Suider-Afrika – Bladsy 8

Swart gepeupel steek bus aan die brand in Kaapstad

Die Kaapstad Metroraad het die voorval veroordeel toe ‘n groot negemeter MyCiti-bus Sondag in Joe Slovo naby Milnerton aan die brand gesteek is.

Volgens die burgemeesterskomiteelid, Brett Herron, het ‘n groep swart jeugdiges na bewering die bus aangeval.

Niemand is beseer nie. Busse langs die roete sal tot verdere kennisgewing herlei word. Die motief vir die aanval is glo nog onbekend.

“Die motief vir hierdie sinnelose en skokkende aanval is onbekend. Ons het al ons inwoners nodig om by ons aan te sluit om die gewelddadige aanvalle op ons openbare vervoerstelsel te veroordeel. Daar is absoluut geen verskoning of regverdiging vir hierdie kriminele gedrag wat die vordering wat ons maak, ondermyn en verhoed dat ons ‘n meer inklusiewe en toeganklike stad skep nie,” het hy gesê.

“Finansiële hulpbronne is beperk. Om te vernietig wat reeds bereik is, beroof almal van verbeterde toegang tot werksgeleenthede, geleenthede, skole en klinieke en ander dienste. In die besonder, die gemeenskappe wat afhanklik was van openbare vervoer vir hul mobiliteit het die meeste gely. Laerinkomste-gesinne wat gemiddeld 43% van hul maandelikse inkomste op vervoerkoste bestee en in sommige dele van Kaapstad is die koste so hoog as 60%.”

Die stad was dag en nag werksaam om die koste van openbare vervoer te verminder sodat Kaapstad meer billik en toeganklik was vir behoeftiges, het hy gesê.

“Diegene wat die openbare vervoer-infrastruktuur na willekeurig vernietig het, het die wettige bewoners van hul reg op bekostigbare, toeganklike en veilige openbare vervoer ontneem omdat hulle gegrief was. Die spoorstelsel is reeds verlam deur die aanhoudende sabotasie en gewelddadige aanvalle, en daardeur het duisende pendelaars na openbare vervoer per pad oorgeskakel.

Dit is hoog tyd dat die Suid-Afrikaanse Polisiediens die skuldiges vasvat sodat hulle aangekla en vervolg kon word. Anargie, geweld en die vernietiging van stedelike eiendom is onaanvaarbaar en kan nie geduld word nie,” het Herron gesê.

Bruce Fordyce aangeval terwyl hy op straat draf

Die Suid-Afrikaanse langafstandatleet en herhaalde Comrades-wenner, Brucy Fordyce, is op straat in Johanensburg aangeval en beroof terwyl hy vanoggend besig was om te oefen.

Volgens ‘n vriend, mnr. Ray de Vries, is Fordyce, aangeval en van sy hardloopskoene en horlosie deur gewapende rowers beroof.

Die rowers het in ‘n motor langs Fordyce stilgehou en hy het aanvanklik gedink dat hulle padaanwysings wil vra, toe hulle ‘n vuurwapen te voorskyn haal en hom beveel om sy horlosie en skoene te oorhandig.

Maar blykbaar het Fordyce hom nie van stryk laat bring nie en het, nadat hy tuis ‘n ander paar skoene gaan aantrek het, sy oggenddraffie voortgesit.

Op die hoogtepunt van sy loopbaan as marathonatleet het Fordyce nege keer die moordende Comrades-wedren gewen.

‘Resep vir chaos’: Meer mense in SA ontvang toelaes as wat werk

Die Instituut vir Rasse-Verhoudinge sê daar is meer mense in die land wat maatskaplike toelaes kry, as wat daar mense is wat werk het. Volgens die jongste verslag van die Instituut was daar in 2016 net meer as 15 komma vyf miljoen mense in die formele arbeidsmark, teenoor die sewentien miljoen mense wat toelaes ontvang. ‘n Ontleder by die Instituut, Gerbrandt van Heerden, sê terwyl die ekonomie verlangsaam, sal die regering dit toenemend moeilik vind om die toelaes uit te brei of te verhoog.

Van Heerden het bygevoeg:

“Die syfers is ‘n resep vir maatskaplike en politieke chaos. Met Suid-Afrika wat formeel in ‘n resessie verkeer, gaan die regering dit moeilik vind om die koste van maatskaplike toelaes te bekostig. Soos wat die ekonomie stangeer, en belastinginkomste verlangsaam, sal die vraag na toelaes toeneem. Die regering sal ander bestedingsvelde moet inkort om openbare eise om meer en hoër toelaes toe te staan. Ons voorspel dat dit tot veel hoër vlakke van gewelddadige betogings sal lei.”

Dit sal beteken dat die regering ander besteding sal moet inkort om aan die stygende vraag te voldoen. Hy sê besnoeiings aan dienslewering kan lei tot meer gewelddadige betogings.

Dieselfde verslag toon dat daar in 2001 sowat 12 494 000 mense in diens was en 3 993 133 wat toelaes ontvang het. Teen 2016 het die aantal mense wat toelaes ontvang egter met 328% gestyg terwyl dié met werk slegs 24% toegeneem het.

Brande vlam weer op langs Tuinroete

Brandbestryders langs die Tuinroete probeer steeds om veldbrande tussen Rheenendal en KaRatara buite Knysna te blus wat gisteraand weer opgevlam het.

Sowat 60 brandbestryders is in die gebied ontplooi, het RSG berig.

Die plaaslike brandweerhoof, Clinton Manuel sê die brande het die potensiaal om opnuut verwoesting te saai indien die wind begin waai. Dit brand ook by Plettenbergbaai. Geen huise of lewens word in die stadium bedreig nie.

Vroeër vandeesmaand is sewe mense dood en meer as 400 huise vernietig in brande in die gebied.

Knysna Toerisme sê intussen planne word beraam om alle besoekers te huisves wat die jaarlike Oesterfees volgende maand wil bywoon.

Vier-en-twintig gastehuise is tydens die onlangse wegholbrande in puin gelê. ‘n Woordvoerder van die Toerismeraad, Elmay Bouwer sê daar is genoeg akkommodasie.

OB se verslae oor verskeie skandale glo nie besonder diepgaande nie

Inligting oor die verslae wat na verwagting vandag deur die Openbare Beskermer (OB), Busisiwe Mkhwebane, bekend gemaak gaan word, is klaarblyklik nie volledig nie.

Haar woordvoerder, Cleopatra Mosene, het by navraag bevestig dat verskeie verslae vandag deur die kantoor vrygestel gaan word, maar wou nie verdere inligting bekend maak nie.

Die OB het gedurende haar besoek aan die Noord-Kaap verlede maand aangedui dat verskeie ondersoeke in die Vrystaat reeds afgehandel is en dat van die verslae nog vandeesmaand vrygestel kan word.

Mkhwebane het onder meer die omstrede multimiljoenrandse Vrede-suiwelprojek asook die Vrystaatse webtuiste-skandaal in die provinsie ondersoek. Van die verslae sou reeds in April bekend gemaak word, maar uitstel is glo gevra.

Intussen het die opposisie ‘n beroep op Mkhwebane gedoen om vandag die geleentheid te gebruik om verskeie verslae wat die betrokkenheid van die Gupta-familie insluit, ook openbaar te maak.

Skietery op N1 met taxi-staking wat verkeer tot stilstand dwing in Gauteng

Geweerskote is afgevuur op die N1 in Midrand by die Mall of Africa, naby die Allandale-afrit. Nie net geweerskote het geklap nie, maar taxi’s word geskut en pendelaars word erg ontwrig weens protesoptrede deur taxibestuurders in Gauteng.

Groot verkeersontwrigtings kom regoor die provinsie voor. Meer as tien taxi’s is geskut omdat hulle die N1 hoofweg versper het.

Sommige pendelaars, veral in Pretoria, is met geweld uit busse gedwing. Taxi’s ry op plekke ook baie stadig om motoriste te frustreer.

PRAAG het met ‘n motoris in Fourways gepraat wat sê motors waag dit nie naby die taxi-versperrings nie weens die intimidasie.

Die Gautengse polisie probeer om die situasie onder beheer te kry. Mense is ook aangeraai om hul ritte uit te stel totdat die situasie onder beheer is.

Ontwrigtings kom voor op die N1 en M1 hoofweë tussen Johannesburg en Pretoria te midde van duisende taxi-pendelaars wat vandag staak.

Die Suid-Afrikaanse Taxi-raad het bevestig dat sy lede ‘n protesoptog na die kantore van die Suid-Afrikaanse taxi-finansieringsdiens in Midrand, noord van Johannesburg gaan hou.

Hulle betoog teen hoër finansieringskoste vir minibusse. Die taxi-eienaars en -bestuurders het toestemming vir die protesoptrede. SANTACO sê hulle sal ook motorvervaardigers, banke, versekerings- en brandstofmaatskappye teiken.

Minister sê Guptas se naturalisasie was niks buitengewoons

Daar is niks buitengewoon oor die toekenning van naturalisasie-sertifikate aan die Gupta-familie nie, sê die minister daarmee belas.

Die voormalige minister van binnelandse sake, Malusi Gigaba het Dinsdag ‘n verklaring uitgereik waarin bevestig word dat dokumente wat op sosiale media versprei is met betrekking tot hierdie besluit eintlik werklik is.

Gigaba se woordvoerder, Mayihlome Tshwete, het aan OFM News gesê die minister het die aansoek wettiglik goedgekeur ingevolge die Suid-Afrikaanse Burgerskapswet Amendement van 2010 in die Grondwet.

Tshwete het gesê die minister het die Gupta-familie se burgerskap aansoek goedgekeur nadat dit saam met ander aanbevelings van individue van ander dele van die wêreld na hom gebring is.

“Soos die meeste van die aanbevelings wat van die departement na die minister kom, het hy hulle goedgekeur,” het hy gesê.

“Die individue waaroor ons praat, was sedert 2008 selfs permanente inwoners. Ongelukkig is dit vir binnelandse sake, of hulle van sekere mense hou of nie en of sekere mense onaantasbaar geag word of nie, hulle het ‘n diens om aan elke individu of familie te lewer wat die dienste van Binnelandse Sake versoek.”

Hy het gesê daar was niks buitengewoon oor hierdie spesifieke geval nie en die feit dat dit in departementele dokumentasie geskryf is, bevestig dat die wet tot op die letter gevolg is.

Gigaba het in die verklaring gesê mediaberigte oor die saak was onregverdig en van sensasionele aard.

Hy het gevra dat die Departement van Binnelandse Sake chronologiese besonderhede verskaf van hoe al die aansoeke deur die Gupta-familie hanteer is sedert die familie die departement genader het.

David Hlabane, woordvoerder van die departement van Binnelandse Sake, het gesê hul departement het Gigaba se reaksie opgemerk. Hulle sal die feite verifieer en betyds ‘n ingeligte verklaring uitreik.

Zille kruip láág, maar nie laag genoeg vir swart joernaliste

Die voormalige leidster van die DA, Helen Zille, het vanoggend om 11:00 weereens om verskoning gevra vir haar gewraakte twiets oor die positiewe aspekte van kolonialisme. Sy en die huidige leier van die party, asook haar eertydse protégé, Mmusi Maimane, het by ‘n perskonferensie verskyn waartydens sy ‘n voorbereide verskoning voorgelê het.

Zille het gesê:

“Ná ‘n tyd van debat en besinning, erken ek die aanstoot wat my twiet op 16 Maart 2017 aangaande die erfenis van kolonialisme veroorsaak het. Ek vra daarom onvoorwaardelik om verskoning aan die Suid-Afrikaanse publiek wat aanstoot geneem het weens dié twiet en my daaropvolgende verduideliking daarvan.”

Agterna is slegs vyf vrae toegelaat. ‘n Swart joernalis van Enca, Thulasizwe Simelane, het gesê dat “kolonialisme tot apartheid gelei het, wat die dood van ontelbare (countless) swartmense veroorsaak het”. Hy het apartheid ook met nazisme vergelyk en Zille kwalik geneem dat sy nie met die gelykstelling van apartheid en nazisme saamstem nie.

‘n Gesette swart joernaliste van City Press het ook ‘n aggressiewe houding teenoor Zille ingeneem.

Volgens ‘n interne partybyeenkoms wat bereik is, gaan sy geen pos meer in enige besluitnemingsliggaam van die DA beklee nie, waaronder die federale uitvoerende komitee, die federale raad en die provinsiale raad. Sy sal egter as premier van die Wes-Kaap aanbly totdat haar termyn oor 18 maande verstryk. Enige kommunikasie wat sy namens die provinsie onderneem – en waartoe sy beperk sal wees – sal onderhewig wees aan goedkeuring deur die party.

Verder sal sy as lid van die DA aanbly.

Dr. Dan Roodt van PRAAG het in sy kommentaar vanoggend droogweg opgemerk:

“Tagtig persent van blankes stem vir die DA, maar slegs ses persent van swartes. Om ‘n aantal swart twittereerders ter wille te wees, wat heel moontlik nie eens vir die DA stem nie, het die party die tagtig pesent vervreem.”

Oproeriges by Krugersdorp steek huis aan die brand

Die polisie ondersoek ‘n saak van brandstigting nadat oproeriges van die Princess-plakkerskamp in Roodepoort, Dinsdagaand ‘n huis aan die brand gesteek het.

Tydens oproer en onluste, wat RSG beskryf as ‘n “diensleweringsbetoging”, is verbygaande voertuie en motoriste ook met klippe bestook.

Motoriste word aangeraai om Ontdekkersweg of die N12 te gebruik. Tot dusver is geen beserings nog aangemeld nie.

Die Johannesburgse Metropolisie sê Albertina Sisuluweg langs die plakkersgebied in die rigting van Krugersdorp, bly gesluit.

Die polisie wil duidelik nie kanse waag nie want drie maande gelede het plakkers van Princess aan die Wes-Rand ‘n vragmotor gekaap en aan die brand gesteek ná ‘n gewelddadige protes deur inwoners. Die vragmotor vol groente en vrugte op die Hoofrifpad is eers geplunder en daarna aan die brand gesteek.

Die polisie het gereageer met rubberkoeëls en skokgranate om die skare te verjaag en van die gesteelde goedere terug te vind.

Die inwoners sê hulle wil hê die regering moet hul belofte van behuising, water en elektrisiteit nakom.

Terwyl kalmte op Hoofrifweg herstel is, was dit lank gesluit aangesien beamptes moes werk om te verwyder wat oorgebly het van die brandende vragmotor, bande en sementblokke.

Gemeenskapsleier David Mathibe sê die protes sal nie ophou nie, want die regering het voortgegaan om leë beloftes te maak.

“Die regering luister nie na ons nie, wat beteken dat hulle nie omgee vir ons mense nie.”

“Ek is al so lank hier, ek behoort nou in ‘n pragtige huis te bly. Hulle neem ons nie ernstig op nie. Laat hulle dus doen soos hulle wil, en ons sal dieselfde doen,” het ‘n inwoner gesê.

Die polisie sê hulle sal in die omgewing bly om seker te maak dat protes nie weer opduik nie.

In Maart het betogers ‘n gedeelte van Elsburgweg en ander strate wat na die Ramaphosa-plakkers en Reigerpark gelei het, met brandende bande, gemors, boomtakke en vullis afgesper.

“Ons het besluit om ons griewe na die strate te neem, want daar is nog steeds geen ontwikkeling in ons omgewing nie, alhoewel ons baie keer gestem het,” het een van die inwoners gesê.

Ramaphosa word nie ontwikkel nie, terwyl ontwikkelings in ander gebiede langs hul area in die bruin gebied plaasvind, sê hulle.

“Skole, ‘n biblioteek, gemeenskapsale, sportgeriewe, teerpaaie en ander dienste is aan die orde van die dag in Reigerpark, maar nie Ramaphosa nie.

“Ons het nie eens sportgeriewe om jongmense van die strate te hou wat verslaaf is aan dwelms nie.”

Tony Leon raai Zille aan om te bedank

Die voormalige DA-leier, Tony Leon het die Wes-Kaapse premier, Helen Zille aangeraai om te bedank.

Zille het tot môre tyd om redes aan die DA te verskaf waarom sy nie uit die party geskors moet word hangende die uitkoms van haar tugverhoor nie.

Zille word aangekla omdat sy kolonialisme verdedig het. Leon sê hy sou Zille aanraai om te luister na die leierskap van haar party.

Die wit Suid-Afrikaanse opposisie-leier is Saterdag geskors ná twiets waarin sy gesê het dat kolonialisme positiewe resultate gehad het.

Zille, sê die DA-leier, Mmusi Maimane, was te haastig toe hy aangekondig het dat haar skorsing onmiddellik sou wees omdat Maimane die party se grondwet misverstaan het. Die DA het Zille bedien met ‘n kennisgewing van voorneme om haar lidmaatskap op te skort, na aanleiding van haar twiets.

Die premier het ook ontken dat sy spesiale behandeling ontvang het bó ‘n swart DA-LP Mbali Ntuli. Beide staar klagte in die gesig oor hul kommentaar op sosiale media. Sommige beweer dat Mbali binne dae van haar oortreding aangekla is, terwyl die party te lank met Zille se saak gevat het.

Die ANC in die Wes-Kaap het gevra dat Zille, onmiddellik bedank as provinsiale leier en as premier. Die ANC se waarnemende voorsitter in die Wes-Kaap, Khaya Magaxa sê Zille het die provinsie en sy mense in die verleentheid gestel deur haar voortdurende aanvalle op bruin en swart mense.

Hy sê haar uitlatings oor kolonialisme het nie net die DA nie, maar ook die gemeenskap in twee geskeur. Zille het intussen oor haar hangende skorsing gesê sy wil die kans gegun word om haar saak te stel.

Die DA-leier, Mmusi Maimane, het klaarblyklik voortydig aangekondig dat Zille uit alle partybedrywighede geskors word, hangende haar tugverhoor. Die party se federale raad het haar tot môre tyd gegee om voorleggings te maak oor waarom sy nie geskors moet word nie.

Zille probeer intussen haar twiet verdedig. Sy sê nou dat sy “nooit kolonialisme verdedig of geregverdig het nie” en dit nou ten sterkste veroordeel. “Ek het altyd gesê dat kolonialisme absoluut diabolies was,” het sy gesê.

Sy het onvoorwaardelik om verskoning gevra op sosiale media maar bygevoeg: “In my verskoning gaan ek nie skuld erken aan oortredings wat ek nie glo ek het gepleeg nie.”

Zille het in Maart gesê dat die koloniale erfenis nie net negatief was nie, met verwysing na “ons onafhanklike regbank, vervoerinfrastruktuur, waterstelsel, ens.”.

Die swart lede in die DA wil van sy wit leier ontslae raak omdat hulle haar as primêr verteenwoordigend van Suid-Afrika se wit liberale minderheid beskou. Sy sê self daar was ‘n sterk poging binne in die DA om van haar ontslae te raak sonder ‘n verhoor. Zille sê sy dring daarop aan om aangekla te word en deur ‘n behoorlike verhoorproses te gaan.

Die voormalige joernalis en anti-apartheid-aktivis wat gewapende ANC-terroriste in haar huis laat skuil het, Zille, is besig om te ontdek dat sy nie liberaal en links genoeg is om die party te lei nie.

Zille is van Joodse afkoms en is in Johannesburg gebore nadat haar ouers van Duitsland na die Tweede Wêreldoorlog na Suid-Afrika verhuis het.

Waterpolisie ontplooi in ergste Kaapse droogte in ‘n eeu

George in die Tuinroete is die jongste dorp in die Wes-Kaap om waterbeperkings in te stel, te midde van ‘n waterkrisis wat dreig in die provinsie en waterpolisie wat ontplooi word.

Die plaaslike munisipaliteit het bekend gemaak dat die waterbeperkings onmiddellik van krag is. Die beperkings raak die natlei van tuine, sportterreine en die vul van swembaddens.

Vlak Vier-waterbeperkings het in werking getree in Kaapstad. Verbruikers kan net water gebruik om te drink, te kook en te was. Die metro sê hy verwag dat die verbruik tot 500-miljoen liter per dag sal daal indien die inwoners aan die beperkings gehoor gee.

Inwoners het oor die algemeen positief op die beperkings reageer en sê hulle sal hul bes doen om water te spaar.

Die Stad Kaapstad het begin moeilik raak oor kwistige watergebruik, aangesien die Wes-Kaap steeds onder die ergste droogte in ‘n eeu gebuk gaan.

Die stad is tans in gesprek om boetes te verhoog nadat die Vlak 4-waterbeperkings Donderdag in werking getree het. Die stad het ook sy waterpolisie ontplooi, volgens ‘n EWN-verslag.

Xanthea Limberg, raadslid en burgemeesterskomiteelid, het aan die nuusagentskap gesê dat die stad addisionele personeel vir sy waterinspektoraat in diens het.

“Hulle sal uitgaan en die toepassing doen. Ons is besig om ons inbelsentrum en ons waterwerkspan verder uit te brei. Dit is gedoen en ons het aanvanklike personeel daar toegewys.”

Die Stad Kaapstad het inwoners intussen aangeraai dat, in ooreenstemming met Vlak 4-beperkings, waterdruk verder verlaag word tot die punt waar voorraadonderbrekings in hoërliggende gebiede van die Stad se voorsieningsones vir kort tydperke gedurende die dag ervaar sal word.

Kommersiële motorwassake kan aansoek doen vir ‘n vrystelling wat slegs toegestaan sal word indien waswater herwin word of waterlose produkte gebruik word.

Die gebruik van draagbare speelpoele is ook verbode. Limberg het inwoners aangespoor om waterverbruik tot minder as 100 liter per persoon per dag te verlaag.

Die stad is in gesprekke met landdroste oor die verhoging van boetes vir oortredings in lyn met die nuwe beperkings. As jy skuldig bevind word aan die vermorsing van water, kan jy ‘n boete van tot R10 000 kry.

Kitsboetes van tot R5 000 word ook bespreek.

“Die meeste boetes is verhoog van R0 en R2 000 tot R1 000 en R3 000 tot R5 000 onderskeidelik weens die erns van die situasie op hand,” het die stadsraad gesê.

Waterbesparingsmaatreëls is intussen by alle staatsinstellings in die land ingestel. Die Minister van Openbare Werke, Nathi Nhleko, sê die maatreëls volg op ‘n opname oor waterverspreiding en -infrastuktuur by die instellings.

Die departement het bykans R43 miljoen verkwis om die watergehalte by 64 aanlegte vir militêre basisse en korrektiewe sentrums tot Bloudruppelgehalte te verbeter.

Vereistes vir Bloudruppelstatus sluit in dat water 97 persent aan mikrobiologiese standaarde moet voldoen. Daarbenewens is meer as R55 miljoen bestee om water by 82 herwinningsaanlegte van afvalwater tot Groenddruppelstatus te suiwer, sodat dit minstens 90 persent skoon is.

Treine bots oos van Johannesburg na kabeldiefstal

Minstens vyftig mense is beseer en een is dood nadat ‘n trein vanoggend van agter teen ‘n ander trein gebots het. Die moontlikheid van kabeldiefstal word ondersoek. Pendelaars word met busse na hul bestemmings geneem.

ER24 se woordvoerder, Russel Meiring, sê die ongeluk het tussen 06:00 en 07:00 by die Elandsfontein-stasie oos van Johannesburg plaasgevind.

Treindienste in die ooste van Johannesburg is tot verdere kennisgewing opgeskort. Volgens Metrorail is daar geen kragtoevoer op vier spoorlyne tussen Germiston en Kemptonpark nie.

Hy sê die lyk van een van die treindrywers is in die trein gevind en is op die toneel dood verklaar. Meiring sê die ander pasiënte het geringe tot matige beserings opgedoen en is na plaaslike hospitale in die gebied vervoer.

“Toe paramedici op die toneel opdaag, het verskeie pasiënte langs die trein rondgeloop. Sommige is ook in die trein vir hul beserings behandel.

Gelukkig het meeste van die pasiënte geringe tot matige skrapies en frakture opgedoen. Plaaslike owerhede is nog op die toneel om die oorsaak van die ongeluk te ondersoek,” sê Meiring.

Zuma oorleef felle media-aanslag en NUK-mosie

President Jacob Zuma het, in weerwil van felle kritiek vanuit die hoofstroommedia wat ‘n konstante veldtog teen hom voer, gemaklik ‘n mosie van wantroue teen hom van die ANC se nasionale uitvoerende komitee (NUK) oorleef. Die rand het voor die naweek sterk veld gewen, net om gister te verswak toe dit blyk dat allerlei gerugte dat Zuma ballingskap in Doebai oorweeg, ongegrond blyk te gewees het.

Die mosie van wantroue in Zuma is blykbaar heel naweek lank gedebatteer en daar is eers laat Sondagaand tot stemming oorgegaan, waartydens Zuma ‘n klinkende oorwinning behaal het.

In sy toespraak aan die NUK was Zuma taamlik nukkerig en het gesê dat hy nie langer openbare kritiek vanuit sy eie party op hom sal duld nie. Volgens aangehaalde bronne sou Zuma in sy toespraak gesê het:

“Moet my nie te ver dryf nie. Ek het stilgebly want ek wil nie die ANC skade aandoen nie, maar hou aan om my in die media aan te val en u sal sien.”

Zuma het ook teen die ANC in die Gauteng-provinsie uitgevaar en aan hulle gesê dat hy “weet dat julle nie van my hou nie, maar die mense (in Gauteng) hou van my”. Daar is reeds jare lange gerugte dat die ANC in Gauteng, die land se rykste provinsie, poog om Zuma te ondermyn of te ontsetel. Die ANC in Gauteng staan onder leiding van Paul Mashatile, wat blykbaar Zuma se aartsvyand in die party is. Hy het ook die Gauteng-ANC gekritiseer omdat hulle nie tydens die munisipale verkiesings in 2016 T-hemde met sy naam op wou versprei nie.

Die mosie van wantroue in Zuma is deur Joel Netshitenzhe ter tafel gelei, maar blykbaar was daar minder stemme teen Zuma as in November toe die voormalige minister van toerisme, Derek Hanekom, ‘n soortgelyke mosie teen Zuma voorgestel het.

Nie minder as 70 mense het vir of teen die mosie gepraat nie, met die meeste wat vir Zuma ondersteun het.

Volgens sommige ontleders word daar verwag dat die druk teen Zuma gaan veroorsaak dat hy sy standpunte na links gaan verskuif ten einde EFF-ondersteuners by te kry. Hy wil blykbaar ook gebruik maak van die EFF se aanbod om hul 6% stemme in die parlement te gebruik vir ‘n tweederdemeerderheid om die grondwet te verander sover dit eiendomsreg betref. Dan sal die ANC Afrikanerboere se plase sonder vergoeding mag onteien, iets waarvoor die EFF reeds jare lank agiteer.

Geweld teen buitelanders vlam weer op in Umlazi

Die situasie by Umlazi, suid van Durban, het Dinsdagoggend na normaal teruggekeer ná gewelddadige oproer Maandag uitgebreek het teen buitelanders.

Die geweld het tot laatnag geduur toe swart inwoners winkels van buitelanders in die omgewing aangeval en geplunder het.

Hulle is glo woedend oor gerugte dat leerlinge by skole in KwaMashu ontvoer is. Die verkeer het Maandag op die Mangosuthu-hoofweg tot ‘n stilstand gekom. Die pad was met rommel versper.

Niemand is in verband met die geweld in hegtenis geneem nie.

Volgens berigte was daar ook verkeersopeenhopings in en om die Isipingo-gebied. Betogers het bande gebrand en begin klipgooi. Motoriste is aangemoedig om alternatiewe roetes te gebruik.

Die verkeer het tot stilstand gekom op die Mangosuthu-snelweg in Umlazi, ná inwoners die snelweg afgesper het.

Motoriste is ook versoek om weg te bly van Mega City, Price Mshiyeni Hospitaal, Clare Estate, Foremanweglokasie, Constantine-lokasie, Wandsbeckweg, Marriannhill, Holznerweg, Dorfnersingel, Reunionbrug en die Mega City-kruising tot verdere kennisgewing.

In 2015 is mense van die Kongo, Burundi, Rwanda, Ethiopië en Malawi in dieselfde gebied aangeval. Pres. Jacob Zuma het in Februarie vanjaar uitgevaar teen algemene wetteloosheid, asook dreigemente van geweld en intimidasie teen buitelanders.

Hy het die regering se kommer uitgespreek oor huidige dreigemente van geweld en dade van intimidasie en vernietiging van eiendom wat gerig is op nie-landsburgers wat in Suid-Afrika woon.

Inwoners in sommige gemeenskappe blameer nie-landsburgers vir die toenemende misdade, veral dwelmhandel.