Prince Albert en Prinses Charlene van Monaco het Woensdag Mvezo, in die Oos-Kaap, asook die omliggende dorpe besoek, het Mandela se kleinseun Mandla Mandela gesê.
“Die koninklike huis van Mandela is opgewonde om die Prins en Prinses van Monaco hier in Mvezo , die geboorteplek van Nelson Mandela te ontvang, ” het hy gesê in ‘n verklaring . Hy is die hoof in die gebied.
Die egpaar sou die gebied besigtig om maniere te vind hoe hulle kan help om die plaaslike bevolking op te hef. Die prins en prinses sal ook ingelig word oor dwelmmisbruik in die gebied.
Mandela het gesê tydens die feesseisoen is drie bejaarde familielede vermoor, na bewering deur hul kinders.
“In een geval het ‘n seun sy ouma doodgesteek en ons vermoed dat hy onder die invloed van dwelms was, wat een van die uitdagings in hierdie gebied is.”
Die prins en prinses sal op hoogte gehou word oor die rouproses van die swart koninklikes
‘n Voormalige hoof van Rwanda se buitelandse intelligensiediens is in ‘n Suid-Afrikaanse hotel dood aangetref, het RSG berig.
Die Rwanda National Congress sê die liggaam van Patrick Karegeya is in ‘n hotel in Johannesburg aangetref, waar hy na bewering verwurg is.
Die party beweer dat hy deur agente van president Paul Kagame van Rwanda vermoor is.
Karegeya is in 2006 van sy rang as kolonel ontneem nadat hy gearresteer en tronkstraf opgelê is en het daarna uit die land gevlug.
Tydens die Johannesburgse vergadering deur teenstanders van Kagame wat aan die begin van verlede jaar gehou is, het alle Rwandese, al die buurlande en die internasionale gemeenskap die pogings deur President Kagame om nog ‘n termyn te regeer, skerp veroordeel.
Die groep wat van Kagame ontslae wil raak het vroeër in Montreux, Switserland, ontmoet, op 25 Januarie 2010, waar ‘n samewerkingsooreenkoms geteken is.
Die vergadering het ook die pogings van die SAOG-lande vir hul bydrae in die DRK geloof om M23 uit te dryf.
Die RPF, Kagame se party, het voorheen internasionale bewondering gaande gehad vir hul radikale infrastruktuurprogramme, verhoogde toegang tot mediese sorg, die verbeterde ekonomiese status van miljoene Rwandese en die ingryping om die 1994-volksmoord wat meer as een miljoen lewens gekos het, te keer.
Maar die regering verkeer onder druk van Westerse lande vir die beweerde hulp aan M23 rebelle, ‘n klag Kigali heftig ontken.
Die Rwandese ambassade in Suid-Afrika sê hulle dra geen kennis van berigte dat ‘n opposisieleier van die land in Suid-Afrika vermoor is nie.
Die hotel sê hy dra ook geen kennis van die voorval nie.
Die vraag wat gehandel het oor babaverkragting in die dramatiese kunste se matriekeindeksamen was in swak smaak, het Sizwe Mabizela, Umalusi Raad se voorsitter, toegegee.
“Namens Umalusi , wil ons ons volle en onomwonde verskoning aanbied aan die land vir die feit dat so ‘n vraag sy weg in die vraestel kon vind,” het hy aan verslaggewers gesê in Pretoria .
Die sewe punte van die vraag is van die totale punt vir die vraestel afgetrek.
In November het Umalusi in ‘n verklaring gesê dramaleerlinge wat aanstoot geneem het, was “onvoorbereid”, maar sedertdien van deuntjie verander.
Leerlinge, onderwysers en ouers was erg ontstel deur ‘n vraag wat gevra het dat leerlinge die verkragting van ‘n baba dramaties moes skets, met behulp van ‘n brood en ‘n besemstok.
Die eksamenvraag is gebaseer op Lara Foot Newton se toneelstuk Tshepang, wat gebaseer is op werklike gebeure.
Maandag het Umalusi aangekondig dat die vrystelling van 2013 se nasionale matriekuitslae goedgekeur is.
Op 7 Januarie individuele sal die uitslae by skole en in die gedrukte en aanlynmedia beskikbaar wees.
Die departement het gesê sy 35 000 nasieners by 118 nasiensentrums het op 15 Desember hul taak voltooi.
‘n Totaal van 57 690 voltydse en 130 646 deeltydse kandidate het die eksamen in 6 699 sentrums afgelê.
Die Kaapse stadsraad het gedreig om befondsing van die Kaapse Klopse-karnaval te weerhou as hulle die ANC aan Mandela verbind.
Die burgemeester van Kaapstad, Patricia de Lille, het die Klopse gewaarsku dat die stadsraad nie Mandela aan die ANC sal verbind nie.
Die Klopse wou armbandjies dra met Nelson Mandela se gesig en die ANC-kleure en kenteken daarop.
Nelson Mandela was ‘n ANC-lid en na die party se oorwinning in 1994 die land se eerste president. De Lille het nogtans gewaarsku dat die stadsraad nie die karnaval geldelik sal ondersteun as Mandela se naam met die ANC verbind word nie.
Die stadsraad moet verkeers- en veiligheidsdienste voorsien en strate skoonmaak teen ’n koste van R3,5 miljoen.
Die stadsraad en Klopse-organisasies het intussen ooreengekom om die ANC-logo te verwyder en swart armbandjies met Mandela se gesig te dra.
Die AbaThembu koninklike familie het die Mandela-familie tot kalmte gemaan.
‘n Woordvoerder van die familie, Daludumo Mtirara, het ‘n verklaring uitgereik na ‘n vergadering in Qunu tussen die AbaThembu koninklikes en verteenwoordigers van die Mandela-familie.
Nelson Mandela se boedel sal eersdaags ter sprake kom. Mtirara sê die familielede gevra om kalm te bly en die administrasieproses te eerbiedig sodat alle bates onaangetas bly totdat die boedel afgehandel is.
Dit volg op berigte dat lede onderling twis oor Madiba se erfgoed, en wil hê dat sy weduwee Graca Machel uit die huis gesit word wat sy en Madiba gedeel het.
Die lede van die koninklike familie het hul kommer uitgespreek oor die onstabiliteit in die Mandelahuis , het hy gesê.
Mtirara het op die vergadering waar Mandela se kleinseuns, Mandla en Ndaba was, weer bevestig dat Mandla, die oudste kleinseun, die hoof van die gesin is.
Kort na Mandela se dood, het sy eksvrou, Winnie Madikizela-Mandela verslae van ‘n hernude familietwis afgemaak as “skelm insinuasies” en “apartheidstyl-taktiek”.
Sy het vroeër ‘n verklaring uitgereik deur haar woordvoerder, Thato Mmereki , waarin sy gesê het dat die oudste dogter, Makaziwe Mandela, die familie sal lei en besluite sal neem met die ondersteuning van haar twee susters .
Mandla en Makaziwe is betrokke in ‘n bitter openbare twis oor die beheer van Mandela se nalatenskap.
Verlede week het Mtirara het gesê die Thembustam se hoof is ses jaar gelede deur Mandela aangewys en Mandela het self aan Mandla by dié geleentheid ‘n tradisionele spies oorhandig.
Sondag op die vergadering is ook besluit dat Madikizela-Mandela nie ‘n mandaat of die gesag het van die stamhoofde om hulle “kultuur, gebruike en tradisie in die media” te bespreek nie.
Mtirara het gesê tydens die vergadering kon geen harde bewyse gevind word dat Machel stief behandel is deur die familie nie.
“Sy moet gerespekteer word deur elke familielid as sy die enigste vrou van Madiba wat hom tot op die laaste oomblik ondersteun het,” het hy gesê. Hy het ook gesê Machel moet ingelig word van enigiets wat gebeur in Mvezo, Qunu en Houghton .
Mtirara het gesê by die vergadering is opgemerk dat Mandla en Ndaba nie tradisionele roulinte, wat bekend staan as amaqhosha, dra nie.
Mtirara het gesê dit het aan die lig gekom dat ‘n familielid wat getaak is met die maak en verspreiding van die linte dit nie aan al die familielede uitgedeel het nie.
“Dit is onaanvaarbaar en teen ons tradisie en getuig van die isolasie van die kern van die Mandela-familie en ander lede van die familie.”
Dit is gelas dat alle familielede linte moet kry teen 4 Januarie, het hy gesê.
‘n Forensiese ondersoek is gelas na die Suid-Afrikaanse polisiediens se afdeling wat gemoeid is met skeidingspakette.
Die minister van polisie, Nathi Mthethwa, het gesê ‘n omvattende ondersoek sal geloods word nadat vier polisielede ivm korrupte uitbetalings vasgetrek is.
Die afdeling is verantwoordelik vir die verwerking van betalings en voordele aan voormalige SAPD-werknemers.
Die vier mense is reeds in verband met beweerde bedrog en korrupsie met uitbetalings in hegtenis geneem en die Valke sal die ondersoek verder behartig.
Die boosdoeners het vals profiele geskep aan wie uitbetalings gemaak is, terwyl legitieme begunstigdes nie hul voordele ontvang het nie.
Hulle is aangekeer nadat die seun van ‘n ontslape polisieman ‘n saak van bedrog aanhangig gemaak het.
Mthethwa sê dit is moontlik dat ‘n sindikaat wat binne die polisie opereer met hulp van buite op grootskaal by die bedrog betrokke kan wees.
Die nasionale polisiekommissaris, Rhia Phiyega het vroeër gesê die SAPD word geteiken.
Volgens die departement van energie, styg die petrolprys vanaf 1 Januarie 2014 met 39 sent per liter en die dieselprys met 32 sent per liter.
Die paraffienprys word met tussen 39 en 52 sent per liter verhoog.
Die departement blameer hoë ru-oliepryse en die swak rand vir die groot styging in brandstofpryse.
Die rand het oor die afgelope tyd teen ‘n gemiddelde prys van R10,3581 teen die Amerikaanse dollar verhandel, teenoor R10,2121 tydens die vorige periode.
‘n Malawiër sal Vrydag in Musina se landdroshof om borgtog aansoek doen nadat hy na bewering in die besit van kokaien ter waarde van R19 miljoen betrap is.
Hy is verlede week by die Beitbrug-grenspos in hegtenis geneem.
Die dwelms is deur ‘n snuffelhond op die bus waarin hy gery het, uitgeruik.
Borgtog is verlede week aan nog ‘n Malawiër borgtog geweier nadat hy met R23 miljoen se kokaien by Beitbrug betrap is.
Die departement van binnelandse sake het intussen gesê dat hulle bykomende personeel by die ingangspunte na die land sal ontplooi om te help om die toename in besoekers.
‘n Woordvoerder van die departement, Ronnie Mamoepa, sê die maatreëls sal gedurende die hele Feestyd geld.
Hy sê meer as drie miljoen mense het reeds in Desember die land ingekom, wat sowat 8% meer is as verlede jaar.
Die besigste punte was Johannesburg se OR Tambo-lughawe, gevolg deur die Beitbrug-grenspos.
‘n Swart sak met 25 pakkies wat na kokaïen lyk, is gevind by Hartenbos se strand, naby Mosselbaai, het die Wes-Kaapse polisie Vrydag gesê.
‘n Lewensredder het op Kersdag ‘n swart sak in die water in die see by Hartenbosstrand gewaar,” het kapt Bernadine Steyn gesê.
“Die sak was aan ‘n tou wat gekoppel en was aan ‘n voorwerp aangeheg.
In die sak was daar 25 pakkies wat kokaïen kan wees. “Elke pakkie weeg net meer as ‘n kilogram en as dit wel kokaïen is, sal die sak ‘n geskatte straatwaarde van R8 miljoen hê.
“Die pakkies sal na ‘n laboratorium geneem word om getoets te word, om [te sien] of dit kokaïen is of nie,” het Steyn gesê.
Die Stad Kaapstad het besluit om behuising vir dakloses tydelik te laat vaar nadat betogings uitgebreek het oor die karige bystand.
Planne is nou van die baan geskuif om blyplekke vir inwoners van Agstelaan in Valhallapark op te rig nadat brande honderde plakkers dakloos gelaat het.
Oproer en chaos het Donderdag in die gebied uitgebreek met inwoners wat buitebande aan die brand gesteek het toe die Stad Kaapstad “net vier sinkplate” aan Maandag se brandslagoffers gegee het.
Die Stad het met voorheen beloftes gemaak oor hoe hulle die lewens van mense gaan verbeter met die nuwe wonings.
Brandende bande en versperrings is op die Robert Sobukwe-pad aangebring.
Van die mense bly tans in die Nooitgedacht-gemeenskapsaal.
Inwoners het gesê dat hulle eintlik ou skeepshouers verkies. Hulle sê die sinkplate sal maar net een of ander tyd weer afbrand.
Die woordvoerder van die Kaapstadse rampbestuur, Wilfred Solomons-Johannes sê die moeilikheidmakers is ‘n klein minderheid.
Die meerderheid dakloses is bereid om die stad se hulp te aanvaar. Samesprekings word tans met die gemeenskap gevoer om die probleem te besleg.
Aanvanklik is besluit om die ramp as ‘n “geleentheid” te sien om 580 nuwe sinkkaias te bou. Dit sou deel uitmaak van ‘n twee-jaar plan om munisipale opknappings in die woongebied te bespoedig.
Dit is alles egter voorlopig van die baan geskuif nadat die besluit tot oproer gelei het met plakkers wat paaie in die gebied afgesper het en aandring op beter behuising of baksteenhuise.
Die Kaapse Klopse-karnaval wat tradisioneel op Tweede Nuwejaar in Kaapstad gehou word, sal nie vandag plaasvind nie.
