Kategorie: Nuus

Rusland onttrek aan Internasionale Strafhof

Rusland het amptelik onttrek aan die Internasionale Strafhof se stigtingsverordening, het die Kremlin se webblad aangekondig.

Die besluit is geneem ‘n dag nadat ‘n verslag uitgereik is waarin Rusland se inlywing van die Krim as ‘n “besetting” geklassifiseer word, terwyl die skiereiland se toekoms deur ‘n referendum beslis is.

Die Russiese minister van buitelandse sake het die aankondiging in opdrag van pres. Wladimir Poetin gedoen en gesê die tribunaal het nie aan die internasionale ­gemeenskap se verwagtinge voldoen nie.

Rusland het die Verdrag van Rome in 2000 onderteken, maar nie bekragtig nie.

Die Verenigde Nasies sal in kennis gestel word van die Russiese besluit, in die nasleep van ‘n soortgelyke besluite deur Gambië, Suid-Afrika en Burundi.

Zeid Ra’ad al-Hussein, die VN se hoëkommissaris vir Menseregte, het ‘n beroep op alle lande gedoen Woensdag om te bly. Die hof se toekoms en aansien is ‘n swaar slag toegedien deurdat lande die bestaan van die instelling in twyfel trek.

Slegs verweerders uit Afrika is voor die hof gedaag en ‘n aantal sleutellande, waaronder die VSA, China, Indië, Pakistan, Indonesië en Turkye het nie die verdrag onderteken nie.

Soos Rusland, het Egipte, Iran en Israel die Verdrag onderteken, maar versuim om die ooreenkoms te bekragtig, wat beteken dat hul regerings in elk geval nooit vervolg kan word deur die hof nie.

Duitse diepsee-navorsingsboot ondersoek ‘opwelling’ aan Namibiese kus

Die Meteor, ‘n Duitse navorsingsboot wat onder meer in die diepsee langs die Namibies-Angolese kus watertoestande ondersoek, het Walvisbaai Maandag aangedoen.

Dr. Kerstin Jochumsen, hoofnavorser aan boord van die Meteor, het ‘n voorlegging gedoen oor die wetenskaplike sending waarmee die span tans besig is en besoekers die boot gewys by ‘n onthaal vir Namibiese regeringslui.

Die Duitse ambassade in Namibië sê in ‘n verklaring die Meteor is ‘n multidissiplinêre navorsingsboot wat hoofsaaklik in die diepsee werk.

Dit behoort aan die Duitse federale ministerie van onderwys en navorsing.

Die boot doen sedert 2013 baanbrekersnavorsing oor onder meer die verskynsel van “opwelling” langs die Namibies-Angolese kuslyn. Dit kom voor wanneer digter, kouer water deur die wind na die oppervlak van die oseaan gedruk word en dit die warmer oppervlakwater vervang. Die rol wat dit speel in die uitruiling van hitte tussen die water naby die kus en dié in die diepsee, word ook ondersoek. Luidens die verklaring word kapasiteit ook gebou onder Namibiese en Angolese wetenskaplikes, gegradueerdes en studente verbonde aan instellings wat navorsingsvennote in dié projek is.

Dit sluit in die Universiteit van Namibië, die Nasionale Mariene Inligting-en Navorsingsentrum en die ministerie van visserye en mariene hulpbronne.

Bron: Die Republikein

Wanbetaling en kabeldiefstal laat SA sonder krag

Duisende Vrystaters kan oor die feestyd sonder krag wees, omdat munisipaliteite nie hul Eskom-rekeninge betaal nie, het RSG berig.

Die agt plattelandse munisipaliteite wat by Eskom in die skuld is, sluit in Nketoana by Reitz, Nala by Bothaville en Mantsopa by Ladybrand.

Die gesamentlik skuld beloop meer as 700 miljoen rand.

Die Masilonyana Plaaslike Munisipaliteit op Theunissen is een van die munisipaliteite wie se krag afgesny kan word.

Die Uitvoerende burgemeester, Nontsizi Mochana, sê hulle sal inwoners en sakeondernemings aanmoedig om hul rekeninge te betaal.

City Power in Johannesburg sê meer as 45 persent van kragonderbrekings in gebiede wat deur dié kragvoorsiener beheer word, is te wyte aan kabeldiefstal.

Verskeie gebiede in Johannesburg het onlangs kragonderbrekings ondervind.

‘n Vermeende reekskabeldief is verlede Sondag in Cresswell Park in hegtenis geneem. ‘n Woordvoerder van City Power, Yumna Sheik, sê die verdagte word ook verbind met ‘n ander kabeldiefstalvoorval in Roodepoort.

City Power hou tans bewusmakingsveldtogte in gemeenskappe wat deur kabeldiefstal geraak word en moedig inwoners aan om op die uitkyk te wees vir verdagte bedrywighede.

Inwoners word gevra om verdagte voorvalle by die City Power-inbelsentrum aan te meld.

Trump verdien $1 per jaar

Verenigde State se nuwe president, Donald Trump, het gesê hy sal sy R5,7 miljoen ($ 400 000) se jaarlikse salarispakket nie aanvaar nie.

In plaas daarvan, sal hy net $ 1 per jaar verdien.

Trump is een van verskeie Amerikaanse presidente, soos Herbert Hoover en JF Kennedy, wat geweier het om ‘n salaris te trek, en verkies om in plaas daarvan te skik vir $ 1 minimum soos toegelaat deur die Amerikaanse wet.

Die webwerf statista.com het hierdie grafiese voorstelling van wie die wêreld se grootste verdienstes ontvang, met ons eie Jacob Zuma prominent in die vierde plek.

Bloemfontein: Polisie waarsku enkel-drawwers

Die polisie in Bloemfontein het ‘n waarskuwing aan drawwers gerig om versigtig te wees as hulle alleen gaan draf.

Dit kom nadat ‘n 20-jarige vrou vermoedelik in die Universitas-omgewing deur twee booswigte aangeval is terwyl sy gedraf het.

Vrystaat polisiewoordvoerder, Maselela Langa sê die twee mans, wat in ‘n silwer Opel Corsa gery het, het die vrou vermoedelik probeer ontvoer. Hulle het haar glo geskop, gekrap en in die motor probeer dwing.

Langa sê die vrou kon egter daarin slaag om weg te hardloop. Dit is onbekend of enigiets gesteel is.

Langa sê die vrou het nie ‘n saak by die polisie oopgemaak nie. Hy sê hy het egter die vrou se ma gekontak en haar aangemoedig om na die polisiekantoor te gaan om die voorval aan te meld.

Hy vra dat die gemeenskap dadelik enige verdagte aktiwiteite by die polisie aanmeld.

“Op die huidige oomblik kan ons nie sê dat hierdie tipe voorval meer voorkom as voorheen nie. Omdat dit gebeur het, neem ons dit baie ernstig op. Ons wil graag die gemeenskap waarsku, as hulle gaan draf moet hulle dit nie alleen doen nie. Moenie jouself in ‘n situasie vind waar jy alleen draf nie,” sê Langa.

Bron: OFM

Assange in Londen ondervra deur Swede

WikiLeaks se stigter, Julian Assange, is vandeesweek deur Sweedse staatsaanklaers by Ecuador se ambassade in Londen ondervra oor beweringe dat hy in 2010 twee vroue verkrag het. Hy skuil reeds vier jaar in die ambassade.

Swede se hoofaanklaer, Ingrid Isgren, het vrae aan Assange deur ‘n aanklaer van Ecuador gevra oor die beweringe wat Assange tot nou toe ontken het.

Swede het dié stap geneem nadat Donald Trump as president aangewys is in die VSA. Voorheen het die land geweier om Assange in Londen te ondervra.

Assange het hom die argwaan van Amerika op die hals gehaal toe hy honderdduisende geheime Amerikaanse diplomatieke boodskappe gepubliseer het.

Hy het in Augustus 2012 in die ambassade skuiling gesoek om uitlewering aan Swede vry te spring omdat Swede hom sal uitlewer aan die VSA.

Die 45-jarige Australiër het dus geweier om vir ondervraging na Swede te gaan.

In die VSA duur ‘n kriminele ondersoek na die publikasie van die geheime dokumente deur WikiLeaks voort.

Le Pen glimlag breed na Macron toetree tot resies

Emmanuel Macron, voormalige minister van ekonomie onder die Franse Sosialistiese president François Hollande mik vir die Franse presidentskap, het hy Woensdag aangekondig.

Die voormalige Franse beleggingsbankier sal as ‘n onafhanklike kandidaat in 2017 se presidensiële verkiesing in Frankryk staan, want Hollande staar ‘n vernedering by die stembus in die gesig.

Met die skepping van die “En Marche” politieke beweging in April, was dit reeds duidelik dat Macron presidensiële ambisies koester.

Sy bod sal stemme van die hoofstroom kandidate afskep in ‘n wedloop wat reeds moeilik is, en daarmee die regse gunsteling Marine Le Pen ‘n hupstoot gee.

‘n Meningspeiling het voorgestel dat hy 21 persent steun sal kry teen 30 persent vir Le Pen en die twee van hulle sal deurgaan na die tweede ronde waar Le Pen sal wen.

Hollande se minister van handel Matthias Fekl het gesê Macron se kandidatuur sal “links laat ontplof”. Hy het op RMC radio gesê: “Dit is ‘n tydbom in die hart van ‘n politieke familie. Die bom het ontplof.”

Le Pen was in ‘n opgeruimde gemoedstemming Woensdag. “Macron is die banke se kandidaat,” het sy aan Reuters by die bekendstelling van haar veldtoghoofkwartier gesê.

“Wat seker is, is dat hy nie enige van ons kiesers sal afrokkel nie. Dit is ‘n kandidaat wat ruik na motballetjies.”

Kernoorlogbedreigingsvlak laer ná Trump oorwinning

Die bedreigingsvlak in die VSA vir ‘n kernkonfrontasie is verlaag tot sy laagste vlak in die nasleep van die verkiesings.

Amerika se Defcon-waarskuwingsvlak is verlaag na sy veiligste status moontlik na die aankondiging dat Donald Trump in die 2016-presidensiële verkiesing geseëvier het.

Die Defcon Warning System, word deur ‘n private organisasie bestuur wat wêreldgebeure monitor en die kernbedreiging teen Amerika skat. Dit is nou op Vlak 5 – sy laagste moontlike status.

Die groep, wat bestaan ​​uit kundiges met kontakte in die sekuriteitsomgewing, beskou die oorwinning van Trump as ‘n aanduiding van verbeterde Russiese verhoudings.

Net weke gelede is die waarskuwing is opgeskuif tot op vlak 3 weens verhoogde spanning tussen die VSA en Rusland, uit vrees dat die Obama-administrasie die rand nader van kernoorlog.

Vlak 3 beteken Amerikaanse troepe kan gemobiliseer word binne 15 minute. Vlak 5 beteken die Amerikaanse Departement van Verdediging is op sy laagste toestand van gereedheid vir kernoorlog.

Op die webwerf van die groep lui dit: “Die Verenigde State het ‘n voorlopige stap na ‘n meer isolasionistiese beleid geneem met sy onlangse presidensiële verkiesing. Terwyl dit ‘n paar maande sal neem om te sien hoe die Amerikaanse hervormings sy buitelandse beleid raak, het reeds ‘n paar wêreldleiers die hoop uitgespreek dat verhoudings kan verbeter, insluitend met Rusland en Sirië.

“As die nuwe Amerikaanse president hou by sy vorige stellings, sal die Verenigde State van Amerika waarskynlik onttrek van militêre konfrontasies in die Midde-Ooste en moontlik die Europese teater, al is dit hoogs onwaarskynlik dat dit NAVO-verpligtinge sal laat vaar, en die Oekraïne sal waarskynlik weer in die nabye toekoms ‘n kewssie raak.”

Die Russiese leier Wladimir Poetin was een van die eerste wêreldleiers wat die Republikeinse kandidaat gelukgewens het.

“Rusland sal egter waarskynlik wag om te sien wat die nuwe president doen, en nou word hulle in die wiele gery deur die komende winter.”

Die groep het gewaarsku oor ‘n paar oorblywende bedreigings vir die VSA en veiligheid in die wêreld: China, Noord-Korea en Israel sal fokuspunte raak.

“Intussen word meer troepe na Europa in 2017 gestuur om verdediging teen die Russiese bewegings te behartig en NAVO gaan voort met die opbou van magte in Pole om omliggende gebiede te beskerm teen ‘n moontlike Russiese aanval.”

Terwyl die Amerikaanse regering ook die Defcon-stelsel gebruik, is privaat en nie aan die publiek beskikbaar nie. Daarom bly openbare rekords slegs skattings.

AU help om al-Sjabaab uit Somaliese dorp te verdryf

Die Somaliese nasionale weermag (SNA), met die ondersteuning van troepe van die Afrika-uniesending in Somalië (Amisom) het Dinsdag die Mir-tugo-nedersetting in die sentrale deel van die Middel-Shabellestreek van Al-Sjabaab militante ingeneem.

Volgens ‘n weermagoffisier, Abdullahi Mohamed, is geen weerstand van die militante ondervind nie.

Die jongste militêre verwikkeling kom op die vooraand van verkiesings vir die Somaliese laerhuis van die parlement in die dorp, Jowhar, die hoofstad van die Middel-Shabelle-streek.

Die Islamitiese Al-Sjabaab is reeds uit belangrike dorpe in landelike gebiede in die suide en sentrale dele van Somalië verdryf, maar voer steeds gereelde aanvalle in die land uit.

Die Islamiete het ook onderneem om die verkiesings in Somalië te ontwrig. Dit het daartoe gelei dat die gesamentlike magte strenger veiligheidsvoorbereidings by stempunte ingestel het.

Somalië berei voor op ‘n presidentsverkiesing op 30 November. Parlementêre verkiesings word deurlopend in verskeie dele van die land gehou.

Liberale Franse politikus met broek op sy enkels gevang

‘n Liberale Franse politikus het skuldig gepleit nadat hy gevang is in ‘n seksuele daad in die openbaar. Robert Rochefort is in hegtenis geneem in Velizy, naby Parys, verlede week, vir onsedelike ontbloting, volgens Franse mediaberigte.

Die 60-jarige, wat na bewering sy broek afgetrek het om die misdaad te pleeg, het aan beamptes gesê hy “moet masturbeer” wanneer hy “onder stres” is, het RTL berig.

Rochefort is oornag aangehou, maar later vrygelaat deur die polisie nadat hy gesê het dat hy homself nooit aan kinders ontbloot het nie. Maar die twee meisies is tussen die ouderdomme van 14 en 17, en is van plan is om klagtes teen die parlementslid te bring.

Op sy webwerf, het Rochefort aangedui dat hy tot op die hoogste Europese vlak gestem het “ten gunste van die resolusie teen kinderpornografie op die internet”, en beklemtoon hy die nodige “waarborg van ‘n veilige omgewing vir die ontwikkeling van kinders”.

Die polisie is na die winkel ontbied waar Rochefort homself aan die twee tienermeisies in Augustus ontbloot het, want ‘n woedende klant, wat besluit het om die reg in sy eie hande te neem in die Castorama-hipermark, het Rochefort begin slaan.

Na hy skuldig gepleit het, het die politikus op Twitter gespog dat daar “geen verdere aksie” teen hom sou wees nie. Hofamptenare sê Rochefort sal waarskynlik net ‘n boete moet betaal.

Rochefort, wat die Suidwes-streek in die Europese Parlement verteenwoordig, is vervang as die vise-president van die liberale MoDem-party weens die skandaal. MoDem-partyleier Francois Bayrou het gesê: “Dit is gek en baie ernstige as dit waar is.”

Rochefort is ‘n voormalige Franse staatsamptenaar, wat die eerste keer in 2009 verkies is tot die Europese Parlement. Sy optrede het waarskynlik die kanse van Marine Le Pen om uitstekend te vaar in volgende jaar se verkiesing, verder verbeter.

Volgens die EU se parlementêre reëls, kan Rochefort nie uit sy pos verwyder word nie, tensy hy bedank, van MoDem of van die Europese Parlement.