Kategorie: Nuus

Speuder wat glo geld steel vir dobbel, vas

‘n Hooggeplaaste polisiebeampte van Noordwes sal na verwagting volgende jaar weer in die landdroshof op Mokgwase verskyn nadat sy in hegtenis geneem het vir die diefstal van geld uit ‘n polisiekantoor.

Die 45-jarige bevelvoerder van die speurdienste by die polisiekantoor op Brits, het na bewering gevlekte geld uit die polisie se kluis gesteel, terwyl sy by die werk was.

Polisiewoordvoerder, Paul Ramaloko, sê die verdagte, wie se naam nog nie bekendgemaak is nie, het glo probeer om die geld by ‘n plaaslike casino te gebruik. Ramaloko sê interne tugstappe gaan ook deur die polisie teen die verdagte geneem word.

Sy is Donderdag op borgtog van R2 000 vrygelaat en is weer op 26 Januarie in die hof.

Die waarnemende polisiekommissaris van Noordwes, Jacob Tsumane, het die inhegtenisneming verwelkom.

Afriforum sê nuwe dokumentêr is nie anti-ANC nie

‘n Vollengte dokumentêre film oor die gebruik van geweld deur die ANC en ander bevrydingsorganisasies in Suid-Afrika sal vroeg in 2016 aan die publiek bekendgestel word.

Die dokumentêr, Tainted Heroes, is in Engels en is twee ure lank.

Dit behandel die geskiedenis vanaf die Soweto-studenteopstande in 1976 tot en met die inhuldiging van oudpresident Nelson Mandela in 1994.

Volgens die film se vervaardiger, Ernst Roets is die dokumentêr nie ‘n anti-ANC film nie, maar bevat wel ‘n belangrike deel van Suid-Afrika se geskiedenis wat deur die ANC-regering onder die mat gevee word.

Roets, die ondervoorsitter van Afriforum, het gesê nie almal wat by die ANC betrokke was, is onbevlekte helde nie. Hulle wil poog om dié eensydige siening van die ANC te verander.

Roets het nie gesê wie hy dink die werklike helde in die ANC is nie.

Paramedici waag hul lewens in New Brighton-lokasie

New Brighton-lokasie, die oudste en grootste swart gebied van Port Elisabeth, het ontoeganklik geraak vir paramedici weens aanvalle.

Noodpersoneel wat in New Brighton werk, het die teiken van misdadigers geword.

Hulle word gereeld aangeval, met klippe bestook en deur gewapende aanvallers beroof.

Meer as 21 voorvalle is sedert verlede jaar aangemeld waar paramedici slagoffers van geweld geword het.

Nelson Mandelabaai se nooddienste moet tans deur die polisie begelei word sodat hulle hulle werk kan doen.

Die noodddienste het dié week ‘n optog gehou om hul benarde situasie te belig.

Alhoewel personeel sê hulle sal voortgaan om die gemeenskap te dien, is dit duidelik dat daar nie genoeg polisielede is om elke ambulans te vergesel nie.

Een van die nooddienswerkers, Daniel Vywers, het al vier aanvalle beleef. Hy het gepleit dat sulke misdade tot ‘n einde moet kom.

“Ons het ingegaan en skielik was daar twee ouens by die venster met gewere en hulle het ons van alles beroof. Hulle het gesê as ons dit doen as hulle sê, sal hulle ons nie seermaak nie. Jy dink van jou familie en jy doen wat jy aangesê is,” sê Vywers.

New Brighton is die tuiste van meer as 50 000 mense, maar dringende mediese hulp het ‘n groot probleem geraak.

“Ons moet nou die polisie vra om ons te begelei in die gebied en dit raak dan ons reaksietyd,” sê ‘n woordvoerder van die Oos-Kaapse Departement van Gesondheid, Siyanda Manana.

Paramedici word deur die wet verbied om vuurwapens te dra en dit is ook te duur om sekuriteit vir elke ambulans te verskaf.

Problemen met bewijzen MH17

De betrouwbaarheid van bewijsmateriaal in het MH17-onderzoek is in het geding door de duistere rol van de Oekraïense geheime dienst SBU bij corruptie en misdaadschandalen.

Strafrechtdeskundigen voorspellen problemen voor het toekomstige strafproces tegen de massamoordenaars van de MH17-passagiers, nu blijkt dat er met de inlichtingendienst die allerlei bewijsmateriaal leverde van alles loos is. Het CDA gaat daar vandaag Kamervragen over stellen.

„Er is veel ruis en dat speelt straks gegarandeerd mee bij de strafzaak”, zegt hoogleraar strafrecht Theo de Roos. „Dat geldt voor de verdediging, maar ook voor de rechters die uitermate kritisch naar bewijzen zullen kijken. Het Openbaar Ministerie dient daar niet op te wachten, maar nu al extra onderzoek te verrichten naar de integriteit van de bewijzen.”

De SBU leverde de afgeluisterde telefoongesprekken tussen pro-Russische rebellen in het oorlogsgebied, vlak voor en nadat de Malaysia Airlines Boeing uit de lucht werd geschoten. De veiligheidsdienst had verder een dikke vinger in de pap bij het veiligstellen van stoffelijke overschotten, wrakstukken en raketdelen in het rampgebied.

Maar dezelfde SBU duikt ook op in tal van misdaadaffaires. Meerdere informanten in het schandaal van de weg geroofde schilderijen uit het Westfries Museum in Hoorn wijzen het in juni ontslagen SBU-hoofd Valentyn Nalyvaichenko aan als brein achter de roofkunsthandel. De naam van de vroegere SBU-chef werd vorig jaar al in verband gebracht met grootschalige door de Finse politie ontdekte antieksmokkel.

Ook in het onderzoek tegen de Limburgse politiemol Mark M. lopen er lijnen naar de SBU. Justitie Oost-Brabant deed onlangs rechtshulpverzoek aan Kiev. Volgens opsporingsbronnen hield M. zich in Oekraïne op in een netwerk van ’gangsters en leden van de geheime dienst.’ Alleen deze zomer verdwenen in Oekraïne al 22 SBU-spionnen achter de tralies vanwege corruptie en criminele praktijken.

Het CDA noemt de SBU-schandalen een groot risico voor het strafrechtelijk onderzoek in de MH17-zaak en wil tekst en uitleg van verantwoordelijk minister Van der Steur.

„Er is al weinig bewijsmateriaal”, zegt Tweede Kamerlid Omtzigt. „Wat er wel is, is licht tot zwaar gecompromitteerd. Het bewijsmateriaal werd veel te laat in het gebied opgehaald en blijkt ook nog verzameld door lieden die niet deugen.”

Het CDA wil weten waarom satelliet- en radargegevens van Oekraïners, Russen en Amerikanen in het onderzoek ontbreken. „Verder blijkt nog steeds niet te zijn gepraat met de Oekraïense luchtverkeersleiding.” Volgens het OM verloopt de samenwerking met de Oekraïense onderzoekers ’goed’ en wordt al het aangeleverde bewijs ’kritisch getoetst’.

Hoogleraar internationaal strafrecht Geert-Jan Knoops vindt echter ook dat meer onderzoek naar de betrouwbaarheid nodig is. „Het OM heeft de plicht elk scenario dat met bewijsmateriaal is geknoeid uit te sluiten. Dat houdt in dat nu al nauwgezet bekeken moet worden hoe de SBU bijvoorbeeld de afgeluisterde telefoongesprekken heeft geselecteerd en wie er bij die selectie van de taps betrokken waren.”

Bron: De Telegraaf

Barclays wil dalk ABSA verkoop

Dit is Donderdag berig dat Barclays, die Britse bank, aktief op soek is na ‘n koper vir sy Suid-Afrikaanse eenheid Absa.

Die Financial Times van Londen het Woensdag ‘n artikel geplaas onder die opskrif, “Barclays wil terugskaal in Afrika”. Die bank is glo besig om sy “lang teenwoordigheid in Afrika te heroorweeg as deel van ‘n hersiening gelei deur Jes Staley, sy nuwe uitvoerende hoof”.

Die artikel beweer dat Staley, wat die leisels in Desember oorgeneem het, vrae het oor die strategiese toepaslikheid van die “groot Afrika-bedryf”, maar dat geen besluit nog geneem is nie.

Die koerant het bygevoeg dat die hersiening “kom nadat beleggersvertroue in Suid-Afrika geskud is deur ‘n besluit van President Jacob Zuma om sy minister van finansies twee keer in minder as ‘n week te verander terwyl die ekonomie onder geweldige druk verkeer”.

Die Rand het vanoggend bestendig op R15.01 teen die dollar verhandel ten spyte van die besluit van die Amerikaanse reserwebank om rentekoerse die eerste keer sedert 2006, met nul-komma-twee-vyf persent te verhoog.

Ekonome het verwag dat die verhoging die Rand verder teen die dollar sal laat daal. Dit volg kort nadat die Rand en Suid-Afrika se ekonomie geskud is deur president Zuma se skielike afdanking van die voormalige minister van finansies, Nhlanhla Nene.

Nene is deur David van Rooyen vervang, wat op sy beurt deur Pravin Gordhan vervang is – alles binne die bestek van ‘n paar dae.

Die Johannesburgse Effektebeurs was Woensdag weens die openbare vakansiedag gesluit, maar Amerikaanse en Europese markte het stewiger vertoon ná die rentekoersverhoging.

Islamitiese terroriste val soldate in Mali aan

’n Organisasie wat jihadistiese webtuistes monitor, berig dat Al-Kaïda se tak in Noord-Afrika aanvoer dat die ekstremistiese groep, Ansar Dine, barakke in die noorde van Mali aangeval het.

Die aanval was in die stad, Nione in die Segou-streek, volgens die nuusagentskap AP.

Verskeie soldate is dood, ander is gewond en die aanvallers het wapens gesteel.

Volgens die Islamitiese ekstremiste is die aanval deel van die operasie wat daarop gemik is om Franse magte uit die land te verdryf.

Intussen is die Radisson Blu-hotel weer heropen, het Reuters berig. Die hotel is Dinsdag in Bamako, Mali heropen na ‘n terreuraanval.

Dit is die eerste keer dat die hotel sy deure weer vir gaste oopstel nadat dit in November deur gewapende Islamitiese terroriste aangeval is.

Tornado verniel Sydney

’n Tornado het Sydney Woensdagoggend getref en groot skade aangerig.

Vernietigende winde van tot 200 kilometer per uur en hael so groot soos krieketballe het bome en kragpale laat omval, dakke afgeruk en mure ineen laat stort.

Verskeie internasionale en binnelandse vlugte moes na ander stede herlei word.

’n Winkelsentrum in Sydney se oostelike voorstede is ontruim nadat ’n deel van die dak weens die storm ineengestort het.

Nagenoeg 6 000 huise in die suidelike deel van die stad was sonder elektrisiteit en die nooddienste het meer as 200 oproepe om hulp ontvang.

Geen versteekte Nazi-trein gevind nie

Poolse geologie-deskundiges het Dinsdag gesê hulle kon geen teken vind op die plek waar ’n Nazi-trein glo gedurende die Tweede Wêreldoorlog versteek is nie.

Volgens plaaslike oorleweringe is dié trein vol goud in ’n geheime tonnel in die omgewing versteek toe die Nazi’s in 1945 voor die Russiese weermag gevlug het, het AP berig.

Deskundiges van die universiteit van wetenskap en tegnologie in Krakow het die gebied in Walbrzych, in die suidweste van Pole, verlede maand met magnetiese en gravitasie-toerusting ondersoek, maar niks gevind nie.

Die hoof van die ondersoekspan, Janusz Madej, het op ’n nuuskonferensie gesê daar mag wel ’n tonnel wees, maar geen trein nie.

Trump vermorsel Jeb Bush met Bin Laden-onthulling

Die voormalige goewerneur van Florida, Jeb Bush, het Dinsdag vir oulaas tevergeefs probeer om die Republikeinse voorloper in die presidentsnominasiestryd, Donald Trump, in ’n regstreekse televisiedebat aan te vat, het Reuters berig.

Die meeste ander aanspraakmakers op die nominasie was egter katvoet vir die vurige miljardêr. Hul versigtigheid was ’n erkenning van Trump se vermoë om aanvalle te weerstaan en sy man te staan.

Verlede week het Trump skokgolwe deur die Republikeinse kamp gestuur met sy voorstel om alle Moslems te verbied om Amerika binne te kom.

Sy teenstanders het hom hieroor gepak, net om agter te kom baie Republikeine deel Trump se sentiment en sy gewildheid in meningsopnames het toegeneem.

Al was Bush genadeloos in sy aanslag op Trump, was dit waarskynlik te min te laat om sy sukkelende veldtog te red.

“Donald is goed met een-sin-aanhalings, maar hy is chaos as ’n kandidaat en sal ’n chaotiese president wees,” het die 62-jarige Bush gesê.

Trump (69) het teruggekap: “O ja, en jy is ’n sterk ou wat in die meningspeilings in gewildheid afneem.”

Trump het ook onthul dat die Bush-gesin toegesien het dat Osama bin Laden se hele familie uit die VSA gesmokkel word, direk na 9/11 toe alle lugverkeer gestrand was.

Dit het die FBI se ondersoek in die wiele gery omdat hulle nie sleutelgetuies kon ondervra oor die grootste terreuraanslag in die VSA nie.

Trump het ook gerugte dat hy as onafhanklike kandidaat sou staan indien hy nie die Republikeinse party se nominasie kry nie, die nek ingeslaan.

“Ek is totaal verbind tot die Republikeinse party en voel geëerd om die voorloper te wees,” het Trump gesê.

Islamitiese front teen Iran met min entoesiasme begroet

Saoedi-Arabië het glo ‘n militêre koalisie op die been gebring wat uit 34 lande bestaan met vae beloftes om “terro­risme” te bekamp.

Die alliansie se hoofkantoor sal in Riaad wees om militêre operasies te koördineer en te ondersteun, het die Saoedi-Arabiese nuusagentskap berig.

Intussen het belangrike “deelnemers” Pakistan, Maleisië, Libanon en Indonesië aangedui dat hulle nie deel is van die koalisie nie, ten spyte van die aankondiging.

Die koalisie sal “die Islamitiese wêreld se probleem met terrorisme takel en ’n vennoot wees in die wêreldwye stryd teen die vervloeking,” het die Saoedi-minister van verdediging, prins Mohammad bin Salman Al Saud, op ’n nuuskonferensie in Riaad gesê.

Die Koninkryk wil glo internasionale pogings steun om terrorisme te bekamp en internasionale vrede en veiligheid te bevorder.

Afrikalande soos Mali, Tsjad, Somalië en Nigerië wat deurgeloop het onder militêre aanvalle is ook lede.

Saoedi-Arabië se mededinger in die streek, Sjiitiese Iran, is nie deel van die koalisie nie. Saoedi-Arabië en Iran ondersteun opponerende kante in die oorloë wat in Sirië en Jemen woed.

Ontleders meen dat Saoedi-Arabië genoodsaak is om ‘n duur sjarme-offensief te loods omdat hulle ten nouste betrokke is by die befondsing van die Islamitiese staat, tesame met Turkye.

“Hierdie [koalisie]lande het prosedures wat hulle moet volg om by die koalisie aan te sluit, maar uit geesdrif om so gou as moontlik die koalisie op die been te kry, is dit vroeg aangekondig,” het die Saoedi-­minister verduidelik.

Amerika het vir breër internasionale deelname aan die stryd teen die Islamitiese Staat (ISIS) in Irak en Sirië gevra en gesê Turkye moet beter beheer op die grens met Sirië handhaaf, maar het nog self nie veel gedoen om ISIS te stuit nie.

Amerikaanse wapens en hulp aan sogenaamde “gematigde rebelle” het voorheen direk in die hande van ISIS beland. Amerikaanse mediabronne beskryf ook die konflik in Sirië as ‘n “burgeroorlog” terwyl dit in werklikheid ‘n NAVO-inval is.

Die Saoediese minister wou homself nie verbind aan ‘n stryd teen ISIS as sodanig nie en gesê die koalisie sal optree “teen enige terroriste-­organisasie wat te voorskyn kom”.

Hy het waarskynlik bedoel dat die koalisie ‘n front teen Iran sal vorm.