moslems – Bladsy 8 – praag.co.za

Bangkok-bommer is ‘uitlander’

Die man waarna Thailand se owerhede nou soek, is opgemerk op kringtelevisie-beeldmateriaal naby die Hindoe Erawan-tempel waar die bom ontplof het.

‘n Polisiewoorvoerder, het aan AP gesê die man is nie slegs die verdagte nie, hy is die bomplanter.

Daar word vermoed dat die verdagte van Oeigoer-oorsprong is, maar premier Prayut Chan-o-cha het Woensdag die gerugte ontken. Die Oeigoere is ‘n Moslemminderheid van die weste van China wat streef daarna om outonomie van die vasteland te bekom.

Die Bangkok Post het die week gesê Oeigoermilitante het die bom geplant uit weerwraak na Thailand se deportasie van 109 Oeigoervlugtelinge na China.

Minstens nege van die slagoffers was burgers van verskeie Asiatiese lande, maar veral Chinese het omgekom.

Die regering het gesê die aanval Maandag tydens spitstyd in Bangkok se middestad was daarop gemik om die ekonomie en die toerismebedryf te vernietig.

Niemand het nog verantwoordelikheid vir die daad aanvaar nie.

Dinsdag het die spanning in die stad toegeneem toe ’n klein ploftoestel van ’n brug af in ’n rivier gegooi is, maar niemand is beseer nie, het ’n polisiebeampte op die toneel gesê.

Somyot Pumpanmuang, Thailand se nasionale polisiehoof, het egter toegegee dat die man ‘n buitelander kan wees.

“Daardie man het ’n rugsak gedra en verby die toneel gestap toe die voorval plaasgevind het. Maar ons moet na die beeldmateriaal voor én ná die voorval kyk om te bepaal of daar ’n verband is,” het Somyot op ’n mediakonferensie gesê.

Die polisie het die toneel van die ontploffing Dinsdag vir leidrade gefynkam. Die polisie het ook bevestig dat 22 mense dood en 123 in die aanval beseer is.

Volgens die polisie is die ontploffing deur ’n pypbom veroorsaak.

China se amptelike nuusagentskap, Xinhua, het berig dat vier van die slagoffers Chinese was.

Twee Maleisiërs, ’n Singapoerees, ’n Indonesiër en ’n Filippyn het ook omgekom. Talle van die gewondes is Chinese en Taiwanners.

Oostenrykse hof stuur Tsjetsjniër tronk toe

’n Oostenrykse hof het ’n Tsjetsjniese burger tronkstraf van vyf jaar opgelê op klagte van terrorisme nadat hy in 2013 na Sirië gereis het.

Dit word as een van die strafste vonnisse beskou in ’n reeks van vonnisopleggings in sake wat met die Islamitiese Staat verband hou.

Die 30-jarige Tsjetsjniër, bekend as Magomed Z., is aan terrorisme en die besit van kinderpornografie skuldig bevind, maar vrygespreek op die klag dat hy militêre opleiding in Sirië gekry het.

Hy het skuld op al die aanklagte ontken en gesê hy is na Sirië om vlugtelinge te help en om na die seun van ’n familielid te gaan soek.

Sy regsverteenwoordiger het aangedui dat hy teen die vonnis gaan appelleer.

Jordanië ondervra Chattanooga-skieter se oom

Die Jordaanse intelligensiediens hou die oom aan van die man wat verlede week vyf Amerikaanse soldate in Tennessee doodgeskiet het, het sy regsverteenwoordiger gister aan AFP gesê.

“My kliënt, die universiteitsdosent Assaad Ibrahim al-Haj Ali, word sedert Vrydag onwettig deur die intelligensiediens aangehou,” het Abdelkader al-Khatib gesê.

Hy sê sy kliënt is van Palestynse herkoms en het dubbele burgerskap, naamlik dié van Jordanië en die VSA. Hy is die oom van die 24-jarige Mohammad Youssuf Abdulazeez wat verlede Donderdag vyf weermaglede doodgeskiet het voordat hy deur die polisie om die lewe gebring is.

Khatib sê Abdulazeez het verlede jaar tydens ’n besoek aan Jordanië etlike maande by sy oom gewoon en by ’n nabygeleë selfoonwinkel gewerk.

Washington het die skietery as ’n daad van terrorisme beskryf, maar Khatib sê sy familie beskryf hom as ’n gewone mens sonder radikale neigings en was net so geskok oor die voorval.

Nigeriese staatshoof vergader met Obama oor terreur

Nigerië se nuwe president, Muhammadu Buhari, het dié week ‘n amptelike besoek aan Amerika onderneem vir ’n vergadering met pres. Barack Obama.

Dit is om betrekkinge te herstel wat deur sy voorganger se mislukte stryd teen ’n Islamitiese opstand en korrupsie in Afrika se grootste olieproduserende land skade gely het.

Buhari, ‘n Moslem, se verkiesing in Maart, die eerste demokratiese verandering in die Wes-Afrikaland, wat dekades van militêre regering gehad het, het reeds tot beloftes van Amerika vir toenemende militêre hulp in die stryd teen Boko Haram gelei.

Selfmoordbomaanvalle en aanvalle op nedersettings deur Boko Haram-ekstremiste het net in die afgelope twee weke die lewe van honderde mense in Nigerië en naburige Tsjad, Niger en Kameroen geëis.

Turkye verskerp veiligheid na ISIS-aanval

Turkye het Woensdag veiligheidsmaatreëls op die grens met Sirië verskerp nadat ’n selfmoordbomaanval, waarvoor ekstremiste van die Islamitiese Staat (ISIS) groep die skuld kry, die lewe van 31 mense geëis het en die vrees laat ontstaan het dat die Siriese konflik oor die grens na Turkye kan versprei.

Maandag se aanval in die dorp Suruc was een van die dodelikste aanvalle in Turkye in etlike jare en die eerste keer dat die regering IS regstreeks van ’n aanval op Turkse grondgebied beskuldig het.

Pro-Koerdiese aktiviste wat by ’n Turkse kultuursentrum met voorbereidings besig was vir ’n humanitêre sending na die dorp Kubane in Sirië, se verminkte lyke het ná die aanval op die toneel gelê. Altesaam 31 van die nagenoeg 300 sosialistiese jeugaktiviste wat in die sentrum was, is dood en ongeveer 100 beseer.

Honderde pro-Koerdiese aktiviste het Maandagnag in Turkse stede teen die aanval en die regering se beleid jeens Sirië betoog en in Istanboel het die polisie waterkanonne op betogers gerig om hulle uiteen te jaag.

Dosyne mense is in Oktober verlede jaar in landwye betogings dood toe betoog is teen die regering se vermeende gebrek aan steun vir Koerde wat teen die djihadiste van ISIS veg.

Die weste beskuldig Turkye daarvan dat nie genoeg gedoen word om die opkoms van IS te stuit nie en dat selfs met die groep saamgewerk word, beskuldigings wat ten sterkste deur Turkye ontken word.

In die afgelope weke het Ankara strenger teen die groep begin optree en dosyne vermeende ISIS-lede in Istanboel en ander stede aangekeer.

Swart Amsterdamse skole soek naarstiglik na wittes

Negen op de tien leerlingen hebben er een kleurtje: de St. Catharinaschool en de Avonturijnschool in Amsterdam-Zuid zijn ‘zwarte’ scholen in gekleurde wijken waarin ook veel autochtone Nederlanders wonen.

Dat wit ondervertegenwoordigd is, vindt directeur Roger Baggen van de Catharinaschool “treurig”. En dat zullen bewoners van de Rivierenbuurt en de Pijp vandaag te weten komen. Leerlingen van de twee scholen gingen namelijk vanochtend de straat op en probeerden met provocerende T-shirts blanke klasgenoten te werven.

“Is dit wit genoeg voor u”, staat op voorkant van de shirts. En op de rug: “Elk kind heeft recht op integratie”. De kinderen uit de hoogste klassen en begeleiders willen op die manier de discussie over zwarte scholen aanzwengelen. De kleintjes blijven op school.

“We hebben dit met de leerlingen besproken en ze staan er helemaal achter”, zegt Baggen. Hij vindt dat de scholen een afspiegeling van de wijk moeten zijn, zodat de leerlingen in aanraking komen met andere culturen.

“Veel witte mensen zien dat hier veel allochtone kinderen op school zijn en dat willen ze niet. Dus kiezen ze voor een andere school, ook al moeten de kinderen dan verder lopen of fietsen.”

Deze situatie is volgens Baggen de afgelopen jaren geleidelijk gegroeid. Het probleem is nu zo groot, dat de scholen te klein dreigen te worden. Als zich geen witte kinderen melden, is het voortbestaan onzeker, want in de omgeving wonen niet genoeg gekleurde kinderen.

Femke Halsema, de fractievoorzitter van GroenLinks, heeft haar kinderen in 2010 van de zwarte school afgehaald in de Transvaalbuurt in Amsterdam-Oost. De tweeling zat op school met een groot aantal islamitische kinderen.

“Ze zijn naar een andere buurtschool. Dat is beter voor hun welzijn. Kinderen zijn geen sociaal experiment. Over de reden wil ik niets zeggen, het gaat over de privacy van mijn kinderen,” aldus Halsema in de Telegraaf.

Bron: nos.nl/ad.nl

Tweede tiener wou by ISIS aansluit

Die minister van staatsveiligheid, David Mahlobo het bevestig dat ‘n tweede tiener van Kaapstad gekeer is voordat sy by die Islamitiese Staat kon aansluit.

Die hoërskool-leerder van Grassy Park op die Kaapse Vlakte is ná ‘n wenk by die Kaapstadse Internasionale Lughawe aangekeer, berig RSG.

Mahlobo sê sekere gemeenskappe in die land word deur die ISIS-militante geteiken.

Die veiligheidsdienste het na bewering gereageer op grond van inligting wat deur die eerste Kaapse meisie verskaf wat by die ISIS wou aansluit. Die twee is glo vriendinne.

Die departement en die Valke het glo reageer op inligting wat ‘n 15-jarige meisie van Kenwyn verskaf het.

Mahlobo het sedertdien ouers herhaaldelik gemaan om hul kinders se internetgebruik dop te hou. Hy het Dinsdag weer die waarskuwing tydens ‘n perskonferensie voor die minister se begrotingsdebat in die parlement uitgereik.

“Ons weet dat ISIS jongmense teiken en die internet daarvoor gebruik,” het Sonto Kudjoe, direkteur-generaal van staatsveiligheid, gesê.

Intelligensiebronne sê egter hulle ondersoek ‘n fisiese teenwoordigheid van werwers van die jihad-groep in die land.

Mahlobo het gesê staatsveiligheidsagentskappe is baie paraat oor die kwessie van werwing deur fundamentalistiese groepe en hulle bly in kontak met gemeenskappe wat as teikens beskou word. Hy het gesê sedert die tiener van Kenwyn gepoog het om by ISIS aan te sluit, het verskeie gemeenskapsgroepe sy departement gekontak om te sê dat hul kinders aangehits word om dit ook te doen.

“In Kaapstad het ons met die Moslemregsraad vergader,” het hy gesê. Kinders word glo daagliks gewerf.

Twee mans by Moslemspotprent-uitstalling geskiet

Die polisie in Texas het twee gewapende mans by ‘n tentoonstelling naby Dallas doodgeskiet.

Die twee het glo by ‘n kunsuitstalling van spotprente oor die Profeet Mohammed opgedaag en ‘n veiligheidswag in die been geskiet, het Reuters berig.

Die wag is lig beseer in die skietery in die voorstad, Garland, maar is intussen uit die hospitaal ontslaan.

Sondag se aanval het plaasgevind in ‘n parkeerterrein van die Curtis Culwell Center, ‘n binnenshuise arena in die voorstad noordoos van Dallas.

Niemand anders is beseer nie.

Die Nederlandse anti-Islamitiese politikus, Geert Wilders het die geleentheid bygewoon. Hy het op Twitter gesê dat skote geskiet is, maar dat hy die gebou verlaat het en veilig is.

Dit is onduidelik of die skietery verband hou met Islam of die spotprente by die uitstalling het owerhede Sondag gesê.

“Ek het geen idee wie hulle is nie, behalwe dat hulle dood is en in die straat was,” het die stad se polisiewoordvoerder, Joe Harn, aan Reuters gesê.

As ‘n voorsorgmaatreël, het die polisie die motor van die verdagtes ondersoek vir enige plofstof wat dalk in die voertuig versteek kon gewees het, het Harn bygevoeg.

Die geleentheid is geadverteer as die “Muhammad Art Exhibit and Contest” en is deur Pamela Geller gereël.

Geller, wat bekend is vir haar felle kritiek teen Islam, het aan Fox News gesê dat sy besluit het om die Garlandruimte vir die kunsuitstalling te benut, want dit is waar Amerikaanse Moslem-leiers ‘n konferensie oor die bekamping van Moslemhaat ‘n week na die Charlie Hebdo-aanvalle gehou het.

In Januarie, het gewapende mans 12 mense in Parys vermoor wat by die Franse satiriese tydskrif Charlie Hebdo gewerk het.

Die meeste van die mense wat die geleentheid bygewoon het was nog in die arena toe die geweld ontvou het en was onbewus van wat gebeur het totdat die polisie die gebou binnegestorm het en almal aangeraai het om binnenshuis te bly as gevolg van ‘n skietery.

“Die eerste verdagte is onmiddellik geskiet. Die tweede verdagte is geskiet en gewond -… Hy [die gewonde] het vir sy rugsak gereik. Natuurlik het beamptes nie geweet wat in die rugsak is nie, en het hom weer geskiet. Hy is gedood,” het Garland se burgemeester Douglas Athas aan CNN gesê.

ISIS gaan van krag tot krag

Die Islamitiese Staat (ISIS) is die mees suksesvolle radikale Islamitiese groep wat groot dele van die grondgebied in die ooste van Sirië en oral in die noorde en weste van Irak ingeneem het.

‘n Verslag wat aan die VN se Veiligheidsraad in Julie verlede jaar voorgelê is deur ‘n VN-waarnemersmissie (UNDOF), toon dat dat Israel ten nouste betrokke is by die ondersteuning van ISIS.

Die Israelse premier Benjamin Netanyahu, het die skepping van ISIS verwelkom in ‘n toespraak in Junie 2014 by Tel Aviv Universiteit se INSS-byeenkoms.

Intussen het ‘n voormalige Amerikaanse generaal Wesley Clarke in ‘n onderhoud met CNN ook toegegee dat ISIS geskep is deur die VSA se “vriende en bondgenote”.

Die groep se brutale taktiek, insluitende massamoord en ontvoering van lede van godsdienstige en etniese minderhede, asook die onthoofding van soldate en joernaliste, het vrees en woede in die wêreld ontlok.

Die groep beplan die totstandkoming van ‘n kalifaat, ‘n staat wat deur ‘n enkele politieke en godsdienstige leier volgens sjaria, die Islamitiese wet, regeer word.

Al is die groep tans beperk tot Sirië en Irak, het ISIS beloof om die ” grense van Jordanië en Libanon te breek” en Palestina te bevry. Dit kry steun van Moslems oral in die wêreld en eis dat almal ‘n alliansie met sy leier, Ibrahim Awad Ibrahim Ali al-Badri al-Samarrai, beter bekend as Abu Bakr al-Baghdadi, aangaan.

ISIS se oorsprong dateer na die oorlede Abu Musab al-Zarqawi, ‘n Jordaniër wat die beweging Tawhid wa al-Jihad in 2002 tot stand gebring het. ‘n Jaar na die Amerikaans-geleide inval in Irak, het Zarqawi ‘n alliansie met Osama bin Laden aangegaan en Al-Kaïda in Irak (AQI) gestig, wat ‘n mag om mee rekening te hou in die insurgensie geword het. Die taktiek van Abu Musab al-Zarqawi is as te ekstreem deur Al-Kaïda se leiers beskou.

Na Zarqawi se dood in 2006, het AQI ‘n sambreelorganisasie, die Islamitiese Staat, in Irak (ISI) gevorm. ISI is stelselmatig verswak deur middel van Amerikaanse troepe se optrede en die vorming van Sahwa-rade (” ontwaking” ) deur Soenni Arabiese stamlede, wat die groep se wreedaardighede verwerp het.

Nadat hy in 2010 die leier geword het, het Baghdadi ISIS heropgebou. Teen 2013 was die groep opnuut besig met dosyne aanvalle ‘n maand in Irak. Dit het ook aangesluit by die rebellie teen pres. Bashar al-Assad in Sirië en die Al-Nusra Front tot stand gebring.

In April 2013 het Baghdadi ‘n samesmelting van sy magte in Irak en Sirië en die totstandkoming van die Islamitiese Staat in Irak en die Levant (ISIS) aangekondig.

Die leiers van Al-Nusra en Al-Kaïda het die skuif verwerp, maar vegters lojaal aan Al-Baghdadi het weggebreek van Al-Nusra en gehelp om ISIS in Sirië te hou.

Godsdienstige minderhede, veral Irak se Jazidi’s, is deur die Islamitiese Staat-groep geteiken.

Teen die einde van Desember 2013, het ISIS se fokus terug na Irak verskuif en ‘n politieke dooie punt tussen die Shia-geleide regering en die minderheid Soenni Arabiese gemeenskap uitgebuit. Met die hulp van stamlede, het die groep beheer oor die sentrale stad Falluja oorgeneem.

In Junie 2014 het Isis die noordelike stad Mosul ingeneem en toe suidwaarts in die rigting van Bagdad begin beweeg. Teen die einde van die maand, nadat die groep sy beheer oor dosyne stede en dorpe gekonsolideer het, het ISIS die skepping van ‘n kalifaat verklaar.

Sommige Soenni Arabiere het die Islamitiese Staat-groep ondersteun nadat Mosul ingeneem is. Sommmige waarnemers skat dat IS en sy bondgenote ongeveer 40 000 vierkante kilometer in Irak en Sirië beheer, ongeveer die grootte van België. Ander meen hulle beheer nader aan 90 000 vierkante kilometer, ongeveer die grootte van Jordanië. Die gebied sluit stede soos Mosul, Tikrit, Falluja en Tal Afar in Irak; Raqqa in Sirië, olievelde, damme, hoofpaaie en grenskruisings in.

Dit word beraam dat agt miljoen mense in die gebied woon, wat gedeeltelik of ten volle deur ISIS beheer word. In die gebiede het die groep streng vertolkings van Sharia geïmplementeer en word vroue gedwing om sluiers te dra, nie-Moslems gedwing om ‘n spesiale belasting te betaal of hulle tot Islam te bekeer en strawwe afgedwing wat geseling en teregstelling insluit.

Duisende buitelanders het vir ISIS in Sirië en Irak geveg. Amerikaanse amptenare is van mening dat daar tot soveel as 31 000 vegters in Irak en Sirië is. ‘n Deskundige oor Irak, Hisham al-Hashimi, sê ongeveer 30 persent is ” ideoloë” en dat die res uit vrees of onder dwang aangesluit het.

‘n Betekenisvolle aantal IS-vegters is nie Irakse of Siriese burgers nie. Die Soufan-groep het onlangs beraam dat meer as 12 000 buitelanders van minstens 81 lande, insluitende 2 500 uit Westerse lande, oor die afgelope drie jaar na Sirië gereis het om vir ISIS te veg.

Die Islamitiese Staat het een van die mees gedugte djihadistiese groepe ter wêreld geword. ISIS-vegters het toegang tot en is in staat om ‘n verskeidenheid klein en swaar wapentuig te gebruik. Dit sluit in vragmotorgemonteerde masjiengewere, vuurpyllanseeerders, lugafweerwapens en beweeglike grond-tot-lug-missielstelsels. Hulle het ook tenks en gepantserde voertuie van sowel die Irakse as Siriese weermagte gebuit. Dit sluit Amerikaanse Humvees en bombestande vragmotors in.

Die groep beskik klaarblyklik ook oor ‘n buigsame voorsieningsketting wat ‘n konstante voorraad ammunisie en klein vuurwapens tot vegters se beskikking stel. Die betekennisvolle vuurkrag het ISIS gehelp om in Augustus Koerdiese Peshmerga-posisies in die noorde van Irak, tot vele se verbasing, te verower.

Die Islamitiese Staat het glo US$ 2 miljard in kontant en bates, wat dit die wêreld se rykste militante groep maak. Aanvanklik het die meeste finansiële bystand van individue in Arabiese Golfstate gekom. Vandag is IS grootliks selfvoorsienend en verdien maandeliks miljoene dollar uit die olie- en gasvelde wat dit beheer, asook uit belasting, tolgeld, smokkelarry, afpersing en ontvoering. Die offensief in Irak was ook uiters lonend en het hulle toegang gegee tot die kontant wat in groot handelsbanke gehou is in die stede wat hulle verower het.

Onthoofdings, kruisigings en massaskietery is gebruik om hul vyande te terroriseer. ISIS-lede regverdig hierdie gruweldade deur verse uit die Koran waarin verwys word na ” kap die koppe van ongelowiges af” , maar Moslems verwerp dit.

Selfs die Al-Kaïda leier, Ayman al-Zawahiri, wat hom in Februarie 2014 van ISIS gedistansieer het oor die groep se optrede in Sirië, het Zarqawi in 2005 reeds gewaarsku dat sodanige brutaliteit daartoe sal lei dat dit ” Moslem-harte en simpatie” sal verloor.

Bron: Die Republikein, BBC, CNN, Jerusalem Post

Aanvalle teen buitelanders by Durban duur voort

Aanvalle teen buitelanders in KwaZoeloe-Natal duur voort.

Geweld teen buitelanders suid van die Groter Ethekwini Metro het na ander lokasies noord van Durban uitgebrei.

Sondag is sowat vyf winkels van buitelanders aangeval en aan die brand gesteek. Die winkels is in KwaMashu, Inanda en Siyanda.

‘n RSG-verslaggewer in die gebied, Dumisani Shange het berig dat hoewel ‘n bykomende 100 lede van die Polisie se Openbare Orde-eenheid ontplooi is, die xenofobiese aanvalle steeds na ander gebiede oorspoel.

Ongeveer 2 000 vlugtelinge word tans in tydelike kampe in Isipingo, Chatsworth en Greenwoodpark gehuisves.

Zimbabwe se Konsul-generaal in Suid-Afrika, Henry Mukonoweshuro, sê intussen diplomatieke bande tussen Suid-Afrika en Zimbabwe sal nie geraak word deur die voortgesette xenofobiese aanvalle in die groter eThekwini-gebied nie.

Honderde buitelandse burgers van Zimbabwe, die Demokratiese Republiek van die Kongo (DRK), Ethiopië en Somalië is is reeds uitgejaag na die aanvalle in Durban.

Mukonoweshuro sê hulle sal nou saamwerk met hul Suid-Afrikaanse eweknieë om ‘n oplossing te vind.

Hassan Ali, ‘n winkeleienaar sê al sy winkels in KwaMashu, noord van Durban, is geplunder en uitgebrand.

“Ek het vier winkels gehad, drie van hulle in die hostel. Hulle buit alles. Daar is nou niks meer binne oor nie. Hierdie ding is verskriklik. Ek weet nie hoekom mense ons aanval nie. Ons weet nie wat ons nou kan doen nie. Ons sukkel.”

Israelse premier maak geskiedenis in VSA

Israel se eerste minister, Benjamin Netanyahu, het ‘n gesamentlike sessie van die Amerikaanse kongres Dinsdag in Washington, DC toegespreek om die VSA teen Iran se kernprogram te waarsku.

Die Huis van Verteenwoordigers se speaker, John Boehner, het Netanyahu genooi sonder om die Withuis daarvan te verwittig.

President Obama het nie die sitting bygewoon nie.

Netanyahu het geskiedenis gemaak: Nog nooit tevore in die geskiedenis van die Verenigde State het ‘n genooide buitelandse leier ‘n sittende Amerikaanse president openlik beveel om ‘n regime-verandering in derde land van stapel te stuur nie.

‘n Onlangse CNN-peiling toon egter dat die Amerikaanse openbare mening sterk teen Israel gekant is, met 63 persent van Amerikaners wat voel dat die uitnodiging aan Netanyahu om die Kongres toe te spreek onvanpas was.

Netanyahu het ook ‘n paar klankgrepe vir die besonder oningeligtes gehad wat nie tussen strydende Soennies en Sjiïete kan onderskei nie: “Iran noem homself die Islamitiese Republiek en ISIS noem homself die Islamitiese staat”.

Mauritanië, Pakistan en Afghanistan, gebruik ook die term “Islamitiese Republiek” in hul name, maar is nie met ISIS verbind nie. Die VSA sowel as Israel werk saam met dié drie lande.

Selfs 31 persent van Amerikaanse Jode, volgens ‘n vroeëre CNN-peiling, voel geen affiniteit vir die doelwitte van Israel om van die Palestyne ontslae te raak en ‘n oorlog teen Iran te begin nie.

In 2001 het die Franse ambassadeur na Brittanje, Daniel Bernard gewaarsku dat Israel ‘n derde wêreldoorlog wil begin.

Australië stuur troepe teen ISIS

Australië het gister aangekondig dat nóg 300 troepe na Irak gestuur sal word as ‘n gesamentlike sending met Nieu-Seeland om te help om plaaslike magte op te lei wat teen ISIS veg.

Die besluit volg nadat verlede week in Wellington, Nieu-Seeland, besluit is om sowat 140 soldate in ‘n nie-gevegsending te ontplooi om Irak se militêre kragte te versterk om teen Moslemjihadiste te veg.

Die eerste minister van Australië, Tony Abbott, het gesê die besluit volg op ‘n formele versoek van die regerings van Irak en Amerika.

“Ek wil beklemtoon dat ons die besluit nie ligtelik geneem het nie. Op die ou end is dit Irak wat ISIS moet verslaan, maar ons wil nie die Irakiërs op hul eie los nie,” het hy aan verslaggewers in Canberra gesê.

“Ons staan bekend as vredeliewende mense en ons is traag om by konflikte ver van hier betrokke te raak, maar soos ons weet, het hierdie konflik nou al vir maande na ons uitgereik.”

Sowat 170 Australiese spesiale magte is reeds in Irak om te help om regeringstroepe op te lei en Abbot het gesê dit is in sy land se nasionale belang om hul teenwoordigheid te versterk.

“Ek beklemtoon dat dié dodelike kultus (ISIS) na ons land deurgesypel het. Sowat 100 Australiërs veg saam met IS en ander terroristegroepe in Sirië en Irak,” het hy gesê.

“Nog sowat 150 wat hierdie ekstremiste ondersteun, is hier ter lande, dus is hierdie verbintenis ‘n kwessie van binnelandse asook internasionale sekuriteit. Ek beklemtoon dat dit absoluut in Australië se nasionale belang is om dit te doen.”

Australiese en Nieu-Seelandse troepe sal vanaf Mei by die militêre basis in Taji, noord van Bagdad, gestasioneer wees.

Sedert Augustus het Amerika saam met geallieerdes, Australië ingesluit, ‘n veldtog van lugaanvalle teen jihadiste in Irak en Sirië van stapel gestuur.

Australië se rol is beperk tot ondersteuning in lugvaart, opleiding, raadgewing en intelligensie.

Die land het met 2 000 troepe in die oorlog gehelp in Amerika se koalisie in Irak sedert Maart 2003, totdat hulle in 2009 onttrek het. Geen Australiër het nog tydens die oorlog of operasionele diens tydens ontplooiing omgekom nie.

Groot moondhede het klein lande met terreurwaarskuwings oorlaai

Suid-Afrikaanse owerhede het glo ‘n terreuraanval in die land afgeweer in 2010 volgens intelligensieverslae wat deur die internasionale nuusagentskap Al Jazeera uitgelek is.

Volgens Sapa is die inligting glo vervat in twee voorleggings deur die Staatsveiligheidsagentskap (SSA).

Wat ook duidelik na vore kom uit die spioenasielek is ‘n georkestreerde poging deur sommige groot moondhede om ‘n gemeenskaplike verhaal gebaseer op die vrees vir terreur te skep.

Dit is gedoen deur die intelligensiedienste van kleiner lande met allerlei waarskuwings te oorlaai, om sodoende hul prioriteite in ‘n sekere rigting te stuur.

Westerse intelligensie-agentskappe skyn egter grootliks onbewus te wees dat die SSA sulke aktiwiteit in die land beskou het as beperk tot ‘n handjievol individue wat meestal deurreis na ander Afrika-lande.

Die gefnuikte aanval het aan die lig gekom toe Jermaine Grant vasgetrek is. Hy is in Desember 2011 in Kenia in hegtenis geneem vir sy beweerde betrokkenheid by terreur.

Die polisie het glo tydens Grant se arrestasie op toerusting afgekom wat soortgelyk is aan die wat in Julie 2005 tydens die selfmoordbomaanvalle in Londen gebruik is.

Volgens die voorleggings het ‘n geldskieter wat in April 2011 in hegtenis geneem is, beweer dat hy instruksies ontvang het van Haroen Al Fadoel, wat by Al-Kaida betrokke is, om in die Verenigde Arabiese Emirate ‘n kontakpersoon te ontmoet oor die aanval in Suid-Afrika.

Die doel van die ontmoeting was glo om geld te kry vir die bomaanval in Suid-Afrika. Vyf selfmoordbomaanvallers sou glo die aanval uitgevoer het. Die aanval was sedert 2007 beplan en daar is glo nagenoeg $1 miljoen benodig om dit uit te voer.

Tydens die ontmoeting het Al Fadoel se kontak aan die geldskieter gesê die geld is nie dadelik beskikbaar nie maar dat dit tyd sal neem. Die geldskieter het glo later met agente in Doebaai ontmoet oor die aanval in Suid-Afrika wat tydens ‘n Joodse konferensie in Kaapstad sou plaasvind.

Grant het Samantha Lewthwaite, wat aan hom as Natalie Faye Webb bekend was, geïdentifiseer as een van die sleutelfigure wat aanvalle in Kenia beplan het. Lewthwaite het in Julie 2008 na Suid-Afrika gekom maar is egter in Junie 2009 na die Verenigde Koninkryk gedeporteer.

Lewthwaite het haar persoonlike besonderhede verander en onder die paspoort van Asmaa Shahidah Bint-Andrews gereis. Sy het in September 2009 na Suid-Afrika teruggekeer. Sy het glo hierna die identiteit van Natalie Faye Webb aangeneem. Dié naam is in Oktober 2009 op die departement van binnelandse sake se stelsel geaktiveer.

Volgens die dokumente was Lewthwaite glo betrokke by Al-Sjabaab en was sy in beheer van logistieke reëlings, veral behuising en vervoer, ivm die aanval in Kenia.

Volgens Al Jazeera se berig is Webb, Lewthwaite en Bint-Andrews dieselfde persoon. Lewthwaite is die weduwee van Jermaine Lindsay, een van die Londen-selfmoordbomaanvallers. Lewthwaite het glo tussen 2009 en 2011 in Suid-Afrika gewoon.

Ronnie Kasrils, Suid-Afrika se minister van Intelligensie tussen 2004 en 2008 het in ‘n vroeëre onderhoud met Al Jazeera gesê ‘n terreurbedreiging in Suid-Afrika is “spekulasie” en bygevoeg dat hy glo dat waarskuwings oor ‘n aanslag deur Al-Kaida in Suid-Afrika “oordrewe” is.

Kasrils het dié bewerings gemaak sonder dat hy glo bewus was van die uitgelekte dokumente in Al Jazeera se besit.

Nog ‘n voormalige spioenasiehoof Barry Gilder het Kasrils se siening beaam aan Al Jazeera en gesê Al-Kaida is nie as ‘n “bepaalde bedreiging vir Suid-Afrika gesien nie”.

Verdagte brief in Kopenhagen gevind na moordaanvalle

Die polisie van Kopenhagen het Maandag gesê dat ’n “verdagte” brief ondersoek word wat in die kultuursentrum gevind is waar Saterdag se Moslemterreuraanval die lewe van een mens geëis het.

Dit is die tweede soortgelyke aanval in Europa, nadat medewerkers van ‘n Franse satiretydskrif Charlie Hebdo in koele bloede in Parys neergevel is deur Moslemaanvallers.

“Ammunisie-deskundiges is uitgeroep na Krudttoenden. Dit is die normale prosedure,” het die Kopenhaagse polisie op Twitter geskryf. Die nuusagentskap, Ritzau, het berig dat die brief boodskappe bevat wat met Saterdag se aanval verbind word.

Die verdagte skieter in die twee aanvalle die naweek is Sondag deur polisie doodgeskiet, maar Kopenhagen is steeds op ’n hoë gereedheidsgrondslag. Twee mense is Maandag aangekeer en word daarvan beskuldig dat hulle die aanvaller gehelp het.

Denemarke steier om sin te maak van die naweek se dodelike aanvalle.

Maandagaand het inwoners vir ’n kerslig-nagwaak byeengekom op die toneel waar die gewapende man losgebrand het op ’n spraakvryheidforum. Die eerste slagoffer was die 55-jarige rolprentmaker, Finn Norgaard, wat tydens die forum se byeenkoms doodgeskiet is. Dieselfde aanvaller het daarna die stad se hoofsinagoge geteiken en die 37-jarige Dan Uzan doodgeskiet.

Die eerste minister, me. Helle Thorning-Schmidt, het by die geleentheid ’n beroep op nasionale eenheid gedoen.

“Vanaand wil ek aan alle Deense Jode sê: Julle is nie alleen nie. ’n Aanval op Jode in Denemarke is ’n aanval op Denemarke, op almal van ons,” het Thorning-Schmidt gesê.

Die Deense parlement het Maandag vir die eerste keer sedert die aanvalle vergader.

Die verdagte in die aanvalle is geïdentifiseer as Omar Abdel Hamid El-Hoessein. Hy het kort voor die skietery op Facebook trou aan die leier van die Islamitiese Staat-groep, Aboe Bakr al-Baghdadi, gesweer.

Amerika se president, Barack Obama, het Maandag sy solidariteit met Denemarke in ’n telefoonoproep aan Thorning-Schmidt betuig. Die twee leiers het ooreengekom om saam te werk om aanvalle op vryheid van uitdrukking asook anti-Semitiese geweld te bekamp, het die Withuis in ’n verklaring gesê.

Die FBI het hulp aangebied aan Deense owerhede met die ondersoek na die moordaanvalle.