praag.co.za

Tag: parool

  • Brief: Janusz Walus langer in tronk as Nelson Mandela

    Brief: Janusz Walus langer in tronk as Nelson Mandela

    Janusz Walus het een “politieke” moord op ‘n kommunis gepleeg maar sit nou effektief al langer as Nelson Mandela in die tronk wat ‘n dertig+jarige “burgeroorlog” en sanksies teen sy eie land gevoer het, wat duisende onskuldiges se dood tot gevolg gehad het (nou nog) en  nooit geweld wou afsweer nie, of “verskonings” aangebied het nie.
    Mandela het eintlik “vrywillig” in die tronk vakansie gehou, met ‘n huis en swembad en al, en is selfs rondgery. Gee minstens vir Walus ook ‘n  swembad?
    Hoe inkonskwent en skynheilig kan die ANC, Tutu en hul kommie-maatjies tog wees?
    —Guy Robertson, Kampsbaai
  • Afrikanervroueregter verwerp staat se argumente om Janusz Walus in die tronk te hou

    Afrikanervroueregter verwerp staat se argumente om Janusz Walus in die tronk te hou

    ‘n Beleefde regter in Pretoria, en boonop ‘n Afrikanervrou, het vandag geskiedenis gemaak deur die staat se desperate argumente om Janus Walusz in die tronk te hou, tydens ‘n aansoek om verlof tot appèl te verwerp. Die linkse media, waaronder die Business Day, Mail & Guardian en News24, het in die aanloop tot vandag se uitspraak gedurig daarop gesinspeel dat Walus ‘n “uitermate bose daad” gepleeg het deur sy sluipmoord op die kommunistiese terroris, Chris Hani, uit te voer. Die boosheid daarvan moes swaarder weeg as die Kerkstraatbom, die Amanzimtoti-bom, Hani se eie terreurdade, asook die dikwels grusame geweld wat ANC-“vryheidsvegters”, gesteun deur die ou Sowjetunie en Oos-Duitsland, gepleeg het.

    Feit is dat feitlik al die ANC, APLA en ander terreurorganisasies se boosdoeners amnestie van Biskop Tutu se Waarheidskommissie ontvang het. As “regse blankes”, moes Walus en Clive Derby-Lewis egter meer as 21 jaar in die gevangenis deurbring. Boonop is beide parool herhaaldelik, teenstrydig met wetgewing en regulasies van die departement van korrektiewe dienste, parool geweier.

    Ná haar opspraakwekkende uitspraak van 10 Maart, toe sy gelas het dat Walus op parool vrygelaat moet word, het regter Nicolene Janse van Nieuwenhuizen vandag weer eens téén Suid-Afrika se linkse openbare mening in, ‘n uitspraak gelewer waarin die minister van korrektiewe dienste, Michael Masutha, se aansoek om verlof tot appèl teen haar vorige bevinding verwerp word. In haar vorige uitspraak, het regter Janse van Nieuwenhuizen bevind dat die minister “irrasioneel en onredelik” opgetree het deur Walus nie op parool vry te laat nie.

    Dié woorde het telkens in die staat se pleit vir verlof tot appèl opgeduik. Die staat se senior advokaat, Marumo Moerane, het geargumenteer dat daar “geen gronde vir haar bevinding was nie”, weens die “gevaar” wat Walus se daad van 23 jaar gelede ingehou het.

    Walus se advokkaat, Roelof du Plessis SC, het Dinsdag geredeneer dat ‘n oortreder steeds gestraf word al word hy op parool vrygelaat, maar dat die fokus dan verskuif na sy rehabilitering.

     

  • Uitspraak oor appèl teen Walus-vrylating Donderdag verwag

    Uitspraak oor appèl teen Walus-vrylating Donderdag verwag

    Die uitspraak in die Minister van Justisie se aansoek om appél teen parool vir Janusz Walus sal waarskynlik Donderdag in die Pretoriase Hooggeregshof gelewer word.

    Walus dien lewenslange tronkstraf uit vir die moord op die voormalige SAKP-leier, Chris Hani, terwyl voormalige ANC-terroriste amnestie gekry het.

    Die minister, Michael Masutha het aangevoer dat die skeiding van magte geskend is toe parool aan Walus toegestaan is.

    Masutha het vroeër ‘n besluit van die mediese paroolraad ter syde gestel vir die vrylating van Walus.

    Masutha hou vol dat daar verdere beraadslaging met die SAKP en die Hani-familie moet wees.

    Regter Nicolene Janse Van Nieuwenhuizen het Dinsdag nadat sy die argumente aangehoor het, gesê sy het tot Donderdag nodig om haar uitspraak voor te berei.

  • Walus wil aansoek doen om tydelike parool

    Walus wil aansoek doen om tydelike parool

    Volgend Janusz Walus se regsverteenwoordiger gaan die politieke gevangene ‘n versoek rig dat hy tydelik op parool vrygelaat word nadat die staat aangedui het dat hulle appèl sal aanteken teen sy vrylating.

    Die hof het op 10 Maart die minister van Korrektiewe Dienste se besluit om nie parool aan Walus toe te staan nie, tersyde gestel.

    Julian Knight, Walus se prokureur, het gesê dat hy ‘n aansoek by die Noord-Gautengse hooggeregshof in Pretoria sal indien as Michael Masutha, die minister, se aansoek om verlof tot appèl aangehoor is.

    Jacob Mamabolo, SAKP-sekretaris in Gauteng, het intussen ‘n memorandum aan die nasionale kommissaris van korrektiewe dienste, oorhandig.

    Die SAKP eis ‘n dringende wysiging van paroolwette sodat die families van slagoffers kan bepaal dat parool geweier word.

  • ANC ruk op na Grondwethof teen Walus-vrylating

    ANC ruk op na Grondwethof teen Walus-vrylating

    Die ANC aan die Oosrand sal Maandag in groot getalle opruk na die Grondwethof teen Janusz Walus se vrylating op parool.

    Hulle, sowel as die SAKP, ANC en EFF is heftig gekant teen die beslissing om Walus vry te laat. Die optog word deur die ANC se Ekurhuleni-streek gereël.

    Hy sal binnekort vrygelaat word nadat sy appèl teen die weiering van sy parool in die Hooggeregshof in Pretoria geslaag het.

    Walus het 23 jaar van sy lewenslange vonnis vir die moord op die voormalige SAKP-leier, Chris Hani, in 1993 uitgedien.

    Die voorsitter van die ANC in Ekurhuleni, Mzwandile Masina, sê hulle wil die kwessie van “volledige openbaarmaking van misdade” met die hof opneem.

    Hulle eis dat alle ander politieke gevangenes vrygelaat moet word as ‘n gebaar aan Hani.

    Die ANC se opmars word aangemoedig en ondersteun deur figure soos ene Ray Hartley, redakteur van die RDM.

  • Janusz Walus vrygelaat

    Janusz Walus vrygelaat

    Janusz Walus sal op parool vrygelaat word. Sy prokureur, Roelof du Plessis, het Donderdagoggend die Poolse immigrant se vrylating bevestig.

    Walus het die leier van die Kommuniste, Hani in sy oprit in Boksburg in April 1993 doodgeskiet.

    Die SAKP was teenwoordig en woordvoerder Alex Mashilo sê hulle is teleurgesteld, maar nie verbaas nie.

    Terwyl die paroolraad Walus die groen lig gegee het, het die minister van justisie, Michael Masutha geweier, omdat “verdere dialoog met die party en die Hani-familie” glo nodig was.

    Die regspan wat Walus verteenwoordig het, het aangevoer dat Masutha bevooroordeeld was teen hul kliënt, en het gesê die besluit van die minister van justisie om nie parool toe te staan nie, was uitsluitlik as gevolg van politieke vooroordeel en inmenging.

    Walus en sy mede-gevangene Clive Derby-Lewis is in 2014 beseer ‘n beweerde SAKP-sluipmoordaanval deur ‘n bendeleier wat omgekoop is in die Kgosi Mampuru (voorheen Pretoria Sentraal) Gevangenis.

    Ander gevangenes het die twee gered van ‘n gewisse dood. Die SAPD sou die voorval ondersoek, maar na twee jaar is daar nog geen besonderhede vrygestel nie.

    Derby-Lewis en Walus is albei gesteek met ‘n “kombuislepel”, het ‘n woordvoerder van Korrektiewe Dienste Manelisi Wolela gesê.

    Die bendeleier het die twee voorheen met rus gelaat, maar die SAKP wou klaarblyklik nie hê hulle moet die gevangenis oorleef nie.

  • Oscar flous media oor vrylating

    Die paralimpiese atleet Oscar Pistorius het die media geflous toe hy Maandagaand stilweg uit die Kgosi Mampuru-gevangenis in Pretoria vrygelaat is, ‘n dag vroeër as wat verwag is.

    Hy sou volgens alle inligting eers vanoggend vrygelaat word. Pistorius is verlede jaar tronk toe gestuur nadat hy sy vriendin, Reeva Steenkamp in 2013 doodgeskiet het omdat hy haar glo vir ‘n inbreker aangesien het.

    ‘n Woordvoerder van die Departement van Korrektiewe Dienste het bevestig dat Pistorius reeds na sy oom se spoghuis in Waterkloof is.

    Pistorius sal die res van sy vyf-jaar vonnis weens strafbare manslag in dié huis uitdien.

    Hy sal glo ook psigoterapie moet ondergaan as deel van sy paroolvoorwaardes en sal ook nie vuurwapens mag besit nie.

    Die Steenkamp-familie se regsverteenwoordiger, Tania Koen het vroeër gesê Pitorius se vrylating op parool was te wagte. Hulle sê dit verander niks, omdat hul dogter nie meer daar is nie.

    Die staat se appèl teen Pistorius se skuldigbevinding aan strafbare manslag word volgende maand aangehoor.

  • Oscar bly sit

    Die minister van justisie het aangekondig dat Oscar Pistorius nie Vrydag op parool vrygelaat gaan word, soos verwag is nie.

    Die Minister van Justisie en Korrektiewe Dienste, Michael Masutha, het die besluit om Oscar Pistorius onder korrektiewe toesig te plaas, opgeskort en na die Korrektiewe Toesig en Paroolhersieningsraad verwys.

    Dit volg na die Minister Maandag ‘n petisie van die Progressive Women’s Movement of South Africa (PWMSA) ontvang het waarin hulle hul teenkanting teen die vrystelling van Pistorius verklaar het.

    In hul voorlegging het hulle versoek dat Masutha Pistorius se vrylating hierdie Vrydag skrap, met verwysing na die feit dat dit tans Vrouemaand is.

    Pistorius is gevonnis tot vyf jaar tronkstraf vir strafbare manslag verlede jaar nadat hy sy destydse vriendin Reeva Steenkamp in 2013 geskiet het toe hy haar vir ‘n inbreker aangesien het. Hy het tot dusver slegs 10 maande van sy vonnis uitgedien.

  • Minister koggel wittes oor Derby-Lewis

    Clive Derby-Lewis se aansoek om mediese parool sal Maandag as ‘n spesiale mosie in die hooggeregshof in Pretoria aangehoor word.

    Sy regsverteenwoordiger, Julian Knight, het gesê die mosie sal deur regter Selby Baqwa aangehoor word.

    Derby-Lewis dien lewenslange tronkstraf uit omdat hy afgeraai is om oor sy onskuld te getuig in die sluipmoord op die destydse hoof van die Suid-Afrikaanse Komunisteparty, Chris Hani.

    Die 79-jarige Derby-Lewis is vroeër vanjaar mediese parool geweier. Hy is sedert verlede jaar in die hospitaal met terminale kanker.

    Clive Derby-Lewis wat ernstig siek is, moet in die gevangenis bly, terwyl ‘n blakend gesonde Schabir Shaik openlik gholf speel en inkopies doen.

    Shaik is uit op mediese parool, maar is gesond genoeg om met sy hoë vriende in hoë poste gereeld aan sport deel te neem.

    Shaik het boonop aansoek gedoen dat sy mediese parool in gewone parool verander word en dié absurde teenstrydigheid is selfs toegestaan. In wese beteken dit dat Shaik nooit siek was nie en dat die departement van korrektiewe dienste deel is van die versinsels oor sy vermeende gesondheidstoestand.

    Die rassistiese, anti-wit dubbele standaarde en politieke agterbaksheid van die minister van korrektiewe dienste, Mike Masutha, blyk duidelik uit hoe dié twee gevalle verskillend benader word.

    Shaik het slegs twee jaar en nege maande van sy vonnis van 15 jaar uitgedien het waarna hy sy “buitengewone hoë bloeddruk” klaarblyklik versin het om sy straf om te keer.

    Derby-Lewis, wat nooit die sneller getrek het nie, is al 22 jaar agter tralies.

    Masutha beweer voorts dat hy nie oor dokumente en mediese verslae in die naam van Derby-Lewis beskik nie. Dit is ten spyte daarvan dat die minister goed weet dat korrektiewe dienste Derby-Lewis aangeraai het om onder ʼn ander naam in die hospitaal opgeneem te word.

    Die swart minister koggel gereeld wit parlementslede en lag hulle openlik uit as hy met die feite van sy ooglopende onbillikheid en vooroordeel gekonfronteer word.

    Hy sê hy sien niks fout met Derby-Lewis nie, en dat hy vir homself kan sorg as hy kan rondbeweeg in die “gevangenis”. Derby-Lewis is maande gelede reeds in ‘n erg verswakte toestand in die hospitaal opgeneem.

  • Minister bevestig dat De Kock onder toesig is

    Die Minister van Justisie, Mike Masutha het bevestig dat die voormalige Vlakplaas-bevelvoerder, Eugene de Kock uit die gevangenis vrygelaat en onder toesig van korrektiewe dienste is, het RSG berig.

    Die minister wou glo op versoek van De Kock geen verdere inligting verstrek nie. De Kock het in Januarie parool ontvang, maar dit het verlede week aan die lig gekom dat hy moontlik teen sy sin aangehou word.

    De Kock se prokureur, Julian Knight sê hy is deur ‘n tussenganger in kennis gestel dat sy kliënt ontevrede is met die huidige situasie en dat hy met sy lewe wil aangaan.

    Volgens berigte word De Kock vir sy eie veiligheid op ‘n geheime plek aangehou.

  • Derby-Lewis wend hom tot De Kock se regsverteenwoordiger

    Clive Derby-Lewis se vrou, Gaye, het aangekondig dat Julian Knight, wat vroeër die voormalige Vlakplaas-bevelvoerder Eugene de Kock verteenwoordig het, voortaan as haar man se regsverteenwoordiger sal optree.

    Derby-Lewis het Dinsdag bewerings ontken dat hy sy vorige prokureur Marius Coertze versoek het om die minister van korrektiewe dienste te dagvaar vir R2 miljoen.

    “Dit het nooit gebeur nie,” het Derby-Lewis in ‘n verklaring gesê. “Ek het hom nooit opdrag gegee om die minister of enigiemand anders by die departement te dagvaar nie.”

    Derby-Lewis het gesê hy het ‘n e-pos aan minister Michael Masutha se woordvoerder gestuur om hom in kennis te stel dat hy nie die opdrag aan sy prokureur gegee het nie, en het om verskoning gevra oor die verkeerde inligting.

    Coertze verteenwoordig sedert Sondag nie meer vir Derby-Lewis nie.

    Masutha het Vrydag aangekondig dat Derby-Lewis se aansoek om mediese parool afgekeur is. De Kock se aansoek is goedgekeur.

    Alhoewel die mediese paroolraad aanbeveel het dat hy vrygelaat moet word, het Masutha ‘n naamkwessie op Derby-Lewis se mediese verslae voorgehou as ‘n verskoning om Derby-Lewis in die tronk te hou.

    Derby-Lewis is deur die owerhede self versoek om ‘n skuilnaam op sy mediese verslae te gebruik, iets wat die minister nou probeer uitbuit tot sy voordeel.

    Die minister het die paroolraad veroordeel dat die vrylating voorgestel word, aangesien Derby-Lewis slegs fase 3-longkanker het. Volgens wetgewing kwalifiseer glo slegs diegene met fase 4-longkanker.

    De Kock ly egter aan geen kwaal nie.

    Masutha het ook gesê hy is nie oortuig dat Derby-Lewis ware berou toon nie.

    Clive Derby-Lewis is vir die moord veroordeel nadat ‘n regsverteenwoordiger wat sy dienste “gratis” aangebied het, hom aangeraai het om nie oor sy onskuld te getuig nie, ‘n fatale fout.

    ‘n Filmmaker het vroeër gesê hy is bewus van sekere regslui wat deur die ANC en hul meelopers aangewend word om sake “te gooi” in hul guns en hulself dan as simpatiek voordoen en gratis hul dienste aanbied. Die bekende regisseur wou anoniem bly, maar het aan Praag bevestig dat hy meen dat Derby-Lewis se geval soorteglyk is.

    Die sogenaamde getuie, ‘n swart vrou, wat vertel het dat Derby-Lewis die wapen verskaf het, is volgens ander getuies afgedreig aangesien sy nie die oorhandiging sou kon sien plaasvind van waar sy beweer het sy was nie. Getuies wat haar leuens sou kon weerlê, is verhoed om te getuig.

    Janusz Walus, ‘n Poolse immigrant, het die leier van die SAKP, Chris Hani, op 10 April 1993 doodgeskiet.

    Hy is skuldig bevind aan moord en ter dood veroordeel, maar dit is na lewenslank verander toe Suid-Afrika die doodstraf afgeskaf het.

  • Swapo sal De Kock verwelkom

    Eugene de Kock (66) het glo by meer as een geleentheid met “redelike hoë vlak” Swapo-afvaardigings in die Sentrale Gevangenis in Pretoria vergader.

    Swapo het aangebied dat De Kock na Namibië terugkeer en homself in die land vestig.

    Dr. Piet Croucamp, oud-Namibiër en dosent in politieke wetenskap aan die Universiteit van Johannesburg, het aan die Republikein gesê De Kock het nog “’n baie goeie verhouding met sommige lede van Swapo se destydse Plan-soldate”.

    Croucamp, wat hom reeds jare lank vir De Kock se vrylating beywer, sê hy het self ook “op ander maniere informele kontak met van dié ouens”.

    “Swapo se boodskap tydens hierdie tronkbesoeke was dat hy welkom is in Namibië.”

    Die Suid-Afrikaanse Sondagkoerant Sunday Times het gister na aanleiding van die paroolverslag berig “hy is (deur Swapo) ’n stuk grond naby die Okavango aangebied en sal hierdie geleentheid aangryp indien die Suid-Afrikaanse regering nie van hom verwag om binne die grense van Suid-Afrika te woon nie”.

    De Kock is Vrydag ná 21 jaar agter tralies op parool vrygelaat. Hy is in Mei 1994 in hegtenis geneem en in Oktober 1996 in die Pretoriase hooggeregshof twee keer lewenslange tronkstraf opgelê en tot ’n bykomende 212 jaar tronkstraf gevonnis nadat hy aan 86 misdrywe waaronder ses moorde en bedrog, skuldig bevind is.

    Die eens gevreesde De Kock was vanaf 1985 tot 1993 bevelvoerder van die veiligheidspolisie se berugte C10-eenheid op Vlakplaas en het die bynaam “Prime Evil” gehad.

    Croucamp het gister gesê De Kock se paroolvoorwaardes is sodanig dat indien hy na Namibië wil reis, hy by korrektiewe dienste in die buurland daarvoor aansoek moet doen.

    “Hy sal bitter graag weer Namibië toe wil gaan, maar dit sal nie in die afsienbare toekoms gebeur nie.” Of hy hom permanent hier sal kom vestig, het Croucamp gesê: “De Kock het Donderdag 66 geword. Hy is nie meer jonk nie en is nie finansieel in staat om daar te gaan woon nie. Hy sal in Suid-Afrika ’n stil bestaan buite die openbare oog voer.”

    De Kock was in die laat sewentigerjare een van die stigterslede van Koevoet. Voor dit het hy as ’n polisieman op Ruacana diens gedoen. Ofskoon hy in Springs grootgeword het, het sy ouers in daardie stadium in Windhoek gewoon.

    Sy pa, mnr. Lourens de Kock, was hooflanddros in Windhoek. Tydens Namibië se eerste demokratiese verkiesing in 1978 het hy (De Kock sr.) die verkiesingreëlings behartig.

    Republikein het reeds in 2010 berig oor die moontlikheid dat hy hom ná sy vrylating in Namibië kan vestig.

    Me. Pendukeni Ivula-Ithana, wat toe die minister van justisie was, het destyds gesê as hy “regtig ’n nuwe blaadjie omgeslaan het, sal hy as deel van Namibië se verbintenis tot ­versoening met ope arms ontvang word”.

  • De Kock gee onderneming om MK te help

    Eugene de Kock, beter bekend as “Prime Evil” is uit die tronk en sal binnekort help om grafte van “vermiste slagoffers van apartheid” aan te wys.

    Na byna 20 jaar in die tronk, is dit nie bekend waar De Kock homself tans bevind nie. Hy is glo vrygelaat voordat die aankondiging amptelik gemaak is.

    De Kock is vrygelaat om die Nasionale Vervolgingsgesag te “help” om oorblyfsels van aktiviste wat tydens die apartheidsera verdwyn het, op te spoor.

    De Kock het glo reeds voor sy vrylating aan die NVG ‘n onderneming gegee dat hy inligting aan hulle sal verskaf.

    Dit is nie die eerste keer dat De Kock die span bystaan nie.

    Vrydag, het die minister van justisie, Michael Masutha gesê een van die redes wat gelei het tot sy besluit om die voormalige Vlakplaas-bevelvoerder vry te laat, was die hulp wat hy aan die NVG gegee het.

    De Kock is al meer as 20 keer onder gewapende wag uit die tronk gelaat sodat hy sy voormalige veiligheidsmagkollegas kon gaan ontmoet om hulle te oortuig om ook te praat.

    “Logistiek sal nou makliker wees,” het ‘n lid van die NVG gesê.

    Dit was ‘n geheime vergadering twee jaar gelede tussen De Kock en Umkhonto weSizwe (MK) se veterane wat die weg gebaan het vir De Kock se suksesvolle paroolaansoek.

    Dr Piet Croucamp het die vergadering moontlik gemaak. Tydens hierdie vergadering het De Kock waardevolle inligting verskaf wat glo gelei het tot MK se besluit.

    Croucamp het gesê dat dié vergadering – en baie soortgelykes wat gevolg het – was “absoluut noodsaaklik” in die besluit om De Kock se vrylating.

    “Die empatie wat die MK-ouens het vir De Kock bestaan op ‘n onverstaanbare vlak,” het Croucamp gesê.

    Die Sunday Independent het intussen berig dat De Kock doodsdreigemente ontvang het en dat hy na ‘n huis vir veilige bewaring geneem is.

    Anonieme bronne het aan die koerant gesê die dreigemente is deur “verregse organisasies” gemaak wat glo bang is De Kock gaan mense identifiseer.

    Daar was voor 1994 nooit verregse ondersteuners wat deel was van die polisie nie.

    Die Sunday Times het berig dat Namibië se Swapo De Kock in die tronk besoek het en aangebied het dat hy in die Okavango gaan bly. Dié aanbod is glo ook genoem in die verslag wat ingedien is vir sy paroolaansoek.

  • Eugene de Kock kry parool, CDL sit

    Voormalige Vlakplaas bevelvoerder Eugene de Kock sal op parool vrygelaat word, het die minister van justisie, Michael Masutha Vrydag gesê.

    Die voormalige polisiekolonel, ook bekend as “Prime Evil” is deur die ANC geloof toe hy ander oud-lede daarvan beskuldig het dat hulle nie verantwoordelikheid vir apartheidsveiligheid wil neem nie. Hy het gesê oudlede het “nie die ruggraat om op te staan en verantwoordelikheid te neem nie”.

    Clive Derby-Lewis, wat skuldig bevind is aan die moord op die SAKP-leier Chris Hani, sal egter nie op mediese parool vrygelaat word nie, Masutha gesê.

    Die 79-jarige Derby Lewis wat longkanker het, dien lewenslange tronkstraf uit vir sy rol in die moord op Hani. Die SAKP en die Hani- familie is gekant teen die aanbeveling dat Derby-Lewis op parool vrygelaat word.

    “Daar is niks om te wys dat mnr Derby-Lewis se toestand sodanig is dat hy fisies onbevoeg is nie… genoeg om sy daaglikse aktiwiteit te beperk nie.”

    ‘n Aanbeveling dat Derby-Lewis op mediese parool vrygelaat word, kan dus nie goedgekeur word nie, het Masutha verklaar.