Die Amerikaanse President, Barack Obama sê hy is hartgebroke na nog ‘n skietery by die Fort Hood-weermagbasis in Texas, het RSG berig.
Die bevelvoerder van die weermagbasis, generaal Mark Milley het bevestig dat drie soldate doodgeskiet en 16 gewond is in ‘n skietery, voordat die aanvaller homself doodgeskiet het.
Hy sê egter daar is geen aanduiding dat die voorval met terrorisme verband hou nie. Die skietery het om halfvyf die middag plaasgevind, en het 15 na 20 minute geduur.
In 2009 het ‘n weermag psigiater, majoor Nidal Hasan 13 mense doodgeskiet en 30 gewond in ‘n skietery by Fort Hood.
Die skieter Ivan Lopez, 34, het geen kontak beleef gedurende sy diensplig in Irak nie.
In September is 12 mense doodgeskiet en vier gewond in ‘n skietery by die Washington vlootterein.
‘n Kragtige naskok van 7,6 op die Richterskaal het die noordelike deel van Chile geskud.
Die VSA se Geologiese Opname, USGS het aanvanklik berig dat die grootte van die aardbewing 7,8 was, maar dit is later afgegradeer tot 7.6.
Dit is oor die grens gevoel in Suid-Peru, Tacna en Arequipa waar mense in vrees in die strate uitgehardloop het.
Dinsdag, het die owerhede net ses sterftes gerapporteer, maar het gesê dit is moontlik dat nog mense gedood kon gewees het in afgeleë gemeenskappe en dus was verdere besonderhede nie onmiddellik beskikbaar nie.
Meer as 2500 huise is beskadig in ‘n arm buurt bo Iquique, ‘n stad van byna 200,000 mense.
‘n Verpligte ontruiming voor ‘n tsunami die kusinwoners getref het, het plaasgevind. Die water het gestyg tot 2,5 meter en miljoene dollar se skade aan vissersbote aangerig.
Dit volg nadat die regering gister ‘n noodtoestand afgekondig het ná die kragtige aardbewing van agt-komma-twee in die gebied.
Die naskok het gevolg na vroeëre naskokke en was sowat 19 kilometer suid van die hawe van Iquique.
Die president van die Europese Raad, Herman van Rompuy, het die spitsberaad tussen Europa en Afrika as ‘n geleentheid bestempel vir Europa om vir sy koloniale verlede te vergoed en vrede, ekonomiese groei en werkgeleenthede in Afrika te skep, maar ontelders sê Europa het min aantrekkingskrag vir Afrika.
Die Europese Unie is Afrika se grootste ontwikkelingsvennoot, wat tussen 2007 en 2013 hulp van twee biljoen rand beskikbaar gestel het aan die vasteland.
Presidente en eerste ministers van Europa en Afrika het in Brussel byeengekom vir ‘n beraad tussen die die twee kontinente wat voorgehou word as ‘n geleentheid om vrede en beleggings op die wêreld se armste vasteland te bevorder.
Kenners meen egter die EU is bekommerd oor China se groeiende invloed op die vasteland wat hul toegang tot goedkoop hulpbronne kan belemmer.
Die spitsberaad is geopen met krisissamesprekinge Woensdag oor die “skrikwekkende” geweld in die Sentraal-Afrikaanse Republiek (SAR).
Dertien leiers van die Europese Unie en 12 Afrika-leiers het vergader met die sekretaris-generaal van die Verenigde Nasies, Ban Ki-moon oor die afwaartse spiraal van chaos waarin die SAR besig is om te versink.
Die VN-hoof hoop om die Veiligheidsraad te nader sodat ‘n sogenaamde vredesmag van 12.000 uiteindelik die 8.000 Afrika- en Franse troepe daar kan vervang.
Op die vooraand van die spitsberaad het die EU besluit om reeds 1000 troepe na die SAR te stuur, in weerwil van ‘n gebrek aan toerusting.
Ban Ki-moon het gewaarsku dat die situasie in ‘n volskaalse volksmoord kan ontaard, met kinders wat onthoof word, kannibalisme en wydverspreide summiere teregstellings.
Onwettige migrasie, handels- en veiligheidsprobleme in Afrika sal ook aangespreek word by die tweedag-beraad.
Die vorige EU-Afrika-spitsberaad in Tripoli is meer as drie jaar gelede onder toesig van die Libiese staatshoof Moeammar Gadaffi gehou voordat hy deur Anglo-Amerikaanse ondersteuners vermoor is.
Spanning oor China se invloed was reeds toe ook sigbaar.
Dit het intussen aan die lig gekom dat die geweld in Libië wat die lewe van ‘n Amerikaanse ambassadeur Chris Stevens geëis het nadat die VSA die land binnegeval het, doelbewus deur die Amerikaanse owerhede toegesmeer is.
Die CIA het erken dat hulle gelieg oor Libië, oor ‘n opstand in Benghazi wat nooit plaasgevind het nie.
In ‘n doelbewuste poging om die Amerikaanse nasie, sowel as mense regoor die wêreld te mislei, het Barack Obama, Hillary Clinton en die VN-ambassadeur Susan Rice gelieg en gesê die terrorisme-aanval op die diplomatieke missie in die stad was ‘n spontane opstand in reaksie op ‘n anti-Islam-video wat opgelaai is op die internet.
Die waarnemende CIA-direkteur Mike Morell sal openbare getuienis oor die Benghazi-versinsels lewer voor ‘n Staande komitee oor Intelligensie van die Huis van Verteenwoordigers dié week.
Intussen het China hul penetrasie van Afrika voortgesit, terwyl Indië, Brasilië, Turkye en Suid Korea ook tans soortgelyke geleenthede nastreef.
“In net ‘n paar jaar het Afrika ‘n aantreklike bruid geword wat kan kies tussen ‘n paar kandidate,” sê ontleder Geert Laporte van die Europese Sentrum vir Beleidsontwikkeling. Maar Europa is “op die oomblik baie onbegeerlik.” [But Europe right now does not have a lot of sex appeal]
President Jacob Zuma en Zimbabwe se Robert Mugabe het besluit om nie dit by te woon nie na ‘n geskil oor die uitnodigingslys.
Mugabe het weggebly omdat sy vrou Grace nie genooi is nie. Sy is een van talle gaste wat nie ‘n uitnodiging ontvang het nie.
President Zuma het Suid-Afrika se minister van buitelandse sake in sy plek gestuur.
‘n Onbekwame swart minister van justisie, Christiane Taubira, het haar pos in die geskommelde Franse kabinet onder die nuwe eerste minister, Manuel Valls, behou. Die kabinetskommeling ná die uiters swak vertoning deur die regerende Sosialistiese Party tydens die pas afgelope plaaslike verkiesings in die land. Frankryk is besig om al hoe meer na regs te verskuif, met die opkoms van mev. Marine Le Pen se Front Nasionaal, maar ook die tradisionele regs-liberale party, die UMP, wat vele stemme by die sosialiste afgeneem het.
Die Sosialistiese president, Francois Hollande, het daarom verkies om die meer konserwatiewe sosialis, Manuel Valls, as eerste minister, tesame met ‘n nuwe kabinet, aan te stel. Valls is van die gewildste sosialiste aangesien hy ‘n meer “regse” benadering volg as dit by Frankryk se immigrasieprobleme kom. Hy het byvoorbeeld ‘n nasionale opskudding veroorsaak deur ‘n 15-jarige sigeunermeisie, Leonarda Dibrani en haar gesin summier uit die land te sit omdat hulle nie oor wettige verblyfpermitte beskik het nie. Die meisie was reeds etlike jare in Frankryk op skool en het haarself as Frans beskou.
Manuel Valls, die nuwe eerste minister van Frankryk
Die omstrede swart minister, Christiane Taubira, het egter haar pos as minister van justisie behou, omdat Hollande waarskynlik bang was dat hy van “rassisme” beskuldig sou word indien hy haar uit die kabinet weglaat. Volgens ‘n anonieme kommentator wat deur die Paryse koerant, Le Figaro, aangehaal word, wou mnr. Bertrand Delanoë nie die pos aanvaar nie. “Uiteindelik,” volgens hom, sou haar (Taubira se) weglating uit die kabinet deur die nuwe eerste minister gesien gewees het as ‘n diskriminerende en wraaksugtige daad, gegewe die openbare verdeeldheid in die verlede.”
Taubira word deur vele regse Franse as “nie Frans nie” beskou en is ook om haar linkse standpunte omstrede.
‘n Ander minister wat sy pos behou het, is Laurent Fabius, die minister van buitelandse sake.
Die president van die Wêreldbank, Jim Jong Kim, het gister gesê dat “elekrisiteit van die mense van Afrika weerhou word” wat op globale “energie-apartheid” neerkom.
Die totale energie-verbruik van die miljard mense in Afrika is gelykstaande aan dít wat België met sy 11 miljoen inwoners verbruik.
“Tans is die totale energie-verbruik van die miljard mense in Afrika gelykstaande aan wat België aan sy 11 miljoen inwoners bied,” het Kim tydens ‘n toespraak oor die bank se stryd teen armoede gesê.
“Dis ‘n vorm van energie-apartheid wat ons moet aanspreek as ons ernstig daaroor is om die Afrikalande te help groei en om geleenthede vir alle Afrikane te skep.”
Kim het die kritiek gebruik om die bank se mees onlangse groot projek in Afrika te verklaar, ‘n skenking van $73 miljoen aan die Demokratiese Republiek van die Kongo om te help om ontwikkeling van die 4 800-megawatt- Inga 3-hidroelektrieseprojek te begin.
Die Inga-omgewing het die potensiaal om 40 gigawatt krag op te wek, het Kim verklaar, wat gelyk is aan die helfte van alle kragopwekkingskapasiteit wat tans in Afrika suid van die Sahara – meesal in Suid-Afrika – bestaan.
“Ons het dié krag in Afrika desperaat nodig,” het hy tydens ‘n toespraak aan die Amerikaanse Council on Foreign Relations gesê.
Volgens gegewens van die Wêreldbank, leef 1,2 miljard mense ter wêreld sonder elektrisiteit, met ‘n derde van hulle wat in vyf Asiese en Afrikalande saamgetrek is.
Omdat farmaseutiese maatskappye in die VSA weier om verder middels vir gebruik tydens die doodstraf te verskaf, poog regslui vir twee terdoodverooroordeelde swart mans tans om die voltrekking van hul vonnisse verder uitgestel te kry. Clayton Lockett en Charles Warner sal onderskeidelik op 22 en 29 April deur die deelstaat Oklahoma tereggestel word.
Die owerheid het gister die kombinasie van middels waarmee die twee swartes tereggestel gaan word, vrygestel. Slegs ‘n enkele ander Amerikaanse staat maak van dieselfde kombinasie gebruik.
Volgens ‘n woordvoerder van Oklahoma se prokureurgeneraal, Scott Pruitt, sê die twee swartes sal met die kalmeermiddel midazolam ingespuit word, asook pankuroniumbromied en potassiumchloried, wat die slagoffers sal verlam en hul harte sal laat ophou klop. Die deelstaat het ook bekendgemaak dat ‘n apteek die midazolam en pankuroniumbromied sal verskaf, maar die naam van die apteek is nie genoem nie.
Warner se regsverteenwoordiger, Madeline Cohen, meen sy is bekommerd oor die gebruik van die mengsel vir die teregstelling, veral omdat die dosis midazolam wat deur Oklahoma se protokol voorgeskryf word veel kleiner is as dié wat deur Florida gebruik word. “Tot dusver het Oklahoma geen aanduiding gegee dat mediese kundiges oor die metode geraadpleeg is nie,” sê Cohen.
“Dié kombinasie van middels is in ‘n hand vol teregstellings in Florida gebruik en het vrae laat ontstaan omdat midazolam nie ‘n narkotiese middel is nie en dit daarom onduidelik is of dit ‘n gevangene genoegsaam sal narkotiseer vir die tweede en derde middels, wat ongetwyfeld pyn en lyding by iemand sal veroorsaak wat nie genoegsaam onder narkose verkeer nie,” gaan Cohen voort.
Volgens haar “hou die protokol ‘n wesentlike risiko in dat die veroordeelde gevangene ‘n uitgerekte marteldood weens versmoring kan sterf, vanweë die uitwerking van beide midazolam en pankoriumbromied”.
Die prokureurgeneraal het intussen gister ‘n brief aan Warner se regsverteenwoordiger geskryf waarin hy sê dat hoewel die nuwe middels van ‘n apteek afkomstig is, ‘n kwalitatiewe ontleding aangevra is wat oor ongeveer twee weke voltoot sal word en aan die gevangenes se prokureurs beskikbaar gestel sal word. Volgens die brief “word die middels op ‘n wyse geberg wat strook met behoorlike berging en sorg”.
“Boonop sal Oklahoma se departement van korrektiewe dienste u van ‘n ontledingsertifikaat betreffende die basissbestanddele wat in die nuwe amalgaam van midazolam en pankuroniumbromied gebruik gaan word,” skryf die staat.
Die groot farmaseutiese maatskappye – waarvan sommige ook in Europa gesetel is – weier om voortaan aan gevangenisse en korrektiewe departemente te verskaf; vandaar die kwessie rondom die middels wat in die teregstelling deur ‘n dodelike inspuiting gebruik gaan word.
Tien dae gelede het Oklahoma sy uitvoeringsprosedure verbreed om aan die departement van korrektiewe dienste meer opsies te bied.
Lockett en Warner het die deelstaat in Februarie gedagvaar vir meer inligting aangaande die middels wat gebruik gaan word om hulle dood te maak. Hulle en hul prokureurs het aangevoer dat die staat sy teregstellingsmetodes, waaronder die middels wat gebruik gaan word en die bron van sodanige middels, verdoesel het.
Die distriksregter van die Oklahoma-graafskap, Patricia Parrish, het verlede week beveel dat die aangehoudenes oor die reg beskik om meer oor die middels te weet. Parrish het ook ‘n hofbevel toegestaan waarin sy die geheimhouding rondom die prosedure ongrondwetlik bevind, aangesien die staat nie in die hof sy verskaffer kon bekendmaak nie.
Diane Clay, die woordvoerder vir die prokureurgeneraal se kantoor, het gesê dat, hoewel die vertroulikheidsklousule deur Parrish ongrondwetlik bevind is, is die bevel nie finaal totdat alle appelle uitgeput is nie.
Lockett gaan op 22 April tereggestel word vir die skietmoord op ‘n 19-jarige vrou van Perry in 1999. Warner is die doodstraf opgelê omdat hy in 1997 sy vriendin se 11 maande oue baba verkrag en vermoor het.
Intussen poog die regsverteenwoordigers van die twee swart mans om in die Oklahoma-appèlhof die teregstellings gestuit te kry. – Amerikaanse nuusdienste
Die Yellowstone-kaldera onder die Yellowstone-nasionale park. Die warmbronne in die gebied is te wyte aan die reuse- lewende vulkaan onder die oppervlak
Die ANC-regering het ‘n versoek van die VSA van die hand gewys om deel te wees van ‘n Amerikaanse rampbestuursplan waaruit Suid-Afrika $10 miljard per jaar (ongeveer R100 miljard) vir tien jaar sou ontvang. Luidens die plan sou tydelike huisvesting vir miljoene Amerikaners in Suid-Afrika gebou word ingeval die Yellowstone-supervulkaan in dié land een of ander tyd tot uitbarsting sou kom.
Lande wat wel aan die Amerikaanse noodlenigingsplan gaan deelneem, is Brasilië, Argentinië en Australië. Volgens ‘n woordvoerder van die departement van buitelandse sake, dr. Sipho Matwetwe, sal Suid-Afrika nie “deel van die plan wees nie omdat daar ‘n risiko bestaan dat miljoene wit Amerikaners in ‘n noodsituasie na die land gestuur kan word en dit kan ons nasionale kultuur en identiteit bedreig”.
Amerikaanse wetenskaplikes hou reeds jare lank die supervulkaan onder die Yellowstone-nasionale park in die VSA dop. ‘n Supervulkaan is honderd keer so kragtig soos ‘n gewone vulkaan en kan nie net miljoene mense laat omkom nie, maar ook ‘n hele beskawing uitdelg. Indien Yellowstone sou uitbars, sou die hele Noord-Amerika verwoes word en die aarde mag enkele jare lank in ‘n “vulkaniese winter” gedompel word.
Die laaste bekende supervulkaniese uitbarsting het blykbaar ongeveer 70 000 jaar gelede plaasgevind langs die Toba-meer in Soematra, Indonesië. Dit het ‘n vulkaniese winter veroorsaak wat ses tot agt jaar geduur het, asook ‘n tydvak van aardverkoeling ingelui wat ‘n duisend jaar geduur het.
‘n Onlangse wetenskaplike ontleding van die gesmelte rots onder die Yellowstone-nasionale park in die Verenigde State van Amerika het onthul dat ‘n uitbarsting sonder enige eksterne invloed moontlik is.
Wetenskaplikes het voorheen geglo dat vele supervulkaniese uitbarstings eers deur ‘n aardbewing ontketen moet word om die aarde se kors oop te breek vir die magma om te ontsnap. Maar nuwe navorsing toon dat dit spontaan as gevolg van ‘n toename in druk kan plaasvind.
Supervulkane verteenwoordig die tweede grootste gevaar vir lewe op aarde, ná ‘n botsing van die aarde met asteroïdes, en hulle was in die verlede verantwoordelik vir massa-uitsterwings van spesies op aarde, langtermynklimaatsveranderings en korter “vulkaniese winters” wat veroorsaak word as vulkaniese as die sonlig afkeer.
Amerikaanse wetenskaplikes het Suid-Afrika geïdentifiseer as ‘n gebied waar mense sou kon oorleef tydens die vulkaniese winter wat Yellowstone sou veroorsaak. Hoewel die Amerikaanse regering geensins paniek onder sy burgers wil veroorsaak nie, is op ‘n “gebeurlikheidsplan” besluit indien die ergste wel sou plaasvind en Yellowstone tot uitbarsting kom.
Die vulkaan word tans deurentyd deur seismograwe by 45 punte gemonitor en waarskynlike sou die VSA oor enkele weke of dae se waarskuwing beskik om groot getalle van sy burgers oorsee en veral na die suidelike halfrond te stuur.
Kunstenaarsvoorstelling van Yellowstone wat uitbars
Yellowstone in die deelstaat Wyoming het 600 000 jare gelede ‘n uitbarsting beleef en meer as 1000 kubieke kilometer as en lawa in die atmosfeer ingestuur – omtrent 100 keer meer as die Berg Pinatubo-uitbarsting in die Filipyne in 1982, wat ‘n merkbare tydvak van globale verkoeling meegebring het.
Hoewel die Suid-Afrikaanse ministeries van buitelandse sake, asook wetenskap en tegnologie, volledig oor die Amerikaanse plan ingelig is, tesame met die groot bedrae geld wat betaal sou word om tydelike huisvesting vir Amerikaners in die Karoo en in die Kalahari op te rig waar hulle sou kon oorleef, het die kabinet besluit om die Amerikaanse versoek van die hand te wys.
Die R100 miljard sou van 2014 af elke jaar vir tien jaar aan Suid-Afrika betaal word, waarna die plan hersien sou word.
Dit kan tot tien jaar neem vir druk om in die magmakamer van die supervulkaan op te bou. Volgens dr. Jean-Philippe Perrillat van die Nasionale Sentrum vir Wetenskaplike Navorsing in Grenoble, Frankryk, “is dit die verskil in digtheid tussen die gesmelte magma in die kaldera en die omliggende rots wat groot genoeg is om die magma vanuit die kamer na die oppervlak te laat styg”.
“Die uitwerking is dieselfde as die ekstra dryfvermoë van ‘n sokkerbal wat onderwater met lug gevul word, waarna dit na die oppervlak styg omdat die omringende water digter is,” sê dr. Perrillat. “As die volume magma groot genoeg is, behoort dit na die oppervlak te styg en te ontplof soos ‘n sjampanjebottel wat ontkurk word.”
Volgens dr. Sipho Mathetwe, het die Suid-Afrikaanse regering “simpatie vir die Amerikaanse uitdaging (challenge) met Yellowstone, maar ons het ons eie uitdagings in Suid-Afrika. Daar is 200 miljoen witmense in Amerika en as te veel van hulle Suid-Afrika toe vlug, kan dit ‘n groot probleem veroorsaak, selfs al is daar genoeg huisvesting en infrastruktuur beskikbaar. Dit sal die land destabiliseer en kan selfs apartheid laat terugkom. Suid-Afrika is nie te koop nie.”
Die Amerikaanse ambassadeur in Pretoria was nie vir kommentaar beskikbaar nie.
‘n Skadu het oor die Turkse politieke toneel neergedaal na die anonieme publikasie op YouTube, op 27 Maart van twee opnames van ‘n nasionale veiligheidsvergadering waarin die Turkse regering oorweeg om onder valse voorwendsels – ‘n sogenaamde ‘false flag’ – in ‘n oorlog teen Sirië gewikkel te raak.
Die Turkse eerste minister beskuldig sy voormalige bondgenoot en geestelike, Fethullah Gulen, daarvan dat hy ‘n smeerveldtog teen hom gelei het.
Premier Tayyip Erdogan het nietemin dié naweek as oorwinnaar uit die land se verkiesing getree.
Die verkiesing is ook beskou as ‘n referendum oor sy regering nadat hy van korrupsie beskuldig is.
Vroeë uitslae toon dat Erdogan se AK Party tussen 44 en 46 persent van die stemme gekry het, terwyl die opposisie tussen 23 en 28 stemme op hulle verenig het.
Hy het sy oorwinning by die stembus bestempel as die aanbreek van die nuwe Turkye.
Op 24 Februarie is ‘n klankbaan gelek waarin die premier sy seun adviseer om 30 miljoen in kontant weg te steek voor die polisie dit kom soek in sy huis.
Ten spyte van ontkennings deur Erdogan het sy beeld as vroom en wetsgehoorsame man ‘n groot knou gekry.
Sy oorwinning oor Fethullah Gülen is slegs moontik gemaak deur die afdanking van duisende staatsamptenare wat hy daarvan beskuldig het dat hulle Gulen volg.
Hierdie bekendmaking ondermyn enige Turkse poging om verder in te meng in Sirië. Sedert die begin van die oorlog, het Ankara logistieke ondersteuning aan NAVO se rebelle gebied.
Vrae heers egter oor die argeologiese skatte in Aleppo waarvan talle ou Christelike stukke is, wat deur Turkye geplunder is.
Turkse betrokkenheid in die destabilisering van Sirië is te indringend om nog steeds ontken te word. Ankara ondersteun nie net ‘n politieke opposisie, maar Islamitiese huursoldate wat terrorisme beoefen.
Die land is diep verdeel in twee onverbiddelike kampe, en al het Erdogan die verkiesing gewen is die konflikpotensiaal verdiep deur sy hardhandige optrede teenoor opponente.
Met Duitsland as ‘n belangrike handelsvennoot van China, het samesprekings tans tussen Merkel en die Chinese president Xi rondom ekonomiese kwessies gehandel.
China het tydens die mediakonferensie herhaal dat hulle neutraal staan teenoor die kwessie in die Krim en dat dit hulle nie raak nie.
China oorweeg egter tans ‘n plan om die hele wêreld met ‘n netwerk van toesigsatelliete te dek.
Meer as 50 waarnemingsatelliete kan binne twee jaar in ‘n wentelbaan om die aarde wees, het die South China Morning Post berig. Dit sal die land se satelliettoesigvermoëns op ‘n gelyke voet, of groter as die van VSA plaas.
China sê die VSA se onvermoë om uitsluitsel te gee oor die verdwyning van die Maleisiese vlug MH370, noodsaak dié stap.
Tydens die Sino-Germaanse gesprekke het Duitse motorvervaardiger Daimler verklaar dat hulle onder meer die produksie van sy gesamentlike onderneming met Beijing Automotive Group sal uitbrei.
Dit is die tweede ooreenkoms van sy soort, in navolging van Daimler se mededinger BMW en sy Chinese vennoot.
Vrydag, het die Bundesbank en die Volksbank van China ingestem om ‘n verklaring van voorneme uit te reik om ‘n yuan-betalingsnodus in Frankfurt tot stand te bring.
Dit was Xi se eerste Europese besoek as president en het swaar gefokus op buitelandse beleggings.
In Frankryk, het hy met die Europese lugvaartreus Airbus ‘n kontrak ter waarde van 10 miljard euro gesluit.
Xi se beplande besoek aan Brussel is ook gesien as ‘n skuif om ekonomiese bande met die EU te versterk.
Duitsland se minister van buitelandse sake, Frank-Walter Steinmeier, het intussen gesê Duitse militêre steun aan oos-Europese lede van die Noord-Atlantiese Verdragsorganisasie of NAVO moet nie tot ‘n eskalasie lei nie.
Duitsland het in reaksie op die Krim-skiereiland se referendum gesê hulle sal AWACS-ondersteuning in Pole en Roemenië verskaf asook opleidingsvlugte in die Baltiese state.
Volgens die koerant, Der Spiegel, wil Berlyn ‘n meer “aktiewe” internasionale rol speel aangesien Duitsland se internasionale politieke invloed nie ooreenstem met hul handelsinvloed nie.
Volgens Der Spiegel is die ministerie van verdediging gereed om die getal vliegtuie te verdubbel vir versterkte lugpatrollies in dele van Oos-Europa. Frankryk en Denemarke sal ook deelneem.
Die Amerikaanse minister van buitelandse sake, John Kerry, het sy Russiese ampsgenoot, Sergei Lafrof, vir krisissamesprekings oor die Oekraïne in Parys ontmoet.
Lafrof het gesê die Oekraïne behoort ‘n nuwe grondwet op te stel wat minderheidsgroepe wat pro-Russies is, sal beskerm. Rusland wil hê dat die VSA sy imperialistiese militêre opbou in Oos-Europa en die Oekraïne moet staak.
Die vier-ure-lange samesprekings volg op telefoongesprekke tussen president Barack Obama van Amerika en Vladimir Poetin van Rusland.
Die Verenigde Nasies se algemene vergadering het ‘n nie-bindende resolusie goedgekeur wat die Russiese-gesteunde referendum in die Krimskiereiland in die Oekraïne onwettig verklaar.
Die Russiese afgevaardigde, Witali Tsjoerkin, het gesê die uitslag wys duidelik dar Rusland nie geïsoleer is nie. Hy het bygevoeg dat die Weste ongekende druk op lande geplaas het voor die stemmery wat die uitslag beïnvloed het.
China het ook buite stemming gebly in ‘n duidelike aanduiding dat die VSA dié twee lande nader aanmekaar dwing.
Eenhonderd lande het ten gunste van die resolusie gestem en elf daarteen.
Agt-en-vyftig lande, insluitende Suid-Afrika, het buite stemming gebly.
Slegs 168 uit 193 VN-lidlande was teenwoordig by die Algemene Vergadering in New York.
Volgens waarnemers is die groot getal “ja’-stemme ‘n bewys van die VSA se gekoopte invloed in die VN.
Die VSA spandeer meer op wapentuig as die volgende toptien lande saam, wat waarskynlik ook heelwat vir hul oorredingsvermoë doen om die uitslag in hul guns te beklink.
