spioenasie – Bladsy 2

Spioenasie-herrie oor SA se verhouding met Israel, Iran

‘n Spioenasieherrie het losgebars nadat Al Jazeera inligting uitgelek het oor Suid-Afrika se verhouding met Israel en Iran.

In ‘n intelligensieverslag van 128 bladsye, getiteld “Operasionele Doelanalise,” wat deur Suid-Afrikaanse spioene opgestel is, is die profiele van beweerde Iranse netwerke gelys, sowel as die van tuiniers en huiswerkers by die Iranse ambassade.

Dié onthullings kom kort nadat dit rugbaar geraak het dat president Barack Obama ywerig is om ‘n ooreenkoms met Iran te bereik en die Mossad die Israelse premier daarvan beskuldig het dat hy uitsprake maak oor Iran se beweerde kernprogram wat nie deur intelligensieverslae ondersteun word nie.

Right2Know en die DA het die die “buitensporige en onaanvaarbare” geheimsinnigheid van die Suid-Afrikaanse Staatsveiligheidsagentskap (SSA) egter skerp gekritiseer.

Dié groep is skynbaar onbesorg dat buitelandse spioenasie in Suid-Afrika floreer met meer as 140 buitelandse spioene wat in die land bedrywig is.

Al Jazeera, het nogtans die Suid-Afrikaners se gebrek aan geheimhouding ver oortref deur die duisende intelligensiedokumente uit te lap.

Right2Know het dit voorts betreur dat Suid-Afrika se staatsveiligheidstrukture in die toekoms beter beheer oor die vloei van inligting sal uitoefen.

Connie September, voorsitter van die staande komitee oor intelligensie, het gesê die komitee is bekommerd oor die uitlappery van die inligting. Die komitee sal ondersoek instel en “alle betrokke persone sal verantwoordbaar gehou word”.

Mo Shaik, voormalige intelligensiehoof, het gesê dit is ’n verleentheid en owerhede moet alles in hul vermoë doen om die skuldige party vas te trek.

Die doelanalise wys veral op die militêre fokus van Iran. “Die gevorderde vlak van Suid-Afrika se tegnologie in die lugvaartnywerheid, veral in missielstelsels het toenemend ‘n fokuspunt van Iran geword, het ‘n Suid-Afrikaanse spioen vroeër gesê. “Dit word voorsien dat hierdie bedrywe geteiken sal word vir die verkrygingprosesse.”

Suid-Afrikaanse intelligensie-agente het berig dat die Iraniërs ook belangstel in die tegnologie wat gebruik word vir satellietonderskepping, aanlyntoesig en kraakbedrywighede [hacking].

Hulle het ook gesê gereedskap om enkripsiekodes te kraak en beskerming van hul eie geheime aanlyn, was deur die Iraniërs versoek.

Iranse amptenare het die bestuurders van Suid-Afrika se elektroniese onderskeppingsfasiliteit ontmoet by die Nasionale Kommunikasiesentrum in 2005. Iranse afvaardigings het ook glo verskeie ander tegniese fasiliteite, insluitend vervaardigers van onbemande tuie, elektroniese oorlogvoeringstelsels en onderskeppingstegnologie besoek.

Selfs die bloudruk van die Rooivalk-helikopter is deur ‘n buitelandse intelligensiediens gesteel en missielstelsels en intellektuele eiendom het ook in die slag gebly.

Volgens Media24 het die “Suid-Afrikaanse Intelligensiediens Israel gehelp om die omstrede missieldiefstal te probeer toesmeer”. Dit is nie bekend of die planne deur Israel aan Iran oorhandig is nie.

Tom Wheeler, navorsingsgenoot van die Suid-Afrikaanse Instituut vir Internasionale Aangeleenthede, het aan Media24 gesê die inligting wat uitgelek het, is ‘n reuse-verleentheid vir Suid-Afrika. “Dit lê die land se verhoudinge met ’n rits intelligensieagentskappe bloot.”

Suid-Afrika steun die Palestyne, maar werk ook met Israel saam.

Intelligensieagentskappe sal miskien in die toekoms twee keer dink voor hulle by Suid-Afrika betrokke raak uit vrees dat inligting wat hulle met Suid-Afrika deel, nie goed bewaak word nie, het hy gesê.

Die dokumente het intussen onder meer onthul dat daar in 2012 ‘n sameswering was om die voorsitter van die Afrika Unie-kommissie, Nkosazana Dlamini-Zuma te vermoor nadat sy die pos aanvaar het.

Suid-Afrikaanse intelligensie-amptenare is glo op 22 Oktober 2012 oor die bedreiging op Dlamini-Zuma se lewe ingelig. Die inligting is na die ambassade in Addis Abeba oorgedra waar bykomende lyfwagte aan haar hotel toegewys is.

NSA se watertoevoer dalk afgesny

‘n Wetmaker van die Amerikaanse deelstaat Utah wat bekommerd is oor die regering se spioenasie op sy burgers, bevraagteken die lewering van water aan die Nasionale Veiligheidsagentskap (NSA) se massiewe databergingsfasiliteit in Salt Lake City.

Die Republikeinse Party se Marc Roberts het gesê ernstige vrae word gevra oor geheimhouding waarin die sentrum bedryf word. Verskeie Utah-inwoners wat die wetgewende vergadering se sitting Woensdag toegespreek het, het hiermee saamgestem.

Gedurende die laaste sitting van die wetgewende vergadering het die wetgewers besluit om Roberts se mosie om die watertoevoer na die aanleg af te sny, tydelik terug te hou en dit in die tussentyd te bestudeer.

Pete Asdown, die stigter van die stad se aanlynbediener XMission, het na die NSA-sentrum as ’n klad op die staat en sy tegnologie-bedryf verwys.

Die wetmakers het gesê hulle oorweeg nie die sluiting van die aanleg van US$1,7 miljard nie, maar die voorsitter van die komitee erken die heersende kommer oor die kwessie. Hy voel ‘n ander manier om dit oor te dra, kan moontlik gevind word.

“Ons kan ’n sterk boodskap oorweeg wat deur ons verteenwoordigers aan die kongres oorgedra kan word,” het die Republikeinse senator David Hinkins, gesê.

Die NSA se grootste databergingsentrum in VSA is in Utah gebou wat vir die doeleinde verkies is weens die beskikbaarheid van oop grond en die goedkoop elektrisiteit. Altesaam 37 ander plekke was ook oorweeg.
Die sentrum is geleë by die National Guard, die regering se militêre basis suid van Salt Lake City op die dorp Bluffdale.

NSA-amptenare sê die sentrum is die sleutel tot die beskerming van nasionale veiligheidsnetwerke en dit stel Amerikaanse owerhede in staat om teen kuberbedreigings te waak. Die agentskap het geen verdere besonderhede verskaf nie.

Die sentrum lok baie bespreking en kommer ná die onthullings van verlede jaar dat die NSA die telefoonrekords en digitale kommunikasie van miljoene mense gemonitor het waar dit deur die grootste internetdiensverskaffers geberg word.

Kuber-veiligheidskundiges het gesê die onopvallende Utah-aanleg is ’n reusebergingsplek vir oproepe, e-posse en aanlynrekords wat in die geheim ingesamel is

Duitsland, VSA byeen oor jongste VSA spioenasie-aanslag

Duitsland en die VSA se verteenwoordigers vergader om spioenasie deur ‘n Duitse dubbelagent te bespreek.

Die kwessie maak oplsae in Duitsland. Die BND-agent het dokumente rakende die ondersoek na NSA-meeluistering aan Amerikaanse spioene verkoop.

Die Duitse agent het toegang tot die Bundestag gehad waar hy die dokumente gesteel het deur hulle op ‘n geheuestokkie oor te kopieer.

‘n Woordvoerder van die Wit Huis, Josh Earnest, het Woensdag bekend gemaak dat die doel van die gesprek is om geskil tussen die twee lande op te los.

Die dubbelagent is in Duitsland in hegtenis geneem. Dis die jongste spioenasie-voorval tussen die twee lande.

Verlede jaar het Edward Snowden inligting bekend gemaak dat Amerika onder meer internet-data van vriende soos Duitsland insamel.

Duitsers is boos oor die inbreuk op hulle privaatheid wat hulle glo gebruik word om Duitse nywerhede se voorsprong te vernietig.

Dit het ook geblyk dat die Duitse kansellier Angela Merkel se foongesprekke afgeluister word.

Duitsland het intussen aangekondig dat hulle wetgewing sal aanpas wat hulle in staat sal stel om Amerikaanse spioenasie die hoof te bied.

Snowden se jongste onthullings toon die Angelsaksiese swart projek

Die onlangse onthullings van Edward Snowden dat die NSA op die hele wêreld spioeneer met die uitsondering van die vier groot Engelssprekende lande, kom as ‘n groot ontnugtering vir die meeste mense.

Elk van hierdie vier lande is doelbewus vrygestel van die mees intensiewe toesig wat ooit aan die gemeenskap van volke opgelê is.

Daarom is ‘n mens verplig om te vra: Hoekom ontvang die vier Engelssprekende lande nie sulke spesiale behandeling van die supermoondheid nie?

Die 193 ander lande wat die slagoffers van NSA-spioenasie is kan net begin wonder oor wat Engelssprekende volke vir die hele planeet in gedagte het.

Dit lyk op die oog af na ‘n globale sameswering onder die vaandel van die Britse Ryk.

Sedert die ineenstorting van die Britse Ryk, is Angelsaksiese mag eenvoudig omskep in ‘n multi-faset- globale bestuurskema vanuit die Stad van Londen, die finansiële hoofstad van die wêreld.

Die militêre regime, wat netjies is in plek gestel is sedert die begin van die 20ste eeu, word kennelik geadministreer uit Washington, DC.

Die VSA is dus die militêre arm van die Nuwe Wêreldorde wat uit Londen beheer word.

Dit weerspieël onteenseglik dat Edward Snowden baie meer as eenvoudige data-bedrywighede openbaar gemaak het.

In werklikheid het die aard van sy onthullings selfs die gewone man of vrou ‘n kykie gegee in hoe die planeet doelbewus deur die Engelssprekende globale meesters beheer word.

Die Washington Post het Maandag amptelike dokumente wat deur Snowden vrygestel is, gepubliseer wat nuwe bewyse oor die omvang van die NSA se toesig boekstaaf.

Die Internasionale Monetêre Fonds, die Europese Unie en die Internasionale Atoomenergie-agentskap word deur die Angelsaksers dopgehou.

“Feitlik geen buitelandse regering is buite perke vir die National Security Agency nie, wat gemagtig is om inligting te onderskep van elke individu,” skryf die joernaliste Ellen Nakashima en Barton Gellman vir die Post.

Die verslaggewers skryf dat die NSA se vermoë om die kommunikasie van buitelandse persone en partye te teiken is “baie meer uitgebreid” as wat voorheen bekend was.

Volgens die Post kan die NSA se rekenaars outomaties oproepe van Brittanje, Kanada, Australië en Nieu-Seeland, filter wat andersins met behulp van FISA afgelaai sou word.

Nakashima en Gellman erken dat die lys slegs 28 Engelssprekende soewereine gebiede bevat.

Wat die res van die aardbol betref, is geen volk soewerein wat die Angelsaksers betref nie.

Die gemeenskap van volke staan dus duidelik onder ‘n verpligting om hierdie growwe skending te ondersoek en die VSA se wydverspreide, deurlopende en gevaarlike oortreding van die internasionale reg uit te daag.

Om dit nie te doen nie sal die hele wêreld in ‘n baie haglike situasie laat waar die vervalle en dekadente multikulti oftewel swart ideologie van die VSA die oorhand sal kry.

Hoe langer die gruwelike swart seekat toegelaat word om sy tentakels oral in te wurm, hoe moeiliker sal dit wees om die globale gemeenskap te bevry van die bleek bestaan waarin Miley Cyrus, Jay-Z, vetsug, gemorskos, ongebreidelde seks en konsumpsie al is wat toegelaat word.

Snowden vrees vir sy lewe na openbare doodsdreigemente

Edward Snowden se Russiese regsverteenwoordiger het Dinsdag gesê die voortvlugtige Amerikaner vrees vir sy lewe.

Openbare doodsdreigemente is onlangs deur ongeïdentifiseerde Pentagon-beamptes gemaak.

Volgens die asielsoeker se regsverteenwoordiger Anatoly Kucherena word Snowden deurentyd deur veiligheidswagte vergesel en oorweeg hy maatreëls om sy veiligheid op te skerp.

“Daar is werklike dreigemente op sy lewe daar buite wat beslis bestaan,” het Kucherena aan Rusland se Vesti 24-nuuskanaal gesê.

“Hierdie dreigemente spel fisieke wraak op Edward Snowden uit,” het hy verklaar.

Die voormalige werknemer van die Nasionale Sekuriteitsagentskap word deur Amerikaanse owerhede gesoek op aanklag van verraad.

Die 30-jarige Snowden het inligting oor omvattende intelligensie-insameling van die Amerikaanse regering – wat miljoene telefoonoproepe en e-posse wêreldwyd sonder toestemming monitor – gelek.

Die Amerikaanse spioenasieveldtog behels onder meer ook die van verskeie staatshoofde wat die VSA goedgesind is.

Een van die Amerikaanse teikens, die Duitse kanselier Angela Merkel, het die meeluistering met dié van die gehate, eertydse kommunistiese Oos-Duitse Stasi vergelyk.

Kucherena het glo verwys na ’n artikel op die webwerf Buzzfeed, getiteld “American Spies Want Edward Snowden Dead”.

In die artikel het ‘n Pentagon-beampte sonder meer verklaar: “Ek sal baie daarvan hou om ’n koeël in sy [Snowden se] kop te jaag.”

“In ’n wêreld waar ek nie daarvan weerhou word om ’n Amerikaner dood te maak nie, sou ek self gaan en hom doodmaak,” het ’n NSA-analis ook gesê.

Volgens een se grafiese beskrywing sou dit goed wees indien Snowden onverhoeds in die openbaar ‘n stadigwerkende gifstof toegedien word en dan mettertyd by sy tuiskoms besef dat hy stadig en pynlik gaan sterf.

Tydelike asiel is in Augustus in Rusland aan Snowden toegestaan, nadat hy eers in Hong Kong aangeland het.

Kucherena het voorheen gesê Snowden werk van die huis af as ’n IT-adviseur vir ’n groot Russiese webwerf.

DRK: Noorweegse gevangene aangekla van moord op selmaat

‘n Noorweër wat sedert 2009 in die tronk in die Demokratiese Republiek van die Kongo aangehou word, is aangekla van die moord op sy selmaat en landgenoot ten spyte van ‘n gesamentlike ondersoek wat geen bewyse van vuilspel kon oplewer nie, het Noorweegse amptenare Dinsdag gesê.

Tjostolv Moland is in Augustus dood aangetref in die tronksel wat hy met sy voormalige sakevennoot, Joshua French gedeel het.

Die twee mans is vier jaar gelede skuldig bevind aan moord en spioenasie en tronk toe gestuur ná hul bestuurder in die oerwoud dood aangetref is.

Die twee, albei voormalige dienspligtiges, het gesê hulle wou ‘n plaaslike veiligheidsonderneming oprig, en het die aantygings ontken.

“Ons verstaan nie die beskuldigings nie, gegewe dat die Noorweegse polisie ‘n gesamentlike nadoodse ondersoek na Moland se dood gelei het,” het die Noorweegse ministerie van buitelandse sake se woordvoerder gesê.

“Kongolese en die Noorweegse polisie het tot ‘n gesamentlike gevolgtrekking gekom dat daar was geen aanduiding van vuilspel of kriminele aktiwiteit was nie.”

Hanne Dokolo, Noorweë se ere-konsul-generaal in die Kongo, het bevestig dat French, wat ook ‘n Britse paspoort hou, aangekla word van Moland se moord.

Kongo se regering het voorheen gesê dat Moland se dood selfmoord was .

Moland se prokureur het gesê hy was siek en is behandel vir malaria en psigose voor sy dood.

Brasilië en Duitsland snoer kragte saam teen Amerikaanse spioenasie

Brasilië en Duitsland het Donderdag kragte saamgesnoer om ‘n VN-Resolusie wat die reg van privaatheid op die Internet beskerm, deur te voer.

Dié twee lande het die voortou geneem in die eerste groot internasionale poging om die Amerikaanse National Security Agency se indringers in toom te hou, volgens diplomatieke bronne.

Die poging volg op ‘n Duitse eis dat die VSA dadelik hul spioenasie op kanselier Angela Merkel en dosyne ander wêreldleiers staak. Dit kom ook oor ‘n maand nadat Brasilië se Dilma Rousseff NSA-spioenasie teen haar land as ‘n “skending van internasionale reg” in die Algemene Vergadering aan die kaak gestel het.

Sy het voorgestel dat die VN wetlike riglyne vestig om te verhoed dat “die kuberruimte gebruik word as ‘n oorlogswapen”.

Brasiliaanse en Duitse diplomate het in New York ontmoet met ‘n klein groepie van Latyns-Amerika en Europese regerings om ‘n konsepresolusie wat vra vir die uitbreiding van die privaatheid soos vervat in die Internasionale Verdrag van Burgerlike en Politieke Regte op die aanlyn-wêreld te oorweeg.

Die konsep verwys nie na ‘n vlaag van onthullings oor Amerikaanse spioenasie wat ‘n politieke opskudding oor die hele wêreld, veral in Brasilië en Duitsland, veroorsaak het nie, maar dit was duidelik dat die politieke momentum teen die VSA poog om die Verenigde Nasies ook te aktiveer.

“Dit is ‘n voorbeeld van die heel ergste aspekte van die Snowden onthullings”, het ‘n voormalige verdedigingsamptenaar met lang ervaring in NAVO gesê.

“Dit sal baie moeilik wees vir die VSA om hulleself hieruit te grawe.” Die koste aan geloofwaardigheid en vertroue is enorm vir Amerika wat graag geweld op ‘n morele platform voer.

Hoewel die VN se vermoë om die NSA in enige iets te dwing nul is, is die toenemende internasionale oproer oor Amerikaanse spioenasie ‘n groot kopseer omdat Europese bondgenote dalk nie meer intelligensie sal wil deel nie, sê ‘n militêre strateeg met beleidservaring van Europese aangeleenthede.

Bronne beweer Duitsland werk met ‘n plan. Die Internasionale Verdrag oor Burgerlike en Politieke Regte is in 1966 oonderteken en in werking gestel in 1976, dekades voor die internet maar ‘n bepaling in Artikel 17, sê: “Niemand sal onderworpe wees aan arbitrêre of onregmatige inmenging van sy privaatheid, familie, woning of korrespondensie nie, of aan onwettige aanvalle op sy eer en reputasie nie.“ Dit sê ook dat “elkeen het die reg tot beskerming onder die wet teen sulke inmenging of aanvalle.“

Die Guardian in Brittanje het nalv ‘n geklassifiseerde dokument wat Edward Snowden gelek het, berig dat telefoonoproepe van 35 wêreldleiers gemonitor word deur die VSA se National Security Agency (NSA).

Die name van die 35 leiers is nie in die dokument bekendgemaak nie.

Die Guardian-berig volg ‘n dag ná bewerings dat die NSA die selfoon van Angela Merkel, Duitse bondskanselier, glo jare lank reeds afluister.

Thomas de Maizière, minister van verdediging, het gesê die verhouding tussen die twee lande is onafwendbaar verander.

VSA ontken Merkel word afgeluister

Die Duitse regering het inligting bekom dat die kanselier, Angela Merkel, se selfoon deur Amerikaanse spioenasie-agentskappe gemonitor kan word.

Merkel het volgens haar woordvoerder met die Amerikaanse president, Barack Obama, in verbinding getree om die bewerings te toets.

Sy het in ‘n sterk bewoorde verklaring gesê dat dié optrede totaal onaanvaarbaar is en indien die bewerings waar is, sal betrekkinge tussen die twee lande ernstige skade ly.

‘n Woordvoerder van die Wit Huis, Jay Carney, het gesê Obama het Merkel die versekering gegee dat haar kommunikasie nie gemonitor word nie en dat dit nie gemonitor sal word nie. – Sapa

Snowden ontken dat hy geheime aan Rusland, China gelek het

Die voortvlugtige Amerikaanse spioen Edward Snowden het ontken dat hy geheime dokumente aan Rusland of China gegee het.

Die voormalige spioenagentskap-kontrakteur het al die geklassifiseerde dokumente wat in sy besit was, aan joernaliste gegee wat hy in Hongkong ontmoet het. Hy het daarna na Moskou gevlieg, het Snowden aan die New York Times gesê.

Rusland het in Augustus tydelike asiel aan Snowden toegestaan. Hy het nie die dokumente na Rusland geneem nie, “want dit sou nie in openbare belang wees nie”.

Snowden beweer ook hy het die dokumente van die Chinese intelligensiedienste weerhou omdat hy geweet het waartoe hulle in staat is.

“Daar is geen kans dat die Russe of Chinese enige dokumente ontvang het nie.”

Amerikaanse owerhede het hul kommer uitgespreek dat Snowden dalk geheime dokumente aan buitelandse intelligensiedienste oorhandig het. – Sapa/AFP

Bradley Manning kry 35 jaar

Bradley Manning, die Amerikaanse soldaat wat beskuldig word van die grootste lekkasie van geklassifiseerde inligting in die geskiedenis van die VSA, is Woensdag tot 35 jaar tronkstraf gevonnis.

Die 25-jarige Bradley Manning is in ’n krygshof daarvan aangekla dat hy meer as 700 000 dokumente aan WikiLeaks verskaf het.

Kol. Denise Lind het Manning verlede maand skuldig bevind op 20 aanklagte, insluitend spioenasie en diefstal.

Hy sal ook oneerbaar uit die Amerikaanse weermag ontslaan word en sal ’n gedeelte van sy salaris verbeur, het Lind gesê.

Manning het in 2010 as ’n intelligensie-ontleder by ’n Amerikaanse weermagbasis in Bagdad, Irak, gewerk. – AP

VSA kan alles en almal aanlyn sien!

“Big Brother“ Amerika sien aanlyn, sonder toestemming, feitlik alles van almal. Met die program X-Keyscore bly daar weinig wat daar op die internet gebeur wat vir die Amerikaanse geheime diens verborge bly.

Dit blyk uit nuwe inligting wat die voormalige medewerker van die Amerikaanse geheime diens NSA, Edward Snowden, aan die Britse koerant The Guardian gelek het.

X-Keyscore is ‘n soort ‘Google‘ maar dan vir speurders van die Amerikaanse intelligensie. Met die program kan databases, e-pos, klets en die soekenjin–geskiedenis van feitlik elke individu op hierdie aarde deursoek word.

NSA het geen amptelike toestemming van owerhede nodig om die program te gebruik nie.

In opleidingsmateriaal noem die NSA die program ‘die mees omvattende soekstelsel ter wêreld‘.

In ‘n video–onderhoud sê die nog steeds voortvlugtige Snowden dat hy as NSA–medewerker ‘feitlik op almal aanlyn kon spioeneer‘.

“Vanaf my lessenaar kon ek almal afluister, van jou tot jy rekenmeesters, van ‘n aanklaer tot selfs die president, met slegs ‘n persoonlike e-posadres tot my beskikking,” sê Snowden.

Die onthulling kom tesame met nog ‘n fluitjieblaser, Bradley Manning, se verhoor wat tans voor ‘n krygsraad in Maryland uitspraak oor sy vonnis afwag.

Manning het duisende lêers aan die anti-geheimhoudingsorganisatie Wikileaks gelek. Manning gaan moontlik baie jare agter tralies deurbring.

Snowden hoop sy straf te ontduik en het in Rusland asiel aangevra. – Elsevier

Bradley Manning skuldig bevind aan spioenasie

‘n Amerikaanse militêre regter kolonel Denise Lind het Dinsdag bevind dat Bradley Manning nie skuldig is aan samewerking met die vyand nie – die mees ernstige aanklag wat hom in die gesig gestaar het vir die lek van dokumente aan WikiLeaks.

Maar sy het hom skuldig bevind aan die meeste van die ander 20 kriminele aanklagte in die grootste oortreding van geklassifiseerde inligtingswette in die Amerikaanse geskiedenis.

Die Amerikaanse regering het vir die maksimum straf gevra wat hulle beskou as ‘n ernstige oortreding van nasionale veiligheid. Manning se inligting het slagveldverslae van Irak en Afghanistan ingesluit.

Anti-geheimhoudingsaktiviste het Manning se optrede geprys as ‘n lig op donker Amerikaanse bedrywighede in die buiteland.

Aanklaers het tydens die krygsraad aangevoer dat Amerikaanse veiligheid deurWikiLeaks se anti-geheimhoudingswebwerf in die gedrang gekom het, met inligting oor ‘n aanval deur ‘n Amerikaanse Apache-helikopter en die gevangenes in Guantanamo.

Die lêers is deur Manning gesteel toe hy ‘n junior intelligensie-ontleder in Irak in 2009 en 2010 was. – Reuters

Rio Tinto het glo staatsgeheime gesteel

Vier werknemers van Rio Tinto wat deur die Chinese veiligheidsministerie aangehou word, word daarvan beskuldig dat hulle staatsgeheime gesteel het wat verband hou met prysdata.

Die vier het glo amptenare by Chinese staalgroepe omgekoop tydens Rio Tinto se jaarlikse ystererts-onderhandelings met die Chinese staalsektor.

“Bevoegde owerhede kan bewys hulle het staatsgeheime gesteel en China se ekonomiese belange en sekuriteit groot skade berokken,” het Qin Gang, ’n woordvoerder van die Chinese departement van buitelandse sake, aan Reuters gesê.

Rio Tinto se Australiese erts is vir China ’n belangrike bron van staal, maar volgens Qin sal dit nie handelsbetrekkinge met Australië belemmer nie. China is Australië se grootste handelsvennoot.

Stern Hu, Australiese hoof van Rio Tinto in Shanghai, is Sondag saam met drie Chinese kollegas in hegtenis geneem en Australiese diplomate is aanvanklik toegang tot Hu geweier.

Die insident volg nadat Australiese politici en vakbonde hulle verlustig het in anti-Chinese uitsprake oor ’n vroeëre poging deur die Chinese staalgroep Chinalco om ’n aansienlike belang in Rio Tinto te bekom.

thunderstruck words

Geen anonieme selfoonoproepe meer nie

Van Woensdag sal enige een wat 'n voorafbetaalde SIM-kaart in Suid-Afrika wil koop, 'n wettige straatadres en identiteitsdokument moet vertoon, volgens 'n nuwe wet.

Die wet wat ook afluistering en e-posonderskepping omskryf, sal hierdie week van krag wees

Die wet sal vereis dat huidige voorafbetaalde SIM-kaarteienaars hulle besonderhede aan hulle diensverskaffers gee. Indien hulle weier sal die selnommer getermineer word.

Tlali Tlali, woordvoerder van die departement van Justisie, het gesê die departement sal more 'n mediakonferensie hou om die Wet ivm die Regulering van Onderskepping van Kommunikasie en Verskaffing van Kommunikasieverwante Inligting Amendement te verduidelik.

Dit sal fokus op 'n meer uitgebreide en akkurate databasis van inligting van mense wat Suid-Afrika se telekommunikasienetwerk gebruik, het hy gesê.

Hy het bygevoeg dat dit nie oor die inbreuk op privaatheid handel nie, maar om die huidige wetsinstrumente teen misdaad op te skerp.

Die nuwe wet sal selfoonoperateurs asook die internet en e-posdienste verplig om sms'se, e-posse en stemoproepe in 'n argief te bewaar sodat owerhede toegang daartoe kan hê.

Slegs 'n regter sal voortaan aan veiligheidsagentskappe toestemming kan verleen om toegang tot sulke argiewe te verkry.

casino free slot