Kategorie: Nuus

‘Bedrog keer dat Boko Haram verslaan word’

Wapens is nie aan Nigeriese soldate voorsien om teen Boko Haram te veg nie en duisende mense het gesterf weens wydverspreide bedrog in die proses van militêre aankope, sê president Muhammadu Buhari.

Buhari het gelas dat almal ­betrokke by die korrupsie aan die pen moet ry. Dit volg nadat die staatshoof ’n verslag van ’n komitee ontvang het wat dié bedrog moes ondersoek, het AFP berig.

“Die bevindinge wat dusver gemaak is, is uiters kommerwekkend inaggenome dat ons troepe ten tyde van die gebeure teen ­insurgente in die noordooste geveg het en desperaat militêre platforms, toerusting en ­ammunisie benodig het,” het Buhari gesê.

Geld is volgens Buhari, ’n afgetrede generaal, gekanaliseer na maatskappye wat nie hul kon­trakte kon uitvoer nie. Hy het in Mei aan bewind gekom met die belofte om Islamitiese rebelle te vernietig wat sedert 2009 reeds vir sowat 17 000 sterftes verantwoordelik was.

Nigerië het een van die grootste verdedigingsbegrotings in Afrika.

Die komitee ondersoek bedrog en korrupsie vanaf 2007 tot op hede. Volgens Buhari is talle onwettige en onderduimse transaksies reeds blootgelê.

Van US$5,3 miljard wat aan nasionale veiligheid en die weermag toegestaan was, is baie min glo gebruik vir aankope. Uit ’n totaal van 513 kontrakte het 53 misluk.

Na bewering het die land se voormalige veiligheidsadviseur, mnr. Sambo Dusaki (’n voormalige kolonel), US$2 miljard betaal vir vier Alpha vegvliegtuie, 12 helikopters en bomme en ammunisie wat nooit gelewer is nie.

Hy het glo ook US$132 miljoen en sowat tien miljoen euro laat oorplaas na bankrekeninge in Wes-­Afrika, Brittanje en die VSA sonder stawende dokumente.

Dusaki is reeds van geldwassery aangekla, maar ontken alle aan­tygings teen hom.

Die Nigeriese weermag het intussen ‘n plakkaat uitgereik waarop honderd vermeende jihadiste van Boko Haram uitgebeeld word.

Die groep se leier, Abubakar Shekau vorm die middelpunt van die plakkaat. Dit is die eerste keer dat die weermag soveel foto’s van Boko Haram-lede publiseer.

Die weermag het klaarblyklik die gesigte van propogandamateriaal verkry.

Vyf mense waaronder twee vroulike selfmoordbomaanvallers is dood na twee ontploffings in Kano in die noorde van Nigerië.

Inwoners sê die een bom het binne ‘n besige mark afgegaan en die ander een net buite. Die jongste aanval volg ‘n dag na ‘n ontploffing by ‘n groentemark in die noordoostelike stad van Yola. Boko Haram is glo vir dié aanval verantwoordelik.

Meer as 30 mense is dood in die ontploffing in Yola. Verskeie mense is ook beseer in die ontploffing by ‘n besige mark.

Dit is die derde noodlottige bomaanval in die stad die afgelope jaar. Die jongste ontploffing volg nadat die Nigeriese president, Muhammadu Buhari, die stad die naweek besoek en verklaar het dat die stryd teen die terreurgroep, Boko Haram bykans gewen is.

SA stuur nog troepe na DRK na 50 dros

Sowat 500 soldate van die Suid-Afrikaanse Nasionale Weermag vertrek eersdaags vir twaalf maande na die ontstuimige Republiek van die Kongo.

Die soldate sal na hul bestemming vlieg met VN-huurvlugte. Selepe het gesê die gebruik van VN-huurvlugte is nie as gevolg van ‘n gebrek aan kapasiteit in die SANW nie.

“Dit is ‘n verantwoordelikheid van die Verenigde Nasies om lede na eksterne bedrywighede te vervoer,” het hy gesê.

“Selfs die soladte wat terug huis toe kom sal teruggebring word deur die VN,” het hy bygevoeg.

Norman Yengeni het tydens die oorhandiging van welwillendheidspakkies by De Brug buite Bloemfontein, aan soldate wat op pad is na die DRK, gesê dissipline is belangrik.

Hy sê soldate wat by die weermag aansluit verstaan dat ontplooiing deel van hul take is en dat lewensverlies soms onvermydelik is.

Yengeni sê die veilige terugkeer van soldate gaan gepaard met dissipline, geluk en die genade van God.

In September is sowat 50 SANW-soldate van die VN-sending in die DRK voor die krygshof gedaag.

Die groep het na bewering gedros in die ooste van die DRK waar hulle gestasioneer was, het brigadier-generaal Xolani Mabanga vroeër aan ANA gesê.

Omdat die Verenigde Nasies oor hul lot besluit, moes die SANW aan VN toestemming vra om hulle te onttrek uit die ontplooiingsgebied.

Die SANW het ongeveer 900 troepe gestasioneer in die ooste van die DRK as deel van Monusco se sending.

Suid-Afrika handhaaf ‘n konstante teenwoordigheid in die mineraalryke DRK al sedert 1999.

Intussen het die Verenigde Nasies gesê minstens veertien vroue is tydens een voorval in September deur Kongolese soldate verkrag.

Die VN sê dit is die grootste voorkoms van seksuele geweld deur Kongolese soldate. ‘n Voorlopige ondersoek wat in ‘n verslag vervat is, toon die seksuele geweld het tydens ‘n weermagoperasie teen ‘n militêre groep in die ooste van die land plaasgevind.

Die gebied is berug vir hoë syfers van seksuele geweld deur beide gewapende magte en regeringsoldate. Nog inligting word ingesamel met die hoop op ‘n hofsaak.

Linkse akademici by Stellenbosch steun taalmoord op Afrikaans

‘n Aansienlike groep van “meer as 220” linkse, marxistiese en feministiese akademici aan die Universiteit van Stellenbosch het in ‘n verklaring hul steun vir die afdwing van Engels aan dié universiteit uitgespreek.

In ‘n verklaring wat slegs in Engels uitgereik is, sê die groep dat Afrikaans tot ‘n mindere posisie saam met Xhosa afgetakel moet word en dat Engels tot die hooftaal verhef moet word:

“Die keuse van Engels as die hooftaal van onderrig met ondersteuning vir Afrikaans en IsiXhosa is gegrond op die beginsels van sosiale geregtigheid en inklusiwiteit.

Die besluit sal die universiteit die geleentheid bied om ‘n waarlik Suid-Afrikaans universiteit te word wat oop en toeganklik vir al die land se studente en personeel is, asook vanuit ander dele van Afrika en elders.”

Die groep, waaronder verskeie dosente met Afrikaanse name, meen dat Afrikaans polities besmet is en dat Engels ‘n beter voertuig vir hul linkse ideologie is. Volgens hulle, sal die volslae verengelsing van Stellenbosch “die universiteit in staat stel om sy (Afrikaner-)verlede te bowe te kom”.

Die groep sal op 30 November met die Stellenbosse Universiteitsraad vergader om sy voorstelle vir die snelle en onherroeplike verengelsing van die kampus te bespreek.

Blykbaar is daar 62 professore en 60 doktore wat die verklaring ten gunste van versnelde verengelsing onderteken het. Onder hulle is prof. Magda Fourie-Malherbe, prof. Amanda Gouws (rubriekskryfster van Die Burger) en prof. Mohammad Karaan.

 

Grensbeamptes vasgetrek oor sigaret-smokkel

Sestien grensbeamptes en drie amptenare van binnelandse sake sal na verwagting binnekort in die Zeerust-landdroshof verskyn.

Hulle het na bewering smokkelaars by die Kopfontein-grenspos tussen Suid-Afrika en Botswana gehelp.

Die Valke het die amptenare aan diens Woensdag in hegtenis geneem. ‘n Woordvoerder van die Valke, Hangwani Mulaudzi het gesê die verdagtes staar 54 aanklagte van bedrog en korrupsie in die gesig.

Hy het gesê die beamptes het na bewering toegelaat dat smokkelaars vervalste sigarette in die land bring.

Die beamptes het glo motoriste by die grens deursoek en geld geëis as hulle onwettige goedere gevind het, in plaas daarvan om die wet toe te pas. Mulaudzi het gesê verdere arrestasies word verwag.

Mulaudzi het gesê nadat hulle ‘n wenk ontvang het, is die vermeende beamptes gemonitor.

Hy het gesê dit is nog nie duidelik hoeveel geld die beamptes na bewering deur hul korrupte praktyke verdien het nie.

Het Hongaarse voorbeeld in de praktijk

Ássotthalom is een klein stadje op de grens tussen Hongarije en Servië. 5000 inwoners maar wel 122 km2 groot; tweemaal San Marino.

Belangrijk is dat het stadje een grens heeft van 22 km en dat door Ássotthalom de M5 loopt, de snelweg tussen Belgrado en Boedapest. Het begon in 2012, vertelt ons de jonge burgemeester en onafhankelijk parlementslid László Toroczkai. Kosovaarse vluchtelingen werden met bussen vanuit Kosovo door de Servische maffia aangevoerd richting de Hongaarse grens.

Het merendeel arriveerde in Ássotthalom. Paspoorten en papieren werden vernietigd en de lange tocht richting het beloofde land, Duitsland, kon beginnen. Toen bleek dat Duitsland de Kosovaren niet zou erkennen, stopte de mensensmokkel uit Kosovo. Ondertussen hadden de mensensmokkelaars de weg gevonden en de Balkanroute was een feit.

Na de Kosovaren volgden de Afrikanen, de Irakezen, de Syriërs en daarna het hele Midden-Oosten. Sinds 2012 trokken in Ássotthalom meer dan 100.000 vluchtelingen voorbij. De bevolking was de overlast meer dan beu.

Er werd geplunderd en gestolen; twee vluchtelingenkampen werden in het dorp gevestigd; vluchtelingen kraakten leegstaande huizen en boerderijen; de oogst werd opgegeten door de asielzoekers of simpelweg vernietigd.

De burgemeester van Ássotthalom wijst erop dat 83% van de vluchtelingen jonge mannen tussen 18 en 40 jaar zijn. Ze komen in groepen van 50 tot 100, zonder vrouwen en/of kinderen.

Ten einde raad werd in Ássotthalom een grenswacht/burgerpolitie opgericht. De grenswacht kon hier en daar groepen vluchtelingen tegenhouden, maar veel meer dan een druppel op een hete plaat was het niet.

De mythe van de hulpbehoevende asielzoeker werd doorprikt, toen bleek dat geen enkele van de onderschepte asielzoekers zich wou laten registreren in Hongarije. Iedereen wou naar het land van Angela ‘wir-schaffen-das’ [Ons sal dit regkry] Merkel.

Nochtans vereist het verdrag van Dublin dat een asielzoeker zich laat registreren in het eerste EU-land waar men arriveert. Vluchtelingen die zich niet laten registreren, zijn illegalen en moeten uitgewezen worden. Dat is precies wat de Hongaarse overheid deed met de bouw van een grenshek: de illegale vreemdelingen de toegang tot het land en Europa ontzeggen.

In feite doet Hongarije wat de rest van Europa vertikt: het verdrag van Dublin toepassen.

Het was de burgemeester van Ássotthalom die het idee van een grenshek bedacht. De Fidesz-regering van Orban was eerst geen voorstander van een hek aan de grens. ‘Europa zou er nooit mee akkoord gaan’, liet de Hongaarse minister van Binnenlandse Zaken weten.

Twee maanden later werd toch begonnen met een grenshek. Ondertussen staat het grenshek er en wordt bewaakt door de Visegrád-landen, Hongarije, Polen, Slovakije en Tsjechië.

Het resultaat is simpel. Voor het grenshek werd Hongarije dagelijks overrompeld door duizenden vluchtelingen en na het grenshek stopte de stroom aan illegalen direct.

Een parlementaire delegatie van het Vlaams Belang bezoekt van 16 tot 21 november Hongarije.

SA ontken lasbriewe teen Israeliese bevelvoerders

Die Suid-Afrikaanse polisie het ontken dat lasbriewe uitgereik is vir vier Israeliese bevelvoerders wat vyf jaar gelede verantwoordelik was vir die aanvalle op die Mavi Marmara.

Die Israeliese weermagbevelvoerders het die skip aangeval. Die vaartuig was deel van ‘n flottielje wat na Gaza op pad was om humanitêre hulp en mediese voorrade af te lewer in Mei 2010.

‘n Hof in Istanbul, Turkye, het die lasbriewe vir die bevelvoerders in 2014 uitgereik.

Dinsdag, het die Direktoraat van Prioriteitsmisdade se ondersoekeenheid glo luidens ‘n berig in ANA gesê dié bevelvoerders sal in hegtenis geneem word by hul aankoms in Suid-Afrika.

Die eenheid het gesê ‘n waarskuwingskennisgewing is in September gesirkuleer na die hele Suid-Afrikaanse grensbeheerstelsel.

Hierdie inligting is ook gestuur aan Interpol Suid-Afrika wat met Interpol Turkye sal skakel indien ‘n rooi kennisgewingswaarskuwing uitgereik word.

As hulle in hegtenis geneem word, sal Interpol SA reël met die Turkse owerhede vir hul uitlewering.

Ziyaad Patel, wat die klaer Gadija Davids, verteenwoordig in samewerking met die Moslem Lawyers Association (MLA), het gesê: “Die gespesialiseerde eenhede van die SAPD [SA Polisiediens] en die NVG [Nasionale Vervolgingsgesag] moet geprys word. Hulle het bevestig dat die oppergesag van die reg heers en nagekom word wat Suid-Afrika se internasionale verdrae betref.

“Hulle het ‘n Suid-Afrikaanse burger beskerm en beslissende optrede geneem teen onwettige aktiwiteite en oorlogmisdade teen me Davids.”

Davids, ‘n Suid-Afrikaanse joernalis, het die eerste klag by die SA polisie in 2011 gelê.

Davids is glo ontvoer en aangerand voordat sy teen haar wil aangehou is in ‘n Israeliese tronk.

“Hierdie belangrike besluit sal weergalm oor Turkye en baie ander jurisdiksies soos die Verenigde Koninkryk, Spanje, Griekeland, en Swede, waar burgers van daardie lande ook slagoffers van hierdie bose en lafhartige aanval deur die Israeliese weermag was.”

Suid-Afrikaanse polisie het Dinsdag ontken dat hulle lasbriewe in verband met die voorval uitgereik het vir vier voormalige Israeli-generaals.

“Daar steek geen waarheid hierin nie,” het die Suid-Afrikaanse nasionale polisiewoordvoerder, brigadier Hangwani Mulaudzi gesê.

Laat verlede week, het ‘n regter in Spanje lasbriewe vir die Eerste Minister Benjamin Netanyahu en sewe ander voormalige en huidige amptenare uitgereik.

Eksamens onder polisiebewaking by Maties terwyl brandstigting voortduur

Te midde van voorslepende geweldpleging en intimidasie op die kampus van die Universiteit van Stellenbosch, het die universiteit brandstigting soos gister voorgekom het, veroordeel. Onlusmakers het met die polisie gebots toe voorwerpe aan die brand gesteek is, onder andere ‘n universiteitsvoertuig wat op die kampus geparkeer was.

Die universiteit het egter die versekering gegee dat eksamens normaalweg voortgaan, met polisiebewaking by eksamenlokale. ‘n Noodnommer 082 5570 880 is ook aan studente verskaf om te skakel indien hulle bedreig word.

Die ekstreemlinkse organisasie Open Stellenbosch wat die onmiddellike verengelsing van Stellenbosch eis, het verklaar dat hy sal aanhou agiteer totdat die bestuur van die onlangse besluit afsien om steeds Afrikaans as voertaal naas Engels op die kampus tydens 2016 te handhaaf. Die organisasie eis onder andere dat alle naamborde en kennisgewings na Engels verander moet word en dat alle lesings en administrasie in Engels moet geskied.

Die leidster van die beweging, prof. Kylie Thomas, het onlangs bedank omdat sy haar nie langer met die universiteit kon vereenselwig nie en omdat sy meen dat haar revolusionêre taak op die kampus vervul is.

Die Universiteit Wes-Kaapland bly steeds gesluit en niemand word op die kampus toegelaat nie, nie eens die rektor nie. Volgens ‘n dosent aan dié universiteit “is die situasie nou erger as in die tagtigerjare” toe daar onder die regering van PW Botha georganiseerde opstand en onluste vanuit die buiteland befonds en aangehits is. Etlike miljoene rand se skade is reeds aan universiteitsgeboue en ander eiendom aangerig.

In ‘n afsonderlike voorval in Februarie vandeesjaar is ‘n gebou op die kampus van Stellenbosch, die 56-jarige Van der Sterr-gebou, in ligte laaie gelaat. Dit is nog onduidelik of dit weens brandstigting was.

‘n Vorige weergawe van dié berig en veral ‘n foto van die brandende Van der Sterr-gebou het die indruk gewek dat die brandende gebou dalk met die studentebetogings op die kampus verband kon hou, waarteen die Universiteit van Stellenbosch beswaar gemaak het. Ons plaas die reaksie van die universiteit se mediabeampte, Susan van der Merwe:

Op die PRAAG-webblad is daar twee sake rakende die Universiteit Stellenbosch wat 1) nie feitelik korrek is nie, en 2) ‘n wanvoorstelling skep van die protesaksie op die Stellenbosch-kampus.

Die foto van die brandende Van der Sterr-gebou by die berig oor protesaksie op kampus, is ‘n opsetlike wanvoorstelling. Die brand in die gebou was maande gelede en het niks met protesaksies of brandstigting te doen gehad nie. Die berig oor taal aan die US. Daar is nie sprake van ‘terugkrabbel’ nie. Die Bestuur se verklaring oor die gebruik van taal aan die US is ‘n gespreksdokument wat met verskillende belangegroepe op kampus bespreek sal word, en die beginsels verwoord in die verklaring sal as vertrekpunte vir hierdie gesprekke gebruik word. Ek haal twee kolpunte aan uit die jongste kommunikasie met die kampusgemeenskap:

  • Dit is nie akkuraat dat ons Bestuurspan ons verklaring van 12 November teruggetrek het nie. Ons bly daartoe verbind om die akademiese aanbod in Afrikaans en Engels uit te brei, asook tot effektiewe interne kommunikasie wat nie belangegroepe uitsluit nie.
  • Ons bly ook volkome daartoe verbind om die statutêre  prosesse te volg om veranderings aan die Taalbeleid en Taalplan aan te bring.

Susan van der Merwe
Bemarking en Kommunikasie
Universiteit Stellenbosch

Eerste matriekvraestel uitgelek

Die eerste matriekvraestel het uitgelek.

Die minister van basiese onderwys, Angie Motshekga, is vandag in Limpopo waar die Lewenswetenskappe-vraestel Dinsdagoggend uitgelek het. Sy het die misdryf toegeskryf aan ‘n gebrek aan hulpbronne.

“Die eksamenkantore in Pietersburg (Polokwane) het nie telefoonlyne, fakslyne en of internetverbinding nie. Amptenare gebruik van hul private selfone en private 3G konneksie,” het sy gesê. “Die gebrek aan basiese hulpbronne is ‘n volgehoue uitdaging.”

Sy sê slegs leerders wat geraak word, sal die vraestel moet herskryf.

Die departement het gesê die polisie en die Staatsveiligheidsagentskap (SSA) sal help met die ondersoek om die skuldiges aan die pen te laat ry.

Die departement het gesê ‘n taakspan wat aangestel sal word, sal die omstandighede rondom die lekkasie ondersoek.

Aanvanklike ondersoeke het aan die lig gebring dat twee leerlinge van die Sekondêre Marude naby Thohoyandou onwettig die vraestel in die hande gekry het en gedeel het met vriende voor eksamen.

Die departement het in ‘n verklaring gesê: “Teen ongeveer 06:00 Maandagoggend (16 November 2015) het ons ‘n wenk ontvang by die departement van Basiese Onderwys dat die Lewenswetenskappe Vraestel 2 uitgelek het.”

Die departement het bevestig dat die vraestel wat gelek is, die amptelike 2015-vraestel is slegs ‘n uur voor die eksamen begin het.

Die matriekeksamen eindig op Vrydag 27 November.

Babelse verwarring oor Vrystaatse beurtwater

Vrystaters moet hulself gereed maak vir beurtwater wat enige tyd dié week ingestel kan word.

Die LUR vir Polisie, Paaie en Vervoer en die voorsitter van die provinsiale gesamentlike bedryfskomitee oor droogte, Butana Komphela, het gister aan OFM-nuus gesê beurtwater kan in die volgende vier dae oor die provinsie heen ‘n werklikheid word.

Dié departement se woordvoerder, Hillary Mophethe, kon nie vandag bevestig of beurtwater al vanaand vanaf 21:00 tot môre 06:00 sal geld nie.

Sy sê wel die regering sal môre ‘n mediaverklaring rakende die kwessie uitreik om verwarring uit die weg te ruim, nadat sekere mediaberigte vandag aangedui het dat Vrystaters reeds vannag droë krane gaan hê. Sy sê Komphela is tans in die buiteland.

Intussen sê die LUR vir Koöperatiewe Regering en Tradisionele Sake, Olly Mlamleli, slegs die Moqhaka-munisipaliteit wat Kroonstad, Steynsrus en Viljoenskroon insluit, pas reeds beurtwater toe.

Mlamleli sê sy stel tans vas wat die situasie in elke munisipaliteit in die provinsie is. Inwoners moet ingelig word alvorens beurtwater ingestel kan word.

Komphela het gister beklemtoon die provinsie ondervind ’n groot waterkrisis weens die knellende droogte. Intussen kan inwoners van Bloemfontein die volgende 36 uur gerus wees dat daar water in hul krane sal wees, terwyl Bloemwater vandag met onderhoudswerk aan ‘n hoofpyplyn begin het.

Dit kom ná ‘n kennisgewing van Bloemwater waarin aangedui word dat daar geen watertoevoer vanaf die Welbedachtdam na Bloemfontein se reservoir gaan wees nie weens die herstelwerk. Daar is egter genoeg watervoorraad beskikbaar vir huishoudelike gebruik.

Beurtwater vir KZN ingestel

KwaZulu-Natal gaan ook beurtwater instel, nadat die Vrystaat waterbeperkings aangekondig het.

Die watervoorsiener, Umgeni Water, sê van aanstaande week sal streng waterbeperkings in die provinsie ingestel word.

‘n Woordvoerder van Umgeni Water, Shami Harichunder, sê die watervoorsiener, saam met die iLembe Distriksmunisipaliteit, die eThekwini Metro en Sembcorp, het ooreengekom om van 23 November af water met 50 persent te beperk.

Harichunder sê dit beteken dat daar van ses tot agt ure per dag geen water sal wees nie. Die besluit is geneem omdat die Hazelmere-dam slegs 25 persent vol is.

Die vervaardingsektor het intussen kommer uitgespreek oor die uitwerking van die voortslepende droogte op produksie.

Ondernemings in die vervaardigingsbedryf wat aan die opname vir die derde kwartaal van 2015 deelgeneem het, sê watertekorte belemmer produksie in terme van verskaffing, alhoewel watervoorsiening nog betroubaar is.

Altesaam 88 vervaardigers uit verskeie sektore het aan die peiling deelgeneem. Sakevertroue in die bedryf bly broos, met ‘n afname van tien indekspunte in die derde kwartaal tot 38.

Dit is die indeks se laagste vlak sedert die vierde kwartaal van 2011.