Etiket: Gauteng

Gauteng-ANC wil Zuma met e-tol troef

Die e-tolhersieningspaneel het Dinsdag in Pretoria gehoor die Gautengse regering het van plan verander nadat hulle die e-tolstelsel goedgekeur het.

“Die Gautengse regering het my nie in kennis gestel wat tot die verandering gelei het nie,” het Dipuo Peters, minister van vervoer, gesê.

Peters het egter gesê Mashatile was teenwoordig toe die Gauteng-hoofwegverbeteringsprojek (GFIP) goedgekeur is deur die regering.

Paul Mashatile, voorsitter van die ANC in die provinsie, het onlangs aan die paneel gesê alternatiewe planne is nodig om die GFIP te finansier.

Mashatile lei ‘n faksie teen die Zoeloes en Jacob Zuma in die ANC.

Die ANC in Gauteng was een van die groepe wat e-tol verwerp het tydens sy aanbieding aan die e-tolkomitee.

David Makhura, premier van Gauteng, het in Julie die paneel saamgestel om die ekonomiese en maatskaplike impak van die GFIP en e-tol te ondersoek.

Die paneel sal na verwagting teen die einde van die maand sy bevindings aan Makhura voorhou.

Die departement van vervoer het gewaarsku dat instandhoudingswerk aan ou paaie vertraag sal word, en die opgradering van paaie opgeskort sal moet word, indien die regering die e-tolstelsel in Gauteng afskaf.

Die waarnemende direkteur-generaal, Mawethu Vilana het aan die e-tolhersieningspaneel in Pretoria gesê dat dit ‘n ramp vir padgebruikers regdeur Suid-Afrika, sowel as die ekonomie sal wees.

Vilana sê al die geld wat deur die Suid-Afrikaanse Nasionale Padagentskap, Sanral ingewin word, word aan paaie bestee.

Hy het beklemtoon dat Sanral nie ‘n wins uit tolgeld maak nie.

Hy sê die beginsel dat die gebruiker betaal, word doeltreffend regdeur die wêreld gebruik.

Die Nasionale Tesourie sal intussen vandag ‘n voorlegging doen oor waarom regstreekse betaling deur padgebruikers die beste opsie vir die provinsie is.

Teenkanting teen die e-tol-projek in Gauteng het die astronomiese inkomste vir Kapsch Trafficom, die Oostenrykse vervaardiger van die stelsel, intussen geknou.

Die ongewilde stelsel in Suid-Afrika is die hoofoorsaak van die middelmatige maatskappyresultate, het die maatskappy gesê in sy onlangs jaarverslag.

Die maatskappy se aandeleprys het reeds skerp gedaal, nadat hulle in die derde kwartaal van verlede jaar R128 miljoen moes afskryf.

 

 

Dosyn swart verdagtes soek na vangwa oorval word

Inligting oor 12 swart verdagtes wat ontsnap het kan aan die naaste polisiekantoor of Crime Line SMS by 32211.12 gekommunikeer word, vra die polisie.

Die 12 verdagtes het Vrydag noord van Pretoria uit aanhouding ontsnap, kort nadat van hulle in die hof in Ga-Rankuwa op aanklag van huisroof verskyn het.

As deel van die ondersoek na die voorval en soektog na die mans, het die polisie die publiek gevra om te help met enige inligting wat sal lei tot die arrestasie van die ontsnaptes en die mense wat hulle gehelp het.

Kapt. Doniah Mothutsane van die Gauteng-polisie het vroeër gesê die polisievoertuig was met 28 verdagtes op pad terug van die hof na die New Lock-gevangenis in Pretoria.

Die vangwa is op pad voorgelê en in ‘n lokval gelei in Lucas Mangopeweg naby Medunsa en die verdagtes is ontset.

Vaal stofkleed trek oor groot dele van die land

Die nagliggies in Johannesburg was Donderdagaand in ‘n vaal stofkleed gehul.

Die Suid-Afrikaanse weerdiens sê die sandstorm wat dele van die Vrystaat getref het, het Gauteng en Noordwes en die oostelike dele van die Noord-Kaap ook getref.

Geringe skade is in Bloemfontein aangeteken toe ‘n plakkerhut en twee bome deur die storm weggewaai is. Skade is in Thaba Nchu aanmeld.

Die weerdiens sê die sandstorm word veroorsaak deur droë lug wat bo donderwolke was. Dit het tot gevolg dat reën wegbly en dat winde wat daarmee gepaard gaan al hoe sterker word.

ANC verkies brandstofheffing ipv etol

Die ANC in Gauteng kom vandag aan die beurt om sy standpunt te stel oor die omstrede etol-stelsel op die provinsie se hoofweë, het RSG berig.

Die party sal voor die hersieningspaneel verskyn wat deur die Gautengse premier, David Makhura aangestel is.

Die paneel ondersoek die sosio-ekonomiese impak van die stelsel op inwoners.

Die ANC se voorlegging volg op ‘n resolusie by die party se onlangse provinsiale konferensie, wat die implementering van die e-tolstelsel in sy huidige formaat verwerp.

Die nuwe provinsiale sekretaris, Hope Papo sê hulle verkies dat ‘n brandstofheffing die e-tolstelsel finansier.

Papo en die provinsiale voorsitter, Paul Mashatile sal na verwagting die afvaardiging na die wetgewer in Johannesburg lei.

ANC in Gauteng staan sterk teen e-tol

Die ANC se Gautengse provinsiale konferensie het vroeër in Pretoria ten einde geloop waar die e-tolstelsel onder meer bespreek is.

Afgevaardigdes het hul teenkanting teen die huidige formaat van die stelsel uitgespreek.

Volgens die afgevaardigdes is dit te duur en behoort ‘n brandstofheffing, wat geadministreer sal word deur SAID, die Inkomstediens, dit befonds.

Die ANC in Gauteng beplan om sy teenkanting teen die e-tolstelsel aan die hersieningspaneel oor die aangeleentheid, oor te dra.

Die provinsiale sekretaris, Hope Papo sê hulle wil voorleggings aan die paneel doen wat deur die Gautengse Premier, David Makhura aangestel is.

E-tol onder die loep

Die openbare konsultasie oor die e-tolstelsel sal Woensdag in Gauteng open. Die Gautengse regering het Maandag aangekondig dat die paneel vanaf 27 Augustus vir `n maand lank die stelsel met organisasies en lede van die publiek sal bespreek.

Die adviserende paneel van 15 mense sal die implikasies van en die sienings oor die befondsing van die Gauteng se snelwegverbeteringsprojek en e-tolpaaie ondersoek.

Die sosiale en ekonomiese invloed van die stelsel sal onder die loep kom, asook die omgewingsimpak. Die verspreiding van die finansiële kostes en voordele vir die gemeenskap sal ook ondersoek word.

Die paneel sal na verwagting in November aan die Gautengse premier verslag doen.

Intussen het ‘n inwoner van die Strand, naby Kaapstad, Vrydag ‘n e-tolrekening in die pos ontvang terwyl hy geen voertuig in sy naam geregsitreer het nie en 20 jaar gelede in Gauteng was.

Volgens die rekening van R34,62 is sy voertuig op 29 Junie 2014 tussen 17:44 en 17:59 binne 15 minute deur die Ilowe-, Fiscal- en Kingfisher-tolhekke.

Kobus Laing het die e-tol-inligtingsnommer, 0800 726 725, bly skakel, maar kon nie geholpe raak nie. Hy is aangeraai om die rekening te betaal.

Volgens Laing het hulle sy motor se registrasienommer en sy identiteitsnommer bekom.

“Die registrasienommer op die motor op die foto is my vrou se motor se registrasienommer. Die foto is egter te donker en ons kan nie uitmaak watter soort voertuig dit is nie,” het hy aan Die Burger gesê.

Laing het gesê hy gaan nie betaal nie.

Geen sprake van ANC-leierskapstryd nie

Die ANC in Gauteng se pogings om Cyril Ramaphosa vir leierskap van die ANC aan te wys, is voortydig, het die ANC Jeugliga op ‘n nuuskonferensie gesê.

Die ANC-voorsitter in Gauteng, Paul Mashatile, het vroeër openlik sy steun aan Ramaphosa toegesê om die ANC-leier en president van die land te word.

Dié haastige stap kom nadat die Valke toegeslaan het op vermeende bedrog van meer as ‘n miljard rand in Gauteng wat verband hou met een van Mashatile se binnekringlede, Brian Hlongwa, hoofsweep van die ANC in Gauteng. Hy is ook die mede-eienaar en uitvoerende voorsitter van Brisigo Properties (Edms) Beperk.

Gerugte doen die rondte dat die geld aangewend moes word om ‘n anti-Zoeloe-faksie in Gauteng te befonds en die kern van die ANC na Johannesburg uit Pretoria te skuif. Die DA het ook die Mashatile-faksie gesteun totdat die bedrogondersoek op die lappe gekom het.

“Ons het nog nie ‘n posisie oor die aangeleentheid nie. Dis hopeloos te vroeg, want die benoeming van leierskap – en die leierskapsverkiesing – vind eers in 2017 plaas,” het Magasela Mzobe, die Jeugliga se koördineerder, aan Beeld gesê.

Adriaan Basson, redakteur van Beeld, het vandeesweek hard probeer om die anti-Zoeloe en anti-Afrikaner-faksie ‘n hupstoot te gee met gratis bemarking van sy jongste prul oor Zuma.

Die Liga se nasionale konferensie vind van 24 tot 28 September by Gallagher-landgoed in Midrand, Gauteng plaas, waar nuwe leiers aangewys sal word.

Onverdraagsaamheid teenoor buitelanders en blankes neem toe

Vlakke van xenofobie en onverdraagsaamheid teenoor buitelanders en blankes is aan die toeneem in Gauteng, het ‘n opname wat Donderdag vrygestel is, bevind.

“Vyf-en-dertig persent van alle respondente het gesê ons moet nou alle buitelanders huis toe stuur,” sê die Gauteng City Region Observatory (GCRO) se uitvoerende direkteur Professor David Everatt.

“Xenofobie is aan die toeneem, veral in Tshwane. Tshwane het eintlik goed gedoen in terme van dienslewering.”

Everatt het die vrystelling van ‘n opname oor die kwaliteit van lewe in Gauteng gelei.

Die GCRO, ‘n vennootskap tussen die Universiteit van Johannesburg, die Universiteit van die Witwatersrand, die Gautengse regering en die SA Vereniging vir Plaaslike Regering, het ‘n studie gedoen met meer as 25 000 mense om die tevredenheidsvlakke te meet.

“Dit is die derde opname in die reeks en is waarskynlik die grootste ooit van sosiale houdings in Gauteng, met ‘n monster van 27 493 respondente, en is akkuraat tot op wyksvlak,” het hy gesê.

Die opname het bevind daar is ‘n merkbare verharding van rassehoudings, met 73 persent van swartes wat voel en selfs sterk voel dat hulle nooit blankes sal vertrou nie.

Belangrike bevindings van die opname het ingesluit hoë vlakke van tevredenheid met dienslewering, maar baie lae vlakke van tevredenheid met die regering en bestuur, wat aandui dat dienslewering alleen nie genoeg is nie, het gesê Everatt.

“Diep ontevredenheid met die plaaslike bestuur in die besonder, oor die rade, wat daarop dui dat die 2016 plaaslike verkiesings met baie oorgawe bestry gaan word,” het hy gesê.

Inwoners van Gauteng is dus tevrede met dienslewering, maar het geen geloof en vertroue in die mense wat verkies word om hulle te lei nie.

Die opname het bevind dat terwyl die ekonomie optel en dienslewering skaflik is, is sosiale struktuur onder druk.

DA te gretig dat Ebola uitbreek, sê minister

Die Minister van Gesondheid, Aaron Motsoaledi sê hy is teleurgesteld in die optrede van Jack Bloom van die DA wat bewerings oor ‘n pasiënt rakende Ebola gemaak het, sonder dat hy enige bevestiging het.

“Ons is oorval met oproepe na mnr Jack Bloom ‘n verklaring uitgereik het. Hierdie verklaring het die media in ‘n toestand,” het hy Donderdag aan verslaggewers gesê by die Edenvale-hospitaal in Johannesburg.

Bloom het geen bevestiging gehad van die vermeende geval nie, maar nogtans ‘n verklaring uitgereik. Motsoaeldi het Bloom se uitlatings oor Ebola as onverantwoordelik bestempel.

Motsoaledi het Donderdag ‘n dringende nuuskonferensie in Johannesburg gehou na gerugte die rondte gedoen het dat ‘n vrou van Guinee, wat in Suid-Afrika behandel word, Ebola het. “Ek kan nie toelaat dat die land gaan slaap met onsekerheid oor wat gebeur nie.”

Die minister het bevestig dat die vrou nie Ebola het nie, en dat geen Ebola-gevalle in Suid-Afrika aangemeld is nie.

Hy het onderneem dat Suid-Afrikaners onmiddellik ingelig sal word indien daar ‘n Ebola-geval in Suid-Afrika is.

Hy sê dit sal groter skade doen om inligting oor moontlike Ebola-gevalle weg te steek as om die publiek volledig in te lig.

Die DA se woordvoerder oor gesondheid het verklaar dat daar ‘n geval van vermoedelike Ebola is nadat ‘n pasiënt in Johannesburg van Conakry, Guinee, aangekom het op 28 Julie deur die OR Tambo Internasionale Lughawe.

Bloom het gesê die “Gautengse departement van gesondheid moet volledige inligting gee om openbare vrese te besweer, en enige mense wat in noue kontak met hierdie spesifieke pasiënt was, moet dadelik opgespoor word.”

Motsoaledi het gesê Bloom sal teleurgesteld wees om te hoor dat die swanger vrou negatief getoets het, na streng toetse.

“Ons wil nie hierdie onverantwoordelikheid hê nie. Van wat ek aflei van hom [Bloom], jeuk hy regtig vir ons om Ebola te hê. As hy glo Ebola bring roem, moet hy ‘n bietjie wag, “sê Motsoaledi.

“Hoekom is ‘n persoon opgewonde as hierdie land Ebola kry? Dit is nie in ons belang om enige Ebola-geval te verberg nie. Dit sou eintlik meer chaos veroorsaak. Hoe gouer ons dit openbaar, hoe beter.”

Hy het gesê as gevolg van Bloom se “kwaadwilligheid”, is selfs addisionele toetse op die vrou gedoen. Die resultate, wat deur die Nasionale Instituut vir Oordraagbare Siektes ontvang is, was ook negatief.

Motsoaledi het gesê Suid-Afrika is gereed. “As daar iets gaan gebeur in Suid-Afrika, glo ons dat dit in Gauteng sal begin. As daar ‘n uitbraak van Ebola in beide Charlotte Maxeke en Steve Biko hospitale is, sal 200 gesondheidswerkers gereed wees om hulle aan te raak,” het Motsoaledi gesê.

Afrikaanse kinders vaar beter in Wiskunde

Prof. Elizabeth Henning van die Sentrum vir Onderwyspraktyk aan die Universiteit van Johannesburg (UJ) het Woensdag op die Suid-Afrikaanse Onderwysnavorsingsvereniging (Saera) se konferensie in Durban gesê Afrikaanse kinders vaar beter in Wiskunde.

Sy het gepraat oor ’n navorsingstudie oor wiskunde wat die afgelope vier jaar deur die UJ onder gr. 1- tot gr. 3-leerlinge in Gauteng gedoen is, het Beeld berig.

Wiskunde word dalk beter in Afrikaans begryp as in Engels wys die jongste navorsing onder sowat 3 000 kinders in Gauteng.

‘n Toets wat in Duitsland ontwerp is, is vir die navorsing gebruik. Die toets is van Duits na Afrikaans, Engels, Zoeloe en Sotho vertaal.

Die navorsingspan het ook bevind dat die Afrikaanse kinders in sekere vrae deurgaans beter vaar as die kinders wat in ander tale getoets is. Die voorlopige gevolgtrekking is dat die Afrikaanse taalstruktuur moontlik in sekere probleemformulerings beter vaar, het sy gesê.

Valke ondersoek korrupsie van R1,6 miljard in Gauteng

Die Valke het Vrydag bevestig dat hulle ‘n regeringsamptenaar ondersoek vir korrupsie waarby R1.6 miljard betrokke is.

“Daar is geen formele klag by die oomblik nie, maar ons kan bevestig dat ‘n aansoek in die hoërhof voorberei word,” het kaptein Paul Ramaloko gesê.

Die korrupsie is na bewering tydens die amptenaar se ampstermyn gepleeg. Ramaloko het geweier om meer besonderhede, insluitend die amptenaar se naam te verskaf.

Die Spesiale Ondersoekeenheid (SOE) se woordvoerder Boy Ndala het geweier om kommentaar te lewer, en sê die saak is sub judice.

Die Mail & Guardian het Vrydag berig dat volgens hofstukke is die voormalige Gautengse LUR vir gesondheid Brian Hlongwa LUR geïmpliseer in korrupsie wat terugdateer na 2006.

Hlongwa, wat die ANC se hoofsweep in Gauteng was, het na bewering as ‘n kanaal vir omkoopgeld opgetree.

Die nasionale vervolgingsgesag (NV) het ‘n reeks aansoeke in die hooggeregshof in Johannesburg gebring om te vra vir ‘n bevel om die bates van sekere maatskappye te bevries.

Die NVG glo hierdie bates was die opbrengs van ‘n misdaad. Ter ondersteuning van die aansoek, het die Valke en SOE duisende bladsye van getuienis met betrekking tot die beweerde korrupsie voorgelê.

Dié geld is glo gebruik om die politieke ambisies van sekere ANC-figure te finansier.

Vyftig Numsa-stakers vir openbare geweld vas in Gauteng

Die polisie in Gauteng het meer as vyftig stakende werkers van die metaalwerkersvakbond Numsa in hegtenis geneem vir openbare geweld en kwaadwillige saakbeskadiging.

Volgens die polisie is 40 mense in Germiston in hegtenis geneem nadat die perseel van ‘n staalmaatskappy onder klippe gesteek is.

Een staker is ook in hegtenis geneem vir die besit van ‘n wapen.

Dertien mense is in Brakpan in hegtenis geneem nadat hulle ‘n vragmotor met klippe bestook het.

Gautengse premier takel e-tol

Die premier van Gauteng, David Makhura, sal die e-tolstelsel bespreek in sy eerste Provinsiale Rede in Thokoza, oos van Johannesburg.

Hy sal na verwagting die regering se vyfjaarplan bekendstel.

Makhura het ook gesê die omstedenheid van e-tol kan nie geïgnoreer word nie.

Die vyfjaarplan sal na verwagting infrastruktuurbelegging en die uitbreiding van breëbandtegnologie insluit om die ekonomie van Gauteng te ondersteun.

Makhura het vroeër gesê ekonomiese opheffingprojekte in swart woongebiede sal voorkeur geniet.

Die Gautengse administrasie sal die volgende 180 dae verskeie provinsiale onvoltooide projekte hersien.

Die premier van die Oos-Kaap, Phumulo Masualle, lewer ook vandag sy provinsiale rede in Bhisho.

Hy sal na verwagting aankondigings maak oor onderwys, gesondheid en ekonomiese kwessies.

Die DA in die provinsie het aangedui dat hulle swart opheffing steun.

Die UDM-leier in die wetgewer, Masiza Mhlathi sê sy party is bekommerd oor die stand van onderwys.

Bibberweer vir Kaap, Gauteng

coldDie winter se eerste sterk kouefront het Suid-Afrikaners in die Wes-Kaap Dinsdagnag getref.

Sneeu kan ook op dele van die Wes- en Oos-Kaapse berge uitsak.

Die eerste werklike winterkoue van die jaar is hier nadat baie koue toestande, wind en swaar reën wat daarmee gepaard gaan, ondervind is. Dit sal later vandag oor die oostelike gedeeltes van die land inbeweeg.

Gevaarlike seetoestande word ook langs die Kaapse Wes- en Suidkus verwag.

‘n Skerp daling in temperature in Gauteng en Noordwes word vir Donderdag voorspel.

Die kouer weer behoort Limpopo en Mpumalanga teen Vrydag te bereik.

’n Daling van tussen 8 ºC en 10 ºC word in sommige dele verwag en in die suide van Gauteng kan die maksimum temperatuur Vrydag 12 ºC wees, het die Suid-Afrikaanse Weerdiens gesê.

Die kouefront sal oornag noordooswaarts beweeg en Vrystaters tref. Dit sal daarna oor Noordwes, KwaZulu-Natal en die suide van Gauteng beweeg.

Sneeu sal na verwagting in Lesotho en op die Drakensberge uitsak.