Kategorie: Nuus

Petrolprys weer op

Die petrolprys gaan om middernag met 29 sent per liter styg en dié van diesel met 21 sent per liter.

Die departement van Energie het Vrydag heuning by die bitter medisyne probeer voeg deur te verklaar dat die Rand in die tweede helfte van Januarie verstewig het, en dus daartoe gelei het dat die styging minder is as wat aanvanklik verwag is.

Die Automobiel Assosiasie het ook gesê internasionale oliepryse toon ‘n opwaartse neiging.

Die AA sê verbruikers moet nie in die mediumtermyn laer brandstrofpryse verwag nie, omdat die rand gevoelig bly vir politieke woelinge.

Paraffien word 17 sent duurder per liter en huishoudelike gas sal 21 sent per kilogram duurder wees.

DA, EFF en ANC mede-verantwoordelik vir rasse-oorloggie in Pretoria

Dit lyk nie asof die DA en EFF se samewerking in Pretoria iets goeds inhou vir die wit inwoners nie.

‘n Mini-rasseoorlog het die naweek uitgebreek tussen swart balhorige plakkers en wit inwoners nadat die plakkers van Jeffville-plakkerskamp langs Atteridgeville verskuif is tot neffens ‘n wit woonbuurt in Booysens.

Op sosiale media is foto’s versprei van hoe die spul plakkers al begin steel het, wat veroorsaak het dat die inwoners besluit het om saam te staan teen die kriminele.

Die skermutselings het gelei daartoe dat ‘n wit geestelik-gestremde man op die rand van die dood verkeer nadat swartes hom met ‘n panga aangeval het.

Die plakkers maak nou asof hulle niks van die voorval weet nie, waarskynlik uit vrees dat hulle gaan les opsê.

Die DA-raadslid Frik van Wyk het homself intussen in vergadering-prosedure vasgedraai as verskoning om nie die bul by die horings te pak en die plakkers uit te boender nie.

“Ons kon nie die raadsvergadering dadelik verlaat nie, as gevolg van die koalisie-regering met die EFF,” het Van Wyk sy gebrek aan optrede verduidelik.

Hy gee die ANC ook die skuld, maar feit bly dat hy mede-verantwoordelik is. Tipies van nuttelose DA-politici wat hul neste uitveer, probeer Van Wyk perdevye smous deur te vertel dat dit nie ‘n wit reaksie teen swart misdaad was nie.

De Lille bedank as Wes-Kaapse leier

Patricia de Lille het bedank as DA-leier van die Wes-Kaap. Sy het die nuus vanoggend getwiet.

Sy het haar eie stert geprys in haar bedankingsbrief, maar soos gewoonlik geen woord gerep oor die hoë misdaadsyfer in haar provinsie nie.

Van die kriminele veldbrande het sy ook nie ‘n woord gerep in haar cliché-belaaide bedankingsbrief nie.

Sy het die groei in kiesersondersteuning, ‘n kroniese DA-hoofpyn, en “doelwitte” wat glo bereik is, geloof. Behalwe haar eie loopbaanplanne is dit nie duidelik wat hierdie “doelwitte” was nie.

Die DA maak daarop staat dat “nie-rassigheid” hul party staande sal hou.

Maar dit lyk of De Lille nou wegskram van die “geweldige verantwoordelikheid” van ‘n DA-beheerde provinsie.

Hofoorwinnings oor Trump se immigrasie-bevel betekenisloos

Pro-immigrasiegroepe se reeks vroeë hofoorwinnings gefokus teen die uitvoerende bevel van President Donald Trump om toelatings vir reisigers van sewe Moslem-lande op te skort, is deur regskenners en administrasieamptenare as betekenisloos beskryf.

Maar die lae-IK massas wat deur globaliste opgesweep word, is in rep en roer.

Regters in drie Amerikaanse state het New York se voorbeeld gevolg en die owerhede verbied om reisigers wat deur president Donald Trump se uitvoerende bevel geraak word te deporteer.

Die howe in Massachusetts, Virginia en Washington het beslis dat die deportasies onwettig is. Regter Ann Donnelly het die owerhede in New York se Brooklyn-distrikshof beveel om hulle daarvan te weerhou om vlugtelinge te deporteer wie se toelating voorheen goedgekeur is.

Regsverteenwoordigers wat deur George Soros betaal word in die VSA werk onverpoosd om Moslemreisigers by te staan wat weens Trump se bevel op lughawens gestrand is.

Regspanne wat ontplooi is by lughawens regoor die land, het gekla die naweek wat grensagente nie die hofbevele uitvoer nie.

Die bevel Vrydagmiddag op die beperking van reisigers uit Iran, Irak, Libië, Somalië, Soedan, Sirië en Jemen raak net ‘n paar honderd reisigers in transito.

Die histerie teen Trump is deel van ‘n gekoördineerde openbare-betrekkkinge poging wat deur die linkse miljardêr George Soros gefinansier word. Trump se uitvoerende bevel bevat matige vlugtelingbeperkings daarop gemik is om terroriste uit te hou, soortgelyk aan dié wat deur President Obama geïmplementeer is, maar wat meer magte aan grenspersoneel gee om op te tree.

President Trump het in ‘n nuwe verklaring gister gesê hy is nie teen alle Moslems nie.

“Om duidelik te wees, dit is nie ‘n Moslemverbod nie, in die media só vals gerapporteer,” het Trump. “Dit gaan nie oor godsdiens nie – dit is oor terreur en die behoud van ons landsveiligheid. Daar is meer as 40 verskillende lande wêreldwyd waar ‘n meerderheid Moslem is wat nie geraak word deur hierdie bevel nie.”

Maar Moslems in Dallas se Fort Worth-lughawe het tot gebed oorgegaan uit protes teen hierdie verbod.

Google het buitelandse personeellede wat dalk geraak is deur die nuwe uitvoerende bevel gevra om vinnig terug te keer na die VSA. Google se Hoof Uitvoerende Beampte Sundar Pichai het Trump in ‘n nota aan werknemers Vrydag sleggesê omdat sowat 100 maatskappypersoneellede geraak is deur die bevel.

Microsoft het gesê hulle skakel met 76 personeellede van die sewe lande in die uitvoerende bevel, het Bloomberg berig.

Airbnb sal gratis behuising voorsien aan “vlugtelinge” in die VSA, het Airbnb uitvoerende hoof, Brian Chesky, getwiet.

Facebook se Zuckerberg het aan Bloomberg Vrydag gesê hy is “bekommerd” oor Trump se onlangse stap om immigrasie te beperk.

Tesla se uitvoerende hoof, Elon Musk het Saterdag op Twitter ook uitgevaar teen Trump. Tesla bestaan danksy belastinggeld wat Musk gebruik om “groen” projekte te finansier. Daarsonder sal sy maatskappy ondergaan.

Merkel, Trudeau meng in met Amerikaanse immigrasiebeleid

Duitse kanselier Angela Merkel het uitgevaar teen President Donald Trump oor sy reisverbod op Moslems uit terrorisme brandpunte.

Merkel se woordvoerder Steffen Seibert het gister gesê Merkel het Trump tydens ‘n telefoniese gesprek vertel dat die Geneefse konvensie vereis dat die internasionale gemeenskap vlugtelinge inneem, terwyl die Kanadese premier Justin Trudeau aangebied het om immigrante verwerp deur die VSA in te neem.

“Terrorisme is nie ‘n regverdiging om mense van ‘n bepaalde agtergrond of geloof onder algemene vermoedens uit te hou nie,” het Seibert Merkel aangehaal. Seibert het egter nie uitgebrei oor die Berlyn- en ander terreuraanvalle uitgevoer deur immigrante nie.

Seibert het gesê die Duitse regering sal die reisverbod in die VSA beveg deur “regsverteenwoordiging [vir die belange van immigrante] as dit nodig is” in ‘n openlike uitdaging aan die Trump-administrasie.

Die Duitse en Nederlandse ministers van buitelandse sake het intussen ‘n woedende gesamentlike verklaring Sondag uitgereik waarin hulle “druk sal toepas op Amerikaanse owerhede” om te bepaal wat bedoel word vir dubbele nasionaliteit.

Maar beelde van die Nederlandse nuusagentskap ANP het getoon dat slegs ‘n paar betogers bekommerd is oor Trump by Schiphol, die lughawe naby Amsterdam. Die paar nuttige idiote wat vir die biljoenêr-oligargie se globalistiese agenda opgedaag het by Schiphol het gedreunsing: “Geen grense, geen volke, geen deportasie!”

“Ons is vasbeslote om die regte van ons burgers te beskerm en sal spoedige optrede binne die Europese Unie oor die stappe wat nou nodig is, verseker,” het Duitsland se verlinkse Sigmar Gabriel en sy Nederlandse eweknie Bert Koenders verklaar.

Merkel se direkte inmenging in Amerikaanse binnelandse politiek was die eerste teken van onmin tussen haar en Trump. Merkel het net enkele dae gelede hul “gemeenskaplike belange” in die bevordering van die NAVO en die bekamping van Islamitiese militante in ‘n gesamentlike verklaring ná ‘n telefoonoproep na Trump uitgelig, maar intussen weer van koers verander.

Dit lyk nie asof die kanselier baie betroubaar is nie.

Thomas Oppermann, ‘n koalisievennoot in die regering sê Trump is “onmenslik en aspris” en het gesê dit sal lei tot ‘n beduidende skade aan die Amerikaanse ekonomie. Oppermann is nie ‘n Amerikaanse burger nie; wat die VSA se ekonomie met hom hom uit te waai het, weet nugter.

Omid Nouripour, ‘n Groen Party wetgewer en vise-voorsitter van die Duits-Amerikaanse parlementêre groep en ‘n Duitse-Iraanse dubbele paspoorthouer, het gesê die nuwe Amerikaanse regering toon ‘n “vuil simboliese gebaar wat honderde duisende mense sal seermaak”.

“Die Duitse regering moet opstaan ​​vir die meer as 100 000 Duitse burgers wat geraak word deur die bevel,” het Nouripour aan Reuters gesê. Hy het gesê Trump het nie Saoedi-Arabië uitgesluit nie.

Dieter Janecek, ekonomiese woordvoerder vir die Groenes in die parlement, het gesê dat Duitsland ‘n reisverbod op Trump en sy senior adviseur Stephen Bannon moet oorweeg tensy die bevel herroep word. Trump sal die Groep van 20 nywerheidslande se byeenkoms in Hamburg in Julie bywoon.

‘n Duitse “regskenner” Jonathan Hafetz het Deutsche Welle vertel, “die resultate op die grond maak van die Verenigde State van Amerika ‘n piesangrepubliek”. Hafetz het egter nie kommentaar gelewer oor die stand van die lande waaruit baie van hierdie immigrante kom nie.

Londen se burgemeester Sadiq Khan – die eerste Moslem burgemeester van ‘n groot Westerse stad – het intussen gevra dat Trump se staatsbesoek na die Verenigde Koninkryk gekanselleer word.

Hy het gesê die verbod “is ‘n klap in die gesig van die waardes” waarop die VSA gebou is. Hy het blykbaar vergeet dat die VSA ‘n Christenland is en dat sy soort nie dieselfde waardes deel nie.

Justin Trudeau het Saterdag getwiet: “Diegene wat vlug van vervolging, terreur en oorlog, sal Kanada welkom, ongeag jou geloof. Diversiteit is ons krag #WelcomeToCanada “. Hy het bygevoeg dat hy met Trump sal praat oor die “sukses” van die vlugtelingbeleid van Kanada.

Trudeau het meer as 39 000 Siriese vlugtelinge binnegelaat kort nadat hy verkies is. Sondagaand is daar 5 mense dood in Quebec City by ‘n moskee.

Verskeie mense is ook gewond in die terroriste-aanval, volgens CBC se Franse diens, Radio-Kanada.

Toe Obama ‘n soortgelyke reisverbod in 2011 teen onwettige immigrante uit Moslemlande uitgereik het, was daar geen protes, inmenging of veroordelings nie.

Franse kandidaat Valls voer glo sy veldtog met geld uit Togo

Kan die “manna” daartoe lei dat die voormalige Franse premier sy onttrekking uit die huidige wedloop vir die sleutels van die Élysée-paleis aankondig?

In ‘n verklaring tydens die drie-dag-staking deur onderwysers het die Werkersparty in Togo, Wes-Afrika, die president Faure Gnassingbé beskuldig dat hy ‘n tas volgestop met geld aan die voormalige Franse Eerste Minister Manuel Valls gegee het.

Die som van 5 miljard CFA is glo bedoel as ondersteuning vir Valls se kandidatuur in die sosialistiese primêre ronde en presidensiële bod vir 2017.

“Bronne naby aan die regime het inligting onthul – omdat hulle dermate gewalg is deur die ongelooflike sinisme van Faure Gnassingbe teenoor sy eie mense – wat daarop dui dat tydens sy amptelike besoek aan die einde van 2016 aan Togo, het Manuel Valls, terwyl hy nog aan die hoof van die Franse regering was, na bewering ‘n “geskenk” van 5 miljard CFA ontvang vir sy veldtog in Frankryk vir die 2017 presidensiële verkiesing,” volgens ‘n communique deur party.

Volgens Claude Ameganvi, dit is ongetwyfeld ‘n wanbesteding van fondse, want dit was in afwagting van hierdie ondersteuning aan Manuel Valls dat Faure Gnassingbé ‘n stemmery deurgedruk het in die Nasionale Vergadering vir ‘n gesamentlike begroting van 10 miljard CFA, vir die betaling van vyf helikopters as deel van die “Maritieme Veiligheidskonferensie”.

Maar volgens die party is dit onsigbare helikopters omdat hulle “nooit gekoop” is nie.

Verteenwoordigers het tydens ‘n bespreking oor die begroting uitgelap dat lenings bekend as Sukuk vir ‘n totale bedrag van CFA 156 miljard verkry is van sekere Islamitiese banke oor die tydperk 2016-2026 deur openbare bates te verpand.

Volgens die party, is daar geen twyfel dat hierdie lenings, “uitgekontrakteer en buite beheer van die nasionale instellings se regulering van die funksionering van die staat, nie deel is van enige rasionele logika van ontwikkeling soos dié van infrastruktuur en opvoedkundige behoeftes nie”.

Vir Suid-Afrikaners klink dit ook bekend.

Britte gooi U-draai oor Sirië

Die vernederende nederlaag van militante in Aleppo, Trump se verhouding met Rusland, en die Turkse toenadering tot Moskou het die internasionale skaakbord aansienlik verander.

Britse Sekretaris van Buitelandse Sake, Boris Johnson, het ‘n U-draai gegooi oor president Bashar al Assad om deel te neem as ‘n kandidaat in die volgende Siriese verkiesing in ‘n dramatiese ommekeer van Britse beleid.

Die sewe-jaar termyn van President al-Assad sal in Junie 2021 eindig.

Die minister van buitelandse sake van die Verenigde Koninkryk se erkenning dat die inhuldiging van die nuwe president van die VSA beteken dat alle kante hul benadering oor Sirië in heroorweging moet neem, het die Guardian berig.

“Ek moet realisties wees oor hoe die landskap verander het, en dit kan wees dat ons opnuut sal moet dink oor hoe ons dit hanteer. Die ou beleid, is ek bevrees om te sê, beteken nie meer veel nie,” sê Johnson.

“Ons was onherroeplik verbind vir ‘n lang tyd tot die mantra dat Assad moet gaan, maar ons was nie in staat gewees op enige stadium om dit te maak gebeur nie,” het Johnson bygevoeg.

In Junie 2014, het die Arabiese Republiek ‘n presidensiële verkiesing georganiseer. Die globalistiese magte was gekant teen daarteen, en – ‘n skending van die Weense vredesooreenkoms – het Siriese konsulate verbied om buite die land ‘n stemmery te organiseer.

Die oorlog het verhoed dat etlike miljoene kiesers stem, terwyl al die state met diplomatieke bande in Sirië die verkiesing erken het.

Bashar al-Assad is herkies as president met ‘n meerderheid van 88,7 persent van die stemme.

Maar sedert 2011, beskuldig die globaliste Assad dat sy land ‘n diktatuur is en dat dit betrokke is in stelselmatige marteling. Die Siriese kiesers dink klaarblyklik nie so nie.

In September 2015, het Johnson se voorganger, Philip Hammond, toegegee dat president Bashar vir ‘n oorgangstydperk van drie maande kan bly.

Maar Hammond nogtans volgehou dat die Arabiese Siriese Republiek ‘n “diktatorskap” is en dat die mandaat van Assad “onwettig” is.

In nog ‘n eerste, het die minister van buitelandse sake ook gesê die Verenigde Koninkryk se toekenning van uitvoerlisensies vir wapens aan Saoedi-Arabië kan sneuwel onder aantygings van oorlogsmisdade.

Gelyke Kanse begin regsproses oor Afrikaans by US

Die Konvokasie van die Universiteit van Stellenbosch het sy steun gegee aan ‘n regsproses wat daarop gemik is om die Universiteit se nuwe taalbeleid ter syde te stel.

Die beleid wat verlede jaar aanvaar is maak Engels die hooftaal van onderrig en administrasie by die Universiteit.

Die belangegroep Gelyke Kanse het ‘n aansoek in die hooggeregshof in Kaapstad ingedien om dié besluit ter syde te stel. Die aansoek word in Maart aangehoor.

Hermann Giliomee het Saterdag 21 Januarie ondersteuners van die aksiegroep #StellenboschLente toegespreek, het Litnet berig.

Giliomee het Afrikaanssprekendes se reg op ‘n Afrikaanse universiteit verdedig. Hy het ook gepraat oor die mosie by die US-konvokasievergadering op 26 Januarie, en die hofsaak wat in Maart in die hooggeregshof aangehoor sal word.

Volgens Giliomee het US rektor Wim de Villiers, Arnold Schoonwinkel en kie hul rug op studente van Porterville en soortgelyke plekke waar Engels ‘n vreemde taal is, gedraai.

Hy sê hy het self met Engels gesukkel toe hy op Stellenbosch begin studeer het. Hy het weer verwys na die ANC-belofte van twee Afrikaanse universiteite, maar daarvan het dadels gekom.

Die Kaapse Afrikaners probeer nou al geruim tyd Afrikaans red deur bruines as taalstryders voor te hou terwyl die meeste reeds verengels het en nie belangstel in die taal nie. Die meerderheid Afrikaners woon in Pretoria en voel nie deel van die Stellenbosche kliek nie.

Intussen gaan PRAAG voort met voorbereiding vir die beplande hofsaak teen die Universiteit van Pretoria se besluit om Afrikaans af te skaf as onderrigtaal.

Welkome reën sak oral in SA uit

Uitgebreide reën oor groot dele van die land oor die afgelope 24 uur sal vandag voortduur. Die Suid-Afrikaanse Weerdiens waarsku dat swaar reën oorstromings in verskeie gebiede kan meebring.

Swaar reën word vir die suidelike dele van Gauteng, die noordweste van KwaZulu-Natal, die suidweste van Mpumalanga en Limpopo, die ooste van Noordwes, die noordoostelike dele van die Vrystaat en in die Wes-Kaapse Overberg- en Eden-distrikte voorspel.

Kwaai donderstorms word ook oor die oostelike dele van die Oos-Kaap verwag.

Kapenaars is vanoggend na weke van droë en warm met welkome reën begroet wat uitgesak het. Die Midmar-pad in Bellville was onder water.

Die verkeer het ook baie stadig op die N1-snelweg vanaf Kraaifontein na die stad beweeg.

Nog reën word vir die res van die dag voorspel. Dit volg nadat Kaapstad Donderdag strenger waterberperkings aangekondig het. Kapenaars sal hul tuine van nou af slegs twee keer per week met ‘n emmer mag natlei.

ISIS spog met bewapende hommeltuie

Dit is net ‘n kwessie van tyd totdat oorvol strate in die groot metro-gebiede van die VSA en Wes-Europa op hierdie manier deur ISIS geteiken word.

ISIS militante spog oor hul bewapende hommeltuie wat die terroriste-organisasie in Mosul ontplooi het.

In ‘n video vrygestel deur die terroriste, wys hulle tonele geneem deur ‘n ander tuig om te wys wat die impak van ‘n aanval op ‘n groep van niksvermoedende mense in ‘n straat is.

Wanneer voertuie begin om te reageer op die toneel, word ‘n selfmoordbomaanvaller in ‘n motor ingestuur vir ‘n opvolg-aanval om die maksimium sterftes te veroorsaak.

En terwyl die “ISIS hommeltuigprogram” onwaarskynlik ‘n vlak van sofistikasie sal bereik wat nodig is om gepantserde voertuie op te blaas, het die voormalige Amerikaanse spesiale magte soldaat, Mitch Utterback gesê die aanvalle in nogtans baie effektief.

‘n Verslaggewer en kameraman is verlede week beseer in ‘n ISIS hommeltuigaanval op oostelike Mosul.

ISIS het kommersiële tuie aangepas om 40mm geweergranate af te gooi. Hulle word gevlieg deur die operateur oor Irakse troepe en die granaat word laat val deur elektroniese opdrag. Slegs in die helfte van alle gevalle is teenoptrede suksesvol.

ISIS het voorheen staatgemaak op onbemande tuie, maar gebruik nou klein sogenaamde “vierwielkopters” om ammunisie te laat val.

Utterback, wat die toestelle ontdek het, sê: “Irakse magte is baie, baie bekommerd hieroor. My kommer is dat hulle gebruik sal word om spesifieke, hooggeplaaste offisiere wat die leiding op die grond teen die Islamitiese staat neem, te teiken.”

Dit kan net ‘n kwessie van tyd wees voordat ISIS hierdie toestelle teen Westerse stede inspan.

Die VSA se militêre magte is reeds besig met die evaluering van meer as 20 stelsels om hommeltuie onskadelik te stel, het The Washington Times berig.

Ingesluit in die nuwe beeldmateriaal van ISIS is ‘n Chinese Skywalker X8 tuig, wat vryelik beskikbaar is op Amazon.

Duitse redakteur hits moord op Trump aan

‘n Duitse koerantredaktuer Josef Joffe het homself by die oproepe deur linkses geskaar dat Donald Trump vermoor behoort te word ten einde hom uit sy amp te verwyder.

Die kriminele voorstel deur Joffe is op ARD – ‘n openbare uitsaaier – op 22 Januarie 2017 gedoen. Joffe het niks oorgekom nie, ‘n aanduiding dat die Duitse owerhede geen probleem daarmee het nie.

Joffe is die redakteur van Die Zeit, ‘n weeklikse Duitse koerant. Hy is ook ‘n spesiale professor in politieke wetenskap aan die Stanford Universiteit.

Na ‘n oproeper aan die Duitse besprekingspaneel gevra het of daar “nog steeds ‘n manier is om die Trump katastrofe” uit sy amp te verwyder, het Joffe voorgestel dat iemand in die Withuis hom vermoor.

Constanze Stelzenmüller, mede-gasheer, het die “bespreking” oor hoe om van Trump ontslae te raak gelei. Dit was meer van ‘n propaganda-oefening want daar is nie ‘n groot kans dat die linkses gaan slaag nie.

“Daar moet ‘n gekwalifiseerde twee-derde meerderheid van die senaat wees ten einde hom uit sy pos te dwing. Dit is polities en juridies redelik onmoontlik, baie moet nog gebeur, want ons is baie ver daarvan,” het sy gesê.

Joffe daarna kalm voorgestel dat die aangewese ding is: “Moord in die Withuis, byvoorbeeld.”

Die vroulike aanbieder het voortgegaan asof Joffe ‘n grap oor die voorgestelde moord gemaak het, maar Joffe was skaars in ‘n vriendelike bui toe hy die misdaad op die lug aangehits het. Joffe was merendeels op die rand van ‘n stuipe tydens die program, behalwe toe hy die oproep om moord gedoen het.

Dieselfde linkses wat buite hulself van verontwaardiging raak as iemand sinspeel op geweld teen Barack Obama of ander verraaiers, preek gereeld sluipmoorde op Trump en rand sy ondersteuners aan.

Op die dag voor die inhuldiging, was CNN steeds aan die bespiegel oor wat sal gebeur as Trump vermoor word.

CNN het ‘n segment vroeër uitgesaai waarin ‘n Trump-ondersteuner voorspel het dat die gewelddadige liberales “hom (Trump) gaan doodmaak” as hy verkies word, wat onmiddellik gevolg is deur ‘n Clinton-ondersteuner wat “bloed in die strate” belowe as hy wen.

Die hoofstroommedia, Lester Holt, en ander gebruik terme soos “whitelash” om Trump se presidentskap voor te hou as die rede vir ‘n rasse-oorlog in die VSA, maar gaan terselfteryd voort met hul dekking van Black Lives Matter, ‘n gewelddadige swart rassistiese organisasie, terwyl hulle “rassistiese wittes” verantwoordelik hou vir die oorwinning van Trump.

Die hele linkse oefening is dus klassieke rasbytery.

Anti-Trump protes ná die verkiesing is georganiseer selfs voor Trump nog enige uitvoerende bevel onderteken het, wat daarop dui dat die betogings nie teen enige spesifieke beleid is nie, maar teen wit Trump ondersteuners oor die algemeen.

In die VSA word die afgeleefde ou sanger Madonna nou ondersoek nadat sy gesê het sy wil die Withuis “opblaas” het Breitbart berig.

U lees op PRAAG nuus in Afrikaans wat u nêrens anders te lese sal kry nie. Dit verg baie navorsing en heelwat werk om u ingelig te hou. Ondersteun ons asseblief!

Le Pen toegang geweier by kamp terwyl migrante terug na Calais stroom

Woensdag is die Front National se leier, Marine Le Pen toegang geweier tot ‘n migrantekamp buite Dunkirk, naby Calais.

Die linkse, pro-immigrasie burgemeester is blykbaar bang vir wat die FN-leier daar kan teëkom.

Die kamp het opgeskiet nie ver van die berugte Jungle in Calais nie. Die Jungle is gesloop deur die owerhede onlangs, maar die buitsoekers bly ‘n probleem. Hulle is teen groot koste verskuif maar Franse belastingbetalers sal weereens moet opdok, want migrante beweeg terug na die gebied waar misdaad weereens gedy.

Damien Careme, die plaaslike burgemeester en Groen Party (EELV) lid, het getwiet dat Le Pen geweier is omdat sy “gewaag het om te besoek”. Careme probeer die toesmeerdery regverdig: “Ek is die een wat Marine Le Pen toegang tot die Grande-Synthe se vlugtelingkamp geweier het – sy het die vermetelheid gehad om op te daag sonder vooraf waarskuwing” en bygevoeg, “menslikheid is ‘n waarde wat sy ignoreer”.

Die linkses is aan die kant van politieke Islam en mensesmokkelaars en verdedig die kriminele skuim by elke geleentheid deur emosionele oproepe oor “menslikheid”.

Le Pen se aankoms by die kamp, ​​wat deur die liefdadigheid Utopia 56 bedryf word, was onaangekondig. Sy het geen vooraf reëlings getref nie, want sy sou nie so die werklike toestand van die kamp gesien het nie, sê sy. “Hulle wys jou net wat hulle wil hê jy moet sien”, het sy aan die Franse uitsaaier BFMTV gesê

Op Twitter het Le Pen opgemerk: “Dit is demokrasie in Frankryk: net pro-immigrasie amptenare mag kampe besoek!”

Nadat sy toegang geweier is, het Le Pen ‘n perskonferensie buite die kamp gehou: “Ons vertel immigrante dat ons nie wil hê dat hulle na Frankryk moet kom nie, maar op dieselfde tyd, moedig ons die mense wat hier is aan om te bly.”

Die FN leier het ‘n beroep op die owerhede gedoen om op te hou om immigrante “valse hoop” te gee met gemengde seine, volgens die Express.

“Ons skep die geleentheid vir hulle om na Brittanje te gaan deur die oprigting van kampe naby die grens”. Sy het later getwiet: “Calais is ‘n martelaarsdorp wat reeds vernietig is deur die migrante krisis. Immigrante keer na Calais terug; die situasie daar het onhoudbaar geword. Ons moet beheer van ons grense terugneem.”

Die Franse regering het in gebreke gebly om die instroming van asielsoekers te stop met hul onsamehangende beleid, sê Le Pen.

Patricia Chagnon, ‘n Franse munisipale raadslid en lid van die FN, het gesê deur toegang tot die kamp aan een van die belangrikste presidensiële voorlopers te weier, het die Franse owerhede demokrasie versaak.

“Sy is ‘n kandidaat vir die presidensiële verkiesings, sy wil ‘n eerstehandse ervaring van die lewe binne hierdie kamp kry. En ons kan net uiters bekommerd wees oor die feit dat sy nie in staat was om in te gaan nie,” het Chagnon bygevoeg.

Terwyl ‘n Franse presidensiële voorloper toegang geweier word in haar eie land, is die voormalige Amerikaanse Baywatch-ster Pamela Anderson op ‘n gechoreografeerde “toer” van die Grand Synthe geneem.

Anderson se reis is deur diereregte-aktiviste Peta Frankryk geborg. “Ek is hier in Calais om asielsoekers te help wat beskerming verdien,” het die stomme Anderson verklaar, die afgeleefde boodskap die linkses.

Die moeë ou bottelblonde dierasie het voor kennisgewings in Kanadese Engels in die kamp geposeer, kennelik omdat die mensesmokkelaars en kriminele geld wil insamel mbv haar teenwoordigheid.

U sal hierdie nuus nêrens anders in Afrikaans lees nie! Selfs in Engels is dit moeilik bekombaar. Sluit dus aan by PRAAG en help ons om regte nuus te lewer. Anders is u aangewese op fopnuus!

Trump-effek: Dow behaal mylpaal

Die Amerikaanse hoofaandele-indeks, die Dow Jones, het die eerste keer deur die 20 000 gebreek.

Dit word onder meer toegeskryf aan die verkiesing van Donald Trump as president wat ‘n hupstoot aan Amerikaanse aandelemarkte gegee het.

Volgens berigte verwag beleggers `n besigheidsvriendelike agenda van die nuwe regering. Finansiële reuse soos Goldman Sachs en JPMorgan Chase trek in hierdie stadium die meeste voordeel.

Trump se beleid sal na verwagting tot vinniger ekonomiese groei en hoër rentekoerse lei.

Die S&P 500 en die tegnologie-belaaide Nasdaq het ook nuwe hoogtepunte getoets, aangevuur deur die hoop dat die beleid van President Trump die Amerikaanse ekonomie sal stimuleer.

Die Dow, wat nader aan die 20 000-mylpaal gedurende Januarie opgekruip het, het met 0,8 persent gestyg tot 20,068.51.

Beleggers se verwagtinge van belastingverlaging en hoër groei is in aandele uitgestort.

‘n Senior adviseur van Trump, Kellyanne Conway het getwiet dat die mylpaal toegeskryf kan word aan “die Trump-effek”.

Praag is die enigste nuuswerf in Afrikaans wat pro-Trump is en die enigste op die kontinent om president Trump se oorwinning te voorspel en ondersteun het.

Trump hou by sy woord en skop onwettige swartes uit

Trump het pas 95 Somalië burgers, en twee Keniane gedeporteer.

Die Somaliërs en die twee Keniane het op die Jomo Kenyatta Internasionale Lughawe in Nairobi aangekom na die Verenigde State van Amerika hulle gedeporteer het.

In Nairobi is die nuus ook aangekondig dat die mans, wat vermoedelik in die VSA was sonder ‘n permit, vergesel is deur Amerikaanse sekuriteitsbeamptes. Die beamptes het die Somaliese burgers op ‘n vliegtuig terug na Mogadisjoe geneem.

Die Keniaanse koerant The Star skryf dat personeel by die JKI Lughawe gehoor het die Amerikaanse sekuriteitsbeamptes sê dat die deportasies ‘n gevolg is van die beleid van onwettige immigrante waarvan President Donald Trump ontslae raak, soos hy belowe het.

The Star skryf dat ‘n geskatte 30 000 onwettige immigrante van Kenia die risiko van deportasie uit die Verenigde State loop. Die onwettiges geniet verblyf in die VSA sonder die nodige papierwerk wat blykbaar onder die presidentskap Barack Obama verwelkom is.