Etiket: onrus

‘Reform PUK’ dreig om universiteitsrugby op Potch ook Maandag te ontwrig

Terwyl die geweld en onrus ná die ontwrigting van ‘n universiteitsrugbywedstryd op die Bloemfonteinkampus steeds wyer uitkring, het die Afro-marxistiese organisasie ‘Reform PUK’ dreigbriewe aan rugby-afrigters op Potchefstroom gestuur. Onder die opskrif “Black Lives Matter” sê die groep dat hy “geen rugby Maandag” op die PUK-kampus gaan toelaat nie. Hier volg die volledige boodskap soos dit aan rugbybelanghebbendes op die Potchefstroomkampus gestuur is.

BLACK LIVES MATTER: NO VARSITY CUP RUGBY ON MONDAY

The events on Monday 22 February 2016 at the University of the (un)Free State have shook us and the rest of conscious South Africa to our core.

Black students protesting and interrupting the Varsity Cup rugby match were savagely beaten by barbaric white Afrikaner students and their parents.

Our hearts go out to the courageous Black students of the U.F.S. No one understands the fear and constant threat of physical violence as we do.

Please continue to protect each other.

Now is the time for us to stand up and publicly and loudly condemn this vicious attack!

Reform PUK is hereby demanding that campus management disassociate themselves with the tournament and cancel Monday 29 February 2016 match against the very same UFS that unashamedly continued the game after the attack.

A university that repeatedly professes to want equality and social justice can not continue to associate itself with a university and rugby team that viciously beats Black students.
We join the national call to protest or disrupt all Varsity Cup games and the organization and sponsors.

Stop the match or we will arrive in our masses to disrupt it.

The comforts of whiteness will not be allowed to continue while Black students and workers’ needs are sidelined.

We sympathize and offer our support to the courageous Black students of the University of Pretoria. Our struggles over a language policy that protects white Afrikaner privilege while disregarding and excluding Black students from education, mirrors ours.

We stand in solidarity with you.

We call on all sympathizers, allies and friends to join us as we undertake this massive task.

Knowing full well that the attitudes, privilege and ignorant mindset that cause the attacks at UFS is bred in huge quantities on this campus.

We will not be deterred.

A luta Continua.

‘Matriek waarborg nie universiteitstoelating nie’

Die departement van Hoër Onderwys sê in geen land in die wêreld kry almal wat matriek slaag, universiteitstoelating nie.

Die minister van Hoër Onderwys, Blade Nzimande het gereageer op ‘n eis van die Fees-must-fall-veldtog dat almal wat matriek geslaag het, die reg op universiteitopleiding het.

Die direkteur-generaal van die departement, Gwebinkundla Qonde sê dit is standaardpraktyk dat slegs sowat dertig persent van diegene met nasionale senior sertifikate tot universiteitvlak vorder.

Hy sê geen ekonomie kan so werk nie, en dat opleiding aan universiteite met ander naskoolse onderrig- en opleidingsgeleenthede gebalanseer moet word.

Skoonmakers by verskeie universiteite het die registrasieproses ontwrig.

Die voorsitter van Universiteite Suid-Afrika, Adam Habib sê ‘n nuwe befondsingsmodel moet eers tot stand kom voordat universiteitsgeld in sy geheel geskrap kan word.

Habib sê hulle kan dit op die oomblik nie bekostig om slegs staat te maak op regeringsubsidies nie. Hy sê Universiteite Suid-Afrika sal deel wees van die samesprekings oor universiteitsgeld en hoe dit befonds gaan word.

Die organisasie Universiteite Suid-Afrika sê intussen studente wat vanjaar by hoër onderwys instansies wil inskryf, sal registrasie- en klasgeld móét betaal.

Die organisasie verteenwoordig 26 universiteite landwyd. Universiteite Suid-Afrika het gereageer te midde van aanduidings by talle universiteite dat studente ontevrede is oor registrasiegeld.

Universiteitseksamens afgestel, verskuif

Die Tshwane Universiteit van Tegnologie het eksamens by die Soshanguve-kampus, noord van Pretoria onbepaald uitgestel, het RSG berig.

Dit volg na hernude geweld deur studente waarin drie sale en sekerheidsvoertuie aan die brand gesteek is.

‘n Woordvoerder van die universiteit, Willa de Ruiter sê meer besonderhede sal binnekort bekendgemaak word.

Die omvang van die skade is nog nie bepaal. De Ruiter sê die Soshanguve-kampus sal tot verdere kennisgewing gesluit bly.

Die Kaapse Skiereilandse Universiteit van Tegnologie sê intussen eksamens sal afgelê word by sy Bellville- en Wellington-kampusse en die Wingfield weermagbasis in Goodwood.

Die eksamens sou vroeër by die Kaapstadse Internasionale Konferensiesentrum afgelê word.

Gewelddadige betogings het die Universiteit gedwing om alternatiewe reëlings te tref.

Onrus by universiteite duur voort

‘n Nagwaak by die Universiteit van Johannesburg se Kingsway-kampus in Aucklandpark het die nawwek gewelddadig geraak.

Die SABC berig polisie het rubberkoeëls gebruik om die studente uiteen te jaag, nadat hulle probeer het om by die universiteit se gronde in te kom. Betogers het daarna die verkeer op Kingsway-laan ontwrig deur buitebande te brand.

Hulle het ook ‘n park naby die kampus aan die brand gesteek. Die betogers het ‘n beroep gedoen vir die beëindiging van uitkontraktering en registrasiefooie by die universiteit.

Die Universiteit van Wes-Kaapland het intussen alternatiewe maniere aangekondig vir studente om hul akademiese jaar te voltooi weens ‘n onstabiele situasie op die kampus.

Die registrateur, Nita Lawton-Misra sê finale jaar-studente in al die fakulteite sal aan een of ander vorm van assessering onderhewig wees. Die huidige eksamenrooster vir finale jaar-studente sal ook nog steeds Maandag van krag wees.

Sy sê alle ander studente kan hul deurlopende punte in finale punte omskakel, of om alternatiewe assessering aansoek doen.

Ivoorkus-verkiesing in die weegskaal oor ongeloofwaardige kandidaat

Vyf van die Ivoorkus se tien presidentskandidate het Woensdag gesê die land is nie gereed om geloofwaardige en deursigtige verkiesings op 15 Oktober te hou nie.

Hulle dreig nou om hulle aan die verkiesings te onttrek.

Opposisiegroepe sê Alassane Ouattara se ouers is nie Ivoorkus-burgers nie, dieselfde beswaar wat voor die dodelike onrus in 2010-2011 geopper is en waarin meer as 3000 dood is.

Die voormalige president Laurent Gbagbo, wat aangekla is deur die Internasionale Strafhof vir misdade teen die mensdom moet in November in Den Haag oor dié onrus verskyn.

Hy het geweier om van sy pos te bedank en erken nie Ouattara se oorwinning by die stembus nie. Ouattara is ‘n Moslem en ekonoom wat voorheen vir die IMF gewerk het.

Die vyf kandidate het die week tydens ‘n byeenkoms van die Nasionale Koalisie vir Verandering (CNC) in die hoofstad, Abidjan, gepraat.

‘n Voormalige speaker, Mamadou Coulibaly, het gesê sommige presidentskandidate is nie gereed om in die huidige omstandighede aan verkiesings deel te neem nie. Hy wil ook hê die nege presidentskandidate wat die huidige president, Alassane Ouattara, teenstaan, moet byeenkom en “gesels”.

Ander opposisieleiers het weer te velde getrek teen die onafhanklike verkiesingskommissie wat volgens hulle ten gunste van Ouattara is.

Israel lê Palestynese huise in puin

Israel het Dinsdag die huise van twee Palestyne wat na bewering agter verlede jaar se aanvalle was, in puin gelê.

Dit volg nadat eerste minister Benjamin Netanyahu beloof het om ’n ystervuis teen toenemende onrus in te span.

Die verwoesting van die huise kom terwyl Netanyahu onder druk van regse faksies in sy koalisie is, met skermutselinge wat ná die moord van vier Israeli’s voortduur.

Die toename in geweld het tot internasionale oproepe tot kalmte gelei, met kommer dat die onluste buite beheer kan raak.

Die huise wat vernietig is, het aan Ghassan Abu Jamal en Mohammed Jaabis behoort, het ’n militêre verklaring gelui.

Opdrag vir die vernietiging van die huise is gegee nadat die mans Israeli’s verlede jaar aangeval het.

Gewapen met vleismesse en ’n pistool, het Abu Jamal en sy neef Uday Abu Jamal vier rabbi’s en ’n polisieman vermoor voordat hulle in November 2014 doodgeskiet is.

Jaabis het in Augustus 2014 met ’n stootskraper teen ’n bus vasgery. Een Israeli is dood en etlike is beseer. Hy is op die toneel deur die polisie doodgeskiet. Die vernietiging van die wonings is in Israel se hoogste hof uitgedaag, maar het enkele maande gelede goedkeuring gekry.

Die strafmaatreëls volg nadat geweldpleging die afgelope dae na die ooste van Jerusalem en die Wes­oewer versprei het ná die moord van vier Israeli’s, insluitende ’n egpaar wat hul kinders skool toe geneem het.

Israeliese veiligheidsmagte het Maandag aangekondig dat hulle vyf Palestynse mans in hegtenis geneem het wat lede is van die militante groep, Hamas, en erken het dat hulle die egpaar geskiet het.

Israeliese troepe het Maandag ’n Palestynse tiener doodgeskiet, die tweede sterfgeval van ’n Palestyn in 24 uur met dosyne mense wat in die jongste geweldpleging beseer en gewond is.

Polisie vat oproeriges in Potch, Ventersdorp vas

Oproeriges wat Vrydag in Pothcefstroom se middedorp binnegevaar het, sal Maandag in die plaaslike landdroshof verskyn. Nog arrestasies word binnekort verwag.

Dit is volgens Provinsiale Polisiekommesaris Jacob Tsumane, en volg na honderde oproeriges die strate in gevaar het en eiendom beskadig het.

Die polisie moes die plunderaars met rubberkoeëls verwilder.

Hulle is glo gekant teen die voorgestelde samesmelting van die Tlokwe-en Ventersdorp Munisipaliteite. ‘n Memorandum van griewe is later aan die munisipaliteit oorhandig.

In nog ‘n voorval is die ou Ventersdorp Stadsaal, wat tans die Verkeersdepartement huisves, Vrydagnag afgebrand.

Oproeriges het ook motors met klippe op die N14-pad bestook. Volgens Tsumane moet daar nog arrestasies in dié verband gemaak word.

Die situasie in Ventersdorp is na wat berig word vanoggend kalm, nadat nadat die klipgooiers motoriste op die N14 naby die Tshing-lokasie geteiken het.

Intussen het Tsumane bevestig dat ondersoeke na die oorsaak van die brand in Ventersdorp nog nie afgehandel is nie.

Groot polisieteenwoordigheid in Mamelodi ontplooi

‘n Groot polisieteenwoordigheid is ontplooi in Mamelodi, oos van Pretoria teen voortslepende openbare geweld. Pendelaars het die wetstoepassers se teenwoordigheid verwelkom.

Geweld wat Woensdag uitgebreek het oor Putco se roetes wat deur die busdiens Autopax oorgeneem is, het duisende pendelaars is gestrand gelaat.

Die onrus het opgevlam nadat Putco besluit het om sy dienste in die gebied te staak omdat dit nie lonend is nie en dit deur die nuwe busdiens vervang is.

Sewe busse is beskadig en vyf mense is beseer.

‘n Woordvoerder van die Taxi-vereniging, David Chauke, het ontken dat die onrus in die taxibedryf begin het. Hy sê die polisie moet dit ondersoek.

Meer as 20 polisievoertuie is ook Maandagoggend by die busdepot in Mamelodi ontplooi om Autopax-busse teen oproeriges te beskerm.

Vyf mense is reeds beseer is nadat taxibestuurders verlede week busbestuurders geïntimideer het en met geweld probeer verhinder het dat die busse vertrek.

‘n Busbestuurder en passasiers is in afsonderlike voorvalle geskiet en busse is gevandaliseer.

Taxi-eienaars is ontevrede omdat hulle nie voordeel uit die nuwe reëlings trek nie.

Die Mamelodi Taxi Vereniging het hom intussen gedistansieer van die onrus in Mamelodi in Pretoria en die aanvalle verlede week op die nuwe busdiens.

Belanghebbendes het met inwoners vergader in ‘n poging om die geskil oor roetes op te los.

Skade na onrus op Tweespruit bekyk

Die onrus op Tweespruit in die Vrystaat is eers Sondag onder beheer gebring nadat oproerige inwoners sedert Donderdag chaos veroorsaak het.

Volgens die burgermeester van Mantsopa, Dennis Ntsepi, is die polisie in beheer van die situasie.

Hy sê die munisipaliteit sal nou begin om die skade aan eiendom te bepaal.

Drie mense is reeds in hegtenis geneem vir brandstigting en skade aan eiendom.

Kliniek gebrand, nooddienspersoneel aangeval vir ‘beter dienslewering’

Die polisie is ontplooi in die Intabazwe-lokasie in Harrismith in die ooste van die Vrystaat.

Die oproermakers wil hê die burgemeester en munisipale bestuurder moet bedank. Hulle eis ook beter huise en infrastruktuur.

Dit volg na ‘n week van gewelddadige onrus waarin een persoon dood is, en ‘n plaaslike kliniek afgebrand is.

Nooddienspersoneel is ook aangeval deur die oproermakers terwyl hulle die brand probeer blus het. Dit is nie duidelik hoe die brandstigting dienslewering sal verbeter nie.

Oproeriges het paaie met klippe en rommel versper en die polisie monitor steeds die gebied.

Agt mense is reeds in verband met openbare geweld in hegtenis geneem.

Oproer in Soweto nadat Eskom krag sny

Die situasie in Soweto, suid van Johannesburg is weer normaal nadat ‘n groep inwoners van Meadowlands gisteraand op ‘n plundertog gegaan het.

‘n Kitskosrestourant, ‘n drankwinkel en twee kitsbanke is geplunder, het RSG berig.

Die inwoners is ontevrede omdat Eskom die kragtoevoer na die gebied afsny.

Die Gautengse Metropolisie sê die situasie het na normaal teruggekeer, maar hulle monitor steeds die gebied.

Een inwoner, wat as ‘n misdadiger bestempel word, is in hegtenis geneem.

Onrus by Delareyville na taxi leerlinge raakry

Inwoners van die lokasie by Delareyville in Noordwes het Donderdag die hoofpad na die dorp met brandende buitebande en ander voorwerpe versper nadat ‘n taxibestuurder twee leerlinge raakgery het.

Hulle beskuldig die taxi-bestuurder van nalatigheid en vra dat die owerheid streng moet optree teen die oortreder.

Een kind verkeer glo in ‘n ernstige toestand.

Die polisie sê nog lede is in die gebied ontplooi om die situasie te monitor.

Lokasie-inwoners by Delareyville het voorheen met die polisie slaags geraak weens ‘n onwettige byeenkoms het Noordwes polisie gesê.

‘n Groep swart DA-lede het na kantore van die munisipaliteit Tswaing opgeruk oor swak dienslewering, het brig Thulani Ngubane gesê.

Hulle het raadslede daarvan beskuldig dat net ANC-lede vakatures vul.

Dit is nie bekend of die DA betrokke is by die jongste onrus nie.

Polisie skiet oproerige dood

Die polisie het ‘n oproermaker by Atok buite Burgersfort in Limpopo doodgeskiet en nog een gewond.

Die gewonde is in ‘n ernstige toestand in die hospitaal nadat die polisie na bewering gisteraand op oproeriges losgebrand het.

Die polisie sê hulle het uit selfverdediging opgetree nadat hulle deur ‘n oproerige skare aangeval is.

Die skietery volg te midde van voortslepende oproer deur inwoners wat eis dat hulle aangestel word deur die nabye Bokoni-platinummyn.

‘n Polisiewoordvoerder, Malesela Ledwaba sê die polisie monitor reeds twee dae lank die gebied wat gespanne bly. Geen formele klagte oor die onrusmakers se griewe is nog ontvang nie.

Die besige R37-roete tussen Burgersfort en Polokwane word steeds met klippe en rommel versper.

Skole en klinieke in die gebied is gesluit weens die oproer.

Ontevredenheid heers in Delmas oor munisipale afbakening

Ontevrede inwoners in die Victor Khanye munisipale distrik van Delmas in Mpumalanga, het ‘n memorandum met griewe oorhandig oor samesmeltingsplanne vir die munisipaliteit, het RSG berig.

Skole en sake-instellings in die gebied het Maandag tot ‘n stilstand gekom toe inwoners betoog het teen planne dat die munisipaliteit inskakel by die Emalahleni munisipaliteit wat onder administrasie geplaas is.

Volgens inwoners is hulle nie daaroor geraadpleeg nie. Hulle eis eerder inskakeling by die Ekhuruleni munisipaliteit aan die Oosrand.

Hulle sê hulle gaan andersins beperkte dienslewering kry van ‘n munisipaliteit wat reeds onder administrasie is.

Ekhuruleni is 30 kilometer verder, terwyl Emalahleni, voorheen Witbank, 80 kilometer, ver is.

Dit is vandag die spertyd vir mense om kommentaar te lewer oor die hervasstelling van munisipale grense.

Die ministerie van Samewerkende Regering en Tradisionele Sake het die Munisipale Afbakeningsraad gevra om sekere munisipale grense opnuut vas te stel.

Die voorsitter van die Raad, Jane Thupana, sê inwoners van die betrokke munisipaliteite in drie provinsies word toegelaat om gesamentlik of individueel voorleggings te doen.

Thupana sê die Oos-Kaap, Limpopo en Noordwes moet kennis neem dat dit vandag die laaste dag vir voorleggings is.