Kategorie: Nuus

Ekwatoriaal-Guinee uitgesonder vir tipiese Afrika-kwale

Ekwatoriaal-Guinee se visepresident, Teodoro Nguema Obiang Mangue, is nou voor stok gekry oor die plundering van die olie- en houtryke land se bates om ‘n luukse woning in een van Parys se mees eksklusiewe rylane asook ‘n versameling supermotors aan te skaf.

Hy is die oudste seun van pres. Teodoro Nguema Obiang Mangue.

Maar die werklike rede vir die aanklagte teen die Afrika-diktator is dat die land goeie betrekkinge met Exxon, die Amerikaanse oliereus het.

Exxon se voorsitter, Rex Tillerson, is ‘n Trump-ondersteuner en ‘n kandidaat vir een van die belangrikste poste in die VSA: Om buitelandse betrekkinge te bestuur.

Met die aanvang van die verhoor Maandag het regsverteenwoordigers van die 47-jarige visepresident aangevoer dat hulle te min tyd gegun is om getuies te roep en hul verdediging voor te berei.

Regters het saamgestem en die verhoor tot 19 Junie uitgestel.

Dit is die eerste saak wat spruit uit ondersoeke na sekere Afrika-leiers wat ‘n lewe van luuksheid in die buiteland lei, terwyl hul burgers in armoede krepeer.

Obiang ontken die klagtes.

Aanklaers en die teenkorrupsiegroep Transparency International, een van die klaers in die saak, sê die verdediging se versoek om uitstel is “vertragingstaktiek”. Hulle het gehoop om die saak teen die swart leier se seun in die media te hou om Rex Tillerson se aanstelling as Staatsekretaris van buitelandse sake in die VSA te kelder.

Ekwatoriaal-Guinee, Afrika se enigste Spaanssprekende nasie, is die vasteland se derde grootste olieprodusent maar meer as die helfte van die bevolking leef onder die broodlyn, minder as in Lesotho en Swaziland.

Die land word gereeld deur menseregtegroepe vir onderdrukkende wetgewing, ongeregverdigde teregstellings en marteling deur die veiligheidsmagte beskuldig.

Obama se amptenare sê die president se seun het “skaamteloos” sy land in 2014 besteel. Amerikaanse owerhede het beslag gelê op sy villa in Malibu, Kalifornië en sy versameling Michael Jackson-memorabilia.

In November het Switserse owerhede ‘n ondersoek na geldwassery teen Obiang gelas en beslag gelê op elf luukse motors. 

Maar in Angola, waar dit erger gaan, is niemand in die Obama-administrasie bekommerd oor die stand van sake nie.

Duisende Amerikaanse troepe na NAVO se oosgrens

Die grootste verskeping van Amerikaanse brigades sedert die ineenstorting van die Sowjet-Unie het in die noorde van Duitsland aangeland. Die eerste van 87 tenks en 144 militêre voertuie is in die hawe van Bremerhaven opgemerk.

Die toerusting en 3 500 Amerikaanse troepe word ontplooi langs die oosgrens van NAVO. Die ontplooiing is daarop gemik om bekommernisse van “potensiële Russiese aggressie” te besweer in Oos-Europa.

Die koms van die toerusting en troepe is die begin van ‘n nuwe fase van die VSA se “Operation Atlantic Resolve”.

Die nuwe NAVO-troepe sal eers in Pole versamel, dan oor sewe lande van Estland tot Bulgarye uitsprei, terwyl ‘n hoofkwartiereenheid in Duitsland sal aanbly.

Dietmar Woidke, die sosiaal-demokratiese premier van die linkse plaaslike regering van Brandenburg – een van die Duitse state waardeur die Amerikaanse brigades oor die volgende twee weke sal beweeg – het die militêre opmars gekritiseer.

Woidke het sy kommer uitgespreek dat die verhouding met Rusland kan vererger as gevolg van die NAVO-troepe se ontplooiing.

“Ek hoop dat ons almal kalm sal bly,” het Woidke aan die Duitse RBB-staatskanaal gesê. Maar Woidke se SPD-party het nie kommentaar gelewer oor die ontplooiing van NAVO-troepe nie.

In Berlyn regeer die SPD in ‘n koalisie met die CDU/CSU Party van kanselier Angela Merkel. Beide partye ondersteun NAVO en die nuutste anti-Russiese histerie ten sterkste.

Anti-Russiese histerie het dieselfde bron as Irak se WMV

Dieselfde amptenare in Washington wat die oorlog in Irak aangeblaas het, is nou verantwoordelik vir anti-Russiese histerie.

Die vernaamste skuldiges herhaal eise dat Rusland die Demokratiese Party se kommunikasie onderskep het: James Clapper, die direkteur van nasionale intelligensie, sowel as senatore Lindsey Graham en John McCain.

Clapper was instrumenteel in die fasilitering van die bedrieglike intelligensie oor Irak. Verdedigingsekretaris Donald Rumsfeld het Clapper in beheer van die analise van satellietbeelde geplaas, die beste bron vir die soek en vind van die ligging van wapens van massavernietiging.

Soos Newsweek berig het in 2010:

“President Obama se nominasie van die Pentagon intelligensiehoof James Clapper as intelligensietsaar het die Bush-era debat laat ontvlam oor hoe en waarom agentskappe Saddam Hussein se wapens-van-massa-vernietiging arsenaal voor die inval in Irak Maart 2003 oorbeklemtoon het. Clapper het ‘n belangrike rol gespeel in daardie ramings; tussen 2001-2006 was hy die hoof van die Nasionale Georuimtelike-intelligensie-agentskap, die Pentagon se eenheid wat verantwoordelik is vir die interpretasie van spioenasie satellietfoto’s en ander tegniese intelligensie soos lugdeeltjies en grondmonsters.”

Die voorsitter van die Senaat se gekose Komitee oor Intelligensie, Jay Rockefeller het tot die gevolgtrekking gekom dat, “In die vervaardiging van die saak vir oorlog, het die [Obama] administrasie herhaaldelik intelligensie aangebied as ‘n feit toe in werklikheid ongegrond was, weerspreek is, of selfs nie-bestaande.”

Voormalige generaal Colin Powell sê self dat sy toespraak by die Verenigde Nasies in 2003 ter bevordering van die rasionaal vir die oorlog in Irak, ‘n “klad” op sy rekord is. Die toespraak het detail uiteengesit oor Irak se wapenprogram, maar intelligensie sou later onomwonde bevestig dat die program nooit bestaan ​​het nie.

Teen die tyd dat dit duidelik was dat daar nooit WMV in Irak was nie, en Clapper gevra is om sy leuens te verduidelik, het hy gegorrel dat die WVM “waarskynlik verskuif is na Sirië”.

Dat Clapper gereeld lieg, is duidelik. Op 12 Maart 2013 het hy voor die Kongres valse getuienis gelewer oor die omvang van die NSA se data-insameling oor Amerikaners. Vier maande later, na die Edward Snowden onthullings, het hy aan die Senaat erken sy getuienis was “duidelik foutief”.

Newsweek het Lindsey Graham as een van Clapper se geesgenote beskryf: “Een van die grootste rasieleiers vir die oorlog in Irak ….” Graham het nou ‘n beroep gedoen dat “rotse, nie klippies nie” op Rusland moet reën.

In die 2003 aanloop tot die oorlog in Irak, het John McCain en Graham se verskynings op TV-debatte soos Meet the Press, Fox News Sunday, en Face the Nation te kere gegaan oor Saddam Hussein se wapens van massa vernietiging.

McCain het op 16 Februarie 2003, op Face the Nation, oorlog aangehits op grond van intelligensie wat wapens van massavernietiging “onthul” het in Irak. Nou beweer dieselfde McCain dat Rusland die VSA in ‘n kuberaanval geteiken het, en dat dit noodwendig oorlog beteken.

Daar is nog geen bewyse van Russiese aandadigheid nie, maar soos in die geval van Irak, hoop die drie die konflik breek uit voor hul aanklagte as vals ontbloot word, as dit reeds te laat is.

Nie die bloed van miljoene mense op hul hande traak die drie nie.

Franse maatskappye verkies wit Franse werknemers

Maatskappye in Frankryk word toenemend huiwerig om Arabiere aan te stel. ‘n Franse opname wat verlede Maandag vrygestel is, het aan die lig gebring dat 30 persent van groot besighede wit Franse kandidate verkies.

Tussen April en Julie verlede jaar, het ‘n raadgewende firma in opdrag van die Ministerie 40 ondernemings in ses stede met meer as ‘n duisend mense gepeil, het AFP berig.

Die firma het 3 000 aansoeke vir 1 500 werksgeleenthede namens die 40 maatskappye uitgestuur, en in alle gevalle, het die werkgewer twee aansoeke vir dieselfde werk ontvang van mense met soortgelyke agtergronde, ondervinding en kwalifikasies.

Die enigste beduidende – maar soms beslissende – verskil was name van die aansoekers. Franse name is die enigste manier vir werkgewers om ‘n rasse-onderskeid te maak, omdat openlike rassekategorieë deur die wet verbied word in Frankryk en swaar strawwe dra.

Die opname het bevind dat ten minste 12 van die 40 maatskappye gediskrimineer het teen nie-wit kandidate met Arabies-klinkende name.

Wanneer dit kom by onderhoude, byvoorbeeld, het 47 persent van die kandidate met tradisionele Franse name onderhoude gekry, maar slegs 36 persent van diegene met name uit Noord-Afrika.

Die regering het haastig verklaar dat die peiling “te klein was om te veralgemeen” vir alle Franse maatskappye, maar die minister van arbeid Myriam El Khomri het gesê die houdings bevestig die bestaande ongelykheid.

“Hierdie peiling, van ‘n ongekende skaal, het duidelik ‘n treffende ongelykheid van behandeling in indiensneming ontbloot,” het sy gesê.

Duitse Afd LP daag pro-migrasie ‘piepie-aanvaller’ uit

Die AfD-LP Stephan Brandner dreig om die “heeltemal beskonke Antifa-man met sy mini-orgaan” wat op ‘n AfD kantoor in Thuringia geurineer het te ontbloot as die aktivis ooit probeer om weer moeilikheid te maak by hul kantoor.

Die kiesafdelingkantoor van Thuringia se AfD het ‘n “besoek” van ‘n pro-migrasie “betoger” ontvang wat sy broek laat val het en tevergeefs probeer het om te urineer teen die venster van die kantoor.

Die hele proses is deur Brandner se bewakingskamera reg voor sy kantoor opgeneem. Die “betoger” geklee in ‘n rooi pet waai selfs vir die kamera.

Stephan Brandner het nou met behulp van die piepievoorval ‘n teenveldtog geloods.

Hy het ‘n stilskoot van die opname met die gesig van die “aktivis” gepikseleer. In ‘n openbare Facebookpos, het Brandner aan die “betoger” ‘n ultimatum gestel: As hy binne die volgende paar dae nie kontak met die AfD politikus opneem nie, sal Brandner die foto’s publiseer sonder die anonieme gesig en die “geheel en al beskonke Antifaman met sy mini-orgaan ontbloot”. Brandner se reaksie het viraal op Duitse sosiale netwerke versprei.

Hy dateer dikwels die reaksies op – insluitend skermskote van dreigemente wat hy ontvang – op sy Facebook-profiel.

Nietemin, is dit ‘n ernstige saak in Duitsland: Die AfD se kantore word gereeld aangeval deur pro-immigrasie-aktiviste.

AfD se adjunkstaatsvoorsitter Armin-Paul Hampel het aan die lig gebring dat die party die afgelope jaar meer as 800 gevalle van aanvalle aangemeld het wat wissel van fisiese aanrandings en vandalisme tot partylede se motors as teikens van brandstigting, het die Duitse koerant Die Welt berig.

SA wil bande met Wes-Sahara versterk

Suid-Afrika wil ekonomiese en politieke bande met Wes-Sahara versterk.

President Brahim Gahli van die Saharawi Arabiese Demokratiese Republiek is op ‘n werksbesoek in Suid-Afrika.

Hy vergader vanoggend met president Jacob Zuma. Bande tussen die twee lande dateer terug uit die stryd teen “apartheid en kolonialisme”.

Wes-Sahara is die enigste land in Afrika wat nog gekolonaliseer is en is jare reeds in ‘n geskil met Marokko gewikkel.

Die woordvoerder van die presidensie, Bongani Ngqulunga sê Suid-Afrika steun die vryheid en selfbeskikking van die mense van Wes Sahara.

Die Polisariofront het formele erkenning van 37 lande, en het lidmaatskap in die Afrika-unie. Marokko het voorheen erkenning of ondersteuning vir sy posisie in die gebied van verskeie Afrika-regerings en die Arabiese Liga verkry.

Sedert 2006, het geen ander lidland van die Verenigde Nasies Marokkaanse soewereiniteit oor Wes-Sahara erken nie.

Beppe Grillo ontbloot Amerikaanse en Italiaanse valse nuus

Beppe Grillo, stigter van Italië se Vyfster anti-EU beweging het Amerikaanse joernaliste uitgewys vir “die vervaardiging van vals nuus”.

Grillo het die linkse, anti-Trump BuzzFeed ontbloot omdat hulle valse nuus oor sy party versprei.

Buzzfeed het hul misleidende berig oor ‘n kontrak tussen M5S LP’s met Casaleggio Associati afgehaal, maar die nuuswerf het versuim om ‘n nota by te voeg waarin verduidelik word dat dit ‘n valse berig was.

Die Amerikaanse webwerf het Grillo se party beskuldig van “‘n uitgebreide netwerk van webwerwe en sosiale media rekeninge wat valse nuus, samesweringsteorieë, en pro-Kremlin stories na miljoene mense versprei” na “analise deur BuzzFeed Nuus”.

Dit was ‘n volledige fabrikasie. Die verkose amptenare van M5S in die afgelope maande, voor die Italiaanse referendum, het honderde institusionele figure uit die buiteland, insluitend die Russe ontmoet, volgens Grillo, maar die Italiaanse koerant La Stampa en Buzzfeed het hierdie klein detail uitgelaat om hul samesweringsteorie te verkoop oor die omvang van Russiese invloed in die party.

Grillo sê ook die beskuldiging dat hy pro-Kremlin propaganda versprei is belaglik.

Hy het voorgestel dat Buzzfeed ‘n artikel doen oor persvryheid in Italië, want die land staan tans op 77 van Verslaggewers Sonder Grense se ranglys en is slegs gedeeltelik vry.

“Koerante en TV-nuus programme is die grootste vervaardigers van valse nuus in die land, met die doel om te verseker dat diegene aan die mag dit hou,” het hy gesê op sy blog vandeesweek.

Grillo voorgestel dat ‘n gewilde jurie die “waarheid oor gepubliseerde nuus bepaal,” en bygevoeg dat in gevalle van valse nuus “die redakteur, hoof gebuig, ‘n openbare verskoning sal moet aanbied en die korrekte weergawe aan die begin van die program of op die koerant se voorblad sal moet publiseer.”

Maar Italië se media en tradisionele politieke partye was in rep en roer ná die aanklag dat hulle “valse nuus” vervaardig.

Die hoofredakteur van la Repubblica het Grillo se eis verwerp en gesê Grillo moet ophou om joernaliste te blameer vir die swak stand van die land se persvryheid op die World Press Freedom Index.

Die unie van Italië se joernaliste, sê die jurie-voorstel sal joernaliste “lewendig slag”. Die nuusdirekteur van die private OG LA7 kanaal, Enrico Mentana, het hy gesê hy gaan die komediant dagvaar.

Wat Grillo sê word “genoem Fascisme, en diegene wat dit af beaam is medepligtiges,” het die linkse PD senator Stefano Esposito gesê.

Marco Travaglio, redakteur van die ver-links Il Fatto Quotidiano daaglikse, het saamgestem om met Grillo, maar het gesê die gewilde jurie idee sal nooit werk nie. “Die grootste leuens is dié wat versprei word deur die televisie en koerante, maar die oplossing wat hy stel is naïef,” het hy gesê.

Tipies van die verlinkse kommuniste, wat sê hulle is vir die mense, wil hulle nooit mense vertrou met met enige mening nie, maar namens hulle besluit.

Onderwysdepartement gloei oor anonieme ‘prestasies’

Die minister van basiese onderwys, Angie Motshekga, het die distrikte bekend gemaak wat die beste in vanjaar se matriekeindeksamen gevaar het.

Die vak met die meeste onderskeidings was Afrikaans as tweede taal, terwyl landbouwetenskap die minste gehad het.

Die slaagsyfers vir wiskunde en wetenskap het effens gestyg, maar die gehaltebeheerliggaam, Umalusi het vroeër al sy kommer daaroor uitgespreek.

Die voorsitter, John Volmink het wiskunde uitgesonder as die vak waarin leerlinge swak vaar. Dit is bekend dat die departement die gemiddeld jaarliks moet aanpas met soveel as nege persent om die swart wanpresteerders deur te kry.

Motshekga het die aankondigings in Midrand gemaak waar vanjaar se matriekslaagsyfers bekend gemaak is. Die uitslae toon dat meer as 60 000 van die bykans 670 000 matrieks wat vir die eksamen ingeskryf het, nie eksamen geskryf het nie.

Slegs die leerders se eksamennommers word gepubliseer. Die matriekuitslae is van sesuur vanoggend af by skole, in koerante en aanlyn beskikbaar.

Omdat die presteerders nie meer by naam genoem word soos voorheen nie, maar slegs per eksamennommer, moet die bekendmaking van sogenaamde presteerders met ‘n sak sout geneem word, aangesien dit moeilik verifieerbaar is.

Motshekga sê die Overberg in die Wes-Kaap het die hoogste slaagsyfer van 92,7 persent gehad. Die Vrystaat het vanjaar die hoogste slaagsyfer in die matriekeindeksamen met 93 persent.

Die Wes-Kaap is in die tweede plek gevolg deur Gauteng, Noordwes, die Noord-Kaap, Mpumalanga, KwaZulu-Natal, Limpopo en die Oos-Kaap.

Vanjaar se nasionale matriekslaagsyfer staan op 72,5 persent – effens beter as verlede jaar se syfer van 70 persent.

Motshekga sê meer leerders het met universiteitsvrystelling geslaag en meer as 100 skole het geen druipelinge nie. Waarskynlik is die meeste van dié skole Afrikaans.

Duisende matrikulante het oral in Suid-Afrika begin fees vier nadat hulle hul uitslae gekry het.

Altesaam 442 672 leerlinge het die 2016-matriekeindeksamen geslaag, die tweede grootste getal leerlinge in die geskiedenis.

Sowat 50 persent van leerlinge oor die land heen het toelating tot graad- en diplomastudies ontvang.

Die Adjunk-uitvoerende hoof van die Federasie van Beheerliggame van Suid-Afrikaanse Skole (Fedsas), Jaco Deacon, sê leerlinge en leerkragte het hul goed van hul taak gekwyt.

Hy sê leerlinge, ouers en ander familielede het ook ‘n waardevolle bydrae gelewer tot die klas van 2016 se suksesvolle skoolloopbaan. Hy haal ook sy hoed af vir die departement se harde werk ondanks talle uitdagings.

Honderde migrante gevang wat Duitse welsynstelsel plunder

‘n Ondersoek is van stapel gestuur in meer as 300 gevalle van welsynbedrog deur asielsoekers, almal net in een Duitse stad.

Die ontdekking van welsynbedrog wat miljoene beloop, het daartoe gelei dat ‘n spesiale kommissie aangestel is.

Die nuwe kommissie in die noorde, in die Duitse stad Brunswick, sal welsynbedrog wat gepleeg is deur Soedanese vlugtelinge ondersoek.

Plaaslike verslae dui daarop dat die meerderheid van meer as 300 gevalle verwys na asielsoekers wat in Duitsland aangekom het in 2015. Een bedrieër het vermoedelik soveel as 12 verskillende identiteite gebruik om kontant te steel van staatsvoordele.

Gemiddeld, het elke verdagte die owerhede uit duisende euro’s verneuk. Die asielsoeker met 12 identiteite het “sowat 45 000€ onwettig ontvang,” het die kommissie voorsitter verklaar.

Joern Memenga, die voorsitter van die kommissie, het aan Deutsche Welle verduidelik dat die immigrante hulself ‘n paar keer ingeskryf het deur met verskeie vermommings aan te meld om personeel te flous oor die uitbetaling van verskeie welsynstoegifte.

Asielsoekers wat verlede jaar aangekom het word nou gevra om terug te keer na registrasiesentrums om hul vingerafdrukke te voorsien. “Jy kan dalk jou naam en datum van geboorte vervals, maar jy kan nie jou vingerafdruk vervals nie,” sê Memenga.

Tussen Januarie en Junie het 2016 Duitsland 387 675 asielaansoekers verwelkom, meer as twee keer soveel as wat die land tydens die hele 2014 ontvang het. Memenga sê die personeel was oorwerk en hulle kon nie ag slaan op die vermommings nie.

Die nuus kom nadat dit bekend geword het dat Anis Amri, die terroris wat verantwoordelik is vir die dood 12 mense by ‘n Berlynse Kersmark, verskillende identiteite gebruik het om geld te steel van die Duitse staat om sy terreurplan te finansier.

Die Duitse federale polisie het statistieke wat wys dat die massiewe toename in misdaad in Duitsland ‘n direkte gevolg van Angela Merkel se oop-deur beleid is.

Die verslag, waarvan die vrystelling vanaf Julie, en weer in September opsetlik vertraag is, is uiteindelik gepubliseer in November. Dit ‘n dramatiese toename van 31,6 persent teenoor die vorige jaar.

Die Duitse federale polisie is getaak hoofsaaklik met die beskerming van treinstasies, lughawens, en grense. Die meeste van die aangetekende diefstalle het by óf spoorwegstasies of op treine voorgekom en toon ‘n styging van 25 persent.

Die verslag blameer baie van die misdaad op georganiseerde migrante bendes.

Die grootste toename in misdaad by verre egter behels immigrante en die skending van asielwette insluitend onwettige immigrasie en mensehandel, met ‘n toename van 151,6 persent in 2016.

Franse redakteur stuur meningsnavorsers in hul peetjie

‘n Franse redakteur het meningspeilings heeltemal uit sy koerant gesny nadat hulle versuim het om Brexit, en Trump se oorwinning te voorspel.

Die redakteur van een van die mees gewilde koerante in Frankryk se sê hy is van plan om die gebruik van betaalde meningsnavorsers in sy publikasies te staak.

Voor die presidensiële verkiesing volgende jaar sê Stephane Albouy, wat Le Parisien en sy suster publikasie Aujourd’hui en France bestuur, die groot mislukking van maatskappye wat opnames doen om Brexit of Trump se oorwinning voorspel, wys hoe nutteloos hulle is.

Albouy sê joernaliste behoort liewer “op die grond verslagdoening” te lewer in plaas daarvan om op peilings te vertrou. “Ons dink al so vir ‘n geruime tyd, veral na Brexit en die verkiesing van Donald Trump,” het hy aan AFP gesê.

“Dit is nie ‘n kwessie van die verontagsaming van menigspeilings soveel as wat dit die eksperimenteer met ‘n ander werkswyse voor die verkiesing is nie,” het hy verduidelik. Le Parisien en Aujourd’hui af France spandeer duisende euro per jaar om navorsers te betaal vir meningspeilings.

Altwee koerante is baie soortgelyk hoewel Le Parisien plaaslike Paryse nuus ook aanbied.

Terwyl hy sê hulle sal nog kommentaar lewer oor peilings wat ander titels plaas, sal sy twee publikasies slegs fokus op indiepte ontledings, en nie die nuus wat soos ‘n perdewedren klink nie.

“Ons wil die soort van kommentaar verhoed wat ‘n perdewedren vergesel, altyd die fokus op wie die voortou neem,” het hy gesê. “Ons wil konsentreer op indiepte, op die kandidate en hul idees.”

“Die media verduur baie kritiek omdat hulle afgesny is van die werklikheid,” het hy gesê. “So ons werklike verslagdoening prioritiseer. Dit sal meer kos as betaalde meningsnavorsing, en ons sal harder moet werk.”

Le Parisien en Aujourd’hui af Frankryk verkoop meer as 300 000 eksemplare per dag.

Keulen se polisiehoof verdedig rasprofilering

In ‘n poging om ‘n herhaling van verlede jaar se massaseksaanvalle in Keulen te voorkom, het die polisie rasprofileing toegepas op manne van Noord-Afrikaanse afkoms op Oujaarsaand, het Deutsche Welle berig.

Polisiehoof Jürgen Mathies staar hewige kritiek in die gesig vir die prys van sukses met rasprofilering. Wetstoepassers verdedig die gebruik van ras om misdadigers tydens Oujaarsaandvieringe uit te snuffel.

Mathies het gesê: “Ons het groepe mense wat vergelykbaar aggressief was,” met die aanvalle verlede jaar uitgesoek. Volgens die polisiehoof, na die identifisering van 650 mense, is 190 beveel om die gebied te verlaat, 92 is in hegtenis geneem en 27 is in hegtenis geneem en weer vrygelaat.

“Op die sentraalstasie het ons honderde Nafris gekontrolleer” het die Keulen-tak van Noordryn-Wesfaalse polisie getwiet. Maar die term “Nafris” het nog ‘n ander herrie veroorsaak. Dit blyk Duitsland se nuwe k-woord te wees.

Mathies het erken dat beamptes spesifiek “Nafris” geteiken het, manne van Noord-Afrikaanse afkoms, want “vir die oorgrote meerderheid, was daar ‘n duidelike bedreiging van kriminele aktiwiteite teenwoordig.”

Hy het bygevoeg: “Ons het ‘n duidelike idee van wat ons moet kontrolleer. Dit was nie gryskop oudstes of blonde jong vroue nie.”

Die owerhede het nou ook onder skoot gekom vir die gebruik van die woord “Nafris” op sosiale media. Mathies het intussen om verskoning gevra vir die gebruik van die term op sosiale media, maar gesê “Nafris” is deel van die polisiejargon.

In ‘n vertroulike polisiedokument, word “Nafris beskryf as aggressiewe, gewapende, jong mans uit Noord-Afrika.”

Keulen se polisiewoordvoerder Wolfgang Baldes het aan Die Welt gesê al jare het die stad probleme met die pleeg van misdade deur die mense van Noord-Afrika.

“Die hoë aantal duidelik aggressiewe jong mans, hoofsaaklik uit Noord-Afrika, wat weer op Keulen, asook Essen en Dortmund toegesak het, is skrikwekkend,” die Westfalen Blatt geskryf.

Groen Party mede-voorsitter Simone Peter bevraagteken die “wettigheid” van die polisietaktiek. “Dit laat die vraag van proporsionaliteit en wettigheid ontstaan as sowat 1 000 mense gekontrolleer en gedeeltelik aangehou word gebaseer op alleen hul voorkoms,” het Peter aan ‘n plaaslike Duitse koerant, die Rheinischen Post gesê.

Peter se kollega Volker Beck het ook in die die Rheinische Post daarop gewys dat die arrestasie van mense op grond van etnisiteit ‘n misdaad en ‘n skending van ‘n anti-rassisme konvensie die VN is.

Verlede jaar het duisende mans van Noord-Afrika en die Midde-Ooste mans in Keulen honderde vroue aangerand. Die massa seksuele aanvalle is daarna skaamteloos deur politici wat saamgesweer het met die Duitse media, toegesmeer.

Hierdie jaar het die stad sowat 3 000 polisiebeamptes ontplooi, tien keer soveel as in 2016.

Die Duitse nuusagentskap DPA, het Christopher Lauer, ‘n voormalige politikus van die Sosiaal-Demokrate (SPD), het die rasprofilering “vooroordeel teen ‘n hele groep mense op grond van hul voorkoms.”

Top-Trump raadgewer sê CIA se kierangs gaan braai

‘n Topassistent van verkose pres. Donald Trump het Sondag gesê Amerika het oneweredig opgetree toe hy besluit het om 35 Russiese diplomate uit die VSA te skop.

‘n Vliegtuig met 35 Russiese diplomate en hul families moes Washington Sondag verlaat en terugkeer na Rusland, nadat die Obama-administrasie naarstiglik na redes moes soek om verhoudinge tussen Rusland en die VSA verder te versuur voordat Trump oorneem.

Pres. Barack Obama het dié diplomate uit die land geskop nadat vals nuus versprei is oor Rusland se beweerde inmenging in die Amerikaanse presidentsverkiesing.

Sean Spicer, Trump se nuwe Withuis-woordvoerder, het aan ABC gesê hy gaan moeilike vrae aan Amerikaanse spioene vra.

Obama se stap om die Russiese diplomate uit te skop, volg ná ‘n ondersoek deur die CIA, die Amerikaanse geheime diens. Dit het sedertdien duidelik geword dat die CIA ‘n duidelike politieke agenda nastreef net soos met hul liegstories oor “wapens van massavernietiging” in Irak as verskoning om die Midde-Ooste te gaan destabiliseer.

Trump vergader vandeesweek met die intelligensiedienste.

Hy het die laaste tyd bewerings deur Amerikaanse intelligensieagentskappe dat Rusland die Amerikaanse presidentsverkiesing met kuberkrakery wou beïnvloed, van die tafel gevee.

Spicer sê toe kuberkrakers van China in 2015 op die Amerikaanse regering se rekenaarstelsels toegeslaan en die persoonlike inligting van vier miljoen huidige en voormalige federale werknemers gesteel het, was daar geen openbare optrede nie.

“So ‘n mens kan vra of daar hierdie keer politieke vergelding was eerder as ‘n diplomatieke reaksie,” sê Spicer.

Die diplomate het 72 uur gehad om die land te verlaat.

Intussen het Media24 die CIA se wolhaarstories van CNN gedienstig herhaal:

“Volgens dié koerant [Guardian] het die Russiese owerhede reeds opdrag gegee dat die Anglo-Amerikaanse skool in Moskou gesluit word waar die kinders van Amerikaanse, Britse en Kanadese diplomate skoolgaan. Dit kan verreikende gevolge vir Westerse diplomate in die Russiese hoofstad inhou.”

Dié vals nuus kom van CNN en die Guardian het bloot herhaal wat CNN berig het.

Die inligting oor die sluiting van die Anglo-Amerikaanse skool in Moskou is versprei deur CNN en is heeltemal vals, het die Russiese ministerie van buitelandse sake se woordvoerder, Maria Zakharova, op haar Facebook gesê.

“Amerikaanse amptenare is ‘anoniem ingelig’…Dit is ‘n leuen. Blykbaar het die Withuis heeltemal sy beheer verloor oor sy sintuie en begin nou sanksies teen sy eie kinders uitroep.”

“Die CNN TV-kanaal en ander Westerse media het weer vals inligting versprei met verwysing na die amptelike Amerikaanse bronne,” het Zakharova gesê.

‘n Groter kopseer vir die anti-Trump juigkommando by Naspers, is WikiLeaks. Julian Assange het nog plofbare materiaal belowe en reeds aangedui dat dit 1000 persent seker is dat Rusland nie kuberinbrake gepleeg het wat die Demokrate se onderduimshede ontbloot het nie.

Naspers ignoreer WikiLeaks soos ‘n stopstraat, terwyl Leopold Scholtz op Maroela Media probeer voorgee dat hy nog nooit ‘n Hillary-ondersteuner was nie.

Burundi se minister in sluipmoord doodgeskiet

Burundi se minister van die omge­wing­ en water, Emmanuel Niyonkuru­ (54), is Sondag in die vroeë oggendure op pad huis toe in die hoofstad, Bujumbura, doodgeskiet, het Pierre­ ­Nkurikiye, polisiewoordvoerder, getwiet.

Die African News Agency berig ‘n jong vrou wat saam met Niyonkuru was, is saam met die eienaar van ‘n kroeg wat Niyonkuru gereeld besoek het en twee veiligheidswagte wat sy huis bewaak het, deur die polisie vir ondervraging in hegtenis geneem.

Pres. Pierre Nkurunziza het sy skok oor die moord uitgespreek.

“Dié misdaad sal gestraf word,” het hy gesê. Die president het daarna verwys as ‘n sluipmoord.

‘n Vrou is sedertdien in verband met die voorval in hegtenis geneem, het Al Jazeera Sondag berig.

Die moord, die eerste op ‘n kabinetslid­ sedert Nkurunziza in 2015 vir ‘n omstrede derde termyn as staatshoof gekies is, volg op ‘n relatief rustige paar maande in die konflik­geteisterde land waar twee etniese groepe mekaar gereeld die stryd aansê.

Genocide Watch beskryf Burundi as een van die lande waar volksmoord ‘n besonder hoë waarskynlikheid het om plaas te vind.

Nkurunziza het op Twitter sy medelye met Niyonkuru se familie uitgespreek en “aan alle inwoners van Burundi” gesê die moordenaars sal swaar gestraf word.

Minstens 500 mense het reeds gesterf en 300 000 het landuit gevlug sedert onluste in April 2015 begin het. Die regering blameer die moorde op buurland Rwanda.

Intussen het dr. Nkosazana Dlamini-Zuma,­ voorsitter van die Afrika-unie se kommissie, op Twitter haar medelye ­uitgespreek en die moord op Niyonkuru skerp veroordeel as ‘n “barbaarse daad” wat ‘n deeglike ondersoek van die Burundiese regering sal vereis.

Tanzanië dank krag-hoof af na verhogings

Tanzanië se pres. John Magufuli het die hoof van die staat se elektrisiteitsmaatskappy Sondag afgedank nadat die maatskappy tariewe verhoog het, ‘n stap wat die president sê sy planne in die wiele sal ry om die Oos-Afrikaland te industrialiseer.

Waarskynlik sal dit ook sy politieke loopbaan help.

Tanzanië se elektrisiteitsreguleerder het Donderdag planne goedgekeur om elektrisiteitstariewe van Tan­zanië se elektrisiteitsvoorsieningsmaat­skappy (Tanesco) met 8,53 persent te verhoog, minder as die helfte van wat die nutsmaat­skappy sê nodig is om verliese te verminder.

Pres. Magufuli se kantoor het die afdanking­ van Tanesco se besturende direkteur, Felchesmi Mramba, in ‘n verklaring aangekondig, het Reuters berig.

Ure voor die aankondiging van die afdanking het die president die prysverhogings gekanseleer.

“Dit is onaanvaarbaar terwyl ons planne maak om ‘n vervaardigingsbedryf te bou en te verseker dat meer burgers toegang tot elektrisiteit het,” het Magufuli in ‘n verklaring gesê.

Ongeveer 40 persent van Tanzanië se bevolking van ongeveer 50 miljoen mense het toegang tot elektrisiteit en die regering hoop om dit tot 75 persent teen 2025 te vermeerder.

Sedert hy ‘n jaar gelede aan bewind gekom het, het Magufuli dosyne staatsamptenare afgedank as deel van ‘n teenkorrupsieveldtog en om nuwe stukrag vir doeltreffende regering mee te bring.

Hy het ‘n dosent aan die staatsuniversiteit van Dar es Salaam, Tito Esau Mwinuka, as waarnemende besturende direkteur van Tanesco aangestel.

Die elektrisiteitsmaatskappy wou aanvanklik ‘n tariefverhoging van 18,19 persent instel om ‘n verliesmakende tendens uit te wis en skuld aan onafhanklike kragprodusente en brandstofvoorsieners te betaal.

Die tariefverhoging sou op 1 Januarie in werking getree het.