Egipte se minister van Binnelandse Sake, Muhammad Ibrahim het ‘n verbod gevra op protesoptrede ter ondersteuning van die Moslemse Broederskap.
Dit volg ná nog ‘n nag van onrus in die land waartydens sewe mense dood en meer as 100 beseer is.
Strydende groepe het regdeur Egipte opgeruk nadat die hoof van die gewapende magte ‘n beroep gedoen het op die teenstanders van die uitgesette president Mohammed Morsi om ná Vrydaggebede die strate in te vaar.
Morsi is nou amptelik in aanhouding oor sy beweerde samewerking met die militante Palestynse groep Hamas. Hy sal ondervra word oor aanvalle op polisiestasies en tronke in 2011.
Talle Islamitiese en ander politieke gevangenes het ontsnap in dié aanvalle tydens die opstand teen die vorige president Hosni Moebarak.- RSG
Die Leeus het die eerste van twee promosie-relegasiewedstryde vir aanstaande jaar se Superrugbyreeks teen die Southern Kings in Port Elizabeth met 26-19 gewen, berig RSG.
Vir die Leeus het Stokkies Hanekom altwee hul drieë gedruk, terwyl Elton Jantjes ‘n skitterende wedstryd gehad en 14 punte bygevoeg het.
Sy eweknie by die Kings, Demetri Catrakilis het self nege punte bygedra, terwyl Marcello Sampson en Steven Sykes die driedrukkers was.
Die Oos-Kaapse Premier, Noxolo Kiviet, het Donderdag die provinsie se Superrugby se geliefde ANC-franchise besoek om hulle sterkte toe te wens, maar dit het toe nie vir die nodige punte gesorg nie.
Die wenner van die valbyl-reeks sal tot 2016 van ‘n plek in die toernooi verseker wees.
Die tweede en finale uitspeelwedstryd is aanstaande naweek op Ellispark in Johannesburg.
Die twee halfeindrondewedstryde in vanjaar se reeks word Saterdag gespeel. In Hamilton, Nieu-Seeland speel die Chiefs teen die Crusaders in die Waikatostadion, en die afskop is net na halftien vanoggend.
Op Loftus Versfeld sal die Bulle, Jake White se Brumbies net na vyfuur vanmiddag pak. Die wenner van die stryd in Hamilton sal aanstaande Saterdag teen die wenner van die wedstryd in Pretoria te staan kom.
Die Brumbies het ‘n onveranderde span aangekondig vir die Superrugby-halfeindwedstryd.
“Die Bulle gaan ‘n reuse-uitdaging wees die naweek. Ons weet dat hulle met hul voorspelers gaan speel en Morné [Steyn] gaan gebruik om die punte te kry,” het die span se afrigter, Jake White, tydens Woensdag se aankondiging gesê.
Indien die Crusaders en die Bulle hulle onderskeie wedstryde wen, is die eindstryd op Loftus Versfeld. Indien die Chiefs en die Bulle wen, sal die eindstryd in Nieu-Seeland gespeel word.
Bulle:
15 Zane Kirchner, 14 Akona Ndungane, 13 JJ Engelbrecht, 12 Jan Serfontein, 11 Bjorn Basson, 10 Morne Steyn, 9 Francois Hougaard, 8 Dewald Potgieter (kaptein), 7 Jacques Potgieter, 6 Deon Stegmann, 5 Grant Hattingh, 4 Flip van der Merwe, 3 Werner Kruger, 2 Chiliboy Ralepelle, 1 Dean Greyling PLAASVERVANGERS: 16 Callie Visagie, 17 Frik Kirsten, 18 Morne Mellett, 19 Paul Willemse, 20 Jono Ross, 21 Jano Vermaak, 22 Jürgen Visser
Brumbies:
15. Jesse Mogg, 14. Henry Speight, 13. Tevita Kuridrani, 12. Christian Lealiifano, 11. Clyde Rathbone, 10. Matt Toomua, 9. Nic White, 8. Ben Mowen (kaptein), 7. George Smith, 6. Peter Kimlin, 5. Sam Carter, 4. Scott Fardy, 3. Ben Alexander, 2. Stephen Moore, 1. Scott Sio PLAASVERVANGERS: 16. Siliva Siliva, 17. Ruan Smith, 18. Fotu Auelua, 19. Colby Faingaa, 20. Ian Prior, 21. Andrew Smith, 22. Joe Tomane
Die leier in die Formule-Een-kampioenskap, Sebastian Vettel, was vandag die vinnigste in beide oefenrondtes vir die Hongaarse Grand Prix.
Vittel, wat vir die derde keer sy Formule-Een-titel verdedig, het albei kere gemaklik voor sy spanmaat Mark Webber geëindig met Red Bull wat ‘n indrukwekkende 1-2-wegspringposisie inneem.
Vettel het dit taamlik laat gelos voordat hy ‘n tydhourondte in die oggend gedoen het maar hy was vinnig op dreef deur ‘n tyd van 1 minuut, 22,723 sekodes op te stel. In die uiters warm middagtemperatuur het hy gemaklik vinniger as dit gejaag, met ‘n tyd van 1:21,264.
Lotus kan ook met vertroue uitsien na Saterdag se kwalifiserende rondtes.
Kimir Raikkonen was derde beste vir die oggend en die Fransman Romain Grosjean het sy tyd gedurende die middag geëwenaar.
Vettel het nog nooit in Hongarye gewen nie. Hy is daarop uit om sy algehele voorsprong bo Ferrari se Fernando Alonso, wat vierde in albei oefensessies geëindig het, te vergroot. – AP
Afrika sonder grense! Die ekonomiesevryheidsvegters (EFF) saldie uiteindelikeintegrasie vandie Afrika-kontinenthelp bevorder deur die uitskakeling vandie nasionalegrense, volgenssy manifes.
Die“protes-beweging“onder leiding vanJuliusMalemahet gesê diegrensetussen Afrika-landeis“onnodig“, veral diétussen Suid-AfrikaenBotswana,Lesotho,en Swaziland.
“DieEFFsal…vir die uiteindelikeintegrasie vandie Afrika-kontinent veg deurdieerosieen uiteindelikeuitskakelingvan onnodigegrense, wat,indie geval van Suid-AfrikaBotswana,Lesotho,Swaziland beteken engrenseop ‘n wyse bestuur wat die deelnameen goedkeuring vandié lande insluit,” het hy gesêinsy manifes.
“Dit salook aangemoedig word inander dele vandie vasteland van Afrika.“
Dit vorm deelvan dieEFFse beleid oor“progressieweinternasionalisme“.
DieEFFsê hulle pleit ook virvrye handeloor die hele vasteland.
Oor immigrasie, is die bewegingverbind totdie strydvan alleimmigrante,of hulleinSuid-Afrikawettig of onwettig verkeer.
Daar word gesê datimmigrante se basieseregtemoetgewaarborgword indie land.
“Sekerebasiese regtekannie ontken word aan enigemens watinSuid-Afrika is nie, ongeag ofhulle in besit isvan sekere dokumenteof nie.
“Basiese regte watmoetgewaarborgword, en sluit intoegang totgesondheidsorg,toegang tot onderwysvir kinders,die beskerming van diesuper-uitbuiting deurwerkgewers,en toegang tot diebegrafnisregteinSuid-Afrika.“
Die proses vanaansoek vir burgerskapmoetnie ingewikkeld wees nie.
“Die staat moet,deur middel van sywetgewendekapasiteit, vir die oordrag vanalle grondaan die staat sorg, wat dit saladministreer engebruik virvolhoubare ontwikkelingsdoeleindes,” het dieEFFhet ook gesêinsy manifes.
Kriminele rekords van oudmisdadigers wat skuldig bevind is aan sekere misdade, moet geskrap word, het die Economic Freedom Fighters in sy handves gesê.
“Die vlakke van oudmisdadigers in Suid-Afrika weer in hegtenis geneem word, is baie hoog, want die land se korrektiewe stelsel is nie korrektief nie,” het die protesbeweging, wat staan onder leiding van Julius Malema, gesê.
“Die korrektiewe stelsel moet getransformeer word om verpligte opvoeding en opleiding vir alle gevangenes in te sluit.”
Die EFF het gesê dít sal gevolg word deur die skrap van kriminele rekords van sommige oudmisdadigers, afhangend van die erns van die misdade wat gepleeg is.
“Die Weermag se Strategiese Wapenaankope-pakket wat die belastingbetaler op die einde basies R70 miljard gekos het, was ‘n vermorsing van belastingbetalers se geld. Suid-Afrika het miljarde rande se nuwe wapentuig aangekoop, maar beskik nie oor die finansies en mannekrag om dit operasioneel ten volle aan te wend nie.
“Hoogs gesofistikeerde wapentuig soos die Gripen-vegvliegtuie is aangekoop, maar daar is nie geld om bestaande vegvliegtuie en helikopters te laat vlieg nie. Ons het duikbote aangekoop, maar net een is operasioneel en een is sedert 2006 in die droogdok vir onderhoud. Die regering moet volle verantwoording hiervoor aanvaar,” sê mnr. Pieter Groenewald, hoofwoordvoerder vir Verdediging van die Vryheidsfront Plus.
“Ek het reeds van 2002 die regering gewaarsku dat indien die regering ernstig is dat die Lugmag sy funksie behoorlik moet kan uitvoer, sal hy daadwerklik aandag moet gee aan die begroting van die SANW en veral die Lugmag.
“In 2008 het die destydse minister, Mosiuoa Lekota, op ’n vraag van my erken dat die Lugmag toe reeds 91 vegvlieëniers en 822 tegnici verloor het en ’n finansiële tekort het (sien onderstaande verklaring en antwoord). Niks is daaraan gedoen nie en nou sit ons met die krisis en word duur wapentuig eintlik nutteloos. Die regering het dit willens en wetens toegelaat en is daarom ten volle verantwoordelik,” het Groenewald gesê.
‘n Vrou van Pretoria wat daarvan beskuldig word dat sy seks met twee honde gehad het sal na verwagting Vrydag in die Pretoriase landdroshof verskyn.
Jana Smit (31) en haar medebeskuldigde en voormalige kêrel, Morné Fourie, staan tereg op vyf aanklagte van bestialiteit, die besit van kinderpornografie en seksuele uitlokking.
Smit is in Augustus verlede jaar in hegtenis geneem nadat die Dierebeskermingsvereniging (DBV) glo beeldmateriaal gesien het van hoe sy glo met ‘n staffordshire bulterriër en ‘n labrador seks het.
Fourie is ‘n paar dae later in hegtenis geneem.
Hy het glo foto’s geneem en beeldmateriaal vervaardig van die beweerde dade.
Die labrador is ná Smit se inhegtenisneming weggeneem en vir aanneming aangebied.
Die bulterriër behoort glo aan Smit se bure.
Bestialiteitbordeleisbesig om in Duitslandvinnigeras ooit oop te maak te danke aan‘n wetwat dierepornoonwettig maak, maarseks met dieretoelaat,het‘n Duitse dierebeskermingsbeamptegewaarsku.
MadeleineMartinhet onlangs aan dieFrankfurterRundschau gesê dat die huidige Duitse wetteniediereteen mensewat nabestialiteitas‘n“leefstylkeuse” verwys, beskerm nie.
Sy verwys na‘n geval waar‘n boerindieGross-Gerau–streekin die suidweste vanDuitsland, opgemerk het sy eensvriendelikeskapehet beginwegskramvanmenslike kontak.
Die boer het‘nCCTV–kameraindie balkevan syskuur versteek en die skokontdekking gemaak dat verskeiemansindienagsy diere seksueelmisbruik.
“Daar isnoudierbordeleinDuitsland,” het Martinaan die koerant gesê.
Martinhet‘n beroepop die Duitse regering gedoem omkategoriesbestialiteitregoor die landverbied.– Sapa/Frankfurter Rundschau
‘n Vooraanstaande forensiese sielkundige aan die Universiteit van die Vrystaat gaan poog om deur navorsing die hoë misdaadsyfers in Suid-Afrika te laat tuimel.
Professor Dap Louw, hoof van die Sentrum vir Sielkunde en die Reg in die Departement Sielkunde, het gesê daar is nog weinig navorsing gedoen om vas te stel wat die psigologiese redes vir die tussen 60% en 80% heroortredings onder gevangenes is.
Hy gaan ‘n navorsingsprogram van stapel stuur wat fokus op psigopate – ‘n uiters selektiewe groep veroordeelde misdadigers wat beskou word as die gevaarlikste misdadigers, omdat hulle ‘n laer vlak van empatie, verantwoordelikheid of gewete het en oor ‘n geneigdheid beskik om sosiale norme te oortree.
Navorsing onder sowat 500 van die gevangenes by die Mangaung Korrektiewe Sentrum het reeds begin.
Louw het gesê die navorsingsinligting kan ook aan paroolrade verskaf word, wat dan meer ingeligte besluite oor parool sal kan maak. – OFM
President Jacob Zuma het sy meegevoel met Spanje se eerste minister Mariano Rajoy betuig ná gister se treinongeluk waarin 80 mense dood en 130 beseer is.
Zuma sê Suid-Afrikaners se harte gaan uit na die families van die slagoffers. Al agt rytuie van die trein het naby Santiago de Compostelo ontspoor op die vooraand van ‘n groot godsdienstige fees.
Aanduidings is dat die trein voor die ongeluk twee keer vinniger as die spoedbeperking gery het. Een van die twee treindrywers is in aanhouding.
Twee ondersoeke is geloods na die treinontsporing waarin die agt rytuie naby Santiago de Compostelo ontspoor het.
Drie dae van nasionale rou is vroeër afgekondig. Premier Rajoy het, nadat hy die toneel besoek het, gesê dat ‘n geregtelike ondersoek die grootste treinramp in Spanje in 40 jaar sal die oorsaak ontbloot.
Die trein het in die noord-weste van Spanje tussen Madrid en Ferrol ontspoor nadat dit volgens mediaberigte te vinnig gery het, maar ‘n woordvoerder van die spoorwegmaatskappy, Renfe sê dit is te vroeg om te weet.
Data van die trein se ritopnemer sal nagegaan word om die presiese spoed toe die ongeluk gebeur het, vas te stel.
Die 200 passasiers aan boord het waarskynlik ‘n plaaslike vakansiedag in die streek gevier.
Die burgemeester van Santiago de Compostela, Angel Curras Fernandez het alle feestelikhede in sy stad afgestel, terwyl geboue ingerig is om die familielede van die slagoffers by te staan. – RSG
Uitspraak sal Maandag gelewer word in ‘n aansoek om ‘n raadsvergadering nietig te verklaar waarin die burgemeester van Tlokwe – Maphetle Maphetle – uit sy amp verwyder is.
Die uitspraak in die Noord-Gautengse hooggeregshof in Pretoria is Dinsdag uitgestel. Die DA-raadslid – Annette Combrink – is aan die begin van die maand vir die tweede keer sedert November as die burgemeester in die munisipaliteit aangewys, wat Potchefstroom insluit.
Die tugkomitee van die ANC in Noordwes het die volgende dag 14 raadslede geskors en wil die vergadering waarop Combrinck gekies is, ongeldig verklaar.
Die Noord-Gautengse Hooggeregshof in Pretoria het die die saak oor wie die regmatige burgemeester van die Tlokwe munisipaliteit in Potchefstroom is, onbepaald uitgestel.
Die ANC het aangevoer dat die raadsvergadering waar Maphetle Maphetle as burgemeester uit sy amp verwyder is en vervang is deur die DA se Annette Combrinck, onwettig was.
Die party het intussen 14 raadslede geskors wat gehelp het om Combrinck as burgemeester te verkies.
Die ANC se provinsiale woordvoerder, Kenny Morolong sê hulle sal steeds hulle hoop in die regstelsel te plaas. Die regter het die DA en die ANC vroeër gewaarsku om nie staatsfondse te mors op hulle politieke stryd nie.
Die onafhanklike verkiesingskommissie in Noordwes het die datums vir tussenverkiesings in die Tlokwe munisipaliteit bekend gemaak.
Daar is 14 vakante poste in die munisipaliteit nadat die 14 ANC raadslede geskors is. Dr Tumelontle Thiba van die OVK sê die tussenverkiesings sal op 7 Augustus en 18 September gehou word.
’n Openbare verhoor deur Noordwes se staande komitee oor openbare rekeninge is Donderdag ontwrig ná die voorsitter, Patrick Chauke, verwys het na Maphetle Maphetle as die burgemeester van Tlokwe.
Die verhoor, wat handel oor ’n forensiese ondersoek verslag waarin Maphetle en lede van sy burgemeesterskomitee betrek word, kon nie verby die aanvanklike vraag van wie die munisipale bestuurder in Tlokwe is, vorder nie.
Die verwysing na Maphetle as die uitvoerende burgemeester het gelei tot uitbarstings deur lede van die publiek, sowel as verskeie geskorsde voormalige ANC-raadslede. RSG/OFM
Die VN Sekretaris-Generaal Ban Ki Moon het ‘n beroep op die Egiptiese weermag gedoen om die afgesette president Mohammed Morsi en ander leiers van die Moslem Broederskap vry te laat.
Ban het die oproep gedoen terwyl teenstanders en ondersteuners van Morsi gereed maak om landwye massa-betogings te hou.
Westerse leiers hou die krisis in Egipte met toenemende kommer dop met ‘n hewige konfrontasie wat tussen die twee strydende groepe dreig, nadat die hoof van die weermag, genl. Sisi belowe het om die ‘terroriste” te vernietig.
Hulle vrees dat die weermag se belofte dat die land binnekort na ‘n demokrasie sal terugkeer, niks minder as ‘n rookskerm is om ‘n langdurige magsoorname te verdoesel nie.
‘n Senior Egiptiese weermag-amptenaar het intussen die Palestynse groep Hamas in Gaza daarvan beskuldig dat hulle wapens aan militante groepe verskaf.
Generaal Osama Aschar sê 19 vuurpyle wat in die Suez-gebied gevind is, is dieselfde soort as wat deur Hamas se militêre vleuel, die Izz al-Din al-Quassam brigades, gebruik word.
Die Egiptiese weermag het reeds tientalle tonnels vernietig wat die Sinai-skiereiland met Gaza verbind.
Die tussentydse leiers het ‘n plan vir ‘n nuwe grondwet in die aanloop tot ‘n verkiesing voorgelê, maar twyfel bestaan of hulle dié onderneming gestand sal doen.
‘n Bom het vroeër buite ‘n polisiestasie in die stad Mansoura in Egipte se Nyldelta ontplof. Regeringsamptenare sê minstens 17 mense is beseer, wat polisiebeamptes en burgerlikes insluit.
Volgens berigte is een persoon in die ontploffing dood.
Botsings het Maandag tussen ondersteuners en teenstanders van die afgesette president uitgebreek. Dertien mense is dood en tientalle beseer.
Morsi se familie het hulle daartoe verbind om die weermag weens die staatsgreep te dagvaar.
President Barack Obama van Amerika die aflewering van vier F16 vegvliegtuie aan Egipte vir eers gekanselleer in die lig van die onrussituasie, nadat vyftien Palestyne dood is in ‘n vuurpylaanval op ‘n vlugtelingkamp in suid-Damaskus in Sirië.
Die slagoffers was meestal vroue en kinders. Die vlugtelingkamp onder rebelle-beheer is deur die Siriese veiligheidsmagte van President Bashar Assad aangeval.
‘n Woordvoerder van die Pentagon, George Little, sê dit sal in die huidige omstandighede in Egipte nie die korrekte ding wees om te doen om wapentuig te lewer nie.
Egipte se openbare staatsaanklaer het vroeër opdrag gegee dat die leier van die Moslem Broederskap, Mohamed Badie, en agt senior lede van dié beweging in hegtenis geneem word weens bewerings van die aanhitsing van geweld.
Badie is sedert President Mohammed Morsi se bewind op 3 Julie omvergewerp is deur die Weermag, minstens een keer vir ondervraging aangekeer en later weer vrygelaat.- RSG
Sommige internasionale farmaseutiese maatskappye gebruik Suid-Afrika as ‘n toetsterrein vir hul produkte omdat dit makliker is as in die ontwikkelde wêreld om onetiese mediese toetse uit te voer en deelnemers te werf.
Die bewering word gemaak deur die Nederlandse NGO Wemos in ‘n verslag getiteld : Kliniese proewe in Suid-Afrika: Etiek, Reëls en Realiteite.
Wemos sê dat sommige farmaseutiese maatskappye “oneties” proewe hier onderneem, want dit is goedkoper en makliker.
Duisende siek Suid-Afrikaners word gebruik as proefkonyne in ‘n bloeiende multimiljardrand-bedryf, maar ‘n paar van die proefnemings oortree Suid-Afrikaanse wette en die internasionale medisyne protokol.
In een geval is, is kinders van so jonk as ses medikasie ingejaag sodat hulle kan deelneem as ‘n kontrolegroep in ‘n kliniese proefneming.
Kenners sê die probleem word vererger deur die feit dat, as gevolg van die chaotiese toestand van die land se openbare gesondheidstelsel, mense bereid is om te vrywilligers te wees net om toegang tot medisyne en behandeling te verkry.
Ongeveer 1300 kliniese toetse is tans aan die gang in Suid-Afrika in ‘n bedryf ter waarde van sowat R2.5 miljard, volgens die verslag. Baie van die proewe word nie behoorlik gemonitor nie omdat die universiteite se etiese komitees wat toesig hou oor studies, nie die geld het om al die studies te oudit nie.
“Tien jaar gelede het ons [Suid-Afrika] beskou as een van die goedkoopste en maklikste lande om kliniese toetse in te doen,” sê Urmilla Bridgmohun, van Inc Research, ‘n maatskappy wat monitering doen.
Kontraknavorsing wat deur farmaseutiese maatskappye befonds word, lei tot ‘n gebrek aan onafhanklikheid en net twee van die 15 navorsingsorganisasies in Suid-Afrika het ingestem om ‘n onderhoud met die skrywer van die Nederlandse verslag te voer.
“Gegewe die geheimsinnige aard van baie [moniteringsliggame] kan dit moeilik wees om die volle prentjie van hul bedrywighede in Suid-Afrika te kry,” sê die opstellers.
In sommige gevalle, het deelnemers effektiewe behandeling verloor toe die proefneming eindig, wat dokters en etiekkenners sê is oneties en onwettig in Suid-Afrika. – timeslive.co.za
Die polisie vind dit moeilik om te kompeteer met internasionale misdaadsindikate wat $870 miljard ‘n jaar inoes via aktiwiteite wat dwelmhandel, mensehandel en die diefstal van identiteit insluit, het ‘n senior VN-amptenaar Woensdag gesê.
Polisiemagte oral vind dit moeilik, sê die amptenaar. “Dit is ‘n enorme bedrag geld.”
Jury Fedotof, hoof van die Verenigde Nasies se kantoor vir Dwelms en Misdaad, het aan AFP verduidelik in ‘n onderhoud hoe groot die probleem is.
As misdaadsindikate beskou word as ‘n bedryf, sal hul gesamentlike invloed hulle onder die wêreld se top ekonomiese spelers plaas.
Krisis-besnoeiings het ‘n jarelange finansiële kloof tussen die bendes en diegene wat hulle beveg net verbreed, het Fedotof gesê.
“Bendes is beter befonds as enige wetstoepassingsinstelling. Dit is duidelik. En veral as ons die groot bedrae ter sprake by onwettige inkomste vergelyk met die beperkte begrotings van baie wetstoepassingsinstellings,” het hy gesê.
Maar befondsing is net deel van die probleem, het Fedotof verduidelik, want wetstoepassingsagentskappe sukkel om tred te hou met die vorm-verskuiwende netwerke wat vinniger as die tradisionele mafias van die verlede beweeg.
“Hedendaagse georganiseerde misdaad ook gesofistikeerd en hoogs aanpasbaar,” het Fedotof gesê.
“Ons moet meer buigsaam wees, en nie net die stroom volg nie, maar ook voorkomend optree en ontwikkelinge in terme van georganiseerde misdaad vooruitloop,” het hy bygevoeg.
Kubermisdaad beleef ‘n belangrike groeifase, het hy verduidelik, gegewe dat ongeveer een derde van die wêreld se bevolking nou aktief toegang tot die Internet het.
Die jaarlikse opbrengs van aanlyn-identiteitdiefstal alleen word geskat op $1 miljard, het hy opgemerk, alhoewel dit nog oortref word deur $20 miljard wat gegenereer word deur die handel in bedreigde spesies.
In die narkotika-handel word gefokus op die toenemende aantal ontwerpersdwelms.
Fedotof het ook bekommernis uitgespreek oor die stygende dwelmhandel via die Sahel- en Wes-Afrika – veral deur die wettelose Guinee-Bissau, wat hy die “swakste skakel” noem.
Die handel in die streek word aangeblaas deur die berugte gewelddadige Sentraal-Amerikaanse kokaïenbendes omdat Noord-Amerikaanse markte gekrimp het.
Suid-Afrikaners is onder die mees kwesbare groep op die vasteland wat SIM-kaartkrakers betref.
‘n Fout met selfone se SIM-kaart tegnologie stel miljoene mense in gevaar om beroof te word, sê ‘n deskundige aan die BBC gesê.
Karsten Nohl het gesê hy het ‘n manier gekry om met ‘n paar SMS’se die Sim se digitale sleutels te ontdek wat hy na die betrokke selfoon stuur. Hy het gewaarsku dat misdadigers potensieel dieselfde tegniek kan gebruik.
‘n Waghondorganisasie – die GSMA – het gesê hulle bestudeer die bevindings.
“Ons het die implikasies oorweeg en leiding verskaf aan betrokke netwerkoperateurs en sim-verkopers wat geraak word,” het ‘n woordvoerder van die vereniging van wêreldwye netwerkoperateurs gesê.
SIM-kaarte kan doeltreffend as ‘n sekuriteitsmaatreël gebruik word, as waarmerk van ‘n gebruiker se identiteit vir hul netwerkoperateur. Hulle het ook ‘n beperkte hoeveelheid data soos sms-boodskappe, kontaktelefoonnommers en besonderhede stoor wat gebruik word vir ‘n paar programme – insluitende ‘n aantal betalings- en bankdienste.
Mnr Nohl het gesê hy het ‘n manier om die verifikasiekode te ontsluit ontdek deur die stuur van ‘n SMS-boodskap wat lyk na die selfoon-operateur.
Sodra die misdadigers hierdie inligting het, het Nohl gesê, kan hulle steelsagteware oplaai na die SIM in Java-programmeertaal.
Hy het gesê dié skelmstreek kan toelaat dat die misdadigers luister in die teiken se stemposboodskappe en selfs die bewegings van die selfoonhouer volg.
Mobiele bankkliënte in Afrika kan veral kwesbaar wees vir hierdie nuwe kraker-aanval.
“Hier in Europa gebruik ons ’n SIM-kaarte vir telefoonoproepe en teksboodskappe, maar baie mense in Afrika gebruik hulle ook vir hul mobiele bank,” het hy gesê.
“Iemand kan ‘n [bankkliënt se] hele bankrekening steel deur die kopiëring van hul SIM-kaart.” – The Citizen
Egipte se minister van Binnelandse Sake, Muhammad Ibrahim het ‘n verbod gevra op protesoptrede ter ondersteuning van die Moslemse Broederskap.
