Beurtkrag laat verbruikers bibber

EskomDie koue front het veroorsaak dat beurtkrag is Woensdagaand in dele van die land ingestel is weens die druk op Eskom se kragnetwerk.

Talle verbruikers moes Woensdag ure lank bibberend sonder krag die winter aandurf.

Eskom se beurtkrag-skedule kan by http: www.loadshedding.eskom.co.za besigtig word.

Eskom het Woensdagmiddag in ’n verklaring gewaarsku dat die netwerk Woensdag en Donderdag tussen 17:00 en 18:30 kwaai druk sal ervaar.

Hoë kraggebruik en opwekkingseenhede wat nie funksioneer nie, is aangegee as redes vir die besluit.

‘n Woordvoerder, Andrew Etzinger, Woensdag aan News24 gesê het twee eenhede by die Duvha- en Kendal-kragstasies buite werking is en Cahora Bassa se invoer uit Mosambiek, was nie beskikbaar nie.

Etzinger het gesê beurtkrag sal slegs vir ’n uur geld weens die onbeskikbaarheid van opwekkers, maar dele van Krugersdorp en Johannesburg het Woensdagaand gekla dat hul krag langer as ‘n uur lank af was.

Eskom het geen kragonderbrekings vir Donderdag in die vooruitsig gestel nie, maar sal weer die toevoer afskakel as probleme opduik.

Verbruikers is gevra om verwarmers, geysers, swembadpompe en ander nie-noodsaaklike toerusting af te skakel.

Eskom se kommersiële kliënte, waaronder winkelsentrums en kantoorgeboue, kan egter die grootste verskil maak deur hul kragverbruik te verminder.

 

Treine in Pretoria ontwrig

metrorailMetrorail het gewaarsku dat treindienste in Pretoria Donderdagoggend ontwrig sal wees nadat oorhoofse kabels by ‘n treinstasie beskadig is.

“Metrorail se dienste is erg ontwrig weens skade aan die oorhoofse kabels wat gelei het tot ‘n kragonderbreking tussen die Queenswood- en Koedoespoort-stasies [in Pretoria],” het ‘n woordvoerder vir Metrorail, Tony Games, gesê.

Games het gesê tegnici is tans besig om die skade te herstel.

Mandelamunt verloor sy glans

mandelacoin
Niemand stel meer in die ou terroris belang nie

Mense wat R5-munte met Mandela se gesig daarop gekoop het as ‘n belegging sukkel om hulle te verkoop, het Moneyweb berig.

Verskeie kliënte wat R5 Mandelamunte uit SA Coin gekoop het ondervind probleme met herverkoop.

Verseëlde sakke van ongesirkuleerde R5 Mandelamunte van sy 90ste verjaarsdag – 400 muntstukke per sak – is beskikbaar op ‘n veilingwebwerf, al sedert 2008 en niemand stel belang nie.

Oor 22 miljoen R5 Mandelamunte is geslaan in 2008, volgens Hlengani Mathebula, die hoof van strategie en kommunikasie by die Suid-Afrikaanse Reserwebank (SARB). Die munte is vervaardig deur die Suid-Afrikaanse Munt, wat ‘n filiaal van die SARB is.

Die uitgifte word bevestig deur Hern se handboek van SA Coins.

Lees verder

Oproeriges versper Chris Hani-weg, Johannesburg

burningtyresOproeriges het Woensdagoggend Chris Hani-weg in Diepkloof Zone Six, Soweto, met brandende bande en klippe versper, het Gauteng se verkeerspolisie gesê.

‘n Woordvoerder, Obed Sibasa het motoriste aangeraai om Chris Hani tussen Nicolusstraat (Power Park) en die Soweto Bemagtiging Sone, waarna hy verwys het as die Indiensnemingsentrum, te vermy.

Daar is tans ‘n sterk polisie-teenwoordigheid in die gebied.

Sibasa beskryf die situasie as “gespanne, onveilig, maar onder beheer.”

Motoriste vanaf Johannesburg-Suid en Soweto is aangeraai om die Klipvalleypad na die Sowetosnelweg te neem, of Imminkrylaan Ben Naude te gebruik deur middel van Diepkloof na Johannesburg en Alberton, as alternatiewe roetes.

Tienerparapleeg sal by Wêreldbekersokkeropening afskop

eksoskelet‘n Tienerparapleeg sal Donderdag afskop om die Wêreldbeker-sokkertoernooi in Brasilië op ‘n spesiale wyse te open.

‘n Gedagte-aangedrewe eksoskelet sal die sokkerbal skop met behulp van “breinkrag”.

Die pak is ontwerp deur die Brasiliaanse dokter Miguel Nicolelis, wat breinaktiwiteit as deel van die internasionale “Walk Again Project” ondersoek.

Die parapleeg sal ook die sensasie van die skop kan voel deur die gebruik van ‘n kunsvel wat om sy arms en bene vasgemaak word.

Die Brasiliaanse tiener – wie se identiteit nie bekend gemaak sal word tot die afskop nie – sal letterlik voor ‘n vol stadion sy of haar buiging maak.

Wat die pak merkwaardig maak, is dat die robotledemate deur die jong persoon met behulp van hul breinkrag alleen beheer word. Elektrodes stuur seine na ‘n rekenaar in die pak, wat gedagte in beweging vertaal.

Die toestel word genoem die Bra-Santos Dumont, die integrasie van die drie-letter sport-kode vir Brasilië en Brasiliaanse uitvinder Alberto Santos-Dumont.

Laasgenoemde het in 1901 ‘n modelvliegtuigie om die Eiffel-toring gestuur. Die pak is die resultaat van jare se navorsing, waarin Dr Nicolelis eksperimenteer met “lees” van aapbreine.

Dr Nicolelis lyk egter effens senuweeagtig dat sy pak Donderdag die laboratorium sal verlaat vir een van die mees hoë-profiel roboteksperimente voor 65000 toeskouers in Sao Paulo se Kor Arena, terwyl tot ‘n miljard mense regoor die wêreld sal toekyk.

‘n Span van honderd ses-en-vyftig wetenskaplikes van regoor die wêreld het aan die projek gewerk.

Afrikaanse regstudie aan die Universiteit van Johannesburg afgeskaf

In die UJ-biblioteek
In die UJ-biblioteek

‘n Mens kan nie meer regte in Afrikaans aan die Universiteit van Johannesburg, die voormalige Randse Afrikaanse Universiteit, studeer nie. Die laaste Afrikaanse klas, wat uit slegs 15 studente bestaan het, is einde verlede jaar afgeskaf.

Volgens die dekaan van die regsfakulteit, prof. PH O’Brien, wat in weerwil van sy Ierse van uit huis uit Afrikaans is, “het die Afrikanergemeenskap van Johannesburg ons in die steek gelaat. Hulle stuur hulle kinders na ander universiteite of andersins verkies hul kinders om in Engels te studeer.”

Volgens hom was daar nooit vyandigheid van die universiteitsowerheid jeens Afrikaans nie. Die taal het eenvoudig weens ‘n gebrek aan belangstelling van studente weggekwyn. LLB-studente wat wil, mag steeds hul vraestelle op Afrikaans beantwoord, maar in die praktyk sal dit waarskynlik ‘n sonderlinge gebeurtenis wees.

Tans stuur vele ouers in Johannesburg hul kinders na die Potchefstroom-kampus van die Noordwes-Universiteit, wat veel meer koste meebring omdat hulle vir verblyf en vervoer heen en weer Potchefstroom toe moet betaal.

Die vorige anti-Afrikaanse minister van onderwys, Kader Asmal, het die destydse R.A.U. met die Soweto-kampus van Vista en die Witwatersrandse Technikon saamgesmelt omdat hy die universiteit sodoende wou dwing om te verengels. Sy strategie het uitmuntend geslaag, want vandag sit hoofsaaklik swart studente wat deur medium van Engels studeer in die voormalige HF Verwoerd-biblioteek, omring deur duisende Afrikaanse boeke, verhandelings en proefskrifte wat die RAU destyds in Afrikaans geproduseer het. Kosbare boeke in Europese tale soos Duits en Frans wat destyds deur studente en navorsers gebruik is, staan ook in onbruik op die rakke, aangesien die verlies aan Afrikaans ook toegang tot Duits en Nederlands aan studente ontsê. In die regsafdeling van die biblioteek word die jurisprudensie van Nederland, Duitsland en Frankryk steeds bygehou.

‘n Faktor wat Asmal se verengelsingstrategie teenoor die RAU gebaat het, was dié van “wit vlug”. Soos in die VSA waar blankes instellings verlaat sodra daar ‘n meerderheid swartes teenwoordig is, het die Universiteit van Johannesburg ook vinnig sy oorblywende blanke studente verloor toe die universiteit oorwegend swart geword het.

Studente in Johannesburg met wie praag gepraat het, beaam dat die oorwegend swart bevolking op die kampus hulle ongemaklik maak. “Jy voel soos ‘n marsman daar, mens sal nooit kan vriende maak nie,” sê ‘n jong man wat self weekliks heen en weer Potchefstroom toe pendel waar hy in die koshuis tuisgaan.”

Die Universiteit van Johannesburg doen moeite om by die Afrikaanse hoërskole in Johannesburg en aan die Rand te bemark en aantreklike beurse word veral aan toppresteerders aangebied. Matriekleerlinge met ‘n 80-persent-gemiddeld kan byvoorbeeld gratis aan die UJ studeer. Desnieteenstaande keer jong Afrikaners hul rug op die universiteit en verkies om Potchefstroom of Pretoria toe te gaan. Sommige pendel ook daagliks heen en weer Pretoria toe met die Gautrein.

Van die studente wat wel hul eerste studiejaar aan die UJ aanpak, verkies om agterna Pretoria of elders heen te gaan omdat hulle op die kampus van dié eens trots Afrikaanse universiteit vervreem voel.

Intussen woed daar ‘n debat oor die Potchefstroom-kampus wat moontlik deur die nuwe swart rektor, prog. Dan Kgwadi, gedwing gaan word om ook soos die UJ swart en Engels te word. Volgens berigte elders in die media, het hy gesê:

“Om een kultuurgroep soos Afrikaans op ’n universiteit te bewaar en dit so te wil behou, is gevaarlik vir ons land se toekoms,

“Wanneer ons van ’n institusionele kultuur praat, dink hulle dat ons in ’n institusionele kultuur ’n besonderse ras-kultuur moet bewaar en ek kan nie daarmee saamstem nie.”

“Die Mafikeng-kampus kan tog nie die Tswana-kultuur bewaar nie, net soos die Potchefstroom-kampus nie die Afrikaanse kultuur kan bewaar nie.

“Ek wil dít prioritiseer, nie ’n raskultuur nie.”

‘n Voormalige NP-minister, dr. Leon Wessels, het in Beeld afwysend oor die behoud van Afrikaans aan universiteite geskryf, wat wye reaksie, ook hier op praag, ontlok het.

Kasrils: Vrae oor wapenomkoopgeld bly talm

Ronnie Kasrils
Ronnie Kasrils

Die voormalige minister van Intelligensie, Ronnie Kasrils, het bewerings van korrupsie en onreëlmatighede tydens die multimiljard rand se wapentransaksie ontken.

Kasrils het vroeër sy getuienis en kruisondervraging by die Kommissie van Ondersoek na die Wapentransaksie in Pretoria afgesluit.

Bewerings dat Kasrils groot bedrae omkoopgeld van internasionale wapenverskaffers ontvang het, bly egter talm.

Veral die Duitse firma Thyssenkrupp, die konsortium wat die tender om die Suid-Afrikaanse vloot van korvette te voorsien ontvang het, is uitgesonder.

Een aspek het gefokus op Thyssen se uitvoerende hoof Ulrich Scheels se dagboek. Daarin word Kasrils as die enigste skakel na sy baas, die voormalige minister van verdediging, Joe Modise aangeteken.

Een besondere inskrywing lui dat $3 miljoen te min vir Modise en die voormalige aankoophoof Chippy Shaik sou wees. Ongelukkig word daar egter nie gespesifiseer waarvoor die betaling sou gewees het nie.

‘n Brief is in September 1997 onderteken wat 11 lande versoek het om Suid-Afrika in terme van die land se strategiese verdedigingsbehoeftes van inligting te voorsien.

Kasrils het sy volle ondersteuning aan die stap gegee omdat hy glo “heeltemal vir president Mandela vertrou het”.

‘n Bedrag van R26 miljard is vir die hele wapenpakket genoem. Kasrils het gesê hy was teenwoordig by ‘n vergadering waar Joe Modise gesê het die land moet nie weet dat daar so ‘n bedrag genoem is nie.

“Ons wou nie hê die wêreld moet weet dat ons probleme kan ondervind om die fondse in die hande te kry nie,” het Kasrils gesê. Maar na 17 jaar het die syfer blykbaar verdubbel.

By verskeie geleenthede tydens Kasrils se getuienis, moes regter Willie Seriti aan advokaat Simmy Lebala vra om by die kern van sy ondersoek te bly.

“Ek het gedink die adjunk-minister ‘n sekere rol gespeel op ‘n bepaalde vlak. Nou is die advokaat besig met briewe oor [versoeke vir inligting] en [versoeke vir aanbiedinge]. Ek is nie heeltemal seker watter punt Lebala probeer maak nie” het Seriti by een geleentheid opgemerk.

Die advokaat se onvoorbereidheid het kennelik tot Kasrils se voordeel gestrek.

Kasrils wat tydens die omstrede aankope as adjunkminister van verdediging gedien het, het vroeër bewerings verwerp dat hy omkoopgeld ontvang het.

Tydens sy kruisondervraging deur die Departement van Verdediging se regsverteenwoordiger, Jenny Cane, het hy gesê hy is spyt oor niks nie.

Kasrils, wat ook ‘n buitelandse paspoort besit, het vroeër gesê dat hy dr. Wouter Basson ondersteun het en weer aangestel het omdat hy nie die bose apartheid-weermag vertrou het nie.

Kasrils het dit glo gedoen weens Suid-Afrika se verbintenis tot die Kernsperverdrag. Hy was self ten nouste gemoeid met die voorsetting van die biologiese wapenprogram na 1994.

 

Gill Marcus probeer walgooi teen negatiewe gradering

marcusDie president van die Reserwebank, Gill Marcus, het gewaarsku dat die land self verantwoordelik is vir sy ekonomiese probleme.

Die Financial Times het Marcus geprys dat sy “eerlik” oor die ekonomiese malaise is wat Afrika se mees ontwikkelde land teister.

Fitch en Standard&Poor’s sal waarskynlik Suid-Afrika se kredietgradering Vrydag vrystel. S&P het reeds Suid-Afrika op ‘n negatiewe uitkyk geplaas en met nog negatiewe nuus skyn die risiko van ‘n afgradering ‘n nuwe bekommernis te wees vir Marcus.

Marcus het tydens ‘n sake-ontbyt erken dat “die plaaslike ekonomie enorme wind van voor gekry het, waarvan baie ons eie maaksel is.”

Dit was die ergste prestasie sedert die 2009-resessie weens die staking in die platinum-sektor, ‘n sleutel in die mynbedryf.

Marcus het gesê Suid-Afrika se uitvoersyfers sal benadeel word indien die staking in die platinumsektor voortduur.

Sy het in Johannesburg gesê die staking het reeds ‘n negatiewe invloed op ekonomiese groei gehad, maar het nog nie ‘n invloed op uitvoerdata gehad nie omdat mynhuise aansienlike platinumreserwes het.

Sy het egter gesê die voorraad word nou uitgeput en hoe langer die staking duur, hoe gouer gaan die nadelige uitwerking op uitvoere gevoel word.

Die platinumgordel het tot dusver 21 miljard rand aan verdienste verloor terwyl werkers lone van meer as nege miljard rand ingeboet het.

Rustenburg se ekonomie het feitlik tot ‘n stilstand gekom agv die staking.

Nhlanhla Nene, die nuwe minister van finansies, het aan die Financial Times gesê dat die groei vir die jaar sowat 2 persent op sy beste sal wees. Dit is ver onder die groei wat nodig is om ‘n duik te maak in werkloosheid en armoede.

Intussen het die Bapo Ba Mogale-gemeenskap buite Brits in Noordwes ‘n dringende aansoek in die Noordwes Hooggeregshof in Mahikeng ingedien om die platinum-staking te beëindig.

Die gemeenskap het die hof gevra om die drie platinum-maatskappye en die vakbond, Amcu te dwing om ‘n skikking te bereik.

Volgens die gemeenskap raak die staking die gemeenskap sowel as die myne.

Die Bapo Ba Mogale besit die dele van die grond waarop Lonmin platinum produseer.

‘n Woordvoerder sê die hof moet ‘n interdik uitreik wat die betrokke partye sal dwing om ‘n einde aan die staking te maak.

‘Mantashe ‘n rassis met xenofobiese kaart’

Liv en haar kleurlingkroos
Liv en haar kleurlingkroos

Die Sweedse adjunk-sekretaris-generaal van die Werkers Sosialistiese Party (WASP) in Suid-Afrika, Liv Shange het in ‘n verklaring te velde getrek teen die African National Congress-regering en die kapitalistiese ekonomie.

Sy het ANC-swaargewig Gwede Mantashe uitgekryt vir ‘n “rassis” wat ‘n “xenofobiese kaart” speel deur voor te stel dat wit buitelanders ophou inmeng in die platinummynbou-staking.

“Ons veroordeel hierdie poging deur die ANC om weer ‘n rassistiese, xenofobiese kaart te speel,” het WASP gesê.

Mantashe, ANC-sekretaris-generaal, het aan verslaggewers in Johannesburg gesuggereer dat die platinum-staking ‘n politieke oogmerk het.

“Die artikulasie van Amcu se posisie deur wit buitelanders dui op die belang van buitelandse magte in die destabilisering van ons ekonomie,” het hy gesê.

Shange het teen Mantashe uitgevaar: “Natuurlik is die voortslepende platinumstaking politiek, vir beide werkgewers en werknemers, in die sin dat dit ‘n mededinging om mag is oor die rykdom van die samelewing.

In Junie verlede jaar, het die Independent Online Mantashe aangehaal: “Wat gebeur het in Marikana … ek kan weergee wat uit daardie inligting kom: Anargie, anargie, anargie gedryf deur mense wat van ver af is, Swede, Ierland.” het Mantashe gesê.

“Die werklikheid is dat dit ‘n Sweedse burger is wat in die middel van anargie in die platinum-gordel staan. Ek suig dit nie uit my duim nie.”

Geskil tussen Marine Le Pen en haar pa oor anti-Joodse grappie

Jean-Marie en Marine Le Pen
Jean-Marie en Marine Le Pen

Marine Le Pen, die leidster van die Front National, wat sedert onlangs as Europa se mees suksesvolle regse party gesien word, het haar vader, Jean-Marie, in die openbaar gekritiseer oor ‘n opmerkinig wat hy Vrydagaand 6 Junie oor die Joodse sanger en akteur Patrick Bruel gemaak het. Sy het dié opmerking as ‘n “politieke fout” beskryf wat kwaadwillig deur die Front National se vyande aangegryp sal word.

Le Pen vader is reeds deur ‘n horde Joodse en antirassistiese organisasies in Frankryk oor die kole gehaal oor sy opmerking in ‘n internetvideo waarin hy kommentaar lewer op openbare figure soos Madonna, Guy Bedos en die tennisspeler Yannick Noah wat onder andere sou gesê het dat hulle “Frankryk gaan verlaat indien die Front National die meeste stemme kry”. Ook die sanger-akteur Patrick Bruel, wat van Joodse afkoms, asook ‘n profesionele pokerspeler is, het iets dié trant kwytgeraak, wat deur Jean-Marie Le Pen se gespreksgenoot op die intervideo aangeroer is. Hierop het Jean-Marie Le Pen geantwoord: “Dit verbaas my nie… Luister, volgende keer sal ons ‘n oond vol bak.” Die Franse woord “fournée” wat hy gebruik het, beteken ‘n “hoeveelheid brood of koek wat saam gebak word”, maar kan ook net ‘n “klomp mense met dieselfde lot beteken”. Boonop speel dit op “four” (oond) wat gewoonlik op Frans in verband met die Joodse slagting tydens die tweede wêreldoorlog gebruik word.

Le Pen senior het jare gelede in 1987 ook die holocaust as ‘n “besonderheid van die geskiedenis” beskryf, waarvoor hy sedertdien konstant gekritiseer is en waarvoor hy in 1986 “een simboliese frank” as boete deur die hof van Aubervilliers, ‘n voorstad van Parys, opgelê is.

Sy dogter se metgesel, Louis Aliot, wat gewoonlik baie lojaal teenoor Jean-Marie Le Pen is, het eerste in die openbaar losgetrek deur Sondag sy uitlating as “polities dom” te beskryf. Hierop het Le Pen senior geantwoord: “As daar mense aan  my kant is wat dit op dié manier interpreteer, is hulle imbesiele.” Intussen het die FN die video van hul webblad verwyder.

Hierop het Marine Le Pen die openbare reaksie op haar pa se uitlanting as ‘n “kunsmatige polemiek” beskryf, maar tog gesê dat hy ‘n “politieke fout” begaan het. Terwyl sy daarvan oortuig is dat “die betekenis wat aan sy woorde geheg word, van kwaadwilligheid spreek”, het die FN se leidster Sondagaand verklaar dat haar pa “in die lig van sy lang ervaring… nie kon insien watter interpretasie daar van dié formulering gemaak sou word nie, ‘n politieke fout is waarvoor die Front National nou die gevolge moet dra”.

Volgens die koerant Le Monde, gaan dit vir die Front National oor ‘n “subtiele” spel daartussen om as hoofstroomparty hom te “ontdemoniseer”, maar terselfdertyd steeds “teen die stelsel” voor te kom waardeur sy gewildheid onder ontevrede Franse kiesers toeneem. Die koerant praat van “goeie demonisering” en “slegte demonisering”. Deur haar kritiek op die Europese Unie, laat Marine Le Pen haar op ‘n goeie manier deur die media “demoniseer”, maar deur sulke moedswillige antisemitiese uitlatings ontketen haar vader die slegte vorm van demonisering. Aldus Le Monde.

Jean-Marie Le Pen het verder verklaar dat “die politieke fout gemaak word deur diegene wat in pas verkeer met eenvormige denke en wat soos die ander partye wil lyk”.

Le Pen vader is die lewenslange erepresident van die party waarvan hy in 1972 stigterslid was. Hy gaan dus moeilik uit die kussings gelig word, selfs al word hy ‘n verleentheid vir sy dogter. In die Franse streeksverkiesings wat om die draai lê, sal die uitslae wel aantoon of sy uitlating die party skade berokken het, aldan nie.