praag.co.za

Tag: FBI

  • FBI se James Comey was Clinton-skoothondjie

    FBI se James Comey was Clinton-skoothondjie

    Die direkteur van die FBI, wat deur President Trump ontslaan is, was ‘n werktuig van Hillary Clinton. Sy loopbaan beklemtoon eintlik die ongesonde verhouding wat tussen groot korporasies en die politieke elite bestaan.

    James Comey het die Clintons gehelp in die kriminele ondersoeke na Whitewater se eiendomsbeleggings van Bill en Hillary Clinton en is ryklik beloon vir sy moeite, sê Roger Stone, ‘n Trump-adviseur. Die afgedankte FBI-direkteur was deel van “die moeras wat president Trump belowe het om te dreineer, en die verwydering van Comey was die eerste groot stap,” verduidelik Stone.

    Voormalige president Barack Obama het die Republikeinse James Comey aangestel om die Buro te lei, maar nuwe bewyse toon dat Comey net aangestel is omdat hy betrokke was by die elite se korrupsie.

    Obama het die politieke operateur aangestel omdat hy Comey vertrou het om nie die elite waarvoor hy deel was, te verraai nie.

    Comey het steeds talle bande met die politieke operasie van Clinton. Sy broer, Peter Comey, is ‘n uitvoerende beampte by DLA Piper, die regsfirma wat verantwoordelik is vir die belastingopgawes van die Clinton-stigting en James hou die verband vir sy broer se huis.

    Dit is ‘n direkte finansiële skakel tussen Comey en die Clinton-stigting, wat daarop dui dat hy, terwyl hy Hillary ondersoek het, nie gretig was om oortredings deur die Clintons te vind nie, sodat hulle misdade tydens sy drie jaar lange tydperk by die FBI ongestraf kon bly.

    Hy was vir dekades lank by die Clinton-netwerk betrokke, volgens Stone. In 1996 het James Comey opgetree as die adjunk-spesiale ondersoeker vir die Senaatskomitee wat die Whitewater-skandaal ondersoek het. Die Senaat was besig om skaduagtige eiendomsbeleggings te ondersoek terwyl Bill Clinton die goewerneur van Arkansas was.

    “Baie mense wat aan die Whitewater-maatskappy gekoppel was, is in hegtenis geneem en aangekla van meer as 40 misdade, maar die Clintons het ongeskaad gebly. James Comey het erken dat Hillary Clinton die ondersoek belemmer het en getuienis vernietig het, maar het besluit om haar nie te vervolg weens ‘n gebrek aan ‘opset’,” sê Stone.

    “James Comey het sy truuk van 23 jaar gelede ná die oorspronklike Whitewater-ondersoek herhaal. Weereens het hy besluit om nie aan te kla nie – hierdie keer vir Hillary se misbruik van geklassifiseerde inligting, selfs nadat hy haar optrede veroordeel het. Dieselfde bedrieglike verskoning is gebruik van ‘n gebrek aan opset.”

    James Comey het in wese die onreg herhaal waar die politieke elite vry van gevolge is en is daarvoor behoorlik beloon.

    Nadat hy die Departement van Justisie in 2005 verlaat het, het Comey in die winsgewende private sektor gewerk. Stone sê dat Comey by Lockheed Martin – die grootste ontvanger van kontrakte van die Departement van Verdediging – aangestel is en meer as $6 miljoen betaal is voordat hy die korporasie in 2010 verlaat het as ‘n beloning vir die hulp aan die Clintons. Daarna het hy ‘n vennoot geword van die Clinton Global Initiative en het nie minder nie as 17 kontrakte van die Hillary Clinton-staatsdepartement ontvang.

    James Comey het Lockheed Martin as ‘n baie ryk man verlaat en by die direksie van HSBC Holdings, ‘n Britse bank en langtermyn vennoot van die Clinton-stigting, aangesluit.

    Intussen het die onopgeloste moordsaak van die Demokratiese Nasionale Komitee se data-ontleder Seth Rich ooreenkomste met baie geheimsinnige sterftes van individue wat verband hou met die Clintons.

    Fox News, via anonieme FBI-bronne, het bevestig dat die vermoorde DNC-personeellid Rich die Wikileaks-bron was vir onthullings wat bewys het dat die DNC opsetlik die veldtog van Bernie Sanders ondermyn het om Hillary te help.

    Dosyne mense het geheimsinnige dode gesterf en dikwels net voordat hulle gereed was om inkriminerende bewyse oor die Clintons se aktiwiteite te onthul.

    Rich het as data-ontleder vir die Demokratiese Nasionale Komitee gewerk en meer as 44 000 DNC-e-posse aan WikiLeaks gestuur, vanaf Januarie 2015 tot einde Mei 2016, soos WND berig het.

    Die media beskuldig steeds die “Russe” dat Hillary verloor het.

    In een e-pos wat deur WikiLeaks vrygestel is, het die president van die Clinton-veldtog, John Podesta, gesê hy wil ‘n voorbeeld maak van die persoon wat die e-posse uitgelek het.

  • Clintons reën geld op FBI-direkteur se vrou

    Clintons reën geld op FBI-direkteur se vrou

    Clinton-surrogate het gesorg dat die vrou van ‘n FBI-direkteur geld ontvang.

    Haar presidensiële veldtogpersoneel het die mislukte senaatsveldtog van Jill McCabe befonds. Sy is die vrou van Andrew McCabe, FBI adjunk-direkteur belas met die ondersoek na beweerde kriminele epos praktyke van Clinton.

    McCabe se top vyf donateurs was almal Clinton-vertouelinge.

    Die FBI het intussen verklaar dat hulle nie vir Hillary gaan vervolg nie.

    Albei die Amerikaanse presidentskandidate beplan om vandag die verkiesingsuitslae in New York dop te hou, wat beteken dat die stad sy grootste verkiesingsdagontplooiing van polisie tot op hede sal hê.

    Meer as 5000 polisiebeamptes sal in die stad ontplooi word. Verskeie strate sal ook gesluit word in woongebiede waar Hillary Clinton van die Demokrate en Donald Trump van die Republikeinse Party beplan om na die uitsendings te kyk.

    Clinton sal ‘n verkiesingsaand-geselligheid naby die Hudson-rivier aanbied, terwyl Trump in die Hilton-hotel in Manhattan sal wees.

    Die strenger veiligheid volg te midde van dreigemente deur al-Kaïda van aanvalle op verkiesingsdag in New York, Texas en Virginia.

  • Clintons verklaar oorlog teen FBI

    Clintons verklaar oorlog teen FBI

    Daar is talle ontwikkelings na die heropening van die FBI se ondersoek rakende Hillary Clinton, veral die oorlogsverklaring deur Clinton se span teen FBI-direkteur James Comey.

    Die skote het begin opklink slegs 24 uur na Comey se skok-en-ontsag aankondiging Vrydagmiddag, wat Hillary en die res van Clinton surrogate in wanorde gedompel het oor wat om volgende te doen.

    Hulle het eers ‘n poging aangewend om die gety van nuusdekking terug te hou, maar die ontdekking van Hillary se eposse op die rekenaar van Anthony Weiner, die sekspes en vervreemde man van haar topraadgewer Huma Abedin, het opslae gemaak.

    Clinton-ondersteuners het eers probeer om tyd te koop deur die definisie van die betekenis van “heropen” te herontdek. Dit was komies, maar dié gestryery oor definisies is wat die Clintons doen om te hergroepeer voordat hulle ‘n teenaanval kan monster.

    Die argument oor die “regte definisie” was gou vergete nadat die Clintons na die hoogste rat oorgeslaan het. Die top Demokratiese strateeg James Carville was die eerste Clintonsurrogaat wat amptelik het sy humeur verloor het oor die ondersoek na die private epos bediener van Clinton.

    In ‘n verskyning op MSNBC Maandag, het Carville uitgehaak oor die besluit van die FBI om die ondersoek te heropen, en beweer dit is deel van ‘n “sameswering”.

    Hy het byna ‘n toeval gehad oor die aankondiging van Comey en dit beskryf dit as ” ‘n aanslag” of “aanval op die Amerikaanse demokrasie” meer as een keer, het lifezette.com berig.

    “Die Huis Republikeine en die KGB probeer om ons demokrasie te beïnvloed,” het die sigbaar ontstelde Carville getier.

    “Dit is in effek ‘n poging om ‘n verkiesing te kaap,” het hy voortgegaan. “Dit is ongekend … die Huis Republikeine en die KGB probeer om ons demokrasie te beïnvloed,” het hy gesê.

    Ongelukkig vir Carville, is wolhaarstories oor Sowjetspioene al ietwat verouderd en terwyl die werklike drama van oënskynlike wetteloosheid van die Clintons tans op die voorgrond is.

    En toe die MSNBC-aanbieder Carville probeer herinner dat Demokrate Comey hoog aangeprys het slegs ‘n paar maande gelede oor sy besluit dat die FBI geen saak teen Hillary gaan open nie, het Carville amper verstik van woede en onsamehangend begin praat.

    Sedert dit bekend gemaak is Vrydag, het die Groot Drie (ABC, CBS, NBC) netwerke op die aanval oorgegaan teen James Comey, en wat ‘n skandaal oor Clinton moet wees in ‘n smeerveldtog teen die FBI-direkteur probeer verander, het newsbusters.org opgemerk.

    In die mediaverklarings wat ‘n posisie ingeneem het oor Comey en Clinton, was daar reeds 88 teen Comey, terwyl Clinton slegs 31 negatiewe verklarings ontvang het, ‘n verhouding van byna 3-1.

    Die mediavooroordeel vir Clinton was voor die hand liggend. Noudat die FBI die nodige lasbrief gekry het om die 650 000 eposse op Weiner se notaboek te fynkam, het die Amerikaanse departement van justisie vinnig aangekondig dat hy ook by die ondersoek ingeval het het AP berig, en beloof om al die nodige hulpbronne te wy aan die saak.

    Die Amerikaanse Departement van Justisie het Huis en Senaat wetgewers belowe hulle “sal die nodige stappe so vinnig as moontlik neem,” volgens die assistent Prokureur-generaal Peter J. Kadzik.

    Kadzik is die beste vriend van Clinton se veldtogvoorsitter, John Podestà, in beheer van ‘n ondersoek wat moontlik vir Hillary kan sink.

    Soos die Daily Caller opgemerk het, is dié onverkwiklike reëling “net die jongste voorbeeld van ‘n oënskynlike botsing van belange tussen die Clinton-veldtog en die federale agentskap belas met die ondersoek na die voormalige minister van buitelandse sake se epos praktyke”.

    Podestà, wat later Obama se Withuis-oorgang bestuur het, het geskryf dat Kadzik ‘n “fantastiese prokureur” was wat “my uit die tronk gehou het” toe Kadzik Podestà tydens die Monica Lewinsky-ondersoek verteenwoordig het.

    Sy rol in die departement waar hy begin het in 2013, is veral opvallend, want hy was instrumenteel in die poging om Lorretta Lynch te nomineer. Lynch is gekritiseer vir haar geheime vergadering met die voormalige president Clinton.

    Volgens ‘n persoon vertroud met die ondersoek, het Abedin nou vir haar surrogate gesê dat sy onseker is oor hoe haar epos op haar man se rekenaar opgeduik het, wat die beslaglegging van die FBI-ondersoek genoodsaak het.

    Comey is ingesweer as FBI direkteur in 2013 vir ‘n termyn van 10 jaar. Dit beteken dat as Clinton wen in November, sal Comey onder haar administrasie dien, tensy sy hom uit sy pos verwyder.

  • Skelm Clinton-kamp se gekonkel met FBI gelek

    Skelm Clinton-kamp se gekonkel met FBI gelek

    Een van Hillary Clinton se senoir amptenare het haar van vervolging probeer beskerm deur die federale speurdiens (FBI) te probeer omkoop. Dit het duidelik geword uit die jongste WikiLeaks onthullings.

    ‘n Senior amptenaar in die departement van buitelandse sake het Clinton teen die FBI probeer beskerm oor haar onwettige gebruik van ‘n privaatepos­bediener toe sy minister van buitelandse sake was.

    Patrick Kennedy, die mees senior bestuurder in die departement van buitelandse sake, se onverkwiklike rol is openbaar gemaak in die FBI se jaar lange ondersoek na die eposse.

    Verlede jaar het amptenare die sowat 30 000 eposse ondersoek wat Clinton aan die departement oorhandig het. ‘n FBI-lid het ’n oproep van ’n amptenaar van die departement van buitelandse sake se regsafdeling gekry waarin die klassifikasie van die inligting in twyfel getrek is. Die FBI het voet by stuk gehou.

    Kort daarna het Kennedy ’n ander FBI-lid gebel en gevra om die spesifieke e-pos se klassifikasie te verander as deel van ’n “ruiltransaksie”.

    Die versoek is gerig sodat die inkriminerende epos geliaseer sou kon word buite bereik van nuuskierige ondersoekers.

    Die lid het gesê dit het voorgekom asof Kennedy probeer om Clinton te beskerm deur dit te laat lyk of minder eposse vertroulike inligting bevat.

    ’n Ander FBI-lid het ook die bespreking van ’n “ruiltransaksie” bevestig. Die FBI-lid het ­gesê hy sal die epos se klassifikasie ondersoek op voorwaarde dat die departement van buitelandse sake meer FBI-agente oorsee ontplooi.

    Die departement en die FBI het ’n gesprek oor die epos bevestig, maar ontken dat dit ’n ruiltransaksie was

  • Obama ignoreer bomaanslae en trap kiesers uit

    Obama ignoreer bomaanslae en trap kiesers uit

    President Obama se motorkade het digby die ligging van die bomaanslag Saterdagaand verby gery en hy het in Manhattan Sondagaand oornag, maar Obama het nog geen kommentaar oor die aanval in Chelsea gelewer nie.

    In plaas daarvan, het Obama gekonsentreer op die sinkende presidensiële veldtog van Hillary Clinton.

    Obama het gepraat oor die belangrikheid van hierdie verkiesing – “die belangrikste verkiesing van ons leeftyd” – en bespreek waarom hy glo Clinton sukkel.

    Hy het “seksistiese” kiesers blameer, asook ‘n “rasgepolariseerde” samelewing. Van radikale Moslems en terreuraanslae was daar geen sprake nie.

    Ondersoekbeamptes ondersoek intussen moontlike terreurbande in die drie aanvalle wat binne 24 uur die naweek op Amerikaanse grondgebied plaasgevind het.

    Volgens berigte word vyf mense in verband met ’n ontploffing in Manhattan aangehou. Die ander voorvalle was ’n massa-messtekery in Minnesota en ’n pypbomontploffing in New Jersey.

    Volgens die owerhede was die aanvalle moontlik gekoördineer, want die tydsberekening het vrese oor veiligheid laat ­ontstaan.

    Federale sowel as plaaslike owerhede het vyf verdere verdagte items, wat in ’n rugsak in New Jersey gevind is, ondersoek.

    Die FBI in Newark het getwiet “’n verdagte pakkie met veelvuldige ploftoestelle” is in ’n asdrom in Elizabeth, New Jersey, buite ’n kroeg gevind.

    “Terwyl werk aan die gang was om die toestelle te beveilig, het een ontplof. Daar was geen beserings nie en wetstoepassers op die toneel is besig om getuienis te ondersoek,” lui die FBI se twiet.

  • Bill en Loretta uitgevang dat hulle glo konkel oor Hillary

    Bill en Loretta uitgevang dat hulle glo konkel oor Hillary

    Nadat sy gedwing is om haar betrokkenheid by die Hillary Clinton e-pos-ondersoek te staak, het die Amerikaanse prokureur-generaal, Loretta Lynch erken dat haar skokkende onbesonne private vergadering met Bill Clinton ‘n skaduwee gewerp het oor haar loopbaan.

    Haar vreemde besluit het sy as volg geregverdig: “Ek sou dit nie weer doen nie.”

    Terwyl die Demokratiese Party se aanstelling, Lynch, beweer dat sy die besluit om te “onttrek” al dae voor haar ontmoeting met Bill Clinton geneem het, is die openbare mening nie oortuig van haar opregtheid nie.

    Soos vroeër uiteengesit in berigte, het die gesette Amerikaanse prokureur-generaal Lynch Maandagaand “sommer toevallig” met Bill Clinton vir ‘n private vergadering in haar vliegtuig by ‘n Phoenix-lughawe op die aanloopbaan ontmoet.

    Alhoewel Lynch almal verseker dat die enigste dinge wat bespreek is, Bill se gholfafslaan en sy kleinkinders is, het ‘n konserwatiewe waghond Judicial Watch versoek dat die Inspekteur-generaal ondersoek instel na die vergadering.

    Die verslae het druk verskerp op Lynch om weg te staan van die oorsig oor die federale ondersoek na Hillary se private e-posbediener.

    ‘n Amptenaar van die Amerikaanse departement van justisie het gesê dat Loretta Lynch van voorneme is om enige aanbevelings deur federale agente in die ondersoek te “aanvaar”.

    Maar sal inligting oor Hillary Clinton se ongeoorloofde gebruik van eposse werklik deur Lynch vrygestel word?

    Dit is bekend dat Lynch gereeld ander aanbevelings van die FBI en departement verontagsaam.

    Dit laat kwellings toeneem dat die Clinton-kamp nie sal skroom om die komende presidentsverkiesing op die mees laakbare maniere te beïnvloed nie.

  • Clinton se epos-kierangs gaan braai

    Clinton se epos-kierangs gaan braai

    Agt dae voordat Hillary Clinton in Januarie 2009 as minister van buitelandse sake aangestel is, het ’n personeellid van die voormalige president, Bill Clinton, ’n nuwe e-posadres vir die egpaar geregistreer, het AP berig.

    Hierdie oënskynlik onbenullige, maar doelbewuste aanlynaankoop, is die eerste bekende aanduiding van die private e-posstelsel wat nou die wêreld vir die aanspraakmaker op die Demokratiese party se presidentsnominasie warm maak.

    Die verwysing na die registrasie van clintonemail.com, weggesteek in ’n voetnota van ’n regeringswaghondverslag, was die eerste stap in die bou van ’n e-posstelsel wat die aandag van ’n FBI-ondersoek getrek het en kwelvrae oor Clinton se oordeel as Amerika se topdiplomaat opper.

    In die verslag van 83 bladsye van die ministerie van buitelandse sake se inspekteur-generaal, word onder meer gevra wie kennis hiervan gedra het, watter skuiwergate daar was en die burokratiese wanbestuur wat toegelaat het dat ’n geheime stelsel, buite die normale kanale, regdeur Clinton se ampstermyn gefunksioneer het.

    Die bevindinge, wat meer as ’n jaar geneem het om afgehandel te word, toon ook hoe die gebruik van private e-posse deur Clinton en ander topamptenare interne hoofbrekens vir die handjie vol beamptes van die ministerie veroorsaak het.

    “Hulle was bewus daarvan en het lank probeer om aan federale kubersekuriteit en vereistes van rekordhouding te voldoen.

  • Hillary moet binne dae voor FBI verskyn

    Hillary moet binne dae voor FBI verskyn

    Die Demokratiese voorloper, Hillary Clinton, het Trump met mening aangeval omdat sy tans onder groot druk verkeer.

    Sy moet binne enkele dae voor die FBI verskyn wat sal besluit of sy krimineel aangekla sal word vir vertroulike eposse wat sy rondgestuur het.

    Clinton wou kennelik die publiek se aandag aflei van die FBI-ondersoek na haar eposse.

    Sy het uitgevaar teen Donald Trump omdat hy “gewelddadige en aggressiewe gedrag aangehits” nadat Trump se veldtogbestuurder ‘n joernalis wou keer wat te naby aan die voorverkiesingskandidaat wou kom.

    Clinton het in La Crosse, Wisconsin myle uit die Demokrate se poging probeer haal om Trump se veldtogbestuurder, Corey Lewandowski, swart te smeer.

    Trump se veldtogbestuur het intussen die beeldmateriaal vrygestel wat toon dat die verslaggeefster probeer om Trump aan te raak met een of ander instrument, terwyl sy veiligheidspan dit probeer keer.

    Boonop is die Florida-aanklaer wat die klagte teen Lewandowski aanhangig gemaak het, deel van Clinton se veldtog.

    In ‘n artikel gepubliseer deur die Palm Beach Post op 17 November 2015, wat sedert Dinsdagaand weer sirkuleer, word Palm Beach County se aanklaer, Dave Aronberg as ‘n lid van Florida se Demokratiese leiersraad gelys.

    Die raad is gestig is deur die Demokratiese Party om die presidensiële kandidatuur van Hillary Clinton te bevorder.

    Die artikel stel dit duidelik dat Aronberg “deel is van die Clinton-span in Florida”.

    Hillary Clinton gaan voor Direkteur Comey en die FBI moet verskyn binne ‘n kwessie van dae. Die uitkoms van die onderhoud kon uiteindelik die hele wedloop vir die Withuis bepaal.

    Clinton het nie kommentaar gelewer op joernalis se vreemde gedrag nie, maar het verklaar dat die verslaggewer wat die klagte ingedien het, Michelle Fields, “krediet verdien vir die wyse waarop sy opgevolg het nadat sy fisies mishandel is.”

  • FBI sê jongste massaslagting in Kalifornië dalk terreur

    Wetstoepassingsamptenare in die VSA, waaronder die FBI, het gesê hulle kan nie terrorisme as ‘n moontlike motief vir die jongste massaslagting in Kalifornië uitsluit nie.

    ‘n Moslemwerknemer en sy vrou het 14 mense doodgeskiet en 17 ander gewond by ‘n San Bernardino-kantoorgebou Woensdagoggend voordat hulle deur die polisie dieselfde middag doodgeskiet is.

    San Bernardino se polisiehoof Jarrod Burguan het die verdagtes as Syed Rizwan Farook, 28, en Tashfeen Malik, 27, geïdentifiseer.

    Familielede het aan die Associated Press gesê die paar was getroud.

    ‘n Man wat beweer dat hy die swaer is van een van die verdagtes in die skietery in San Bernadino, sê hy het geen idee wat die motief vir die aanval was nie.

    Die man en vrou het op ‘n maatskaplike dienssentrum toegeslaan. Farah Khan sê sy suster was getroud met een van die verdagtes.

    Hy het by ‘n mediakonferensie in Anaheim sy skok oor die aanval uitgespreek.

    Die polisie sê hulle was goed voorbereid op die aanval en swaar gewapen. ‘n Derde verdagte wat van die toneel gevlug het, is deur die polisie aangekeer.

    Dit is onduidelik wie van die verdagtes Khan se swaer is. Meer as 12.000 mense het vanjaar in vuurwapengeweld in Amerika gesterf, die meeste van hulle swart.

    Die jongste aanval is die 355ste massa-aanval in die land vanjaar.

  • FBI kla ISIS-lid van bomkomplot aan

    Die Amerikaanse Federale Buro van Ondersoek (FBI) het Harlem Suarez (23) van Key West, Florida, aangekla vir sy planne om ’n bom versteek in ’n rugsak te laat ontplof.

    Hy is ’n selfverklaarde ondersteuner van die Islamitiese Staat (ISIS).

    Suarez het onder die owerhede se aandag gekom nadat hy ekstremistiese boodskappe op Facebook gepubliseer het.

    ’n Gebruiker van die sosiale media het die polisie gekontak nadat Suarez na bewering probeer het om hom te werf om ISIS te ondersteun, het die FBI bekend gemaak.

    “Ek gaan die rugsak doen,” het Suarez na bewering gesê met verwysing na ’n vorige bespreking om ’n bom in ’n rugsak te versteek en te laat ontplof.

    Suarez het later ook iemand wat met die FBI saamwerk, betaal om ’n telefoonbeheerde bom vir hom te bou. Volgens die klagstaat het Suarez beplan om die bom op ’n strand te begrawe en dit van ’n afstand af te laat ontplof.

    Volgens die FBI het Suarez op sy Facebook-blad gehou van die blaaie “jihadiste” en “buitengewone gebed vir ISIS”.
    Suarez het ook ’n aanlyn bestelling vir ’n AK-47 masjiengeweer geplaas, sê die FBI.

  • Sieklike Nederlandse skoolhandboek wys SA is ‘vry’

    Sieklike Nederlandse skoolhandboek wys SA is ‘vry’

    Asof dit was nie heeltemal erg genoeg is om volwassenes te breinspoel nie, moet Nederlandse kinders ‘n baie vreemde kaart van die wêreld op skool leer.

    Dié kaart is glo om tieners te help verstaan ​​watter lande “goed” en “sleg” is, en watter “vry” en “onvry”.

    Suid-Afrika onder die ANC word gelys as ‘n ligte groen “vry”.

    Maar wat word as “vry” en “goed” beskou? Blykbaar sluit dit onder meer in gedwonge rasvermenging soos ons tans by Curro-skole sien, hebsug, onsmaaklike gayvertoon, xenofobie en toenemende polisiegeweld.

    Kinders glo wat hulle sien in hul handboeke. Hulle aanvaar dit as evangelie. Die inhoud moet dus gebalanseerd wees, en verkieslik streng by die feite hou.

    Enigiets anders moet nie toegelaat word in ‘n klaskamer nie.

    In Suid-Afrika se geval is die Nederlandse voorstelling doelbewus daarop gemik om ‘n soort uiterste of gevaarlike politieke siening te bevorder dat swart aansprake altyd regmatig is, ook waar dit om moord, volksuitwissing, etniese suiwering en ander ekstremistiese houdings en uitsprake gaan.

    Maar wat maak ‘n land “vry” of “goed”, en wie besluit daaroor? Volgens die handboek het die begrippe iets te doen met “menseregte” in die VSA en Europa.

    Nie die VSA òf Europa stel belang in menseregte vir blankes nie. Dit geld alleen vir swart of Arabiese “vlugtelinge” of “migrante”. Die VSA is ook die plek waar sowat 550 mense, meestal blankes, vermoor is deur polisiebeamptes in die eerste helfte van hierdie jaar alleen.

    Volgens die mees onlangse (2011) FBI-statistiek was die slagoffers swart in van die 2695 moorde, en 91% daarvan is gepleeg deur mense van dieselfde ras. Blankes en wit Latino’s was in net 193 (7%) gevalle die daders.

    Dubbel soveel blankes word deur swartes vermoor in die VSA, naamlik 14%, waar dit nie gaan om intra-rassige geweld nie.

    Interessant genoeg, het die Nederlandse premier Mark Rutte aangevoer dat die beperking van regte vir gays in Rusland onvryheid veronderstel.

    Poetin het Rutte daarna gevra waarom organisasies wat pedofilie ondersteun toegelaat word om te funksioneer in Nederland.

    Dit is duidelik dat ‘n baie eng begrip van vryheid in die VSA en Europa heers en die begrippe van wat goed en kwaad verteenwoordig geen morele basis het nie.

    Carlien Greyling

  • Vrae oor Danny Jordaan se betrokkenheid by FIFA

    Die nuwe burgemeester van die Nelson Mandelabaai Metro, Danny Jordaan, het ‘n ope brief ontvang met vrae oor sy betrokkenheid by ‘n FIFA-skandaal.

    Die Amerikaanse speurdiens, die FBI bekyk onder meer bewerings dat Suid-Afrika tien miljoen dollar se omkoopgeld betaal het om die sokkerwêreldbekertoernooi aan te bied.

    Die sekretaris-generaal van FIFA, Jerome Valcke het Suid-Afrika en FIFA verontskuldig in beweerde wanbesteding. Hy het gesê die ontvanger van die skenking, die sokkerliggaam, CONCACAF, eerder moet verduidelik.

    Die bodproses om die 2026 Sokkerwêreldbeker aan te bied is intussen opgeskort.

    Valcke sê die huidige klimaat van korrupsiebewerings het dié stap genoop. Die proses sou in Mei 2017 in Kuala Lumpur begin.

    Rusland en Katar se komende toernooie is tans onder die vergootglas weens beweerde ongerymdhede. Die VSA, wat net-net teen Katar verloor het in sy bod vir 2022, blyk nou die gunsteling te wees om in 2026 gasheer te speel.

    Die DA-lid van die provinsiale wetgewer, Atholl Trollip het in die ope brief aan Jordaan ‘n beroep op die sokkerbaas gedoen om te reageer op bewerings dat Suid-Afrika omkoopgeld van R120 miljoen betaal het om die 2010 Sokkerwêreldbeker aan te bied.

    Trollip sê Jordaan se aanstelling hou, benewens die FIFA-skandaal, ook die samestelling van ‘n burgemeesterkomitee, sowel as die stad se begroting terug.

    Hy sê die vertragings weens Jordaan se aanstelling sal ‘n impak op dienslewering in die stad hê.

    Zimbabwe het die Amerikaanse ondersoek na korrupsie by FIFA veroordeel.

    Die Zimbabwiese Minister van Buitelandse Sake, Samuel Mumbengegwi sê Suid-Afrika het verdien om die bod te wen en het een van die beste toernooie nóg aangebied.

    Die voormalige vise-president van die wêreldsokker beheerliggaam, Jack Warner, word nou ook verbind met die verdwyning van geld wat vir die slagoffers van die aardbewing in Haiti in 2010 bestem was.

    Die BBC berig dat dokumente onder sy aandag gebring is wat toon dat noodfondse van $750 000 na ‘n rekening onder Warner se beheer, vir sy persoonlike gebruik oorgeplaas is.

    Daar kon vier jaar later nog nie rekenskap van die geld gegee word nie.

    Warner het na bewering $7 miljoen van Egipte gevra in ruil vir hulp met die land se bod vir die Wêreldbeker-sokkertoernooi in 2010.

    Volgens die voormalige hoof van Egipte se sokkervereniging, Al-Dahsjoeri Harb, het Warner daarin belang gestel het om ’n raadgewer vir Egipte se bod te wees.

    ‘n Argentynse sakeman wat vroeër deur die Amerikaanse owerhede gesoek word in verband met die ondersoek na korrupsie by FIFA het hom aan die polisie in Italië oorgegee.

    Alejandro Burzaco, die president van ‘n Argentynse sportbemarkings-maatskappy is een van 14 persone wat van korrupsie aangekla word.

    Burzaco het verdwyn na die arrestasie van sewe FIFA uitvoerende lede op 27 Mei.

  • ISIS-kuberkrakers teiken Amerikaanse soldate

    Die groep wat hulself die Islamitiese Staat (ISIS) se kuberkrakerafdeling noem, het gister die name van 100 Amerikaanse militêre personeellede gepubliseer en ISIS-ondersteuners aangemoedig om hulle dood te maak.

    ISIS se kuberkrakers sê die 100 personeellede van die Amerikaanse weermag, vloot en lugmag het ISIS in Irak, Sirië en Jemen geteiken.

    Die situasie in Jemen het so agteruitgegaan dat Jemen se pro-Amerikaanse president, Abd Rabbuh Mansur Hadi, op een punt saam met Amerikaanse troepe sou ontruim, het amptenare aan NBC News gesê.

    Terwyl Amerikaanse amptenare die onttrekking as ‘n sukses beskou, beteken dit dat die VSA se militêre magte nie meer oë en ore op die grond in Jemen het nie.

    Die Amerikaanse departement van verdediging en FBI-woordvoerders het aan The New York Times gesê hulle is bewus van die dreigemente en ondersoek die webtuiste waar dit gepubliseer is.

    Amerika lei ‘n internasionale koalisie wat ISIS in Irak en Sirië teiken, waar militante groot dele grondgebied beset.

  • Die VSA beveg kuberrampokkers oorsee

    Die wenk het van ‘n ander land se wetstoepassers gekom: Agt groot banke in die VSA is in die visier van kuberrampokkers wat hier opereer.

    FBI-agente het daardie nag uitgesprei om die takke te waarsku dat krakers beplan om in hulle rekenaarstelsels in te breek. Die banke was in staat om die gepoogde bresse raak te sien en hulle te blokkeer, sê FBI-amptenare.

    Besorgd oor die styging in hierdie soort gesofistikeerde rekenaar aanval uit die buiteland, is die FBI en die VSA se Geheime Diens besig om hulle internasionale kubremisdaadbekamping te verstewig, en stuur tans agente wat in hierdie bedreigings spesialiseer, oorsee om inbesonder hierdie digitale gevare aan te spreek.

    Hulle groeiende koördinasie met ander lande staar egter wetlike en politieke uitdagings wat deur teenstrydige wette en ‘n gebrek aan wydaanvaarde internasionale riglyne vir Internettoesig daargestel word, in die gesig.

    “Met die toenemende gekoppeldheid in lande wat tot dusver nie daardie mate van toegang gehad het nie, en die tegnologiese vooruitgang wat in korporatiewe Amerika gemaak is en wat kwesbare finansiële inligting aanlyn beskikbaar stel, is hierdie die perfekte storm,” sê Shawn Henry, assistent-direkteur van die FBI se kuberafdeling.

    Tot dusver, sê Henry, het die FBI nuwe kubermisdaadkantore in vier lande, wat Roemenië, Estonia en die Nederlande insluit, opgerig, en hoop om nog twee of drie oor die volgende jaar by te voeg. Henry wou nie die vierde land noem nie.

    Die kubermisdaadspesialiste opereer tesame met 61 wetsattachékantore wat die FBI oorsee het.

    “Ons het soveel versoeke om oorsee te help, ontvang, dat ons inderdaad begin het om FBI-personeel in die nasionale polisie-agentskappe van verskeie lande in te voeg,” sê Henry.

    Die VSA se Geheime Diens is intussen besig om ‘n elektroniese misdaadtaakmagkantoor in Rome op te rig, en het ‘n veldkantoor in Tallinn, Estonia, ‘n land wat ‘n groot kuberaanval in 2007 gely het, bygevoeg.

     

    arduino освещение лестницыдепутат лобановский