Etiket: skoonmakers

UV betaal amokmakers se borg

Stig brande, jaag betalende wit studente uit hul verblyf, rig miljoene rande se skade aan en skree luidkeels rassistiese slagspreuke?

Die Universiteit van die Vrystaat het erken dat hulle oproerige swart personeel en studente wat in hegtenis geneem is vir sulke soort misdrywe, se borgtog betaal het.

Die oproeriges is tydens betogings op die kampus twee weke gelede vasgevat nadat hulle ‘n hofbevel verontagsaam het.

Die 39 studente en werkers is op borgtog vrygelaat en die bedrae wissel van tussen R300 en R2000 elk.

Die universiteit se woordvoerder, Lacea Loader, sê dié geld is deur UV van “private bydraers” ingesamel en hulle het hulp verleen omdat hulle van mening is “dat alle oortreders as onskuldig beskou word tot skuldig bewys”.

Loader wou nie reageer op navrae oor of die borgtog betaal is op voorwaarde dat skoonmakers die universiteit se nuwe ooreenkoms met uitgekontrakteerde werkers aanvaar nie.

Die skoonmakers sal na verwagting op 5 April op aanklagte van onwettige byeenkomste weer verskyn.

Dié voorreg “dat alle oortreders as onskuldig beskou word tot skuldig bewys”, is een wat wit Kovsies klaarblyklik nie geniet nie.

Sedert die anti-wit Reitz 4-voorval is nog twee wit Kovsie-studente sonder gronde van poging tot moord aangekla.

Die beweerde aanranding van ‘n swart mede-student deur Cobus Muller en Charl Blom is dadelik deur die rektor aangegryp om die twee te belaster.

Muller en Blom is daarna sonder enige prosedure van die kampus verban en nooit die geleentheid gegun om hul kant van die saak te stel nie.

Die twee is uiteindelik in die Bloemfonteinse streekhof op alle aanklagte vrygespreek en die rektor moes daarna om verskoning vra.

Dit blyk dat Muzi Gwebu se versinsels dat hy op die Bloemfontein-kampus met ‘n bakkie raakgery is en daarna geslaan is deur Muller en Blom, egter oorgenoeg rede was vir Jansen om nog ‘n tirade teen Afrikaners van stapel te stuur.

Die Reitz-4-verhoor was ‘n groter skande, ook wat die mediadekking betref. Die universiteit het ‘n skuldigbevinding vooruitgeloop.

Selfs vermanings deur ‘n landdros om nie die uitspraak deur die media te lewer nie, is botweg geïgnoreer.

Fiksie en haatveldtogte het die verhoorproses deurlopend oorheers. Die media het ook probeer voorgee dat die swart skoonmakers wat deur die vier verfilm is, onbewus daarvan was dat hulle verfilm word.

Pukke kry hofbevel teen betogers

Die Universiteit van Noordwes het ‘n Hooggeregshofbevel verkry om die ontwrigting van akademiese bedrywighede op sy kampus op Potchefstroom te verbied.

Studente wat bande het met die EFF, en skoonmakers het Vrydag op die kampus betoog. Chaos het op die universiteit se Mahikengkampus uitgebreek toe veiligheidswagte en studente gebots het.

Die kampus is sedertdien gesluit.

Akademiese en administratiewe dienste op die Noordwes-Universiteit (NWU) se Potchefstroom-kampus sal vandag voortgaan.

Om dit verseker is ‘n hofbevel ook bekom om enige protesaksie deur betogers op dié kampus te verhoed. NWU-woordvoerder, Louis Jacobs, sê die bevel verbied enige vorm van ontwrigting of inmenging op die kampus.

Jacobs sê dit kom nadat daar Vrydag onwettige protesaksies op dié kampus asook by die NWU se Institisionele kantoor was. Rommel is deur betogers gestrooi, maar geen eiendom is beskadig nie. Niemand is ook beseer nie.

Jacobs sê sekuriteit is opnuut verskerp.

Intussen bly die NWU se Mafikeng-kampus onbepaald gesluit na gewelddadige betogings verlede week uitgebreek het.

Jacobs sê die kampusbestuur moet met oplossings kom sodat die kampus weer ten volle funksioneer.

Studente gaan nie elders gehuisves word nie.

Oproeriges onderbreek gebedsessie by UV

Oproerige swartes met stokke het ‘n buitemuurse gebedsdiens op die hoofkampus van die Universiteit van die Vrystaat onderbreek.

Die diens is deur ‘n pastoor gelei. Die betogers het slagspreuke geskree en die klankstelsel wat gospel-musiek gespeel het, afgeskakel.

Die polisie het ingegeryp en die twee groepe uiteen gehou sodat die diens kon voortgaan.

Die Universiteit se kampusse in Bloemfontein sal môre en Vrydag gesluit bly. Alle akademiese en administratiewe dienste sal glo Maandag hervat word.

By die Universiteit van die Wes-Kaap het ‘n hofbevel ‘n groep skoonmakers en sowat 50 studente verbied om aan te hou amok maak op die kampus.

Hulle ontwrig kampusbedrywighede, het die uitvoerende bestuur gister gesê.

“Die hofbevel magtig en gelas die polisie om in te gryp en te help by die Universiteit,” het hulle in ‘n verklaring gesê.

Werkers en swart studente is sedert verlede week in opstand oor uitkontraktering by die universiteit.

Voorvalle van klasontwrigting en personeelintimidasie is aangemeld.

Dinsdag het die skoonmakers ingestem om die oproer te staak, maar ten spyte van hierdie onderneming, het hulle Woensdag oproer op die kampus voortgesit.

Totale gebrek aan leierskap dompel Kovsies in chaos

Studente op die Kovsie-kampus in Bloemfontein het Dinsdag hul koshuise ontruim het uit vrees vir verdere geweld.

Swart oproeriges het wit studente aangeval, en die hoofgebou en koshuise beskadig in die chaos wat op die kampus van die Universiteit van die Vrystaat losgebars het weens die gapende gebrek aan leierskap van die rektor Jonathan Jansen.

Praag het Maandag berig hoe Jansen gevlug het voor die swart aanslag.

Hy het later by monde van ‘n verklaring die wit studente verantwoordelik gehou vir die geweld.

Die standbeeld van Suid-Afrika se eerste staatspresident, CR Swart is afgebreek en in ‘n fontein gegooi.

Die swart SR-president van die UV, Lindokuhle Ntuli sê hulle sal voortgaan met hulle protesoptrede totdat daar aan hulle eise voldoen is.

Hy sê rassisme het geen plek by die instelling nie en dat iets daaromtrent gedoen moet word.

Ntuli sê die studente eis dat die CR Swart-standbeeld verwyder word, dat rassisme beëindig word en dat skoonmakers ingekontrakteer word.

Die manskoshuis Huis Abraham Fischer, ook bekend as Vishuis, het ook onder die vandale deurgeloop wat glo teen die uitkontraktering van kampuswerk betoog.

Die universiteit het aangekondig dat die Bloemfonteinse kampus gesluit sal bly tot verdere kennisgewing omdat die veiligheid van studente, personeel en eiendom nie gewaarborg kan word nie.

‘n Verdere 60 veiligheidswagte is op die kampus ontplooi om uitgebreide vandalisme te probeer keer.

Nadat wit toeskouers die oproeriges Maandag van die rugbystadion verwilder het, het die swart horde wit koshuisstudente aangeval, veral in Vishuis. Dinsdagoggend is dieselfde koshuis weer bestorm en nog skade aangerig.

Jansen het Dinsdag op ‘n mediakonferensie gesê die geweld was ‘n terugslag vir transformasie. Hy het dit betreur dat die swart betogers “se regte letterlik en figuurlik vertrap en talle ou wonde oopgekrap is”.

Dit is nie duidelik waarom die swart oproeriges oor “regte” beskik wat hulle in staat stel om wittes aan te val en eiendom te beskadig in ‘n bestel wat self deur Jansen voorgehou word as ‘n matelose verbetering op die die vorige een nie.

Kennelik is die huidige regime se probleem met “witheid” iets waarmee Jansen saamstem nadat swart oproeriges die koshuis binnegestorm het en niksvermoedende wittes met stokke en klippe aangeval het.

Die polisie moes vrouestudente uit die Madelief-koshuis na veiligheid begelei toe swartes die plek bestorm het met die waarskuwing dat hulle “enige kind van ‘n wit man sal doodmaak”.

Die polisie is daarna met klippe en bottels bestook en daarvan beskuldig dat hulle net wit studente beskerm.

In Pretoria het die universiteitsbestuur studenteleiers Dinsdagaand in ‘n verklaring gewaarsku dat tugstappe en strafregtelike klagte geneem sal word teen diegene wat Maandag by kampusgeweld betrokke was.

Die UP bly steeds tot verdere kennisgewing gesluit.

Jonathan Jansen hol weg nadat geweld by UV losbars

Studente aan die Universiteit van die Vrystaat (UV) sê die rektor Jonathan Jansen het Maandagaand weggehardloop toe geweld op die kampus uitgebreek het.

Hy het versuim om die situasie aan te spreek nadat gewelddadige betogings uitgebreek op die Bloemfontein-kampus.

Klasse is vandag en môre opgeskort nadat swartes ‘n Varsitybeker rugbywedstryd Maandagaand ontwrig het. Wit en swart studente het met mekaar gebots nadat swartes op die veld gehardloop het.

Oproerige swart studente sing en dans tans op die hoofkampus van die Universiteit van die Vrystaat.

Hulle betoog ter ondersteuning van werkers wat teen uitkontraktering gekant is. ‘n Groot groep polisiebeamptes is ook buite die ingang na Kovsies ontplooi.

Geen voorvalle van geweld het nog vanoggend voorgekom nie. Gister is minstens 44 werkers en studente in hegtenis geneem

Die Nasionale Organiseerder van die Sosialistiese Jeugbeweging by die Universiteit van die Vrystaat, Ithumeleng Lecheko lê die blaam vir die betogings by dié Universiteit voor die deur van die rektor, Jonathan Jansen.

Lecheko sê Jansen het op sy belofte teruggegaan om werkers in te kontrakteer. Hy beweer ‘n ooreenkoms oor inkontraktering en salarisse is verlede jaar gesluit.

Betogers het die Varsity Cup rugbywedstryd tussen die UV Shimlas en Madibaz Maandagmiddag onderbreek deur op die veld te hardloop. Geweld het uitgebreek toe rugby-ondersteuners die belhamels wou verwyder.

Die groep betogers later met koshuisinwoners op die kampus gebots. Die polisie en die kampussekuriteit was op die toneel en rubberkoeëls en skokgranate is afgevuur.

‘n Student, wat gevra het om anoniem te bly, bevraagteken hoekom Jansen, wat by die Varsity Cup rugbywedstryd was, geweier het om die situasie aan te spreek.

UV-woordvoerder, Lacea Loader, wat op die toneel was, wou nie reageer op vrae oor hoekom Jansen nie na vore getree het nie, soos sy posisie vereis.

Loader het gesê verskeie ondersoeke na die voorval is aan die gang.

Nog ‘n student, wat nie sy naam bekend wou maak nie, het gesê die situasie het heeltemal hand uitgeruk. Hy het gevra waar is die hoof van die kampus en waarom is hy nie daar om leiding te gee nie.

Loader het ontken dat die visekanselier daar was. Op die vraag waarom Jansen nie te siene is nie, het Loader gesê hy is wel bewus van die situasie op kampus. Sy’t voorts gesê ‘n vise-rektor is ontplooi om die situasie te monitor.

Die universiteit is glo bewus daarvan dat daar betrokkenes was wat nie verbonde aan die UV is nie.

NWU-oproer bedaar

Die visekanselier van die Noordwes Universiteit, Dan Kgwadi sê akademiese aktiwiteite sal Dinsdagoggend op die Mahikeng-kampus hervat word.

Klasse is Maandag opgeskort weens studente-oproer. Die betogers eis dat uitkontraktering beëindig word, en dat studente met uitstaande skuld toegelaat word om te registreer.

‘n Studentevoertuig en ‘n beurskantoor is tydens die betoging aan die brand gesteek.

Kgwadi sê die EFF se studente-organisasie is verantwoordelik vir die onlangse vlaag geweld.

Hy sê maatreëls is ingestel om die veiligheid van studente wat vandag klasse wil bywoon, te verseker.

Tuks weer oop na miljoene se skade by kampusse landwyd

Die Universiteit van Pretoria sal Donderdag weer vir personeellede open nadat die begin van die studiejaar en registrasie die afgelope twee weke deur oproer ontwrig is.

Die universiteitsbestuur het intussen toegegee aan die betogers se eise en ‘n ooreenkoms met skoonmakers bereik om uitkontraktering op kampusse te beëindig.

Die ooreenkoms raak veiligheidswagte, skoonmakers, tuinwerkers en ander swart werkers.

Die skoonmakers eis ook ‘n salaris van R10 000 per maand.

Swart studente wat die stakende skoonmakers gesteun het, het die ooreenkoms verwelkom.

UP het in ‘n verklaring gesê die akademiese jaar by die universiteit sal Maandag hervat word.

Die departement van Hoër Onderwys moes ‘n bykomende R6,9 miljard rand beskikbaar stel om tekorte aan te vul nadat hulle toegegee het aan swart eise dat klasgelde nie verhoog moet word vir 2016 nie.

Die Nasionale Studente Finansiële Hulpskema sal Donderdag ‘n inligtingsessie aanbied oor hoe vanjaar se regeringshulp aangewend sal word.

Die visekanseliers van verskeie universiteite, die NSFAS-leierskap en die Minister van Hoër Onderwys, Blade Nzimande het Woensdag byeengekom om die befondsing en oproer by universiteite bespreek.

Nzimande, het Woensdag gesê dat die oproer het R150 miljoen se skade veroorsaak. Regering sal instaan vir die skade en die nodige herstelwerk aan kampusse onderneem.

Hy het Woensdag verklaar dat die geweld en skade wat gelei het tot die toegewings, ‘n “belangrike oorwinning” vir studente is.

Die verlinkse Suid-Afrikaanse hoofstroommedia het die “griewe”, wat neerkoms op gewone vandalisme en kriminaliteit by die kampusse geloof as “regmatig”, selfs die aanvalle op universiteitstigters en weldoeners.

Die NSFAS-voorsitter, Sizwe Nxasana sê hulle beplan om volgende jaar ‘n meer gesofistikeerde model bekend te stel wat groter klem op omstandighede plaas en wat meer as net inkomste behels.

Tuks gesluit weens werkersopstand

Die Universiteit van Pretoria (UP) sal gesluit bly vir registrasie tot verdere kennisgewing ná gewelddadige betogings deur uitgekontrakteerde skoonmakers verlede week op die kampus.

In ‘n verklaring, het UP woordvoerder Anna-Retha Bouwer gesê ‘n vergadering met die kontrakwerkers oor hul griewe het Saterdag op ‘n dooiepunt geëindig.

Dié werkers stel klaarblyklik nie belang in gelyke geleenthede nie, maar in voordele vir hulself.

“Sedertdien word toegang tot die ingange na die universiteit belemmer deur protesaksie en dreigemente om intimidasie en geweld voort te sit,” het sy gesê.

Die universiteit moedig aanlynregistrasie aan en studente gevra om hul aanlynportale te raadpleeg vir meer inligting.

Bouwer het gesê die kontrakwerkers eis onmiddellike UP-aanstellings vir alle kontrakwerkers en ‘n minimumsalaris van R10 000 per maand.

Die universiteit het ‘n soortgelyke benadering gevolg wat ooreenstem met ooreenkomste wat aangegaan is by verskeie ander universiteite soos Wits en die Universiteit van Johannesburg.

“Ongelukkig is dit deur die verteenwoordigers van die skoonmakers en studenteverteenwoordigers verwerp,” sê Bouwer.

Sy het gesê ‘n paar komplekse kwessies moet oorweeg word, insluitend hul langtermyn wettige kontrakte met diensverskaffers.

Die werkers teiken die Universiteit van Pretoria (UP), die Tshwane Universiteit van Tegnologie, die Tshwane North College, die Tshwane-Suid-kollege en Medunsa hierdie week.

Tuks kry interdik teen oproermakers

Die Universitieit van Pretoria het Dinsdag ‘n dringende interdik bekom teen oproermakers wat registrasie by die universiteit probeer ontwrig.

“‘n Dringende interdik is teen betogers se onwettige optrede gekry sodat die situasie onder beheer gebring kan word om studente wat hard gewerk het by die universiteit toe te laat – baie van hulle moes ver reis,” het woordvoerder Anna-Retha Bouwer gesê.

Swart skoonmakers en aanhitsers het toegang tot die Hatfield-kampus gekry waar hulle die Studentedienssentrum gevandaliseer het.

Die oproer is glo gereël omdat die universiteit van uitkontraktering gebruik maak, alhoewel swart moeilikheidmakers dit voorhou as ‘n onderrig-kwessie.

Die universiteitsbestuur en belanghebbendes het ingestem om die griewe aan te hoor om die hernude veldtog van vernielsug te ontlont.

‘Matriek waarborg nie universiteitstoelating nie’

Die departement van Hoër Onderwys sê in geen land in die wêreld kry almal wat matriek slaag, universiteitstoelating nie.

Die minister van Hoër Onderwys, Blade Nzimande het gereageer op ‘n eis van die Fees-must-fall-veldtog dat almal wat matriek geslaag het, die reg op universiteitopleiding het.

Die direkteur-generaal van die departement, Gwebinkundla Qonde sê dit is standaardpraktyk dat slegs sowat dertig persent van diegene met nasionale senior sertifikate tot universiteitvlak vorder.

Hy sê geen ekonomie kan so werk nie, en dat opleiding aan universiteite met ander naskoolse onderrig- en opleidingsgeleenthede gebalanseer moet word.

Skoonmakers by verskeie universiteite het die registrasieproses ontwrig.

Die voorsitter van Universiteite Suid-Afrika, Adam Habib sê ‘n nuwe befondsingsmodel moet eers tot stand kom voordat universiteitsgeld in sy geheel geskrap kan word.

Habib sê hulle kan dit op die oomblik nie bekostig om slegs staat te maak op regeringsubsidies nie. Hy sê Universiteite Suid-Afrika sal deel wees van die samesprekings oor universiteitsgeld en hoe dit befonds gaan word.

Die organisasie Universiteite Suid-Afrika sê intussen studente wat vanjaar by hoër onderwys instansies wil inskryf, sal registrasie- en klasgeld móét betaal.

Die organisasie verteenwoordig 26 universiteite landwyd. Universiteite Suid-Afrika het gereageer te midde van aanduidings by talle universiteite dat studente ontevrede is oor registrasiegeld.

Universiteitseksamens afgestel, verskuif

Die Tshwane Universiteit van Tegnologie het eksamens by die Soshanguve-kampus, noord van Pretoria onbepaald uitgestel, het RSG berig.

Dit volg na hernude geweld deur studente waarin drie sale en sekerheidsvoertuie aan die brand gesteek is.

‘n Woordvoerder van die universiteit, Willa de Ruiter sê meer besonderhede sal binnekort bekendgemaak word.

Die omvang van die skade is nog nie bepaal. De Ruiter sê die Soshanguve-kampus sal tot verdere kennisgewing gesluit bly.

Die Kaapse Skiereilandse Universiteit van Tegnologie sê intussen eksamens sal afgelê word by sy Bellville- en Wellington-kampusse en die Wingfield weermagbasis in Goodwood.

Die eksamens sou vroeër by die Kaapstadse Internasionale Konferensiesentrum afgelê word.

Gewelddadige betogings het die Universiteit gedwing om alternatiewe reëlings te tref.

UWK in vlamme: Hoër onderwys gebuk onder skoonmakeropstand

Oproeriges het ‘n gebou op die kampus van die Universiteit van die Wes-Kaap in Bellville aan die brand gesteek.

Die oproer het Woensdagoggend begin toe eksamenlokale beset is, en teen Woensdagaand in skermutselinge met die polisie en veiligheidspersoneel op die kampus ontaard.

Dit is die grootste geweldpleging tot dusver in die kampus-onrus wat woed. Die Kaapstadse Brandweer-en Nooddienste is ontbied om verskeie brande te blus.

‘n Koswinkel is geplunder en die hoofkafeteria is in puin gelê in die geweld.

‘n Klavier, snoekertafels, beddens, matrasse, banke is uit koshuisgeboue gedra om brande op die kampus te stook.

Polisielede is met klippe, bakstene en bottels vanuit die koshuise bestook

Die polisie moes uiteindelik skokgranate afvuur om die plunderaars en brandstigters uiteen te jaag.

Die universiteit is genoodsaak om die eksamen tot die eerste Desember uit te stel.

Vyf studente van die UWK is intussen in hegtenis geneem, nadat hulle na bewering ‘n mediese ordonnans aangerand het.

Die man is ernstig beseer en moes na die hospitaal gehaas word nadat studente hom met ‘n brandblusser teen die kop geslaan het.

Die ordonnans is uitgeroep na ‘n koshuis op die Bellville-kampus toe ‘n brandalarm afgegaan het.

‘n Woordvoerder van UWK, Luthando Tyhalibongo sê die vyf was deel van ‘n groep van sowat 15 studente.

‘n Pomp­aksie-haelgeweer van ‘n veiligheidswag is ook deur ‘n groep oproeriges gebuit nadat ‘n groep op hom toegesak het. Twee wagte is vir beenbreuke behandel.

Oproeriges het oral ontwrigting op die kampus veroorsaak en skade aan eiendom aangerig.

Tyrone Pretorius, rektor van die UWK, het Woensdag gesê lede van die skoonmaakpersoneel het ook aan die betoging deelneem. “Dit maak die situasie ingewikkeld.”

Die woordvoerder van die universiteit het het bevestig dat die situasie Woensdag uiters gespanne was en verskeie geboue beskadig is.

Intussen het die visekanselier van die Universiteit van die Vrystaat, Jonathan Jansen skoonmakers Woensdag belowe dat hulle lone verdubbel sal word.

Jansen het gesê die universiteit het ingestem om by te dra tot die lone van die skoonmakers. Die skoonmakers het hoër lone en ‘n einde van uitkontraktering geëis.

Dit is nie duidelik hoe die hoër lone van skoonmakers sal bydra tot “toegang”, “gelykheid” of “hoër gehalte onderrig” nie.

In nog voorvalle van geweld moes die polisie ook skokgranate teen stakende skoonmakers by die parlement afvuur wat verrigtinge by die parlementsgebou ontwrig het.

Die polisie het die hekke na die parlement gesluit en betogers van die trappe af verwyder.

Verskeie betogers is geboei en deur die polisie in vangwaens gelaai. Die stakers het vroeër komiteevergaderings ontwrig en parlementslede kon nie met hul werksaamhede voortgaan nie.

Die skoonmakers eis beter salarisse en pensioenvoordele.

Skoonmakers dreig om UV te ontwrig

‘n Klein groepie skoonmakers by die Universiteit van die Vrystaat en betogers het Dinsdagoggend betoog teen uitkontraktering by die instelling.

Hulle eis dat dit stopgesit word en dat hulle deur die UV aangestel word sodat hulle meer voordele kan geniet soos gratis onderrig vir gesinslede.

Die groep het omstreeks 10:00 bymekaargekom het om met die protesaksie te begin.

Hulle wou die administrasiegebou binnedring om werksaamhede te ontwrig en het rewolusionêre slagspreuke gedreunsing.

Die groep sê hulle sal die universiteit lamlê as daar nie aan hulle eise gehoor gegee word nie.

Jonathan Jansen, die rektor, het vroeër gewaarsku dat die oproer sal aanhou, ook aanstaande jaar.

Skoonmakers sorg vir chaos by UJ

Die Studenteraad van die Universiteit van Johannebsurg sê “onafhanklike studente” minag die besluite van die raad deur met betogings aan te hou.

Die rektor, Ihron Rensburg, het die optrede van veiligheidspersoneel verdedig nadat oproer Woensdag uitgebreek het.

Werkers by die instelling beweer hulle word onnodig geviktimiseer omdat hulle wettige eise stel.

Die werkers se “griewe” het skielik opgeduik nadat skoonmakers by die Universiteit van die Witwatersrand sukses gehad het om die kampus te sluit gedurende “studente-opstande”.

Die bestuur sê hulle is daartoe verbind om die uitgekontrakteerde werkers in diens te neem, maar werkers sê hulle word nie ingelig oor besluite nie.

Chaos het Woensdag by die Kingsway-kampus in Auckland Park geheers toe die polisie en veiligheidswagte met betogende studente en werkers slaags geraak het.

Van die betogers, wat vroue insluit, is glo hardhandig hanteer.

Die leier van die Studenteraad, Mmangaliso Mkhonta, sê hulle het begrip vir die werkers se optrede, maar dat betogings tot nadeel van studente is wat vir die eksamen studeer.

Rensburg het bygevoeg dat die instelling sal moet kostes besnoei volgende jaar om te verseker dat die boeke klop nadat die ANC aangekondig het dat fooie nie verhoog sal word nie.

“Dit is in die orde van R60 miljoen. Kostebesnoeiingsmaatreëls sal oorweeg word vir reis, funksies en vermaak, kapitaalbesteding vir items onder R15 000 en prestasiebonusse. Alle pogings sal aangewend word om te verseker dat die sleutelbedrywighede, akademies en andersins, hou by die vlakke wat aan verwagtings voldoen.”

Skoonmakers het gesê die protes sal aanhou omdat werkers die bestuur wil dwing om ‘n einde te maak aan uitkontraktering.

Die Universiteit van Wes-Kaapland sê veiligheidsmaatreëls sal verskerp word wanneer die eksamen Maandag begin.

Die eksamen is verlede week vir die tweede keer uitgestel weens gewelddadige studentebetogings.

‘n Woordvoerder van die universiteit, Luthando Tyhalibongo sê sommige studente ontvang trauma-berading, terwyl ander van die kampus af verskuif is sodat hulle kan voorberei vir die eksamen sonder intimidasie.

Die Universiteit van Kaapstad het aangekondig dat sy finale eksamen Dinsdag sal begin en tot 27 November sal duur.

Die eksamen sou aanvanklik op 27 Oktober begin het, maar is uitgestel weens die geweld en intimidasie op die kampus.

Die universiteit sê voorgraadse studente in Gesondheidswetenskappe sal reeds Maandag begin eksamen skryf. Studente sal ook ‘n keuse hê om eerder hul eksamen in Januarie af te lê.

Die eksamen by die Universiteit Stellenbosch het reeds begin.