instelling genaamd Die Vredesfonds het deeglike ontledings van mislukte state regoor die aardbol gemaak en het ‘n stel kriteria opgestel waarvolgens state se lewensvatbaarheid gemeet word.

Onlewensvatbare state verlaat hulle op omvattende “nasiebou”-programme, ‘n ideologie wat ten doel het om die werklikheid te verdoesel. In Suid- Afrika word die begrip “nasiebou” daagliks in die politieke arena rondgeslinger en gedebatteer. Hoewel die inhoud van daardie begrip steeds ‘n raaisel bly vir Jan Alleman, verteenwoordig dit desondanks die grondslag vir die politieke omgewing van die land.

Vir wetenskaplikes is “nasiebou” ‘n proses waartydens ‘n gevoel van gemeenskaplike identiteit tussen mense ontwikkel, hetsy etnies, hetsy kultureel of andersins. Sentraal in die begrip staan die gevoel dat die nasie oor hulself moet regeer.

Maar in die werklike wêreld is dit ‘n eksterne proses wat afgedwing word deur politieke heersers met die doel om ‘n nasionale identiteit te ontwikkel wat met die bevolking se burgerskap saamval. Regeerders probeer binne vyf jaar doen wat oor die afgelope 350 jaar nie moontlik was nie.

Maar politici onderskat gewoonlik die bevolking totaal. Hulle beskou gewone mense as polities infantiel. Dit is dus onwaarskynlik dat mense ‘n nasiebouprogram sal steun. Die vraag is dus of ‘n land as ‘n samehangende politieke entiteit sal kan voortbestaan as die tekens van ‘n mislukkende staat reeds deel uitmaak van ons daaglikse werklikheid.

Dit is verstommend hoe die Vredesfonds se kriteria op Suid-Afrika van toepassing is. Hierdie kriteria kan as dwingende natuurwette beskou word en enigiemand met drie breinselle of meer kan die pad van die nuwe Suid-Afrika met absolute sekerheid voorspel aan die hand van die volgende kriptiese maatstawwe.

Sosiale aanwysers

Toenemende demografiese druk.
Massiewe bewegings van vlugtelinge of internasionaal ontheemde mense wat ingewikkelde humanitêre noodmaatreëls benodig.
‘n Nalatenskap van wraaksug en gegriefdheid oor die verlede.
Kroniese en standhoudende emigrasie.

Ekonomiese aanwysers

Ongelyke ekonomiese ontwikkeling langs groeplyne.
Ernstige afname in ekonomiese groei in reële terme.

Politieke aanwysers

Kriminalisering en ontwettiging van die staat, waar die staat in botsing kom met die gereg.
Agteruitgang van dienslewering op alle gebiede.
Arbitrêre wetstoepassing asook wydverspreide menseregteskendings.
Die wetstoepassers word ‘n staat binne ‘n staat.
Die opkoms van faksiegebaseerde elitegroepe.
Inmenging van ander state of politieke rolspelers.

Die Vredesfonds wys daarop dat die ontwettiging van die staat volg uit:

Massiewe en endemiese korrupsie en selfverryking van die heersersklas.
Regeerders se weerstand teen deursigtigheid, toerekeningsvatbaarheid en politieke verteenwoordiging.
‘n Algemene verlies aan vertroue in staatsinstellings en prosesse, bv. massa-aksies en betogings, wegbly-aksies, toenemende burgerlike ongehoorsaamheid, belastingweerhouding en gewapende opstande.
Misdaadsindikate gekoppel aan die heersende elites.

‘n Internasionale verskynsel is dat die lojaliteit van die inwoners van mislukkende state nie by beter dienslewering lê nie, maar wie die dienste lewer.

Ek noem dit volksmasochisme, of selfpyniging van die gepeupel – ‘n begrip wat die liberalisme nooit sal verstaan nie. Hierdie nasionalistiese verskynsel bots direk met die begrip van die liberale demokrasie.

Die Vredesfonds bevind dat van 93 nasieboustate wat tans bogenoemde simptome toon, verskeie reeds vir langer as veertig jaar met nasiebouprogramme besig is. Hulle beskou die Nordiese lande, Australië, Nieu-Seeland, Kanada, Ierland, Oostenryk en Nederland as die polities stabielste lande. Afrikaners sal dit nie vreemd vind nie, want hierdie lande is almal so te sê monokulturele state, waarvoor die konsep van demokrasie uiters geskik is.

Suid-Afrika is reeds op die gevaarlys, hoewel tans nie akuut nie. Die akuutste state is Somalië, Zimbabwe, Tsjad, Soedan, die DRK en Irak.

Om nou terug te keer na die natuurwette. Ek wou nog nooit ‘n Afropessimis gewees het nie. Maar as natuurwetenskaplike wat ontsag het vir natuurwette, voel ek nou genoop om te aanvaar dat Suid-Afrika reeds sterk as ‘n mislukkende staat soos Zimbabwe gevestig is.

лобановский класс

Swart verpleegster sit agter Facebook-haatspraak

‘n Swart verpleegster in ‘n Klerksdorpse hospitaal sit agter die anti-blanke haatspraak wat daar onlangs op Julius Malema se bewonderaarsblad op Facebook gepleeg is.

‘n Senior polisie-offisier in Johannesburg het vanmiddag teenoor praag.co.za gesê: “Ons weet wie sy is en dat sy die oproep aan swartes om blankes te vermoor en blanke vroue te verkrag, op Facebook geplaas het. Ongelukkig kan ons nie nou haar identiteit bekendmaak nie, want die ondersoek gaan steeds voort.”

Die polisie-offisier wil ook die publiek gerusstel dat daar geen rede tot paniek is nie. “Sulke pogings om rassehaat aan te blaas word deurlopend deur die polisie se inligtingsafdeling ondersoek en indien daar ooit sprake is van ‘n komplot, sal ons onmiddellik optree.”

Blykbaar is die polisie die afgelope paar dae oorval deur oproepe, veral deur blanke bejaardes, wat bevrees is dat hulle aangeval kan word.

Die verpleegster het haar as ‘n swart man by name Thato Mbateti Mbateti voorgedoen.

Oor die afgelope paar dae is daar in die gedrukte media gespekuleer dat die oproep om volksmoord op blankes dalk deur blanke agents provocateurs geplaas kon gewees het. Die onthulling dat ‘n swart hospitaalpersoneellid daarvoor verantwoordelik is, kan dus as opspraakwekkend beskou word.

promote instagram gratis Фильчаков прокурор

Welvaartskepping

Die ander dag skryf Bill Bonner van die dailyreckoning.com dat Amerika besig is om al hulle vervaardigingstede te verloor en dat die algemene Amerikaner homself in die dienstebedryf bevind. Hy sê verder dat jy nie welvaart kan skep deur dienste nie. As jy my hare sny vir R50, en ek sny jou gras vir R50 is daar geen welvaart geskep nie. Jy moet iets vervaardig om welvaart te kan skep.

Ons kan seker boerdery en mynbou ook in die welvaartskep-afdeling plaas. Alhoewel die dienstesektor vir ‘n groot aantal stedelike Afrikaners op die oomblik en in die toekoms werk (sal) skep, gaan ons ook moet kyk na welvaartskepping deur ander metodes. Die ekonomie is soos ‘n boot wat in ‘n rivier stroomop vaar. As die boot uit stoom uit raak, gaan hy agteruit agv inflasie en staatsbesteding. Om vorentoe te kan gaan moet oa die twee faktore oorkom word. Suid-Afrika se ekonomie is besig om al hoe meer weestand vanaf veral staatsbesteding, asook die afgekoelde internasionale ekonomie te ondervind.

Die grootste uitdaging vir die Orania-konsep om te werk as alternatief vir die NSA, is werkskepping. Indien daar skielik werk geskep word sal mense in hulle duisende soontoe (of na enige ander groeipunt toe) trek. Om fabrieke op te sit wat op die NSA beginsels van goedkoop handearbeid werk, sal nie suksesvol wees nie. Ons wil juis werk skep vir ons mense. Fabrieke wat hoogs geoutomatiseerd is, is vanaf die staanspoor ‘n beter idee, maar die regte produk moet vervaardig word om kompetiesie met die ooste te vermy wat teen so min as $8 per dag per persoon en met goedkoop grondstowwe heelwat goedkoper as ons kan vervaardig.

Hoe het ander lande hierdie probleme oorkom? As ons na die res van die ontwikkelde wêreld kyk, word daar items van hoë kwaliteit of tegnologie vervaardig wat moeilik deur die oosterlinge of selfs ander eerstewêreldlande nagedoen kan word. Hierdie produkte word ook dan wêreldwyd verkoop. Ek dink aan Hollandse blomme, kaas en bier, Belgiese sjokolade, Duitse motors en tegnologie, Franse wyn en klere (ontwerp), Switserse horlosies, Europese mediese tegnologie, Amerikaanse wapentuig en informasietegnologie om net ‘n paar te noem. Hierby voeg hulle finansieële dienste, landbouprodukte en toerisme, asook buitelandse konstruksie, mynbou en konsultasie om groot hoeveelhede welvaart te skep terwyl heelwat van die vervaardiging in die ooste gebeur.

Ons Afrikaners is kompeterend op die internasionale mark. Om egter verder vooruit te gaan het ons opleiding, geleenthede, infrastruktuur, grond, dienste, investering en finansiering nodig. In meeste van hierdie faktore word ons op die oomblik meer en meer verdruk en besteel. Ons gaan in elke geval hierdie faktore vir onsself moet regstel, of ons volk nou binne of buite die NSA bly. Al ons groot maatskappye wat gestig is om ons te bevoordeel is deur die mynhuise en Britte op die JEB opgekoop. Is dit dalk tyd vir ‘n alternatiewe boereaandelebeurs?

casino games free Александр Фильчаков

‘SA is teelaarde vir mensehandel’

Suid-Afrika se oop, kosmopolitiese samelewing is ‘n teelaarde vir mensehandel, het die Verenigde Nasies (VN) Woensdag gesê.

“Suid-Afrika word vir mensehandel gebruik weens die land se (tegniese en reis-) infrastruktuur.

“Die land se kosmopolitiese samelewing word gebruik om misdaad te fasiliteer,” het Johan Kruger, die VN se kantoor oor dwelms en misdaad (UNODC) se nasionale projekkoördineerder, gesê.

Volgens Kruger word Suid-Afrika se liberale, demokratiese omgewing en ekonomiese mag gebruik om winsgewende mensehandelprojekte te ondersteun.

Kruger het dié opmerkings by ‘n werkswinkel oor internasionale samewerking in mensehandel en -smokkelary in Johannesburg gemaak.

Swart jaagduiwels dood vier in Soweto

Twee swart mans wat vier tieners doodgemaak het omdat hulle na bewering op straat in Soweto resies gejaag het, sal na verwagting vandag in die Protea-landdroshof verskyn.

Die swartes, waarvan een ‘n bekende hiphop-kunstenaar is, was besig om in Mini Coopers resies te jaag op die pad tussen Protea Glen en Protea-noord toe hulle in die vier seuns ingeploeg het wat ná skool saam met vriende op pad huis toe was.

Die tieners, waarvan die ouderdomme tussen 17 en 19 wissel, is op die toneel gedood toe die twee Mini Coopers met mekaar gebots het.

‘n Woordvoerder vir die Metropolisie, Edna Mamonyane, het gesê: “Dis ‘n tweerigtingstraat en een van die motors het in die ander baan gery, in die baan van die aankomende verkeer, parallel met mekaar.”

Toe ‘n aankomende motor vanuit die ander rigting verskyn, het die bestuurder gepoog om terug in die regte rigting te swaai en in die Mini waarmee hy resies gejaag het, vasgery.

“Hulle het albei op die sypaadjie gery en in die vier jong seuns ingeploeg wat nog in hul skoolklere was,” het Mamonyane gesê.

Die twee jaagduiwels sal teregstaan op aanklagte van strafbare manslag, asook nalatige en roekelose bestuur.

Die plaaslike raadslid en leier van die Inkatha-Vryheidsparty in Soweto, Dlangezwa Mvelase, het gesê die gemeenskap is “baie kwaad” oor die dood van die vier seuns.

“Die reg moet sy gang gaan met mense wat ligsinnige speletjies op die paaie speel en daardeur onskuldige kinders doodmaak,” het Mvelase gesê.

Die skuldige is dus….

Sedert dit bekend geword het dat Suid-Afrika vanjaar die gasheer vir die wêreldsokkerbekertoernooi gaan wees, is Suid-Afrikaners wat bekommerd was oor moontlike eier in die gesig dikwels beskuldig van dislojaliteit teenoor die land.

Terwyl die oorgrote meerderheid hul kommer op werklikhede soos paaie en dienste wat die kreeftegang gaan, gebaseer het, is dié skeptisisme gewoonlik afgemaak as ‘n vorm van rassisme gebaseer op skeptisisme dat swart mense nie in staat is om ‘n toernooi suksesvol aan te bied wat volgens komm. André Pruis 70 keer so groot is soos die wêreldbeker-rugby en kriekettoernooie saam wat Suid-Afrika reeds aangebied het.

Suid-Afrikaners is grootliks nog in die duister oor presies wat veral die gasheerstede alles moet doen om aan al die vereistes van die gasheerstad-ooreenkomste te voldoen. Almal weet van die stadions en dat dit op koers is. Min of meer almal weet van vervoer-meesterplanne wat moet geld, en baie mense is ook bewus van handelsaktiwiteite wat nie binne ‘n sekere radius van die stadion af mag plaasvind nie. Onlangs het die SABC-TV berig dat dit ook aspekte insluit soos vullisherwinningsprogramme en die plant van bome.

Terwyl die gemiddelde Suid-Afrikaner in die duister gehou word oor die voorvereistes, sal daar skeptisisme wees oor of aan die vereistes voldoen word.

Pas is berig dat die tweede buitelandse burger binne enkele dae in ‘n plaasaanval in Limpopo vermoor is. Daar is geen aanduiding dat Suid-Afrika ‘n diplomatieke nota van simpatie met die Kanadese en Belgiese bevolkings gelewer het nie. Dit is moeilik om skaam vir jou regering se doen en late te wees, en met ‘n euforie vol te hou dat alles klop disselboom verloop. Trouens, dit is irrasioneel en onverantwoordelik.

Intussen is dit swart joernaliste in koerante met hoofsaaklik swart lesers wat nou die skerpste kritiek begin uitspreek. Gister het The Sunday Independent ‘n artikel geplaas, geskryf deur Prince Mashele, uitvoerende direkteur van die Sentrum vir Politiek. Die opskrif som die krisis mooi op: “The President who has killed his nation’s pride.”

Ja, die president en sy eietydse Mandaryne en kornuite maak gereeld beloftes van hoe korrupsie uitgeroei gaan word. Ongeveer ‘n jaar gelede, kort voor die algemene verkiesing, het een hiervan, Ace Magashule, by ‘n SALGA-kongres gesê daar gaan van onbevoegde en korrupte burgemeesters en munisipale bestuurders ontslae geraak word. Heel profeties is hy uitgelag.

Die ANC se sekretaris-generaal, Gwede Mantashe, is volgens waarnemers erg in die spervuur omdat hy dit waag om daad by die woord te voeg oor ANC-beloftes om korrupsie vas te vat.

Van die naïwelinge, soos Max du Preez en Jakes Gerwel stoei steeds met wat hulle die verregsing van die samelewing noem as krisis, en sukkel om dit te onderskei en ontrafel van ‘n diepsinnige kommer dat die land eier in die gesig gaan kry. Dit het niks met dislojaliteit te make soos wat so graag gesê of gesinspeel word nie.

Al hoe meer stemme gaan op dat die skrif aan die muur is van Zuma se dae as president. In hierdie stadium is dit, die duidelike spanning binne die ANC-alliansie ten spyt, waarskynlik meer wensdenkery as iets anders. Dit raak egter by die dag duideliker dat Suid-Afrika nie die luukse van ‘n president en jeugpresident kan bekostig wat van verleentheid tot verleentheid strompel terwyl die Titanic besig is om te sink nie.

Net so min kan die land bekostig dat diegene wat die werklikheid in die oë kyk, as pessimiste of rassiste afgemaak word.

тамбов лежаки

Nersa se besluit teleurstellend

“Die Vryheidsfront Plus is uiters geskok en teleurgesteld met die verhoging wat Nersa aan Eskom toegestaan het. Dit is skandalig dat Nersa, ten spyte van al die voorleggings en sinvolle voorstelle wat gemaak is, steeds besluit het op ‘n verhoging van 24,8% vir 2010 (vanaf April), 25,8% vir 2011 en 25,9% vir 2012,” was adv. Anton Alberts, VF Plus-parlementêre woordvoerder oor energie, se reaksie op die aankondiging.

“Dit is in beginsel verkeerd om die foute wat die regering en Eskom gemaak het op die brood van die verbruiker te smeer. Trouens, met hierdie verhoging word die brood letterlik uit die monde van die arm- en middelklas geneem. Die gebrek aan toekomsbeplanning en implementering vorm die kern van Suid-Afrika se energie-problematiek en dit sou beter gewees het om ‘n tydelike moratorium op enige verhoging te geplaas het totdat ‘n taakspan van kundiges of die Nasionale Beplanningskommissie ‘n meta-energieplan kon ontwikkel wat ‘n volhoubare en bekostigbare strategie die lig kon laat sien wat nou en in die toekoms implementeerbaar is. In die interim kon Eskom se enigste aandeelhouer, die regering, Eskom befonds het om die land se ligte aan te hou. Eskom is immers ‘n nutsmaatskappy wat deur die staat befonds moet word tot voordeel van die publiek. Daarom lê die plig tot befondsing veel eerder op die regering self as op die verbruiker wat nou gestraf word vir die regering en Eskom se foute,” het Alberts bygevoeg.

“Ons sal nou moet sien wat die effek van die verhoging op die ekonomie gaan wees. Die VF Plus het juis in hierdie week reeds parlementêre vrae aan die Minister van Energie gerig om vas te stel waarom daar nie meer tyd gegun word om ‘n behoorlik meta-energieplan vir die land op te stel nie en of wit en bruin personeel wat hulle werk in Eskom weens regstellende aksie verloor het, in aanmerking kan kom vir die 105 vakante poste in Eskom.”

“Dit is jammer dat ‘n rigtinglose en spartelende regering weereens die verbruiker misbruik om sy eie gebrou reg te maak. Iewers moet dit stop en die VF Plus sal indringend aandag hieraan gee,” het Alberts gesê.

светильники для депутат лобановский

Malema en ons wanbegrip oor die politiek van plundery

Daar woed tans ‘n groot storm oor Julius Malema se miljoene, wat hy uit sy tenderpreneurskap “verdien” het. Al wat ‘n koerant is dra dit as voorbladnuus, en ek is seker dat daar in die komende weke groot gewag gemaak gaan word hiervan deur al wat ‘n redakteur en briefskrywer aan ‘n koerant is. Dié ontstokenheid spreek egter myns insiens van ‘n fundamentele gebrek aan begrip oor die ware aard van politiek op hierdie vasteland. Diegene wat ontstoke is oor Malema se miljoene, verstaan duidelik nie wat ons op onsself losgelaat het met 1992 se referendum nie.

Politiek is maar ‘n morsige spulletjie, selfs in Westerse lande. Daar is oral rugstekery, gekonkelry en oneerlikheid. Nietemin is daar in die meeste Westerse demokrasieë ten minste ‘n voorgeëry dat dit gaan daaroor om die land te verbeter, of om die land se bevolking tot diens te wees. In ‘n Westerse demokrasie verwag die kiesers weliswaar dat daar vuilspel sal wees, maar as die vuilspel te erg is, soos met die Watergate-skandaal, word die regerende party in die volgende verkiesing uitgestem. Sodoende is daar minstens sprake van toerekeningsvatbaarheid.

Bogenoemde toerekeningsvatbaarheid en ‘n voorgee dat dit sou gaan om dienslewering aan die publiek, bestaan egter nie in Afrika nie. Afrika-politici pleeg politiek met een, en slegs een, doel voor oë: dit gaan oor plundery. Politieke mag beteken bloot toegang tot geleenthede om die land se rykdom te plunder. Dit gaan allermins oor die verbetering van die samelewing. Die kiesers verstaan laasgenoemde baie goed. Daarom sal hulle klippe gooi oor swak dienslewering, maar dan in die volgende verkiesing soos tropdiere vir die regerende party stem. Die Afrika-kieser verstaan wat baie van ons Westerlinge nie verstaan nie: die betogende kieser in Balfour wil nie die ANC ontset nie. Hy wil self ‘n raadslid word, sodat hy ook sy beurt kan kry om te plunder. Selfs Sint Mandela, daardie heilige van die liberalis, het deelgeneem aan dié plundery. Hoe anders het Mandela aan sy rykdom gekom? Waar kom sy stigting aan sy geld? Hoe bekostig hy sy verskeie huise en hou hy sy lewensstyl vol? Hy was slegs vir vier jaar lank president, en het in daardie tydperk sowat ‘n miljoen rand per jaar aan salaris verdien. Dis kwalik ‘n fortuin.

Malema is dus niks indien nie verteenwoordigend van die Afrika-politikus se inherente aard nie. Sy organisasie, die ANCYL, maak al lankal gebruik van die geleenthede tot plundery wat hul politieke mag hulle bied. Dikwels heul Westerlinge en Westerse maatskappye met die plunderaars om hul doelwitte te bereik. Oliemaatskappye betaal omkoopgeld aan politici in Nigerië en Angola. ‘n Blanke sakeman en beweerde rampokker, Brett Kebble, het glo miljoene aan die ANCYL geskenk, sodat Kebble politieke gunste by laasgenoemde kon bekom.

Derhalwe hoort die nuutste “onthullings” oor Malema se rykdom niemand te verbaas nie. Natuurlik is hy ryk – hy is immers ‘n Afrika-politikus. Die feit dat diegene wat onstoke is oor sy rykdom hulself opwerk, spreek bloot van ‘n opperste naïewiteit en ‘n grootskeepse gebrek aan begrip oor Afrika se politiek van plundery, en waaroor die “demockracy” eintlik in Afrika gaan.

пазла для детей