Die polisiekommissaris van Noordwes, luitenant-generaal Zukiswa Mbombo verlaat die polisiediens aan die einde van die maand, het RSG berig.
Sy was aan die hoof van die provinsiale polisiediens ten tyde van die skietery by Marikana in 2012 toe 34 mynwerkers doodgeskiet is.
Haar bedanking volg terwyl president Jacob Zuma ‘n verslag van die Farlam kommissie van ondersoek oorweeg.
Die kommissie moes vasstel wat gelei het tot die tragedie tydens die mynwerkerstaking.
Mbombo het tydens haar getuienis voor die kommissie erken dat die polisie in hul optrede misluk het.
Die president het vroeër gesê hy sal die verslag openbaar maak sodra hy dit bestudeer het.
Mbombo gee Vrydag bevel oor aan die nasionale polisiekommissaris, Riah Phiyega.
Nou wat se leek gaan hulle nou in haar plek sit. En gaan sy nou ‘n pos kry daar bo saam met die huidige bevoordeeldes?
Ek kon net deur na die Youtube videos se gekyk talle voorvalle uitwys van leierlose optredes. Daar was geen plan nie, man!