Internasionale nuus Archives - Page 159 of 464

Africom-opdrag om Afrikamag in te vlieg in konflikgebied

Die Amerikaanse Sekretaris van Verdediging, Chuck Hagel het gelas dat Amerika troepe vervoer vanaf Burundi na die Sentraal-Afrikaanse Republiek om te help met onderdrukking van die jongste oplewing in geweld daar.

Hagel het sy goedgekeuring gegee net nadat hy met die Franse Minister van Verdediging, Jean-Yves Le Drian Maandagnag uit Afghanistan gepraat het, waar hy ‘n besoek aan troepe gebring het.

Le Drian het die VSA om hulp gevra om ‘n Afrikamag vinnig in die land in te voer om die geweld daar te verhoed en te keer dat dit verder versprei, het ‘n Pentagon-woordvoerder gesê.

Daar is meer as 1000 Franse troepe in die Sentraal-Afrikaanse Republiek, waar meer as 400 mense in twee dae van geweld tussen Christene en Moslems verlede week omgekom het.

AFRICOM sal magte in samewerking met Frankryk vervoer, omdat die VSA glo onmiddellike optrede is nodig “om ‘n humanitêre katastrofe” te voorkom. Die woordvoerder het gesê dat die Pentagon sal evalueer of ander Amerikaanse hulpbronne beskikbaar sal wees indien addisionele versoeke vir hulp ontvang word.

Hagel se opdrag het uur voor President Barack Obama se boodskap gekom wat hy laat opneem het om vir kalmte in die Sentraal-Afrikaanse Republiek te pleit.

Obama se boodskap is Maandag op band opgeneem in Dakar, Senegal, waar Air Force One brandstof ingeneem het op pad na Suid-Afrika.

Obama het reeds aangekom vir ‘n gedenkdiens ter ere van die voormalige president Nelson Mandela, wat verlede week dood is.

Hy het ‘n oproep gedoen op “die trotse burgers van die Sentraal-Afrikaanse Republiek, “om ‘n ander pad te kies” weg van geweld.

Die amptenaar het gesê daar sal geen ander Amerikaanse troepe op die grond wees nie, behalwe lugbemanning wat nodig is vir die vlug na die Sentraal-Afrikaanse Republiek.

Netanyahu sal nie Mandela-begrafnis bywoon nie

Die eerste minister van Israel, Benjamin Netanyahu sal nie die gedenkdiens vir Mandela bywoon nie.

Sy kantoor sê dit is te duur om na Suid-Afrika te reis.

Netanyahu het aanvanklik die Suid-Afrikaanse owerhede laat weet dat hy die diens sou bywoon, maar het sy planne gekanselleer weens die hoë kostes.

Sy vervoer- en veiligheidkostes sou na raming sowat twintig miljoen rand beloop het omdat dit op kort kennisgewing sou plaasvind.

Die minister van Internasionale Betrekkinge, Maite Nkoana-Mashanbane sê die regering het bevestiging ontvang dat 53 staatshoofde en oudpresidente die staatsbegrafnis Sondag sal bywoon.

Volgens die minister in die presidensie, Collins Chabane, is die hoë lui besig om voorbereidings te tref om na Suid-Afrika te kom.

Dertien staatshoofde uit Afrika het bevestig dat hulle die diens sal bywoon. Senior leiers van die Verenigde Nasies, die Europese Kommissie en die Afrika Unie word ook verwag.

Brasilië se president, Dilma Rousseff, sal ook die begrafnis bywoon.

President Barack Obama van die VSA en sy vrou Michelle, saam met drie voormalige presidente sal binnekort in Suid-Afrika aanland vir die geleentheid.

VSA, Hezbollah hou geheime gesprekke

Die VSA en Hezbollah hou in die geheim indirekte gesprekke wat deur Londen gefasiliteer word oor beheer van die stryd teen Al-Qaeda, stabiliteit in die streek en ander Libanese politieke kwessies.

Senior Britse diplomatieke bronne, aangehaal in ‘n Koeweitse koerant Al- Rai verlede week, beweer Britse diplomate hou samesprekings met die leiers van die Libanese organisasie en is in besig met die oordrag van die inligting aan die Amerikaners.

Die gesprekke is daarop gemik om die veranderinge in die streek en die wêreld te bespreek, en voor te berei vir die komende terugkeer van Iran na die internasionale gemeenskap, volgens diplomatieke bronne in Washington.

Omdat die VSA , in teenstelling met die Verenigde Koninkryk, beide die politieke en militêre vleuels van Hezbollah as ‘n terroriste-organisasie beskou en weier om te onderskei tussen hulle, kan die Amerikaanse amptenare nie wettig ontmoet met enige lid van die party nie. Maar volgens die bronne, is die VSA bereid om die standpunte van die party aan te hoor wat kan lei tot ‘n direkte verhouding in die toekoms.

Betrekkinge tussen Brittanje en Iran het versleg ná Iraniërs die Britse ambassade in Teheran in November 2011 bestorm het. Maar in Oktober, het Brittanje en Iran besluit om diplomatieke betrekkinge te herstel, en Brittanje het daarna ‘n nuwe chargé d’affaires na Iran gestuur.

Thailand se politieke krisis bereik breekpunt

Thailand se politieke krisis het breekpunt bereik.

Dit het begin met protes verlede maand teen ‘n voorgestelde algemene amnestie wat die voormalige eerste minister Thaksin Shinawatra sou kwytskeld.

Shinawatra is deur ‘n militêre staatsgreep in 2006 verwyder en later aan korrupsie skuldig bevind.

Die regering, gelei deur die huidige eerste minister, Yingluck Shinawatra, Thaksin se suster, het sy man gestaan en die tyd loop uit vir die betogers.

Die betoging het stoom begin verloor met Koning Bhumibol Adulyadej se 86ste verjaardag wat op 5 Desember gevier word.

Die Thailandse polisie sê hulle sal nie in die pad staan van betogers wat die eerste minister se kantoor en die polisie se hoofkwartier wil oorneem nie.

Dit is die fokuspunt van betogers wat die regering van die eerste minister, Yingluck Shinawatra omver wil werp.

Die regering sê hulle doen alles moontlik om geweld en konfrontasie te vermy. Die polisie het onderneem om nie teenstand te bied nie en die versperrings om die gebou is ook verwyder.

Die betogers wil beheer oor die regeringsgebou oor te neem, gewapen met traangas en rubberkoeëls.

Thaise finansiële markte het skerp gedaal sedert die betogings meer as ‘n maand gelede begin het.

Komeet ISON het dalk ontmoeting met Son oorleef

Sterrekundiges sê die “komeet van die eeu” kon sy noue ontkoming met die son oorleef het.

Dit is eers berig dat die komeet ISON se kern en stert vernietig is deur die son se bestraling en aantrekkingskrag, maar die Europese Ruimte-agentskap ( ESA ) het gesê die “storie gaan voort”.

Die agentskap het Vrydag getwiet: ” Wel, wel, lyk asof verslae van komeet # ISON se ondergang grootliks oordrewe was.”

Op die nuutste foto’s verskyn ‘n verheldering van ‘n stuk van die komeet wat ‘n oplewing in opgewondenheid onder sterrekykers veroorsaak het.

Dit is moeilik om te weet wat gebeur het, maar kenners sê stof en gas word vrygestel en die stert kan teruggroei.

As dit sigbaar in die naglug is, is dit te gou om te weet hoe helder dit sal wees of hoe lank dit sal duur.

Donderdagaand het ‘n woordvoerder vir Nasa se Solar Dynamics Observatory ( SDO ) gesê: “Ons dink nie dit gaan oorleef omdat ons nie ‘n nuwe stof sien nie.

“So ons dink dit moes gebreek en verdamp verdamp het…”

Amptelik bekend as die komeet C/2012 S1, het ISON ‘n 30 % kans op oorlewing sê kundiges van die Amerikaanse Johns Hopkins Toegepaste Fisika Laboratorium.

Komete is bevrore balle ruimtestof wat oorgebly het na die vorming van sterre en planete meer as vier miljard jaar gelede.

Wanneer dit naby aan ‘n warm ster soos die son beweeg, kan die ysige kern smelt.

Die komeet is ontdek verlede jaar deur twee amateur sterrekundiges van Rusland se Internasionale Wetenskaplike Optiese Netwerk , of ISON .

Kenyatta moet verhoor bywoon sê ISH

Die Internasionale Strafhof het ‘n beslissing omgekeer waarvolgens die Keniaanse president, Uhuru Kenyatta toegelaat is om slegs dele van sy verhoor by te woon.

Die hof het nou bepaal dat Kenyatta wel teenwoordig moet wees in die hof in Den Haag.

Die hof sê enige toekomstige versoeke om dele van die verhoor nie by te woon nie, sal op geval tot geval beoordeel word.

Kenyatta en sy adjunk, William Ruto het aansoek gedoen om die saak via video-verbinding te volg. Hulle word aangekla van misdade teen die mensdom na die verkiesing in 2007.

Pogings van Kenia en die Afrika-Unie om te keer dat dienende leiers aangekla word, het vroeër misluk. – RSG

Frankryk stuur soldate om SAR-chaos te verhoed

Frankryk gaan soldate na die Sentraal-Afrikaanse Republiek (SAR) stuur om stygende chaos in die land te verhoed.

Die aankondiging deur die Franse minister van verdediging, Jean-Yves Le Drian, volg ‘n dag nadat ‘n amptenaar van die Verenigde Nasies (VN) gewaarsku het teen grootskaalse menseregteskendings asook die gevaar van ‘n moontlike burgeroorlog wat dreig in een van die wêreld se armste lande.

Sedert die Seleka-rebellegroep in Maart kragte saamgespan het om pres. François Bozizé uit die kussings te lig, het die krisis in die SAR handuit geruk.

Frankryk sal die aantal soldate in die Sentraal-Afrikaanse Republiek verdriedubbel tot 1200 ná maande van geweld.

Die mineraalryke, maar arm land van 4,6 miljoen mense verkeer in chaos met baie rebelle wat uit die naburige Tsjad en Soedan die land instroom.

Die Franse minister van buitelandse sake Laurent Fabius het gesê die versterkings sal opdaag nadat die Veiligheidsraad van die VN ‘n resolusie ingestem het.

“Frankryk het 410 soldate nou in Bangui en dit sal versterk word na 800, wat die aantal na 1200 verhoog.”

Die VSA skat dat byna 400.000 mense ontwortel is en 68.000 het na buurlande gevlug sedert Selekaleier en tussentydse president Michel Djotodia beheer oor sy los koalisie van krygshere verloor het.

Die konflik word deur Seleka se hoofsaaklik Moslemvegters teen die Christene gevoer. Christene maak die helfte van die bevolking uit en Moslems net sowat 15 persent.

Die rebelle word deur menseregtegroepe van moord, verkragting en die opleiding van kindersoldate beskuldig. – Reuters/Sapa/AP

Israel herhaal oorlogsdreigement teen Iran

Israel se eerste minister, Benjamin Netanyahu, het ‘n ooreenkoms tussen Iran en ses wêreldmagte oor Iran se kernprogram veroordeel.

Volgens Netanyahu is dit ‘n “historiese fout” wat Iran in staat sal stel om kernwapens te vervaardig.

Israel is fel gekant teen die opheffing van sanksies teen Iran.

Netanyahu het aan sy kabinet gesê dat sy regering nie gebind word deur die ooreenkoms in Genève nie.

Hy het die dreigement van militêre optrede teen Iran herhaal.

Volgens die VSA het die ooreenkoms ‘n einde gemaak aan alle vordering aan Iran se kernprogram. Die ooreenkoms gaan ook blykbaar Iran se uraanvoorraad neutraliseer.

President Barack Obama het Netanyahu intussen geskakel, om hom te probeer paai oor gevoelens dat dié land Israel verraai het. Israel is afhanklik van Amerikaanse hulp. – RSG

Iran, VSA bereik kernooreenkoms

Iran en ses wêreldmoondhede het ‘n ooreenkoms bereik oor Teheran se omstrede kernprogram, na vyf dae van intensiewe onderhandelinge in Geneve in Switserland.

Die doel van die samesprekings was om ‘n tussentydse ooreenkoms vir ses maande op te stel, om alle partye tyd te gee om te onderhandel vir ‘n volledige skikking.

Israel het die verwikkeling skerp gekritiseer.

Volgens die ooreenkoms sal Iran sy kern-aktiwiteite verminder in ruil vir beperkte en geleidelike vermindering van sanksies. – RSG

Regse word streekspresident in Slowakye

In ‘n verrassende wending gister (Saterdag), is ‘n regse politikus tot president van een van Slowakye se selfregerende streke verkies, het verkiesingsbeammptes gesê.

Marian Kotleba, wat vir sy agitasie teen die Roma-minderheid bekend is, asook vir sy verskyning in uniforms wat op die fascistiese model geskoei is, het die sittende Sosiaal-Demokraat in die Banka Bystrica-streek verslaan. Die stemtelling was 55,53 persent teenoor 44,46 persent.

Kotleba is reeds verskeie kere deur die polisie in hegtenis geneem en daarvan aangekla dat hy rasse-onrus stook en die demokrasie bedreig. – dpa