Kategorie: Nuus

Revolusie: 2 treine in Pretoria óók verbrand

Terwyl onrus en onluste op kampusse uitkring, met berigte dat die administrasiegebou van die Noordwes-universiteit se Mafikengkampus afgebrand is, is twee treine by die Pretoriastasie insgelyks aan die brand gesteek.

Metrorail het bevestig dat twee treine verbrand is, met ‘n verdere twee treine wat deur klipgooiers onder die klippe gesteek is. Vier swartes is glo in verband met die gebeure in hegtenis geneem.

Drie waens van Metroplus Express en twee van die Business Express-diens is Dinsdagaand geheel en al by die Pretoriase stasie verbrand, volgens ‘n woordvoerder, Lillian Mofokeng.

“Die vyf waens is deur misdadige elemente verbrand wat hulle as lojale pendelaars voorgedoen het. Die oorsaak van die voorval word tans ten volle ondersoek, met vier verdagtes wat op die toneel in hegtenis geneem is. Die verbranding van die waens plaas druk op ons dienste, meer spesifiek op die beskikbaarheid van treinstelle,” het Mofokong gesê.

Geen passasiers of Metrorail-werknemers is glo beseer nie.

Dinsdag is twee afsonderlike treine met klippe gegooi. Sakeondernemings by die stasie, asook 11 rondomtaliehekke, is gevandaliseer.

“Ten tye van die voorval vroeg Dinsdag, is ‘n trein wat na Johannesburg sou vertrek vir ongeveer 30 minute vertraag. Pendelaars is voortdurend via die luidsprekerstelsel daaroor ingelig,” het Mofokeng gesê.

Benewens die vier swartes wat op die toneel in hegtenis geneem is, word verdere ondersoeke gedoen.

Ook Dinsdag het Metrorail aangekondig dat hy treindienste op die Springs, Daveyton en Dunswart-trajek opskort vanweë toenemende dreigemente teenoor treindrywers en metrowagte.

‘Ongeskik’

Die provinsiale bestuurder van Metrorail, Tembela Kulu, het die gedrag van passsasiers as “ongeskik” beskryf. Volgens hom, “veroorsaak die toenemend onbeskofte gedrag van pendelaars dat tryndrywers vir hul lewens moet vlug omdat hulle aanvalle vrees. Dis baie ongelukkig dat ons die besluit moes neem om die diens geheel en al te beëindig vanweë die feit dat ons nie treindrywers het wat wou instem om hul lewens op die spel te plaas terwyl hulle mense dien wat geen begrip toon vir die noodsaaklike rol wat hulle speel nie.”

67 drywers en wagte aangeval

Kulu het onthul dat daar sedert November verlede jaar 67 drywers en veiligheidswagte deur passasiers by Gautengse treinstasies aangeval is.

Die LUR vir vervoer Ishmael Vadi het gesê dat hy die opskorting van treindienste op die Daveyton-Dunswart-roete steun.

“Die opsetlike verbranding en klipgooiery na treine, asook aanranding van treindrywers moet onmiddellik ophou, anders sal Metrorail se dienste opgeskort bly,” het hy gewaarsku.

Vadi het die gewelddadige gedrag veroordeel en gesê: “Dié tipe geweld en wetteloosheid moet ten sterkste afgekeur word.”

Oproeriges onderbreek gebedsessie by UV

Oproerige swartes met stokke het ‘n buitemuurse gebedsdiens op die hoofkampus van die Universiteit van die Vrystaat onderbreek.

Die diens is deur ‘n pastoor gelei. Die betogers het slagspreuke geskree en die klankstelsel wat gospel-musiek gespeel het, afgeskakel.

Die polisie het ingegeryp en die twee groepe uiteen gehou sodat die diens kon voortgaan.

Die Universiteit se kampusse in Bloemfontein sal môre en Vrydag gesluit bly. Alle akademiese en administratiewe dienste sal glo Maandag hervat word.

By die Universiteit van die Wes-Kaap het ‘n hofbevel ‘n groep skoonmakers en sowat 50 studente verbied om aan te hou amok maak op die kampus.

Hulle ontwrig kampusbedrywighede, het die uitvoerende bestuur gister gesê.

“Die hofbevel magtig en gelas die polisie om in te gryp en te help by die Universiteit,” het hulle in ‘n verklaring gesê.

Werkers en swart studente is sedert verlede week in opstand oor uitkontraktering by die universiteit.

Voorvalle van klasontwrigting en personeelintimidasie is aangemeld.

Dinsdag het die skoonmakers ingestem om die oproer te staak, maar ten spyte van hierdie onderneming, het hulle Woensdag oproer op die kampus voortgesit.

Rand daal skerp na Gordhan se begrotingsrede

Die minister van Finansies, Pravin Gordhan het in sy Begrotingsrede in die Parlement gesê die land kan nie geld bestee wat hy nie het nie en kan nie meer geld leen as wat hy kan terugbetaal nie.

Hy het gesê die begroting sal eerder fokus op fiskale konsolidasie, maar markte het nogtans negatief gereageer.

Gordhan moes probeer voorkom dat Suid-Afrika na rommelstatus afgegradeer word. Die rand het kort na die begrotingsrede met sowat 30 sent teen die Amerikaanse dollar gedaal.

Gordhan het verwys na die tekort op die begroting wat binne drie jaar van 3,2 persent tot 2,8 persent verminder behoort te word.

Hy sê maatreëls om die ekonomiese toestande te verbeter sluit die inkorting van besteding en die verhoging van belasting in.

Gordhan sê tot ekonomiese groei gestimuleer kan word en sodoende ‘n groter inkomste vir die staat meebring, moet uitgawes beperk word, dus moet skuld as ‘n persentasie van die Bruto Binnelandse Produk gestabiliseer word.

Die minister sê die regering beoog om belastinginkomste in die 2016/2017 belastingjaar met agtien miljard rand te verhoog en volgende jaar met ‘n verdere vyftien miljard rand.

Die minister van Finansies het belastingverligting van R5,5 miljard vir middel- en laerinkomstegroepe aangekondig, maar nuwe belastings ingestel.

Die regering beoog om vanaf 1 April aanstaande jaar ‘n nuwe belasting op koeldrank en vrugtesap in te stel wat suiker bevat.

Die brandstofheffing word met 30 sent per liter verhoog en ‘n belasting op voertuigbande sal ingestel word.

Aksynsbelasting op drank en tabak sal tussen ses en agt persent styg.

Bejaardes sal maandeliks 80 rand meer ontvang in ouderdomspensioen, wat die toelae op R1500 per maand te staan bring. In Oktober sal ‘n verdere tien rand per maand bygevoeg word.

Kindertoelae word tot R350 per maand verhoog, en die toelae vir pleegsorg styg tot R890 per maand.

In totaal word ‘n bykomende 11,3 miljard rand oor die volgende drie jaar begroot vir maatskaplike toelaes.

Die DA se skaduminister van Finansies, David Maynier sê intussen die begrotingsrede het nie ‘n sterk genoeg impak gemaak deur nuwe maatreëls aan te kondig om die ekonomie ‘n hupstoot te gee en werksgeleenthede te skep nie.

Maynier sê dat die beplande besnoeiings nie ver genoeg gaan nie.

Hy sê Gordhan kon President Jacob Zuma se kabinet kleiner gemaak het, wat R4,7 miljard rand kon bespaar het.

Gordhan het ook tydens die begrotingsrede gesê die begroting is deur die Nasionale Ontwikkelingsplan gerig.

Hy sê dit is gemik op inklusiewe groei, beklemtoon vennootskappe tussen rolspelers in die ekonomie, en lê klem op onderwys en infrastruktuurontwikkeling.

Gordhan het ook gesê die begroting steun werkskepping en die bou van ‘n volhoubare ontwikkelingstaat.

Die minister het sy verbasing oor die skerp daling in die rand en staatseffekte uitgespreek nadat hy sy begrotingsrede in die Parlement gelewer het.

Gordhan sê hy voel hy het genoeg gedoen om ‘n afgradering in die land se beleggingsgradering te voorkom.

Namibiër sal regsaksie teen US voortsit

Dr. Joggie Briedenhann het Dinsdag by navraag aan die Republikein bevestig dat hy die siviele regsaksie teen die Universiteit van ­Stellenbosch (US), Open ­Stellenbosch en die studenteraad gaan voortsit ondanks die rektor van dié unversiteit, dr. Wim de Villiers, se skriftelike verskoning aan hulle.

Die regstappe sal gedoen word hangende die verslag wat deur ’n onafhanklike kommissaris opgestel word om die instansie se hantering van die beweerde rassevoorval vroeër die maand te ondersoek.

Briedenhann se dogter en ‘n vriendin het hulself pers geverf vir ‘n partytjie. Hulle is deur die instansie se verteenwoordigers as rassiste uitgekryt nadat foto’s van hulle gemanipuleer is om na “black-face” te lyk.

Danksy die kwade wil van die US se fotomanipulasie is die twee daarna uit die koshuis geskors.

“Ons is nie agter die US se geld nie. Ons gaan voort met die siviele saak om die universiteit die dwing om die ondersoek af te handel. Ons wil ook verhoed dat dit net nóg ’n verslag is wat gaan stof vergaar,” sê Briedenhann.

Die aanstelling van ’n onafhank­like kommissaris volg ná openbare woede oor die universiteit se optrede rakende die saak in die media en hoe dit op sosiale media bekend gemaak is.

Luidens De Villiers se verklaring Vrydag is hy spyt oor die trauma wat die voorval vir die betrokke studente en hul ouers veroorsaak het.

Briedenhann meen egter die siviele saak sal die US noodsaak om die verslag se ­bevindinge aan die publiek bekend te maak én om erns te maak met die verslag se aanbevelings.

“Dit gaan oor die beginsel van die saak,” sê Briedenhann.

Die optrede van ene Mathew Smorensburg, verbonde aan die universiteit se sentrum vir ­studentestrukture, gaan onder meer ondersoek word.

Toe die klag van rassisme en “blackface” by die universiteit ingedien is, is Christine en haar vriendin na sy kantoor ontbied. Hy het hulle na bewering ontmoedig om ’n ­regsverteenwoordiger aan te stel en het hulle ook afgeraai om hul vriende of ouers te kontak.

Smorensburg het die twee daarna gedwing om ‘n inkriminerende boodskap wat hyself geskryf het, onder hul eie name uit te stuur.

Trump behaal klinkende oorwinning in Nevada

Die Republikeinse aanspraakmaker op die Amerikaanse presidentskap, Donald Trump het loshande die Nevada-koukusse gewen.

Ted Cruz en Marco Rubio is neffens mekaar in die tweede plek, maar kon nie ‘n wenindruk maak op kiesers wat keelvol is vir die establishment nie.

Trump het vroeër ook in New Hampshire en Suid-Carolina klinkende oorwinnings behaal en is goed op pad om die Republikeinse presidentskandidaat vir die verkiesing op 8 November te word.

Trump het volgens vroeë aanduidings sowat 45 persent van die stemme verower. Hy het in sy oorwinningstoespraak in Las Vegas gesê dat hy nou die hele land in sy visier het.

Dit was ‘n pragtige vertoning van momentum vir sy veldtog, wat dit al hoe moeiliker maak vir ‘n ander partykandidaat om die Republikeinse nominasie te wen.

“Ons is lief vir Nevada,” het Trump tydens sy kort oorwinningtoespraak in Las Vegas gesê. “En binnekort gaan die land begin wen, wen, wen.”

Nie net was dit ‘n oorwinning in die Silver State nie, maar dit was ‘n oorwinning met ‘n groot marge.

Een van die mees verrassende aspekte van die oorwinning vir Trump is sy sukses onder latyns-Amerikaanse koukus-gangers wat sy anti-immigrasieplatform steun, insluitend die bou van ‘n muur langs die VSA-Meksiko grens.

Die anti-establishment ywer binne die Republikeinse kieserskorps beklemtoon die enorme uitdaging vir Rubio en Cruz in die komende weke.

Rubio was nie eens in Nevada Dinsdagaand nie. Cruz het die hoop uitgespreek dat hy goed sal kan doen in Texas, maar dis nie ‘n uitgemaakste saak nie.

Totale gebrek aan leierskap dompel Kovsies in chaos

Studente op die Kovsie-kampus in Bloemfontein het Dinsdag hul koshuise ontruim het uit vrees vir verdere geweld.

Swart oproeriges het wit studente aangeval, en die hoofgebou en koshuise beskadig in die chaos wat op die kampus van die Universiteit van die Vrystaat losgebars het weens die gapende gebrek aan leierskap van die rektor Jonathan Jansen.

Praag het Maandag berig hoe Jansen gevlug het voor die swart aanslag.

Hy het later by monde van ‘n verklaring die wit studente verantwoordelik gehou vir die geweld.

Die standbeeld van Suid-Afrika se eerste staatspresident, CR Swart is afgebreek en in ‘n fontein gegooi.

Die swart SR-president van die UV, Lindokuhle Ntuli sê hulle sal voortgaan met hulle protesoptrede totdat daar aan hulle eise voldoen is.

Hy sê rassisme het geen plek by die instelling nie en dat iets daaromtrent gedoen moet word.

Ntuli sê die studente eis dat die CR Swart-standbeeld verwyder word, dat rassisme beëindig word en dat skoonmakers ingekontrakteer word.

Die manskoshuis Huis Abraham Fischer, ook bekend as Vishuis, het ook onder die vandale deurgeloop wat glo teen die uitkontraktering van kampuswerk betoog.

Die universiteit het aangekondig dat die Bloemfonteinse kampus gesluit sal bly tot verdere kennisgewing omdat die veiligheid van studente, personeel en eiendom nie gewaarborg kan word nie.

‘n Verdere 60 veiligheidswagte is op die kampus ontplooi om uitgebreide vandalisme te probeer keer.

Nadat wit toeskouers die oproeriges Maandag van die rugbystadion verwilder het, het die swart horde wit koshuisstudente aangeval, veral in Vishuis. Dinsdagoggend is dieselfde koshuis weer bestorm en nog skade aangerig.

Jansen het Dinsdag op ‘n mediakonferensie gesê die geweld was ‘n terugslag vir transformasie. Hy het dit betreur dat die swart betogers “se regte letterlik en figuurlik vertrap en talle ou wonde oopgekrap is”.

Dit is nie duidelik waarom die swart oproeriges oor “regte” beskik wat hulle in staat stel om wittes aan te val en eiendom te beskadig in ‘n bestel wat self deur Jansen voorgehou word as ‘n matelose verbetering op die die vorige een nie.

Kennelik is die huidige regime se probleem met “witheid” iets waarmee Jansen saamstem nadat swart oproeriges die koshuis binnegestorm het en niksvermoedende wittes met stokke en klippe aangeval het.

Die polisie moes vrouestudente uit die Madelief-koshuis na veiligheid begelei toe swartes die plek bestorm het met die waarskuwing dat hulle “enige kind van ‘n wit man sal doodmaak”.

Die polisie is daarna met klippe en bottels bestook en daarvan beskuldig dat hulle net wit studente beskerm.

In Pretoria het die universiteitsbestuur studenteleiers Dinsdagaand in ‘n verklaring gewaarsku dat tugstappe en strafregtelike klagte geneem sal word teen diegene wat Maandag by kampusgeweld betrokke was.

Die UP bly steeds tot verdere kennisgewing gesluit.

‘Reform PUK’ dreig om universiteitsrugby op Potch ook Maandag te ontwrig

Terwyl die geweld en onrus ná die ontwrigting van ‘n universiteitsrugbywedstryd op die Bloemfonteinkampus steeds wyer uitkring, het die Afro-marxistiese organisasie ‘Reform PUK’ dreigbriewe aan rugby-afrigters op Potchefstroom gestuur. Onder die opskrif “Black Lives Matter” sê die groep dat hy “geen rugby Maandag” op die PUK-kampus gaan toelaat nie. Hier volg die volledige boodskap soos dit aan rugbybelanghebbendes op die Potchefstroomkampus gestuur is.

BLACK LIVES MATTER: NO VARSITY CUP RUGBY ON MONDAY

The events on Monday 22 February 2016 at the University of the (un)Free State have shook us and the rest of conscious South Africa to our core.

Black students protesting and interrupting the Varsity Cup rugby match were savagely beaten by barbaric white Afrikaner students and their parents.

Our hearts go out to the courageous Black students of the U.F.S. No one understands the fear and constant threat of physical violence as we do.

Please continue to protect each other.

Now is the time for us to stand up and publicly and loudly condemn this vicious attack!

Reform PUK is hereby demanding that campus management disassociate themselves with the tournament and cancel Monday 29 February 2016 match against the very same UFS that unashamedly continued the game after the attack.

A university that repeatedly professes to want equality and social justice can not continue to associate itself with a university and rugby team that viciously beats Black students.
We join the national call to protest or disrupt all Varsity Cup games and the organization and sponsors.

Stop the match or we will arrive in our masses to disrupt it.

The comforts of whiteness will not be allowed to continue while Black students and workers’ needs are sidelined.

We sympathize and offer our support to the courageous Black students of the University of Pretoria. Our struggles over a language policy that protects white Afrikaner privilege while disregarding and excluding Black students from education, mirrors ours.

We stand in solidarity with you.

We call on all sympathizers, allies and friends to join us as we undertake this massive task.

Knowing full well that the attitudes, privilege and ignorant mindset that cause the attacks at UFS is bred in huge quantities on this campus.

We will not be deterred.

A luta Continua.

‘Tuks klaar Engels’: Djêkkerênda-FM versprei vals inligting oor Univ. van Pretoria

Die eens Afrikaanse radiostasie Jacaranda FM het reeds openlik standpunt teen Afrikaans ingeneem, en het vanoggend ‘n vals berig die wêreld ingestuur waarin vermeld word dat die senaat van die Universiteit van Pretoria reeds Engels as enigste voer- en doseertaal aanvaar het. Die nuusafdeling van Djêkkerênda-FM – só word die naam uitgespreek selfs wanneer omroepers hier en daar geradbraakte Afrikaans praat – het vanoggend om 10:08 getwiet dat die dept. van hoër onderwys sê dat “die Tuks-senaat die voorstel aanvaar het om Engels die amptelike onderrigtaal te maak”.

Daar was geen so ‘n verklaring op die UP se webblad te vinde nie en daarom het PRAAG onmiddellik die universiteit gekontak om dié “nuusitem” deur die anti-Afrikaanse radiostasie te kontroleer.

Volgens Anna-Retha Bouwer, skakelbeampte van die universiteit, was daar

“nog nie so ‘n aankondiging nie. Dis alles net voorstelle
sover.

Daar is heelwat media wat ons voorstelle as besluite geïnterpreteer
het.

Ek sal met Jacaranda opvolg as hulle my weer later bel.”

Dr Dan Roodt van PRAAG het

“almal wat vir Afrikaans omgee, gemaan om hulle nie deur sulke disinformasie deur Djêkkerênda te laat mislei nie en aan te hou om die e-petisie vir die behoud van Afrikaans te teken, wat reeds op 13 000 name staan. Die stryd begin nou maar eers en is nog lank nie verlore nie,” het hy gesê.

Teken dit sommer hier.

[emailpetition id=”7″]

Uganda se opposisieleier in vangwa gesmyt

Die hoofleier van die opposisie in Uganda, dr. Kizza Besigye, is Maandag deur die polisie in hegtenis geneem en agter in ‘n vangwa gesmyt toe hy probeer het om sy huis aan die buitewyke van Kampala te verlaat.

Hy wou die verkiesingskommissie­ se hoofkantoor besoek om gedetailleerde afskrifte van die uitslae van die presidentsverkiesing te bekom, het AP berig.

Die polisie met hom weggejaag en hy is later by ’n landelike polisiekantoor opgemerk.

Besigye, ‘n medikus, was verbonde aan die Ugandese weermag. Dit is die vierde keer in agt dae dat hy aangehou word.

Hy het Sondag ondersteuners­ aangemoedig om protes aan te teken teen sy voortgesette huisarres in die nadraai van die omstrede presidentsverkiesings wat deur pres. Yoweri Museveni gewen is.

Besigye is nie toegelaat om sy huis aan die buitewyke van Kampala te verlaat nie. Die polisie het aangevoer dat dit “voorkomende arres” is om hom te verhinder om betogings te lei teen Museveni se oorwinning wat tot geweld kan lei.

Gewapende polisiemanne het buite sy huis wag gestaan en ’n padblok­kade is opgerig om mense te verhinder­ om toegang tot Besigye te kry.

Kampala was kalm nadat die uitslae van die verkiesing aan­gekondig is, maar ’n streng teenwoordigheid deur veiligheids­personeel is gehandhaaf.

Museveni is Saterdag as die wenner van die presidentsverkiesing verklaar wat Donderdag gehou is. Besigye se party het die amptelike uitslae verwerp en beweer grootskaalse kullery het tydens die verkiesing plaasgevind.

Museveni het met meer as 60 persent van die stemme gewen en Besigye het 35 persent van die stemme op hom verenig.
Die 71-jarige Museveni het in 1986 aan bewind gekom.

Die Europese Unie se waarnemersending het Donderdag gesê die stemmery het ‘n tekort deursigtigheid getoon en het in ‘n “intimiderende” atmosfeer plaasgevind.

Die Amerikaanse minister van buitelandse sake John Kerry het Museveni geskakel om sy kommer uit te spreek oor die teistering van die opposisie asook ‘n oënskynlike sluiting van sosiale mediadienste.

Twee ontploffings ruk Sirië na skietstakingsooreenkoms

Minstens 150 mense is dood in bomontploffings in twee Siriese stede.

Minstens 96 is na berig word dood in drie bom­aanvalle Sondag naby ’n Sjiitiese heiligdom, Sayyida Zeinab, in Damaskus. Die profeet Mohammed se kleindogter is daar begrawe.

Enkele ure tevore is minstens 57 mense dood in ’n ­dubbele motorbomontploffing in Homs. Die ­Islamitiese Staat (IS) het verantwoordelikheid vir die ­aanvalle ­aanvaar.

Ondertussen werk Rusland en Amerika aan ’n ­skietstakingsooreenkoms.

Die Amerikaanse ­minister van buitelandse sake, John Kerry, het gesê ’n voor­lopige ooreenkoms is bereik, maar die bloedvergieting op die grond het toegeneem.

Die amptelike Siriese nuusagentskap, Sana, het ’n ­polisiebron aangehaal wat sê 178 mense, insluitend kinders, is onder die gewondes.

Die beplande skietstilstand in Sirië sal glo op 27 Februarie om middernag in werking tree.

Rusland en die VSA sê in ‘n verklaring dat die skietstilstand nié die Islamitiese Staat en die al-Nusra Front, wat bande met al-Kaïda het, insluit nie.

Wêreldmagte het op 12 Februarie ingestem tot ‘n wapenstilstand binne ‘n week, maar die spertyd is nie bereik nie en onsekerheid heers tans oor die jongste aankondiging.

Meer as 250 000 Siriese burgers het gesterf sedert die konflik in Maart 2011 begin het toe Amerikaans-gesteunde magte die land binnegeval het.

Intussen het waarnemers hul kommer uitgespreek omdat ISIS na Libië uitgewyk het.