Vrystaters moet hulself gereed maak vir beurtwater wat enige tyd dié week ingestel kan word.
Die LUR vir Polisie, Paaie en Vervoer en die voorsitter van die provinsiale gesamentlike bedryfskomitee oor droogte, Butana Komphela, het gister aan OFM-nuus gesê beurtwater kan in die volgende vier dae oor die provinsie heen ‘n werklikheid word.
Dié departement se woordvoerder, Hillary Mophethe, kon nie vandag bevestig of beurtwater al vanaand vanaf 21:00 tot môre 06:00 sal geld nie.
Sy sê wel die regering sal môre ‘n mediaverklaring rakende die kwessie uitreik om verwarring uit die weg te ruim, nadat sekere mediaberigte vandag aangedui het dat Vrystaters reeds vannag droë krane gaan hê. Sy sê Komphela is tans in die buiteland.
Intussen sê die LUR vir Koöperatiewe Regering en Tradisionele Sake, Olly Mlamleli, slegs die Moqhaka-munisipaliteit wat Kroonstad, Steynsrus en Viljoenskroon insluit, pas reeds beurtwater toe.
Mlamleli sê sy stel tans vas wat die situasie in elke munisipaliteit in die provinsie is. Inwoners moet ingelig word alvorens beurtwater ingestel kan word.
Komphela het gister beklemtoon die provinsie ondervind ’n groot waterkrisis weens die knellende droogte. Intussen kan inwoners van Bloemfontein die volgende 36 uur gerus wees dat daar water in hul krane sal wees, terwyl Bloemwater vandag met onderhoudswerk aan ‘n hoofpyplyn begin het.
Dit kom ná ‘n kennisgewing van Bloemwater waarin aangedui word dat daar geen watertoevoer vanaf die Welbedachtdam na Bloemfontein se reservoir gaan wees nie weens die herstelwerk. Daar is egter genoeg watervoorraad beskikbaar vir huishoudelike gebruik.
Botswana het n droogte en het water gevra van die Hoogland projek;die Victoria valle is n stroompie,Zimbabwe het ook droogte.Dit is voor die handligend dat ons water aan hulle moet verskaf netsoos daar elektriseteit verskaf word.Vraag;wat was die lande se bydrae aan die bou van die stelsels?Die wit gans wat die goue eiers le moet maar net hoes en betaal,beurt water verduur en stilbly.
Die stelsel begin homself van binne vernietig.
Kan ons nie van ons vergiftigde water na hulle uitvoer aangesien die meerderheid van hulle burgers na ons uitgevoer is?
Ek gebruik reeds twee jaar lank net reënwater van my dak vir huishoudelike gebruik. Ek het twee groot 55000 liter ondergrondse beton tenke en ‘n kleiner tenk vir die werkswinkel se dak. Ek moet sê ek is bly ek hoef nie te wonder wie in my water gepiepie het nie. Suid-Afrikaners sal moet begin werk aan individuele oplossings, lyk my jy soek vir moeilikheid as jy staatmaak op die regering.
Mors minder met water en besoedel minder deur die riool behoorlik skoon te maak voor dit weer in die riviere beland dan sal dit ook beter met die watertoevoer gaan.