Briewe – Bladsy 35 – praag.co.za

Kwelvrae oor Darwinisme en evolusieleer

Ek lees dat daar nou ‘n sg. nuwe mens species(Latynse spelling) ontdek is nadat ‘n vingerbeen gevind is. Nou toe nou!

As ‘n wetenskaplike, medikus, genetikus, mikrobioloog en viroloog, moet ek met verbasing reageer. Hiermee ‘n paar gedagtes om mense se idees te stimuleer om oor die evolusieleer en Darwinisme te dink en kritiese denke nie onder die mat in te vee nie.

Ek het al in 1976 in een van my werkstukke vir die graad Honneurs in molekulêre genetika ‘n storm ontketen omdat ek met ‘n stuk getiteld Darwinism, bad reflexions in a dead pool teen Darwinisme en die Evolusieleer geskryf het.

Om ‘n lang storie kort te maak: Hoe kon lewe, soos ons dit ken, uit warm poeletjies water en borrelende gasse ontstaan het?

Vraag een: Die kwessie van nie-reduseerbare kompleksiteit. As mens die proses van proteïensintese neem, vanaf die ongelooflike komplekse werking vanaf DNS en die interaksie tussen gene, gaan dit ons nog 100 jaar of meer neem met al ons tegnologie en dan gaan ons miskien 1% daarvan weet. Die struktuur van DNS is so gekompliseerd dit is nie nou die plek om dit eers te probeer verduidelik nie.

Evolusie is in elk geval minder moontlik dat sou ‘n bom in ‘n papierfabriek afgaan die resultaat die volledige Encyclopedia Britannica sal wees, letter vir letter en punt vir punt, klaar gebind.

‘n Enkelsellige organisme soos ‘n amebe bevat inliging om meer as 100,000,000 bladsye van die Encyclopedia Britannica te vul, letterlik.

Dan die tweede kwelvraag. Waar is die tussengangerfossiele? Tot dusver is meer as 500,000 volledige fossiele ontdek, maar nie een tussengangerfossiel nie. Darwinaanhangers beweer dat ‘n vis na ‘n reptiel, na ‘n lemur, na ‘n aap en dan na die mens verander het. Al hierdie diere het fossiele, maar waar is die tussengangers? Die antwoord sou eerder wees ‘n gedeelde Super Intelligente Skepper as ‘n gedeelde voorouer.

Die derde vraag: Hoekom vermy al die aanhangers van evolusie die uiters belangrike faktor van massiewe variasie binne een species? Wat van die Kambriaanse ontploffing van species, toe ‘n massiewe hoeveelheid nuwe species binne ‘n baie kort tydperk gevorm het? Volgens Darwin,sou invertebrate gevorm het uit enkelselle, maar skielik verkyn die invertebrate en vertebrate in hierdie periode sonder enige voorouerfossiele.

Insekte, knaagdiere, vlermuise se fossiele word almal gevind, maar helaas géén voorouer. Daar kan nie deur een wetenskaplike, paleontoloog, geoloog of wie ookal, aangetoon word dat een groep fossiele enigsins voorouers van ‘n ander groep fossiele was nie. As ons die variase in die aantal tipes duiwe neem, is dit nie verskillende species nie, maar mens-geselekteerde variasies binne een species. Die basiese geenpoel bly dieselfde. Deur sekere eienskappe te selekteer word variasies geskep. Baie is nie lewensvatbaar in die natuur nie.

Die vierde vraag: Wat van die Tweede Wet van Termodinamika? Dit is beskryf deur die Duitse Fisikus, Rudolf Clausius.

Hierdie fundamentele wet word ook beskryf as die wet van toenemende entropie. Entropie is dus die totale hoeveelheid energie wat verlore gaan en nie omskep kan word in meganiese energie of werk nie. As eenvoudige voorbeelde: Indien jy ‘n ysterpyp buite laat lê ,verroes dit. As jy ‘n huis bou en net so laat, is later van die bouwerk net ‘n hoop rommel oor. Wat het dit met evolusie uit te waai? Net dit: Die basiese aanname wat die aanhangers van die teorie maak, is dat daar êrens in die verlede, miljarde jare gelede, baie eenvoudige elemente gekombineer het en tot asemrowende komplekse organismes soos ‘n enkelse amebe ontwikkel het, maar geen tweede wet van termodinamika was betrokke nie. Hoekom dan nie? Hierdie onopgelosde kwessie is een van die grootste bewyse teen die evolusieleer.

Vyfde vraag: Die wiskundige moontlikheid of kans dat evolusie uit eenvoudige elemente sou kon ontstaan. Veronderstel daar is ‘n oorvloed van aminosure, kataliste, water, regte temperatuur, pH,(sonder entropie,wat natuurlik nie moontlik was nie) dan sou die kanse dat slegs 10 aminosure ‘n polipeptiedketting sou vorm, 10 tot die mag-20,wees. Proteïene word natuurlik slegs gevorm, beginnende by DNS -> mRNA -> ribosome -> aminosure -> proteïen. Te kompleks om in detail te verduidelik.

Kortom, hierdie duisende proteïene moet dan op een of ander manier saambind en ‘n komplekse organisme vorm wat verdeel, in skokkende omgewingstoestande, miljarde jare gelede en daarna uiteindelik meersellige organismes vorm? En daarbenewens is geen tweede wet van temodinamika betrokke nie!

Hou ook in gedagte dat genetika nog nie tot ‘n wetenskapsvak ontwikkel was in Darwin se tyd nie. Hy het nie van gene ens. geweet nie.

Vraag ses: Vertikale en horisontale mutasies. Nog nooit het ‘n puntmutasie gevorm wat ekstra informasie bygevoeg het tot ‘n geen nie. Dus geen vertikale evolusie om nuwe funksies te kan verrig nie. Wat dan van bakterieë en hulle bestandheid teen antibiotika? Hier is mutasies betrokke om te verhoed dat hulle bind aan die reseptore bv. veranderde ribosome. Hierdie bakterieë verloor dus gene, deur horisontale evolusie, en is dus geneties swakker as die wat nie bestand is nie.

In ‘n omgewing sonder antibiotika het die mutasie dus ‘n swakker kans om te oorleef, want onthou die ribosome van die bestandes kan nou nie normale funksies uitvoer nie.

Dit is soos ‘n dief sonder arms. Die polisie kan hom nie boei nie en hy kan dus nie gevang word nie en vlug, maar om sonder arms te wees is seker nie tot voordeel van die groep nie. Weereens horisontale evolusie.

Wat Darwinisme en die evolusieleer aan ons beskawing gedoen het, is ‘n vraag wat ook beantwoord moet word. Ons beskawing mik tans in die verkeerde rigting. Kyk maar na hedendaagse morele waardes, moord, bedrog, gewelddadige diefstal, skool en tersiêre onderwys se lae standaarde. Al ons kinders is verslaaf aan rekenaarspeletjies en hoe meer geweld in die speletjie is, des te beter.

Wat is die wortel van die verval van ons beskawing? Ons moet eerder vra wat het die beskawing geskep en onderhou. ongetwyfeld die Bybel. Dit was ons en ons voorouers se sentrale en gidsdokument. Hoekom het ons die respek vir ons Bybels verloor? As gevolg van Charles Darwin en sy teorie. Punt.

Dit word in kinders wat baie vatbaar is se kele afgedruk. God is nie meer jou skepper nie en ape is jou voorouers. Die gevolge daarvan sien ons daagliks.

play go free online

Uiteindelik! ‘n Maxvrye naweek

Uiteindelik! ‘n Maxvrye naweek.

Nou nog nie heeltemal nie. Hier en daar is Max nog opgerakel om hom in die Afrikaanse pers te looi oor die donkievye wat hy, Max, so oor naweke as “juweeltjies” aan Afrikaanse redakteurs opgedis het.

Dié week was dit darem duidelik dat minstens een redakteur, Tim, genoeg gehad het van Max se halfbekookte skryfsels.

Die gevolg was dat die Ore se naweek na Vrydagaand, toe die Rosestad Reds geverf is, darem nie heeltemal wanklankig geraak het nie.

Mag dit nou sommer ook die einde wees van liberale soortgenote wat nou in die mode verval het om mekaar te probeer oortref in hul ywer oor wat alles in die land (gaap) verkeerd is, wie die meeste al (gaap) onder misdaad deurgeloop het, maar steeds ‘n goeie liberalis te bly (gaap, snork). En dan sommer ‘n paar “wenke” aan die hand te doen oor hoe om dinge reg te ruk (gee pad, daai “kerrievleis” met die klankie wat ek die slag as dienspligtige moes eet het pas erg begin werk), soos om beginselvas liberaal te bly, hard te werk en nie saam te staan nie.

Max spesialiseer daarin om met sy intellektuele meerderes te gaan skoorsoek. Gewoonlik, soos Ouma Beskuit Blik altoos gesê het, skoon uit wans uit. Sou Max nou die Gilden geleentheid benut het om buite sy diepte te gaan skoorsoek en uiteindelik sy hand oorspeel het?

Ongelukkig meen ek, Blik, dat Max nog ‘n sterk vroulike fênklub, die NPFRK (Nasionale Pers Feministiese Redakteursklub) het – dat die arme lesers nog steeds gereeld aan sulke Maximale pot tjsôl uitgelewer gaan wees.

Tim meen Max en vennote het in die verlede vasgehaak, en weet nie hoe om hulle by die nuwe omstandighede (ek meen dis by die vrug van hul arbeid) aan te pas nie.

As daar nou ‘n Afrikaanse skrywer is wat die “papiere” het dat hy deel van die struggle-era was, is dit nou Breyten Breytenbach. Hy was tjoekie toe vir sy aandeel in die Atlas-Okhela-spulletjie. Jan Rabie skryf in sy boek, ‘n Boek vir Onrus, hy meen Breyten se naïwiteit het die oorhand gekry. Nou word Breyten hier en daar en oral aangehaal oor hoe mistroostig hy is oor wat hy nou help aanvang het.

Maar minstens, ek is byna-byna oortuig Breyten se ontgogeling loop Max-hulle met dekades vooruit. Volgens my herinnering het Die Burger jare gelede, toe pres. Nelson Mandela in die parlement ‘n spiets afgesteek, geskryf dat Breyten in die openbare galery was en met die uitstapslag aan joernaliste gesê het..”en almal weet hy lieg deur sy nek.”

Maar ek kan dit nie met my hand op die Bybel sê nie, want ek kan so ‘n berig glad nie op enige Naspers elektroniese argief opspoor nie. Net soos die berigte wat ek nie kan kry nie oor die lang lyste van kriminele rekords waarmee Wes-Kaapse en Vrystaatse polisielede “spog” nie.

Maar ek meen al lank Afrikaanse letterkundeskrywers, die skeppers van ware prosa en poësie, het hul “gewete van die volk” verloor en is maar stram om die teenswoordige wanpraktyke, plaasmoorde, dienslewering wat in dui stort, wonderkure teen Vigs soos stort, en kondome wat op die land gestort word, as deel van die land se historiese letterkundige oeuvre op te teken.

Nee, om oor olie apartheid te skryf was darem te lekker om nou onder daai “comfort zone” te moet uitkruip. Nou moet die spotprenttekenaars die toon aangee.

Александр Фильчаков

Afrikanerskap is uit lyding gebore

Attie Juyn skryf in ‘n insiggewende brief oor Afrikanereenheid. Om die Afrikaner te verstaan, moet jy so ‘n paar geslagte terugkyk na die einde van die tweede vryheidsoorlog. Ongekende smart en hartseer is deur ons grootouers se ouers en dié se ouers deurgemaak.

Ná die Boere oorwin is, het die Britte ‘n strategie van verskroeide aarde gevolg om die bittereinders tot oorgawe te dwing. Dit het beteken dat al die vroue en kinders in konsentrasiekampe geplaas is, en die meeste mans in gevangeneskap weggevoer is.

Die meeste ander groepe in die land het ook teen die Afrikaner geveg. Die Britte het ook die jong dogters verkrag wanneer hulle die kans gekry het. Die Indiërs, Kleurlinge en Kapenaars het almal teen die Boere wapens opgeneem. Ook die uitlanders wat op die myne gewerk het, en selfs sommige Afrikaners het saam met die Britte geveg.

Alhoewel sommige swartes die Boere gehelp het, het daar heelwat van hulle die wapen teen die Boere opgeneem. Hulle is veral in die blokhuise gebruik om die Boere se bewegings dop te hou. Ook het hulle inligting oor die Boere se bewegings verskaf. So hier het jy al die groepe in die land wat teen die Boere veg. Net sowat 6 000 blanke Afrikaners van die kolonies het hulle by die Boere geskaar, asook ‘n paar honderd uitlanders.

In die konsentrasiekampe was daar 110 000 Boere en het daar 24 000 of 50% van die Boere se kinders van siekte en honger omgekom. Eers nadat Emily Hobhouse die kampe in 1901 besoek het en die nuus van die volksmoord teruggeneem het na Engeland, het die Britte die toestande heelwat verbeter. Om helfte van jou kinders te sien sterf van honger en siekte terwyl jy gevange gehou word in jou eie land sal jou die donder in maak tot in die vierde geslag, veral vir ander groepe in die land, en ook die Afrikaners wat soos hanskakies of hensoppers lyk.

Om die punt te illustreer, wys ek met groot respek ‘n foto van die Boereheldin Lizzie van Zyl. Die foto van haar jong lewe wat so tragies tot ‘n einde gekom het, het die Britse publiek teen die oorlog laat draai en die Britse parlement (nogals die liberales wat die konserwatiewes daartoe gedwing het) kon nie anders as om die toestande in die kampe te verbeter nie. As dit nie vir haar lyding en foto was nie, sou baie duisende meer Boere en veral Boerekinders omgekom het.

Dink daaraan as dit jou kind was, en jy kon niks doen om haar te help nie. Dít, Attie, is waar die Afrikaner vandaan kom.

Ek stem saam dat die Afrikaner sal moet leer om saam te staan en saam te stem sodat vordering gemaak kan word. Veral die manier van die Afrikaner om die ouens wat nie met hulle saamstem nie as vyande aan te sien, is heeltemal onnodig. Elkeen is op sy eie standpunt geregtig.

social networking advertising

Mevrou Hogan mislei belastingbetalers om Madiba te beskerm

Meneer Mandela het die openingsrede van die Hillside-aluminiumsmelter gelewer, en ook die uitvoer van goedkoop krag na die daaropvolgende smelter in Mosambiek, sy nuwe vrou se tuisland, goedgekeur.

Australië wek nes Suid-Afrika 90% van sy krag met steenkool op, maar nogtans is dit vir BHP Billiton beter om Australiese erts na die anderkant van die aardbol, na Suid-Afrika te verskeep, eerder as om dit in Australië waar die erts gemyn word, te smelt.

Vanaf Suid-Afrika en Mosambiek word die meeste van die Australiese aluminium weer terug gevaar na die anderkant van die aardbol, en in die Ooste verkoop.

Vandag is aluminiumsmeltkrag wat Eskom aan BHP BIlliton lewer selfs goedkoper as die materiaalkoste van Suid-Afrikaanse steenkool. Waarde word dus vernietig, soos weerspieël in die onlangse R9,5 miljard Eskom-verlies, vir die rekening van die belastingbetaler.

Meer krag is nodig om veel meer van Suid-Afrika se eie inheemse chroom-, mangaan- en platinumertse op plaaslike bodem te smelt, sodat die waardetoevoeging van ons primêre mynprodukte hier ter plaatse plaasvind. Daarom het Standard Bank gevra dat die vraatsige BHP-roofsmelters in Suid-Afrika gesluit moet word.

Tans word miloene tonne Suid-Afrikaanse chroom- en mangaanertse spotgoedkoop uitgevoer, weens ‘n tekort aan krag. Suid-Afrika beskik oor 80% van die aarde se ekonomies ontginbare chroom en mangaan, genoeg om aan elke Suid-Afrikaner ‘n formele werk te verskaf, sou meer waarde tot hierdie plaaslike primêre produkte gevoeg word.

Dit was die versiende meneer Mandela se uitgesproke bedoeling met die opening van die Hillside-, en latere Mozalaluminiumsmelter: “By using energy generated from our abundant supplies of coal to produce aluminium, the smelter will contribute to the drive to add more value to our primary products before export.”

Die vraag moet dus nou gevra word: is meneer Mandela mislei?

Meneer Mandela is nie ‘n myner nie. Is hy eerlik ingelig dat Suid-Afrika glad geen aluminiumerts het nie, en dat die miljoene tonne uitheemse aluminiumerts vanaf Australië ingevoer sou word? Om daarna weer verskeep te word vir werkskepping in China en ander mededingerlande?

Dít terwyl Australië genoeg steenkool het om sy eie aluminiumerts te smelt, maar dit nie doen nie, omdat Suid-Afrika se steenkool vir die smelt van Australiese aluminium benede Eskom produksiepryse verbrand word, sodat arm Suid-Afrikaanse verbruikers en voorheen benadeelde belastingbetalers die verliese moet betaal.

Vergelyk dit – Suid-Afrika se armoede – met Marius Kloppers se BHP-Billiton-salaris sowel as wit en welgestelde Australië se Bruto Binnelandse Produk, wat danksy aluminiumroofsmelt ry op die rug van ‘n arm Suid-Afrika se swart hulpbronne, weens meneer Mandela se misverstand.

Regstellende aksie is nou nodig, maar mevrou Hogan van die ANC blameer apartheid, pleks van as minister van openbare ondernemings oop kaarte met die arme belastingbetaler te speel.

High Noon vir Malema

Volgens ‘n berig laat Vrydag het Malema toe nie opgedaag vir die High Noon-uitdaging wat Ben Geldenhuys van die Verkenners aan hom gerig het nie.

Glad nie verbasend nie want die bliksem is grootbek as hy tussen sy comrades is, maar hy sien nie eens kans vir ‘n enkele boertjie by Skanskop nie.

Ben, as ek my nie misgis nie, neem so af en toe hier op Praag deel aan een of ander bespreking. Ek stem nie altyd met hom saam nie, maar ek wil net vir hom se dat dit ‘n mooi en ‘n lekker ding was wat hy hier gedoen het om vir Malema so uit te daag.

Dankie Ben, doen dit weer!

сканеры Фильчаков Харьков

Plaasmoorde en die trap op die hart en siel van die Afrikaner

Plaasmoorde, dikwels onbeskryflik wreed, is sedert 1994 ‘n aggressiewe kanker wat deur die land woed. Voor 1994 was die landbougemeenskap ook aan terreur onderhewig, soos selfs babas wat in landmynaanvalle aan flarde geruk is.

Volgens Interpol is die moordkoers onder die land se boere meer as 300 per 100 000 per jaar. Die land se moordkoers is sowat 40 per 100 000 per jaar, die wêreldgemiddeld is 5, en Wes-Europa se moordkoers is 1 per 100 000 per jaar.

Oor minder as drie maande skop die Fifa-Wêreldbeker-eindtoernooi in Suid-Afrika af terwyl die land onlangs die titel van wêreldmoordhoofsetel by sy titel as die wêreld se verkragtingshoofsetel gevoeg het.

En so skrikwekkend soos die huisrooftogte, wat dikwels op verkragting en moord uitloop, “openbare” rooftogte en huisrooftogte is, die koers hiervoor op die land se plase is bykans 10 keer hoër.

Die landbousensusse bring byvoorbeeld ongehoorde groot bedrae verliese as gevolg van vee-, gewasse en weidingdiefstal aan die lig.

In enige konstitusionele demokrasie, waar die regering soos veronderstel word in algemene belang regeer, sou ‘n mens ‘n bykanse histerie vanuit regeringsgeledere oor dié soort syfers verwag.

Die teenoorgestelde gebeur egter. Die regering swyg dawerend in al elf amptelike tale. In teendeel, wanneer die minister van Polisie die uiters ongewone doen en plaasaanvalle wel veroordeel, word die effektiewe repudiëring hiervan deur die kroonprins, Julius Malema, op allerlei maniere deur die regering en ANC gekondoneer.

Die toppunt van minagting sou egter nog kom toe ANC-ampsdraers onder die oë van die SAPD die naamlyste met 1 600 plaasmoordslagoffers opskeur, op die grond voor hul hoofkantoor neergooi en daarop trap. Die doel van die naamlyste was om die erns van die sing van die liedjies soos “Skiet die boere” onder die ANC se aandag te probeer bring.

Met hierdie optrede het die ANC op die hart en siel van die Afrikaner en bitter baie Engelssprekendes getrap. Indien pres. Jacob Zuma dit nie ten sterkste veroordeel nie, onderstreep hy dat hy nie ‘n president se agterent is nie.

Die grondwet, so gebrekkig soos dit mag wees, stel op verskeie maniere die belangrikheid van respek vir mekaar se kulture. In ‘n heterogene land is dit vanselfsprekend.

Met die bou van Vryheidspark het ministers en ander oral in Suider-Afrika gesneuwelde en gestorwe kaders se voorvadergeeste gaan bymekaar maak en met kartonbokse na Vryheidspark gebring en om daar losgelaat te word. Afrikanergroepe het nie hierop gereageer deur simbolies bokse met die name van hierdie afgestorwenes in die strate te gaan vertrap en verbrand nie, al val hierdie tradisie vir die Afrikaners en Christene hoe vreemd op.

Met die ANC se optrede by Luthuliehuis is die wig van polarisasie tot diep in die siel van die nasie ingedryf. Die teerling is as’t ware gewerp, en die streep is in die grond getrek.

Indien daar ooit ‘n tyd was wat van Zuma verwag is om presidensiëel op te tree is dit nou. Die land wag.

pro100casino

Afrikanereenheid

Dis ‘n klagte wat al herhalend geopper is – ons Afrikaners kan nie saamstaan nie. Dit lyk asof ons behae daarin skep om mekaar se standpunte af te kraak. Ons is só krities ingestel dat ons altyd eerste soek vir moontlike foute in ons ‘opponente’ se argumente, voordat ons kyk wat daarvan geldig, bruikbaar of selfs opbouend kan wees. Hoekom is dit so, en kan ons daarvan loskom? Ons verkies blykbaar om met ons volksgenote te baklei, eerder as om die werklike vyand in die oë te kyk.

Voordat ons by eenheid kom, moet ons dalk eers weer vra wat die samestelling van ‘n volk is – enige volk. Wat ek al hoe meer besef, is dat die Afrikanervolk bestaan uit slimmes en dommes, mooies en lelikes, calviniste en ateïste (ja, regtig!), eerlikes en skelms, dapperes en banges, jonk en oud, en so kan ons aangaan. Die punt is dat almal se verwysingsraamwerke verskil. Daar is elemente in ons volk waarop niemand trots kan voel nie. Het elke familie nie sy swartskape nie? Dit maak jou egter nie minder deel van die volk of familie nie.

Ons is blootgestel aan kragte en tendense wat oor tyd ‘n volk se karakter kan bepaal, of verander. Dinge soos godsdiens, lewensfilosofie, welvaart of armoede, vryheid of onderdrukking, kan ‘n groot invloed uitoefen. Daar is kragte wat kan saamsnoer, en kragte wat ons uitmekaar kan dryf. Wat bind ons saam? Watter kragte, idees, of denkrigtings is histories belangrik vir die goeie eienskappe van die volk, en watter trek ons in die modder in?

Ek het nie antwoorde op al hierdie vrae nie, maar ek pleit dat ons ‘n pad met mekaar sal loop wat lei na iets beter as wat ons nou het. Ons moet probeer om wyer, meer akkomoderend en inklusief te luister, te dink en te praat. Om absolute suiwerheid van almal te vereis, laat ons net verder uitmekaar spat. Kan die liefde vir die eie nie ‘n brug wees wat ons nader aan mekaar bring nie? Sal NP en HNP en KP en AWB mekaar vir altyd haat?

Verder moet ons die dinge identifiseer wat opbouend, stimulerend en verenigend op ons volk kan inwerk. Ons sal onsself moet oefen en staal vir ‘n stryd wat voortduur, en ons kan dit nie in hierdie swak en verdeelde toestand aandurf nie. Laat ons onsself oefen in die goeie, tradisionele Afrikanerwaardes, nie die verstokte Victoriaanse idees wat in die Afrosaksiese denke oorheers nie.

Ons volk het baie gawes en talente. Laat ons dit gebruik om ons volk op te bou, eerder as om dit af te breek.

of thrones Лобановский Харьков

Welvaartskepping

Die ander dag skryf Bill Bonner van die dailyreckoning.com dat Amerika besig is om al hulle vervaardigingstede te verloor en dat die algemene Amerikaner homself in die dienstebedryf bevind. Hy sê verder dat jy nie welvaart kan skep deur dienste nie. As jy my hare sny vir R50, en ek sny jou gras vir R50 is daar geen welvaart geskep nie. Jy moet iets vervaardig om welvaart te kan skep.

Ons kan seker boerdery en mynbou ook in die welvaartskep-afdeling plaas. Alhoewel die dienstesektor vir ‘n groot aantal stedelike Afrikaners op die oomblik en in die toekoms werk (sal) skep, gaan ons ook moet kyk na welvaartskepping deur ander metodes. Die ekonomie is soos ‘n boot wat in ‘n rivier stroomop vaar. As die boot uit stoom uit raak, gaan hy agteruit agv inflasie en staatsbesteding. Om vorentoe te kan gaan moet oa die twee faktore oorkom word. Suid-Afrika se ekonomie is besig om al hoe meer weestand vanaf veral staatsbesteding, asook die afgekoelde internasionale ekonomie te ondervind.

Die grootste uitdaging vir die Orania-konsep om te werk as alternatief vir die NSA, is werkskepping. Indien daar skielik werk geskep word sal mense in hulle duisende soontoe (of na enige ander groeipunt toe) trek. Om fabrieke op te sit wat op die NSA beginsels van goedkoop handearbeid werk, sal nie suksesvol wees nie. Ons wil juis werk skep vir ons mense. Fabrieke wat hoogs geoutomatiseerd is, is vanaf die staanspoor ‘n beter idee, maar die regte produk moet vervaardig word om kompetiesie met die ooste te vermy wat teen so min as $8 per dag per persoon en met goedkoop grondstowwe heelwat goedkoper as ons kan vervaardig.

Hoe het ander lande hierdie probleme oorkom? As ons na die res van die ontwikkelde wêreld kyk, word daar items van hoë kwaliteit of tegnologie vervaardig wat moeilik deur die oosterlinge of selfs ander eerstewêreldlande nagedoen kan word. Hierdie produkte word ook dan wêreldwyd verkoop. Ek dink aan Hollandse blomme, kaas en bier, Belgiese sjokolade, Duitse motors en tegnologie, Franse wyn en klere (ontwerp), Switserse horlosies, Europese mediese tegnologie, Amerikaanse wapentuig en informasietegnologie om net ‘n paar te noem. Hierby voeg hulle finansieële dienste, landbouprodukte en toerisme, asook buitelandse konstruksie, mynbou en konsultasie om groot hoeveelhede welvaart te skep terwyl heelwat van die vervaardiging in die ooste gebeur.

Ons Afrikaners is kompeterend op die internasionale mark. Om egter verder vooruit te gaan het ons opleiding, geleenthede, infrastruktuur, grond, dienste, investering en finansiering nodig. In meeste van hierdie faktore word ons op die oomblik meer en meer verdruk en besteel. Ons gaan in elke geval hierdie faktore vir onsself moet regstel, of ons volk nou binne of buite die NSA bly. Al ons groot maatskappye wat gestig is om ons te bevoordeel is deur die mynhuise en Britte op die JEB opgekoop. Is dit dalk tyd vir ‘n alternatiewe boereaandelebeurs?

casino games free Александр Фильчаков

‘n Geestesongesteldheid?

Dit is sekerlik so dat mense se eie selfbeskermingsmeganismes inskop en hul gedagtes en woorde begin lei, sodra hul begin vinger wys, maar drie vingers wys terug na hulself. Daarom verstaan ek die weerstand van sommige, teen die uitwys van die drievingerwysing na ons eie volk.

As almal egter eerlik is met hulself, sal hul besef dat ons huidige probleem en kritieke volksvryheid, oorlewing, veiligheid en voorspoed bedreiging, naamlik die NSA, hoofsaaklik tot stand gekom het, as gevolg van die meerderheid van ons eie mense se geestesonweerbaarheid:

– Ons het ‘n skoolstelsel gehad, waar kinders wat die “verkeerde” vrae sou stel, oor politiek, staatsmag, godsdiens ens, gestraf en of gebrandmerk was as belhamels. Om vir jouself te dink was dus ontmoedig! Om besluite van diegene in posisies van mag te bevraagteken, was selfs uitgekryt as… wag daarvoor… kommunisme!

– Ons het ‘n arbeidsmagstelsel gehad, wat vereis het dat jy die dominee se getuigskrif, wat jou onderhorigheid aan sy gesag bevestig het, moes wys, om ‘n werk te kry. As jy dus nie die verdraaide almal is “broers” storie ondersteun het nie, en dit laat blyk het, of laat uitglip het, was jy gedoem. So ook, het die Afrikanerkerke die NP ondersteun en sou jou kritiek teen die “owerheid”, die dominee se argwaan laat opvlam en jou getuigskrif en dus werksgeleentheid, in vlamme laat opgaan.

– Om in die staatsdiens te kon vorder, moes jy ‘n lojale en uitgesproke NP-ondersteuner wees. As jy die rooiligte in die wapad sien flikker het en dit laat blyk het, was jy gedoem.

– Die meerderheid Afrikanerhuishoudings, het hul kinders geleer dat sukses ‘n werk in die staat, of in ‘n groot maatskappy was. Entrepreneurskap was ‘n groot Nee, Nee en ontmoedig! Om te wou selfstandig wees en vir jouself te sorg, eie besluite te neem, eie baas te wees ens, was ontmoedig!

Vandag vermoed ek dat dit reeds toeka se tyd so beplan was, om te verseker dat die meerderheid Afrikaners afhanklik en dus beïnvloedbaar was deur die staat.

Wie weet of hul daardie tyd reeds so ver vooruit beplan het?

– Daar was nie internet waar jy alternatiewe insette kon kry, of jou denke met ander kon deel nie. As jy dus nuus wou lees, was jy oorgelewer aan die genade van Naspers en die SAUK se beïnvloeding, die NP se skoothondjie van destyds. Die hondjie het nou net van baas verwissel en waai sy stert vir die ANC, terwyl hy vir blankes grom.

– Ons het vandag ‘n onheilige alliansie tussen staat, media, skool en kerk, wat ons volwassenes en kinders breinspoel, om te glo dat daar niks onder die son is waaroor jy as “goeie mens” en humanis, in opstand mag kom nie.

Dat daar niks is wat jou so kan verontreg, dat jy daarteen sal wil “oorlog” maak nie.

Dat daar net een uitsondering en gruwelike euwel in die wêreld is, wat totale, irrasionele weerstand en bloedvergieting regverdig, en dit is die beweerde “misdaad”, rassisme!

As gevolg van bogenoemde beïnvloeding, het die meerderheid blanke ouers van die verlede, apaties deur hul lewens gegaan en toegelaat dat hierdie ondier wat hul kinders se individualiteit en eie denke steel en hul rasionele waarneming beswadder en kriminaliseer, lustig en listig voortknoei.

Daarom het daar mettertyd ‘n algemene lewensbenadering ontstaan, waar die meerderheid Afrikaners hul volksgenote wat vir hulself dink, self eie inligting versamel, eie opinies ontwikkel en deel, as ‘n bedreiging ervaar het. ‘n Lewensbenadering wat ten spyte van die wrede realiteite rondom ons, steeds in ‘n meerdere mate geld.

Dit noem ek geestesonweerbaarheid!

Sou die blanke staat van daardie tyd egter altyd besluite neem wat ten gunste van die volk was, dan sou hierdie afhanklike, ondenkende Afrikaners nie ‘n probleem wees nie. Maar soos ons almal weet, het die staat daardie denkgereguleerde Afrikaners misbruik in die proses van hoogverraad teen ons volk.

Vandag doen die ANC presies dieselfde en laat hierdie denkgereguleerde Afrikaners, weereens toe, dat die swart staat hierdie keer, dit met hulself en hul kinders doen.

Politieke korrektheid is byvoorbeeld ‘n aanvaarde norm by die meerderheid en dit is niks anders as brutale leuens en ‘n wanvoorstelling van realiteit nie.

Nogtans speel die meerderheid blankes die Politieke Korrektheid speletjie.

In die proses belieg, bedrieg, mislei en beïnvloed hul hulself en is hul besig om die Afrikanervolk in die kleine en die breër wit ras in die breë, te verraai en te vernietig.

‘n Rasselfmoordneiging en -beweging!

Dit is geestesongesteldheid!

En die meerderheid Afrikaners lei steeds daaraan!

депутат лобановский

‘n Oproep tot aksie

Ek wil almal oproep tot aksie.

In terme van die Nasionale Omgewingswet is ‘n oortreding van die wet ‘n krimenele oortreding.

Sodoende kan ‘n gewone burger van SA dan na die polisiestasie gaan en ‘n klag teen iemand wat die wet verbreek lê.

Die wet maak ook voorsiening dat nie net die instansie, of munisipaliteit kan aangekla word nie, maar ook die persoon wat verantwoordelik is vir die verbreking van die wet.

Ek stel voor dat ons munisipaliteite, en die munisipale bestuurders aankla in terme van artikel 28 van die WET OP NASIONALE OMGEWINGSBESTUUR 107 van 1998 wat bepaal dat enige persoon wat omgewingskade veroorsaak of as hy nie verhoed dat dit gebeur nie, nie sy verantwoordelikheid ten opsigte van die omgewing nakom nie.

Met ander woorde kom ons laat hulle wette teen hulleself werk. Ons spandeer nie geld op prokureurs nie, want dit is die polisie se plig om die saak te ondersoek.

Kom ons kry bewyse van besoedeling, traak-my-nie-agtige optrede, en bewyse van onverantwoordelike optrede, handig dit in by jou polisiestasie en volg dit op.

Sodoende beveg ons slap hande in owerhede, en ons beskerm ‘n bietjie wat oor is.

Ek stel voor ons maak dit ‘n massa-aksie op die 3 Mei 2010 om soveel as moontlike munisipaliteiete, staatsdepartemente, korupte amptenare in verband hiermee aan te kla.

игри для детеи

Hoeveel divisies het die Afrikaner?

Josef Stalin het eendag vir sy raadgewers gevra: “Hoeveel divisies het die Pous?”

In die denkraam van vandag se politieke kommentators ontstaan die vraag gereeld: “Wat kan ‘n klein groepie Afrikaners vermag teenoor die permanente swart meerderheid? Oftewel, hoeveel divisies het die Afrikaners?”

Hierdie fiktiewe stukkie toekomsgeskiedenis komende van ‘n naamlose skrywer uit Australië het my baie diep geraak. Dit verskaf gewis stof tot nadenke vir diegene wat nog glo dat die “Afrikanerprobleem” met genoeg paaiwerk en breinspoeling vanself sal verdwyn.

Op 3 Februarie vanjaar stuur Reuters die volgende berig uit:

US warns of cyber threat

2010-02-03 13:25

Washington – Google’s recently reported cyber attacks are a “wake-up call” about the vulnerabilities of computer networks to attacks that could cripple the US economy, said the top US intelligence official on Tuesday.

“We cannot be certain that our cyberspace infrastructure will remain available and reliable during a time of crisis,” US Director of National Intelligence Dennis Blair told key lawmakers.

Blair said vital telecommunications and information systems faced threats from “those who would steal, corrupt, harm or destroy the public and private assets vital to our national interests”.

Voortvloeiend uit hierdie nuusberig skryf ‘n oud-Suid-Afrikaner uit Argentinië:

Afrikaners benodig nie divisies nie

“Dit is donkermaan. Die koue winternag is die langste en donkerste in menseheugenis. Sedert drie uur vanmiddag is Eskom se hele kragnetwerk afgeskakel.

Die straatligte is uitgedoof en die verkeersligte almal swart.

Vrywilligers worstel reeds vir ure om verkeersknope te ontstrengel. Byna al die geboue is in donker gehul. Flikkerende kerse verlig sommige woonhuise. Televisie- en radiostasies is stil en beamptes probeer om hul pad met flitsligte deur Auckklandpark se gange te vind. In die kelderverdieping probeer iemand om die bystandopwekker aan die gang te kry.

Maar dit gaan futiel wees. Net kykers met hul eie kragopwekkers sal in staat wees om die nuutste inligting oor die nasionale kragkrisis te hoor.

Die myne is ernstig geraak. Die chroomerts se knetterende plasmaboogsmeltoonde het stil geraak. Die gloeiende smeltkroese se inhoud is besig om tot nuttelose grys chroomrotse te stol. Selfs die goudmyne se draaimeulens het tot stilstand gekom. Duisende mynwerkers is ondergronds vasgekeer.

By die lughawe bestaan ‘n mate van orde vanweë die bystandopwekkers wat vanself aangeskakel het met die kragonderbreking.

Vulstasies is verlate, hul brandstofpompe kragloos. Hospitale sonder kragopwekkers is in warboel en daar is opstande in die oorvol tronke.

Toe die eerste 4 000Mw-kragstasie afskakel, kon die res van Eskom se oorbelaaide kragnetwerk die bykomende vraag nie hanteer nie. Die ander kragstasies het met ‘n domino-effek een na die ander geswik.

Suid-Afrika se krag is afgeskakel. Dit mag vir dae of selfs weke so voortduur. Onrus gaan in die swart voorstede uitbreek en die inkopiesentrums geplunder word.

Suid-Afrika gaan ‘n onseker toekoms tegemoet — die land sal nooit weer dieselfde wees nie…

Dit gaan die land miljarde rande kos om van hierdie skok te herstel. Boonop kan die aanslag enige tyd deur ‘n tweede en derde een opgevolg word, en daar is niks wat enigiemand daaraan kan doen nie.

President Zuma sal waarskynlik dadelik ‘n noodtoestand afkondig. Hy sal dan ook die land se grondwet opskort en krygswet instel. Honderde Afrikaners gaan gearresteer en ondervra word, — nie omdat hulle aandadig is aan die aanslag nie, maar omdat hulle witmense is.

Die kuberoorlog het begin…

In ‘n eenvoudige huis in die beboste buitewyke van Boedapest sit drie jong mans in hul laat dertigerjare en volg die gebeure op CNN. Hulle is Taakgroep 1 wat die fyn beplande aanslag moes uitvoer. Meer as twintig sulke taakgroepe staan regoor die wêreld gereed en wag op hul bevele. Slegs die Leiersraad weet wat die volgende stap sal wees.

Hierdie taakgroepe is lede van duisende hoogs opgeleide Afrikaners wat hulle sedert 1994 in die buiteland bevind. Sedert Thabo Mbeki vir Nelson Mandela opgevolg het, was dit duidelik dat die aanvanklike euforie verby is. Die skrif was toe aan die muur dat die etniese suiwering van die Afrikanervolk eersdaags sal begin. Met hul naïewe magsoorgawe het FW de Klerk en Roelf Meyer hulle met die gevolge van hul verraad lelik misreken. Hulle het nie besef dat ‘n kuberoorlog veel meer skade aan Suid-Afrika se ekonomie en maatskaplike struktuur sou aanrig as wat die geval met ‘n uitgerekte skikkingsproses sou wees nie.

Die Leiersraad in Ballingskap het besluit dat ‘n gewapende opstand nie effektief sal wees nie. Boonop sal die lewens van Afrikaners binne Suid-Afrika daardeur bedreig word. Die enigste wapen wat Afrikaners doeltreffend sal kan aanwend is om hul buitelandse talent in te span om ‘n kuberoorlog te begin en om op ‘n gegewe tydstip die land se hele kragnetwerk lam te lê.

Aanstaande week sal ‘n regsfirma van die Europese Unie onderhandelings namens hul gesiglose kliënte met die Suid-Afrikaanse gesante in Berlyn onderneem. Die regsfirma maan die gesante dat enige poging om vergeldingstappe teen binnelandse Afrikaners te neem, met ‘n tweede aanslag begroet sal word.

President Jacob Zuma het in ‘n verdoemende verklaring op CNN belowe dat die terroriste wat vir die kuberaanslag verantwoordelik was aan die man gebring en summier tereggestel sal word.

‘n Maand voor die aanslag het president Jacob Zuma ‘n opvolgvergadering met Afrikanerorganisasies gehad. Die vergadering het gevolg twee jaar ná die 2 April 2009-vergadering in die Sandton Hilton toe ‘n dertigtal organisasies in goedertrou met hom gesels en hul vrese en aspirasies in voorleggings verwoord het, wat deur ‘n dinee in sy amptelike woning opgevolg is. Soos gewoonlik was Zuma die innemendheid vanself en het hy almal met sy sjarme oorrompel. Die goedgelowige afgevaardigdes het besluit om hom ‘n kans te gee.

Maar daar het dadels van gekom.

Die daaglikse plaasmoorde het onverpoosd aangegaan; straat- en plekname is sonder raadpleging vernoem na onuitspreekbare identiteitslose en fiktiewe swart historiese figure. Afrikaanse skole en universiteite is verengels.

Zuma se aanstellings van sy vriende in belangrike poste, sy verheerliking van die Afrikakultuur met ‘n bulmoordseremonie, sy veelwywery en dosyne buite-egtelike kinders is bewys dat hy maar net nog ‘n Afrikaan sonder enige sweem van Westerse moraliteit, selfbeheersing of morele oordeel is. Presidente omring hulself met hul eie soort, wat niks goeds vir Afrikaners inhou nie. Afrikaners wat hom voorheen teen Mbeki ondersteun het, verfoei hom vandag en sien nie kans om onder dieselfde vlag met hom en sy volgelinge te woon nie.

Selfs die Afrikaners se moederstad se naam is nie veilig nie. Verskeie pogings is aangewend om Pretoria se naam te verander sonder om die stad se inwoners oor die saak te ken. Dit het duidelik geword dat Afrikaners se historiese raklewe aan sy einde gekom het. Ook hul fisiese raklewe het aan sy einde gekom, want daar word daagliks oor wrede moorde en verkragtings berig.

Maar die Afrikanervolk het anders daaroor besluit…

Hulle het ‘n streep in die grond getrek en ‘n opvolgvergadering met Zuma aangevra. Hierdie keer was die luim nie weer so gemoedelik soos by die eerste twee vergaderings nie. Afgevaardigdes was openlik vyandig en het Zuma gewaarsku dat sy regering die ergste moet verwag indien hul redelike en internasionaal erkende eise nie toegestaan en in wetgewing verskans sal word nie. ‘n Goed beredeneerde dokument is oorhandig waarin internasionaal erkende minderheidsregte geëis word. Internasionale regsgeldigheid word deur die volgende dokumente aan hul eise verleen:

Artikel 235 van die Grondwet, wet 108 van 1996.

The United Nations Declaration on the Rights of Minorities.

The United Nations Declaration on the Rights of Indigenous Peoples (2007).

The United Nations International Covenant on Economic, Social and Cultural Rights.

Pres. Jacob Zuma het dit in ontvangs geneem en plegtig belowe dat sy kabinet indringend daarna sal kyk.

Maar daar het weer niks gebeur nie. ‘n Gesant is na die Presidensie gestuur om hulle te waarsku teen ‘n ontsettende ramp wat die land gaan tref tensy daar aan die redelike eise van die Afrikaners voldoen word. Die versoek is dat ‘n ministeriële taakspan met Afrikanerleiers sal begin onderhandel.

Op televisieskerms word Saterdagaand gewys hoe die gesant geïgnoreer en verjaag word.

In Sondag se Rapport wens Max du Preez dat Afrikaners liewer van hul leë argumente en terughunkering na apartheid wil afsien en dat hulle bly moet wees dat hulle hoegenaamd nog in Suid-Afrika verdra word. In Dinsdag se Beeld verwys Tim du Plessis smalend na die eise en dreigement as die laaste stuiptrekkings van apartheid wat op niks gaan uitloop nie. “Hoe kan ‘n magtelose minderheid homself teen die swart massa om hom handhaaf?”

Donderdagmiddag word Suid Afrika deur die eerste kuberaanslag in die moderne geskiedenis getref.

Oorloë sal nooit weer dieselfde wees nie.

Minderheidsvolke het nie divisies nodig nie…

Keiser Julius

Die onlangse uitsprake van Julius Malema en die onophoudelike uitblakering van die doen en late van hierdie militante en uitgesproke jeugleier, het gesorg vir ‘n gratis bemarkingsveldtog deur ons pers. Een wat uiteindelik net tot voordeel van hom en sy massa aanhangers is. Ek stem heelhartig saam met ‘n vroeëre skrywe van Anton Barnard dat Malema ons ‘n guns doen want hy is eintlik besig om die linkse blanke Afrikaner te “liberate” en die wat nog slaap wakker te maak. Die vraag is egter of dit goed is en of dit nie lankal reeds te laat is nie.

Ek dink Malema is ‘n diktator wat wag in die gange van ons sogenaamde demokratiese bestel. Een wat, as hy aan bewind sou kom, die menseregtehandves met een veeg vanaf sy tafel sal veë en die gronwet sal verbrand.

Sy uitsprake oor grondhervorming kan nie net as belaglik afgemaak word nie. Dit moet eerder ‘n waarskuwing dien van dit van in sy en sy volgelinge se koppe aangaan. Gedagtes wat nou gekoester word is môre se dade.

Wat nog meer onrusbarend is, is dat dit nie bloot net by hom en sy comrades bly nie maar op parlimentêre vlak bespreek word. Alhoewel Jacob Zuma dit glimlaggende ter syde werp en maak asof dit kattekwaad is deur kinders aangeja, behoort ons nie hierdeur geflous te word nie.

Hy is besig om sy pensioen by mekaar te maak, asook dié sy baie vrouens. Ons beleef stellig die laaste era van ‘n verkose president deur die ANC. Ons is besig om ‘n era van Afrikadiktatorskap te betreë en hoef geen twyfel te hê oor wat dit behels nie.

Moet ook glad nie dink dis onmoontlik nie, Afrika is bekend vir diktators soos President Mwai Kibaki van Kenia, President Umaru Yar’Adua van Nigerië en die DRK se Joseph Kabila. Dan praat ons nog nie van ons ou buurman Mugabe nie. Almal ingestem deur die histeriese massas wat hierdie verlossers op ‘n wolk sien neerdaal het en ander wat bloot te bang was om hulle te verwerp.

Waar dit nie meer gewerk het nie is die massas geïntimideer, gemartel en baie ook vermoor. ‘n Dooie man kan mos nie stem nie. Is dit nie maar hoe Zuma ook daar bo gekom het nie, deur dreigemente? Malema en die ANC-Jeugliga het gedreig om die land onregeerbaar te maak as die hofsaak teen Zuma, die laaste hindernis na presidentskap, slaag. Die regering het geluister en die “onafhanklike” regbank, een van die trotse pilare van ons grondwet het die knie gebuig. Ons het ‘n staatsgreep gehad sonder dat een skoot geskiet is. Die ANC-Jeugliga, SAKP en COSATU behoort erkenning hiervoor te kry, hulle was briljant, slinks en berekend. Amper nes PW Botha gedurende die sogenaamde Info-skandaal in die middel sewentigs.

Hoekom is dit nog dat sekeres dink dat Malema nie Staatspresident kan word nie? Dalk nog na die volgende verkiesing.

Kyk net na die reaksie van sekeres in die parliment gedurende die bespreking van Malema. Na aanleiding van Pandor se uitbarsting en tirade kan baie afgelei word. Sy het blykbaar die hoogste waardering vir sy uitlatings, “the young man”, soos sy liefderik na hom verwys.

Nodeloos om te sê, baie deel haar sentimente en sal enige dag die jongman as president inlaat. Dit sal die doodskoot wees vir ons halwe demokrasie en die einde van ons land as ongetwyfelde leier in Afrika. Kaapstad sal nog ‘n Luanda word met of sonder Zille en Johannesburg ‘n patetiese geraamte in die begrafplaas van Afrika. Vir enige regdenkende sal daar slegs twee opsies oorbly, vat jou goed en trek Ferreira of bly en vat die pyn. Nogtans dink ek enigeen wat tans met ‘n vervalde paspoort sit, lewe ‘n illusie of beskik oor te veel geloof.

Ruik ek dooie rot?

Skokkend soos dit mag klink, maar in die Vrystaat is daar nie meer vaksien teen slenkdalkoors beskikbaar nie.

Die voorraad is op, alhoewel almal, behalwe ons weet wie, geweet het dit is warm en dit reën ongekend in die gebied.

Vir diegene wat nie weet nie: Die slenkdalkoorsvirus is ‘n phlebovirus en dit word gebruik as ‘n element in biologiese-oorlogvoering.

Dink net as die virus versprei word onder oningeënte skaap- en beeskuddes.

Die boere sal dan finansiëel ineenstort en die grond verlaat.

Hoekom ruik ek ‘n alreeds dooie rot?

Hoe lank nog die ander wang?

Ek lees dat Vryburger vra dat ons psigies weerbaar moet wees. Dit is seker van die belangrikste woorde wat nog geskryf is. Is ons psigies ingestel vir wat voorlê? Baie is, nog meer is nie. Hoekom?

Omdat meeste mense verkies om polities korrek te wees, eerder as om voor te berei vir die onafwendbare. Die Latynse spreekwoord, Si vis pacem para bellum, beteken dat as jy vrede koester, moet jy voorberei wees vir oorlog. Baie soek vrede maar is nie bereid om geweld met geweld te begroet nie. Dit is ‘n fout.

Mens soek sekerlik nie met opset geweld nie, maar as dit na jou kant toe kom, moet jy reg wees. Psigies en fisies. Dan sal daar seker nou aan my die vraag gevra word, wat van die Bybelse ander wang? Wel ja, ek stem saam, maar dit staan nie in die Bybel dat nadat jy jou ander wang gedraai het, jy nie jou vyand tussen die bene mag skop nie.

Soos byvoorbeeld die 300 Spartane, wat 370 000 Perse aangevat het toe hulle ongevraagd aangeval is. Al 300 het wel gesterf, maar so ook 20 000 Perse en die slag van Thermopylae het die geskiedenis verander. Die Spartane was psigies voorberei, en was gereed vir oorlog om hulle toekomstige vrede te waarborg.

Hoekom wil ons Boere-Afrikaners die wiel herontdek?

насосы высокого