Kategorie: Nuus

Swart TV-persoonlikheid se seun voor vir haar moord

Moordbeskuldigde, Mark Warona Zinde, sal na verwagting vandag in die Brits-streekhof in verband met die moord op sy ma, TV-persoonlikheid Hope Zinde verskyn.

Zinde is in hegtenis geneem in verband met die moord op sy ma in Pecanwood, Hartebeespoort.

‘n Groot hoeveelheid dwelms en ‘n 10kg gewig vol bloed is in hul huis gevind op die gholflandgoed.

Die voormalige SABC-raadslid Zinde se lyk agterin haar motor in die motorhuis opgespoor.

Zinde (50) het vroeër jare bekendheid verwerf as SABC-nuusleser. Sy het later ook ‘n bestuurspos by Prasa beklee.

Zinde se lyk het waarskynlik dae lank agterin haar Range Rover gelê.

‘n Vriend van die gesin het uiteindelik gaan ondersoek instel, en die jong swarte opgemerk wat glo deur die gordyne geloer het.

Hy het eers geweier om die die deur oop te maak, maar moes later die polisie inlaat wat die bloedspoor na die garage opgemerk het en die toe die lyk ontdek het.

EFF-skaapsteler in Vrystaat gevang

‘n EFF-kandidaat vir die Bloemfonteinse stadsraad is gevang dat hy skape steel. Jacobus Nchefu, wat blykbaar ook as “pastoor” bekend is, asook vier medepligtiges, is deur die polisie aangekeer weens die besit van velle en koppe van gesteelde skape, volgens ‘n polisiewoordvoerder, Wendy Nkabi.

Daar word vermoed dat die verdagtes die gesteelde skape in sy kerk in die Bohlokong-lokasie aangehou het. Dié lokasie is in Petrusburg geleë.

Nkabi sê: “Die polisiebeamptes het die voertuig voorgekeer en deursoek. Tydens die ondersoek het hulle vier skaapvelle in die bak van die verdagte se voertuig gevind. Daar word beweer dat die vier skape geslag is en in ‘n kerk in die Bohlokong-lokasie gehou is.”

Volgens haar is nog 34 skape in ‘n oop veld in Bohlokong gevind.

Die vyf swart mans het reeds in die hof verskyn, maar die saak is tot 17 Junie vir ‘n borgtogaansoek uitgestel.

Officers also found 34 sheep at an open field in Bohlokong, she said.

The five have since appeared in court, where their case was postponed to June 17 for a formal bail application.

Die provinsiale voorsitter van die EFF in die Vrystaat, Kgotso Morapela, sê hulle sal wag om te hoor wat die hof besluit alvorens hulle stappe teen Nchefu neem.

“Ons gaan nie huiwer om sterk op te tree teen enige individu wat hom aan die verkeerde kant van die gereg bevind nie,” sê Morapela.

Gemeenskapsprotes lei tot geweld sê nuwe verslag

Die Suid-Afrikaanse navorsingsleerstoel vir Maatskaplike Verandering by die Universiteit van Johannesburg het ‘n verslag bekendgestel oor betogings in Suid-Afrika.

Die verslag is saamgestel mbv voorvalle wat deur die polisie aangeteken is. Dit sluit betogings in wat vreedsaam sowel as met geweld verloop het.

Dit blyk uit die verslag dat die aantal protesoptogte wat per dag plaasvind, heeltemal oorskat word.

Die voorvalle is oor ‘n tydperk van 16 jaar deur die polisie aangeteken vanaf 1997 tot 2013.

Een van die skrywers van die verslag, Professor Peter Alexander sê daar is sowat 71 000 voorvalle van betogings in die databasis aangebring.

Hy sê dit kom neer op minstens elf betogings per dag, terwyl sommige bronne dit as 30 aangee.

Volgens Alexander is dit meer as wat deur mediaberigte weergegee word, maar minder as syfers wat in die parlement bekendgemaak is.

Luidens die verslag was 2012 die ergste jaar met 5500 betogings en 2003 die beste met 2300. Per kop het die Vrystaat die meeste betogings gehad.

Xenofobie het min emosies gaande gemaak en byna niemand wou die strate invaar om daarteen protes aan te teken nie.

Gemeenskapsbetogings is gewild, maar vakbonde se georganiseerde byeenkomste verteenwoordige byna die helfte van alle griewe wat na optogte lei, met 46%.

Interessant is dat optogte deur georganiseerde arbeid in meer as die helfte van gevalle nie lei tot geweld nie, maar dat gemeenskapsbetogings wel grootliks tot oproer neig.

Alhoewel diensleweringsprotes minder as 20% van alle optogte behels, lei dit in byna 50% van die aangetekende gevalle tot geweld.

China waarsku Obama oor Taiwan en Tibet

China het die VSA gewaar­sku om by beloftes te bly om nie separatistiese aktiwiteite te steun nie, het Reuters berig.

Dit kom op die vooraand van Taiwan se nuwe president se besoek aan Amerika en ‘n moontlike ontmoeting tussen die Dalai Lama en pres. Barack Obama.

Die selfregerende demokratiese eiland, Taiwan, en die afgeleë bergagtige streek van Tibet is twee van China se mees sensitiewe politieke en diplomatieke kwessies.

‘n Woordvoerder van China se ministerie van buitelandse sake, Lu Kang, sê albei kwessies raak die een China-beleid.

Taiwan se president, Tsai Ing-wen, sal deur Miami reis onderweg na Panama, een van die eiland se min diplomatieke bondgenote, vir ‘n seremonie om die Panamakanaal te vergroot.

Oor die Dalai Lama, wat Beijing as ‘n gevaarlike afstigter beskou, sê China Amerika moet Tibet as ‘n onafskeidbare deel van China erken.

Hongersnood dreig om die Tsjadmeer

Die Dalori-kamp naby Maiduguri in die noordooste van Nigerië is opgerig vir mense wat deur Boko Haram haweloos gelaat is.

Die prys van ‘n koppie rys het al byna verdubbel en etniese geweld dreig in Nigerië waar inwoners kla dat hulle deur Fulani-groepe met AK-47’s bedreig word wat hele statte afbrand en mense verjaag.

Minstens tien mense sterf elke dag van hongersnood in die kamp.

Intussen word die staat daarvan beskuldig dat hulle noodvoorrade steel om op die ope mark te gaan verkoop terwyl die kamp se mense van honger omkom.

Nigerië se ekonomie het ‘n knou gekry met die dalende ru-oliepryse.

Dit beklemtoon die groeiende voedselkrisis in die noordooste van Nigerië en die Tsjadmeer-gebied.

Die Verenigde Nasies het reeds in Mei aangedui dat 9,2 miljoen mense wat om die meer woon en die grens tussen Nigerië, Tsjad , Kameroen en Niger vorm, ‘n groot behoefte aan kos ondervind.

Omgewinggroepe wil Russiese kernplan vir SA keer

Die ­Sui­­­­­d­er-Afrikaanse Geloofsgemeenskappe Omgewingsinstituut (Safcei), en die omgewingsgroep Earthlife Africa wil ‘n hofaansoek bring om te vra dat die samewerkingsooreenkoms oor kernkrag wat Suid-Afrika en Rusland in 2014 gesluit het, ongedaan gemaak word.

Die regering het verlede week op die twee omgewingsgroepe se 700 bladsye ge­reageer wat in Oktober verlede jaar ingedien is om die beplande aankoop van kernkraginfrastruktuur te keer.

Die groepe eis dat die ooreenkoms eers deur die parlement ondersoek moet word om die ekonomiese en finansiële implikasies bloot te lê.

Die twee groepe het in ‘n verklaring bevestig dat die regering gereageer het.

Die regering se wetlike reaksie sluit 700 bladsye van verklarings en aanhangsels in, en die omgewingsgroepe se regspan werk daardeur.

Die departement van energie het nie navrae oor die ­omgewingsgroepe se regsoptrede beantwoord nie.

Honde-eienaars gewaarsku oor vergiftiging

Die polisie in die Vrystaat en die Dierebeskermingsvereniging (DBV) doen ‘n beroep op honde-eienaars om voorvalle aan te meld waarin honde deur booswigte vergiftig word om makliker toegang tot eiendomme te verkry.

Dit kom nadat voorvalle van vergiftiging sedert die begin van die jaar in Welkom, Virginia en omliggende gebiede toenemend voorgekom het. Polisiewoordvoerder, Stephen Thakeng, sê nog niemand is in hegtenis geneem in verband met die mees onlangse voorval waarin vier honde op ‘n erf in Bedelia in Welkom vergiftig is nie.

Daar is in die motorhuis ingebreek en ‘n motorfiets is gebuit terwyl die eienaars geslaap het. Hulle het eers die volgende dag op hul dooie honde afgekom. Hy sê sodra eienaars vermoed hul honde is vergiftig, moet dit aangemeld word sodat dié woongebiede onder meer intensief gepatrolleer kan word. Die voorsitter van die DBV se Virginia-tak, Thea Smit, sê sedert Januarie is sowat 50 voorvalle in dié gebied aangemeld.

Smit beaam Thakeng se versoek dat voorvalle van vergiftiging aangemeld moet word. “Laat weet ook jou bure, want in baie gevalle word jou honde vergiftig, omdat hulle ook ‘n lawaai gaan maak as daar by jou bure ingebreek word.” Sy sê daar moet rekord gehou word van die voorvalle sodat statistieke beskikbaar is. Honde is nie slegs daar om eiendom te beskerm nie, hul veiligheid moet ook in ag geneem word.

Sy beveel aan dat honde veral snags, indien moontlik, in die huis slaap of in ‘n buitekamer wat nie aan die straat grens nie. Dit kan voorkom dat honde vergiftig word. Sy glo honde is meer werd as hulle in die huis is, want hulle kan hul eienaars waarsku as daar indringers is.

Thakeng sê mense moet juis na só ‘n voorval hul veiligheid ook opskerp. Plaaslike buurtwagte en veiligheidsmaatskappye moet in kennis gestel word. ‘n Klag van opsetlike saakbeskadiging kan by die polisie aangemeld word wanneer honde vergiftig word.

Smit sê huiseienaars kom in sommige gevalle eers die volgende oggend op hul vergiftigde honde af. Dan is daar in buitekamers of motorhuise ingebreek. In ander gevalle is honde vergiftig sonder dat daar ingebreek is. Daar was dalk elders in die straat ‘n inbraak. Sy sê honde word hoofsaaklik snags vergiftig. Die gevreesde, dodelike Two-Step word in onder meer rou vleis versteek en vir honde gegooi om te vreet.

Vergiftigde honde moet spoedig na ‘n veearts of die DBV geneem word. Honde kan simptome soortgelyk aan ‘n epileptiese aanval toon. Dit sluit in die swaar beweging van ledemate, braking en speeksel uit die hond se mond. Geaktiveerde houtskool of ‘n lakseermiddel kan help, sê sy. Dit is egter uiters noodsaaklik om steeds mediese hulp te kry.

Intussen sê Reinette Meyer, ’n senior inspekteur van die Bloemfonteinse DBV, sover bekend was daar nie onlangs enige soortgelyke voorvalle in Bloemfontein nie. Die polisie het dit ook bevestig. Meyer sê dit is egter belangrik dat inwoners ingelig word oor hierdie tipe misdaad.

Bron: OFM

Obama wil Moslems se gevoelens spaar

Hoe President Obama reageer op geweld wat met Islam te make het, word duidelik bepaal deur ‘n spesifieke stel reëls.

In sy jongste aanval op Donald Trump na die massaslagting deur ‘n ISIS-terroris in Orlando, Florida, het die Amerikaanse president weer erg kleigetrap.

Trump het Obama se versuim om radikale Islamiste te kritiseer, ten sterkste afgekeur en gesê die president behoort te bedank.

Obama het op sy beurt die debat rondom radikale Islam “politieke afleiding” genoem.

Die president was eerder bekommerd dat Moslems se gevoelens gespaar moet bly.

Hy het gesê oproepe vir strenger beheer en ‘n verbod op Moslemimmigrasie sal Moslem-Amerikaners “verraai deur hul regering laat voel”.

Obama het aan verslaggewers gesê ná ‘n ontmoeting met die Amerikaanse Nasionale Veiligheidsraad ‘n aanval deur groepe soos “Isil” (beter bekend as ISIS) “sal nie verhoed word deur die gebruik van ‘n etiket nie” en bygevoeg dat Islam “niks te doen het met die aanval nie”.

“Oproepe om ‘n bedreiging ‘n ander naam te gee, sal nie maak dat dit nie weggaan nie. Dit is ‘n politieke afleiding.”

Net daarna het hy homself liederlik weerspreek en gesê die idee dat die administrasie verward is oor die vyand, is vals want hulle voer ‘n oorlog teen “Isil” in Sirië, Irak en Libië “wat stadig gewen word”.

Die oorlog teen ISIS word tans eerder deur sy administrasie se aartsvyand, president Assad van Sirië mbv Rusland gewen.

Berigte van Amerikaanse betrokkenheid om ISIS se hand te sterk dmv hul NAVO-bondgenoot Turkye het vroeër die nuus gehaal, terwyl Obama herhaaldelik oproepe gedoen het dat “Assad moet gaan”.

Obama het Islam weer verdedig soos hy nog nooit enige ander godsdiens verdedig het nie. Soos gewoonlik het hy die swartsmeerdery, aanvalle, moorde en massamoorde op Christene geïgnoreer.

Die swart president het ook voorheen geen woord van simpatie gehad vir Colleen Hufford wat die slagoffer van ‘n wrede jihadistiese aanval was nadat ‘n toegewyde swart Moslem haar kop afgesny het nie.

In die linkse media is Hufford voorgehou as iemand wat dalk “rassisties” kon gewees het, maar sonder enige getuienis van sulke optrede. Haar beweerde “rassisme” is gebruik om die Moslem se moord te regverdig.

Obama blameer gereeld alle wit mense vir slegte dinge wat gebeur het, tans gebeur, en kan gebeur met swart mense.

Hy het trouens sy aanval op Trump afgesluit deur te sê mense wat Moslems “terroriste” noem, bevorder eintlik terreur.

Obama het in sy reaksie gesê Omar Mateen se massamoord in Orlando was ook ‘n “haatmisdaad” en “uit eie bodem, uitgevoer deur ’n moordenaar wat wapens wettig gekoop het”.

Die ander bestanddele van die Obama-resep is om alle rykes te demoniseer tensy die rykes Demokratiese Party ondersteuners is.

Trump het Obama se reaksie op die Orlando-skietery as te bangbroekig beskryf en Hillary Clinton betig omdat sy haar nie sterker teen terreur kan uitspreek nie, en bygevoeg dat sy nie aan die presidentsverkiesing behoort deel te neem nie.

“Pres. Obama het skandelik geweier om selfs die woorde ‘radikale Islam’ te gebruik.

“Om daardie rede alleen behoort hy sy amp neer te lê. As Hillary Clinton ná hierdie aanval nie die twee woorde ‘radikale Islam’ kan sê nie, moet sy uit die presidentsverkiesing tree,” het Trump in ’n verklaring gesê.

Trump het kort ná die skietery getwiet hy wil nie “gelukgewens word” omdat hy reg was oor radikale Islamitiese terreur nie; hy wil “taaiheid en waaksaamheid hê”.

Niemand nog in hegtenis geneem na moord op haarkapper nie

Die polisie in die Vrystaat het nog niemand in hegtenis geneem in verband met die moord op ‘n haarkapper van Riebeeckstad in Welkom nie.

Die liggaam van die 53-jarige André Gebhardt is ontdek op die vloer in sy huis.

Hy het sy eie haarsalon vanuit sy woning bedryf. ‘n Polisiewoordvoerder, Stephen Thakeng, sê alle leidrade word opgevolg nadat Gebhardt se pa sy liggaam Maandagoggend ontdek het teen omstreeks 07:30.

Gebhardt se pa het hom na die huis van sy seun gehaas nadat hy hom nie kon bereik via selfoon nie.

Thakeng sê die ouer moes ‘n leer van ‘n buurman leen om oor te klim oor die geslote hek na sy eiendom. Volgens Thakeng was die voordeur en veiligheidshek oop.

Daar was ‘n tou om sy nek en sy hande was vasgebind met skoenveters aan die voorkant van sy liggaam.

Die huisraad was omgekeer. Thakeng sê die kluis is oopgebreek en ‘n onbekende bedrag geld en die oorledene se selfoon word vermis.

Merkel bring haar negende besoek aan China

Die Duitse kanselier Angela Merkel het vandeesweek haar negende besoek aan China gebring, saam met ‘n groot afvaardiging van senior amptenare en entrepreneurs.

As onderskeidelik die tweede en vierde grootste ekonomieë ter wêreld, is China en Duitsland die groei-enjins vir Asië en Europa.

Duitsland bly steeds die ekonomiese hoop vir Europa. Danksy sy vaste industriële basis en tegnologiese spierkrag, is groei stabiel. As die grootste opkomende ekonomie, het China dus baie om te leer van Europa se reus.

Alhoewel hulle is geleë op twee uiterstes van Eurasië, het die twee lande ‘n noue en ‘n hoë-vlak strategiese en ekonomiese vennootskap wat hulle met mekaar handhaaf.

Duitsland is die land wat die meeste deur China se ekonomiese groeipotensiaal bevoordeel word. Die uitvoer van Duitsland na China het verdubbel in die afgelope dekade, en die bilaterale handelsvolume tussen die twee het verlede jaar meer as €160 miljard bereik.

Duitsland is ook die Europese land wat die meeste belê en die meeste tegnologie aan China oordra. Hoewel die groot verskille in nasionale toestande en ekonomiese grondbeginsels bly, is dit steeds ‘n voordelige verhouding.

Die twee lande het tydens die besoek ‘n konsensus bereik oor sake van strategiese belang en het ingestem om samewerking in finansies, motorproduksie, inligtingstegnologie en vliegtuie te versterk, ten einde die implementering van hul onderskeie industriële ontwikkelingsprogramme beter te koördineer, naamlik China Vervaardiging 2025 en Duitsland se Industrialisasieplan 4.0.

Duitsland moet sekere verpligtinge nakom, soos bepaal deur artikel 15 van die protokol oor die toetrede van China tot die Wêreld Handelsorganisasie, maar het tog kommer uitgespreek oor marktoegang en verbintenis tot regsbeginsels in Asië se sterkste moondheid.

Duitsland het sy steun toegesê aan China se aanbieding van die G20-beraad vanjaar in Hangzhou, terwyl die twee daadwerklike stappe sal neem om die G20-lande aan te moedig om groei te stimuleer, koördinasie in makro-ekonomiese beleid te versterk, stabiliteit van die globale mark in stand te hou, asook om die 2030-agenda vir volhoubare ontwikkeling en handel en belegging te fasiliteer.

China steun ook Duitsland se aanbieding van die G20-vergadering aanstaande jaar.

Een van die vernaamste redes vir China se volgehoue belangstelling, is Duitsland se ontwikkelde kommersiële bankstelsel en toekomsgerigte finansiële sektor.

Die klem op die strategiese status van die vervaardigingsbedryf, verhoging van insette in tegnologiese innovasie en bestendigheid, is volgens die Chinese besonder navolgingswaardig. Maar hoë arbeidskoste en die vermindering van winsverhouding in ondernemings bly ‘n kopseer wat deur Merkel se onbesonne immigrasiebeleid tot maatskaplike probleme kan lei.

Duitsland is meer koöperatief en toekomsgerig as die Verenigde State en Japan – ‘n mededinger – teenoor China, alhoewel die VSA een van die drie belangrike ankers vir die wêreld se ekonomie bly.

China beskik voorts oor die vermoë om sy strategiese ekonomiese vennootskap met Duitsland te konsolideer omdat hulle dieselfde landmassa deel, anders as wat die geval met Noord-Amerika is.

Die eerste vragtrein uit die Oos-Chinese stad Zhengzou het in 2013 in Hamburg, Duitsland aangekom.

Die trein het meer as 10 000 kilometer in net 15 dae afgelê, minder as helfte van die normale reistyd per see.

Swaar vrag wat nie vervoer kan word per vliegtuig nie, soos motoronderdele en elektroniese goedere, baat in die besonder daarby.