Die Marikana Kommissie van Ondersoek sal na verwagting vanoggend hervat word ná ‘n maandlange reses.
Verlede maand het Brigadier Adriaan Calitz van die polisie getuig.
Hy het getuig oor of die polisie uit noodweer opgetree het toe hulle in 2012 op die stakende mynwerkers geskiet het.
Vier-en-dertig myners is in die skietery dood.
Die regsverteenwoordiger van die gesinne van die myners, Dumisa Ntsebeza het hom gepeper met vrae oor of die polisie aangeval was.
Die gesinne van die Amcu-stakers beweer die polisie het nie uit noodweer opgetree nie, alhoewel daar volgens Calitz intelligensie oor opsetlike provokasie en uittarting was.
‘n Woordvoerder van die Kommissie, Phuti Setati sê Calitz sal verder getuig, waarna Kolonel Solomon Vermaak van die SAPD geroep sal word.
Twintig getuies moet nog ondervra word, het RSG berig.
Verlede jaar, het die regsverteenwoordigers van die 200 stakers wat in hegtenis geneem is, onttrek van die verrigtinge. Hulle wou deur die Staat betaal word.
Na maande se twis het die Regshulpraad van Suid-Afrika ‘n mandaat om hulle te betaal gekry.
Ek hoop die name van die regte base (Ramaphosa? Zuma? ens) wat vir hierdie voorval verantwoordelik kom uit hierdie storie – ek droom seker maar.
Ek ken iemand wat daar gewees het – die mynwerkers het met vuurwapens en meterlange pangas en knopkieries op n kleingroepie polisie afgestorm het – dit was noodweer!