Wiehan Botes se swart moordenaar nog steeds soek

Twee jaar het reeds verloop sedert die opspraakwekkende rassistiese moord op die baba Wiehan Botes en sy dagmoeder Margrietha de Goede, 66, maar hul moordenaar is nog nie vasgetrek nie. ‘n Identikit van die verdagte is vrygestel en lede van die publiek word gevra om privaatspeurder Mike Bolhuis behulpsaam te wees om hom op te spoor.

Klein Wiehan Botes en De Goede is op ‘n Sondag twee jaar gelede in Geldenhuysstraat, Delmas, vermoor. Hy was die seuntjie van Wiets, 33, en Rita Botes, 32.

wiehahn_moordenaar
Identikit van Themba Ephraim Mahlangu

Volgens Bolhuis “was dié dubbele moord was so grusaam dat dit die hele ondersoek- en forensiese span ontstel het. Ons het die verdagte, ene Themba Ephraim Mahlangu, nog nie opgespoor nie en vra enigiemand met enige inligting om ons te kontak.”

Mahlangu is 29 jaar oud en is die laaste keer in Delmas gewaar. Mense met inligting kan Bolhuis skakel by 082 447 6116 of die polisie by 012 808 1414.

Met die vorige verskyning van twee verdagtes wat met gesteelde goedere uit die huis betrap is, maar nie met die moorde verbind kon word nie, het die DA simpatie met die moordenaar betoon deur hom uit te spreek teen “rassistiese betogings” by die hof in Delmas. Die DA in Mpumalanga het selfs klagtes aanhangig gemaak by die Menseregtekommissie teen sewe “verregse groepe” en het die betoging bestempel as ʼn “rassehaatprotesaksie”.

Die DA se leier in Mpumalanga, Anthony Benadie, het gesê die groepe is: Die Boere-Afrikaner Volksraad, Volksraad Verkiesings Kommissie (VVK), Die Verkenners, Republikeinse Vrouebeweging, Kommandokorps, Herstigte Nasionale Party (HNP) en die AWB.

Van die plakkate wat glo tydens die protesaksie vertoon is sluit in: “Swart lafaards – los ons vroue en kinders uit”, “Diefstal, verkragting, moord: Ons is klaar met swart Suid-Afrika” en “Barbare los ons kinders uit.” Benadie het gesê die “opruiende slagspreuke” is teen die beginsel van “geen persoon mag onbillik teen ʼn ander persoon diskrimineer op grond van ras nie”. Hy gesê tragiese voorvalle soos die moord op Botes en sy dagmoeder mag nie deur “roekelose verregse groepe” as ʼn instrument gebruik word om hul “haatdraende en diskriminerende ideologieë” te bevorder nie.

Franse dorpie heet ‘Dood met alle Jode’

‘n Joodse groep het sy skok en woede uitgespreek na die ontdekking dat ‘n klein Franse dorpie nog steeds ‘n Middeleeuse naam La Mort aux Juifs of “Dood met alle Jode” dra.

Die Simon Wiesenthal-sentrum dring by die Franse minister van binnelandse sake aan om dit te verander.

Die Simon Wiesenthal-sentrum se direkteur van internasionale sake, Shimon Samuels, het aan die Franse minister belas daarmee, Bernard Cazeneuve, gesê hy is “geskok oor die bestaan ​​van ‘n dorpie in Frankryk wat amptelik genoem word ‘Dood met alle Jode’. Dit is uiters skokkend dat hierdie naam onder die radar gebly het in die 70 jaar sedert Frankryk bevry is van Nazisme en die [pro-Nazi] Vichy-regime.”

Maar die adjunk-burgemeester van die dorp van Courtemaux, wat jurisdiksie het oor die dorpie La Mort aux Juifs, 100 kilometer suid van Parys, is nie oortuig nie.

“Dit is belaglik. Hierdie naam het nog altyd bestaan​​. Niemand het iets teen die Jode nie, natuurlik nie. Dit verbaas my nie dat dit weer opduik nie,” het Marie-Elizabeth Secretand gesê, aan AFP.

“Hoekom ‘n naam wat teruggaan na die Middeleeue of selfs verder verander? Ons moet hierdie ou name respekteer. In ‘n vorige munisipale raadsbesluit, ten minste 20 jaar gelede, is reeds geweier om die naam van hierdie dorpie, wat bestaan ​​uit ‘n plaas en twee huise te verander,” het sy bygevoeg.

In 1992, het ‘n anti-rassisme organisasie by die Minister van Binnelandse Sake en die owerhede gepleit om die naam verander te kry, maar tevergeefs, het AFP berig.

Dit is nie die eerste keer dat die naam van ‘n Europese dorp ‘n herrie veroorsaak nie: In Mei het die inwoners van ‘n Spaanse dorpie vernoem Castrillo Matajudios [waar ‘Matar Judios’ beteken ‘vermoor Jode’] gestem om dit te verander. Die naam is nou Castrillo Judios, Koppie van die Jode – die ouer naam van die dorp.

Senegal sal ‘valse’ inligting oor Ebola straf

Die Departement van Justisie in Senegal het aangekondig dat hulle “valse inligting versprei deur [die koerant] La Tribune” sal straf nadat berig is dat vyf gevalle van Ebola in Senegal aangemeld is.

Die privaatmediagroep D-Media het berig dat “vyf gevalle van Ebola in Senegal” voorgekom het in sy uitgawe van Maandag.

In ‘n verklaring sê die Departement van Justisie die “valse inligting versprei deur La Tribune” in artikel wat gepubliseer is deur die koerant oor Ebola, kan baie “baie ernstige implikasies hê” vir die land.

Hierdie inligting “kan ons land sit in kwaratyn plaas […] vir die internasionale gemeenskap en rig enorme skade aan die Senegalese mense wat [internasionaal] wil reis,” sê die Departement van Justisie.

Die Departement sê die koerant moet besef “die publikasie van vals inligting is strafbaar deur die wet”.

“Daarom het die aanklaer besluit om die hof te nader oor die saak,” het hy aangekondig, sonder om verdere besonderhede van die aksie wat geneem sal word te gee.

Die Minister van Gesondheid en Maatskaplike Aksie, Awa Marie Coll Seck, het Maandagoggend gesê geen bevestigde gevalle van Ebola is in Senegal aangeteken nie.

Die resultate van monsters van twee pasiënte met simptome van die siekte is negatief, het sy tydens ‘n ministeriële vergadering gesê.

Soldaat in plaasaanval gevang

‘n Soldaat van 5SAI is in hegtenis geneem nadat hy positief verbind is met ‘n plaasaanval wat baie onlangs net buite Ladysmith in Natal plaasgevind het, het die Vryburger berig.

‘n Bejaarde dame is tydens die voorval deur twee gewapende mans op haar plaas langs die N11 net buite Ladysmith verras. Hulle het kontant en ‘n windbuks, wat hulle as ‘n swaarder wapen aangesien het, geroof. Die dame is nie in die aanval beseer nie.

Die twee stuks was deel van ‘n bende van nagenoeg vier tot vyf terroriste. Boere op naburige plase het vinnig gemobiliseer en die terroriste begin soek. Een van hulle is in die omliggende bosse gekry en aangekeer. Kort daarna is die soldaat in die Acaciavale-gebied in hegtenis geneem.

‘n Gelisensieerde 9mm vuurwapen is in die besit van een van die verdagtes gekry.

Die twee verdagtes het in die Ladysmith-landdroshof op aanklagte van gewapende roof verskyn. Die ander terroriste is nog op vrye voet.

Waarnemers het hulle kommer uitgespreek dat sulke voorvalle daarop dui dat soldate en polisiebeamptes dikwels deel uitmaak van die terroriste wat ingestel is op die volksmoord.

ʼn Woordvoerder van Projek 2010 is van mening dat daar verbintenisse is met terroristegroepe soos Al-Kaïda en andere.

‘Hitler het nie genoeg uitgemoor nie’

​’n Franse parlementslid is Dinsdag swaar beboet nadat hy glo gesê het Adolf Hitler, Nazi-leier, het “dalk nie genoeg sigeuners uitgemoor nie”.

Hy het voorheen appèl aangeteken teen die vonnis, maar het Dinsdag sy saak verloor.

Gilles Bourdouleix (54), burgemeester van Cholet, het in Julie 2013 ‘n oop stuk grond besoek wat onwettig deur ‘n nomadiese sigeuner-groep beset is, en toe die gewraakte woorde aan ‘n joernalis gefluister.

‘n Plaaslike koerant het die volgende dag daaroor berig en groot opslae gemaak. Die woedende burgemeester het die joernalis daarna vir ‘n “petit merde” uitgekryt, en is daarvoor ook aangekla.

Intussen het die burgemeester se vrou doodsdreigemente ontvang, Sy regsverteenwoordiger sê sy woorde was binne ‘n uiters vyandige konteks geuiter toe hy tydens sy besoek openlik deur die onwettige besetters gedreig is.

Hoewel hy in Januarie 2014 skuldig bevind is aan die goedpraat van ‘n misdaad teen die mensdom is sy boete eers opgeskort. Die staat het geappelleer en ‘n appèlhof het besluit hy moet wel met die boete gestraf word.

Bourdouleix hou vol hy is onskuldig en dat sy woorde in konteks nie as kwaadwillig beskou kan word nie. Die sigeuners skep ‘n yslike misdaadkopseer waar hulle teenwoordig is, sê inwoners wat hom ondersteun.

Bourdouleix het ‘n geskiedenis van konflik met die sigeuners. In 2006 het hy met ‘n petisie aan 36.500 burgemeesters in Frankryk oorreed dat plaaslike owerhede spesiale magte gegee word om onwettigge besetters van grond te verwyder.

In November 2012 het hy gedreig om te bedank, na ‘n “nuwe inval” van sowat 20 karavane in sy gebied. Die reisigers het die volgende dag die pad gevat.

Egpaar in Pretoria-Tuine vermoor

​Die seun van ‘n bejaarde egpaar van Pretoria-Tuine het Dinsdag op die lyke van sy vermoorde ouers afgekom.

Hul seun Deon het op sy ouers afgekom waar hulle op die slaapkamervloer in bloedplasse gelê het.

Dolf en Pop de Lange is in hul huis in ‘n sekuriteitskompleks vermoor. Hulle was glo onlangs slagoffers van ‘n roof voor die kompleks.

Pop se haarkapper en hul seun het albei onraad vermoed toe hulle nie die egpaar per selfoon kon bereik nie.

Volgens kapt. Bonginkosi Msimango, polisiewoordvoerder sê daar was tekens dat die twee hulself teëgesit het, maar dis nog nie seker hoe hulle dood is nie.

SOE vra R155 miljoen van Nkandla-argitek terug

Die Spesiale Ondersoek-eenheid (SOE) probeer om meer as R155 miljoen van die sogenaamde Nkandla-argitek, Minehle Makhanya terug te kry, het RSG berig.

Hulle bestempel hom as die hoofrolspeler wat primêr verantwoordelik was vir die verhoogde koste van die veiligheidsopgraderings by president Jacob Zuma se woning op Nkandla in KwaZulu-Natal.

Die eenheid het ‘n dagvaarding teen Makhanya bekom.

Die eenheid se finale verslag oor sy ondersoek na Nkandla sal na verwagting aanstaande week bekendgemaak word.

‘n Forensiese advokaat van die eenheid, Ashish Gosai, sê Makhanya is onwettig deur die Departement van Openbare Werke aangestel.

Hy is die eerste van ‘n aantal individue en maatskappye wat deur die eenheid genoem word in dokumente wat hulle volgens berigte beplan om te vervolg.

Makhanya se optrede het na bewering daartoe gelei dat kostes van die gemagtigde R27 miljoen, wat deur Openbare Werke goedgekeur is, die hoogte ingeskiet het.

Ebola-virus nie op skip in Richardsbaai nie

Geen spore van die Ebola-virus is op ‘n skip in Richardsbaai aangetref na ‘n inspeksie nie, het die departement van binnelandse sake bevestig.

Transnet se Nasionale Hawe-Owerheid het ook berigte verwerp dat mense aan boord die Ebolavirus het.

‘n Radiostasie – Jacaranda FM – het vroeër berig dat ‘n boot van Liberië se bemanning Ebola onderlede het.

Die Hammonia Pacificum wat Saterdag in Richardsbaai aangekom het, het gelei tot spekulasie dit is onder kwarantyn geplaas is weens ‘n vermeende geval van Ebola.

Marine Tracker, ‘n maatskappy wat vaartuie se bewegings volg het bevestig dat die vaartuig om ongeveer 05:00 vasgemeer het in die hawe.

Mayihlome Tshwete, woordvoerder van Binnelandse Sake het egter gesê dit is standaardprosedure vir houerskepe van spesifieke streke om geïsoleer en geïnspekteer te word.

“Al die skepe van hierdie streke word ‘n sekere plek van binnekoms toegewys waar hulle onder kwarantyn geplaas word, soos die een by Richardsbaai wat uit Liberië kom,” sê Tshwete.

“Meestal is dit skepe wat kom van streke in die Wes-Afrika wat onder kwarantyn geplaas word.”

Die Ebola-virus het 1 013 mense gedood en 1 848 besmet sedert Februarie, volgens die jongste data van die Wêreldgesondheidsorganisasie (WGO).

Geen gevalle nog is aangemeld in Suid-Afrika nie. Intussen word die twee grootste akademiese hospitale in die land voorberei om Ebola-gevalle te hanteer.

Lande waar vermoedelike gevalle aangemeld is, sluit Benin, Ghana, Duitsland, Toronto in Kanada en Hong Kong in met meestal reisigers wat terugkeer uit die koorsgebied in Wes-Afrika wat Ebola-agtige simptome ontwikkel het.

In Liberië is toegang tot algemene mediese sorg uiters beperk.

Intussen het die vrees vir die hemorragiese virus in Suid-Afrika verder versprei oor sosiale media onder veral swart gebruikers wat klaarblyklik baie bewus is van die gevaar.

Mbeki steun Israel-boikot

President Thabo Mbeki het Suid-Afrikaners aangemoedig om Israeliese produkte te boikot in reaksie op die land se optrede in Gasa. Meer as 1800 mense, waarvan die meeste burgerlikes, het in die Israeli-Hamas-konflik omgekom wat drie weke gelede opnuut uitgebreek het.

Mbeki sê Suid-Afrikaners moet Israeliese produkte boikot. “Die mense van Suid-Afrika moet hierby betrokke raak. Byvoorbeeld, daar is ‘n oproep om Israeli-produkte te boikot en nie in Israeliese maatskappye te belê nie. Ek dink dis reg.

“Dit is nie die verantwoordelikheid van die regering om mense te mobiliseer nie. Mense moet hulself mobiliseer,” het hy bygevoeg.

Mbeki het gesê hy steun die regering se besluit om nie die Israeliese ambassadeur in Suid-Afrika uit te skop nie en die Suid-Afrikaanse afgevaardigde in Tel Aviv te hou.

Hy het die eerstejaar studente van Thabo Mbeki-leierskap-instituut aan die Universiteit van Suid-Afrika in Pretoria, Maandag toegespreek.

Daar is tans ‘n veldtog om die Israeliese diplomate en ambassadeur van Israel na Suid-Afrika uit die land te sit.

President Jacob Zuma het egter reeds ‘n spesiale gesant aangewys om die konflik in die Midde-Ooste te besleg. Mbeki het gesê dit is nodig om direkte skakeling met die ambassadeur te hê.

Oproeriges in Mosselbaai uiteengejaag

Geweld het nog plek-plek in die nag by die Kwanonqaba-township in Mosselbaai voorgekom, het RSG berig.

Oproermakers het Sondag begin betoog deur die ingang na die gebied met brandende bande te versper.

Hulle is ontevrede oor swak dienslewering. Die polisie het gister die betogers met rubberkoeëls en skokgranate uiteen gejaag. ‘n Polisiewoordvoerder, Wollie Fourie sê die situasie is gespanne maar onder beheer.

Intussen sal die dertien mense wat gister in hegtenis geneem is in verband met gewelddadige betogings by Kwanonqaba vanoggend in die hof op Mosselbaai verskyn.

Hulle word aangekla van ‘n onwettige byeenkoms en opsetlike saakbeskadiging.