Die nuwe burgemeester van die Nelson Mandelabaai Metro, Danny Jordaan, het ‘n ope brief ontvang met vrae oor sy betrokkenheid by ‘n FIFA-skandaal.
Die Amerikaanse speurdiens, die FBI bekyk onder meer bewerings dat Suid-Afrika tien miljoen dollar se omkoopgeld betaal het om die sokkerwêreldbekertoernooi aan te bied.
Die sekretaris-generaal van FIFA, Jerome Valcke het Suid-Afrika en FIFA verontskuldig in beweerde wanbesteding. Hy het gesê die ontvanger van die skenking, die sokkerliggaam, CONCACAF, eerder moet verduidelik.
Die bodproses om die 2026 Sokkerwêreldbeker aan te bied is intussen opgeskort.
Valcke sê die huidige klimaat van korrupsiebewerings het dié stap genoop. Die proses sou in Mei 2017 in Kuala Lumpur begin.
Rusland en Katar se komende toernooie is tans onder die vergootglas weens beweerde ongerymdhede. Die VSA, wat net-net teen Katar verloor het in sy bod vir 2022, blyk nou die gunsteling te wees om in 2026 gasheer te speel.
Die DA-lid van die provinsiale wetgewer, Atholl Trollip het in die ope brief aan Jordaan ‘n beroep op die sokkerbaas gedoen om te reageer op bewerings dat Suid-Afrika omkoopgeld van R120 miljoen betaal het om die 2010 Sokkerwêreldbeker aan te bied.
Trollip sê Jordaan se aanstelling hou, benewens die FIFA-skandaal, ook die samestelling van ‘n burgemeesterkomitee, sowel as die stad se begroting terug.
Hy sê die vertragings weens Jordaan se aanstelling sal ‘n impak op dienslewering in die stad hê.
Zimbabwe het die Amerikaanse ondersoek na korrupsie by FIFA veroordeel.
Die Zimbabwiese Minister van Buitelandse Sake, Samuel Mumbengegwi sê Suid-Afrika het verdien om die bod te wen en het een van die beste toernooie nóg aangebied.
Die voormalige vise-president van die wêreldsokker beheerliggaam, Jack Warner, word nou ook verbind met die verdwyning van geld wat vir die slagoffers van die aardbewing in Haiti in 2010 bestem was.
Die BBC berig dat dokumente onder sy aandag gebring is wat toon dat noodfondse van $750 000 na ‘n rekening onder Warner se beheer, vir sy persoonlike gebruik oorgeplaas is.
Daar kon vier jaar later nog nie rekenskap van die geld gegee word nie.
Warner het na bewering $7 miljoen van Egipte gevra in ruil vir hulp met die land se bod vir die Wêreldbeker-sokkertoernooi in 2010.
Volgens die voormalige hoof van Egipte se sokkervereniging, Al-Dahsjoeri Harb, het Warner daarin belang gestel het om ’n raadgewer vir Egipte se bod te wees.
‘n Argentynse sakeman wat vroeër deur die Amerikaanse owerhede gesoek word in verband met die ondersoek na korrupsie by FIFA het hom aan die polisie in Italië oorgegee.
Alejandro Burzaco, die president van ‘n Argentynse sportbemarkings-maatskappy is een van 14 persone wat van korrupsie aangekla word.
Burzaco het verdwyn na die arrestasie van sewe FIFA uitvoerende lede op 27 Mei.
Ivm met die Fifa-skandaal en die ANC-regime se betrokkenheid daarby word daar gesê Jacob Zuma kan die Nasionale Vervolgingsgesag en trouens die ganse SA regspleging afdank om die ding uit die hof te hou maar dat hy nie die die Amerikaanse federale speurdiens die FBI, wat aan die hoof van die ondersoek staan, kan afdank nie. Ten minste wat die Fifa-skandaal betref lyk dit dan na skaakmat vir die Zuma-regime.
gee my n “D”…….. gee my n “A”……. gee my n “N”,…. gee my nog n “N”,……gee my n “Y”,… wat spel dit???
korrupte blixems,………gooi hulle gatte in Alcatraz
Wonder vir watter Suid-Afrikaanse beweerde betrokkkenes die Amerikaanse administrasie almal lasbriewe sal uitreik. Hulle sal eker nie waag om die lasbriewe in Suid-Afrika self uit te voer nie. Maar vir hulle wat so in stralers oorsee gaan skuur, veronderstel maar in Amerika en in die EU-lande, lyk dit of die wêreld na dese skielik baie kleiner geraak het. Ook Zuma? En wat van die ANC-kommissar vir sport?
Hugo, ek hoop jou woorde is waar….zums kan dalk nie vir die een wegkruip of lag in die Parliment nie, dink net hoe gaan ek lag as die FBI sy gat in n tronk sit, dit sal grap van die eeu wees.
Die Amerikaners sit nou en wag dat die benoude katte foute gaan maak.
En dit gaan gebeur.
Ou Danny het ‘n ope brief gekry, ek wonder of hy ope antwoord gaan verstrek.
Dit wil my voorkom dat sy tjekkie as burgermeester genoeg is dat hy vir hom kon gaan skeermeslemmetjies koop. Die man lyk amper aantreklik. Sy leep oë is egter net soos ou Zumpies s’n, dus sal ek ook maar nie vir hom stem nie. hehe.
Die ou mense het altyd gesê, “Waar ‘n rokie is, is daar ‘n vuurtjie.” Hou hulle dop, die koekie gaan krummel, verseker.