Nuus Archives - Page 78 of 403

Nzimande is nodig vir ‘revolusie’, s? Mantashe

Blade Nzimande

Die kommunis Blade Nzimande is minister van hoër opvoeding gemaak omdat hy 'n revolusionêr is, het metaalwerkers in Boksburg Dinsdag gehoor.

"…Ons het iemand nodig wat die begrip van 'n vaardigheidsrevolusie verstaan: dat die vaardigheidsrevolusie noodsaaklik vir die sukses van dié land is," het die ANC se sekretarisgeneraal Gwede Mantashe aan 'n nasionale-kongres-in-die-kleine van die Nasionale Unie van Metaalwerkers van Suid-Afrika gesê.

"Daarom het mens 'n revolusionêr nodig om daardie revolusie uit te voer," het hy gesê.

Mantashe meen die moontlikheid om die vaardigheidsdirektoraat vanuit die arbeidsdepartement na Nzimande se departement te verskuif word tans bespreek.

Nzimande sou ook die kongres toegespreek het, maar kon nie omdat hy 'n afspraak met president Jacob Zuma gehad het. Daar word nou verwag dat hy Woensdagoggend sal praat.

Sy is een van ses nuwe ministeries wat onder die Zuma-bewind bekendgestel is en kritiek van opposisiepartye op die hals gehaal het.

Mantashe het voorgestel dat dié kritici na die ANC se manifes kyk. "Almal van hulle (die nuwe posisies) skakel met ANC-programme," het hy gesê en 'n beroep op Numsa-lede gedoen om dié programme te ondersteun.

Die vakbondbeweging moet sy deel doen om alle vlakke van regering te monitor en om enige kommer of probleme wat dit raaksien te rapporteer.

Die sekretarisgeneraal van Cosatu, Zwelinzima Vavi, het insgelyks die byeenkoms toegespreek en gewys op die aantal vakbondleiers wat in Zuma se kabinet opgeneem is, waaronder Nzimande.

"Ons kan nie net leiers skenk en geen kontak met hulle hê nie," het Vavi gesê, wat 'n ANC-nominasie as LP geweier het nadat Cosatu-filiale aangedui het dat hulle nie graag vir hom en Nzimande aan die regering wou afstaan nie.

"Ons kan nie net kamerade skenk en niks in ruil ontvang nie… niks vir mahala nie," het hy gesê.

spins no

Afrikaners vandag

Dis tyd dat ons die waarheid in die oë kyk. Die Afrikaner as kollektiewe entiteit is tot niet. Ons kollektiewe bewussyn is oor die afgelope 200 jaar gekweek uit die loutering van twee vryheidsoorloë en omstandighede wat samewerking tot 'n oorlewingsmeganisme verhef het. Sedertien is hierdie kollektiewe bewussyn polities gemanipuleer om 'n nuwe blanke volk ryp te druk deur die apartheidsjare. Om hierdie nuwe volk teen die getalle monster van die swartes te beskerm, moes die kollektiewe status ten alle koste behou en uitgebou word, en dit was ook so. Die onuithoudbare onregverdigheid en diskriminasie van Apartheid was uiteindelik 'n groter krag wat hierdie kollektief langs sy natuurlike nate en verdelinglyne laar skeur het. Verdelingslyne wat net nie weer saamgevoeg kon word na De Klerk se oorgawe nie.

Die rede waarom die huidige geslag Afrikaners nie weer vry sal wees nie, is omdat hulle nooit weer met die stigma van Apartheid wil en kan saamleef nie. Dit is die enkele groot faktor wat alle pogings tot hereniging onder Afrikaners sonder uitsondering laat sneuwel het. Of Afrikaners wel 'n saak het, hang net van hulle self af, maar die probleem lê juis by die 'Hulle' wat maar net nie weer wil heg nie. Sentiment is bloot net nie meer effektief nie – ons voorvaders se offers net nie meer groot genoeg nie.

Daar is wel 'n nog groter krag wat voortspruit uit die natuurlike behoefte van die kultuurmens. Dis die kohesie van soortgelykheid. Die implikasies hiervan werk deur op alle terreine, van sportgebied tot in die kerk en staat. Dit impliseer opsigself dat ons kollektief afgebreek is tot op plaaslike vlak waar ons in ons gemeenskappe verkeer. Dit is dan ook ons uitdaging vir vandag in die NSA. Prakties beteken dit dat as jy as Afrikaner wil leef, jy eenvoudig moet verskuif na 'n plaaslike ruimte waar jy onder eendersdenkende Afrikaners tuis kan voel en 'n vrugbare en veilige bestaan kan maak. Ek weet van 'n klompie vriende- en familiegroeipunte waar dit juis toegepas word. Hieruit kan groter raakpunte weer opgebou word, maar van die Kaap tot in die Transvaal sal ons nooit weer kollektief kan wees nie. In hierdie ruimtes bly Afrikaners voortleef in 'n postmoderne styl sonder om te veel te tob oor ons amptelike status, want daarvan is daar niks meer oor nie.

Dis 'n bitter pil om te sluk vir baie Afrikaners, maar kyk dit nou maar eenmaal in die oë, ons Afrikanerryk het vir goed sy einde bereik. Dit gaan baie frustrasie spaar as ons net eers weer ons plek kan vind in die NSA. Wie weet, vorentoe mag ons wel weer 'n eie land hê, maar dit sal gebore wees uit die praktiese en nie sentiment nie.

free blackjack no download Лобановский

Dink voor jy drink!

Daar is 54 munisipaliteite in Suid-Afrika waar kraanwater nie aangeraai word vir menslike gebruik nie. Die departement van water en omgewingsake het Dinsdag 'n waarskuwing uitgereik waarin hulle sê dat hulle nie vertroue het in die vermoë van die lys munisipaliteite om skoon drinkwater te voorsien nie.

Oos-Kaap
* Alfred Nzo Distrik
* Baviaans
* Ikwezi
* Kouga
* Sondagsrivier
* Cacadu Distrik

Vrystaat
* Mafube
* Metsimaholo
* Ngwathe
* Moqhaka
* Matjhabeng
* Nala
* Tswelopele
* Masilonyana
* Dihlabeng
* Mantsopa
* Kopanong
* Naledi

Gauteng
* Kungwini
* Lesedi
* West Rand Distrik

Kwa-Zoeloe Natal
* Umkhanyakude Distrik

Limpopo
* Groter Sekhukhune;
* Mogalakwena
* Mookgophong
* Mopani District
* Thabazimbi

Mpumalanga
* Dipaleseng
* Ehlanzeni Distrik
* Gert Sibande Distrik
* Lekwa
* Mkhondo
* Msukaligwa
* Nkangala District
* Nkomazi
* Steve Tshwete
* Taba Chweu
* Thembisile

Noord-Kaap
* Hantam
* John Taolo Gaetsewe Distrik
* Kai !Garib
* Khai-Ma
* Richtersveld
* Siyancuma
* Sol Plaatjie
* Tsantsabane

Noordwes
* Bojanala Distrik
* Matlosanastadsraad
* Madibeng
* Maquassi Hills
* Merafong

Wes-Kaap
* Hessequa
* Oudtshoorn
* Swellendam

Zambi?rs wil hulle geld van Chiluba terug h

'n Zambiese hof het gesê daar sal later die maand besluit word of 'n Britse hofbeslissing teen eks-president Frederick Chiluba is Zambië geldig is om die terugbetaling van gesteelde fondse moontlik te maak. Chiluba was vanaf 1991 tot 2001 staathoof.

Die beslissing van 2007 het Chiluba skuldig bevind aan die diefstal van staatsfondse van ongeveer 50 miljoen dollar. Chiluba het 'n aansoek gebring om die registrasie van die beslissing in Zambië te keer, maar het misluk.

Regter Evans Hamaundu het gelas dat alle vertoë ingehandig word voordat hy uitspraak lewer op 29 Mei. Zambië se prokureur-generaal wil hê die Londense beslissing moet in Zambië gereistreer word om plaaslike jurisdiksie te verseker.

Regter Peter Smith het in 2007 bevind dat Chiluba Londense bankrekeninge gebruik het van die Zambiese regering en het beslis dat hy toegang tot sy pensioen by Barclays Bank geweier word in Lusaka asook sy eiendomme in Ndola.

Smith het gesê die Zambiërs weet wie vir die duur pakke betaal het, die handgemaakte hemde met 'n monogram daarop geborduur en handgemaakte skoene waarvan die hakke spesiaal opgebou is om Chiluba langer te laat vertoon.

Chiluba het tydens sy ampstermyn 100 000 dollar verdien, maar het blykbaar genoeg geld gehad om een miljoen dollar by 'n eksklusiewe Switserse boetiek te blaas op een slag. Zambiërs moet oorleef op een dollar per dag.

пазлы для детей Лобановский Харьков

Moslem lei BBC se godsdienprogramme

Die Aartsbiskop van Kantelberg, Rowan Williams, leier van die wêreld se Anglikane, het blykbaar aan die BBC se direkteur-generaal gesê hy is bang dat die "Christelike stem" uitgedoof gaan word omdat dié stasie pas 'n Moslem aangestel het as hoof van godsdiensprogramme.

Aaqil Ahmed sal by die Britse staatsuitsaaier aansluit nadat hy voorheen verbonde was aan Channel 4.

Die Aartsbiskop wou nie verdere kommentaar in die openbaar lewer nie, maar die biskop van Manchester, Nigel McCulloch, het gesê die kerk sal die verwikkelinge fyn dophou.

real casino games Фильчаков

Mulder in Zuma se kabinet skok, s? HNP

Die Herstigte Nasionale Party het verklaar dat "die aanstelling van dr Pieter Mulder, leier van die VF+, as adjunk-minister in die Zuma-kabinet, met skok ontvang is. Sy aanvaarding van die aanstelling het die laaste greintjie geloofwaardigheid in hom vernietig."

Volgens mnr. Louis van der Shyff, hoofsekretaris, het Zuma voor die verkiesing op 22 April gesprek gevoer met sekere leiersfigure uit die Afrikanergemeenskap. Die doel was om die indruk te skep dat die ANC onder Zuma simpatie het met die Afrikaners in die land. Maar Zuma het nie onderneem om misdaad en korrupsie te bekamp nie. Die aanstelling van Mulder is net gedoen om Afrikaners verder te mislei.

Die HNP het voorts verklaar: "Zuma is bekend vir sy vyandige uitsprake teen die Blanke. Die samestelling van sy kabinet weerspieël dit. Die instelling van 'n nuwe portefeulje van "grondhervorming" is bevestigend van die eis van die Freedom Charter dat blanke grond geroof sal word en aan swart boere oorhandig word. Zuma sal dié proses verhaas."

Van der Shyff vind dit "skokkend dat die dag in die Afrikaner se bestaan moes aanbreek dat nog 'n bekende politikus uit die blanke politiek gekies het vir finansiële voordeel teen die vryheid van sy volk. Dat dit die seun van dr Connie Mulder moes wees, is net so tragies soos wat die oorgawe van oud-minister Jan de Klerk se seun aan die ANC was."

Die HNP tref ook 'n parallel tussen die NNP en die Vryheidsfront Plus. "Toe kortbroek Marthinus van Schalkwyk adjunkskap in die ANC aanvaar het, het dit die einde van NP beteken. Dr Mulder se aanvaarding van die aanstelling deur Zuma beteken ook die einde van die VF+."

Verder toon die optrede van dr Mulder "net weer die klug van die parlementêre stelsel. Mulder het gesê elke stem tel. Nou tel sy stem vir die ANC. In effek gee hy nou aan Zuma sy tweederdemeerderheid waarteen hy gewaarsku het."

Volgens Van der Shyff het "die verantwoordelikheid op die HNP om die vryheid van die Afrikanervolk te herstel, vandag nuwe dimensie gekry. Die ganse volk word tot dié stryd opgeroep."

форма 086у

Londense netwerk lei seerowers

Somaliese seerowers beplan aanvalle met gedetailleerde inligting wat hulle uit Londen bekom per telefoon. 'n Spaanse radiostasie het Maandag gesê sensitiewe data word deur 'n netwerk van informante ingesamel aangaande die vaartuie, roetes en vrag.

Cadena Ser radio sê hulle het 'n Europese intelligensieverslag oor die netwerk onder oë gehad. Die seerowers ontvang hulle inligting per satellietfoon en gebruik gesofistikeerde toestelle om hulle teikens op te spoor.

Blykbaar vermy die seerowers aanvalle op sekere skepe soos op Britse vaartuie. In heelwat van die aanvalle het die seerowers verbasende goeie inligting omtrent hulle teikens geopenbaar en was selfs bewus van die nasionaliteite van die bemanning aan boord.

Westerse lande het oorlogskepe na die gebied ontplooi om die seerowers te stuit wat al miljoene dollar gemaak het uit lospryse vir die gyselaars en vaartuie wat hulle aanhou in die waters van strategiese handelsroetes.

Tans hou hulle 20 vaartuie aan en ongeveer 300 gyselaars. Owerhede wat die seerowers vang weet dikwels nie waar hulle verhoor behoort te word nie, aangesien maritieme wette nie duidelik is oor jurisdiksie nie.

брекет система

Metroraadslede wens Mulder geluk

Die Vryheidsfront Plus-raadslede in die Tshwane/Pretoria metroraad het dr. Pieter Mulder geluk en sterkte toegewens met sy aanstelling as adjunk-minister van Landbou, Bosbou en Visserye:

Dr. Rentia Landman (leier van VF Plus in die raad), dr. Conrad Beyers (koukusvoorsitter), kol. Piet Uys (sweep), rdl. Neels Hatting, rdl. Wouter Hoffman en rdl. Frik van Wyk is die lede.

Hulle meen Mulder het die belangrike gebaar wat pres. Zuma aan Afrikaners gemaak het aanvaar na konsultasie met die partyleierskap en invloedryke Afrikanerinstellings.

Die lede sê dit was belangrik dat dr. Mulder hierdie gebaar in belang van Afrikaners en die landbougemeenskap aanvaar. Dit is goed vir Suid-Afrika en bied ook aan die Vryheidsfront Plus nuwe geleenthede en 'n sinvolle rol om regeringsbesluite, ook op munisipale vlak, te beïnvloed.

Hulle sê ook dit is nou tyd vir die party om geledere te sluit en te werk vir 'n beter toekoms vir ons mense en vir die party.

magic owl лобановский политик

VF+ ruk jeugleier in die bek

Na aanleiding van ’n mediaverklaring wat op 10 Mei 2009 deur mnr. Cornelius Jansen van Rensburg, die VF Plus se Nasionale Jeugleier, uitgereik is en waarin hy aantygings teen die Leier van die VF Plus maak, het die Uitvoerende Dagbestuur van die VF Plus vandag besluit om mnr. Cornelius Jansen van Rensburg se lidmaatskap ooreenkomstig die Grondwet van die VF Plus tydelik op te hef, hangende ’n ondersoek deur die Party se Federale Regskomitee.

Die VF Plus is nie bereid om enige ongedissiplineerdheid van hierdie aard te duld nie.

Die party het in 'n verkalring gesê die stroom van ondersteuning wat verkry word van oor die hele Suid-Afrika vir die besluit wat die Uitvoerende Dagbestuur van die VF Plus geneem het dat dr. Pieter Mulder, die Leier van die VF Plus, die pos as adjunkminister van Landbou moet opneem, is oorweldigend.

лобановский депутат

Wapens en hulp kom in dieselfde vrag

Lugvragkontrakteurs wat betrokke is by die vervoer van internasionale hulpvoorrade en vredesoperasies na Afrika se konflikgebiede, smokkel ook wapens sê 'n prominente vredesnavorsingsgroep.

Die Stockholm Internationale Vredesnavorsingsinstituut sê in 'n verslag dat 90% van die kontrakteurs wat wapens vervoer ook deur die VN-agentskappe, EU, NAVO en bekende nie-regeringsorganisasies gebruik word.

"Die ergste plek is Soedan, waar al die maatskappye wat by die VN gelys is omdat hulle by wapensmokkelary betrokke is, gebruik word om hulp te vervoer,"het Hugh Griffiths, 'n mede-outeur van die verslag, aan AP gesê.

Hulporganisasies wat in die verslag genoem word is die Rooikruis en Dokters-sonder-grense. Hulle meen dit is moeilik om presies vas te stel wat voorheen in die vliegtuie vervoer is. Gerald Massis, direkteur-generaal van logistiek in Bordeaux, sê "Dit is soos om 'n taxi te huur. Jy weet nie wat agterna gebeur as jy uitklim nie."

Die instituut sê lugvervoer speel 'n sleutelrol in die destabilisering van dele van Afrika en ondersteun die smokkelhandel in dwelms en tabak na Europa, Noord-Amerika en die Midde-Ooste.

Selfs nadat die Veiligheidsraad die Soedannese Badrlugdiens op 'n swartlys geplaas het omdat hulle die heersende wapenverbod oortree het, het die VN se vredesmagte die lugdiens aanhou gebruik.

Ander lugvragmaatskappye sluit Aviacon Zitotrans in wat volgens die verslag gebruik word om Russiese wapens te vervoer. 'n Woordvoerder vir die Duitse Rooikruis, Svenja Koch, sê hulle het Avient gebruik vir hulp aan Zimbabwe op 16 Desember 2008. Avient, in Brittanje, is ook op die swartlys, maar Koch sê hulle gaan voortaan nie meer van dié lugvragdiens gebruik maak nie.