Kategorie: Nuus

Parys-plaasaanval: Staat berispe oor vertragings

Landdros Leshnee Pillay het die Staat gewaarsku dat indien sy ondersoek na die moord op twee beweerde plaasaanvallers met die volgende hofverskyning nie afgehandel is nie, sy die nodige stappe sal moet neem.

Dit volg nadat die saak teen vier boere en ‘n polisiekaptein van Parys vanoggend in die plaaslike landdroshof tot 15 April uitgestel is.

Die staat het aangevoer het dat hy steeds wag op uitslae van DNS-toetse, asook ontledings van die beskuldigdes se selfone.

OFM-nuus berig dat al vyf beskuldigdes se borgtog van R5 000 verleng is.

Die boere, Boeta van der Westhuizen, Johan Cilliers snr., sy seun Johan jr. en Anton Loggenberg, is in Januarie in hegtenis geneem weens die moord op Samuel Tjixa en Simon Jubeba, wat verdink is van ’n aanval op Van der Westhuizen se pa, Loedie op sy plaas buite Parys.

Kaptein Henk Prinsloo, wat na bewering die boere gehelp het om die mans te vermoor, is voorverlede Woensdag in hegtenis geneem en het saam met die ander mans in die hof verskyn.

Buite die hof het sowat 200 swart betogers “Kill the boer” gesing.

Die twee vermeende aanvallers is in aanhouding dood. Hulle het nog gelewe toe hulle aan die polisie oorhandig is.

Mugabe draai teen sy oorlogsveterane

Die regime van Zimbabwe se president Robert Mugabe het Donderdag min respek getoon vir die sogenaamde bevryding se oorlogsveterane.

Die gevreesde anti-onluste-eenheid het genadeloos oorlogsveterane uitmekaargejaag wat in die hoofstad Harare saamgetrek het.

Hulle betoog teen beweerde aanvalle op hulle deur die Presidentsvrou, Grace Mugabe.

Dele tussen die Stadsportsentrum en die Interpolkantore lyk tans soos ‘n oorlogsone nadat die polisie traanrook en ander skarebeheermetodes aangewend het om die skare uiteen te jaag.

Die oorlogsveterane het president Robert Mugabe ook gekritiseer, en sê dat hy hulle rol in die bevryding van die land misken.

Die betoging volg terwyl die opvolgstryd om die 92-jarige Mugabe begin verskerp het.

Op ‘n stadium het die polisie, gewapen met knuppels en skilde en ‘n paar met gewere, ook beledigings met die voormalige vegters uitgeruil.

Victor Matemadanda, sekretaris van die Zimbabwe Bevrydingsoorlogsveteranevereniging wat uit die groep oorlogsveterane saam met voorsitter, Christopher Mutsvangwa geskors is, gesê hulle sal die hooggeregshof nader vir ‘n interdik teen die polisie se verbod op hulle vergaderings.

“Dit is ongelooflik. Ek dink dit is ‘n historiese dag in die geskiedenis van Zimbabwe, om te wys dat daar verdrukking is met wat hulle nou aan ons doen. Ons blyk onder (voormalige Rhodesiese premier Ian) Smith of onder ‘n Amerikaanse regering te wees, ons weet nie wat nou gebeur nie.”

Hulle het gesê dit is kommerwekkend dat president Mugabe se vrou haar aanvalle op oorlogsveterane voortsit tydens haar warrelwindsaamtrekke regoor die land.

Hulle sê hulle is nie gewapen nie, terwyl die onluspolisie met wapens op hulle toesak.

Vrese dat hulle wel wapens het, en dat dit in ‘n burgeroorlog kan ontaard is gegrond meen ontleders aangesien Zanu-PF wapens uitgedeel het aan die veterane in aanloop tot 2008-verkiesing.

Bus by Wits aan die brand gesteek

Die universiteit van die Witwatersrand het die polisie gevra om ‘n voorval van brandstiging op ‘n bus te ondersoek wat aan die instelling behoort.

Die bus is buite studenteverblyf-eenhede in Parktown aan die brand gesteek. Die skade is nog nie vasgestel nie, sê ‘n woordvoerder van Wits, Shirona Patel.

Patel sê indien vasgestel word dat studente by die voorval betrokke is, sal hulle onmiddellik geskors word.

Dit volg na soortgelyke onrus by die Universiteit van Kaapstad waar studente ook ‘n bus en veiligheidsvoertuig aan die brand gesteek en verskeie waardevolle skilderye verbrand het. Ses UK-studente is intussen geskors.

Die polisie kon nie meer besonderhede oor die voorval by Wits gee nie.

Obama takel Trump

Met die gewilde miljardêr, Donald Trump, steeds die voorloper onder die Republikeine, het pres. Barack Obama nou ook tot die stryd toegetree en in ‘n onderhoud gesê Trump sal nie president word nie, omdat hy vertroue in die oordeel van Amerikaners het.

“Om die president te word, is ernstige werk, en nie dieselfde as om die gasheer van ‘n geselsprogram of werklikheidsprogram op televisie, ‘n vermaaklikheidskunstenaar, ‘n promotor of ‘n bemarker te wees nie,” het Obama gesê.

Trump het egter dadelik teruggekap en gesê Obama moes bly wees hy wat Trump is, het nie as kandidaat in die vorige verkiesing gestaan nie.

Obama het in dié verkiesing geseëvier oor die Republikeinse kandidaat, Mitt Romney. “As ek die kandidaat was, sou Obama nie ‘n twee termyn president gewees het nie,” het Trump gesê.

Trump geniet volgens meningspeilings 38 persent van Republikeine se steun en is 16 punte voor sy naaste teenstaander, Ted Cruz.

Aan die Demokrate se kant, geniet Hillary Clinton 56 persent van die steun teenoor Bernie Sanders wat 38 persent van die steun geniet. Clinton se grootste steun kom van veral vrouens en swart kiesers.

Suid-Carolina, waar die volgende rondte voorverkiesings gehou sal word, word as belangrik geag vir kandidate omdat dit die deelstaat is waar die eerste voorverkiesing in die suide van die land plaasvind.

Die deelstaat is ‘n Republikeinse vesting, met 65 persent van die inwoners wat hulle as wedergebore Christene bestempel.

Ondertussen duur die debat oor die opvolger van die ontslape regter van die hooggeregshof, Antonin Scalia, voort.

Obama het reeds aangedui dat hy Scalia se opvolger sal aanwys, maar Republikeine sê hulle sal sy nominasie in die senaat blokkeer. Hulle meen dit behoort die prerogatief van die volgende president, wat in Januarie 2017 aan bewind kom, te wees om die posisie te vul.

Obama hou egter voet by stuk en sê hy sal iemand met wat erns het met “die demokrasie en die regstaat”, waarskynlik ‘n Demokraat, benoem.

Sommige Republikeinse senatore het egter aangedui hulle sal wag om te sien wie die genomineerde is, voor hulle besluit om die kandidatuur te steun al dan nie.

Mosambiekers vlug na Malawi

Talle Mosambiekse burgers het reeds na die naburige Malawi gevlug weens toenemende spanning en geweld in die land.

Meer as 6000 Mosambiekers word in ‘n kamp by Kapsie, sowat 100 kilometer suid van Lilongwe in Malawi gehuisves.

Dié toeloop het kommer laat onstaan oor ‘n dreigende humanitêre krisis weens oorbevolking in die kamp.

Mosambiekers sê hulle vlug na die noordelike buurland weens toenemende gevegte tussen regeringsmagte en gewapende magte van die opposisiegroep Renamo.

Regeringsmagte word daarvan beskuldig dat hulle fokus op dorpe lojaal teenoor die opposisie.

Renamo betwis die uitslag van die 2014-verkiesing wat hulle beweer onregmatig was.

Die humanitêre organisasie Dokters Sonder Grense (MSF) het ‘n permanente teenwoordigheid in die streek, met die verskaffing van gesondheidsdienste aldaar.

MSF se veldkoördineerder Whitney Ward sê voortvlugtendes word met harde lewensomstandighede gekonfronteer binne die kampe, en sy sê sy het nog nooit so ‘n vlak van oorbevolking gesien nie.

NWU stem in om sukkelende munisipaliteite te help

Die wanprestasie van munisipaliteite in Noordwes was een van die hoofpunte op die agenda by vandeesweek se Lekgotla wat deur lede van die provinsiale Uitvoerende Raad bygewoon is.

Volgens plaaslike regeringswoordvoerder, Brian Setswambung, het die Noordwes-Universiteit ingestem om sy kundigheid in te span om die provinsiale regering by te staan met betrekking tot sukkelende munisipaliteite.

Afgevaardigdes het onder meer ‘n verslag deur die Ouditeur-Generaal (OG) ontvang oor die vordering of gebrek daaraan by munisipaliteite.

Daar is steeds verskeie munisipaliteite wat ernstige aandag verg. Die verslag was veral krities oor die gebrek aan vordering in die Tswaing- en Ventersdorp-munisipaliteite.

Die Lekgotla word beskou as ‘n voorloper tot die Provinsiale Rede, wat volgende Vrydag in Matlosana deur Premier Supra Mahumapelo gelewer sal word.

Die Tlokwe plaaslike munisipaliteit in Noordwes ontken dat hy sowat 90 miljoen rand se skuld afgeskryf het om kiesers in munisipale tussenverkiesings om te koop.

Die burgemeester se woordvoerder, Victor Boqo sê die opposisie se bewering is onverantwoordelik en misleidend.

Hy sê dit getuig van ‘n party wat polities bankrot en desperaat is.

Stemme in Wyk is glo baie gesog.

Van ‘hotnot’ na ‘vuilgat’

Die Premier van die Noord-Kaap, Sylvia Lucas, kan weer in die sop wees oor ‘n uitlating wat sy na bewering aan ‘n EFF-wetgewerlid in die provinsie gemaak het.

Lucas is verlede jaar in die Gelykheidshof skuldig bevind aan haatspraak nadat sy die woord “hotnot” tydens ‘n amptelike toespraak gebruik het. Die hof het toe gelas dat sy ‘n openbare verskoning moet aanbied.

Die EFF het Lucas nou daarvan beskuldig dat sy ‘n kru-woord gebruik het, naamlik “vuilgat” toe sy na die EFF-LPW, Mbuyiselo Matebus, verwys het tydens die vorige wetgewersitting.

Lucas sê egter dié beskuldiging is ongegrond.

Harde werk het tot ‘n daling in geweldsmisdaad in die Noord-Kaap gelei, terwyl roof met verswarende omstandighede en kriminele sake in verband met eiendomme steeds ‘n groot kopseer vir die regering is.

Premier Sylvia Lucas het vanoggend tydens haar provinsiale rede in Kimberley gesê dat gemeenskappe se hulp nou ingeroep gaan word.

Lucas sê dit het tyd geword dat inwoners help om hul eie gemeenskappe te beveilig. Sy het gesê die provinsiale regering hou aanstaande maand ‘n beraad om misdaad hok te slaan in ‘n poging om alle belanghebbendes byeen te bring om ‘n konkrete plan van aksie saam te stel.

Apple weier FBI toegang tot terroris se foon

Verlede jaar se dodelike aanvalle in Parys “sou nie gebeur het” sonder die gebruik van geïnkripteerde kommunikasie om die skuldiges in staat te stel om opsporing te vermy nie, het die Amerikaanse NSA-hoof onlangs in ‘n onderhoud verklaar.

Die National Security Agency se direkteur Michael Rogers is Woensdag aangehaal in ‘n Yahoo-verslag waarin hy gerugte bevestig het oor die gebruik van enkripsie in die November-slagting op die strate van Parys deur ondersteuners van die Islamitiese staat.

Sowat 130 mense is in die aanvalle vermoor.

Rogers het aan Yahoo gesê dat “van die kommunikasie” van die Parys-aanvallers “was geïnkripteer” wat intelligensie-amptenare se pogings belemmer het.

As gevolg hiervan, kon hulle nie “vroegtydig optree en verhoed dat Parys gebeur nie”.

Rogers, wat verlede week kommentaar oor die aanvalle gelewer het, het aangesluit by wetstoepassingsbeamptes wat waarsku oor die gevare van nuwe geïnkripteerde toestelle.

Dit maak die opsporing van terroriste moeilik, indien nie onmoontlik nie, sê hy.

Die verslag kom kort nadat Apple geweier het in ‘n Amerikaanse hof om hulp aan die FBI te verskaf.

Die saak spruit voort uit die feit dat ‘n iPhone gebruik is in die aanvalle in San Bernardino, Kalifornië, wat ‘n nuwe front in die koderingsdebat geopen het.

Rogers het gesê hy ondersteun die gebruik van enkripsie vir aanlynsekuriteit, maar het gewaarsku oor die gebruik van toestelle wat nie kan ontsyfer kan word nie.

Die Withuis se woordvoerder Josh Earnest het gesê die FBI het gevra vir toegang tot ‘n enkele toestel, nie alle toestelle nie.

Die Republikeinse voorloper Donald Trump het Apple berispe vir hul gebrek aan samewerking.

“Ek stem 100% met die howe saam… Wie dink hulle [Apple] is hulle? Hulle moet dit oopstel,” het Donald Trump Woensdag aan Fox News gesê.

Swart multimiljoenêr se seun aangekla na geweld by UK

Onder die swart studente van die Universiteit van Kaapstad wat in hegtenis geneem is weens openbare geweld en die kwaadwillige beskadiging van eiendom, is die seun van multimiljoenêr en Eskom se uitvoerende hoof, Brian Molefe.

“Dit bou karakter,” het Molefe gesê en bygevoeg dat hy sy seun ondersteun.

Molefe het Woensdag buite die Wynberg-landdroshof met die media gepraat.

Sy seun is een van die aangeklaagdes wat beskuldig word van die geweld wat gedurende betogings oor armoedige swart behuising op die kampus uitgebreek het.

Swart studente het kunswerke van wittes verbrand omdat hulle glo nie toegang het tot wit behuising nie. Hulle is ontevrede dat hulle “uitgesluit” word omdat hulle swart is.

Volgens die staatsaanklaer Rahidien Cullis, in die Wynberg-landdroshof moes die polisie Dinsdagaand ‘n groep van sowat 200 oproerige studente uitmekaarjaag.

Die swart studente het die polisie met klippe bestook, waarna die polisie van skokgranate gebruik moes maak om hulle te verwilder. Hulle het ook die belhamels in hegtenis geneem.

Die aanklagte teen die sewe studente hou verband met die beskadiging van kunswerke en twee voertuie wat aan die brand gesteek is.

Die kantoor van die vise-rektor Max Price is ook beskadig in ‘n petrolbomaanval.

Nog ‘n student het op ‘n klag van opsetlike beskadiging van eiendom verskyn nadat hy glo ‘n voertuig van die UK se ruite met klippe stukkend geslaan het.

Die saak is tot 30 Maart uitgestel vir verdere ondersoek en om die studente geleentheid te gee om vir regshulp aansoek te doen. Borg is toegestaan aan die agt.

UK se vise-kanselier voel nie sy witheid na petrolbomaanval nie

Die visekanselier van die die Universiteit van Kaapstad (UK) het Woensdag bevestig dat sy kantoor deurgeloop het onder ‘n petrolbomaanval.

Max Price het gesê hoewel dit was sy kantoor was wat aangeval is, het hy nie gevoel dat dit ‘n persoonlike aanval teen hom was nie.

“Ek gaan nie aanstoot neem nie, dit is die kantoor van die hoof van die universiteit,” het Price gesê by die mediakonferensie.

Price het ook gesê dat tot Dinsdagaand het die Universiteit van Kaapstad nie die optrede van swart studente beskou as gewelddadig en krimineel nie.

Hy sê hulle het daarom nie die behoefte gevoel om die polisie en privaatsekuriteit te ontplooi nie.

Dit blyk dat Price se seun Ilan onder die 30 UK-studente was wat buite die parlement in hegtenis is geneem vir openbare geweld en dit is bevestig deur ‘n UK-woordvoerder.