Dooieboommedia ignoreer grumoorde, maar preek oor ras

Soos met talle swart gru-moorde, toon die dooieboommedia weer ‘n duidelike gebrek aan belangstelling in die jongste voorval in die Noord-Kaap.

Maar in weerwil daarvan, sien Media24 steeds kans om onsinnige sedeprekies oor ras en rassisme te plaas, soos die jongste prul deur Eric Holm getiteld: “Mettertyd leer jy ras dui nie op gedrag nie”.

‘n Swartman (39) van Kimberley verskyn na verwagting Dinsdag in die Galeshewe-landdroshof nadat die polisie die naweek op ‘n gru-fonds by ‘n begraafplaas afgekom het.

Noord-Kaapse polisiewoordvoerder, Olebogeng Tawana sê die opgekapte lyk van die verdagte se vrou is in ‘n oop veld in Galeshewe ontdek.

Die vrou is op 17 April deur die verdagte as vermis aangegee by die Kagiso-polisiestasie.

Tawana sê die man is kort nadat die lyk verwyder is in hegtenis geneem.

Tawana sê die naam van oorledene sal eers bekend gemaak word nadat die ondersoek voltooi en die familie in kennis gestel is.

In ‘n soortgelyke voorval sal ‘n drie-en-twintigjarige swarte vandag in die landdroshof in Khayelitsha in die Wes-Kaap verskyn in verband met die gru-moord op ‘n vrou wat vier maande gelede vermis geraak het.

Die swarte is Maandag in hegtenis geneem nadat die liggaam van die 21-jarige Anelisa Dulaze by ‘n huis in Makhaza gevind is.

Dulaze is laas op 30 Januarie gesien toe sy haar 21ste verjaarsdag by ‘n taverne in Lingulethu-Wes gevier het.

Die polisiewoordvoerder, Andre Traut sê die ondersoek duur voort.

Dié moorde maak geen indruk op “meningsvormers” soos Holm nie.

Holm skryf as volg:

Die illusie dat voorkoms ‘n betroubare aanduider vir gedrag is, leef vandag nog voort in rassiste, wat die wonderlikste voorspellings kan maak vir die gedrag van elke ras se lede (behalwe hul eie waar hulle geredelik toegee dat jy “alle soorte” kry). Net tyd leer ‘n mens dat ras ongelukkig nie betroubaar vir gedrag is nie. Miskien is die afkap van vingers van diewe en brandmerke op die voorkoppe van moordenaars nie so ‘n slegte idee nie.

Dit sal beslis die angel uit rassisme uithaal!

Dit is klaarblyklik net “rassiste” wat skrik vir mededelings oor opgekapte lyke. Vir die “nie-rassige” leser en die Holms is dit doodgewoon en so algemeen aanvaarbaar dat dit maar gerieflikheidshalwe geïgnoreer kan word as ‘n nare vooroordeel.

Wits in rou na sewe verongeluk

Sewe swart studente van die Universiteit van die Witwatersrand is Sondagaand dood en ses ander is beseer toe die minibustaxi waarin hulle gery het gebots met ‘n sleepwa op die N1 suid naby Mokopane in Limpopo, het mediese nooddienste gesê.

Vlae by die Universiteit van die Witwatersrand hang halfstok ter nagedagtenis aan die sewe.

Die vise-kanselier van Wits, Adam Habib sê vlae sal vir die res van week halfstok hang. Die universiteit staan ook die families van die studente by.

Hulle was deel van groep wat aan ‘n ZCC-kerkbyeenkoms in Limpopo deelgeneem het.

Die minibus waarin hulle was het op die N1 naby die Nyl tolplaza teen n trekkersleepwa gebots en aan die brand geslaan.

Die bestuurder is ook dood terwyl die ses beseerdes na nabygeleë hospitale geneem is vir verdere behandeling.

Sommige van die studente is onherkenbaar verkool nadat die minibus aan die brand geslaan het.

In nog ‘n voorval is negentien swartes is beseer toe ‘n taxi op die Brickfieldweg-afrit op die N-3 na Durban teen ‘n motor gebots, omgeslaan en gerol het.

Een van die beseerdes is in ‘n ernstige toestand in die hospitaal opgeneem. Die woordvoerder van die nooddienste, Garrith Jamieson sê dit is nie duidelik wat die oorsaak van die ongeluk was nie, maar dat die polisie die saak ondersoek.

Die minister van Vervoer, Dipuo Peters en die Padverkeerbestuurskorporasie het vroeër ‘n beroep op motoriste gedoen om padreëls te gehoorsaam nadat meer as dertig mense die langnaweek in vyf ongelukke dood is.

Facebook-woede: ‘Ons regering is ‘n klomp Kaffirs’

Sanco (South African National Civic Organisation), het aangesluit by die koor van klaers oor ‘n rassistiese Facebook-inskrywing wat na bewering deur gebruiker Matthew Theunissen geplaas is.

Theunissen is briesend oor die besluit van Fikile Mbalula, minister van Sport, dat die voorregte van sportfederasies opgeskort sal word om vir internasionale toernooie te bie as gevolg van ‘n gebrek aan verswarting.

In ‘n Facebook-boodskap het Theunissen skryf: “So nie meer sportbyeenkomste vir Suid-Afrika nie… Ek was nog nooit meer trots om te sê dat ons regering ‘n klomp Kaffers is nie… Ja ek het dit gesê, so gaan fok julleself julle klomp fokken swart dose”.

Sanco het ‘n beroep op die Suid-Afrikaanse Menseregtekommissie (SAMRK) gedoen om dié haatspraak te ondersoek ná die opmerking.

“Sulke aanstootlike rasseuitbarstings sal nie net versoening, nasiebou en maatskaplike samehorigheid ondermyn nie, maar is gruwelik, uitdagend en polariseer rasseverhoudings,” het Sanco se woordvoerder Jabu Mahlangu gesê.

Mahlangu het dit beskryf as skokkend dat daar jong professionele mense is wat rassevooroordeel en “haat” omhels.

“Hy behoort op ‘n swartlys geplaas te word deur alle individue en organisasies wat nie-rassigheid aanhang en die register behoort toeganklik te wees vir ambassades vir keuring tydens visumaansoeke,” het hy gesê.

Theunissen het glo intussen sy Facebook-profiel gesluit. Sy kommentaar het woede ontlok op Twitter.

Volgens sy CV, kom die 26-jarige van Kaapstad, en het hy ‘n meestersgraad in omgewingsbestuur van die Universiteit Stellenbosch en werk tans in waterhulpbronbestuur.

Pogings om Theunissen te kontak was onsuksesvol.

ANC-grootkop gevonnis oor korrupsie

Vonnisoplegging teen die voormalige Noord-Kaapse ANC-grootkop, John Block begin na verwagting vandag in die Noord-Kaapse Hooggeregshof.

Regter Violet Phatsoane het tydens ‘n vroeëre verskyning beslis dat ‘n aansoek deur die batebeslagleggingseenheid eers afgehandel moet word voordat vonnisoplegging kan begin.

Block en Trifecta Holdings se direkteur Christo Scholtz, is onder meer aan korrupsie skuldig bevind.

Woordvoerder van die nasionale vervolgingsgesag, Mashudu Malabi, sê dié eenheid het vroeër aansoek gedoen om die bates van Block en Scholtz verbeurd te verklaar. Volgens die staat kan die bates waarop beslag gelê kan word tussen R600-miljoen en R700-miljoen beloop.

Block is die gewese Noord-Kaapse LUR vir finansies, die provinsiale ANC voorsitter en ‘n ANC-LPW in die Noord-Kaapse wetgewer.

Hy het uit al sy posisies bedank nadat hy skuldig bevind is.

Petrol raak al hoe duurder

Motoriste sal 12c meer moet opdok vir ‘n liter vir alle grade petrol, het die departement van energie in ‘n verklaring gesê.

Van Woensdag sal die koste van ‘n liter 93 loodvrye petrol in die binneland R12.44/l en R12.06/l aan die kus wees. Vir 95 loodvry, sal motoriste onderskeidelik R12.74/l en R12.26/l betaal.

Die prys van diesel sal egter daal met 1c/liter vir 0,05% swael en 2c/l vir 0,005% swael.

Die hoofredes vir die brandstofprysaanpassings is die gemiddelde styging in die pryse van petroleumprodukte op internasionale markte (sowat 40c/l vir petrol en 20c/l vir diesel onderskeidelik), en die versterking van die rand teenoor die Amerikaanse dollar gedurende die oorsigtydperk.

Volgens die Automobiel-Assosiasie (AA) word ‘n styging in die prys van brandstof in Suid-Afrika in die kort tot medium termyn voorsien, met die moontlikheid van groter stygings as die rand onder druk kom.

Verlede maand se verhoging sluit ‘n 30c/l toename in die algemene brandstofheffing in, asook aanpassings in vervoerkoste gegrond op die Nasionale Energiereguleerder van Suid-Afrika se goedgekeurde pyplyntariefverhoging asook die padvervoertariefverhoging deur die Padvragvereniging.

Noord-Korea se missieltoets misluk

Noord-Korea het verlede week ‘n tweede poging in twee weke aangewend om ‘n kragtige middelafstand ballistiese missiel te toets.

Suid-Korea se ministerie van verdediging sê die toets het egter misluk.

Die Musudan-missiel is sover bekend van Wonsan aan die ooskus van die land afgevuur, maar het sekondes na lansering neergestort.

Die mislukte toets het plaasgevind terwyl die land voorberei vir die kongres van die regerende party, waar die leier, Kim Jong-Un, geloof sal word vir die “nuwe hoogtes” wat die land se kernwapenprogram bereik het.

Toenemende kommer heers dat Pjongjang besig is met voorbereidings van ‘n vyfde kerntoets.

Bestaande resolusies van die Verenigde Nasies verbied Noord-Korea om enige ballistiese missielverwante tegnologie te gebruik.

Parysaanval-verdagte aan Franse oorhandig

Die top verdagte in die Parys-aanvalle, Salah Abdeslam, is Woensdag aan Franse owerhede oorhandig, het Belgiese aanklaers bekendgemaak.

Abdeslam, ‘n Franse burger van Marokkaanse oorsprong, is sover bekend die laaste oorlewende lid van die terreur-groep wat in November die dood van 130 mense in die Franse hoofstad veroorsaak het.

“Binne die raamwerk van die Parys-aanvalle van 13 November 2015, is Salah Abdeslam vanoggend aan die Franse owerhede oorhandig,” het ‘n verklaring gelui.

Geen verdere inligting oor die presiese tyd en omstandighede van die uitlewering is bekendgemaak nie.

Belgiese polisie het probeer om hom te ondervra oor sy verbintenis met drie selfmoordbomaanvallers wat Brussel se lughawe en moltreinstasie op 22 Maart aangeval het en waarin 32 mense dood en honderde beseer is.

Al-Sjabaab dood vyf Somaliese weermagsoldate

Al Sjabaab insurgente het die week ‘n militêre basis van die Somaliese weermag aangeval en vyf soldate om die lewe gebring in twee ure se hewige gevegte naby die noordwestelike dorp, Baidoa, het ’n militêre woordvoerder gesê.

Die voorval het in die vroeë oggend­ure plaasgevind. Twaalf soldate is in die aanval gewond. Ses Al Sjabaab-vegters is in die aanval dood.

Abdiasis Abu Musab, Al Sjabaab se woordvoerder vir militêre operasies, het gesê die groep het ’n vragmotor met troepe onderweg na die basis in ’n lokval gelei en elf soldate doodgeskiet en beslag op sewe vuurwapens gelê.

Dit was nie moontlik om die dodetal onafhanklik te bevestig nie. In die verlede het Al Sjabaab die dodetal in hul aanvalle ver oordryf.

Die Islamitiese groep, wat hoop om Somalië se Westers-gesteunde ­regering om ver te werp, voer gereeld aanvalle op militêre teikens asook burgerlike instansies soos hotelle en restaurante, meestal in die hoofstad, Mogadisjoe uit.

Al Sjabaab, het bande met al-Kaïda en was in Januarie verantwoordelik vir ’n aanval op ’n basis vir Keniaanse soldate van die Afrika-unie se vrede­sending in Somalië.

Die militante voer aan dat hulle 100 Keniaanse soldate doodgeskiet het. Keniaanse owerhede het nog nie die amp­telike dodetal bekend gemaak nie.

Intussen het Daesh (ISIS) ‘n video uitgesaai van ‘n oefenkamp in Puntland, vernoem na Sheikh Abu Nouman, die naam van ‘n voormalige offisier van die Sjabaab wat vermoor is deur hulle nadat hy oorgeloop het na Daesh.

Sonder aanspraak op volwaardige staatskap, het Puntland – ‘n provinsie van Somalië – afgestig met ‘n onafhanklike regering.

Dit was voorheen ‘n seerowernes wat Chinese en Russiese skepe in die Straat van Bab el-Mandeb aangeval het, tot hulle die idee laat vaar het want China en Rusland het hul vragskepe van militêre begeleiding voorsien.

Die seerowers het nou uitgewyk na die Islamitiese Emiraat van Mukalla, in Jemen.

Wits steeds ‘te wit’: R45m bewillig vir swart akademici

Nadat onlusmakers onlangs aan die Universiteit van die Witwatersrand amok gemaak het en selfs lesingsale afgebrand het, poog die bestuur tans om gemoedere te kalmeer deur meer swart akademici aan te stel. ‘n Woordvoerder van die universiteit, Shirona Patel, het aangekondig dat Wits “11 swart akademici in verskeie fakulteite teen ‘n koste van R3,2 miljoen aangestel het, in ‘n poging om rassetransformasie te versnel”.

In totaal beplan die universiteit om R45m te bestee om blanke akademici deur swartes te vervang. Die Senate House-gebou op die kampus is ook na die veroordeelde terroris en moordenaar Solomon Mahlanghu vernoem.

“‘n Komitee is aangestel om toesig te hou oor dié verbintenis (om meer swart personeel aan te stel). Die komitee is daarvoor verantwoordelik om aanstellings te maak en om beurse uit te deel om swart en kleurlingpersoneel op te lei om professors te word,” het Patel gesê.

Daar word ook verwag dat die inhoud van kursusse “getransformeer” gaan word om meer afrosentries te wees, volgens mejuffrou Patel.

Verder sal daar interne bemiddelaars opgelei word om diskriminasie teen swartes te beveg. Daar sal ook ‘n “alternatiewe model” ontwikkel word om hoër onderwys te befonds.

Wit Afrikanerseuns gaan gedwing word om sokker te speel: sportminister

Die minister van sport, Fikile Mbalula, het vir nog ‘n sportskok gesorg deur die Suid-Afrikaanse sokkerfederasie opdrag te gee om sokker “vinniger op (meesal blanke) model C- en privaatskole aan te bied”. Soos voorheen hier op PRAAG berig is, het Mbalula die sportliggame vir rugby, krieket, netbal en atletiek ‘n sokkerskop in die smoel gegee deur hulle te verbied om enige internasionale toernooie in die land aan te bied totdat hulle heeltemal swart is. Die minister het na die huidige demografie vir kinders onder 18 verwys waarvan 84 uit 100 blykbaar swartes is, met die implikasie dat alle sportspanne óók 84 persent swart moet wees.

Die vervanging van blankes met swartes op alle gebiede staan in Suid-Afrika as “transformasie” bekend. Daarom het Mbalula vandeesweek in Pretoria die SA sokkerfederasie gelukgewens en gesê: “Ek is verheug dat die SASF sy transformasieteikens behaal het. Ek gaan egter ‘n ministeriële opdrag aan die SASF uitreik as gevolg van hul swak vordering om voormalige model-C- en privaat skole met sokker binne te dring.”

Hierdie skole doen meesal atletiek of krieket in die somer, met rugby en hokkie as wintersporte. Terwyl Engelse skole dikwels ook sokker speel, is daar geen sokker op Afrikaanse skole nie.

Mbalula teiken veral die Afrikaanse skole waar wit seuns gedwing gaan word om sokker te speel. Aangesien hulle nie toegelaat sal word om vanweë hul ras op provinsiale of nasionale vlak deel te neem nie, is dit onduidelik wat die doel van die oefening is, behalwe om skole onder die indruk van die ANC-SAKP se mag te bring.