Die Verenigde State het Dinsdag ‘n beroep op Suid-Afrika gedoen om sy spesiale invloed in die Demokratiese Republiek van die Kongo (DRK) te gebruik om hierdie week se ontploffing van politieke geweld te keer en te sorg dat dit nie buite beheer raak nie.
Polisie het traangas gebruik talle ondersteuners van opposisiepartye in Kinshasa te verwilder in geweld wat weer opgevlam het omdat die verkiesing uitgestel is.
Die ontevredenes eis dat pres. Joseph Kabila vanjaar die tuig moet neerlê en verhinder moet word om ‘n derde termyn te dien.
Die hoofkwartiere van drie opposisiepartye in die Demokratiese Republiek van Kongo (DRK) is oornag en in die vroeë oggendure Dinsdag aan die brand gesteek.
Die brandstigting kom net ‘n dag ná dodelike botsings tussen die polisie en opponente van pres. Joseph Kabila.
Opposisiegroepe het gesê meer as 50 mense is dood Maandag in botsings in die hoofstad, Kinshasa. Die regering het gesê ten minste 17 mense is dood, maar gewaarsku dat die dodetal verder kan styg.
Ooggetuies het gesê betogers het ten minste een polisiebeampte doodgeslaan.
Vier mense is ook dood toe die hoofkwartier van drie opposisiepartye oornag en vroeg Dinsdag aan die brand gesteek is, het Agence France-Presse berig.
Ooggetuies het aan Reuters gesê die polisie het in die skare in gevuur.
Die DRK se grondwet verbied ‘n derde termyn.
Suid-Afrika kan dan nie eers sy eie barbare wat universiteite plunder in toom hou nie!
Dis die punt.
More JohannS,
dit is nou presies waaraan ek gedink het toe ek die kort rubriek lees.
Dit is ‘n absolute grap dat jy ‘n land, wat nie eers wet en orde binne sy eie grense kan hanhaaf nie, so ‘n versoek rig.
Dit wys ook watter mate van insig die VSA het betreffende die probleem binne ons landsgrense.
Afrika politiek 101: Staatsgreep – verkiesings – despoot wat langer as 3 termyne wil dien, geweld, staatstgreep …..
Herhaal ad infinitum
SA se belange in die DRC gaan net sover as die minerale plundering van die land , die SANDF blyk ‘n huursoldaat mag vir die vet katte te wees .