Die Bondgenootskap teen Stedelike Tol (Outa) het die regering se nuwe e-tol bedeling verwerp. Volgens regskenners is e-tol ‘n onwettige vorm van belasting.
Die Bondgenootskap se woordvoerder, Wayne Duvenhage sê die aankondiging raak slegs ‘n paar padgebruikers en sal nie motoriste oorreed om te betaal nie.
Duvenhage sê die skuld van sowat sewe miljard rand vir die opriging van die strukure bestaan steeds. Hy sê ‘n mislukte stelsel bly ‘n mislukte stelsel.
Opposisiepartye het in reaksie op die regering se aankondiging oor die e-tolstelsel gesê dit is duidelik dat die stelsel weens openbare verset misluk het en dat dwangmaatreëls nou gebruik gaan word om tolgeld in te vorder.
Hulle sê die vermindering van die maksimum maandelikse koste is net ‘n foefie om groter openbare deelname te verseker en geen waarborge oor toekomstige aanpassings van tariewe word gegee nie.
Die E-tol Aksiegroep het reeds die aanpassings bespreek en die groep hou volg dat e-tol ‘n onwettige vorm van belasting is.
Die bondgenootskap teen Stedelike Tol, OUTA, sê die koppeling van motorlisensie aan die e-tolstelsel, kan ‘n hele paar onvoorsiene gevolge inhou.
Adjunk-President Cyril Ramaphosa het vanmiddag in die Parlement aangekondig dat motoriste in Gauteng in die toekoms eers hul uitstaande e-tolgelde moet betaal voordat hulle hul motorlisensies kan hernieu.
Ramaphosa het ook aangekondig dat die e-tolkostes tot met 50 persent verminder gaan word.
Die Gautengtak van die vakbondfederasie, COSATU, is ook nie tevrede met die nuwe e-tolbedeling wat Ramaphosa vanmiddag in die Parlement aangekondig het nie.
Die sekretaris van COSATU in Gauteng, Dumisani Dakile, sê egter die veranderings wat aangekondig is, voldoen nie aan die eise en verwagtings van die vakverbond nie.
Volgens hom, gaan hulle die kwessie met COSATU se sentrale uitvoerende komitee bespreek.
COSATU in Gauteng hou vol dat die e-tolstelsel geskrap moet word.
Ek het die etollie lank en aandagtig deurgedink en oorweeg,……… ETOLLIE SALUUT aan julle!!!
Het Sieral n aandeel in die etollie scam?
Waarom kan hulle nou n verlaagde tarief aanbied?
Hoeveel wou hulle in die begin dan gesteel het?
Ek dink die volkie het klaar die bonusse gespandeer en hulle is nou op hulle kniee.
Dink ek gaan my motor in n ander provinsie registreer.
Salute
Beer, jou vraag, “Het Sieral n aandeel in die etollie scam?” Nee, hy het nie want die etollie scam bestaan net in naam. Die hoofaandeelhouer en die werklike scam is Zoempie se etietie scam.
Suid afrika staan op die drumpel om ‘n groot deurbraak te kan maak. Hulle gaan die wereld wys hoe kan jy bloed uit ‘n klip tap.
O my aarde! Die E-tol breinstrust in lewende lywe….
WhiteOak,
die foto is n skande!!! daar is n WIT gesig in die agtergrond…………….. wat het geword van BEE.
Die breintrust se zoefters knyp, hulle is besig om die oorlog te verloor, soos Gas hieronder se”Staan vas”
Ek het gewonder hoe lank hulle gaan neem om tot hierdie besluit oor te gaan – betaal jou trol voor jy jou lisensie mag hernu. Hulle sal seker die rente daarop ook wil hê – Die hele manier waarop die ding gestruktureer was van die begin af was om mense se sakke te roof, ‘n dreiging. BETAAL NOU OF ONS VERKRAG JOU MET RENTE. Dit is die boodskap wat hulle gestuur het. Hulle het die mense die harnas in gejaag want die manier waarop hulle gereageer het was onmiddelik ‘n oorlogsverklaring – geen onderhandeling geen ander insette is geduld nie. Toe flop die poskantoor en almal kan sê hulle het nie die rekeninge ontvang nie – lekker skiet hulle hulself in die voet.
Hulle wil ons moniteer en dan moet ons nog daarvoor betaal ook! Se M
Ek stem. Ek sal nie my lisensie kan kry nie want ek gaan nie betaal nie. Hul eis betaling van my vir `n voertuig wat ek ingeruil het maande voor E-tol in werking gestel is. En dit sal `n dag op die minste neem om al die verklarings en bewyse bymekaar te kry en in te dien.