Pastoor brand na beskuldigings van heksery

Polisie in Limpopo het 17 mense onder wie twee minderjariges in hegtenis geneem nadat ‘n bejaarde pastoor en sy gesin se huis op Musina aan die brand gesteek is.

Die 70-jarige pastoor en sy gesinslede is van heksery beskuldig.

Drie polisiebeamptes wat die pastoor en sy gesin te hulp gesnel het, is beseer toe inwoners hulle met klippe bestook het.

Die sewentien verdagtes sal na verwagting vandag in die plaaslike landdroshof.

Minister koggel wittes oor Derby-Lewis

Clive Derby-Lewis se aansoek om mediese parool sal Maandag as ‘n spesiale mosie in die hooggeregshof in Pretoria aangehoor word.

Sy regsverteenwoordiger, Julian Knight, het gesê die mosie sal deur regter Selby Baqwa aangehoor word.

Derby-Lewis dien lewenslange tronkstraf uit omdat hy afgeraai is om oor sy onskuld te getuig in die sluipmoord op die destydse hoof van die Suid-Afrikaanse Komunisteparty, Chris Hani.

Die 79-jarige Derby-Lewis is vroeër vanjaar mediese parool geweier. Hy is sedert verlede jaar in die hospitaal met terminale kanker.

Clive Derby-Lewis wat ernstig siek is, moet in die gevangenis bly, terwyl ‘n blakend gesonde Schabir Shaik openlik gholf speel en inkopies doen.

Shaik is uit op mediese parool, maar is gesond genoeg om met sy hoë vriende in hoë poste gereeld aan sport deel te neem.

Shaik het boonop aansoek gedoen dat sy mediese parool in gewone parool verander word en dié absurde teenstrydigheid is selfs toegestaan. In wese beteken dit dat Shaik nooit siek was nie en dat die departement van korrektiewe dienste deel is van die versinsels oor sy vermeende gesondheidstoestand.

Die rassistiese, anti-wit dubbele standaarde en politieke agterbaksheid van die minister van korrektiewe dienste, Mike Masutha, blyk duidelik uit hoe dié twee gevalle verskillend benader word.

Shaik het slegs twee jaar en nege maande van sy vonnis van 15 jaar uitgedien het waarna hy sy “buitengewone hoë bloeddruk” klaarblyklik versin het om sy straf om te keer.

Derby-Lewis, wat nooit die sneller getrek het nie, is al 22 jaar agter tralies.

Masutha beweer voorts dat hy nie oor dokumente en mediese verslae in die naam van Derby-Lewis beskik nie. Dit is ten spyte daarvan dat die minister goed weet dat korrektiewe dienste Derby-Lewis aangeraai het om onder ʼn ander naam in die hospitaal opgeneem te word.

Die swart minister koggel gereeld wit parlementslede en lag hulle openlik uit as hy met die feite van sy ooglopende onbillikheid en vooroordeel gekonfronteer word.

Hy sê hy sien niks fout met Derby-Lewis nie, en dat hy vir homself kan sorg as hy kan rondbeweeg in die “gevangenis”. Derby-Lewis is maande gelede reeds in ‘n erg verswakte toestand in die hospitaal opgeneem.

MTN sê staking raak net Limpopo, Mpumalanga

Die selfoonmaatskappy, MTN, sê nie alle dienssentrums in Suid-Afrika word deur die staking by die maatskappy geraak nie, het RSG berig.

Van die dienssentrums in Limpopo en Mpumalanga was buite werking weens die staking deur werkers van die kommunisiekasiewerkersvakbond, CWU.

Vroeër het intekenare van MTN gekla dat hulle tussen 30 minute en ‘n uur moet aanhou indien hulle die 173-dienssentrum skakel.

Die stakende werkers sê die maatskappy bied net ‘n bonus van vier persent vir 2014 aan.

Die bestuurshoof van MTN-SA, Ahmed Farouk, het vroeër ‘n griefskrif van stakende werkers by die maatskappy se hoofkantoor in Johannesburg in ontvangs geneem.

Die maatskappy se hoof van menslike hulpbronne, Themba Nyathi, sê in Kaapstad was daar ontwrigting, maar dat dit reeds reggestel is.

‘E-tol is en bly onwettige belasting’

Die Bondgenootskap teen Stedelike Tol (Outa) het die regering se nuwe e-tol bedeling verwerp. Volgens regskenners is e-tol ‘n onwettige vorm van belasting.

Die Bondgenootskap se woordvoerder, Wayne Duvenhage sê die aankondiging raak slegs ‘n paar padgebruikers en sal nie motoriste oorreed om te betaal nie.

Duvenhage sê die skuld van sowat sewe miljard rand vir die opriging van die strukure bestaan steeds. Hy sê ‘n mislukte stelsel bly ‘n mislukte stelsel.

Opposisiepartye het in reaksie op die regering se aankondiging oor die e-tolstelsel gesê dit is duidelik dat die stelsel weens openbare verset misluk het en dat dwangmaatreëls nou gebruik gaan word om tolgeld in te vorder.

Hulle sê die vermindering van die maksimum maandelikse koste is net ‘n foefie om groter openbare deelname te verseker en geen waarborge oor toekomstige aanpassings van tariewe word gegee nie.

Die E-tol Aksiegroep het reeds die aanpassings bespreek en die groep hou volg dat e-tol ‘n onwettige vorm van belasting is.

 

Die bondgenootskap teen Stedelike Tol, OUTA, sê die koppeling van motorlisensie aan die e-tolstelsel, kan ‘n hele paar onvoorsiene gevolge inhou.

Adjunk-President Cyril Ramaphosa het vanmiddag in die Parlement aangekondig dat motoriste in Gauteng in die toekoms eers hul uitstaande e-tolgelde moet betaal voordat hulle hul motorlisensies kan hernieu.

Ramaphosa het ook aangekondig dat die e-tolkostes tot met 50 persent verminder gaan word.

Die Gautengtak van die vakbondfederasie, COSATU, is ook nie tevrede met die nuwe e-tolbedeling wat Ramaphosa vanmiddag in die Parlement aangekondig het nie.

Die sekretaris van COSATU in Gauteng, Dumisani Dakile, sê egter die veranderings wat aangekondig is, voldoen nie aan die eise en verwagtings van die vakverbond nie.

Volgens hom, gaan hulle die kwessie met COSATU se sentrale uitvoerende komitee bespreek.

COSATU in Gauteng hou vol dat die e-tolstelsel geskrap moet word.

Vier ernstig beseer na treine by Oos-Londen bots

‘n Passasierstrein het naby Oos-Londen met ‘n goederetrein gebots.

‘n Woordvoerder van die passasier-spooragentskap, Nana Zenani, sê die Shosoloza-langafstand-passasierstrein het met ‘n goederetrein van Transnet gebots.

Amptenare is reeds na die toneel gestuur om die ongeluk te ondersoek. Luidens berigte is drie noodreddingshelikopters ook op pad na die toneel.

Nooddienste se personeel op die toneel sê dat tot 35 mense vasgevang was in die waens en bevry moes word.

Oos-Kaapse Departement van Gesondheid se woordvoerder Sizwe Kupelo het gesê dat vier mense ernstig beseer is en per helikopter na die hospitaal in Oos-Londen geneem is.

Die res van die beseerdes word op die toneel behandel, waar tot 20 ambulanse en 2 helikopters teenwoordig opgedaag het.

Die oorsaak van die ongeluk is nie bekend nie.

Afrika-taal dalk verpligtend vir regstudente

Nuwe regstudente sal dalk ‘n Afrika-taal as ‘n verpligte vak moet neem indien die minister van Justisie en Korrektiewe Dienste, Michael Masutha alle universiteite kan oorreed om die gedagte te steun.

Die kwessie van die tale wat gebruik word in howe het voorrang geniet tydens die Departement van Justisie se begrotingsdebat Woensdag.

Die minister het planne aangekondig om die talekwessie te ondersoek.

Daar sal na maniere gekyk word oor hoe om die gebruik van inheemse tale te bevorder tydens hofverrigtinge.

Die dekaan van die Fakulteit Regsgeleerdheid aan die Universiteit van die Vrystaat, Professor Caroline Nicholson sê die LLB-kurrikulum is hersien en dit sal voordelig wees vir enige student om ‘n Afrika-taal te leer.

Masutha het vroeër gesê dat hy die verswarting van die regsberoep wil bespoedig.

Koperdiewe vasgetrek

Drie verdagtes van Virginia sal na verwagting Vrydag in die landdroshof op Excelsior verskyn nadat hulle Woensdag buite die dorp met beweerde gesteelde koperkabel ter waarde van sowat R100 000 betrap is.

Vrystaatse polisiewoordvoerder, Martin Xuma, sê die koperkabel weeg 50kg.

Volgens hom het ‘n polisiebeampte van die plaaslike polisiekantoor gisteraand inligting ontvang dat die mans tussen die ouderdom van 37 en 57 beplan om ‘n transformator se koperkabel te steel.

Die polisiebeampte, wat reeds van diens af was, het vinnig op die wenk gereageer en nog polisiebeamtes is ontplooi.

Xuma sê die polsie is na Mahlatswetsa waar die bakkie, wat glo in die rooftog gebruik sou word, gestaan het.

Hulle het die bakkie met die bestuurder daarin dopgehou tot die ander twee verdagtes opgedaag het.

Hewitt gaan huistoe

Die gewese tennisster, Bob Hewitt, se aansoek om verlof tot appèl teen sy skuldigbevinding en vonnis is in die Hooggeregshof in Pretoria tot 19 Junie uitgestel.

Hy is dié week deur regter Bert Bam tot effektief ses jaar tronkstraf gevonnis vir verkragting en seksuele aanranding.

Hewitt, ‘n gebore Australiër, sal nie agter tralies wees nie, ten spyte van die vonnis teen hom. Die regter het hom laat huistoe gaan alhoewel sy regspan nog nie ‘n aansoek om appèl geloods het nie.

Die regter se besluit het tot ontsteltenis gelei by Hewitt se slagoffers.

Veearts by Modise-saak se lisensie opgeskort

Die veearts wat die DBV gehelp het in die ondersoek na dieremishandeling teen die voorsitter van die Nasionale Raad van Provinsies, Thandi Modise, is daaraan skuldig bevind dat hy die Suid-Afrikaanse Veeartsraad se reëls oortree het.

Die Potchefstroomse veearts, Dr Sameer Abbas is op twee aanklagte skuldig bevind nadat hy geweier het om bewyse van dieremishandeling op Modise se plaas in Noordwes te oorhandig.

Sy lisensie om te praktiseer is vir ses maande opgeskort. Die polisie en inspekteurs van die DBV het meer as honderd dooie diere op die plaas gevind.

Abbas het monsters van die diere geneem, maar aan die DBV gesê hy wil nie langer by die saak betrokke wees nie.

Noordwes-polisiekommissaris kry trekpas oor Marikana

Die polisiekommissaris van Noordwes, luitenant-generaal Zukiswa Mbombo verlaat die polisiediens aan die einde van die maand, het RSG berig.

Sy was aan die hoof van die provinsiale polisiediens ten tyde van die skietery by Marikana in 2012 toe 34 mynwerkers doodgeskiet is.

Haar bedanking volg terwyl president Jacob Zuma ‘n verslag van die Farlam kommissie van ondersoek oorweeg.

Die kommissie moes vasstel wat gelei het tot die tragedie tydens die mynwerkerstaking.

Mbombo het tydens haar getuienis voor die kommissie erken dat die polisie in hul optrede misluk het.

Die president het vroeër gesê hy sal die verslag openbaar maak sodra hy dit bestudeer het.

Mbombo gee Vrydag bevel oor aan die nasionale polisiekommissaris, Riah Phiyega.