sapd – Bladsy 6 – praag.co.za

SAIR probeer wit moorde toesmeer

Die Suid-Afrikaanse Instituut vir Rasseverhoudinge sê 81% van alle moorde wat in Suid-Afrika plaasvind, is in swart huishoudings.

Dié syfer wat kwansuis ras met moord verbind, is erg vreemd aangesien sulke inligting juis nie deur die SAPD verskaf word nie.

Dit is ook voorts welbekend dat die polisie plaasaanvalle doelbewus as gewone misdaad aanteken, terwyl dit spesifiek haatmisdade is wat teen blanke grondeienaars gemik word.

Bronne in die polisie het aan praag dokumentasie gewys van hoe daar met die bewyse gepeuter word.

Volgens die Suid-Afrikaanse Polisiediens is 16.259 mense is in 2013 vermoor.

Omdat 79% van die Suid-Afrikaanse huishoudings – volgens die jongste sensussyfers – swart is, beweer die SAIR dat swart mense proporsioneel meer geraak word deur moord as ander bevolkingsgroep.

Van die 14,6 miljoen huishoudings in Suid-Afrika, is 79% swart, 11% wit, 7,3% bruin en 2,3% Indiër, sê Statistiek Suid-Afrika.

Frans Cronjé, die uitvoerende hoof van die SAIR sê: “Dit is nie waar om te sê dat mense van ‘n sekere rassegroep, veral blankes, meer as ‘n ander geteiken word nie. En ek dink nie dit is ‘n tendens wat vinnig sal verander nie.”

Cronjé was oudergewoonte stom oor plaasmoorde wat duidelik deur rassehaat gedryf word en waar wittes geteiken word.

Hy het voorheen blankes daarvan beskuldig dat hulle nie boetvaardig genoeg is nie. Dit is nie bekend of hy verwant is aan die mediese dokter met dieselfde naam nie.

Sy eie plan B vir die rewolusie wat hy voorspel, is dat sy vrou Amerikaans is en hulle Amerikaanse burgerskap het.

Sowat 44 mense word gemiddeld in Suid-Afrika per dag vermoor, waarvan ten minste 20 wit is.

Wit mense is net 9% (4 500 000) van die demografie in Suid-Afrika en daarom is die wit moordkoers in Suid-Afrika kommerwekkend.

DA probeer stemme werf uit geweld in Hoofrifgebied

Die DA het ‘n geleentheid vir stemwerwing raakgesien in South Deep in Roodepoort aan die Wes-Rand nadat een persoon Donderdag doodgeskiet tydens ‘n oproer oor uitsettings.

Die oproerige is na bewering deur die polisie in die bors geskiet nadat inwoners geprotesteer het oor uitsettingsbevele deur Dino Properties wat hul teen die einde van die maand uit hul huise sal dwing.

Tshepo Babuseng is na bewering in die bors geskiet toe hy en ‘n groep oproermakers op ‘n wetstoepassingsbeampte afgestorm het. Hy is dood verklaar met sy aankoms by die hospitaal.

Verlede week het vier mense het gesterf in botsings met die polisie op Brits in Noordwes.

Die inwoners sê hulle het nie ‘n heenkome as hulle teen Vrydag 31 Januarie hul woonplekke moet ontruim nie. Hulle het die strate ingevaar en begin klippe gooi na verbygaande motoriste nadat uitsettingsbevele op hulle beteken is.

Na gister se noodlottige botsing met wetstoepassing, het die ontevrede gemeenskap onder aanmoediging van die DA gesê verteenwoordigers van die regering verwaarloos hulle.

Die wyksraadslid is glo afwesig en daar is kragvoorsieningsprobleme. Dit was nie voorheen geopper nie. Die DA het die dood van die oproermaker en klagtes aangegryp en sal ‘n hofinterdik aanvra om die uitsetting te keer.

Dié party probeer stemme werf deur die gemeenskap se griewe te oorbeklemtoon en hulle tot onverantwoordelike gedrag aan te spoor by monde van die premierskandidaat in Gauteng, Musi Maimane.

Maimane sê hy het die gebied op versoek van van die gemeenskap besoek.

Vermeende sluipmoordenaars met gesofistikeerde opspoorsagteware gevang

Gesofistikeerde rekenaaropspoorsagteware en geïnkripteerde iPhones en iPads is verlede week in beslag geneem waarop inligting van ten minste 10 beamptes is wat tans die mafiabaas Krejcir ondersoek.

Dié inligting oor ‘n gespesialiseerde span wat die bedrywighede van die voortvlugtige Tsjeg ondersoek, is in die besit van vier vermeende sluipmoordenaars gevind nadat hul plan om twee van die ondersoekbeamptes te vermoor, gefnuik is.

Siboniso Miya , 32 , Jacob Nare , 28 , Owen Serero , 32 , en sy vriendin Zodumiso Biyele , 23 is die hoofverdagtes van ‘n mislukte moordplan.

Die vier het Dinsdag verskyn op verskeie aanklagte wat verband hou met verlede Donderdag se mislukte aanslag van die polisie misdaadintelligensie-beampte kolonel Nkosana “Killer ” Ximba en ‘n privaat forensiese ondersoeker Paul O’Sullivan .

Die vier is op aanklagte van sameswering tot moord , roof met verswarende omstandighede , motordiefstal en die onwettige besit van vuurwapens en ammunisie vasgevat.

Hulle is in hegtenis geneem ná ‘n dramatiese aanval op die Rivonia Road Lodge in Johannesburg ure voor hulle Ximba en O’Sullivan wou vermoor.

‘n Misdaadintelligensiebron het gesê hulle het van die moord in Desember uitgevind.

Krejcir het verskeie male in Desember verskyn vir beweerde betrokkenheid by die ontvoering en poging tot moord op een van sy sakevennoot se broers .

Die programme op die selfone en rekenaars wat gekonfiskeer is, is hoogs gesofistikeerde sagteware.

Dit kan mense opspoor binne ‘ n paar meter van die plek waar hulle is.

“Hierdie sagteware , in die verkeerde hande , kan dodelik wees … ons verstaan daar is ook ander ondersoekers se name en besonderhede op hierdie toerusting,” het die beampte gesê.

“Daar is inligting wat toon dat hulle in kontak met die selfoon Krejcir was terwyl hy in die tronk was oor die afgelope paar weke.”

Dié gesofistikeerde sagteware is glo slegs beskikbaar vir wetstoepassingsagentskappe.

“Met hierdie sagteware as jy ‘n selfoonnommer invoer sodat jy presies kan sien waar die persoon is, insluitend hul GPS koördinate.

Ondersoekers glo die enigste manier waarop hulle dit kon gekry het is deur korrupte polisielede.

Dramatiese moordaanslag teen Krejcir-ondersoekers gefnuik

‘n Moordaanslag op ‘n senior polisiebeampte en ‘n privaat forensiese ondersoeker wat gekoppel word aan ‘n ondersoek na die Tsjeggiese voortvlugtige Radovan Krejcir, is Donderdag gefnuik na ‘n dramatiese aanval op ‘n Johannesburgse hotel.

‘n Taakspan het die Rivonia Road Lodge laat Donderdagmiddag bestorm, net ure voor drie mense, waaronder ‘n 23-jarige vrou, glo saamgesweer het om kolonel Nkosana “Killer ” Ximba en Paul O’Sullivan te vermoor.

O’Sullivan hou reeds Krejcir se bewegings dop sedert hy in 2007 uit die Seychelle in die land aangekom het.

Krejcir het by meer as drie geleenthede gedreig om hom te laat vermoor.

Die polisie se spesiale taakspan wat gemoeid is met die ondersoek na die mafiabaas se onderwêreldbedrywighede, het ‘n wenk oor die beplande moord ontvang.

Vroeër Donderdag het ‘n Johannesburgse regter aan Krejcir borgtog geweier. Hy word beskuldig van ontvoering en poging tot moord.

Krejcir, twee van die Valke van Germiston en ‘n Sandtonse eiendomsontwikkelaar word daarvan beskuldig dat hulle in Junie die ontvoering en marteling van die broer van ‘n handlanger van Krejcir gereël het, wat na bewering 25kg tik van hom gesteel het.

Die Tsjeggiese sakeman wou na bewering die vennoot, wat werk by die OR Tambo Internasionale Lughawe, oorreed om hom te help om die dwelms na Australië te smokkel.

‘n Bron sê die drie het beplan om outentieke polisietoerusting te gebruik. Hulle het selfs sirenes en blou ligte gehad, en wou die vermeende slagoffers Donderdag van die pad aftrek en doodskiet. Die twee sou met ‘n R5-polisiegeweer vermoor word.

O’Sullivan het laasnag aan timeslive.co.za gesê hy het van die beplande moordkomplot te hore gekom nadat hy drie mans buite sy huis opgemerk het.

“Ek het drie mans buite my huis opgemerk en hulle uitgedaag. Hulle het gesê dat hulle misdaadintelligensie-agente is en my vertel van die moordplan teen my wat dieselfde middag sou plaasvind.

“Hulle het my gevra om met hulle saam te werk – wat ek gedoen het – wat toegelaat het dat die beamptes hierdie voornemende moordenaars in hegtenis kon neem,” het O’Sullivan gesê.

Polisie betrek by moord op winkeleienaar

Die polisie word betrek by die ontvoering en moord van ‘n winkeleienaar by die Montana-handelaarsmark in die noorde van Pretoria.

Usman Saeed se liggaam is in Desember verlede jaar langs ‘n grondpad naby Cullinan gevind.

Die ondersoekbeampte, Mari Petzer, het aan die landdroshof in Pretoria-Noord gesê getuies sal getuig dat een van die ontvoerders ‘n polisie-uniform gedra het en dat die beskuldigde ‘n dag voor die ontvoering ‘n vergadering met polisielede gehad het.

Abdul Rana Raulf, Amir Shah en Schabir Mohamed doen aansoek om borgtog op aanklagte van moord en ontvoering.

Saeed se vrou, Lynette, sê dit was veral gister baie moeilik vir die familie omdat haar suster, Odette haar matriekuitslae gekry het.

“Dit was ‘n baie emosionele oomblik omdat hy haar belowe het dat hy haar ‘n duisend rand vir elke onderskeid wat sy kry, sal gee. Vanoggend [Dinsdag] toe sy het haar resultate gekry en sy het vyf onderskeidings. Dit was baie oorweldigend, want hy is nie hier om dit met ons te deel nie.”

Die borgtogaansoek sal Vrydag voortgaan.

Polisie-moordlys is ‘warm lug’

Die minister van polisie, Nathi Mthethwa het ‘n beroep op die voormalige polisiehoof , Bheki Cele gedoen om die “warm lug” rondom die beweerde moordlys te verduidelik waar senior offisiere geteiken word.

“Hy moet verduidelik waar hy hierdie dinge kry en rondgaan en dinge oor lyste sê ,” het hy gesê.

Mthethwa het gister in Pretoria gepraat nadat hy senior polisie-amptenare individueel ontmoet het wat op die beweerde moordlys verskyn, in ‘n poging om die geloofwaardigheid daarvan te peil.

Die lys van 18 is glo Saterdag genoem deur Cele by die begrafnis van luitenant-generaal Mzondeki Tshabalala.

Tshabalala , wat dood aangetref is in sy kantoor by die polisie se hoofkantoor in Pretoria op Oukersaand, was glo op die lys.

Ander name op die lys is luitenant-generaal Anwar Dramat, hoof van die Valke, geskorsde misdaadintelligensiebaas generaal-majoor Chris Ngcobo, luitenant -generaal Mondli Zuma, afdelingskommissaris Gary Kruser, KwaZulu-Natal se provinsiale kommissaris luitenant-generaal Mmamonye Ngobeni, en waarnemende Kwa-Zulu-Natalse misdaadintelligensiehoof luitenant-generaal Thuso Tshika.

Mthethwa het sy reis na Mpumalanga kortgeknip – waar hy veronderstel was om die ANC se nasionale uitvoerende komitee vergadering by te woon – weens bespiegelinge oor die moordlys.

Mthethwa het ná die vergadering gesê dat nie een van die senior polisiebeamptes geweet het van die lys nie.

“Dit is warm lug. Dit is snert. Iemand het hierdie bekonkel om ons te mislei,” het hy gesê. Hy het gesê die lys se doel was kwaadwillig om chaos te saai met ‘n integrasieproses en mense te verdeel.

Hy het gesê hy die generaals en brigadiers het aangedring om nie verdeel te word nie, maar om te fokus op hul werk.

Vier polisielede voor vir moord

Vier polisiebeamptes van Ekangala wat betrek word by die dood van die 40-jarige Boy Mahlangu, sowel as vyf gemeenskapslede wat van openbare geweld aangekla word, verskyn vandag in die landdroshof op Bronkhorstspruit.

Die polisiebeamptes is Vrydag in hegtenis geneem.

Mahlangu, ‘n motorwerktuigkundige, is na bewering op Kersdag deur die polisiebeamptes aangerand.

Hulle het hom daarvan beskuldig dat hy ‘n onpadwaardige voertuig gery het. Hy is later by ‘n plaaslike kliniek oorlede.

Die voorval het woede by die plaaslike gemeenskap ontlok, wat die polisie daaroor gekonfronteer het.

Vyf mense is tydens die konfrontasie in hegtenis geneem. – RSG

Marikana-ondersoek hervat

Die Marikana Kommissie van Ondersoek sal na verwagting vanoggend hervat word ná ‘n maandlange reses.

Verlede maand het Brigadier Adriaan Calitz van die polisie getuig.

Hy het getuig oor of die polisie uit noodweer opgetree het toe hulle in 2012 op die stakende mynwerkers geskiet het.

Vier-en-dertig myners is in die skietery dood.

Die regsverteenwoordiger van die gesinne van die myners, Dumisa Ntsebeza het hom gepeper met vrae oor of die polisie aangeval was.

Die gesinne van die Amcu-stakers beweer die polisie het nie uit noodweer opgetree nie, alhoewel daar volgens Calitz intelligensie oor opsetlike provokasie en uittarting was.

‘n Woordvoerder van die Kommissie, Phuti Setati sê Calitz sal verder getuig, waarna Kolonel Solomon Vermaak van die SAPD geroep sal word.

Twintig getuies moet nog ondervra word, het RSG berig.

Verlede jaar, het die regsverteenwoordigers van die 200 stakers wat in hegtenis geneem is, onttrek van die verrigtinge. Hulle wou deur die Staat betaal word.

Na maande se twis het die Regshulpraad van Suid-Afrika ‘n mandaat om hulle te betaal gekry.

Suid-Kapenaars gevra om uit te kyk vir vreemde items in die see

Die polisie in die Suid-Kaap het vakansiegangers gevra om uit te kyk vir vreemde items wat in die see dryf.

Dié oproep volg nadat sakke wat vermoedelik met kokaïen ter waarde van R50 miljoen gevul is, op die strand tussen Mosselbaai en Klein Brakrivier uitgespoel het.

Die polisie sê die sakke is na ‘n laboratorium gestuur om vas te stel of die inhoud wel kokaien is.

Dit is glo die vierde ontdekking sedert Kersfees.

Intussen het twaalf mense wat in KwaZulu-Natal in hegtenis geneem is weens die beweerde besit van dwelms ter waarde van R5 miljoen, in die Verulam landdroshof verskyn.

Die Nasionale Vervolgingsgesag sê die saak is uitgestel tot 8 Januarie wanneer die beskuldigdes om borg sal aansoek doen.

Die polisie het beslag gelê op 100 Mandrax tablette, ‘n groot hoeveelheid kokaïen- en heroïenmengsel asook heroïenpoeier.

Die hoeveelheid kokaïen waarop die polisie reeds beslag gelê het in Suid-Afrika in die afgelope jaar is soveel soos 26 volwasse olifante in gewig.

Die onwettige drank wat hulle gekonfiskeer het sal amper ‘n Olimpiese swembad vul, wat 2,5 miljoen liter water kan hou.

Die minister van polisie het vroeër aangekondig dat in 2012/13 sowat 145 560kg se kokaïen gekonfiskeer is saam met 196 ton dagga en 347 860kg tik .

Daar is 89 klandestiene laboratoriums opgespoor en afgebreek oor die afgelope drie jaar.

In die Wes-Kaap is 2 501kg se “whoonga” ook opgespoor. Dit is ‘n dwelmkonkoksie wat glo gemaak word van anti-retrovirale VIGS-medisyne.

Forensiese ondersoek na polisie-skeidingspakette

‘n Forensiese ondersoek is gelas na die Suid-Afrikaanse polisiediens se afdeling wat gemoeid is met skeidingspakette.

Die minister van polisie, Nathi Mthethwa, het gesê ‘n omvattende ondersoek sal geloods word nadat vier polisielede ivm korrupte uitbetalings vasgetrek is.

Die afdeling is verantwoordelik vir die verwerking van betalings en voordele aan voormalige SAPD-werknemers.

Die vier mense is reeds in verband met beweerde bedrog en korrupsie met uitbetalings in hegtenis geneem en die Valke sal die ondersoek verder behartig.

Die boosdoeners het vals profiele geskep aan wie uitbetalings gemaak is, terwyl legitieme begunstigdes nie hul voordele ontvang het nie.

Hulle is aangekeer nadat die seun van ‘n ontslape polisieman ‘n saak van bedrog aanhangig gemaak het.

Mthethwa sê dit is moontlik dat ‘n sindikaat wat binne die polisie opereer met hulp van buite op grootskaal by die bedrog betrokke kan wees.

Die nasionale polisiekommissaris, Rhia Phiyega het vroeër gesê die SAPD word geteiken.

Staat wen eerste ronde teen Krejcir

Die staat het die eerste ronde teen die Tsjeggiese voortvlugtige Radovan Krejcir gewen toe landdros Reginald Dawa geweier het dat ‘n bekentenis deur Krejcir se mede-beskuldigde aan die mafiabaas se verdedigingspan getoon word tydens sy borgaansoek.

‘n Eiendomsontwikkelaar van Sandton Desai Luphondo se getuienis het glo die name van die staatsgetuies en verdagtes bevat wat nog in hegtenis geneem moet word.

Krejcir, Luphondo, en die polisie adjudant-offisiere Samuel Maropeng en Jeff Macheche, verskyn in die Palm Ridge se landdroshof, aan die Oos- Rand.

Dit was Woensdag die tweede dag van hul aansoek om borgtog .

Die vier is in hegtenis geneem vir die beweerde ontvoering, aanranding en poging tot moord op die broer van ‘n Krejcir-medewerker.

Daar word vermoed dat die ontvoering gereël is nadat ‘n R25 miljoen-dwelmtransaksie skeefgeloop het.

Aanklaer Louis Mashiane het gesê Krejcir behoort borg geweier te word. Die mafiabaas het self erken sy ma het intussen R40 miljoen na Suid-Afrika gestuur, hy besit verskeie paspoorte onder vals name en het dit reeds gebruik om na verskeie lande te vlug.

Die aanklaer het bygevoeg dat daar ‘n internasionale lasbrief vir Krejcir se arrestasie is.

Mashiane het gesê Krejcir kan maklik vlug en “nadat hy weg is, is hy weg en ons saak teen hom ook”.

Die borgtogaansoek deur die Tsjeggiese voortvlugtige, Radovan Krejcir, ern sy medebeskuldigdes is in die landdroshof op Palm Ridge aan die Oos-Rand tot Vrydag uitgestel.

Vermeende kinderverkragter verskyn in George

‘n Vier-en-veertigjarige swart man verskyn vandag in George se landdroshof in verband met die verkragting van ‘n sewejarige meisie.

Hy is verlede week tussen die Pacaltsdorp en Thembalethu in hegtenis geneem. Die kind is in die sorg van ‘n familielid in Rosemoor gelaat, volgens die polisie.

Die verdagte het haar na bewering ontvoer en na ‘n nabygeleë huis geneem hy haar verkrag het.

Die kind het in die daarin geslaag om in die vroeë oggendure te ontsnap en na die familielid se huis terug te keer.

Sy is in die hospitaal opgeneem waar sy ‘n operasie ondergaan het. Sy is die volgende dag ontslaan.

Marikana: Brigadier verdedig bevel om te skiet

Die Marikanakommissie van Ondersoek het gehoor dat die meerderheid van die polisielede wat betrokke was by die skietery op 16 Augustus by Marikana, daarna gespanne en getraumatiseerd was.

Dit was deel van die getuienis van brigadier Adriaan Calitz wat die bevelvoerder was wat regstreekse bevele aan die polisielede op die dag van die skietery gegee het.

Calitz is gevra om te verduidelik waarom hy die polisielede op die skouer geklop het, na die skietery.

Calitz het verduidelik dat hy die lede se gemoedstoestand moes lig, aangesien daar gerugte was dat van hulle hulle werk sou verloor het.

Hy het daarop gewys dat hy as ‘n operasionele bevelvoerder met sy mense gepraat het en hulle daarop gewys het dat hulle niks verkeerd gedoen het nie en dat daar ‘n ernstige plig op hulle skouers rus.

Calitz het ook gesê die lede het ‘n 110 persent met hom saamgewerk en bevele uitgevoer. – RSG

Twee polisielede vas vir verkragting

Twee polisiebeamptes is in Atteridgeville, Pretoria, in hegtenis geneem nadat hulle glo ‘n tiener verkrag het.

Moses Dlamini, woordvoerder van die onafhanklike polisie-ondersoekdirektoraat, het gesê die voorval het in September plaasgevind en die beamptes (22 en 51 jaar oud) is Woensdag aangekeer.

Die 17-jarige meisie en haar kêrel het by ‘n sjebien in Atteridgeville aan die baklei geraak en die polisiebeamptes, wat in hul volle uniform geklee was, het ingegryp.

“Die slagoffer het die polisiebeamptes gevra om haar huis toe te neem, waarna sy in die polisievoertuig saam met hulle gery het.”

Die beampte wat die voertuig bestuur het, het glo stilgehou en die tiener agterin die voertuig verkrag. Die ander beampte het haar na bewering ook verkrag, het Dlamini gesê.

“Die meisie is naby die polisiekantoor beveel om uit die voertuig te klim.”

Die tiener het haar suster van die voorval vertel en ‘n saak is by die polisie aanhangig gemaak.

Dlamini het gesê die polisiebeamptes is op ‘n uitkenningsparade uitgeken.

Die twee verskyn Donderdag in die Atteridgeville-landdroshof. – Sapa