Etiket: brandstigting

Twee kampusgeboue deur swart oproeriges in puin gelê

‘n Saal is by die Universiteit van Zoeloeland by Empangeni aan die KwaZulu-Natalse noordkus in ‘n brand vernietig terwyl onrus oor ‘n verhoging in klasgelde by verskeie universiteite voortgaan, het RSG berig.

Dit is nog nie duidelik wat die oorsaak van die brand was nie. Die polisie en nooddienste is ingeroep en die brand is geblus voordat dit na nog geboue kon versprei.

Die president van die studenteraad, Wandile Mathabela het Dinsdag gesê hulle sluit aan by die landwye protesoptrede teen ‘n verhoging in klasgelde.

Daar was gister ‘n beroep dat veiligheidsmaatreëls verskerp moet word nadat studente in groepe begin byeenkom het. Die universiteit was nie beskikbaar vir kommentaar nie.

Die visekanselier van die Universiteit van Fort Hare, Mvuyo Tom het intussen die voorval waar ‘n gebou op die Alice-kampus in die Oos-Kaap aan die brand gesteek is, veroordeel.

Hy sê die gebou huisves ‘n maatskappy wat opknappingswerk by die universiteit doen.

Die universiteit se bestuur het gister met die studenteraad vergader en ooreengekom dat studente sal terugkeer na klasse nadat hulle ‘n week lank weggebly het weens vrese oor veiligheid by koshuise.

Tom sê ‘n klein groepie studente het na die vergadering begin betoog en die gebou aan die brand gesteek. Hy sê die polisie en die brandweer is ingeroep om die situasie te hanteer.

Die Universiteit van Kaapstad het klasse tot Sondag opgeskort. Die universiteit sê in `n verklaring op sy webblad dat alle biblioteke en studielokale gesluit sal wees.

Studente beplan om later vandag `n protesoptog na die parlement te hou teen die verhoging in klasgeld. `n Student, Mickey Moyo sê hulle is besig om alle studente in die Wes-Kaap te mobiliseer om aan die optog deel te neem omdat hulle `n nasionale verklaring daarmee wil maak.

Volgens hom sal dieselfde as verlede jaar weer gebeur as daar nie `n duidelike aanduiding is oor wanneer klasgelde afgeskaf word nie.

Agt studente van die Nelson Mandela Metropolitaanse Universiteit in Port Elizabeth is gisteraand op borgtog van 450 rand elk vrygelaat.

Hulle is gistermiddag op aanklagte van openbare geweld in hegtenis geneem gedurende `n protesoptog van die hoofkampus na die Tweede Laan-kampus in Somerstrand.

Die polisie moes skokgranate gebruik toe die studente verkeer by die ingang van die Boardwalk Casino naby aan die Tweede Laan-kampus ontwrig het.

Na hul inhegtenisname het ander studente buite die Humewood-polisiestasie betoog en hul vrylating geëis.

Studente op die Mahikeng-kampus van die Universiteit van Noordwes is aangesê om die kampus te verlaat nadat die universiteit besluit het om dit te sluit.

Die kampus sal eers weer oor drie weke heropen. Die universiteitsbestuur het die kampus gesluit weens kommer dat gewelddadige protesoptrede oor klasgeld kan toeneem nadat studenteverteenwoordigers geweier het om met die bestuur te vergader.

Die ingang van die kampus is steeds met brandende voorwerpe versper.

‘n Woordvoerder vir die Mahikeng-kampusbestuur, Koos Degenaar sê koshuisinwoners moet ook die kampus verlaat.

Die Universiteit van Pretoria het ook klasse vir die res van die week opgeskort.

Klipgooiers val simbole van ‘witheid’ by Wits aan

Tydens gister se onluste deur swart studente aan die Universiteit van die Witwatersrand is simbole van “witheid” soos die Grootsaal met sy nieuklassieke pilare aangeval. Vir die eerste keer in die geskiedenis is die ruite van die ingang tot die Grootsaal waar geslagte Engelse studente hul graaddiplomas onder begeleiding van “Gaudeamus igitur” ontvang het, stukkend gegooi.

Die ingang van die Grootsaal by Wits nadat dit deur klipgooiende studente beskadig is.
Die ingang van die Grootsaal by Wits nadat dit deur klipgooiende studente beskadig is.

Onlustonele soos laas in die tagtigerjare gesien is toe die Skandinawiese lande, die Anglikaanse Kerk en Oos-Duitsland tienmiljoene dollar bestee het om oproer in Suid-Afrika aan te blaas, het hul gister op die kampus van dié links-liberale universiteit afgespeel. Aanvanklik het privaatveiligheidspersoneel die Grootsaal teen klipgooiers probeer beskerm en selfs van die klippe teruggegooi, waarna polisie-ondersteuning bygekom het. Van die akademiese personeel wat gewoonlik hul studente in polities korrekte ideologie soos “witheidstudies”, feminisme, marxisme, rassisme en gay studies onderrig, was nêrens te sien nie.

Een van die groot opstokers op die kampus is ‘n Indiërstudente wat ook sekretaris-generaal van die verteenwoordigende studenteraad is, Fasiha Hassan. Sy het die polisie en privaatveiligheidsbeamptes op die kampus as “misdadigers” beskryf.

Fasiha Hassan
Fasiha Hassan

“Ná wat ons van die polisie en privaatveiligheid gesien het, is dit duidelik dat hulle nie hier is om ons te beskerm nie… trouens, hulle is almal misdadigers op ons kampus,” het Fasiha Hassan aan die oproerige studente gesê.

Die polisie moes van skokgranate gebruik maak om die klipgooiende swart studente in bedwang te bring. Op ‘n stadium was ‘n groot skare op die plein reg voor die historiese “sentrale blok” met die Grootsaal gegroepeer en het die gebou met groot klippe en bakstene bestook.

Een-en-dertig studente is gister vir oproerige gedrag en saakbeskadiging in hegtenis geneem, maar is gistermiddag weer onvoorwaardelik vrygelaat.

Swart studente, wat reeds NSFAS-lenings van die staat ontvang wat hulle agterna nie terugbetaal nie, betoog vir “gratis opvoeding vir almal”. ‘n Opgeruide swart studente het op die liberale dekaan vir studentesake, Rob Sharman, tydens ‘n SAUK-TV-onderhoud begin skree en hom daarvan beskuldig dat hy twee koshuise laat afbreek om parkeerplek vir studente van die sakeskool “wat kan betaal” te bou. Die hele onderhoud is hier op die SAUK se YouTube te siene, maar hier volg die laaste 44 sekondes waartydens Sharman verneder word nadat hy minute lank sprakeloos teenoor haar tirade gelaat is.

Ironies genoeg kritiseer Rob Sharman in die voorafgaande gedeelte van die onderhoud die polisie dat hulle ‘n skokgranaat na die swart studente gewerp het, wat agterna “paniek” veroorsaak het.

Voor die klipgooiery het ‘n groot skare van ongeveer 500 swart studente van die Parktown-kampus (voormalige JCE of Johannesburg College of Education) na die hoofkampus op Braamfontein in Empireweg gestap sodat verkeer heeltemal tot stilstand gebring is.

Volgens ‘n persverklaring van die universiteit gaan Wits na afloop van gister se klipgooiery en onluste vir die res van die week gesluit wees. Tuks, wat ook gister onder geringe brandstigting en betogings deurgeloop het, gaan egter vandag normaalweg voort en studente is gevra om klasse by te woon. Toetse aan die Universiteit van Pretoria wat gister weens oproerige swart studente afgestel is, sal aanstaande week geskryf word.

Die Universiteit van Kaapstad is insgelyks vir die res van die week gesluit verklaar.

VSA vra dat SA politieke geweld in DRK keer

Die Verenigde State het Dinsdag ‘n beroep op Suid-Afrika gedoen om sy spesiale invloed in die Demokratiese Republiek van die Kongo (DRK) te gebruik om hierdie week se ontploffing van politieke geweld te keer en te sorg dat dit nie buite beheer raak nie.

Polisie het traangas gebruik talle ondersteuners van opposisiepartye in Kinshasa te verwilder in geweld wat weer opgevlam het omdat die verkiesing uitgestel is.

Die ontevredenes eis dat pres. Joseph Kabila vanjaar die tuig moet neerlê en verhinder moet word om ‘n derde termyn te dien.

Die hoofkwartiere van drie opposisiepartye in die Demokratiese Republiek van Kongo (DRK) is oornag en in die vroeë oggendure Dinsdag aan die brand gesteek.

Die brandstigting kom net ‘n dag ná dodelike botsings tussen die polisie en opponente van pres. Joseph Kabila.

Opposisiegroepe het gesê meer as 50 mense is dood Maandag in botsings in die hoofstad, Kinshasa. Die regering het gesê ten minste 17 mense is dood, maar gewaarsku dat die dodetal verder kan styg.

Ooggetuies het gesê betogers het ten minste een polisiebeampte doodgeslaan.

Vier mense is ook dood toe die hoofkwartier van drie opposisiepartye oornag en vroeg Dinsdag aan die brand gesteek is, het Agence France-Presse berig.

Ooggetuies het aan Reuters gesê die polisie het in die skare in gevuur.

Die DRK se grondwet verbied ‘n derde termyn.

Polisie monitor steeds situasie in Langa

Die polisie het die situasie in Langa op die Kaapse Vlakte deur die nag gemonitor.

Dit volg na gewelddadige betogings in die gebied waarin die poskantoor aan die brand gesteek en winkels geplunder is.

Die polisie het 40 mense op aanklagte van openbare geweld in hegtenis geneem. Inwoners eis nou dat hulle vrygelaat word.

Sowat 30 polisievoertuie en ‘n polisiehelikopter is gebruik om die betogers uiteen te jaag.

Die burgemeesterskomiteelid vir veiligheid en sekuriteit, JP Smith, sê daar was ook ‘n poging om ‘n trein aan die brand te steek.

Brandende buitebande is op die spoorlyn gelaat en een van die sinjaalkaste is uitgebrand.

Die inwoners het ook polisievoertuie en motors onder die klippe gesteek. Een oproerige is met ‘n petrolbom vasgetrek.

Nog ‘n skool in Limpopo afgebrand

Nog ‘n swart hoërskool in Limpopo is afgebrand in voortslepende etniese onrus. Die ANC wil nie toegee dat die twee taalgemeenskappe geskei moet word nie.

Tsonga-inwoners se ontevredenheid oor munisipale grense in die Vuwani-gebied wat Vendas bevoordeel, het tot onluste gelei.

Die brand het die naweek by die Humula-hoërskool buite Malamulele in Limpopo groot skade aangerig. Dit is die tweede voorval van brandstigting by dié skool vanjaar.

Drie klaskamers en ‘n administrasiekantoor van in die Mukhomi-gemeenskap is opsetlik aan die brand gesteek.

Bykans 30 skole is vroeër vanjaar tydens onluste oor munisipale afbakening by Vuwani en Malamulele aan die brand gesteek.

‘n Woordvoerder van die departement, Naledzani Rasila sê dokumente, toerusting en meubels is in die brand vernietig.

Die departement van Onderwys in Limpopo sê hulle moet nog bepaal wat die omvang van die skade is.

Rasila sê die polisie ondersoek die oorsaak van die brand.

Die minister van basiese onderwys, Angie Motshekga, het intussen die jongste aanval op ‘n skool in Malalulele veroordeel.

Sy sê die vernietiging van infrastruktuur ondermyn die vordering wat in skole gemaak word.

Motshekga het na afloop van ‘n vergadering van die Raad van Onderwysministers in Pretoria gesê vordering is gemaak om skoolinfrastruktuur regoor die land met meer as 170 van 510 geoormerkte skole wat op standaard gebring is.

UK sluit na dreigemente dat drie se tugverhoor tot oproer sal lei

Die Universiteit van Kaapstad het aangekondig dat alle lesings en toetse vandag opgeskort is.

Die universiteit sê in ‘n verklaring die besluit is geneem nadat verskeie rolspelers geraadpleeg is.

Volgens ‘n woordvoerder is die “moeilike besluit om klasse op te skort” geneem na oorleg met verskillende “belanghebbendes”. Dit blyk dat oproerige swart studente die “belanghebbendes” is.

Die swart studente betoog vir swart “solidariteit” teen die wit bestuur.

Swart studente het verlede week begin saamdrom teen ‘n tugverhoor waar drie van hul makkers aangekla is van brandstigting en openbare geweld in verband met protesoptrede vroeër vanjaar.

UK het gesê dat die Universiteit se biblioteke, insluitend sy 24/7 studie-area, sal ook gesluit wees.

Studente in die gesondheidfakulteit wat in hospitale en klinieke werk, moet steeds vandag hulle pligte nakom.

Hoewel akademiese bedrywighede opgeskort is, is die universiteit steeds oop en personeel word gevra om steeds vir werk aan te meld.

Intussen sal studente vandag hoor of daar ‘n verhoging in klasgelde vir volgende jaar sal wees. Die minister van hoër onderwys, Blade Nzimande sal na verwagting om elfuur ‘n aankondiging maak.

Studente-organisasies het weer gedreig met onluste indien daar ‘n styging is. Hulle eis dat geen verhoging ook in 2017 sal geld.

Universiteite het vroeër bekendgemaak dat ‘n verhoging van agt persent nodig is om doeltreffend te kan funksioneer.

Die raad op hoër onderwys het ‘n verhoging van ses persent aanbeveel.

UKZN sluit na brand by koshuis

Meer as 60 gestremde vrouestudente moes Dinsdagaand uit hul koshuis op die kampus van die Universiteit van Kwa Zulu-Natal verwyder word nadat ‘n brand uitgebreek het.

Die universiteit het intussen klasse vir die volgende twee weke weens die onluste opgeskort.

‘n Matras is blykbaar na agtuur in die koshuis, Charles James Hall, aan die brand gesteek.

Dit is die jongste in ‘n reeks voorvalle by die kampusse van die universiteit.

Studente het verlede week met oproer begin om te eis dat klasgeld nie verhoog word nie.

Niemand is in die voorval beseer nie.

Die president van die Howard College, Bandile Majola, sê voorvalle soos dié brandstigting is tot nadeel van die studente. Hy sê dit lei ook die aandag af van dit waarna die studente streef.

Oproepe om kalmte is gedoen nadat die universiteit se bestuur besluit het om die universiteit te sluit weens geweld op verskeie van sy kampusse.

Die bestuur het vroeër aangekondig dat hulle die Septembervakansie vervroeg en die instelling onmiddellik sluit. Die universiteit het ook alle akademiese programme weens die betogings opgeskort.

Ses voertuie is vroeër aan die brand gesteek, terwyl studente probeer het om die Senaatgebou op die universiteit se Westville-kampus aan die brand te steek.

Die polisie het 22 studente in hegtenis geneem. Die onrus hou na bewering verband met die studente se eis dat klasgelde nie volgende jaar verhoog sal word nie.

Hulle eis ook verteenwoordiging op die universiteit se bestuursraad. Klasse sal weer op 20 September hervat.

Brief: Nou verstaan ek ‘strukturele rassisme’

Dit was nog altyd vir my moeilik om vatplek te kry aan die konsep bekend as strukturele rassisme. Aanvanklik het ek gemeen dit gaan daaroor om jou vreemd en ontuis te voel. Ons almal gaan egter deur ervarings wat ons vreemd en na ‘n buitestander laat voel: Jou eerste skooldag. Jou eerste dag in die hoërskool. Die slag as jy universiteit toe gaan. By ‘n nuwe werk. Mettertyd raak die meeste blankes egter gewoond aan hulle nuwe omstandighede, en ek het nog nooit gesien dat die linkse media beserk geraak het oor die lot van nuwe blanke graadeentjies nie.

Google was eweneens nie van veel hulp nie. Selfs die Wikipedia-artikel oor dié saak is maar vaag, en erken in soveel woorde dat dit minder waarneembaar is as openlike rassisme. Ek moes my dus maar tot nuusberigte wend.

‘n Vrees vir standbeelde van dooie wit ouens is blykbaar nader aan die Ware Jakob. Die vrees vir standbeelde en skilderye wat glo ‘n toonbeeld van strukturele rassisme is, loop dikwels uit op die brand van skilderye en lesinglokale. So ook is die betaal van klasgelde of die terugbetaling van studielenings kwansuis erge voorbeelde van strukturele rassisme. Weer eens loop dit maklik uit op die brand van buitebande of geboue. Hier het ons dus ‘n leidraad in ons soektog: As ‘n trein, skool, skildery of lesinglokaal afgebrand word, is dit ‘n duidelike simptoom daarvan dat die arme, onskuldige brandstigters en geweldenaars ly onder strukturele rassisme. Prasa en Spoornet is terloops skynbaar van die ergste sondebokke wanneer dit kom by die toepassing van strukturele rassisme, te oordeel aan hoeveel treine afgebrand word, met busmaatskappye nie ver agter Prasa nie.

Nog ‘n kenmerk van strukturele rassisme is dat dit vloeibaar en vormloos is. Een ding loop maklik uit op ‘n ander, en dikwels het die griewe min met mekaar uit te waai. ‘n Voorbeeld hiervan is weer eens die Fees Must Fall-beweging. Eers het dit gegaan oor standbeelde van dooie wit mans wat die arme bloedjies agv hulle vrees en bewing ontlasting laat gooi het, toe omvorm dit in klagtes oor uitgekontrakteerde skoonmakers, wat uiteindelik uitgeloop het op klagtes oor klasgelde. Hierdie is leidraad nommer twee: Strukturele rassisme is onlogies, vormloos en bykans enige iets kan ‘n voorbeeld daarvan wees.

‘n Lig het egter vir my opgegaan nav die opstande by die Pretoria High School for Girls. Hierdie keer was dit nie dooie wit mans wat die arme bloedjies so te na gekom het nie; nee, dit was hul hare, en spesifiek hul “reg” om met koppe wat soos die spreekwoordelike ontploffing in ‘n matrasfabriek lyk, by die skool op te daag, in weerwil van die reëls soos deur die Beheerraad van die skool opgestel.

Dit tref my toe: Strukturele rassisme gaan nie oor standbeelde, laat treine of enorme boskase by skole nie. Dit lyk nie op die oog af so nie, maar die taxibestuurder wat alle verkeersreëls verontagsaam, die ontlastinggooier by die Universiteit van Kaapstad wat skilderye verbrand en die skoolmeisie in Pretoria met haar kunsmatige boskaas hou almal nou verband. Dit gaan oor reëls. Al die voorbeelde hierbo sukkel om hul koppe om dissipline te kry.

Strukturele rassisme kan dus baie eenvoudig gedefinieer word: Dit is die ongeneeslike onvermoë van sekeres om hulle by reëls en dissipline neer te lê.

– Johan Visagie

Klasse by UKZN hervat na onluste, UJ-eiendom gebrand

Klasse by al vyf kampusse van die Universiteit van KwaZulu-Natal sal na verwagting vandag hervat word nadat dit gister weer opgeskort is.

Verlede week is lesings vir twee dae onderbreek weens studente-onluste oor ‘n verhoging in universiteitsgeld en ‘n aanlyn-aansoekproses om geldelike hulp.

Die woordvoerder van die Universiteit, Lesiba Seshoka sê ‘n berig op sosiale media dat lesings eers aanstaande week hervat sal word, is onwaar.

Hy sê lesings kan nie vir so lank onderbreek word nie aangesien die akademiese tyd vir vanjaar min is.

Seshoka sê die studente is bewus daarvan. Hy sê akademiese bedrywighede en voorbereidings vir die eksamen sal vandag voortgaan.

Intussen het die Congress of South African Students (Cosas) hom gedistansieer van ‘n protes wat by die Universiteit van Johannesburg gehou is oor gratis hoër onderwys.
 
Die polisie is ontplooi om die kampus na ‘n groep hoërskoolleerlinge en ‘n paar studente buite die Doornfontein-kampus van die Universiteit betoog het en eiendom aan die brand gesteek het.
 
Die studente is blykbaar gemobiliseer deur Cosas-takke van verskeie hoërskole regoor Johannesburg.

Twee Noordwes-skole afgebrand in verkiesingsgeweld

Sewe klaskamers by Setilo Sekondêre Skool by Mareetsane naby Mahikeng in Noordwes is aan die brand gesteek deur oproeriges.

Die skool is in ligte laaie gelaat nadat verkiesingsgeweld in die gebied opgevlam het. Die Graad 11 en 12 klaskamers is in puin gelê.

Die Verkiesingskommissie het bevestig dat sy stemlokaal in Mareetsane nie gebruik kan word nie, nadat die klaskamers uitgebrand het.

Die verkiesingshoof in die provinsie, Tumelonthe Thiba sê ‘n tydelike struktuur sal opgerig word indien die perseel toeganklik is. Indien nodig sal die stemlokaal verskuif word.

Nog ‘n skool op Piet Plessis is ook aan die brand gesteek in ‘n tweede voorval van openbare geweld.

“Ek wil graag ons gemeenskappe aanmoedig om wanneer hulle verskil van die owerhede, ‘n vreedsame oplossing te soek eerder as om openbare eiendom te vernietig,” het LUR Sello Lehari gesê.

Die Noordwespolisie het gesê ‘n saak van brandstigting is geopen by die Mooifontein-polisiekantoor maar niemand is nog in verband met die voorval in hegtenis geneem nie.

Kolonel Sabata Mokgwabone gesê daar was ook ‘n poging om ‘n gemeenskapsaal af te brand, maar net stoele is verbrand.

Die minister van basiese onderwys, Angie Motshekga, het intussen haar misnoë te kenne gegee oor die brandstigting wat polities gemotiveerd is.

Motshekga sê in ‘n verklaring dat sulke gedrag nie geduld sal word nie en het ‘n beroep op die owerhede gedoen om die skuldiges spoedig aan te keer.

Vroeër in die week het ‘n skare ook klasse by die skool ontwrig en onderrig kon sedertdien nie voortgaan nie.

Motshekga het ook ‘n beroep op die gemeenskap en ouers gedoen om nie toe te laat dat politieke struwelinge met onderwys inmeng nie.

Sanco het ook hul stem by Motshekga s’n gevoeg en gesê die vernietiging van openbare eiendom is ‘n terugslag vir die gemeenskap.

Provinsiale voorsitter, Paul Sebegoe, het ‘n beroep op kalmte gedoen aan die vooraand van die verkiesing.

Verkiesingsgeweld dwing Durban tot stilstand

Vyf mense is in hegtenis geneem en verskyn binnekort in die hof op aanklagte van openbare geweld ná Maandag se wydverspreide oproerigheid in en om Durban.

Ontevrede betogers het paaie versper, sakeondernemings geplunder en minstens 30 voertuie aan die brand gesteek, het RSG berig.

Volgens die polisiewoordvoerder, Thulani Zwane is een persoon tydens ‘n skietery gewond en ‘n saak van poging tot moord word ondersoek.

Die oproeriges is ontevrede oor die ANC se kandidaatlys vir die munisipale verkiesing wat onlangs bekendgemaak is.

Intussen duur die oproer in en om Durban voort. Die polisie is by Inandaweg noord van Durban ontplooi waar ‘n groep betogers sedert vroeg vanoggend byeen is.

Die polisiewoordvoerder sê die paaie is tans oop, maar die polisie monitor die situasie.

Noordkusweg, Umgeni en Springfieldweg, asook Queen Nandi-rylaan en die Sea Cow Lake-gebied is plofbaar.

Tydens die opmars tussen Parlock na die Connaught-brug is eiendom beskadig en gevandaliseer.

Die Durbanse Kamer van Handel en Nywerheid het ‘n beroep op sake-ondernemings gedoen om risikobestuurstrategieë in te stel om die uitwerking van voortslepende oproer te verminder.

Grootskaalse verkeersontwrigting het Maandag in verskeie gebiede noord van Durban voorgekom.

Die bestuurshoof van die Kamer, Dumile Cele sê in ‘n verklaring die ontwrigtings het tot gevolg gehad dat talle werknemers, insluitend mediese personeel, nie betyds by die werk kon opdaag nie, wat pasiënte regstreeks geraak het.

Belangrike verspreidingsentrums in die gebied is ook geraak.

Die ANC in die provinsie het vroeër die protesoptrede veroordeel.

Die ANC se provinsiale sekretaris, Super Zuma, sê dit maak nie sin dat mense openbare eiendom beskadig as hulle probleme met die ANC het nie.

Hy sê daar is behoorlike platforms om probleme te lug. Zuma sê misdadigers het die proses gekaap.

Treine by Stellenbosch gebrand

Metrorail in die Wes-Kaap sê hy het begin om strenger veiligheidsmaatreëls in te stel in ‘n poging om die vandalisme op treine hok te slaan.

Treine tussen Stellenbosch en Klapmuts in die Wes-Kaap kon Donderdagmiddag weens hernude brandstigting by Muldersvlei nie loop nie.

Die Muldersvlei-stasie verbind Stellenbosch met Paarl en Wellington.

Die agentskap het samesprekings met die Kaapse Kamer van Koophandel en sake-eienaars in Kaapstad gevoer om die uitwerking van vandalisme op treindienste te bespreek.

Die skade aan infrastruktuur na ‘n uitgerekte staking het Metrorail reeds bykans R200 miljoen gekos.

Foto’s van Metrorail-treinwaens in ligte laaie is op Twitter versprei.

Die streekbestuurder, Richard Walker, sê hulle het onlangs ‘n hoëvlak gesprek oor veiligheid gevoer wat deur belangrike rolspelers bygewoon is.

Walker sê ingrypende besluite is op die vergadering geneem en pendelaars sal in die nabye toekoms voordeel trek daaruit.

Die jongste voorvalle van brandstigting kom nadat treinwaens op 9 en 15 April vanjaar ook uitgebrand is deur vandale, ‘n skade van ongeveer R70 miljoen.

Die brandstigting het by die Kaapstad-, die Esplanade- en die Kraaifontein-stasie voorgekom tydens ‘n onwettige staking van die vervoervakbond Satawu.

Skole, universiteite sien honderde miljoene in rook opgaan

Swart leerlinge wat sedert verlede Donderdag Orlando High School in Soweto in puin gelê het weens ‘n hekel teen die skoolhoof, het glo veroorsaak dat die skool sal moet sluit.

Sedert verlede Maandag, toe leerlinge begin het om boeke te brand en ‘n klaskamer ook uitgebrand is, het die swart leerlinge ook skooleiendom geplunder, insluitend meubels, skoot- en tafelrekenaars.

Volgehoue pogings tot brandstigting het Dinsdag en Woensdag gevolg en Donderdag het die swart leerlinge vensters gebreek en die administratiewe blok binnegeval.

Dit is nie duidelik of die plundery direk verband hou met die 24 skole in Vuwani wat afgebrand is in soortgelyke oproer nie.

Talle ander, ewe verkwistende en sinnelose gevalle elders is ook aangeteken.

Die LUR vir onderwys in Gauteng Panyaza Lesufi het intussen geweier om skade-assessors te stuur na die Orlando-skool, en gesê dit sou geen doel dien om te betaal vir opknapping nie.

Die petrolbomaanval op die Universiteit van Johannesburg (UJ) in die vroeë oggendure Maandagoggend het skade veroorsaak wat geraam word op R100 miljoen, die universiteit gesê.

Brandstigters het ingebreek en die ouditorium by Aucklandpark kampus UJ teen omstreeks 02:00 met ‘n petrolbom verwoes.

Hulle het ook rekenaarlaboratoriums en toerusting wat gebruik word vir loopbaanassessering verwoes, het die universiteit in ‘n verklaring gesê.

Die fasiliteite was vir gradeplegtighede en halfjaarlikse assessering gebruik. Alternatiewe reëlings sal gemaak moet word.

UJ Sanlam-ouditorium brand na petrolbomaanval

Die Sanlam-ouditorium by die Kingsway-kampus van die Universiteit van Johannesburg het afgebrand, vermoedelik na ‘n petrolbomaanval.

‘n Groot gedeelte van die hoofkampus is tans gesluit. Studente sou eksamen skryf in die gebou.

Die veiligheidspersoneel sê die voorval het moontlik in die vroeë oggendure Maandag plaasgevind en ‘n woordvoerder Herman Esterhuizen het op Twitter gesê die brand is reeds geblus.

Swartes op sosiale media het gesê dit sal lei tot verdere rassisme.

Verskeie departemente word geraak nadat die ouditorium onder ‘n petrolbom-aanval deurgeloop het.

Dit is onduidelik wie vir die voorval verantwoordelik kan wees, maar die kampus is onlangs deur verskeie voorvalle van oproer geteister.

Kolonel Perumal van Brixton-polisiestasie sê ‘n forensiese span van Pretoria is op pad na die toneel.

Studente het verlede week amok gemaak omdat vrouestudente glo deur veiligheidspersoneel geteister word, en daarna weens onvoldoende vervoer op die kampus.

Intussen is lesings by die Vaal Universiteit van Tegnologie nog steeds opgeskort nadat die hoofkampus op Vanderbijlpark suid van Johannesburg afgebrand is.

Die studente was glo kwaad omdat die sekuriteit op die kampus nie diefstal verhoed nie. Hulle eis dat die betrokke veiligheidsmaatskappy afgedank moet word.

Die bestuur het Donderdag alle studente opdrag gegee om hulle koshuise weens veiligheidsredes te ontruim.

Die universiteit se waarnemende Visekanselier, Segopane Seroka, sê die personeellede is aangesê om terug te keer sodat hulle kan werk kan voorberei.

Die studente sal later in kennis gestel word as hulle kan terugkeer kampus toe.

Seroka sê daar is heelwat kwessies wat ondersoek vereis waaronder eksamenvoorbereiding.