Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

Al nege onderwysdepartemente kry druipverslae

Al nege provinsiale onderwysdepartemente het druip-rapporte gekry vir die bou van nuwe klaskamers en die instandhouding van skole.

Dit is volgens ‘n prestasie-verslag deur die ouditeur-generaal.

Die verslag het tekortkominge met infrastruktuurprojekte in al nege provinsies uitgewys.

Van die bevindinge gaan oor die verontagsaming van tenderprosedures, die feit dat projekte nie gemonitor word nie en die aanstelling van kontrakteurs wat nie aan vereistes voldoen nie. Swak bouwerk en skole sonder elektrisiteit en water is tydens die inspeksie van die 52 skole landwyd gevind.

Projekte is ook deur kontrakteurs vertraag en een so ‘n projek is in die Vrystaat gevind waar die bou van ‘n skool al vir ‘n jaar agter skedule is.

Provinsies het altesaam R6.6 miljard vir dié projekte gedurende die 2013/2014 boekjaar ontvang.

Die auditeur-generaal sê konstruksie van klaskamers en die instandhouding van skole laat veel te wense oor.

‘n Nuwe skool wat al vyf jaar gelede voltooi is maar nog leeg staan, is tydens ‘n inspeksie van infrastruktuurprojekte in die Noord-Kaap gevind.

Die bevindinge is in ‘n auditeur-generaal-verslag oor ‘n prestasie-oudit van die onderwyssektor vervat.

Van die probleme met die projekte in verskeie provinsies sluit in die aanstel van kontrakteurs wat nie aan vereistes voldoen nie en swak monitering deur provinsiale onderwysdepartemente.

Luidens die verslag is die bou van ‘n skool in die Vrystaat al vir ‘n jaar lank vertraag, terwyl ‘n skool in die Noord-Kaap ‘n wit olifant geword het omdat die sleutels van die gebou nooit aan die provinsiale onderwysdepartement oorhandig is nie.

Leë klaskamers, rekenaarlokale en biblioteke is in ses provinsies gevind, want toerusting is nooit afgelewer nie.

Swak bouwerk, wat ‘n bedreiging vir kinders en personeel se veiligheid inhou, is ook in sommige skole gevind.

Vermiste man in hospitaal oorlede

David John Bardsley is Dinsdag in die Tambo Memorial Hospitaal oorlede.

Sy broer, Melvin (45), het Woensdag aan die Herald gesê dat hy inligting ontvang het, wat daarop gedui het dat sy broer moontlik in die hospitaal kon wees.

Hy het gaan navraag doen en uitgevind dat David Dinsdag (11 Augustus) oorlede is.

“Sover ek weet was my broer by die Verre Oos-Rand Hospitaal geregistreer as ‘n pasiënt.”

“Ons het, na sy verdwyning, dáár en by die Pholosong Hospitaal navraag gedoen, maar nooit gedink om by ander hospitale aan te klop nie,” het Melvin gesê.

“Ek sou hom regtig wou groet, maar ek was te laat.”

Volgens Melvin is sy broer reeds op 18 Julie in die hospitaal opgeneem.

Hy is op 19 Julie as vermis by die Brakpan Polisiestasie aangemeld.

Daarna het ‘n grootskaalse soektog na die man gevolg.

Die soektog is verskerp toe daar ‘n bebloede duvet, wat aan Bradsley behoort het, in ‘n veld oorkant die huis waar hy gebly het, gevind is.

Die veld is vir sowat twee dae gefynkam, maar het niks opgelewer nie.

Melvin het gesê dat hy nog sy broer se liggaam amptelik moet uitken.

“Volgens die rekords, wat ek gesien het, is hy aan lewerversaking oorlede,” het Melvin gesê.

Intussen is hy besig om reëlings te tref sodat sy broer met waardigheid ter ruste gelê kan word.

Bron: Brakpan Herald

Noodlanding by lughawe op Bloemfontein

‘n Vlieguig onderweg na George moes gistermiddag ‘n noodlanding uitvoer op die Bloemfonteinse lughawe, wat deesdae na die kommunistiese leier Bram Fishcer, vernoem word, volgens die Lughawemaatskappy van Suid-Afrika.

“‘n SA Express-vliegtuig was op pad George toe die OR Tambo- internasionale lughawe af toe dit ‘n probleem ervaar het en na die Bram Fischer- internasionale lughawe moes uitwyk,” het die woordvoerder Colin Naidoo gesê.

“Dit het omstreeks 15:00 op Donderdag gebeur.”

“There was an SA Express that was on its way from George to OR Tambo International Airport when it experienced a problem and had to divert to Bram Fischer International Airport,” spokesperson Colin Naidoo told News24.

Die vliegtuig met vier bemanningslede en 63 passassiers aanboord, het veilig geland.

“Geen van die werksaamhede by Bram Fischer is ontwrig nie. Die Burgerlugvaartowerheid sal die saak verder ondersoek,” sê Naidoo.

Vier swart spelers ingesluit by Springbokspan

Die Springbok-afrigter, Heyneke Meyer het vier swart spelers ingesluit in die begin vyftiental vir Saterdag se toets teen Argentinië, het RSG berig

Meyer is die afgelope paar dae onder druk weens beskuldigings van gebrekkige transformasie in die nasionale span.

Meyer het verskeie veranderinge aan die span aangebring wat verlede week teen die Puma’s verloor het. Die meeste veranderinge is weens beserings.

Lwazi Mvovo sal uitdraf op vleuel, terwyl Jesse Kriel terugskuif na senter. Zane Kirchner is die heelagter om die beseerde Willie le Roux te vervang.

Die stut Trevor Nyakane vervang Vincent Koch wat beseer is. Pat Lambie, Willem Alberts, Marcel van der Merwe en Adriaan Strauss is weer deel van die begin-vyftiental.

Victor Matfield is die kaptein. Die span vertrek vandag na Buenos Aires.

Aanduidings is intussen dat Meyer se kontrak met die Suid-Afrikaanse Rugby-Unie verleng is, hoewel die rugbyliggaam geen besonderhede bekend wou maak nie.

Volgens berigte sal hy die nasionale span tot die 2019 afrig wanneer die Wêreldbekertoernooi in Japan plaasvind.

Intussen wil SARU geen woord rep oor of ondersoeke aan die gang is oor bewerings dat vyf swart spelers hul lot by Cosatu gaan bekla het omdat hulle nie by die span ingesluit word nie.

Stamme woedend vir Duitsers dat volksmoord ander raak

Die nasate van die volksmoordslagoffers wat ‘n lesing bygewoon het, verskil van die Duitse Evangeliese Kerk van Wesfale wat meen volksmoord in Namibië moet nie slegs tot twee stamme beperk word nie.

Dit is verlede week deur dr. Ulrich Möller tydens ’n openbare lesing in Windhoek aangevoer, het die Republikein berig.

Volgens mnr. Johannes Matundu hanteer die Duitsers die volksmoordkwessie, soos hulle dit ag, nie sensitief genoeg nie.

Matundu sê dat “Duitsland nie die speler en die skeidsregter op dieselfde tyd kan wees nie”, deur vir die nasate van die slagoffers voor te skryf hoe om op die kwessie te reageer.

“Dit was duidelik in die uitwissingsbevel watter stamme uitgeroei moet word. Dus, daar is geen sensitiwiteit in hierdie geval nie,” het Matundu gesê.

Dit is op grond hiervan dat Mautundu die mening van die Duitse kerk verwerp om ander stamme in te sluit.

Hy sê sou ander stamme meen hulle het ’n saak teen die Duitsers, hulle dit op hul eie moet aanvoer.

“Dis nie dat ons die volksmoord ’n stamkwessie maak nie, maar die waarheid is dat dit ons, die Ovaherero en die Nama, geteiken was,” het die voorsitter van die Ovaherero-Ovambanderu Volksmoordstigting (OGF), me. Utjiua Muinjangue, gesê.

Sy sê dat die nasate van die volksmoordslagoffers en die Duitse en Namibiese regerings die onderhandelinge met behulp van ’n onafhanklike bemiddelaar moet voer. Möller se mening is egter dat ’n onafhanklike bemiddelaar nie nodig sal wees nie.

Maar volgens Möller moet volksmoord-onderhandelinge nie tot die Ovaherero en Nama beperk word nie.

Die mening van dié kerk is dat ander stamgroepe ook by die onderhandelinge ingesluit moet word, omdat hulle ook in die proses vermoor is.

“Ons moet ons horisonne ter wille van vrede verbreed,” het Möller gesê.

Die kerk se mening in hierdie verband is dat die Duitse regering die Namibiese regering geldelik moet ondersteun om vir die skade te vergoed wat Namibië as gevolg van die volksmoord gely het.

Suid-Afrikaner dood in Mali-aanval

Die Suid-Afrikaanse regering het die aanval op burgerlikes by ‘n hotel in Mali veroordeel.

‘n Suid-Afrikaner, Roelof Janse van Rensburg, is in die aanval dood nadat die hotel waar hy as gyselaar aangehou is, deur Franse spesmagte bestorm is.

Hy het kort voor sy dood nog met sy vrou gepraat. Janse van Rensburg was die pa van vier kinders.

Die regering sê dit is tragies dat Janse van Rensburg gesterf het terwyl hy gehelp het om bestendigheid in Mali te probeer bring.

Hy het as paramedikus vir ‘n Russiese lugvaartmaatskappy gewerk wat deel van die VN-vredesending in die sentrale deel van Mali is.

Twaalf mense is in die aanval op ‘n hotel in die dorp Sevare dood.

Gewapende aanvallers het die hotel Vrydag bestorm en ‘n groep mense as gyselaars aangehou. Die beleg het sowat 24 uur geduur voordat die gyselaars ontset is.

Die politieke onbestendigheid in Mali is vererger deur ‘n invloei van wapens in 2011 met die Amerikaans-geleide inval in hul buurland Libië.

Die teenwoordigheid van islamiste in die noorde het in Maart 2012 tot ‘n militêre staatsgreep gelei in Mali en die vestiging die Islamitiese sjariawet.

Ecowas het ingestem om ‘n gekoördineerde militêre ekspedisie te loods op ‘n vergadering in Nigerië in November vanm dieselfde jaar, met die VN se steun.

Die regering in Bamako het Frankryk intussen versoek om militêr in te gryp. Franse troepe het Islamitiese vestings in die noorde skoongemaak, en die grootste deel van die opstand beëindig, maar die toestand bly steeds gespanne.

Brandstoftekorte in Gauteng

Vulstasies in Gauteng gaan gebuk onder ‘n groeiende tekort aan brandstof weens probleme by twee depots aan die kus.

Ten minste 100 vulstasies van veral BP word geraak daardeur.

Die SABC berig volgens die Brandstofkleinhandelaarsvereniging kan die tekorte nog minstens ‘n week duur.

Volgens die Vereniging word die tekorte veroorsaak deur ontwrigtings by die SAPREF-raffinadery.

Die raffinadery van SAPREF in Durban wat vir onbeplande onderhoudswerk gesluit is, het gelei tot die brandstofskaarste.

By ‘n gesamentlike onderneming van die petroleummaatskappye BP en Shell, word daar ook probleme ondervind.

Cosatu sê wittes laat Springbokke verloor

Cosatu in die Wes-Kaap sê die swak prestasie van die nasionale rugbyspan die afgelope naweek, is omdat daar nie genoeg swart spelers in die span was nie.

Die vakbondfederasie sê daar is ‘n praktyk van “omgekeerde regstellende aksie” in rugby. Vyf swart Springbok-spelers het die vakverbond glo genader om die saak van onregverdige diskriminasie te bekyk.

Suid-Afrika het hul laaste vier internasionale wedstryde verloor en het nou gesak na nommer vyf in die wêreld, van die tweede plek af.

Cosatu se woordvoerder in die Wes-Kaap, Motlatsi Tsubane, sê ‘n meer verteenwoordigende span sal gekies moet word as die Springbokke wil wen.

Tsubane sê twee wit Springbokke het ook hul steun aan die swart spelers toegesê.

Die Springbokke wat ‘n vernederende nederlaag gely teen Argentinië met 37-25 in die Vier Nasies-toernooi Saterdag in Durban, sukkel ook met beserings.

Die Suid-Afrikaanse Rugby-unie ontken intussen bewerings van ‘n dreigende skeuring in die Springbok-kamp oor rassekwessies.

Die swart spelers meen dat hulle oor die hoof gesien word vir wedstryde.

SARU is besig om ‘n strategiese transformasieplan in te stel, ingevolge waarvan vyftig persent van nasionale spanne teen 2019 uit swart spelers moet bestaan.

Die beginspan van die Springbokke teen die Poemas het die afgelope naweek slegs twee swart spelers bevat.

Dit is nie duidelik waarom Cosatu hulself met rugby bemoei nie.

Nasionale Khoisan Sakekamer wil erfenis beskerm

Die nuut-gestigde Nasionale Sakekamer van die Khoi- en San-mense het onderneem om seker te maak dat inheemse groepe ekonomiese voordeel trek uit hul intellektuele eiendom.

Die leierskap van die Boesmans, Namas, Koranas, Griekwas en Kaapse Khoi-mense het in Kaapstad byeengekom, waar daar onder meer besluit is om hul kennis te patenteer.

Die president van die sakekamer, Reuben Richards sê hulle sal hul daarop toespits om hul mense te integreer wat buite die ekonomie is.

Hy sê hul tradisionele erfenis en idees moet beskerming geniet.

Intussen is ook berig dat die groot San-gemeenskap in die Omahekestreek in Namibië eersdaags hervestig word nadat 14 000 hektaar grond by Otjinene, 32 000 hektaar by Otjiuapehuri en 30 000 hektaar by Epukiro na geslaagde onderhandelinge met tradisionele owerhede en gemeenskappe vir dié doel bekom is.

San-gemeenskappe in Aminuis, Otjinene, Epukiro en Eiseb sal glo bystand met die hervestigingsproses en die verskaffing van onder meer water, ’n kliniek, ’n skool en polisiekantoor ontvang.

Sedert hul terugkeer het van Botswana het hul posisie agteruitgegaan en die San beskik nog oor geen nasionale dokumente nie.

Twee vas vir moorde in Noord-Kaap

‘n Swart man, 32, sal na verwagting môre in die De Aar-landroshof verskyn op ‘n aanklag van moord.

Dit kom nadat ‘n 13-jarige meisie se liggaam gisteroggend in die straat naby die beskuldige se huis gevind is. Die polisie wou nie bevestig of die meisie verkrag is nie.

Die oorledene het volgens woordvoerder Sergio Kock kopbeserings opgedoen, maar dit is nog onbekend wat presies tot die meisie se dood gelei het.

Die ondersoek duur voor.

Intussen sal ‘n 22-jarige swart verdagte binnekort in die Jan Kempdorp-landdroshof verskyn ná die moord op die 19-jarige Jakob Maragoe en die 24-jarige Michael Matheatau Sondagoggend.

Die verdagte en Maragoe het blykbaar oor ‘n meisie in ‘n kroeg beklei toe Matheatau tussen beide wou tree. Hulle is toe albei in die struweling noodlotting gewond.

Die verdagte het glo gevlug van die toneel en is later deur die Jan Kempdorp polisie aangekeer.

Suid-Afrika se oorgang na ‘n sogenaamde demokrasie in die vroeë 1990’s het ‘n vinnige toename in aangemelde verkragtings en ander geweldsmisdade openbaar.

Dié misdade stem ooreen met die voorkoms onder Afrikabevolkings elders wat nooit onder apartheid geleef het nie.

Gevalle van gerapporteerde verkragting het toegeneem van 27 056 in 1993 tot ‘n hoogtepunt van 55 114 tussen April 2004 en Maart 2005, wat ‘n voorkomssyfer van 118,3 / 100 000 van die bevolking.

Dit is onder die hoogste gerapporteerde verkragtings ter wêreld.

Joan van Niekerk, ‘n voorsitter van Childline Suid-Afrika, het gesê onderwysers in swart skole is een van die grootste probleme wat die seksuele misbruik van kinders betref.

Ten spyte van pogings deur buitelandse nie-regeringsorganisasies om dié plaag toe te smeer, is dit ook bekend dat swart mans glo dat omgang met kinders hulle van MIV/Vigs kan genees.

Die 185 gevalle van kindermishandeling wat by die polisie aangemeld word elke dag verteenwoordig net ‘n fraksie van die ware getal, volgens kindersorggroepe. Hiervan lei net vyf persent tot ‘n suksesvolle skuldigbevinding.