Sake – Bladsy 37 – praag.co.za

Ondersoek na groot supermarkte kom

Die Mededingingskommissie gaan groot supermarkgroepe ondersoek om te bepaal of daar gronde vir kommer is oor die gebrek aan mededinging op kleinhandelvlak. Dit is ongetwyfeld 'n kwessie wat verbruikers regstreeks raak en waaroor groot belangstelling heers.

Die maatskappye wat onder die loep gaan kom se omset verteenwoordig 60% van die hele supermarkbedryf. Hulle is Pick n Pay, ShopriteCheckers, Woolworths en Spar. Groothandelaars Massmart en Metcash is ook deel van die ondersoek.

Die Melkprodusente-organisasie (MPO) is deels verantwoordelik vir die ondersoek teen die supermarkgroepe. Hulle sê boere dra die meeste risiko omdat hulle winkelrakspasie betaal asook die koste as produkte in die winkel bederf.

Die blaam wat verskaffers en supermarkte op mekaar pak oor wie vir hoë voedselpryse verantwoordelik is, gaan dus verhewig.

Supermarkte beskuldig groot verskaffers daarvan dat hulle pryse bepaal en verskaffers beskuldig weer supermarkte daarvan dat hul aankooppraktyke kos duurder maak.

Die kommissie sal aan die einde van die ondersoek besluit of die saak na die Mededingingstribunaal verwys gaan word.

Dubbele skok vir verbruikers

Asof die krimpende ekonomie nie alreeds verbruikers laat les opsê nie, is twee skokaankondigings gister gemaak: Elektrisiteit gaan baie duurder word en daar is nie verdere rentekoersvelagings op die horison nie.

Die Nasionale Energiereguleerder (Nersa) het ’n kragtariefverhoging van 31,3% toegestaan nadat Eskom 34% gevra het. Dié verhoging tree op 1 Julie in werking en geld tot 31 Maart volgende jaar.

Ontleders sê dit sal verbruikers regstreeks en onregstreeks raak. Huishoudings gaan aan die einde van die maand ’n heelwat hoër kragrekening ontvang, maar hulle gaan ook meer vir goedere en dienste betaal.

Dis moeilik om presies te sê net hoeveel dit sal beloop, maar dit sal beslis ’n kettingreaksie veroorsaak wat ’n negatiewe uitwerking op inflasie en rentekoerse sal hê.

Mense met ’n kleiner inkomste gaan die ergste getref word. Hoewel armer verbruikers net 15% meer gaan betaal, is dit steeds heelwat hoër as inflasie.

Tito Mboweni, president van die Reserwebank, het gister aangekondig dat rentekoerse vir eers onveranderd sal bly aangesien die kragtariefverhoging ’n probleem gaan wees in die stryd om inflasie te beheer.

Net op grond van die 31,3%-verhoging sal dit tussen 0,5 en 0,6 persentasiepunte bylas tot die maand-tot-maand-kerf in inflasie.

Munisipaliteite gaan die verhogings beswaarlik kan hanteer en 'n hele paar staar bankrotskap in die gesig.

Ondernemings gaan sukkel, maar verbruikers dra uiteindelik die swaarste las. Cosatu het in ’n verklaring gesê Nersa se besluit gaan katastrofies wees.

Cosatu meen klein en middelslagondernemings sal nie die resessie sowel as die stygende kragkoste kan oorleef nie. Hulle voorspel dat meer maatskappye hul deure sal moet sluit en hoër werkloosheid.

Afleggingskema kom om werkers te help

’n Konsepvoorstel vir ’n opleidingsafleggingskema kan volgende week bekend gemaak word, het president Jacob Zuma Woensdag gesê.

Zuma het gesê die wêreldwye resessie verg dat politieke partye en ander sektore saamwerk.

“Die resessie tref ons nou op volle krag,” het hy gesê.

Die kwartaallikse indiensnemingsopname van die formele sektor het gewys dat sowat 179 000 poste in die eerste kwartaal van 2009 besnoei is.

Die sektore wat die ergste gely het, was klein- en groothandel, finansies, vervaardiging, mynbou en konstruksie.

“Terwyl ons weet ons pogings nie alle gevolge van die krisis kan keer nie, het ons op verskeie maniere ingegryp, soos besluit in die raamwerkooreenkoms in reaksie tot die krisis,” het Zuma gesê.

“Die regering sal verder ingryp en ’n finale konsepvoorstel vir ’n opleidingsafleggingskema volgende week aan ons maatskaplike vennote wys,” het hy gesê.

Die doel van die skema was om ten minste ’n paar van die werkers in hul poste te hou en hulle op te lei in die verlangsamende tydperk.

Hulle sal relevante opleiding, voordele en ’n toelaag in plaas van hul lone, vir ’n tydperk ontvang, het Zuma gesê.

Данильченко Харьков

SA se PPI duik

Suid-Afrika se produsenteprysindeks was -3.0% jaar-tot-jaar in Mei van April se 2,9%, het Statistiek Suid-Afrika Donderdag bekend gemaak.

SSA het gesê op ’n maandelikse grondslag was PPI -1,1% in vergelyking met -0,2% in April.

Ingevoerde hulpbroninflasie was -16,7% jaar-tot-jaar in Mei in vergelyking met die -14,7% van die vorige maand, terwyl uitgevoerde hulpbroninflasie op -6,0% jaar-tot-jaar gestaan het van die vorige -2,7%.

Ekonome wat aan ’n Reuters-opname deelgeneem het, het verlede week voorspel dat PPI -1,8% jaar-tot-jaar sou wees en sou optel tot 0,1% op ’n maandelikse grondslag.

Фильчаков

Beurtkrag is nie verby

Suid-Afrika wat gebuk gaan onder ’n energiekrisis is steeds onder druk, maar die wêreldwye ekonomiese krisis het die vraag na krag laat taan en die land kans gebied om aan die kragvraag te voldoen, het Dipuo Peters, minister van energie, Dinsdag gesê.

Suid-Afrika het sedert Januarie verlede jaar beurtkrag toegepas toe die nasionale kragnetwerk byna inmekaargestort het en myne en smelters is gedwing om vir dae toe te maak.

Peters het gesê Suid-Afrika is nog nie uit die moeilikheid nie. “Indien dit nie vir die ekonomiese afswaai was nie, sou ons steeds beurtkrag toegepas het,” het sy gesê.

Дровяные печи топкарго

EU mik vir finansi?le toesighouding

Leiers van die Europese Unie het gister ooreengekom om ’n stelsel van finansiële toesighouding in te stel om ’n nuwe ekonomiese krisis te verhoed.

Die ooreenkoms is bereik ná laatnaggesprekke tussen Brittanje, Duitsland en Frankryk om vrese in Londen te besweer dat die nuwe pan-Europese liggaam die magte van nasionale reguleerders kan ondermyn.

Die ooreenkoms volg kort op die hakke van president Barack Obama van die VSA se aankondiging Woensdag dat die grootste hervorming van Amerikaanse finansiële toesighouding sedert die 1930’s op hande is.

“Die EU, soos die res van die wêreld, voel steeds die gevolge van die diepste en wyds verspreide resessie van die era ná die oorlog. Dit is van kardinale belang dat die EU voortdurend die nodige stappe ontwikkel en in werking stel in reaksie op die krisis,” het die leiers in ’n verklaring gesê.

Die voorgestelde toesighouding sal geskied deur drie pan-Europese beheerliggame te stig wat sal verseker dat lande nuwe reëls vir toesighouding instel, asook ’n Europese sistemiese-risiko-raad, wat risiko's vir finansiële stabiliteit sal monitor.

In reaksie op die Britte se kommer is daar besluit dat die nuwe liggame glad nie inbreuk sal maak op die fiskale verantwoordelikhede van lidlande nie.

Данильченко

Duitsers beoog grootste groenenergieplan ter w?reld

'n Duitse konsortium het 'n internasionale energieplan uitgelê van 400 miljard euro. Die gedagte is om sonenergie vanaf Noord-Afrika in te samel en na Europa te stuur. As dit werk sal dit die grootste groenenergieplan ter wêreld wees.

Die konsortium sal formeel in Julie ontmoet by Munich Re het die Süddeutsche Zeitung Dinsdag berig.

Twintig maatskappye waaronder Siemens, Deutsche Bank en energiereus RWE het ingestem om deel te wees van die inisiatief.

Die inisiatief beoog om binne die volgende twee tot drie jaar met 'n konkrete plan vorendag te kom. Die projek heet Desertec, wat water deur sonkrag, sonder dat dit te veel tegniese vernuf vereis, mbv spieëls wil verhit wat turbines sal laat draai.

Die Duitse ministerie van ekonomie asook die Klub van Rome is betrokke. Deelnemers glo die projek sal Europa van ten minste 15% van sy energiebehoeftes voorsien.

Die Duitsers hoop Italië en Spanje sal ook inkoop in die plan wat duur infrastruktuur sal benodig.

Desertec is ontwikkel deur 'n netwerk van wetenskaplikes en politici wat hulleself die Trans-Mediterreense Hernubare Energiekoöperasie noem. Die Franse sal waarskynlik nie deel wees van die projek nie omdat hulle op kernenergie staatmaak.

для бани

NUM dreig met staking

'n Staking dreig in die mynsektor, het die NUM, die Nasionale Unie vir Mynwerkers, Donderdag gesê. Die Unie en die Kamer van Mynwese se goudafdeling het 'n dooipunt bereik, het Lesiba Seshoka in 'n verklaring gesê.

Die Kamer het 7% aangebied teenoor die 15% wat NUM eis. Die dooiepunt sal nou deur die CCMA, (Commission for Conciliation, Mediation and Arbitration) oftewel die Kommissie vir Konsiliasie, Mediasie en Arbitrasie, opgelos moet word

Die impasse kan veroorsaak dat 150 000 myners staak. NUM se algemene sekretaris Frans Baleni het gesê om te staak is altyd die laaste uitweg, "maar hierdie jaar is dit onvermydelik".

Vakbond Solidariteit het gesê professionele hulp word nou benodig in die onderhandelingsproses. Woordvoerder Jaco Kleynhans het in 'n verklaring gesê die verbruikersprysindeks staan tans op 8,4% en vakbondlede sal nie 'n aanbod aanvaar wat dit nie in ag neem nie.

In Januarie het die D-lyne van AngloGold Ashanti, Gold Fields en Harmony verhogings van tussen 10 en 15% ontvang. Nou is dit die beurt van B en C om ook dubbelsyferverhogings te kry.

UASA se Franz Stehring, afdelingshoof wat gemoeid is met mynarbeid, het gesê die myne se aanbod is 'n belediging. Hy sê mediese inflasie oor die afgelope sewe of agt jaar alleen het met ongeveer 7% gestyg bo die normale koers.

Hy sê die verhoging sal hulle lede verarm en hulle sal nie daaran dink om die aanbod na hulle lede te vat nie.

Die Kamer van Mynwese sê daar is nogtans oor sekere kwessies ooreengekom, soos vaardigheidsopleiding, aandeelopsieplanne en beskermende kleredrag vir vroue wat ondergronds werk.

Harmony het aangedui dat hulle na groter verhogings sal kyk. Elize Strydom, wat namens die myne onderhandel, meen sekere kwessies sal makliker hanteer word in 'n "gefasiliteerde proses". Sy het gesê daar sal oplossings gevind word en 'n werklike balans tussen die eise van die werknemers en die maatskappye.

SA se grootste piramideskema ontbloot

Suid-Afrika se grootste piramideskema, ter waarde van R10 miljard, is Donderdag ontbloot. Die Financial Mail, en die Star asook die webtuiste moneyweb.co.za berig dat dit selfs groter as die Fidentia-skandaal is.

Barry Tannenbaum (43), seun van Adcock Ingram se stigter Harold Tannenbaum, sit glo agter die skema.

Volgens die Financial Mail, het Tannenbaum sy maatskappye Frankel International en Frankel Chemical Corp gebruik om beleggers om die bos te lei.

Tannenbaum het blykbaar aan beleggers gevra dat hulle slegs by Frankel International Frankel Chemicals belê, in ruil vir 'n opbrengs van 200% per jaar.

Tannenbaum en sy Johannesburgse prokureurs Dean Rees en Darryl Leigh was by die bedrogspul betrokke. Rees en Tannenbaum wys egter nou vinger na mekaar om verantwoordelikheid te probeer ontduik.

Frankel se maatskappye het glo farmaseutiese produkte in- en uitgevoer en is gebruik deur vervaardigers van generiese medisynes. 'n Groot deel van die ingevoerde materiaal is gebruik in die vervaardiging van antiretrovirale middels.

Tannenbaum het aan sy beleggers bestellings van Adcock Ingram, Aspen en Novartis gewys. Hy woon tans in Australië, terwyl Rees in Switserland woon.

Pick n Pay se vorige HUB, Sean Summers, was ook deel van die skema. Alhoewel hy R20 miljoen in die skema belê het, het hy niks verloor nie.

Slagoffers van die skema is egter Allan Rock, 'n professionele tennisafrigter, rekenmeester Howard Lowenthal en makelaar Wayne Gadden. Uraj Tewary, wat 'n inbelsentrum bestuur, het al sy vrou se pensioengeld en verder al die gesin se bates in die skema belê.

Sy vrou, wat swanger is, kan tans geen sorg bekostig nie, want volgens Tewary het hulle nie meer 'n sent nie.

slots no топкарго

Eskom se kapitaalbehoeftes 10 keer groter

Eskom se kapitaalbehoeftes het 10 keer groter geraak die afgelope vyf jaar, van R11 miljard na R104 miljard in 2010, het Jacob Maroga Maandag gesê.

Daar is 'n groot tekort in hulle finansies selfs nadat die regering se befondsing en lenings ingereken word en dit verduidelik die instelling se interimaansoek om 'n tariefverhoging van 34% wat uit die verbruiker se sak moet kom.

Maroga het by die Nasionale Energiereguleerder van SA in Pretoria gepraat by 'n tweedaagse openbare sitting oor die aansoek om tariefverhoging.

Eskom het aansoek gedoen om 'n verhoging in die huidige finasiële jaar en beplan later die jaar 'n verdere verhoging om die balans van die driejaarprysmodel aan te vul. Maroga het gesê dit sal 'n interimoplossing wees, aangesien daar nog nie finaal op 'n befondsingsmodel besluit is nie.

Die model "sal die behoefte aan 'n ekwiteitsinspuiting van die regering en lenings van beleggers asook tariefverhogings balanseer", en sal teen September 2009 gereed wees. Daarna sal Eskom vir nog 'n verhoging aansoek doen.

Eskom het na indringende vrae van Nersa gesê hulle het nie "duidelike oplossings" vir die impak wat die voorgestelde verhogings op die armes sal hê nie, maar het dialoog voorgestel as 'n probleem opduik.

Solidariteit en die Intensiewe Energieverbruikersgroep het die hoë kostes van die semistaatsinstelling bevraagteken in hulle gedetailleerde aansoek. Kaapstad en die Nelson Mandela-munisipaliteit het die aansoek teengestaan omdat hulle meen dit is onregmatig.

Advokaat Graham Richards van die Nelson Mandela Bay Munisipaliteit het gesê Eskom ondermyn wetgewing omdat Nersa 'n statutêre liggaam is wat administratiewe besluite neem en nie die mag het om oor onwetmatigheid te beslis nie.

Deur die interimtariefverhoging toe te laat sal munisipaliteite blootgestel word aan litigasie omdat Eskom nie by tysbepalinge gehou het nie en ook nie genoegsame redes verskaf het om die stygings te regverdigsoos die wet vereis nie.

Die Kamer van Mynwese het gesê Eskom se aansoek om tariewe te verhoog, is vaag. Cosatu het ook die aansoek verwerp. Hulle industriële beleidskoördineerder, Jonas Mosia, het aangedui dat meer as 208 000 werkers hulle werke verloor het agv die finansiële krisis en "nou moet die armes die las van hoër elekrtisiteitstariewe dra".

Solidariteit het Eskom versoek om na hulle twee grootste kostes te kyk naamlik steenkool en personeel. Dirk Herman het die instelling gevra waarom hulle kostes so "astronomies" is en voorts direk gevra dat Eskom 'n ondersoek doen "omdat daar iets verkeerd is".

Sedert 2008 het die prys van steenkool met 60% geval. Herman het 'n 12% verhoging voorgestel wat bedryfskoste sal dek, afhangend van die uitkoms van die ondersoek.

Die sitting sal Dinsdag voortgaan en Eskom sal teen 25 Junie 'n besluit neem.

Australi? klap Chinese hand weg

Die Chinese regering se grootste investering in 'n Westerse maatskappy, 'n aanbod van $19,5 miljard vir 'n aandeel in die Brits-Australiese mynreus Rio Tinto, het Vrydag ineengestort.en daarmee 'n einde gebring aan China se ambisies om groter inspraak in die ontginning van die wêreld se natuurlike grondstowwe te verkry.

Die raad van Rio Tinto het Donderdag na 'n vergadering in Londen op die stap besluit om nie aandele aan Chinalco, China se staatsbeheerde aluminiummaatskappy, te verkoop nie.

Hulle het Vrydag in 'n verklaring bekend gemaak dat hulle eerder met 'n mededinger, die wêreld se grootste Australiese mynkrag BHP Billiton, wil saamwerk.

Australië het diep beswaar gemaak teen die ooreenkoms met China omdat die land se minerale rykdom bydra tot sy voorspoed en Chinese teenwoordigheid word deur talle beskou as 'n bedreiging vir Australië.

Chinalco se voorsitter het Vrydag gesê hulle is baie teleurgesteld dat die ooreenkoms platgeval het.

Rio Tinto het in 'n verklaring gesê dat hulle $5,8 miljard sal verkry deur 'n samerwerkingsooreenkoms met BHP Billiton en dat hulle 'n verdere $15,2 miljard bykomend sal bekom deur 'n aandeeluitgif.

Die ineenstorting van die ooreenkoms word beskou as die gevolg van nasionalistiese oorwegings. 'n Soortgelyke ooreenkoms het deur die mat geval nadat die Amerikaanse oliemaatskappy Unocal geweier het om 'n aandeel aan China te verkoop omdat hulle olie as 'n strategiese bate beskou en bekommerd begin raak het oor China se menseregterekord.

Rio Tinto en Chinalco het tot onlangs die ooreenkoms wat China die grootste aandeelhouer in Rio sou maak, verdedig. Die ooreenkoms sou aan China toegang verleen het tot 'n hele aantal myne regoor die wêreld, in verskeie lande.

In ruil sou Rio 'n dringende kontantinspuiting kon verkry om hulle skuld van $39 miljard wat deur 'n oordeelsfout met die aankoop van die Kanadese Alcan in 2007 aangegaan is, deels te vereffen. Die chinese ooreenkoms is tydens die ineenstorting van kommoditeitspryse en aandelemarkte verlede jaar aangegaan.

Rio Tinto se aandeelprys was toe $26.31 in Londen. Donderdag het dit verhandel teen $44.56.

Australiese opposisielede het eerste minister Kevin Rudd, wat Mandaryns praat en 'n eertydse diplomaat in Beijing was, daarvan beskuldig dat hy te vriendelik met die Chinese is.

'n Advertensie wat dië week in Australië vertoon is, het Tianmenpleinbeeldmateriaal van 1989 uitgesaai en Rudd daarvan beskuldig dat hy "geskenke aan die Chinese militêre regime aandra omdat hy toelaat dat Australië se strategiese minerale grondstowwe deur China beheer word".

Rio het aangebied om aan Chinalco 'n fooi van $195 miljoen te betaal as afskeidsbedrag. Die Australiese mynreus se beweegruimte het ook verbeter aangesien die kommoditeitspryse die afgelope paar weke effens verbeter het.

China het die reaksie teen beheer oor die mynreus beskryf as proteksionisties en nasionalisties.

Rand daal n? swak BNP-syfer

Die rand het met ongeveer 'n halwe persent teen die vernaamste geldeenhede gedaal ná die swak BNP-syfer wat vanmore vrygestel is. Suid-Afrika se reële bruto nasionale produk het met -6,4 persent gedaal in die eerste kwartaal vanjaar, teenoor -1,8% in die vierde kwartaal van 2008.

Hiermee verkeer die land dus vir die eerste keer in 17 jaar amptelik in resessie. Ekonome voorspel nou verdere verlaging in rentekoerse van 100 basispunte of een persent deur die Reserwebank in 'n poging om die ekonomiese inkrimping te stuit.

Die rand het van R8,25 per dollar tot R8,40 verswak, maar handelaars verwag nie verdere dalings totdat die Reserwebank sy monetêre komitee later vandeesweek sy rentekoersbesluit aankondig nie.

Veral mynbou en vervaardiging is swaar deur die globale resessie getref en het onderskeidelik met 32,8% en 22,1% afgeneem. Ook die bankwese het verlangsaam. 'n Ekonoom van Stanlib, Kevin Lings, meen dat die afname in die BNP vir die volle jaar tussen 1,5% en 2% gaan wees.

Die verswakking is oor 'n breë front sigbaar en is verlede jaar deur die oplewing in die landbousektor verdoesel, maar vandag se syfer toon duidelik dat Suid-Afrika hom nou by die res van die wêreld aangesluit het en in 'n erge resessie verkeer.

casino no

Mboweni kritiseer plaaslike banke opnuut

Kommersiële banke gee nie noodwendig die voordele van laer rentekoerse deur aan die verbruiker nie, het die goewerneur van die Reserwebank, Tito Mboweni, Woensdagaand gesê.

Hy het by die Sake24-geleentheid in Kyalami, Johannesburg, waar die ekonoom van die jaar aangewys is, gepraat. Dit is die derde keer hierdie maand dat die goewerneur die plaaslike banke kritiseer.

"Dit lyk asof plaaslike banke hoër as prima vra in vergelyking met wat voorheen die geval was," het hy gesê. Mboweni sal Donderdag met banke vergader om die 3,5% verskil tussen die repokoers en die rentekoers wat banke hulle kliënte vra, te bespreek.

Mboweni, wat hoofsaaklik gisteraand met 'n groep ekonome gesels het, het ook verwys na die ernstige kwessies wat beleidmakers en voorspellers in die gesig staar.

"Die huidige finansiële krisis het ons almal gedwing om 'n groot herevaluasie van die manier waarop ons oor die algemeen die werkinge van die ekonomie gesien het, te maak.

"Die fundamentele verhoudinge en ekonomiese korrelasies wat ons voorheen as vanselfsprekend aanvaar het, word nou bevraagteken en dit het intense debat op feitlik alle gebiede in die ekonomiese diskoers ontlok in hierdie moeilike en turbulente tye."

In die Reserwebank se aannames in sy inflasiemodel, het die bank se sentrale beleidskomitee aangeneem tydens die Aprilvergadering dat die gemiddelde kontraktuele prys van olie in 2009 VS50 per vat sal wees en VS55 in 2010.

Hulle het aanvaar dat groei in Suid-Afrika se handelsvennote met 2% sal afneem in 2009 en met 'n halwe persent sal toeneem in 2010.

Die beleidskomitee het geadministreerde prysinflasie op 2% bereken vir 2009 en 9,75% vir 2010, het Mboweni gesê.

bog bad wolf

Cosatu se aansoek teen Vodacom van die hand gewys

Die Pretoriase Hooggeregshof het in Vodacom se guns beslis en die aansoek wat deur Cosatu en Icasa gebring is om die maatskappy te keer om op die Johannesburgse aandelebeurs te noteer, van die hand gewys.

Woordvoerder Patrick Craven van Cosatu sê regter John Murphey het in Vodacom, Vodafone, Telkom en die regering se guns beslis. Craven het gesê Cosatu sal nietemin voortgaan om die notering teen te staan, hetsy met alle regsmiddele tot hulle beskikking, hetsy met 'n boikot teen die telekommunikasiereus.

Hy het bygevoeg dat die beslissing slegte nuus vir alle Suid-Afrikaners is wat nie soveel geld het soos die maatskappye nie. Craven het gesê dat regter Murphey aanvanklik toegegee het dat Cosatu en Icasa 'n goeie saak het.

Die regter het egter in sy finale beslissing gesê dat die finansiële voordele wat die maatskappy vir Suid-Afrika inhou, groter is as die verlies vir gewone burgers en dat die hof nie Cosatu en Icasa se aansoek kan aanvaar nie.

Craven het gesê dit is baie belangriker dat die eienaarskap in Suid-Afrikaanse hande bly as die ongerief wat dit vir aandeelhouers en die sake-elite beteken.

Vodacom se woordvoerder Nicholas Williams het in 'n eensinverklaring gesê: "Ons verwelkom die beslissing en ons sien uit na die notering more[Maandag]."

Фильчаков Харьков