Kategorie: Nuus

Jonathan Jansen hol weg nadat geweld by UV losbars

Studente aan die Universiteit van die Vrystaat (UV) sê die rektor Jonathan Jansen het Maandagaand weggehardloop toe geweld op die kampus uitgebreek het.

Hy het versuim om die situasie aan te spreek nadat gewelddadige betogings uitgebreek op die Bloemfontein-kampus.

Klasse is vandag en môre opgeskort nadat swartes ‘n Varsitybeker rugbywedstryd Maandagaand ontwrig het. Wit en swart studente het met mekaar gebots nadat swartes op die veld gehardloop het.

Oproerige swart studente sing en dans tans op die hoofkampus van die Universiteit van die Vrystaat.

Hulle betoog ter ondersteuning van werkers wat teen uitkontraktering gekant is. ‘n Groot groep polisiebeamptes is ook buite die ingang na Kovsies ontplooi.

Geen voorvalle van geweld het nog vanoggend voorgekom nie. Gister is minstens 44 werkers en studente in hegtenis geneem

Die Nasionale Organiseerder van die Sosialistiese Jeugbeweging by die Universiteit van die Vrystaat, Ithumeleng Lecheko lê die blaam vir die betogings by dié Universiteit voor die deur van die rektor, Jonathan Jansen.

Lecheko sê Jansen het op sy belofte teruggegaan om werkers in te kontrakteer. Hy beweer ‘n ooreenkoms oor inkontraktering en salarisse is verlede jaar gesluit.

Betogers het die Varsity Cup rugbywedstryd tussen die UV Shimlas en Madibaz Maandagmiddag onderbreek deur op die veld te hardloop. Geweld het uitgebreek toe rugby-ondersteuners die belhamels wou verwyder.

Die groep betogers later met koshuisinwoners op die kampus gebots. Die polisie en die kampussekuriteit was op die toneel en rubberkoeëls en skokgranate is afgevuur.

‘n Student, wat gevra het om anoniem te bly, bevraagteken hoekom Jansen, wat by die Varsity Cup rugbywedstryd was, geweier het om die situasie aan te spreek.

UV-woordvoerder, Lacea Loader, wat op die toneel was, wou nie reageer op vrae oor hoekom Jansen nie na vore getree het nie, soos sy posisie vereis.

Loader het gesê verskeie ondersoeke na die voorval is aan die gang.

Nog ‘n student, wat nie sy naam bekend wou maak nie, het gesê die situasie het heeltemal hand uitgeruk. Hy het gevra waar is die hoof van die kampus en waarom is hy nie daar om leiding te gee nie.

Loader het ontken dat die visekanselier daar was. Op die vraag waarom Jansen nie te siene is nie, het Loader gesê hy is wel bewus van die situasie op kampus. Sy’t voorts gesê ‘n vise-rektor is ontplooi om die situasie te monitor.

Die universiteit is glo bewus daarvan dat daar betrokkenes was wat nie verbonde aan die UV is nie.

Sterkste sikloon tref Suidelike halfrond

Toeriste het Maandag begin om van die sikloon-geteisterde Fidji te vlug nadat die dodetal tot 20 gestyg het.

Amptenare waarsku dat die syfer verder kan toeneem soos verslae van verafgeleë gebiede ontvang word.

Lugfoto’s toon dat verskeie afgeleë nedersettings heeltemal in puin gelê is deur die tropiese sikloon, Winston, wat Saterdagnag met windstorms van tot 325 kilometer per uur die eilandnasie in die Stille Oseaan, getref het.

Winston, die sterkste sikloon wat nog ooit in die Suidelike Halfrond aangeteken is, het huise platgevee, die infrastruktuur lamgelê en bevreesde inwoners genood­saak om skuiling in sentrums vir veiligheid te soek.

Hope brandhout is al wat van baie huise oor is en dakplate en meubels lê die wêreld vol besaai deur winde wat so sterk was dat dit die blare en takke van bome afgeruk het.

Internasionale toeriste, wat vasgevang was in die ramp, het begin om die eiland te verlaat nadat vlugte van die Nadi-lughawe hervat is, nadat die lughawe vir twee dae gesluit was.

Geweld vlam weer op by Tuks

Geweld het vanoggend weer opgevlam by Tukkies se Hatfieldkampus.

Swart amokmakers wat onder die hutsteken “BlackMonday” agiteer het klasse probeer ontwrig en geboue gevandaliseer.

Die EFF het vanoggend klaarblyklik in Prospectstraat byeengekom om te eis dat oproeriges wat in hegtenis geneem is tydens verlede week se betoging weens openbare geweld, vrygelaat word.

Dit kon egter nie bevestig word nie.

Op Twitter het swart studente ivm die opstand by Tuks gesê swartes soek “grond”. Dit is nie duidelik hoe die opstand by die universiteit daarmee in verband gebring word nie, maar dit wil voorkom of die lys van lukraak griewe groei.

Gerugte dat ‘n wit veiligheidswag ernstig beseer is nadat hy deur swartes aangeval is, kon nog nie bevestig word nie.

Intussen sê wit studente dat hulle vir lewens vrees en nie veilig voel om klasse by te woon nie.

Brexit kry hupstoot van Londense burgemeester

Die Britse premier David Cameron, het by 10 Downing Street ‘n referendum aankondig oor Brexit.

Cameron het gesê hy sal stemme werf sodat Brittanje deel van ’n “hervormde” EU bly.

Die burgemeester van Londen, Boris Johnson, het teen Cameron uitgekom en gesê die stemmery is ‘n “geleentheid in ‘n leeftyd” vir die VK om uit die EU te tree.

Johnson het sy jare lange ambisie om die volgende premier van Brittanje te word daarmee op die referendumuitkoms geplaas en die belangrikste Tory geword om ten gunste van Brexit uit te kom.

Ander ministers het kort ná die aankondiging reeds in hul teenkanting rugbaar gemaak. Michael Gove, die minister van justisie, het hom by die Johnson se kamp aangesluit.

Meer as die helfte van Britse kiesers wil nie deel van die EU wees nie, maar uitrede sal tot ekonomiese nadeel van die eilandbewoners wees.

Theresa May, die ongewilde minister van binnelandse sake, is bo-aan die lys van ministers wat saam met Cameron in die EU wil bly.

Cameron het die referendum beskryf as een van die grootste besluite waaroor sy landgenote in ’n baie lang tyd gaan stem.

Die debat oor Brittanje se lidmaatskap het nuwe stukrag gekry nadat tienduisende vlugtelinge die afgelope paar maande deur die Europese gemeenskap gehuisves moes word.

Maar Cameron het in ’n verklaring gewaarsku dat dit ’n “sprong in die donker” sou wees as Brittanje die EU sou verlaat.

Daarom sal dit meer sin hê om eerder op hervormings binne die unie aan te dring het hy gesê.

Brittanje beskik egter nie oor genoeg invloed om Duitsland te dwing daartoe nie, wat uiteindelik sal neerkom op leë verkiesingsbeloftes.

Volgens Cameron weet die sakegemeenskap in Brittanje byvoorbeeld nie of hulle steeds gratis tot Europa se markte gaan toegang hê nie – ook nie of Britte elders in die EU seker gaan wees van hul werk nie.

Dit kan ook prysstygings tot gevolg hê.

Cameron het onlangs sy voorgestelde plan om die EU te hervorm ná ’n beraad in Brussel opgestel. Die plan sal glo aan Brittanje “spesiale status” binne die EU-blok van lande gee.

EFF dreig om UP ‘onregeerbaar’ te maak onder vaandel van Amerikaanse swartmagterroris

Terwyl klasse vandag normaalweg op die kampus van die Universiteit van Pretoria voortgaan, dreig die EFFSC, die tak van Julius Malema se party by Tuks, om die kampus “onregeerbaar te maak”. Op sy Facebookblad het die radikale swart studentegroep insgelyks die foto van die voortvlugtige Amerikaanse swartmagterroris Assata Shakur alias JoAnne Deborah Byron geplaas waarin hulle hul bewondering vir haar uitspreek.

EFFSC_terroris

“Mbokodo” verwys na die gewelddadige geheime polisie van die ANC-SAKP wat in die Quattro-strafkamp ANC-lede wat van dislojaliteit verdink is, gemartel en tereggestel het. Assatu Shakur alias JoAnne Deborah Byron het as Black Panther en swartmagterroris tydens die sewentigerjare ‘n skrikbewind in die VSA gevoer. Sy is steeds voortvlugtig en word in die VSA gesoek vir ‘n reeks gewapende rowe, asook die moord op ‘n blanke polisieman, staatstroep Werner Foerster. Shakur het politieke asiel in Kuba ontvang en woon steeds in dié land.

Soos in bogaande Facebook-inskrywing vermeld word, vergader die EFF-jeugtak by Tuks vanoggend om 7:30 in Prospectstraat by die universiteitsingang waar busvervoer blykbaar beskikbaar gaan wees om hulle na die Pretoriase Landdroshof te neem waar 27 van hul makkers teregstaan op verbreking van die huidige hofbevel wat onwettige betogings en geweldpleging op of naby die kampus verbied.

Later vanoggend beplan hulle om strydig met die hofbevel ‘n “massavergadering” op die kampus te hou en weereens lesings en toetse te ontwrig. Die EFF wil nie hê dat Afrikaans langer by Tukkies as doseertaal gebruik moet word nie en voer ‘n haatveldtog daarteen met die hutsmerk #afrikaansmustfall. Hierteenoor het Afrikaanse studente op sosiale media ‘n teenveldtog geloods met die hutsmerke #afrikaansbly en #fokeng.

‘n Tweedejaarstudente, Lauren Shultz, het ‘n brief in Engels geskryf waarin sy haar misnoeë oor die gedrag van swart en EFF-studente uitspreek, wat wyd op Facebook gedeel is en ook hier te lese is.

EFFSC_vergaderingskennisgewing20160222
Die Facebook-kennisgewing waarin swart studente van die EFF opgeroep word om in uniform (“regalia”) te vergader, eers hof toe te gaan en daarna die #AfrikaansMustFall-veldtog op die kampus voort te sit.

Dit wil voorkom asof die Amerikaanse swartmagterroris Assata Shakur oor ‘n ongekende gewildheid onder radikale swartes in Suid-Afrika beskik, want die Nasperskoerant City Press het haar insgelyks verlede jaar van ruimte in die koerant voorsien om haar antiblanke ideologie te verkondig, waarna PRAAG ‘n klag by die Persombudsman en mediaraad van Suid-Afrika aanhangig gemaak het. City Press het hierna dr. Dan Roodt toegelaat om kritiek op dié artikel in die blaaie van die koerant te lewer, iets wat nie normaalweg deur City Press geduld sou word nie. Lees dr. Dan Roodt van PRAAG se repliek op Assata Shakur hier:

Is City Press in favour of race war? Reply to Assata Shakur

PRAAG het intussen ‘n dringende vergadering met die Tuks-bestuur versoek om die voorgenome verengelsing van die kampus, asook die radikalisering wat deur die EFF en sommige Engelstalige dosente aangehits word, te bespreek. In sy skrywe aan die Universiteit van Pretoria sê dr. Dan Roodt onder andere:

Ons is bekommerd oor die radikalisering wat by die UP aan die gang is, ook onder Engelstalige dosente wat ‘n swaar dosis marxisme en antiblanke, anti-Afrikaanse ideologie aan studente opdring.

Die Afrikanergemeenskap van Pretoria, wat oor dekades heen by die befondsing en opbou van die universiteit betrokke was, beskik oor die reg om geken te word in die proses wat tans aan die gang is en waardeur Engels sonder demokratiese inspraak tot ‘n ongekende oorheersing verhef word.

Die Johannesburse dagblad Beeld het vanoggend berig dat Tukkies eintlik uit die staanspoor ‘n Engelse universiteit was terwyl die koerant byna ‘n eeu van Afrikaanse onderrig aan dié universiteit ignoreer.

Toe die UP in 1908 gestig is, was dit ’n universiteit met Engels as onderrigmedium. (Beeld 22 Feb. 2016)

Sedert gister het 7500 mense PRAAG se elektroniese petisie teen die verengelsing van Tukkies weens intimidasie en geweld van die EFF onderteken.

Trump wen Suid-Carolina

Die miljardêr-sakeman Donald Trump het die Republikeinse nominasiestryd in die suidelike Amerikaanse staat van Suid-Carolina Saterdag gewen.

Die aantal kandidate wat deelneem om as die party se kandidaat aangewys te word, het gekrimp met die voormalige goewerneur van Florida, Jeb Bush, wat aangekondig het dat hy gaan uittree.

Trump wat 32,6% van die stemme ingepalm het, se naaste teenstanders senator Marco Rubio van Florida en senator Ted Cruz van Texas moes vir die tweede plek stoei, met 22,5% en 22,1% van die stemme onderskeidelik.

Die resultate gee aan Trump momentum op pad na die volgende mylpaal in Nevada Dinsdag, asook vir Super-Dinsdag. Laasgenoemde word op 1 Maart gehou met meer as ‘n dosyn state wat ‘n kandidaat sal aanwys.

Trump het ondersteuners gesê dat hy groot oorwinnings wat voorlê te wagte is.

“Kom ons wen groot in Nevada,” het hy gesê. “Kom ons wen groot op [1 Maart]. Kom ons bêre hierdie ding weg en kom ons laat Amerika weer seëvier.”

Trump-ondersteuners het het hul woede uitgespreek teen ‘n gebrekkige politieke stelsel en die invloed van die groot veldtogskenkers in politiek.

Trump “kan nie gekoop word nie en hy sal jou vertel in jou gesig wat hy dink en hoe hy voel,” het Michael Reilly, 18, aan dpa gesê. Dit is die eerste keer dat hy stem.

Intussen het die voormalige minister van buitelandse sake Hillary Clinton, Vermont se senator Bernie Sanders in die Demokratiese koukusstryd in die westelike staat van Nevada net-net geklop.

Thuli Madonsela se dogter is EFF en anti-Afrikaanse onlusmaker by Tuks

Die openbare beskermer adv. Thuli Madonsela se dogter is een van die Boerehaatbelhamels aan Tuks wat gister teen Afrikaans betoog het en selfs onder polisierubberkoeëls deurgeloop het. Op haar Twitter het Wenzile Madonsela gister op Engels geskryf: “Geskiet deur die polisie. Die lewe van die swart kind maak nie saak nie, gister aangerand en vandag geskiet.”

Wenzile Madonsela (links) en van haar mede-EFF-lede by Tuks
Wenzile Madonsela (links) en van haar mede-EFF-lede by Tuks

Boerehaat, asook ‘n afkeer van Afrikaans, loop dik by die Universiteit van Pretoria en die EFF wil sien dat die taal geheel en al op kampus verbied word. Op Twitter gebruik swartes die hutsmerk #afrikaansmustfall. Die slagspreuk is insgelyks teen ‘n muur op die kampus geverf.

Die slagspreuk "Afrikaans must fall" is teen 'n muur op die Tuks-kampus geverf
Die slagspreuk “Afrikaans must fall” is teen ‘n muur op die Tuks-kampus geverf

‘n Aantal swart studente is gister in hegtenis geneem omdat hulle die hofbevel wat betogings op of naby die kampus verbied, oortree het. Na wat berig word, is 27 aangekeer, maar hulle is intussen op borg vrygelaat en sal Maandag in die hof verskyn. Volgens Twitter-berigte is die sake teen sekeres reeds deur die aanklaer teruggetrek en waarskynlik sal al 27 nie Maandag hoef te verskyn nie.

‘n Buiteband is voor die hoofingang in Lynnwoodweg aan die brand gesteek terwyl swartes daar rondom gedans, gesing en geskree het. Hierna het lede van die polisie en metropolisie hulle stormgeloop en het chaos uitgebreek.

Intussen bly al die kampusse van die Universiteit van Pretoria tot verdere kennisgewing gesluit.

Donderdag het ‘n konfrontasie tussen wit en swart studente plaasgevind wat deur Afriforum op ‘n video vasgevang is.

Op dieselfde dag, Donderdag, het die EFF Afrikaanse studente “met glasbottels gegooi, gevloek en bespoeg en gesê Afrikaanse mense is nie welkom in Suid-Afrika nie,” volgens Henrico Barnard.

Intussen woed die revolusie op ander kampusse ook voort. By Wits is 20 swart studente insgelyks op strafbare klagte in hegtenis geneem, waaronder die brand van ‘n bus.

Swartes pleeg onluste op Nylstroom oor water

Met Suid-Afrika wat toenemend in revolusionêre anargie verval, op kampusse en elders, het onluste gister op Nylstroom uitgebreek weens ‘n gebrek aan water. Swart oproeriges en klipgooiers het munisipale geboue op die dorp aangeval en probeer afbrand. ‘n Groep Afrikanerboere en -dorpenaars het saamgestaan om die ergste vernietiging te keer. Ouers is per sms aangesê om hul kinders by Hoërskool Nylstroom te kom haal aangesien daar vir hul veiligheid gevrees is.

nylstroom_skoolboodskap

Mnr. Barend Pienaar, ‘n boer uit die omgewing, het aan die spontane handhawing van wet en orde deur blankes deelgeneem en was ‘n ooggetuie by die gebeure. Op sy Facebook skryf hy die volgende:

Hulle maak die paaie toe. Ons wag dat hulle onttrek en ons maak dit oop. Hulle draai om en gooi ons met klippe en maak weer paaie toe. Dit het die hele dag aangegaan tot net na 2 nm.

Ons het paaie oopgemaak, skole ontruim, die stadsaal se buitewyke bewaak sodat hulle nie die oumense en kinders in die bo dorp kan skade aandoen nie. Winkels is ontruim. Vrouens was vasgekeer wat ons gaan uithaal het.

Ons is gevloek, geskel, gegooi en doodsdreigemente is aan my persoonlik beteken….

Ons sal nie langer staan vir hierdie twak nie. Ons verstaan daar is nie water nie. Dit is nie ons of die dorp se skuld nie. Dit is die ANC-regime se skuld. Die DA en die EFFIES het lekker saam gebreek en gebrand en opgevlok.

Die burgermeester (swart en pateties) wou hulle nie te woord staan nie. Inteendeel was die stadsaal gesluit. Sy was ook nie daar nie. Die wit ANC-raadslede het die aftog geblaas.

DIE SAPD WAS NIE BY MAGTE OM HIERDIE OPROER TE KEER NIE.

Vandag het ek weer gesien hoe ons Boere bymekaar staan.

Ons linies was dun. Uiters dun.

Op party plekke het slegs twee boere met een voertuig hordes gekeer.

Sektor 3 Nylstroom GPF, julle kook.

Daar was geen lewensverlies nie.

Ek dra hierdie dag aan my Vader op. Hy het die oorwinning gegee.

Hier is enkele van die foto’s van Nylstroom wat deur Barend Pienaar op sy Facebook gepubliseer is:

onlusmakers_nylstroom20160219

Blykbaar was daar 10 000 onlusmakers op die dorp wat begin het om munisipale geboue af te brand. ‘n Handjie vol boere het egter die ergste skade afgeweer.

Boere op Nylstroom tydens die onluste. Foto: Barend Pienaar
Boere op Nylstroom tydens die onluste. Foto: Barend Pienaar

By bogaande foto skryf mnr. Barend Pienaar op Facebook:

Hier staan ‘n klompie van ons agter die stadsaal. Minder as 100 meter skei ons van omtrent 10 000 geweldenaars. Op ‘n stadium stuur hulle toe ‘n gesant wat ons kom vra of ons net ‘n bietjie verder terug wil staan. Na bewering intimideer ons hulle. Daarop antwoord ons toe dat ons net so ‘n vrye reg as hulle het om daar te mag staan…

Ons dorp lyk beter vanoggend. “Operation Hydrate” het met 5 trokvragte vol water opgedaag wat besig is om uitgedeel te word.

Daar het ook intussen regeringsingryping gekom en ‘n hoëvlakregeringsafvaardiging gaan Sondagmiddag 5 nm vergader in die stadsaal… as dit nie slaag nie gaan die dorp Maandag met meer venyn brand.

Só lyk een van die geboue wat onder oproeriges deurgeloop het:

gebrande_gebou_nylstroom20160219
Dis nie duidelik watse gebou dié is nie, hetsy ‘n klaskamer, hetsy deel van die munisipaliteit, maar hy is verbrand. Foto: Barend Pienaar, Facebook

Gaan EFF Afrikaans by Tuks afgeskaf kry?

In weerwil van die interdik wat die Universiteit van Pretoria teen die EFF-jeugbeweging op die kampus verkry het, lyk dit asof die universiteit reeds die weg berei op ‘n oorgawe oor die taalkwessie. In ‘n verklaring wat gister op die universiteit se webblad – slegs in Engels – verskyn het, word daar gepraat van ‘n verandering aan die taalbeleid van Tuks om dit ‘n Engelstalige instelling te maak.

Die verklaring lui soos volg:

As deel van sy voortdurende raadpleging oor die Universiteit van Pretoria se taalbeleid, het die universiteitsbestuur ‘n reeks vergaderings met studenteliggame op 18 en 19 Februarie gereël om terugvoer oor die Taalbeleidstaakspanverslag te verskaf, asook die voorgestelde wysigings aan die taalbeleid wat die verslag bevat. Ongelukkig kon die vergaderings wat vir 18 Februarie gereël is, nie voortgaan nie. Die vergadering wat vir 19 Februarie bestem is, word uitgestel.

Afrikaans word aan Sepedi gelykgestel

Onder die nuwe taalbeleidsvoorstelle wat voorgestel word, is dat Afrikaans aan Sepedi gelykgestel word en dat Engels tot die “hooftaal in alle lesings” bevorder word. Volgens die universiteit se verklaring het die Taalbeleidstaakspan die volgende “wysigings” aan die huidige taalbeleid voorgestel:

  • Dat Engels die hooftaal in alle lesings moet wees.
  • Dat die universiteit veeltaligheid behoort te bevorder as ‘n middel tot studentevordering en die bou van maatskaplike samehorigheid.
  • Dat Afrikaans en Sepedi gebruik word om bykomende ondersteuning aan studente in tutoriale, praktiese klasse en gesprekke te bied.
  • Oorgangsmaatreëls sal toegepas word, vir geval die voorgestelde wysigings aanvaar word.

Vanweë onluste op die kampus, wat hoofsaaklik deur die EFF-jeugbeweging veroorsaak is, sal raadpleging nie meer plaasvind nie en word studente en personeel toegelaat om “per epos” kommentaar op die voorgestelde wysigings – wat op klakkelose verengelsing neerkom – te lewer.

‘Veranderende studente-demografie’

Op vrae van PRAAG aan die skakelbeampte van Tuks, Anna-Retha Bouwer, het sy soos volg gereageer:

Die Hersiening van die taalbeleid is reeds in Februarie 2015 van stapel gestuur in die lig van veranderende studente-demografie en om die Universiteit in staat te stel om studente se akademiese sukses te koester.

Die verslag van die aangewese taakspan is op 27 Januarie 2016 by die Senaatsitting bespreek. Daar word nou verder gekonsulteer met studente en fakulteite.

Na die konsultasieproses, sal die Raad die voorstelle vir die toekomstige taalbeleid oorweeg. Implementasie van enige veranderinge sal in ooreenstemming wees met die relevante wetgewing aangesien die taalbeleid ‘n statutêre kwessie is wat voor die Minister van Hoër Opvoeding en Opleiding moet dien.

 

Tuks-onrus: UP verkry interdik teen EFF, Afriforumjeug en ander studenteverenigings

Te midde van voortslepende konflik en intimidasie op die kampus van die Universiteit van Pretoria waarin ten minste een student gister beseer is, het die universiteit hom gister tot hof gewend om ‘n dringende aansoek teen verskeie studenteverenigings te verkry. Dit lyk asof die universiteit sowel die EFF as Afriforumjeug oor dieselfde kam skeer.

Die senior mediaskakelpraktisyn van die universiteit, Anna-Retha Bouwer het per epos aan PRAAG gesê: “Die interdik is verkry teen die EFFSC, AfriForum, AfriForum Jeug, en met ander betogers wat nie tot een van die groepe verbind is nie as vierde respondent.”

Verbod op vuurwapens, messe en skerp voorwerpe

Punt 8 van die dringende hofbevel wat deur Tuks verkry is, bepaal dat “die respondente en waar van toepasssing hul ondersteuners verbied word om vuurwapens, messe, skerp voorwerpe, stokke of gevaarlike wapens te dra soos dit deur die Wet op gevaarlike wapens nr. 15 van 2013 omskryf word, by of naby die ingang van die Universiteit van Pretoria se perseel of op die kampus van die Universiteit van Pretoria.”

Die studenteverenigings word verder deur die hofbevel daarvan weerhou om enige onwettige betogings te hou, klasse te ontwrig of hulle aan haatspraak of aanhitsing tot geweld op die kampus skuldig te maak.

Intussen bly die universiteit vir die dag gesluit, met sommige studente en dosente wat in die geheim in restaurante en kafees in Pretoria vergader om hul werksaamhede en gesprekke rondom take en projekte voort te sit.

“Die besluit om die Hatfield- en Groenkloofkampusse vandag te sluit, is geneem om die veiligheid van personeel en studente te verseker nadat dreigemente van die ontwrigting van akademiese aktiwiteite ontvang is,” sê Anna-Retha Bouwer.

“Dit is ‘n anti-Afrikaanse ding,” meen ‘n student waarmee PRAAG gesels het. “Die EFF wil hê dat Afrikaans afgeskaf word, daarom dreig hulle die universiteit.”

Eksemplare van die hofbevel is by al die hoofkampus se ingange opgeplak.

Hier is ‘n PDF van die volledige hofbevel in Engels:

201602182331.zp80091.pdf