Afrikaanse nuus – Bladsy 13

‘Nog geen arrestasies’ in moorde op Kayla Meyer (9) en haar gesin

Die moorde op die jong Afrikanerdogter Kayla Meyer (9) en haar ma Marietjie (45) wat in Maart 2016 op ‘n kleinhoewe buite Randfontein doodgemaak is, is nog nie opgelos nie. Marietjie se vriend, Kennith McCormick (42) is insgelyks tydens die aanval op die gesin om die lewe gebring.

“Die saak word steeds deur die provinsiale ondersoekspan hanteer en daar is tot op hede geen arrestasies nie,” het kaptein Appel Ernst, woordvoerder van die Randfonteinse polisiestasie gister per e-pos teenoor PRAAG bevestig nadat ons navraag gedoen het.

Ons het in Maart oor die reaksies op sosiale media berig ná die moorde onder die opskrif:

‘Dis kruipende volksmoord’: kommentaar oor uitwissing van Randfontein-gesin

Dood van treindrywer skok familie

Die familie van die 73-jarige man wat vermoor is in sy huis in Bloemfontein Maandagoggend, is diep geskok oor sy dood.

Die liggaam van Hendrik Knoetze is deur ‘n buurman ontdek in sy Pellissier-huis teen omstreeks 08:00 Maandag.

Knoetze, ‘n voormalige treindrywer, was vasgebind met sigbare kopwonde. Hy is na bewering doodgeslaan.

‘n Polisiewoordvoerder, Chaka Marope sê paramedici vermoed dat Knoetze sowat drie tot vier dae gelede vermoor is.

Intussen het die neef van Knoetze, Glanville Oliver, sê die familie het aanvanklik gedink Knoetze is aan natuurlike oorsake dood.

“Toe ons by die huis kom het ons gesien dat hy inderdaad vermoor is. Ek bedoel, hy was ‘n pensioenaris. Almal wat tot dusver gebel om te hoor of hy vermoor is het my gevra, hoekom hy? Hy was ‘n baie goeie mens, hy sou nie eens ‘n vlieg seermaak nie,” sê Oliver.

Niemand is nog in hegtenis geneem in verband met die moord nie.

Dit is nie bekend hoe nou betrokke Knoetze by die geding was wat Transnet-pensioenarisse in die vorm van ŉ klasaksie-eis teen Transnet en die regering aanhangig gemaak het nie.

In die saak eis sowat 70 000 pensioenarisse van alle rasse bykans R80 miljard van Transnet. Dit is die grootste siviele eis in die land se regsgeskiedenis.

Meeste van die eisers is deur baie jare van groot lyding. Baie van hulle het verarm en is in die grootste ellende dood.

“Transnet het tot dusver desperaat probeer om deur tegniese punte die saak te vertraag. Die gevolg daarvan was dat baie pensioenarisse met die verloop van tyd gesterf het. Baie weens swaarkry, ŉ gebrek aan geld en gepaardgaande mediese sorg.

“Dit kan daarom nie weggeredeneer word dat Transnet ŉ roekelose en hartelose instansie is wat die bloed van baie van hierdie mense aan sy hande het nie,” het hul regsverteenwoordiger adv. Alberts vroeër vanjaar gesê.

Raad beslis dat Wilgehof-skoolhoof weer aangestel word

Die Onderwysdepartement in die Vrystaat het ‘n besluit deur die Raad op Arbeidsbetrekkinge in die Onderwys gekritiseer.

Die Raad het beslis dat ‘n Bloemfonteinse skoolhoof wat op aanklagte van rassisme afgedank is, weer aangestel moet word.

Hulle het ook beslis dat die laerskoolhoof van Wilgehof, Fanie Roelofse sowat R600 000 se salaris terugwerkend moet kry.

‘n Woordvoerder vir die departement, Howard Ndaba sê hulle gaan die beslissing in die Arbeidshof betwis.

Hy sê die departement is van mening dat Roelofse nie in staat is om met kinders te werk nie en dat die departement alles in hul vermoë sal doen om rassisme uit te roei.

Roelofse is afgedank ná klagtes van die Mensregtekommissie dat hy nie opgetree het teen ‘n onderwyser oor rassistiese uitlatings, die ou landsvlag en neerhalende foto’s in sy klaskamer nie.

RSG-redakteur skielik oorlede

‘n Bulletinredakteur van RSG, Johan Lieb Kriek, is laat gistermiddag in Johannesburg oorlede.

Hy was vroeër die dag ongesteld en is na ‘n dokter.

Hy het kort daarna aan ‘n hartaanval beswyk.

Die 57-jarige Kriek was vroeër in sy loopbaan die uitvoerende regisseur van Monitor/Spektrum.

Hy word oorleef deur sy eggenoot, ma en twee broers.

Swart aanvallers slaan op dokter en sy siek vrou toe

Die polisie in die Vrystaat is op soek na twee aanvallers wat ‘n dokter en sy vrou Maandagaand in hul plaashuis by Halfkroondrift in die Kroonstad-distrik oorval het.

Polisiewoordvoerder, Stephen Thakeng, sê die 71-jarige Jacobus Troskie het omstreeks 19:00 by die huis aangekom. Sy 69-jarige vrou, Natalie, was alleen tuis.

Troskie het met sy aankoms iets in die huis geruik wat brand. Hy kon niks vind in die kombuis nie, waarna hy na hul slaapkamer is waar sy bedlêende vrou was. Thakeng sê Natalie het voorheen ‘n beroerte-aanval gehad.

Volgens hom het ‘n swarte ‘n vuurwapen op Troskie gerig voordat hy in hul slaapkamer kon ingaan. Troskie het nie teruggestaan nie. Hy het teruggeveg en in die gestoeiery daarin geslaag om die booswig se vuurwapen, wat eintlik ‘n plastiese speelgoedgeweer was, by hom af te neem.

Sy swart aanvaller het hom daarna met ‘n pyp oor die kop geslaan. Die booswig het hom daarna na hul slaapkamer gesleep.

Thakeng sê Troskie is op ‘n stoel vasgebind.

Nog ‘n aanvaller was in die slaapkamer besig om die egpaar se kluis met ‘n hoeksnyer oop te sny. Sy vrou was in hul bed.

Troskie is deursoek en ‘n onbekende bedrag geld is by hom afgevat. Hy is ook met ‘n vuurwapen in die ribbes geslaan.

‘n Vuurwapen is uit die kluis gesteel. Volgens Thakeng het die booswigte met Troskie se Toyota bakkie gevlug.

Troskie se selfoon is ook gebuit. Hy het later daarin geslaag om homself los te wikkel en het na ‘n openbare pad by sy plaas gehardloop om hulp te ontbied.

Thakeng sê die booswigte het Natalie met ‘n hoeksnyer, ‘n graaf en ‘n byl gedreig, sou sy nie haar samewerking gee nie. Een van die egpaar se honde is vergiftig.

“Ek het vir hulle gesê dat ek hulle net die geld sal gee sodra hulle my wys hoe dit met my vrou gaan. Anders, kan hulle my skiet, want hulle sal nie die geld kry van my af nie,” het Troskie gesê.

Troskie sê sy bakkie het 1km vanaf die plaashuis onklaar geraak. Vriende en susters het gehelp om die egpaar se wonde te versorg. Troskie sê hul beserings was gelukkig nie so ernstig nie, maar hy was deurentyd erg bekommerd oor sy vrou.

Die polisie vra enigiemand met inligting om hul naaste polisiekantoor te bel.

Twee verdagtes van Greytown-plaasmoord verskyn

Twee swart mans, 18 jaar oud, verskyn vandag in die Greytown-landdroshof op aanklagte van moord en huisroof na die moord op ‘n plaaslike boer vandeesweek in KwaZulu-Natal.

“Greytown se speurders het onvermoeid sonder ophou gewerk om seker te maak dat die beweerde verdagtes wat betrokke was by die moord op Sarel David Theron aan die pen ry,” het lt.kol Thulani Zwane gesê.

“Hul harde werk het positiewe resultate gelewer toe hulle die twee verdagtes opgespoor en in hegtenis geneem het vir die moord en huisroof. Goedere soos [a] skootrekenaar, selfoon en ander besittings wat tydens die moord en huisroof gesteel is, is ook by die verdagtes gevind,” hy het gesê.

Daar word beweer dat 49-jarige Theron se lyk Dinsdag, 5 Julie by sy huis gevind is op ‘n plaas in Seven Oaks omstreeks 09:00, nadat hy versuim het om vir diens aan te meld.

Hy is gevind deur een van die plaasbestuurders en die polisie is ontbied. Hy is met ‘n mes gesteek en is glo ook verwurg. Sy skootrekenaar, selfoon en ander goedere is geneem uit die huis.

Theron is laas gesien op Sondag, 2 Julie by sy huis.

‘n Saak van moord en huisroof is geopen deur Greytown-polisiekantoor.

Speurders het hul ondersoek wat gelei het tot die inhegtenisneming binne ‘n week voltooi, het Zwane gesê.

Vermeende moordenaar van Grootbrak-egpaar dalk landuit

Die polisie het ‘n swartman, die vermeende meesterbrein agter die wrede moorde op Tewie en Eurika Human verlede maand in hul Grootbrakrivier-huis geïdentifiseer.

Dit kom na die inhegtenisneming van ‘n 26-jarige van Wolwedans, wat Donderdag in die plaaslike landdroshof verskyn het.

Die Wes-Kaapse polisiewoordvoerder het gesê Thamsamqa Howard Sishuba word verbind met die moord deur forensiese getuienis wat tydens die aanvanklike ondersoek op die toneel ingesamel het.

“Die egpaar is [dood] in hul woning in Sandheuwelstraat, Groot Brak Rivier, op 18 Junie gevind toe ‘n buurman die liggaam van die [vrou] deur die venster gesien het,” het die woordvoerder gesê.

“Die plaaslike polisie het by aankoms, ook die liggaam van die man in die motorhuis ontdek nadat die deure afgebreek moes word om toegang te verkry tot beide die huis en die motorhuis.”

Eurika, 62, is doodgesteek. Sy het beswyk weens vier steekwonde aan die nek en bors.

Die verdagte het dalk reeds uit die land gevlug.

Tewie, 72, is ook erg beseer met ‘n panga, met frakture aan sy bolyf en kop.

Sishuba het Donderdag in die Mosselbaai-landdroshof in verband met die dubbele moord verskyn.

Die saak is uitgestel tot Vrydag vir regsverteenwoordiging.

Plaasmoorde: Die slagting van wit boere in syfers

Daar is ‘n aansienlike toename in plaasaanvalle in Suid-Afrika sedert 2012 sê die Transvaalse Landbou-unie (TLU SA).

Die statistiek sluit plaasaanvalle en moorde in wat sedert 1990 tot Junie 2016 plaasgevind het.

‘n Totaal van 1 824 moorde is aangemeld tydens plaasaanvalle sedert 1990 asook 3 933 aanvalle.

Van die 1 824 moorde, was 1 170 slagoffers boere, 491 was direkte familie van die boere, 141 was werkers op die plaas en 22 was besoekers.

Volgens die tweejaarlikse opname, toon 2012 (174 aanvalle) ‘n beduidende toename in vergelyking met die 96 aanvalle in 2011.

In 2013 weer het die getal gestyg tot 231 slagoffers wat aangeval is. In 2014 het dit gestyg tot 279.

‘n Rekordhoogtepunt is in 2015 aangeteken toe 318 mense aangeval is op hul plase. Vermoedelik is die meeste slagoffers wit en Afrikaans.

In terme van plaasmoorde, was 2002 die bloedigste jaar met 119 mense wat hul lewens verloor het in plaasaanvalle.

Tot dusver is daar 2016 ‘n verbysterende 188 aanvalle waarin 39 mense gedood is, aangeteken.

Gauteng het die hoogste moordsyfer met 499 aanvalle en 413 moorde sedert 1990. Hierdie jaar is daar 14 moorde en 40 aanvalle alleen reeds gepleeg.

Die provinsie met die minste aanvalle en moorde is die Noord-Kaap met 46 aanvalle en 26 moorde sedert 1990.

Beroemde Jan Hettema naby Pretoria vermoor

Die beroemde Springbokfietsryer en tydrenjaer Jan Hettema is gisteroggend te Boschkop net oos van Pretoria vermoor. ‘n Bende rowers het ingebreek en die 83-jarige Hettema doodgeskiet, terwyl hulle sy vrou ook aangeval en beseer het.

Sy dogter Helena Hettema is insgelyks ‘n bekende Afrikaanse sangeres. Hettema is oorspronklik in Nederland in Leeuwarden gebore. Gister is daar ook vanuit die Nederlandse parlement navraag oor Hettema se moord gedoen.

Volgens Netcare 911 was Hettema reeds dood toe hul ambulans op die toneel aankom. ‘n Woordvoerder, Athlenda Mathe, sê: “Toe ons op die toneel aankom, het ons gevind dat die bejaarde man reeds gesterf het, as gevolg van die skietwond wat hy opgedoen het. Ons het hom op die toneel dood verklaar, waarna sy liggaam aan die Bosckop-polisie oorhandig is.”

Volgens berigte het Hettema en sy vrou Elsa hulle in die slaapkamer probeer toesluit nadat hy buite opgemerk het dat gewapende swartes met klapmusse op die perseel was. Die deur is egter afgebreek, waarna die boosdoeners Hettema na die kombuis geneem en in die gesig geskiet het.

Hettema het vyf keer die Suid-Afrikaanse tydrenkampioenskap gewen. Hy het ook namens Suid-Afrika as fietsryer aan die Olimpiese Spele in 1956 in Australië deelgeneem.

PRAAG loods klasaksie teen Tuks vir R360 miljard oor Afrikaans

Die Pro-Afrikaanse Aksiegroep (PRAAG) eis R360 miljard van die Universiteit van Pretoria in ‘n klasaksie namens alle Afrikaners in Gauteng, Limpopo en Mpumalanga. PRAAG sal as fasiliteerder namens die 1,2 miljoen Afrikaners in dié provinsie optree wat deur die universiteit se besluit om Engels voortaan die enigste onderrig- en voertaal te maak, benadeel word.

Tesame met die universiteit, sal die ANC, SAKP as terreurorganisasies wat Pretoria beset, gedagvaar word, asook die minister van onderwys. Hier volg die volledige brief wat dr. Dan Roodt van PRAAG aan die rektor van Tuks, prof. Cheryl de la Rey, gerig het.

Prof. Cheryl de la Rey

Rektor

Universiteit van Pretoria

Geagte prof. Cheryl de la Rey,

Ons, die Pro-Afrikaanse Aksiegroep (PRAAG), het kennis geneem van die besluit van die Universiteit van Pretoria om voortaan Engels as die onderrig- en voertaal van u instelling te aanvaar.

U besluit, asook vorige rassistiese, anti-Afrikaanse en diskriminerende beleid jeens ons etniese groep, u samewerking met terreurgroepe soos die ANC en SAKP, asook die Economic Freedom Fighters wat ‘n Afro-marxistiese rebellegroep verteenwoordig, het reeds geweldige menseregteskendings en skade aan Afrikaners in ten minste drie provinsies, te wete Gauteng, Limpopo en Mpumalanga, berokken.

Namens die klas van Afrikaners oftewel Afrikaanssprekende blankes in daardie drie provinsies, eis ons die bedrag van R360 miljard van die Universiteit van Pretoria om ons te vergoed vir, onder andere (die lys is onvolledig):

1. Benadeling van en skade aan die Afrikaanse taal en kultuur;

2. benadeling van en skade aan ons kinders se tersiêre opvoeding en hul ekonomiese vooruitsigte;

3. intimidasie, terreur en geweld teen Afrikanerstudente op die kampus van die Universiteit van Pretoria;

4. u samewerking en gemeensaak met die internasionale terroristegroep bekend as die African National Congress en die South African Communist Party wat deur terreur, geweld, afpersing en intimidasie aan bewind gekom het en tans die land, waaronder die stad van Pretoria, beset en strydig met die Geneefse en ander konvensies besig is om ons kulturele en ander erfenis, waaronder opvoedkundige hulpbronne, te vernietig, te verander of ons toegang daartoe te ontsê;

5. ‘n beleid van kulturele, talige en rassediskriminasie teen die Afrikanergroep in genoemde drie provinsies.

Indien u nie binne een week, dit wil sê teen Vrydag 1 Julie, instem tot ‘n skikkingsooreenkoms en die betaling van die R360 miljard (R300 000 per lid van ons klas van 1,2 miljoen mense) te reël nie, sal ons voortgaan om dagvaarding teen u in ‘n bevoegde hof uit te reik, asook teen die minister van onderwys, tesame met genoemde internasionale terreurorganisasies wat ons grondgebied en ons opvoedkundige instellings onwettig beset, teen ons as nasionale minderheid diskrimineer en ‘n beleid van verbloemde en onverbloemde volksmoord teen ons voer.

Let wel dat PRAAG bloot die geding sal fasiliteer namens die klas van alle Afrikaners in Gauteng, Limpopo en Mpumalanga wat deur u huidige en vorige optrede benadeel is, en dat ons nie noodwendig ‘n party in die geding sal wees nie, hoewel dit nie uitgesluit is nie.

Ons behou ook alle regte voor om u in internasionale howe te dagvaar vir skadevergoeding en skending van ons mense- en taalregte.

Die uwe,

Dr. Dan Roodt
Direkteur, PRAAG

Tuks-staking: Rektor ontvang meer as R3m per jaar

In ‘n stakingsbrief wat deur vakbonde aan die Universiteit Pretoria vrygestel is, word die vergoedingspakket van die huidige rektor, prof. Cheryl de la Rey, onder wie se leierskap die universiteit finaal verengels word, onthul. Sy ontvang altesaam meer as 3 miljoen rand, waaronder R2,2m aan salaris en R850 000 aan ‘n bonus, plus ander byvoordele.

Die stakingsbrief (sien hier onder) begin met die aanhef, “revolusionêre groete” en is deur NEHAWU, Solidariteit en UPWO onderteken. Blykbaar bied die universiteit net 8% verhoging aan, terwyl die vakbonde 8,8% eis teenoor 10% wat aan sommige universiteite toegestaan is.

Interessant is ook dat die universiteit oor R10 miljard se kontantreserwes beskik, afgesien van ander beleggings, terwyl gerugte deur Engelsgesindes versprei word dat hy nie “Afrikaans meer kan bekostig nie”.

Volgens die brief begin die staking vandag.

Afriforum sê US-besluit teen Afrikaans is ongrondwetlik

Die besluit deur die raad van die Universiteit van Stellenbosch om in 2017 ‘n taalbeleid te aanvaar waarvolgens Engels die enigste primêre onderrigtaal van die universiteit sal wees, is deur AfriForum as “ongrondwetlik” beskryf.

Alana Bailey, adjunk uitvoerende hoof van AfriForum (foto hierbo) het bygevoeg dat “die bevordering van private tersiêre onderrig in Afrikaans” toenemend belangrik geword het.

Sy sê alle Suid-Afrikaners se taalregte word aangetas en nie net Afrikaners s’n nie.

“Met hierdie stap is bewese beste opvoedkundige praktyke, soos die aanbied van moedertaalonderrig (en dit juis die moedertaal van die meerderheid Wes-Kapenaars) nie in ag geneem nie. Ook is ‘n gees van wedersydse erkenning en respek nie onder studente wat onverdraagsaam teenoor Afrikaans is, bevorder nie. Inteendeel, hul dreigemente van onverdraagsaamheid en geweld is met toegewings begroet,” sê Bailey. “Dit voorspel niks goeds wat nasionale stabiliteit en polarisasie in die toekoms aanbetref nie.”

Die enigste van vier universiteite in die provinsie wat Afrikaans as ‘n verstektaal gebruik het, word hiermee uitgerangeer het Baily gesê.

“Dit kom voor asof die besluit ‘n daad van politieke gedienstigheid en ‘n kniebuiging voor anargie is.”

Gevolglik sal geen Wes-Kaapse Afrikaanse matrikulant van volgende jaar af meer in sy of haar eie provinsie in sy of haar eie taal as primêre taal van onderrig kan studeer nie.

“Deur hierdie jongmense van hul taalregte te ontneem, word niemand bemagtig nie en geen ander inheemse taal uitgebou nie. Die besluit is strydig met die gees van die Suid-Afrikaanse Grondwet en internasionale taalregte. AfriForum sal met ons regspan en AfriForum Jeug, asook ander belangegroepe gesels oor verdere stappe om dié regte wel te beskerm.”

Tuks kapituleer voor EFF en radikale groepe oor Afrikaans

Die Universiteit van Pretoria het gisteraand voor radikale drukgroepe soos die “EFF-studenteweermag” gekapituleer en slegs Engels as onderrig- en voertaal aanvaar. In ‘n verklaring wat die universiteit uitgereik het, aanvaar die instelling Engels as “primêre taal van onderrig en assessering” en veklaar dat “die gebruik van Afrikaans as onderrigtaal geleidelik uitgefaseer word”:

Die Raad van die Universiteit van Pretoria (UP) het in ooreenstemming met die Senaat vandag die aanvaarding van ‘n nuwe taalbeleid ondersteun in terme waarvan Engels die primêre taal van onderrig en assessering sal wees.

Vir studente wat reeds geregistreer is, sal die gebruik van Afrikaans as onderrigtaal geleidelik uitgefaseer word. Die implementeringsdatum is onderworpe aan die proses wat gevolg moet word in samewerking met die Departement van Hoër Onderwys en Opleiding om die statuut van die Universiteit te verander.

Die doel van die nuwe beleid is om sosiale samehorigheid te skep en om gelyke geleenthede aan die sprekers van alle Suid-Afrikaanse tale te bied.

Hierdie besluit van die Raad en Senaat volg op ‘n uitgebreide konsultasieproses en voorstelle van alle belangegroepe, insluitend die taalbeleid-werkstroom wat deel gevorm het van die Transformasie-lekgotla, en die Onafhanklike Transformasiepaneel wat gefokus het op die voorstelle van eksterne belangegroepe. ‘n Sleutelfaktor in die onderhandelinge was die verminderende proporsie van studente wat Afrikaans as gekose onderrigmedium aangedui het.

Daar is ook besluit om Afrikaans te behou as ‘n akademiese en vaktaal, terwyl die ontwikkeling van Sepedi tot ‘n hoër vlak van wetenskaplike diskoers ondersteun moet word, wat die beskikbaarstelling van die nodige hulpbronne insluit. Die Raad het aangeveel dat die Bestuur ‘n implementasieplan moet ontwikkel, waarin daar na personeelbehoeftes en die nodige begroting gekyk moet word om voldoende taalondersteuning te bied.

In Afrikaansvyandige geledere word die besluit reeds as ‘n oorwinning vir die EFF-studenteweermag en ander radikale groepe gevier. Op Twitter het verskeie individue hul genoegdoening oor die universiteit se besluit uitgespreek.

@mandla64 @MsTandile hip hip hip hooray!

— bheki Mwelase (@BTZamisa) June 22, 2016

‘Agterdeur’-virus op Praag: opgelos?

Nuwe boodskap: Ons het nou die tema van die blad geherinstalleer, wat lyk asof dit van die “agterdeur” ontslae geraak het. Indien u nog probleme ervaar om ‘n bladsy op ‘n mobiele toestel te open of na ‘n gemorsadvertensie herlei word, laat ons asseblief dadelik weet op Twitter of Facebook of deur ‘n e-pos aan inlig[by]praag.org.

As ‘n voorsorgmaatreël, het ons ook die voorkoms van die blad verander deur ‘n ander, veiliger tema te gebruik.

Aanvanklike boodskap:

Die afgelope paar dae ondervind veral mobiele gebruikers van hierdie webblad, asook praag.org, probleme as gevolg van ‘n “agterdeur”-virus wat deur krakers op ons bediener geïnstalleer is. Gewoonlik word die PRAAG-bladsy herlei na ‘n gemorsadvertensie elders. Ons werk tans daaraan, maar om die kode vir so ‘n “agterdeur” tussen die tienduisende lêers op ons webblad te vind, is nie maklik nie, daarom vra ons u geduld totdat die probleem opgelos is.

Gebruikers vanaf rekenaars, dus nie fone of tablette nie, word blykbaar nie hierdeur geraak nie.

Terwyl ons sekere programme vervang en hernuwe, mag die webblad by tye van voorkoms verander of mag die Disqus-kommentaarstelsel tydelik nie beskikbaar wees nie.

– Die redaksie