Die ANC se Gautengse provinsiale konferensie het vroeër in Pretoria ten einde geloop waar die e-tolstelsel onder meer bespreek is.
Afgevaardigdes het hul teenkanting teen die huidige formaat van die stelsel uitgespreek.
Volgens die afgevaardigdes is dit te duur en behoort ‘n brandstofheffing, wat geadministreer sal word deur SAID, die Inkomstediens, dit befonds.
Die ANC in Gauteng beplan om sy teenkanting teen die e-tolstelsel aan die hersieningspaneel oor die aangeleentheid, oor te dra.
Die provinsiale sekretaris, Hope Papo sê hulle wil voorleggings aan die paneel doen wat deur die Gautengse Premier, David Makhura aangestel is.
Haai nooit – nou wil die ANC dit teenstaan terwyl SATANRAL julle eie maaksel dit op die mense wou afforseer. Met die brandstofheffing betaal die bussies en die vragmotors ook daarvoor – gebruiker betaal, nie net sommige gebruikers wat gerook word om weer die res te subsidieer en julle peperduur oorsese kontrak met genoegsame terugbetaling na die ANC hoofmankoffers nie.
ok, wat gaan hier aan? wie soek wat?
Erken tog net dat dit gefaal het, saag die maste af en verkoop vir skroot