Afrikaanse nuus – Bladsy 6

Willie Spies word AfriForum se regsman

Willie Spies

Willie Spies – die Pretoriase prokureur wat onlangs sy bedanking as parlementslid aangekondig het – is as AfriForum se nuwe voltydse regsverteenwoordiger aangestel. Spies sal ook in sy persoonlike hoedanigheid as een van AfriForum se woordvoerders optree. ŉ Volledige onderhoud met Spies is vandag vanaf 13:00 beskikbaar op die internetradiostasie, Solidariteit Radio, by www.solidariteitradio.co.za.

AfriForum het Spies se prokureurspraktyk, Hurter Spies Ing., gekontrakteer om voortaan al dié burgerregte waghond se regsaksies te hanteer. Spies se kantore en personeel sal na die Solidariteit-gebou in Pretoria verskuif, waar AfriForum se hoofkantoor gevestig is.

Volgens Kallie Kriel, uitvoerende hoof van AfriForum, is Spies se aanstelling ŉ reuse aanwins vir AfriForum. Kriel het daarop gewys dat Spies as prokureur reeds groot sukses behaal het in hofsake soos onder meer dié om stemreg vir Suid-Afrikaners in die buiteland te verseker en ter behoud van Pretoria se naam. “Willie se regsvernuf, entoesiasme, werksetiek en kundigheid oor burgerregte aangeleenthede gaan AfriForum in staat stel om sy veldtogte en regsaksies op ŉ nuwe vlak te plaas,” het Kriel bygevoeg.

Kriel het herbevestig dat AfriForum sal voortgaan om buite die partypolitiek in die burgerlike samelewing vir burgerregte te stry. Volgens hom handhaaf AfriForum ŉ gesonde werksverhouding met die meeste politieke partye, sonder dat AfriForum hom aan enige party verbind. “Willie se aanstelling sal nie hierdie benadering beïnvloed nie,” het Kriel gesê.

Spies het gesê hy beskou sy nuwe rol as ŉ groot uitdaging en hy sien daarna uit om in die burgerlike samelewing ŉ bydrae te lewer. Volgens hom sal van sy eerste prioriteite wees om saam met AfriForum veldtogte en regsaksies te voer oor onder meer die voortslepende misdaadkrisis in die land, die agteruitgang in munisipale dienslewering en die bevordering van veeltaligheid en Afrikaans. “Ek verlaat my openbare rol in die partypolitiek in 'n goeie gees, maar wil my tyd en energie voortaan wy aan die noodsaaklike taak om ŉ sterk burgerlike instelling te vestig wat balans kan bring in ŉ samelewing waar veral minderheidsgemeenskappe se stem dikwels nie gehoor word nie,” het Spies bygevoeg.

Tshwane-naamverslag deur VF Plus gekeer

Conrad Beyers

Die Tshwane-metroraad se Stadsbeplanning-, nntwikkeling- en streeksdientekomitee is deur die Vryheidsfront Plus gedwing om ‘n agendapunt, waarvolgens naamborde wat slegs die naam "Tshwane" bevat by toegangsroetes in Pretoria opgerig gaan word, te wysig omdat dit strydig is met ‘n hofinterdik wat sulke naamborde verbied.

Mnr. W

люстры италия бренды

Tshwanemetroraad ignoreer Pretoria

Die Vryheidsfront Plus het gesê dat die Tshwanemetroraad en die burgemeester, Gwen Ramokgopa, hulle moedswillige en kortsigtige optrede moet staak rakende die naam van die Suid-Afrikaanse hoofstad. Dit volg nadat die ANC-beheerde metroraad ‘n internasionale advertensieveldtog geloods het waarin na Pretoria as ‘die stad Tshwane’ verwys word.

Die party het ook gesê dat die ooreenkoms met FIFA se plaaslike reëlingskomitee, waarvolgens die naam Pretoria in internasionale bemarking behou sal word, hiermee verbreek word.

Volgens dr. Conrad Beyers, VF Plus-raadslid, het die plaaslike ANC-leierskap klaarblyklik nie die visie om in belang van die land op te tree nie. Die naamkwessie in die hoofstad het ‘n landswye impak, maar die plaaslike ANC verkies telkens die pad van konfrontasie en polarisasie.

Die VF Plus het herhaal dat ‘n politieke oplossing vir die Pretoria/Tshwane naamkwessie gevind moet word ten einde minderheidsgroepe te akkommodeer.

“Die kwessie oor Pretoria se naam draal nou al vir baie jare en dit is reeds genoeg bewys dat die huidige eensydige benadering nie ‘n oplossing bied nie. Ons kort ‘n wedersyds aanvaarbare oplossing om die probleem vir eens en vir altyd op te los. Geen oplossing is moontlik sonder dat die naam Pretoria in die hoofstad se naam behou word nie,” het Beyers gesê.

Volgens die VF Plus moet die advertensie teruggetrek en reggestel word.

детские куклы

Dis Pretoria!

Dit is Pretoria en nié Tshwane nie. UKKSA het beslis dat die SAUK art. 34.1 van die uitsaaikode oortree “omdat hy geen regsgronde het om tussen Pretoria en ander stede te onderskei nie”.

Die SAUK in nuusbulletins gebruik die naam Tshwane, wat ’n munisipaliteit se naam is, saam met die name van ander stede soos Port Elizabeth en Durban. Dié stede se munisipale name is onderskeidelik die Nelson Mandela-metropool en eThekwini.

UKKSA het verlede maand ’n verhoor gehou nadat AfriForum ’n klag daaroor ingedien het.

Kallie Kriel, AfriForum se uitvoerende hoof, het gesê die uitspraak is ’n oorwinning vir die ondersteuners van Pretoria se naam én almal wat wedersydse erkenning en respek tussen gemeenskappe wil bevorder.

AfriForum het tydens die verhoor aangevoer dit is onprakties en onbillik om die naam Tshwane, wat ’n metroraad s’n is, saam met ander dorpe en stede s’n te gebruik.

Die Raad vir Suid-Afrikaanse Geografiese Name se databasis het aangetoon dat Tshwane nie as ’n pleknaam geregistreer is nie, maar Pretoria wel.

Die Tshwane-metroraad het in Maart 2005 besluit om die “City of Tshwane” as ’n geografiese pleknaam te registreer, maar die minister van kuns en kultuur het nog nie die naamsverandering na Tshwane goedgekeur nie.

UKKSA het egter bevind die uitsaaier oortree sy kode “met onwaarhede deur voor te gee Tshwane is as ’n geografiese pleknaam geregistreer”.

Die SAUK kan 'n swaar boete ontvang as hy die uitspraak ignoreer.Фильчаков прокурор

Sielkundiges gaan op Kovsies losgelaat word

Beeld berig dat die Universiteit van die Vrystaat se nuwe rektor graag sal wil sien dat ’n “klomp sielkundiges op die universiteit neerdaal” en die Reitz-voorval tot op die been oopvlek.

Prof. Jonathan Jansen het Donderdag by ’n konferensie oor apartheid by die Universiteit van die Witwatersrand in Johannesburg gepraat.

Hy het gesê die verhouding tussen die vier mans en die skoonmakers wat in die Reitzvideo "verneder" is, is eintlik “warm en respekvol”.

“Verskeie mense met wie ek oor die voorval gepraat het, het vir my gesê daardie seuns is eintlik lief vir die vroue. Hulle het wanneer hulle naweke huis toe gegaan het, vir die vroue groente van die plaas af gebring. Dit was ’n omgeeverhouding.”

Die video het ’n rasseherrie ontketen toe dit in Februarie verlede jaar uitgelek het. In die video word swart skoonmakers "ontgroen". Die video ironiseer die verskillende standaarde wat vir wit en swart geld en is kennelik vir die nuutaangestelde rektor 'n verleentheid wat hy deur beskuldigings van "diepgewortelde rassisme" gaan probeer besweer.

'n Mens moet glo die "vreemde verhouding" tussen die seuns en die vroue verstaan, volgens Jansen.

Dít is hoekom dit goed sal wees as sielkundiges die voorval kan ontleed, sê hy. “Dis nodig om te verstaan wát hierdie soort rassisme is én wat dit in stand hou.”

Jansen het aan Beeld gesê sy aanvanklike reaksie op die video was ongeloof. “Ek kon nie verstaan dat hulle dit doen aan ouer mense vir wie hulle omgee nie. Die rede is natuurlik dat die mense swart is.”

Dit is dus duidelik dat die sielkundiges 'n verpolitiseerde verklaring sal moet fabriseer vir Jansen se verleentheid en dat hulle nie die verskillende verwagtinge wat vir wit en swart geld onbevange sal kan ontleed nie.

Hy sê sy grootste uitdaging as die UV se nuwe rektor is om mense wat weens die Reitz-voorval "seergekry" het, met mekaar te versoen. “Wat lekker is van Kovsies is dat die oorgrote meerderheid mense ordentlik is, en siek en sat vir hierdie verdeeldheid.”

Die oorwegend wit personeel wat vir hulle brood en botter van die universiteit afhanklik is, gaan nog verder met die rasseknuppel bygekom word met die voorgestelde sielkundige "verslag" om in te val by Jansen se ideaal van rassegelykheid.

Jansen glo die universiteit sal binne drie tot vier jaar "op die wêreldkaart wees".

how to play cludo

Krugerstandbeeld bly

Die Vryheidsfront Plus het ‘n verslag van die Tshwanemetroraad se burgemeesterskomitee verwelkom waarin vermeld word dat ‘n beplande standbeeld van Nelson Mandela nie op Kerkplein in Pretoria opgerig sal word nie, maar eerder by die Ou Sinagoge-perseel nie ver daarvandaan nie.

Kerkplein was volgens die verslag een van tien moontlike staanplekke van die standbeeld, maar daar is na ‘n evaluasieproses besluit dat die plein nie geskik daarvoor is nie.

Volgens dr. Conrad Beyers, VF Plus-raadslid, was die VF Plus bekommerd oor die feit dat Kerkplein as ‘n moontlikheid ingesluit is, veral in die lig van vorige uitsprake deur ANC-raadslede dat Paul Kruger se standbeeld mettertyd uit Kerkplein verwyder moet word.

Die Ou Sinagoge is ‘n meer gepaste staanplek vir die standbeeld omdat die verhore van hoogveraad van 1958 tot 1963, waarin Mandela self tereggestaan het, by die Ou Sinagoge plaasgevind het.

Beide Paul Kruger en Nelson Mandela word deur onderskeie dele van die Suid-Afrikaanse bevolking as vryheidsvegters beskou en dit is daarom volgens die VF Plus gepas dat die een standbeeld nie in opposisie tot die ander een opgerig word nie.

Verbied ‘Tshwane’ vra AfriForum

AfriForum het vandag in sy getuienis voor die tribunaal van die Uitsaaiklagtekommissie van Suid-Afrika (UKKSA) gevra dat dié kommissie SABC TV moet verbied om tydens nuusbulletins die munisipale naam “Tshwane” te gebruik om na Pretoria te verwys.

Die UKKSA-tribunaal het vandag se verhoor oor SABC TV se gebruik van “Tshwane” gereël om aan beide die SABC en AfriForum se regspanne die geleentheid te bied om hulle onderskeie standpunte te stel. Dit volg nadat AfriForum vroeër vanjaar ŉ klag teen die gebruik van die naam Tshwane by die UKKSA ingedien het. Die UKKSA se beslissing hieroor word binne drie weke verwag.

AfriForum is tydens die verhoor deur prof. Marinus Wiechers en Kallie Kriel, uitvoerende hoof van AfriForum, verteenwoordig, terwyl Fakir Hassen, die SABC se bestuurder van Uitsaai Nakoming (Broadcast Compliance), die openbare uitsaaier se saak gestel het.

Kriel het na die verhoor gesê hy glo dat AfriForum ŉ sterk saak gestel het en dat hy versigtig optimisties is oor die uitspraak wat gaan volg.

Wiechers het tydens vandag se verhoor namens AfriForum aangevoer dat die gebruik van die naam Tshwane op onbillike verslaggewing en ongelyke behandeling neerkom, omdat Tshwane die enigste munisipale naam is wat deurlopend tydens nuusbulletins gebruik word, terwyl alle ander dorpe en stede in die land se plekname, en nie munisipale name nie, gebruik word.

Dit is volgens AfriForum onprakties om deurgaans munisipale name te gebruik, aangesien die meeste munisipaliteite meer as een dorp of stad beslaan. AfriForum voer aan dat alle stede en dorpe – insluitend Pretoria – se plekname om dié rede ter wille van billikheid eerder gebruik moet word.

Die UKKSA se kode bepaal in Artikel 34.1 dat uitsaaiers verplig is om nuus “billik” weer te gee. AfriForum voer aan dat die woord “billik” gelyke behandeling beteken en dat die feit dat Pretoria anders behandel word, gevolglik direk strydig met Artikel 34.1 van die UKKSA se kode is.

Kriel het daarop gewys dat die Tshwane Metroraad se ideologies-gedrewe pogings om die publiek te mislei dat die hoofstad se naam nie meer Pretoria is nie, aangehelp is deur SABC TV-nuus se foutiewe verwysing na Pretoria as Tshwane.

Volgens Kriel het AfriForum transkripsies van TV-nuusbulletins aan die UKKSA oorhandig, met talle voorbeelde van waar Pretoria as pleknaam anders as ander dorps- en stadsname behandel word.

Iran se kernplanne sal verkiesing oorleef

Selfs al verslaan die hervormer Hossein Mousavi president Mahmoud Ahmadinejad in Vrydag se verkiesing, is dit nie seker dat dit enige iets aan Iran se kernambisies gaan verander nie. Israel sal in ieder geval daarvan hou om die hoogsgeheime kernaanleg naby Isfahan uit te wis.

Dié aanleg wek kommer by kenners en daar is gerugte dat Benjamin Netanyahu en sy konserwatiewe regering reeds besluit het om Iran aan te val. Volgens die Israelse koerant Haaretz gee die premier die VSA tot die einde van die jaar om 'n onderhandelde skikking te bereik. Indien Amerika nie suksesvol is nie gaan Israel glo sonder Washington se goedkeuring optree.

Mohammed el Baradei, hoof van die IAEA, waarsku dat só 'n aanval katastrofies vir die magsbalans in die Midde-Ooste sal wees en militêre kenners meen dit is reeds onmoontlik om Iran se kernprogram uit te wis. 'n Aanval sal die Iranese eenvoudig meer vasberade maak om 'n kernbom te bou en die kernprogram is reeds só uitgebrei dat een aanval dit nie sal omkeer nie.

Westerse moondhede klou aan die skrale hoop dat Ahmadinejad Vrydag uitgestem sal word, maar die verskille tussen die vier kandidate oor die kernkwessie, is nietig.

Ironies genoeg is Iran, wat deur vele in die VSA as die grootste vyand beskou word, die mees pro-Westerse land, met die uitsondering van Israel, in die Midde-Ooste. Dié houding staan bekend as die Persiese paradoks.

Die verkiesingkwessies konsentreer hoofsaaklik op die ekonomie en 'n debat oor moraliteit, en nie op 'n moontlike kernoorlog nie. Die regse kandidaat, Mohsen Rezaei, 54, eerydse bevelvoerder van die Rewolusionêre Wag, is eerder daar om die dienende president se persoonlikheidsfoute te korrigeer, naamlik onvoorspelbaarheid en hardkoppigheid en hom op koers te hou.

Mehdi Karrubi, 71, nog 'n kandidaat en 'n godsdienstige leraar is 'n ander hervormer wat Westerse liberalisme voorstaan. Maar Mousavi, 'n vorige eerste minister, staan volgens ingeligtes die beste kans om Ahmadinejad, te vervang. Sy besuinigingsmaatreëls van 20 jaar gelede word postief deur ouer Iranese kiesers bejeën, alhoewel die toename in arrestasies en onderdrukking onder sy beheer, nie as so rooskleurig gesien word nie.

Hy is meer gesofistikeerd as Ahmadinejad en sal waarskynlik nie na 'n geheimsinnige "lig" verwys soos die president tydens sy toespraak in New York in die Algemene Vergadering-sitting van die VN in 2005 tot almal se verleentheid gedoen nie.

Die voordeel wat Mousavi het, is dat hy die polisie beheer en dus onbelemmerd geskenke kan uitdeel op sy veldtog. Sy gehoor ontvang glo tonne aartappels vir hul moeite om na hom te kom luister.

лобановский класс

SAUK se berg skuld groter as vermoed

Die berg skuld van die SAUK is groter as wat voorheen vermoed is. Supersport word reeds byna R100 miljoen geskuld sê dië wat kennis dra binne die uitsaaier.

Nie net klein onafhanklike produksiehuise kry swaar nie, maar groter spelers in die bedryf ook. Die R100 miljoen wat die SAUK aan Supersport skuld is meestal vir PSL-wedstryde asook krieketuitsendings. Die belanghebbendes wou nie uitbrei oor die aard van die ooreenkomste tussen die SAUK en betaaltelevisie nie.

Blykbaar sal die SAUK die skuld vereffen as hulle 'n hulppakket van R2 miljard van die regering ontvang. Maar die hulp gaan nie gou opdaag nie omdat regeringsamptenare eers met die SAUK wil vergader om maniere te vind om die "uitdagings aan te spreek".

свет топкарго

Pieter Mulder spreek hom teen Nzimande uit

Pieter Mulder

Dr. Pieter Mulder, leier van die Vryheidsfront Plus en huidige adjunkminister van landbou, het hom van dr. Blade Nzimande, minister van hoër onderwys en opleiding, se uitlatings oor universiteite gedistansieer. Volgens Mulder "misbruik Nizimande die polities gelaaide woord transformasie om die verdere verengelsing van Suid-Afrikaanse universiteite te bevorder en om ’n aanval op die outonomiteit van universiteite te maak."

"As transformasie beteken die verbetering van universiteite, moet aanvaar word dat hy op daardie universiteite sal konsentreer wat tans akademies en bestuursgewys onderpresteer. Tog blyk dit dat hy in sy aanval konsentreer op die histories Afrikaanse universiteite en hulle dreig met die staat se toewysing van finansiële hulp."

Mulder meen dat " rassisme in Suid-Afrika en by universiteite bestaan", maar dat daar ook na swart-teen-wit rassisme gekyk moet word. "Waar universiteite in Suid-Afrika so getransformeer is dat meer as 90% van die studente reeds swart is, is die ervaring in die praktyk dat swart-teen-wit rassisme ’n steeds groter probleem word. Tog ignoreer die minister dit en verwys hy slegs na rassisme as hoofsaaklik ’n wit-op-swart verskynsel. Dit polariseer en bring ons nie nader aan enige oplossings nie."

Volgens Mulder is sy verwysings na die universiteit van Stellenbosch en Afrikaans, wat studente uitsluit, "niks anders as ’n verskuilde poging om die laaste paar universiteite waar Afrikaans nog as akademiese taal bestaan, te verengels nie". Die regering behoort hierdie universiteite ekstra staatshulp te gee ten einde meertaligheid te bevorder en te erken dat universiteite wat slegs Engels as voertaal het, daardeur baie studente uitsluit.

“Met die Wes-Kaap se bevolking meer as 60% Afrikaanssprekend en bruin, behoort daar geen debat oor Afrikaans as onderrigtaal aan Stellenbosch te wees nie. Met twee van die drie universiteite in die Wes-Kaap reeds Engels, het mense wat hieroor druk op die universiteit plaas, ’n deursigtige verengelsings-agenda”, het dr. Mulder voortgegaan.

Sovêr as wat minister Blade Nzimande hom daarvoor beywer dat alle belowende studente met finansiële probleme makliker toegang tot universiteite kan kry, sal die VF Plus hom daarin steun.

DA verkies Milner bo Paul Kruger, meen VF+

Conrad Beyers

Die Vryheidsfront Plus het ontken dat die party van mening is dat alle Engelse plekname in Pretoria moet verander, maar het gesê dat Britse Koloniale straatname ‘n meer gepaste teiken vir moontlike verandering is as inheemse Afrikanername.

Dit volg nadat die DA se hoofsweep in die Tshwane-metroraad, dr. Derek Fleming, ‘n verklaring uitgereik het waarin die VF Plus hieroor aangeval word.

Tans is daar ‘n proses waarin die stadsraad oorweeg om 27 straatname, waaronder talle wat na Afrikanerfigure vernoem is, se name te verander.

Volgens dr. Conrad Beyers, VF Plus-raadslid, knip die DA nie ‘n oog wanneer Afrikanername vir verandering geteiken word nie, maar raak histeries wanneer hulle geliefde Britse Koloniale name ter sprake kom.

“Die DA het uit die Aksie Pretoria Straatname, waarvan AfriForum, Praag en die FAK ook deel is, gestap omdat hulle nie hul weg oopsien om vir Afrikanername te veg nie. In Kaapstad wou die DA talle Afrikaanse name verander totdat die VF Plus ‘n stokkie daarvoor gesteek het. Nou raak hulle histeries wanneer ons sê dat inheemse Afrikanername meer beskerming verdien as Britse Koloniale name”, het Beyers gesê.

Volgens Beyers sal die DA eerder wil sien dat Britse name soos bv. Milner, onder wie konsentrasiekampe tydens die Boere-oorlog opgerig is, en Victoria in die stad behou word terwyl name soos Pres. Paul Kruger en Andries Pretorius verwyder moet word.

Die VF Plus het gesê dat talle dorpe met Afrikaanse name verander het sonder dat die DA ‘n woord daaroor gerep het.

“DA-raadslede gebruik ook nie meer die naam Pretoria tydens raadsvergaderings nie – al wat oor hulle lippe kom is ‘City of Thwane ’. Dit is slegs die VF Plus wat die stryd voer om histories belangrike Afrikanername te behou.”

Vrystaatse universiteit sidder voor Jansen-oorname

Jonathan Jansen – verengelsing is op pad

Die uitgesproke aangewese rektor van die Vrystaatse universiteit, Jonathan Jansen, sal vanaf Augustus die leisels by dié universiteit oorneem. Jansen beskou homself as 'n kenner van rassetransformasie en het so pas 'n boek oor die Afrikaner se rasse- en sielkundige profiel gepubliseer.

In 'n Sondagkoerant het Jansen oor die naweek uitgevaar teen Afrikaanse taalstryders en hulle as "kinders" beskryf.

Ná die Reitzhuis-insident van 'n jaar gelede, is die Bloemfonteinkampus deur transformasioniste geoormerk vir grootskaalse veranderings.

Die studentekorps van die universiteit is reeds 65% swart en Engelstalig. So onlangs as die jaar 2000, het die Vrystaatse universiteit maar 9 000 hoofsaaklik Afrikanerstudente gehad. Die rektore Stef Coetzee en Frederick Fourie het egter besluit dat Bloemfontein moet groei deur die maksimum aantal swart Engelse studente te aanvaar.

Die besluit is deels geneem omdat die universiteit verhoogde subsidies van die staat wou ontvang om sodoende salarisverhogings aan die personeel toe te staan. Indertyd het vrese ontstaan dat Bloemfontein van sy hoogs aangeskrewe akademici na die ryker kampusse toe kon afstaan.

Die transformasie van die studentekorps het veral ná Kader Asmal se gedwonge samesmeltings, toe Bloemfontein sowel die Vista-kampus naby Bloemfontein as die tuislanduniversiteit Quaqua geëerf het, snel toegeneem. Volgens 'n ingeligte bron het die universiteit van die 9 000 studente in 2000 gegroei tot 'n huidige 27 000, 'n toename van 300% binne nege jaar.

Terwyl die studentegetalle drasties toegeneem en verswart het, het die personeelkorps egter hoofsaaklik wit en Afrikaans gebly. Tans dien slegs 5 swart lede op die senaat wat uit 180 professore bestaan. Ook die raad van die universiteit, wat tot dusver al die besluite geneem het om die universiteit te transformeer, bestaan uit 'n meerderheid blanke Afrikaners. Die raad bestaan uit 21 lede, waarvan slegs 7 op die oomblik swart is.

Dit was ook hulle wat besluit het om Jansen as rektor in te voer, terwyl die senaat prof. Van Schalkwyk as rektor aanbeveel het. Blykbaar is Jansen spesiaal genader om rektor te word en regter Faan Hancke het by ander personeellede gespog dat hy 'n "vis aan die lyn" het.

Die moontlikheid het op Bloemfontein bestaan om die Vistakampus as 'n Engelse kampus te ontwikkel, aangesien dié kampus plek vir 3 000 studente gehad het. Dit sou vergroot kon word om plek te maak vir die groeiende getal Engelse studente. Pleks daarvan is die infrastruktuur van die hoofkampus egter aangevul en die Vistakampus gesluit, wat die Bloemfonteinkampus onherroeplik op die pad van transformasie en verengelsing geplaas het.

Tans geskied 'n "uittog" van Afrikaanse studente na die Potchefstroomkampus, veral ná die Reitz-insident en die negatiewe publisiteit wat Bloemfontein ontvang het.

Ten einde swakker swart studente te akkomodeer, bied die universiteit tans oorbruggingskursusse aan. Toelatingsvereistes is ook verslap om die maksimum aantal studente te trek waarmee die maksimum bedrag aan staatsubsidie verdien kan word. Bloemfontein ontvang 75% van sy inkomste van die staat, terwyl Stellenbosch byvoorbeeld slegs 43% aan subsidies ontvang en die res uit ander, private bronne.

Slegs 23% van alle studente aan die universiteit van die Vrystaat maak binne die minimumtydperk van drie jaar klaar.

Na verwagting gaan Jansen drasties optree om die blanke Afrikanerpersoneel te verminder en met gekleurdes te vervang. Die universiteit waar D.F. Malherbe in 1918 die eerste professor van Afrikaans ter wêreld geword het, is dus binne minder as 'n dekade deur druk van die ANC, asook die onvermoë of onwilligheid of lafhartigheid van die topbestuur om dit te weerstaan, tot 'n oorwegend Engelstalige, swart kampus omvorm.

Soos op feitlik elke kampus in die land, verkeer Afrikaans en die parallelmediumtaalbeleid tans in Bloemfontein onder geweldige druk en waarskynlik gaan Jonathan Jansen sy eie vorm van die Stellenbosse T-opsie invoer, met tweetalige klasse waar Engels die Afrikaanse taal binnekort gaan verdring.

Weens die armoede van die Vrystaat en Bloemfontein, is geen privaat Afrikaanse universiteit daar moontlik nie. Slegs 'n minderheid studente sal elders in die land waar Afrikaans nog as onderrigtaal bestaan, kan gaan studeer, ook weens finansiële oorwegings.

Die kanse is dus goed dat Afrikaners in Bloemfontein binnekort hoër onderwys slegs in Engels sal ontvang as Jansen die sweep oor die rassetransformasie van personeel begin klap.

'n Afgetrede amptenaar van die universiteit het gesê dat "hy goddank bly is dat hy betyds kon aftree". Die universiteit ondervind reeds administratiewe probleme om die groot getal studente te hanteer en na verwagting gaan dit toeneem soos wat ervare Afrikanerpersoneel, ook in die administrasie, met kwota-aanstellings vervang word.

casino free bet

Switsers weier swartes

Weg met Lindt!

Die Switserse kwaadwilligheid wat deur die jongste uitlatings van St Gallen se boudirekteur ene me Beery, gedemonstreer word, moet met mening beantwoord word. Beery se valse uitlatings oor Paul Kruger is 'n openlike aanval op Afrikaners.

Daarom behoort Afrikaners sonder versuim alle Switserse produkte te boikot.

Slaan waar dit die seerste maak: Sjokelade. Hou dadelik op om die handelsmerk Lindt te koop en vra die supermarkte om die produkte te verwyder omdat die kwaliteit daarvan veel te wense oorlaat.

Daar is klaarblyklik reeds van die plakke sjokelade asook hasievorms en Kersvadervorms wat verouder is en 'n vreemde smaak ontwikkel het, maar ten duurste aan kopers aangebied word deur die ondersteuning van herhaaldelike TV-advertensies.

Ons is nie Switserland se ou sjokeladeasblik nie. Weg met Lindt!

Messe waaronder Victorinox, Felco en Rubis behoort geboikot te word.

Ook alle horlosies soos IWC, Omega, Zenith, Longines, Oris, Zeno, Jaeger, TAG en Swatch.

online casino roulette free топкарго развод