Valke – Bladsy 2 – praag.co.za

Valkebaas het glo Zuma-bondgenote ondersoek

Die opposisieleier, Helen Zille, het die skorsing van die hoof van die Valke, Anwar Dramat, aan hoëvlak korrupsie verbind, nadat sy geskimp het dat die Valke-ondersoek met die President verbind kan word.

Zille het die opmerking in haar weeklikse nuusbrief gemaak. Sy sê Dramat se ondersoek is glo uitgebrei na president Zuma se netwerk van bondgenote, maar het toegegee dat die kwessie “ingewikkeld” is en “verdere ondersoek verg”.

Dramat se regspan het vroeër met Robert McBride, hoof van die polisie se Onafhanklike Ondersoekdirektoraat (Opod) ontmoet, wat Dramat van enige verbintenis aan Zimbabwiese deportasies onthef het.

Ná die Grondwethofuitspraak in November, het Dramat gevra dat die Nkandla-dossier aan die Valke oorhandig word vir ‘n ondersoek. Die SAPD wou glo nie betrokke raak daarin nie.

Die ANC het intussen aangedui dat hulle met Dramat sal onderhandel en ontken dat daar ‘n heksejag teen sekere lede van die Valke gevoer word.

Dramat het ook die ondersoek na misdaadintelligensiebaas Richard Mdluli behartig. Hy en sy bondgenote is ondersoek vir die beweerde plundering ‘n misdaadintelligensiefonds om vir hulself duur eiendomme en luukse motors te koop.

Die Gautengse hoof van die Valke, generaal-majoor Shadrack Sibiya is intussen weer geskors. Sy regsverteenwoordiger, Victor Nkhwashu sê Sibiya het gistermiddag die kennisgewing van sy skorsing met volle salaris ontvang.

Sibiya en sy regsverteenwoordiger sal Dinsdag vergader. Sy regsverteenwoordiger sê hulle sal dan hul reaksie op jongste gebeure oorweeg.

‘n Kennisgewing vir Sibiya se skorsing is verlede week teruggetrek nadat hy sy beplande skorsing in die Arbeidshof beveg het.

Die storm rondom Sibiya en ander senior lede van die Valke hou verband met die beweerde ontwettige deportasie van Zimbabwiërs in 2010.

Die Valke het intussen Sibiya se skorsing bevestig maar wou geen verdere besonderhede gee nie.

Valke-hoof geskors oor onwettige deportasies

Anwar Dramat, hoof van die Valke, is geskors oor bewerings dat hy betrokke was by die onwettige deportasie van Zimbabwiërs.

Plaaslike media berig dat ‘n swartman onwettig aan die Zimbabwiese polisie oorhandig is wat daarvan verdink word dat hulle hom vermoor het.

Dramat se kantoor ontken betrokkenheid in enige oortreding.

Dramat is die hoof van Suid-Afrika se elite Valke-eenheid wat georganiseerde misdaad ondersoek.

“Ja. Hy [Mnr Dramat] is geskors hangende verdere ondersoeke na die Zimbabwiese deportasie,” het die polisie ministerie se woordvoerder Musa Zondi aan Sapa gesê.

Dramat het nie kommentaar gelewer sedert sy skorsing nie.

Die DA is onthuts oor die besluit en het die parlement genader om die minister van polisie, Nkosinathi Nhleko se besluit te hersien om Dramat te skors.

Die party beweer die minister het nie die mag om die hoof van die Valke te skors nie.

Die Helen Suzman-stigting het reeds die hooggeregshof in Pretoria genader om Dramat se skorsing ongeldig te verklaar.

Zimbabwiese opposisie-aktiviste word glo herhaaldelik aangerand en gemartel deur die polisie en die weermag.

Twee lede van die Beweging vir Demokratiese Verandering (MDC) in Zimbabwe sê hulle is aangerand is deur lede van die regerende party in Masvingo, suid van Harare.

Suid-Afrika se Sunday Times het berig dat senior amptenare in die Valke en ander polisie-eenhede onwettige deportasies met hul Zimbabwiese eweknieë ooreenkom.

‘n 26-jarige Zimbabwiër, Witness Ndeya, was “oorhandig” deur die Valke en vermoor, glo deur die Zimbabwiese polisie, het die koerant berig.

Die Arbeidshof het intussen aan die hoof van die Valke in Gauteng, Shadrack Sibiya ‘n interdik teen sy skorsing toegestaan.

Sibiya se regsverteenwoordigers het die hof Sondag genader nadat hy verlede week ‘n kennisgewing van sy skorsing ontvang het.

Die skorsing hou na bewering verband met sy vermeende betrokkenheid by die onwettige deportasie van Zimbabwiërs.

Sibiya se regsverteenwoordiger, Victor Nkhwashu sê sy kliënt sal vir werk aanmeld.

Valke ondersoek Libiese bates

Die Sunday Independent berig Amerikaanse dollars ter waarde van sowat R2 triljoen wat aan Libië behoort, word in sewe swaar bewaarde pakhuise en bunkers in geheime gebiede in Pretoria en Johannesburg gestoor. Dit sluit die etlike miljarde rande wat wettiglik in vier banke in Suid-Afrika aangehou word, uit.

Soos die onwettige imperiale oorloë deur NAVO, was dié een teen Libië doodgewoon massamoord. Verslae van menseregte-organisasies toon dat die Verenigde State van Amerika, NAVO en hul betaalde “rebelle” daartoe verbind was om die ergste moontlike oorlogsmisdade te pleeg.

Dié beleid van uitwissing het uiteindelik tot die koelbloedige moord op Moeammar Gaddafi gelei, sonder dat hy verhoor is.

Onderhoude met slagoffers en getuies in Tripoli, Zawiya, Sibrata, Khoms, Zliten, Misrata en Sirte Tawergha lewer genoegsame bewys wat dat burgerlike teikens doelbewus gebombardeer is deur NAVO, wat talle sterftes en beserings veroorsaak het.

Dit sluit skole, hospitale, die regeringsgeboue, winkels en huise in. Die rebelle, NAVO-vasalle, het sistematiese marteling, mishandeling en wraakmoorde teen Gaddafi-simpatiseerders uitgevoer, terwyl swartes letterlik afgeslag is.

Massagrafte van swart immigrante wat deur die NAVO-operasie uitgewis is, is gedokumenteer.

Die Suid-Afrikaanse koerant berig die Valke is besig om ŉ moontlike oortreding van “valutabeheerregulasies” te ondersoek. Hulle het nie kommentaar gelewer oor die massaslagting van swartes in Libië nie.

Volgens The Independent is die bates, wat honderde ton goud en 6 miljoen karaat se diamante insluit, met minstens 62 vlugte tussen Tripoli en SA in die land ingebring.

Die koerant berig verder dat die meeste van dié bates glo uit Libië geneem is toe pres. Jacob Zuma betrokke geraak het by ŉ poging van die Afrika-unie om die voormalige Libiese president, Moeammar Gaddafi, te oortuig om uit te tree ná opstande teen sy bewind in Februarie 2011.

Op die 10de April 2011 het Zuma aangekondig Gadaffi het ‘n plan om die konflik in die land tot ‘n einde te bring, aanvaar ná samesprekinge in Tripoli. Die NAVO-gesteunde rebelle het egter die plan verwerp.

Gadaffi is op 20 Oktober vermoor sonder verhoor.

“Ons is by ‘n punt waar ons nie kan kommentaar lewer op die saak nie,” het die woordvoerder, kapt. Paul Ramaloko, gesê.

Plaasaanvallers op ‘wenk’ van Valke vasgetrek

Agt swart mans is in hegtenis geneem in verband met die moord op Willie Janse van Rensburg (72) van Odendaalsrus in die Vrystaat.

Kapt. Stephen Thakeng, woordvoerder van die polisie, het gesê vier verdagtes is Dinsdag in hegtenis geneem en die ander vier is Woensdag vasgetrek.

Die arrestasies volg glo nadat die Valke ‘n “wenk” ontvang het. Die verdagtes, tussen 21 en 35 jaar oud, sal Vrydag in die Odendaalsrus-landdroshof verskyn.

Janse van Rensburg, sy skoondogter, vyf kleinkinders, en ‘n huurder is op 30 Oktober deur swart plaasaanvallers op sy plaas Nuwejaarsbosch oorval.

Alhoewel hy gewapen was, het die swart aanvallers daarin geslaag om sy vuurwapen by hom af te neem en hy is drie keer geskiet. Hy is by sy aankoms by die hospitaal dood verklaar.

Janse van Rensburg se skoondogter en een van die kleinkinders is ook ernstig aangerand.

Die plaasaanvallers het selfone, vuurwapens en kontant gebuit en toe met Janse van Rensburg se bakkie van die toneel gevlug. Die bakkie is later verlate opgespoor.

Valke-lid deel van stropersindikaat

‘n Lid van die Valke. ‘n grootwildjagter, ‘n prokureur, en vlieënier is onder die tien beskuldigdes wat Maandag in die landdroshof in Hatfield verskyn het op 318 aanklagte wat verband hou met renosterstropery.

Die tien staar ook klagtes van diefstal en geldwassery in die gesig.

Willie Oosthuizen van die Valke, Hugo en Anton Ras, Hugo se vrou Trudie, Mandla Magagula, Joseph Wilkinson (prokureur), Bonnie Steyn (vlieënier), Arno Smit, Christopher Scheepers, en Willem van Jaarsveld is nie gevra om te pleit nie.

Hugo Ras het Vrydag in die landdroshof in Pretoria-Noord verskyn op aanklag wat ook met renosterstropery verband hou toe hy deur die Valke in hegtenis geneem is.

Die ander beskuldigdes is Vrydag in Polokwane, Ficksburg in die Vrystaat, Mamelodi, Potchefstroom en Kameeldrift in hegtenis geneem.

Volgens ‘n woordvoerder van die Valke, Paul Ramaloko, was Ras vermoedelik die leier van die stropersindikaat.

Hulle is reeds vyf jaar lank in Limpopo, KwaZulu-Natal, Gauteng en Mpumalanga bedrywig.

Hulle word daarvan beskuldig dat hulle 22 renosters tussen 2008 en 2012 gestroop het en 84 renosterhorings ter waarde van R22 miljoen onwettig bekom het.

Sowat 52 horings was vermoedelik afkomstig van gestroopte renosters terwyl die res gesteel is.

Valke slaan toe op diamanthandel, rig skade aan verkeerde huis

Die Valke het 17 mense in hegtenis geneem nadat hulle op ‘n onwettige diamanthandelnetwerk in vier provinsies gelyktydig toegeslaan het.

‘n Woordvoerder sê die mense is in Kimberley, Bloemfontein, Johannesburg en Vryburg in hegtenis geneem. Sommige van die mense het reeds in die hof verskyn en is op borgtog van tussen R50.000 en R500.000 rand vrygelaat.

Ramaloko sê klopjagte is uitgevoer op die eiendomme van handelaars wat onwettige diamante koop en dit dan in die wettige mark plaas.

Agt eiendomme en drie sake ondernemings in Gauteng, die Vrystaat, Noordwes en die Noord-Kaap is deursoek.

Die Valke het op ‘n huis van ‘n diamanthandelaar in Kimberley toegeslaan waar hulle met ‘n houer en verskeie sakke uitgekom het. Die eienaar was nie tuis nie, en is glo tans in Mosambiek.

Hulle het ook kontant ter waarde van R100.000 gekonfiskeer en ‘n vuurwapen. Die Valke het daarna na sy sakepersele in die dorp beweeg.

Die Noord-Kaapse Hooggeregshof het ook ‘n bevel uitgereik vir die bevriesing van eiendom ter waarde van sowat R50 miljoen.

Die Valke hoop om nog 35 mense in verband met die netwerk in hegtenis te neem.

In Bryanston, Johannesburg, het hulle in die nag op die verkeerde huis toegeslaan.

‘n Geskokte Jennifer Peers sê die Valke het net na vyf in die oggend uit ‘n helikopter op haar woning aan toue afgeseil en groot skade veroorsaak.

Peers en haar kinders is skielik wakkergemaak deur die geluid van ‘n helikopter en ‘n deurdringende soeklig.

Haar eerste gedagte was dat die polisie ‘n voortvlugtige soek, maar ‘n aantal tuine is verpletter toe gewapende mans haar eiendom binnegedring het en die elektriese heining afgebreek het.

Peers, ‘n vooraanstaande lid van die Gemeenskapspolisiëringforum, was tuis met haar dogter (9), haar baba seun, en drie personeellede toe die polisiemanne met hulle gesigte deur musse bedek, by haar huis ingebreek het.

Die personeel het Peers beskryf as “erg getraumatiseer,” geïntimideer en een werknemer is deursoek.

Peers se dogtertjie het vreesbevange in ‘n kas weggekruip. Die beamptes het ook na bewering gedreig om Peers se drie honde te skiet as sy hulle nie opsluit nie.

“In geen stadium het hulle eintlik vir my gesê wat hulle doen nie,” het sy gesê.

Die aanval is glo deel van ‘n voortgesette ondersoek wat in die Noord-Kaap afgeskop het.

Die smokkelsindikaat is na bewering verbind met internasionale misdaad. ‘n Lasbrief vermeld glo dat voldoende bewyse bestaan om aan te dui dat die huis gebruik word vir kriminele aktiwiteit.

Peers, wat op die Sandton Sektor 2 Gemeenskapspolisiëringsforumkomitee dien, beskryf haarself as iemand wat die polisie ondersteun, maar sy is erg geskok deur die optrede.

Die elektriese heining is gebreek, sowel as vyf glas deure en vensters, en ‘n paar deurrame.

Geen sprake van ANC-leierskapstryd nie

Die ANC in Gauteng se pogings om Cyril Ramaphosa vir leierskap van die ANC aan te wys, is voortydig, het die ANC Jeugliga op ‘n nuuskonferensie gesê.

Die ANC-voorsitter in Gauteng, Paul Mashatile, het vroeër openlik sy steun aan Ramaphosa toegesê om die ANC-leier en president van die land te word.

Dié haastige stap kom nadat die Valke toegeslaan het op vermeende bedrog van meer as ‘n miljard rand in Gauteng wat verband hou met een van Mashatile se binnekringlede, Brian Hlongwa, hoofsweep van die ANC in Gauteng. Hy is ook die mede-eienaar en uitvoerende voorsitter van Brisigo Properties (Edms) Beperk.

Gerugte doen die rondte dat die geld aangewend moes word om ‘n anti-Zoeloe-faksie in Gauteng te befonds en die kern van die ANC na Johannesburg uit Pretoria te skuif. Die DA het ook die Mashatile-faksie gesteun totdat die bedrogondersoek op die lappe gekom het.

“Ons het nog nie ‘n posisie oor die aangeleentheid nie. Dis hopeloos te vroeg, want die benoeming van leierskap – en die leierskapsverkiesing – vind eers in 2017 plaas,” het Magasela Mzobe, die Jeugliga se koördineerder, aan Beeld gesê.

Adriaan Basson, redakteur van Beeld, het vandeesweek hard probeer om die anti-Zoeloe en anti-Afrikaner-faksie ‘n hupstoot te gee met gratis bemarking van sy jongste prul oor Zuma.

Die Liga se nasionale konferensie vind van 24 tot 28 September by Gallagher-landgoed in Midrand, Gauteng plaas, waar nuwe leiers aangewys sal word.

Valke ondersoek korrupsie van R1,6 miljard in Gauteng

Die Valke het Vrydag bevestig dat hulle ‘n regeringsamptenaar ondersoek vir korrupsie waarby R1.6 miljard betrokke is.

“Daar is geen formele klag by die oomblik nie, maar ons kan bevestig dat ‘n aansoek in die hoërhof voorberei word,” het kaptein Paul Ramaloko gesê.

Die korrupsie is na bewering tydens die amptenaar se ampstermyn gepleeg. Ramaloko het geweier om meer besonderhede, insluitend die amptenaar se naam te verskaf.

Die Spesiale Ondersoekeenheid (SOE) se woordvoerder Boy Ndala het geweier om kommentaar te lewer, en sê die saak is sub judice.

Die Mail & Guardian het Vrydag berig dat volgens hofstukke is die voormalige Gautengse LUR vir gesondheid Brian Hlongwa LUR geïmpliseer in korrupsie wat terugdateer na 2006.

Hlongwa, wat die ANC se hoofsweep in Gauteng was, het na bewering as ‘n kanaal vir omkoopgeld opgetree.

Die nasionale vervolgingsgesag (NV) het ‘n reeks aansoeke in die hooggeregshof in Johannesburg gebring om te vra vir ‘n bevel om die bates van sekere maatskappye te bevries.

Die NVG glo hierdie bates was die opbrengs van ‘n misdaad. Ter ondersteuning van die aansoek, het die Valke en SOE duisende bladsye van getuienis met betrekking tot die beweerde korrupsie voorgelê.

Dié geld is glo gebruik om die politieke ambisies van sekere ANC-figure te finansier.

Gouddiewe wat miljarde steel vas

‘n Multimiljard-rand internasionale gouddiefstal- en smokkelsindikaat is in Johannesburg oopgevlek.

Die diewe het plase, beeste en luukse huise en voertuie gekoop van die geld wat hulle deur hulle buit verdien het. Van die mynwerkers het maand meer as R11.000 verdien.

Maar dié lekker lewe het pas tot ‘n einde gekom.

Valke en mynsekuriteitsamptenare het 18 mynwerkers in ‘n klopjag op ‘n Gauteng-goudmyn in hegtenis geneem ná ‘n ses-maande-geheime polisie-operasie.

Die mans, wat by Sibanye Goudmyn in Carletonville werk, is glo verantwoordelik vir die diefstal van goud van meer as R2 miljard van die myn in die afgelope jaar.

Die bende het bande met sindikate wat tussen Afrika, die Midde-Ooste en Asië opereer.

Die diefstal het na bewering plaasgevind by die myn se metallurgiese aanleg, waar goudskeiding plaasvind.

‘n Polisiebron het gesê die verdagtes het spesiaal ontwerpte sakke in hul oorpakke gehad waarin die gesteelde materiaal uitgesmokkel is.

“Dit [die materiaal] staan bekend as ‘n konsentrasie,” sê die bron.

“Hulle het dit verwyder uit die myn en na ‘n geheime plek geneem vir die gedeeltelike verwerking voordat dit deur ander lede van die sindikaat geskuif is.

“Beramings toon dat gemiddeld R200 miljoen se goud elke maand gesteel word uit die myn. Dit werk uit as miljarde rande per jaar.

“Dit is ‘n hoogs georganiseerde sindikaat, met dié myn wat nie die enigste een is wat geraak word nie.”

‘n Sekuriteitskoördineerder van die Suid-Afrikaanse Kamer van Mynwese, het in 2013 gesê onwettige mynbou het die ekonomie byna R8 miljard gekos aan inkomste.

Nog ‘n polisie-bron het gesê die mynwerkers het die geld gebruik vir duur huise in die Oos-Kaap en KwaZulu-Natal.

“Hulle koop plase, groot troppe beeste, duur motors en ander luukshede, almal leef duidelik ver bokant hul inkomste.”

Die diefstal is opgemerk in November.

Woordvoerder van die Valke, kapt. Paul Ramaloko het gesê twee mynwerkers is tydens ‘n operasie naby die myn in Desember in hegtenis geneem.

Ramaloko het geweier om te sê waar en hoe die goud verkoop word.

“Die ondersoek is sensitief. [Die goud] is bestem vir die swartmark. Dit is al wat ek kan sê.”

Die verdagtes sal in die Oberholzerlanddroshof, naby Carletonville, verskyn op aanklagte van diefstal en handel in goud-draende materiaal, het Ramaloko gesê.

Valke vat twee vas wat glo onwettig steroïdes vervaardig

Die Valke het twee vermeende dwelmvervaardigers, ‘n Suid-Afrikaner en ‘n Egiptenaar, vasgevat.

Die twee is by ‘n meenthuiskompleks in die ooste van Pretoria in hegtenis geneem.

Hulle sal aanstons in die hof verskyn op aanklagte van bedrog en die oortreding van die medisynewet.

Beslag is gelê op middels met ‘n geraamde waarde van R20 miljoen. Verslankingspille, viagra, en steroïede is op die perseel gekry.

Die SAPD en die departement van gesondheid se wetstoepassing het in ‘n gesamentlike operasie op die dwelmvervaardigers toegeslaan.

Die woordvoerder van die Valke, Paul Ramaloko sê ‘n veiligheidswag het hulle oor die verdagte bedrywighede by die huis ingelig.

Volgens Ramaloko is dit die grootste laboratorium waar steroïede vervaardig word waarop die polisie nog afgekom het.

Hy sê die twee verdagtes is vermoedelik deel van ‘n groter eenheid waarvan die verskaffer elders in die land is.

NVG gaan appèl aanteken teen uitspraak oor Valke-hoof

Die Nasionale Vervolgingsgesag gaan appèl aanteken nadat die Durbanse hooggeregshof alle aanklagte teen die geskorste hoof van die Valke in KwaZulu-Natal, ter syde gestel het.

Die waarnemende nasionale direkteur van openbare vervolging het destyds gesê die eenheid word soos ‘n georganiseerdemisdaad-eenheid bedryf.

Booysen het toe aangevoer dat die NGV gelieg het oor sekere verklarings.

Genl.maj. Johan Booysen was die hoof van die ernstige en gewelddadige misdaadeenheid in Cato Manor wat intussen ontbind is. Lede van die eenheid staar ŉ reeks aanklagte in die gesig, insluitend 28 aanklagte van moord.

Booysen, en lede van sy voormalige eenheid, is daarvan beskuldig dat hulle ŉ kriminele onderneming bedryf het. Die eenheid het glo sluipmoorde teen betaling in KwaZulu-Natal gedoen wat tot die minibustaxi-oorloë gelei het.

Booysen is in Augustus 2012 beskuldig van afpersing en swendelary in die onderneming wat hy bestuur het en wat aan die aktiwiteite deelgeneem het. Hy staan ook tereg op twee aanklagte van moord, die onwettige besit van ŉ vuurwapen en ammunisie, en dwarsboming van die gereg.

Booysen se regspan het Sondag gesê die NVG beplan om appèl aan te teken teen regter Trevor Gorven se besluit.

Gorven het op 26 Februarie in sy uitspraak alle aanklagte teen Booysen laat vaar. Hy het gesê die aanklagte voldoen nie aan die minimumvereistes nie.

Gorven sê sy besluit om die aanklagte ongeldig te verklaar is nie ŉ aanduiding van Booysen se onskuld nie en kan weer aangekla word.
.
Nathi Mncube, woordvoerder vir die NVG, was nie dadelik beskikbaar vir kommentaar nie.

Indien Gorven die NVG se aansoek van die hand wys om appèl aan te teken teen sy uitspraak, kan die NVG die hoogste hof van appèl nader.

Wapentransaksie: Fluitjieblaser kan onthullend wees

Die Seritikommissie van Ondersoek na die Wapentransaksie van 1999 is ‘n week lank uitgestel, het RSG berig.

Dit volg nadat getuienisleiers gesukkel het om dokumente in besit van ‘n wapenhandelaar, Richard Young, in die hande te kry.

Young is die fluitjieblaser wat die aanklagte van korrupsie in 2009 by die Valke ingedien het. Young het vermoedelik 15.000 dokumente in sy besit wat die kommissie en van die getuies in die verleentheid kan stel.

Die kommissie het ‘n bevel uitgereik waarvolgens Young verplig word om van die belangrikste dokumente beskikbaar te stel.

Die openbare verhore word Maandag hervat.

Wit ANC-vriend vas vir bedrog

‘n Wit ANC-sakeman, vriend van EFF-leier Julius Malema en evangeliese aartappelboer Angus Buchan, is in hegtenis geneem oor beweerde bedrog van R9 miljoen.

In 2011 het Jacques Nell, 47, eertydse voorsitter van die Polokwane-sakekamer saam met Malema en ander ANC hoëlui gaan vakansie hou in Italië.

Hy was ook aan Angus Buchan se sy tydens 2011 se Mighty Men-konferensie wat gehou is om wit ontevredenheid dmv godsdiens te bestuur.

Die Valke het Nell Dinsdag in Pretoria gearresteer. Hy staan tereg op twee aanklagte van bedrog omdat hy na bewering vals dokumente verskaf het om finansiering van R9 miljoen van Absa te kry.

Nell is ook bekend as Jabulani by sy swart ANC-vriende Juju, Mathews Phosa en Cassel Mathale, voormalige premier van Limpopo.

Nell het ‘n bedryf besit wat Xerox-produkte verkoop het, maar dit is aan die einde 2012 skielik gesluit.

Review, ’n plaaslike koerant, het berig dat die Nells daarna ’n ski-vakansie in Frankryk gaan hou het terwyl sy werknemers sonder werk gesit het.

Nadat ‘n klagte in 2012 by die Valke ingedien is omdat Nell glo onregmatig tenders van R14 miljoen bekom het, het die ondersoekbeampte ook afgekom op die beweerde bedrog met die Absa-lening.

Teazers-eienaar se vermeende moordenaar voor

Paul Ramaloko, woordvoerder van die Valke, sê dat hy nie dink dat die vermeende moordenaar George Louca sal slaag as hy om borgtog in die Kempton Park-landdroshof aansoek doen nie.

Louca, die verdagte in die moord op die eienaar van die Teazers-ontkleeklubs, Lolly Jackon, sal Maandagoggend verskyn nadat hy Sondag in die land aangekom het.

Jackson is in Mei 2010 by ‘n huis in Edenglen aan die Oos-Rand vermoor.

Daar word geglo dat mafiabaas Radovan Krejcir Louca byna R4 miljoen betaal het om Jackson te laat vermoor. Louca het bande met Krejcir.

Louca het drie jaar lank teen sy uitlewering geveg, maar sy aansoek in die hooggeregshof in Ciprus het misluk.

Die minister van polisie, Nathi Mthethwa sê hy is optimisties dat die uitlewering van Louca daartoe sal lei dat ‘n ondergrondse misdaadnes oopgevlek sal word.

Louca voer aan dat hy slegs ‘n ooggetuie was, en dat hy die moord probeer aanmeld het voordat hy landuit gevlug het.

Die Valke gaan amptelike aanklagte teen hom aanhangig maak vir sy beweerde rol in die moord.

Ramaloko sê Louca word ook aangekla van die besit van vermoedelik gesteelde goedere.

Ramaloko het lof gehad vir die Departement van Justisie gehad om Louca uitgelewer te kry aan Suid-Afrika.

Louca het vroeër aan die Sunday Times gesê dat hy nie glo hy sal ‘n regverdige verhoor kry nie.