Brandbestryders langs die Tuinroete probeer steeds om veldbrande tussen Rheenendal en KaRatara buite Knysna te blus wat gisteraand weer opgevlam het.
Sowat 60 brandbestryders is in die gebied ontplooi, het RSG berig.
Die plaaslike brandweerhoof, Clinton Manuel sê die brande het die potensiaal om opnuut verwoesting te saai indien die wind begin waai. Dit brand ook by Plettenbergbaai. Geen huise of lewens word in die stadium bedreig nie.
Vroeër vandeesmaand is sewe mense dood en meer as 400 huise vernietig in brande in die gebied.
Knysna Toerisme sê intussen planne word beraam om alle besoekers te huisves wat die jaarlike Oesterfees volgende maand wil bywoon.
Vier-en-twintig gastehuise is tydens die onlangse wegholbrande in puin gelê. ‘n Woordvoerder van die Toerismeraad, Elmay Bouwer sê daar is genoeg akkommodasie.
Eienaardige Afrika brande wat snags sonder wind of hitte opvlam ……seker weer die “mitiese sigaret ” wat by ‘n voertuig uitgegooi is ???
Ons beleef elke winter dieselfde vernietiging in Wes-transvaal waar die waarheid reeds bekend is aangaande die oorsaak van verdrywing..
Die Oesterfees wat voortgaan herhinner sterk aan Rome wat brand terwyl die Keiser fees hou ….vraag ; vir watter behoefte gaan die winste gaan??
My hart gaan uit na hierdie mense wat alreeds so baie verloor het. Hoop maar die brande word geblus voor daar meer skade en verliese is.
@ Ou Transvaal…….Die lewe gaan aan en mense kan nie in sak en as gaan sit nie. Die Oesterfees sal ‘n goeie finansiele inspuiting wees vir die inwoners asook besighede. Sjoe! Rome wat brand terwyl die Keiser fees hou? Hehe nee wat man, komaan, gun die mense dit.