Kategorie: Nuus

Hillary maak asof sy gewen het terwyl Trump voorloop

Volgens die jongste meningspeiling van IBD/TIPP loop die Amerikaanse presidensiële kandidaat, Donald Trump, voor.

Hy het die voortou geneem met 2 persentasiepunte teen die Demokratiese kandidaat, Hillary Clinton.

Volgens die peiling het Clinton se gewildheid onder belangrike kiesergroepe gedaal omdat sy opgehou het met stemwerwing en optree asof sy reeds gewen het.

Hillary is ver agter nadat talle vroue na vore gekom het en haar man van seksuele teistering en verkragting te beskuldig.

Meningspeilings wys dat Clinton nie meer voor gehore verskyn nie, en haar gedra asof sy reeds die verkiesing gewen het.

Trump het intussen geweier om te sê of hy die uitslag van die verkiesing op 8 November sal aanvaar. Hy het die verkiesingsproses vroeër as ‘n knoeiery bestempel.

WikiLeaks het reeds honderde gekraakde eposse van die Clinton-surrogate vrygestel wat op grootskaalse bedrog en korrupsie dui.

Die FBI het Vrydag ook dokumente vrygestel wat toon hoe ‘n skadu-regering Hillary beheer. Clinton se veldtoghoofkwartier is kort daarna Vrydagaand haastig ontruim nadat ‘n “wit stof in ‘n koevert” ontdek is, sê die polisie.

Dit klink na ‘n foefie om die aandag van die skokkende onthullings oor die Clintons se kriminele bedrywighede af te lei.

Die verdagte stof is by die veldtogkantoor in Manhattan in New York ontdek en is na Clinton se Brooklyn-hoofkwartier geneem wat die ontruiming van die 11de verdieping tot gevolg gehad het, sê ‘n woordvoerder van die New York-polisiedepartement.

Vier mense in totaal is aan die verdagte stof blootgestel, hoewel daar nog geen beserings of siekte aangemeld is nie, sê die polisie.

Die polisie is besig om die stof te toets en ondersoek die saak. Geen verdere besonderhede is nog beskikbaar nie.

SA glo toegerus vir nuwe kernsentrales sê Eskom

Suid-Afrika is goed toegerus om kernkragsentrales te hê en het ‘n kernveiligheidskultuur met Koeberg wat veilig bedryf is vir meer as 32 jaar, het Eskom gister gesê.

Die prestasie van die Koeberg-kragstasie was ook konsekwent een van die sterkstes in Eskom se vloot van kragstasies, het die semistaatsinstelling in ‘n verklaring gesê wat duidelik daarop gemik is om verbruikers oor te haal tot kernkrag.

“Dit is ook die goedkoopste energieverskaffer in Suid-Afrika. Kern verg ‘n hoë aanvanklike kapitaalbesteding vir konstruksie, maar, operasioneel, bied kern een van die goedkoopste bronne van elektrisiteit, wat dit meer gunstig maak as enige fossiel kragopwekking.

“Verder, het Eskom beduidende lesse geleer uit sy huidige nuwe bouprogram om dit op die kernprogram toe te pas en om die risiko van skedulevertragings en kostes te verminder. Dit sal ook die huidige verhoudings stukrag gee om maksimum lewering van die sosio-ekonomiese impak van die kernbouprogram te verseker.”

Eskom het gesê sowat twee derdes van die wêreld se bevolking woon in lande waar kernkragsentrales ‘n integrale deel van die opwekking van elektrisiteit en industriële infrastruktuur is.

Regoor die wêreld, gebruik wetenskaplikes in meer as 50 lande byna 300 navorsingsreaktore om kerntegnologie te ondersoek of om radio-isotope te vervaardig vir mediese diagnose, kankerterapie, plaagbeheer, huishoudelike gebruik, en x-strale te produseer vir die behoud van vars produkte.

Kernenergie verskaf tans sowat 11 persent van die wêreld se elektrisiteit en deur Koeberg-kernkragsentrale naby Kaapstad word die grootste deel van die Wes-Kaap aangedryf daardeur en sedert 1984 verskaf dit oor die 4,4 persent van die totale elektrisiteitsbehoeftes van Suid-Afrika.

“Die meeste kragstasies gebruik dieselfde beginsels om elektrisiteit op te wek, met die enigste verskil as die bron van energie wat gebruik word om die skag van die kragopwekker te roteer.

“Kernenergie is afkomstig van die proses van die splitsing van die kern van ‘n atoom uraan-235 vir die vrystelling van energie in die vorm van hitte en bestraling. Hierdie proses staan ​​bekend as kernsplyting.

“Die brandstof wat gebruik word in ‘n kernkragsentrale is uraan. Suiwer uraan is ‘n silwerige, blink, harde, swaar metal. Suid-Afrika beskik ook oor groot uraanreserwes en het ‘n uitgebreide uraanmynbedryf, wat die land een van die belangrikste produsente van uraan in die wêreld maak. Uraanproduksie in Suid-Afrika is ‘n byproduk van goud- en kopermynbou,” het Eskom gesê.

Voordele van die gebruik van kern as ‘n bron van energie is dat kernkragelektrisiteit nie lei tot koolstofdioksiedemissies en ander kweekhuisgasse wat die omgewing kan beskadig nie. Daarbenewens het die proses klein volumes afval geproduseer.

As gevolg van die baie lae inhoud van splytbare materiaal in die brandstof, is ‘n kernontploffing by ‘n kernsentrale onmoontlik, sê Eskom.

Zuma bekommerd oor sy veiligheid

Media 24 berig dat president Jacob Zuma nou deur die polisie se spesialis taakmag-eenheid én swaar gewapende weermagsoldate opgepas gan word.

Dit is glo ‘n aanduiding dat daar kommer heers oor sy veiligheid.

Rapport het berig dat die nuwe veiligheidspersoneel beteken dat Zuma se motorgevolg nou gereeld uit meer as 20 voertuie en motorfietse bestaan.

Volgens die Sondagkoerant se inligting is daar sowat twee maande gelede ’n vergadering by die Waterkloof-lugmagbasis besluit dat die nuwe verskerpte veiligheidsmaatreëls nodig is.

Die motorkade sluit in ‘n ambulans en ‘n aparte voertuig vir Zuma se militêre dokter. Geen vorige staatshoof het nog van dieselfde aantal personeel gebruik gemaak nie.

Weermagwoordvoerder Xolani Mabanga het ná navrae van die koerant gesê die weermag sal nie Zuma se veiligheidsmaatreëls met die media bespreek nie.

Motor ploeg in betogers in, dood studenteleier

Die ANC-jeugliga (ANCYL) het ‘n beroep op die regering gedoen om dadelik gehoor te gee aan die implementering van gratis onderwys omdat dit nou glo meer dringend is as ooit tevore.

Die jeugvleuel van die regerende party het gereageer ná die dood van die Tshwane Universiteit van Tegnologie se studenteleier, Lesego Benjamin Phehla. Die student is dood toe ‘n motor ingeploeg het tussen betogers wat tussen die twee kampusse Donderdag beweeg het.

‘n Aantal studente, insluitend Phehla, het beserings opgedoen en is na Dr George Mukhari-hospitaal geneem, waar Phehla dood is aan sy beserings.

‘n Bestuurder het beheer oor sy motor verloor en tussen die betogers ingejaag.

‘n Woordvoerder, Mlondi Mkhize, het gesê dat die jeugliga ‘n beroep op die polisie gedoen het om ‘n deeglike ondersoek na die voorval te loods.

Blade Nzimande, minister van Hoër Onderwys en Opleiding, het vroeër ook sy meegevoel uitgespreek en ‘n beroep op kalmte gedoen en selfbeheersing van die polisie en betogers na ‘n paar betogers beseer is toe die polisie rubberkoeëls geskiet het by die Universiteit van die Witwatersrand.

Hoër belastings kom vir SA

Die Minister van Finansies, Pravin Gordhan, sal waarskynlik Woensdag met sy mediumtermyn-begrotingsrede, ‘n verhoging in belasting aankondig.

‘n Ekonoom van Investment Solutions sê ‘n hoër belastingkategorie en ‘n welvaartbelasting kan verwag word. Hoër korporatiewe belasting is ook in die vooruitsig gestel met die doel om belastingvoordele te verskuif na diegene wat minder verdien.

Belasting wat betaal word deur mense in die middel- tot hoër inkomstegroep sal glo inflasie dek. Investment Solutions sê staatsbesteding oorskry die staat se inkomste en die tekort sal op een of ander wyse verhaal moet word.

Om die graderingsagentskappe gelukkig te hou, sal Gordhan omsigtige fiskale bestuur moet handhaaf, en sal waarskynlik op fiskale konsolidasie en die verlagings uitgawes fokus.

Volgens Investec Batebestuur, sal die begrotingstekort onder die geteikende 3,2% van die BBP tot 3,4% daal.

Gordhan sal ook groeivooruitsigte moet hersien van die 0,9% wat hy in Februarie aangekondig het omdat die ekonomie nie presteer nie.

Intussen is bankrotskap is al meer boere se voorland weens die voortslepende droogte.

‘n Ekonoom van die Noordwes-Universiteit, Johnny van der Merwe, het aan RSG gesê plase word opgeveil omdat boere nie meer hulle lenings kan terugbetaal nie.

Hy sê dit laat banke met geen ander keuse as om plase terug te neem nie. Sowat vyftienduisend plase word geraak weens die droogte.

Boere raak al dieper in die skuld, wat beteken dat die terugbetalings ook elke jaar styg.

Swart skoolkinders ingebus vir powere opmars na Uniegebou

Die optog na die Uniegebou in Pretoria wat deur oproerige “studente” gehou is, was ‘n mislukking.

Die leier van die studente wat Donderdag die opmars gereël het, Vusi Mahlangu, het swartes uitgekryt wat op sosiale media sê hulle ondersteun die saak, maar nie wil deelneem aan optogte nie.

Mahlangu sê hulle het ondersteuningsboodskappe van vakbonde en van ouers gekry, maar geen van dié ondersteuners neem deel aan hulle protesoptrede nie.

Hoërskoolleerders van Soshanguve, Attridgeville en Mamelodi, waarvan verreweg die meeste nooit ‘n universiteit sal sien nie, is ingebus om te betoog ter ondersteuning van die veldtog oor gratis onderwys.

Intussen probeer die Raad van die Universiteit van die Wes-Kaap nou “maatskaplike kwessies in die samelewing” blameer vir hul swak bestuur om belhamels toe te laat om die plek so te sê in puin te lê.

Hulle sê die huidige vlaag oproer op kampusse landwyd is ‘n “simptoom van groter maatskaplike kwessies in die samelewing”.

Die geweld, brandstigting, aanhitsing en intimidasie het in werklikheid direk en heel voorspelbaar van die Universiteit van Kaapstad oorgespoel.

Aanlynplatforms en ander metodes moet nou ingespan word om studente te help om die akademiese jaar te voltooi nadat kontak-lesings vir die res van die jaar opgeskort is weens moordaanslae op veiligheidswagte, voortslepende geweld en brandstigting.

Die Onafhanklike Polisie-ondersoekdirektoraat gaan ondersoek doen na die skietery waarin ‘n voormalige studenteraadpresident van die Universiteit van die Witwatersrand, Shaeera Kalla, en twee ander studente getref is deur rubberkoeëls.

‘n Woordvoerder van die polisie, Sally de Beer, sê die Gautengse polisiekommisaris, luitenant-generaal Deliwe de Lange, het Kalla in die hospitaal besoek.

Die rewolusionêres by Wits probeer die voorval vir propaganda uitbuit.

Die studenteraad van Wits sê Kalla het ten tye van die skietery haar hande in die lug gehad, maar het geen kommentaar gelewer op die vandalisme, intimidasie en openbare geweld wat die oproeriges pleeg nie.

SA verskaf steeds krag op skuld aan bankrot Zimbabwe

Terwyl Eskom sukkel om Suid-Afrika se ligte aan te hou, verskaf die openbare maatskappy steeds elektrisiteit op skuld aan Zimbabwe. Tans skuld ons noordelike buurland met sy ekstremistiese antiblanke regering Eskom R250 miljoen, sonder enige teken dat dit betaal gaan word.

In die jongste welwillende gebaar jeens Zimbabwe, het Eskom die land nog tyd – tot einde Desember 2016 – verleen om te begin betalings maak. Zimbabwe ontvang ten minste 30% van sy krag vanuit die buiteland, met Mosambiek se Hydro Cahora Bassa-maatskappy (HCB) wat ook aan die land elektrisiteit voorsien. Blykbaar skuld Zimbabwe insgelyks R126 miljoen aan HCB.

Die besturende direkteur van die Zimbabwe-elekrisiteitstransmissie en -verspreidingsmaatskappy (ZETDC), Julian Chinembiri, het intussen in die Financial Gazette verklaar dat “agterstallige bedrae ophoop”.

“Eskom het ons tot Desember 2016 gegee terwyl HCB ons tot einde November gegee het om agterstallige bedrae te vereffen,” sê Chinembiri. “Tans geniet ons stabiele kragvoorsieing en ons sou voorsiening wou hou soos dit is en verseker dat geen beurtkrag ingestel word nie.”

“Ons beskik oor voorafbetaalde reëlings met Eskom en HCB.”

Zimbabwe voer ongeveer 350 megawatt elekrisiteit van Eskom in en 50MW van HCB. Die land wek ook krag op deur middel van dieselopwekkers wat aan Robert Mugabe se skoonseun, Simba Chikore, behoort. Onlangs is Chikore insgelyks as onderhoof van die bankrot lugdiens, Air Zimbabwe, aangestel.

Vrystaat laks om polisiemisdrywe aan te meld

Waar polisiebeamptes in die Vrystaat betrap dat hulle oortree, is hulle laks om sulke sake aan te meld.

Volgens die jongste statistieke word oortedings waarby polisiebeamptes betrokke is nie graag ondersoek nie.

In vergelyking met ander provinsies, word die meeste sake wat verband hou met wetgewing wat beamptes verplig om interne misdrywe aan te meld, in die Vrystaat ondersoek.

Volgens dié ondersoekeenheid se jaarverslag vir die 2015/2016 boekjaar, is altesaam 41 gevalle landswyd gevind.

Ingevolge die Onafhanklike Polisie Ondersoek Direktoraat (OPOD) wetgewing moet moontlike oortredings en/of beweringe waarby polisiebeamptes betrek word, binne 24 uur by OPOD aangemeld word.

Altesaam 12 sake is in die Vrystaat, gevolg deur ses wat in Mpumalanga ondersoek word. Net twee voorvalle – die minste in die land – is in Noord-Wes en Oos-Kaap aangemeld.

Intussen is ‘n een-en-dertigjarige polisieman is in hegtenis geneem omdat hy na bewering ‘n groot som geld op ‘n misdaadtoneel in Pretoria probeer steel het.

‘n Woordvoerder van die Gautengse polisie, Kay Makhubele, sê misdadigers het werkers by ‘n vulstasie aangehou en ‘n bedrag geld geneem.

Die verdagte is gevang waar hy van die geld op die vloer opgetel en in sy sak gesteek het. Hy het die geld in sy motor gaan versteek en is op die toneel in hegtenis geneem.

Haelstorm wat Bloemfontein tref, rig skade aan

‘n Onverwagse haelstorm het chaos in Bloemfontein veroorsaak. In sommige strate het haelkorrels reënwater laat opdam.

Opruimingswerk het Donderdagaand in verskeie dele van Bloemfontein begin nadat dié stad en verskeie ander dorpe in die Vrystaat laatmiddag onder hewige hael en reën deurgeloop het.

By Prellerplein in die noorde van die stad het die erge hael op plekke kniediep gelê, sodat stootskrapers ingespan moes word om hope haelkorrels te verwyder.

Die hope hael het motors se wiele onder ‘n wit kombers yskorrels bedek, en moes daarom meganies weggeskraap word.

In Jagersfontein het haelkorrels so groot soos gholfballe groot skade aangerig. Die hael het gate in motors geslaan.

Lede van sekuriteitsmaatskappye het in Christo Groenewald-laan, waar ‘n gedeelte van die pad deur opgehoopte haelkorrels versper is, het verkeer herlei.

In die Northridge Mall het haelkorrels en reën deur die dak gelek. Ook daar is motors beskadig en gate is in motorvensters geslaan. Skade is ook aan huise aangerig.

In die Dan Pienaar-uitbreiding het ‘n deel van ‘n huis se plafon ingeval en bome se takke is afgeruk. ‘n Buitemuur van ‘n huis in Pentagonpark het omgeslaan.

Moord op tolk ruk Potchefstroom

Die moord op ‘n tolk van die Noordwes-Universiteit (NWU) se Potchefstroom-kampus het skokgolwe deur die gemeenskap gestuur.

Die 46-jarige Maria Arangies (links op foto) van die Taaldirektoraat se tolkdienste op dié kampus is gedurende in ‘n gewapende huisaanval doodgeskiet.

Die direkteur van die Taaldirektoraat, Johan Blaauw, sê hulle het vanoggend nadat klasse reeds begin het, eers uitgevind wat gebeur het.

Blaauw het gesê die talentvolle Arangies was die afgelope tien jaar verbonde aan die Taaldirektoraat.

“Arangies was ‘n baie begaafde en intellektuele mens. Sy het haar regsgraad voltooi, en toe haar studies voortgesit in die mediese rigting. Sy het as tolk in die gesondheidswetenskappe vir studente in lesings opgetree.”

Blaauw sê sy was besig om haarself in ‘n farmaseutiese rigting te bekwaam. Hy het die sinnelose moord veroordeel, veral dat ‘n begaafde mens só ‘n wrede dood moes tegemoetkom. “Dit is ‘n mors van ‘n lewe,” het hy gesê.

Volgens polisiewoordvoerder in Noordwes, Kelebogile Moleko, is Arangies buite haar huis in Mooivalleipark geskiet. Moleko het bevestig dat Arangies dood is terwyl sy die huis binnegestrompel het.

Vyf swart aanvallers het daarna nog ‘n vrou wat in die huis was, aangerand. Dié beseerde Lieske Burger (regs op foto), wat ernstige kopbeserings opgedoen het, is in ‘n plaaslike hospitaal opgeneem.

Burger was na bewering Arangies se huismaat.

Maleko sê die rowers het met juweliersware, ‘n televisiestel, ‘n rekenaar en ander waardevolle items op die vlug geslaan.

Moleko sê niemand is nog in hegtenis geneem nie.

DRK staak nadat verkiesing uitgestel word

Die Kongolese hoofstad Kinshasa is Woensdag lamgelê deur ‘n staking uit protes teen president Joseph Kabila wat aan bewind sal bly ofskoon sy termyn teen die einde van Desember verstryk.

Die opposisie het die stakings aangevra nadat die president ‘n ooreenkoms bereik het om tot April 2018 aan bewind te bly deur vanjaar se presidentsverkiesing uit te stel.

Kabila het in 2001 aan bewind gekom en in 2006 het ‘n nuwe grondwetlike bepaling in werking getree wat die president tot twee termyne beperk. Kabila se termyn verstryk op 20 Desember.

Die land se hoofopposisieparty, die UDPS, sê die ooreenkoms tussen die owerheid en rand-opposisiepartye is ‘n “flagrante skending van die grondwet” en sê die betoging wys vir Kabila ‘n “geel kaart.”

VSA wil ISIS uit Mosoel dryf na Sirië

Irakse en Koerdiese magte sê hulle het sowat 20 dorpies om Mosoel beveilig in die eerste dag van optrede om die terreurgroep ISIS uit die stad te dryf.

Dié stap deur die VSA word gedoen in die hoop dat ISIS na Sirië sal uitwyk, maar hul beweegrede word nie openbaar gemaak nie.

Die jongste aanval op ISIS is ‘n berekende skuif vir pres. Barack Obama omdat die VSA die stryd in Sirië verloor het, maar Amerikaanse amptenare erken daar is geen tasbare plan vir die regering van die gebied rondom Mosoel sodra ISIS oorwin is nie.

Die Internasionale Organisasie vir Migrasie (IOM) sê hy kry die gasmaskers gereed omdat ISIS vantevore sulke wapens teen Irakse en Koerdiese magte gebruik het, maar die kanse daarvoor is skraal aangesien die terreurgroep Amerikaanse wapentuig gebruik.

Mosoel is Irak se tweede grootste stad en die grootste stedelike gebied wat deur militante van die Islamitiese Staat (ISIS) beset word.

Die val van Mosoel sal ‘n belangrike oorwinning teen die Soenni-­djihadiste in Irak wees, maar kan ook lei tot grondgrype tussen groepe wat in ‘n stryd teen mekaar gewikkel is sedert die regering van Saddam Hoesein in 2003 omvergewerp is.

Die Irakse weermag en Pesjmerga-­magte van Irakse Koerdistan het Maandag met groot mediageskal na Mosoel begin beweeg. Meer as 25 000 soldate is vir die veldtog ontplooi wat na verwagting weke indien nie maande nie kan duur.

Hulle ontvang lugbystand van ‘n Amerikaans-geleide koalisie wat gestig is toe Isis in 2014 van Sirië na Irak beweeg het.

Hoshjijar Zebari, ‘n senior Koerdiese amptenaar, sê die eerste operasies het geslaag danksy noue samewerking tussen die Irakse regering en Koerdiese Pesjmerga-vegters­ en ISIS kon uit tien dorpies oos van Mosoel verdryf word.

“ISIS is verward. Hulle weet nie of hulle ‘n aanval uit die ooste of die weste of die noorde moet verwag nie,” sê hy.

“Daar sal nie ‘n skouspelagtige aanval op Mosoel self wees nie. Dit sal baie versigtig gedoen word. Dit is ‘n hoë risiko-operasie vir almal.”

Aboe Bakr al-Baghdadi, Isis-leier,­ en Fawzi Ali Noeimeh, plofstofdeskundige, is albei in Mosoel, sê Zebari.

Dit beteken ISIS sal sterk weerstand bied.

Sy vegters het die aanvalsmag met tien selfmoordbomme aangeval en die aanvalsmag het vyf dorpies omsingel, maar nie oorgeneem het.

Die bewerings kon nie onafhanklik bevestig word nie.

Die aanvalsmag is nog tussen 20 km en 50 km van Mosoel. Amptenare sê dit is ‘n “vormingsoperasie” om die aanvalsmag se posisie te verstewig.

Haider al-Abadi, Irakse premier, het die aanval eergister bevestig, sowat twee jaar nadat Irak se naasgrootste stad in ISIS se beheer beland het.

Die operasie is al sedert Julie met die VSA beplan. Die Verenigde Nasies sê tot een miljoen mense kan uit Mosoel vlug.

Die eerste groep vlugtelinge word binne vyf of ses dae verwag.

Skelm Clinton-kamp se gekonkel met FBI gelek

Een van Hillary Clinton se senoir amptenare het haar van vervolging probeer beskerm deur die federale speurdiens (FBI) te probeer omkoop. Dit het duidelik geword uit die jongste WikiLeaks onthullings.

‘n Senior amptenaar in die departement van buitelandse sake het Clinton teen die FBI probeer beskerm oor haar onwettige gebruik van ‘n privaatepos­bediener toe sy minister van buitelandse sake was.

Patrick Kennedy, die mees senior bestuurder in die departement van buitelandse sake, se onverkwiklike rol is openbaar gemaak in die FBI se jaar lange ondersoek na die eposse.

Verlede jaar het amptenare die sowat 30 000 eposse ondersoek wat Clinton aan die departement oorhandig het. ‘n FBI-lid het ’n oproep van ’n amptenaar van die departement van buitelandse sake se regsafdeling gekry waarin die klassifikasie van die inligting in twyfel getrek is. Die FBI het voet by stuk gehou.

Kort daarna het Kennedy ’n ander FBI-lid gebel en gevra om die spesifieke e-pos se klassifikasie te verander as deel van ’n “ruiltransaksie”.

Die versoek is gerig sodat die inkriminerende epos geliaseer sou kon word buite bereik van nuuskierige ondersoekers.

Die lid het gesê dit het voorgekom asof Kennedy probeer om Clinton te beskerm deur dit te laat lyk of minder eposse vertroulike inligting bevat.

’n Ander FBI-lid het ook die bespreking van ’n “ruiltransaksie” bevestig. Die FBI-lid het ­gesê hy sal die epos se klassifikasie ondersoek op voorwaarde dat die departement van buitelandse sake meer FBI-agente oorsee ontplooi.

Die departement en die FBI het ’n gesprek oor die epos bevestig, maar ontken dat dit ’n ruiltransaksie was

Grondwetlike krisis dreig in Hongkong

Dosyne pro-Beijing wetgewers het dié week uit Hongkong se wetgewende raad gestap om die inswering van twee pro-onafhanklikheid aktiviste te verhinder. Dit lê die grondslag vir ‘n grondwetlike krisis in die Chinees-­beheerde stad.

Die onafhanklikheidsonderwerp is lank reeds taboe in die voormalige Britse kolonie wat ingevolge die een-land-twee-stelsels-beginsel regeer word sedert dit in 1997 onder China se bewind gekom het.

Pro-Beijing wetgewers sê hulle het geen keuse gehad as om uit te stap nie nadat die twee aktiviste geweier het om verskoning te vra nadat hulle “die moederland beledig het.”

Yau Wai Ching, pro-onafhanklikheidsaktivis, het op sy beurt gesê die pro-establishment kamp behoort om verskoning te vra omdat “hulle die mense van Hongkong verraai het”.