Diepsloot ten noorde van Johannesburg was stil oornag nadat inwoners betoog het oor die moord op twee kleuters wie se lyke gister in ‘n toilet ontdek is, het die polisie Woensdag gesê.
“Daar is tot dusver geen insidente sedert laas (Dinsdag-) nag nie,” het die woordvoerder luitenantkolonel Lungelo Dlamini gesê.
Woedende inwoners het Dinsdag op straat betoog en paaie in die lokasie afgesper.
Die twee dogtertjies, 2 en 3 jaar oud, is oor die naweek as vermis aangemeld.
‘n Span speurders is aangestel om die moorde te ondersoek, het Dlamini gesê. – Sapa
Die Mao Zedong-mausoleum, ‘n voorbeeld van sosiaal-realistiese beeldhouwerk
In wat as ‘n opsetlike vernedering vir die Afrikanergemeenskap van Pretoria bestempel word, beplan die ANC ‘n sosiaal-realistiese, Stalinistiese beeldepark in Groenkloof. ANC- en kommunistiese “helde” sal daar teen ‘n koste van R800 miljoen vereer word.
‘n Voorlegging hieroor is gister deur Dali Tambo, seun van die voormalige ANC-kommunis en terroris, Oliver Tambo, aan die portefeuljekomitee oor kuns en kultuur in Kaapstad gedoen. Die “monument” sal uit 400 lewensgrootte beelde van “vryheidsvegters” bestaan, tesame met tuine en ‘n water-element.
Dali Tambo is tans uitvoerende hoof van die nasionale erfenisprojek-maatskappy. Onder ander het hy gister die volgende gesê:
Dali Tambo
“Talle mense van alle rasse het bydraes gelewer in die stryd om vryheid. Daar is ook dié wat nooit ’n vuurwapen opgetel het nie, maar wat, soos Olive Schreiner, met die pen geveg het. Eerw. Trevor Huddleston het destyds met sy Bybel in die hand geveg. Dit is mense, wat waar hulle ook al was, geveg het in ’n tyd toe dit baie moeilik was om hul gemeenskappe teen te staan,” het Tambo gesê.
“Ons wil Suid-Afrikaners met dié projek daaraan herinner dat dit verskillende mense gekos het om die hedendaagse Suid-Afrika te bou. Dit was ’n gesamentlike poging.”
Blykbaar is 24 beelde reeds in brons gegiet en word tans in die Oliewenhuis-kunsmuseum in Bloemfontein ten toon gestel. Die doel is om die voorvaders te vereer.
“Dit gaan 400 van ons topvoorvaders wees wat in verskillende eras van ons geskiedenis ’n bydrae gelewer het. Ons vereer oudpres. Nelson Mandela se bydrae gereeld, maar daar was baie Mandelas in ons geskiedenis,” sê Tambo.
“Adam Kok was ’n Mandela van sy tyd. Ons wil hulle (die voorvaders) omring met pragtige tuine waar mense kan piekniek hou en voor hulle trou.”
Onder die standbeelde is een van die Khoi-hoofman Dawid Stuurman, wie se oorskot in Australië nog soek is, en die Griekwa-leier Adam Kok.
Niekie van den Berg, DA-LP, het gepleit dat kultuur nie weer gebruik word om mense te verdeel nie, maar Paul Mashatile, minister van kuns en kultuur, het gesê dit is ’n inklusiewe proses.
Volgens Tambo is 24 standbeelde reeds in brons gegiet en word hulle solank in die Oliewenhuis-kunsmuseum in Bloemfontein uitgestal.
“Dit gaan 400 van ons topvoorvaders wees wat in verskillende eras van ons geskiedenis ’n bydrae gelewer het. Ons vereer oudpres. Nelson Mandela se bydrae gereeld, maar daar was baie Mandelas in ons geskiedenis.
“Adam Kok was ’n Mandela van sy tyd. Ons wil hulle (die voorvaders) omring met pragtige tuine waar mense kan piekniek hou en voor hulle trou.”
Die Groenkloof-reservaat in Pretoria is een van die laaste oorblywende natuurlike koppies in die Pretoria- voorstedelike gebied. Dit sal nou ontsier word met ‘n tipies kommunistiese en sosiaal-realistiese monument, soortgelyk aan dié wat in Stalinistiese Rusland en Maoïstiese China opgerig is (sien foto hiernaas).
Onder andere sal daar standbeelde van die volgende figure wees:
Dali Tambo se ouers, Oliver en Abertina Sisulu
Albert Luthuli, ANC-leier
Steve Biko, die swartbewussynsaktivis
Adam Kok, Griekwa-leier
Charlotte Maxeke, die eerste Xhosa-vrou wat ‘n graad kon verwerf
Chris Hani, terroristeleier
Helen Suzman, die liberale politikus en Boerehater
Koning Nyabela van die Ndebele
Koning Makhodo Ramabulana
Sol Plaatje, skrywer en stigterslid van die South African Native National Congress, voorloper van die ANC
In sy reaksie het dr. Dan Roodt van praag, die Pro-Afrikaanse Aksiegroep, gesê: “Die huidige bestel raak net al hoe meer belaglik. Dis soos Idi Amin wat die kommunisme in ons land afdwing, kompleet met sosiaal-realistiese kitsch wat teen groot koste en met baie korrupsie opgerig word. Soos in Oos-Europa, sal sulke afskuwelikhede eenvoudig net weer afgebreek word eendag wanneer Afrikaners en die res van die land weer tot verhaal gekom het.”
“Tans verteenwoordig dit ‘n opsetlike vernedering vir die Afrikanergemeenskap van Pretoria en ‘n skending van die stad se natuur en argitektuur.”
Die polisie is ontbied na Bekkersdal in Westonaria aan die wesrand van Gauteng, waar inwoners beplan om vandag weer te betoog.
Hulle wil hê dat hulle plaaslike munisipaliteit ontbind word, en sê hulle gaan aanhou betoog totdat dit gebeur. ‘n Woordvoerder van die betogers, Thabang Wesi sê busse gaan die betogers uit Bekkersdal na die Westonaria plaaslike munisipaliteit vervoer.
Hulle beplan om sakeondernemings en skole in die gebied tot ‘n stilstand te dwing.
‘n Munisipale woordvoerder, Kgabane Madiehe sê die munisipaliteit sal nie ontbind word nie. Hy het sy teleurstelling uitgespreek oor die vandalisme wat tot dusver gedoen is.
Hy sê ook die betogers het tot dusver nie werklik hul samewerking gegee om die munisipaliteit toe te laat om die uitdagings rakende hul eise te bespreek nie.
Agt mense is in hegtenis geneem in verband met Maandag se gewelddadige betogings by Malamulele in Limpopo.
Die verdagtes het na bewering die polisie met klippe bestook, en winkels wat aan buitelanders behoort, geplunder en gevandaliseer.
Hulle sal vandag aangekla word van openbare geweld wanneer hulle in die hof verskyn. Die betogers wil nie meer deel van die Thulamela-munisipaliteit wees nie.
Die premier van Limpopo, Stan Mathabatha sê intussen dat die mense van Malamulele ‘n sterk saak het om die versoek vir hulle eie munisipaliteit te regverdig.
Dit volg na ‘n vergadering gister tussen die Munisipale Afbakeningsraad, die premier en die Malamulele munisipale taakspan.
Anders as wat vroeër berig is, is geen besluit tydens die vergadering geneem nie. Betogende inwoners het sake ondernemings en skole in Malamulele tot ‘n stilstand gebring. – RSG
Beeld berig dat senior polisie-offisiere het die dag van die Marikana-slagting vier lykswaens na die koppie daar ontbied om op ’n gereedheidsgrondslag te wees ingeval geweld uitbreek, het die Farlam-kommissie Maandag gehoor.
Adv. Matthew Chaskalson SC, getuienisleier, het dit gesê tydens die getuienis van lt.kol. Duncan Scott, wat vir die opstel van die polisie se operasionele plan, die sogenaamde Scott-plan, vir 16 Augustus 2012 verantwoordelik was.
“Dit blyk dat kolonels Klassen en Madoda van die polisie in ’n stadium voor 08:30 op 16 Augustus gereël het dat die Phokeng-lykshuis gevra moet word om vier lykswaens na Marikana te stuur omdat ‘hulle die myners in Marikana gaan toemaak’,” het Chaskalson gesê. “Net een voertuig is uitgestuur. Dit het opgedaag nog voor daar enige skietery was.”
Al die mense wat vermoedelik vermis was na ‘n ontploffing by ‘n gebou by Middelburg in die Oos-Kaap, is opgespoor.
Die polisie ondersoek die moontlikheid van brandstigting. ‘n Honde-eenheid sal vandag aanhou om die gebou te deursoek en het die hele area afgesper.
Die polisie sê hulle is deur die bestuur van Rolfe-laboratoriums ingelig dat die 20 mense wat vermis was, almal veilig is.
Die eienaar, Brad Rolfe, sê hy sal al die beseerdes besoek.
‘n Oënskynlikeontploffing by die parfuumfabriekinMiddelburg het ‘n brand laat ontstaan waarvan die krag deur die dorp gevoel is. Die brand het na verwagting onstaan weens ‘n ondergrondse gastenk wat ontplof he
Woordvoerder van die polisieJohnFobianhet gesê die meestevan diebeseerdes is na dieWilhelm Stahl-hospitaal geneem,mettien wat oorgeplaas is na die Dora Nginza hospitaal inPortElizabethas gevolg van dieerns vanhul beserings.
RolfeLaboratories, vervaardigparfuum en skoonheidsmiddels.
Sowat 40 mense het brandwonde opgedoen en is na ‘n hospitaal geneem vir behandeling. Die ontploffing het ook ‘n deel van die gebou beskadig.
ʼn 20-jarige swarte is in hegtenis geneem in verband met die moorde op vier vroue in Hazyview, Mpumalanga.
Kol. Leonard Hlathi, woordvoerder van die polisie, het gesê die verdagte se oom het hom aan die polisie oorgegee. Hlathi sê dit kom nadat die liggaam van ʼn 16-jarige meisie Saterdag in ʼn straat gevind is.
Die verdagte het erken dat hy die meisie na haar ouers se huis vergesel het en dat hy haar op pad verkrag en met ʼn baksteen teen haar kop geslaan het.
Die man het ook erken dat hy verlede maand ʼn 58-jarige vrou in haar huis vermoor het. Die vrou is verkrag, gewurg en met ʼn hamer oor die kop geslaan.
Hlathi sê die verdagte het ook twee bejaarde vroue, onderskeidelik 75 en 82 jaar oud, in hul huis vermoor.
Die verdagte het Maandag in die Calcutta-landdroshof verskyn en die saak is tot Woensdag uitgestel. Hy bly in aanhouding. – Sapa
Pres. Jacob Zuma sê Suid-Afrika reken op Frankryk se steun vir die implementering van ‘n besluit deur die Verenigde Nasies (VN) om nouer samewerking tussen die Veiligheidsraad en die Afrika-Unie se Veiligheidsraad te verseker.
Zuma sê beter samewerking is noodsaaklik om blywende vrede en veiligheid in Afrika te bewerkstellig.
Hy het Maandagaand in Pretoria gepraat by ‘n gala-dinee ter ere van die Franse president, Francoise Hollande, wat op besoek aan Suid-Afrika is.
Hollande het tydens dieselfde dinee gesê dat Frankryk Suid-Afrika se aanspraak op ‘n permanente setel in die Veiligheidsraad ondersteun.
Hollande, wat met die hulp van ‘n tolk gepraat het, sê dit is hoogtyd dat Suid-Afrika die vasteland verteenwoordig.
Hy sê daar is talle uitdagings waarmee Suid-Afrika se hulp waardevol sou wees. – RSG
Die Afrika-Unie (AU) se versoek dat die Internasionale Strafhof die saak teen Kenia se leierskap uitstel, sal nie deur die Verenigde Nasies (VN) se Veiligheidsraad ondersteun word nie, maar skep ‘n dilemma die Westerse moondhede, sê ontleders.
‘n AU-beraad verlede Saterdag het dringend gevra vir die uitstel van die sake teen die Keniaanse president Uhuru Kenyatta, en sy adjunk, William Ruto, sodat hulle hul pligte kan volvoer.
“Hierdie verklaring stuur die verkeerde boodskap dat politici in Afrika hul politieke belange sal plaas bo dié van slagoffers van die oorlog, misdade teen die mensdom en volksmoord,” het Amnestie Internationaal se adjunk-direkteur gesê.
Die Keniaanse leiers is aangekla van misdade teen die mensdom weens etniese geweld waarin ten minste 1100 dood is nadat betwiste verkiesings in 2007 plaasgevind het. Geregtigheid vir die slagoffers en ‘n duidelike standpunt teen immuniteit vir staatshoofde is onder die sleutelargumente teen ‘n verhooruitstel, sê ontleders.
“Daar is geen kans dat immuniteit verleen sal word nie. Dit is ‘n kernbeginsel van die hof. Almal moet antwoord vir sy dade en veral diegene wat die meeste verantwoordelik is,” sê Herman van der Wil , ‘n internasionale regsprofessor by die Universiteit van Amsterdam .
Frankryk en Brittanje was nog altyd baie ondersteuners van die internasionale reg en as permanente lede van die Veiligheidsraad kan hul vetoreg gebruik.
Die aanval verlede maand deur die Somaliese al-Shabaabgroep op ‘n Nairobi-winkelsentrum het die dinamiek en die politiek rondom Kenia verander en waarskynlik die prioriteite vir die twee lande verskuif, sê die Instituut vir Sekerheidstudies se Anton du Plessis in Johannesburg.
Alex Vines, hoof van die Afrika-program by Chatham House, wys ook op die dilemma waarmee die Weste sit op die Veiligheidsraad.
Kenia is “ekonomies en strategies belangrik vir Westerse lande” en hulle “kan ook nie ignoreer dat Kenyatta verkies is deur ‘n geloofwaardige verkiesingsproses” in Maart nie, het Vines gesê.
“Dit is nuwe grond vir die Westerse vennote oor hoe om hul belange versus waardes in hierdie geval te bestuur.”
Kenia het onsuksesvol probeer Mei aksie te kry van die Veiligheidsraad, wat kan uitstel ICC verrigtinge vir een jaar.
Die hof het sedert sy oprigting in 2002 beslissings wat verband hou met konflikte in agt lande, almal in Afrika, gegee.
Du Plessis sê dat hy “baie verbaas” sal wees as die Veiligheidsraad instem om uitstel. Maar hy het gesê dat die AU “nie so ver gegaan het as om te onttrek nie”, die hof se oppergesag dus erken en “besef dat hulle nodig het om regsroetes te volg”.
Tog, is dit steeds onduidelik watter optrede die AU volgende oorweeg indien die Veiligheidsraad sy versoek afkeur. Die blok het gewaarsku dat hulle Kenyatta ondersteun as hy gaan wegly as ‘n uitstel geweier word. Sy verhoordatum is 12 November.
Julius Malema se party, die Ekonomiese Vryheidsvegters (EFF), sê hy is teleurgesteld in sommige van sy lede wat plakkate met rassistiese boodskappe by dié party se amptelike bekendstelling vertoon het, het Sapa berig.
Desnieteenstaande het die leiers van die EFF Awudubhule ibhunu oftewel “Skiet die Boer” tydens die byeenkoms gedreunsing. Dit is dus duidelik dat Sapa nie die gebeure weergee van wat by die party se bekendstelling gebeur het nie, maar as apologeet probeer optree vir die EFF se onbesonne aanhitising.
“Die EFF het verneem dat sommige van sy lede plakkate vertoon het wat hierdie rewolusionêre beweging as ’n rassistiese beweging wil uitbeeld,” het die party se Gautengse woordvoerder, Patrick Sindane, Dinsdag in ’n verklaring gesê.
Sidane se “kommer” oor rassisme klink nie eg nie in die lig van die verbode lied wat Malema en sy volgelinge in weerwil van ‘n hofbeslissing daarteen, gesing het.
Volgens Sindane het sommige van die boodskappe gelui: “Die wittes se wittebrood is verby” en “Om rewolusionêr te wees moet jy deur haat en bloedvergieting geïnspireer word”.
Hy het gesê die baniere is Sondag raakgesien tydens die party se amptelike bekendstelling in Marikana in Noordwes.
“Ons wil dit boekstaaf dat ons onsself van sulke gedrag distansieer, en ook dat ons sedertdien uitgevind het wie vir die plakkate verantwoordelik is.
“Ons stryd is nie om wittes dood te maak nie, maar om te verseker dat almal gelyke geleenthede het om voordeel te trek uit die rykdom van die land,” het Sindane gesê wat ook “Skiet die Boer” gesing het.
Die EFF staan onder meer die onteiening van grond, myne en banke sonder vergoeding voor. – Sapa
Diepsloot ten noorde van Johannesburg was stil oornag nadat inwoners betoog het oor die moord op twee kleuters wie se lyke gister in ‘n toilet ontdek is, het die polisie Woensdag gesê.
