Karin Roodt – Bladsy 11

Zille se oud-strateeg skep uit Britse staatsfondse

Ryan Coetzee, Helen Zille se voormalige regterhand, is weer in ‘n skandaal betrokke. Hierdie keer is hy in Brittanje uitgevang dat hy uit Britse staatsfondse betaal word.

Die Britse Liberaal-demokratiese Party het Coetzee gehuur om hul lustelose vertoning by die stembus te probeer omkeer.

Nick Clegg se omstrede Suid-Afrikaanse verkiesingstrateeg is voorheen veroordeel deur die Obenbare Beskermer oor sy rol in die toekenning van ‘n multi-miljoenrand kontrak.

Coetzee, wat na byna 20 jaar in Suid-Afrikaanse politiek in Westminster aangekom het, kry tans in teenstelling met sy teenstanders uit die Arbeids en Konserwatiewe kringe, ‘n salaris wat kom van openbare eerder as partyfondse.

Hy het sy loopbaan in 1997 as ‘n 24-jarige strateeg vir die Demokratiese Party begin, waar hy ou NP-stemme ingehark het met welklinkende leë beloftes.

Coetzee het as ‘n LP sowel as die hoofuitvoerende beampte van die party gedien en het as Zille se hoofraadgewer opgetree terwyl sy premier van die Wes-Kaap was.

Verlede jaar het Suid-Afrika se Openbare Beskermer Coetzee se rol in die toekenning van ‘n kommunikasiekontrak deur Zille se provinsiale regering aan TBWA Hunt Lascaris ondersoek na ongerymdhede vermoed is.

Die OB, Thuli Madonsela, het die ondersoek geloods nadat ‘n fluitjieblaser die redes gevra het oor waarom die kontrak toegeken is sonder om in die openbaar te adverteer, soos deur die wet vereis.

‘n Tussentydse verslag het bevind dat Coetzee se rol in die opstel van die tenderspesifikasies vir die kontrak, en daarna die evaluering van die bod sonder behoorlike notules, onwettig was en dissiplinêre optrede teen hom aanbeveel.

Coetzee het in reaksie gesê die fluitjieblaser was deel van ‘n smeerveldtog teen hom.

‘n Suid-Afrikaanse politieke bron het egter gesê Ryan het regdeur sy loopbaan gesorg dat die lyne tussen politieke werk, staatsdiens werk en kommersiële werk vaag bly en dat hy tans dié kenmerk van sy betokkenheid voortsit in die VK.

‘n Liberaal-demokratiese woordvoerder gesê die Beskermer het Ryan van enige oortreding in verband met die kommunikasietender onthef en daar was slegs klein tegniese tekortkominge in die wyse waarop die geldige tender aangepak is.

Wit tiener red Duitse drenkelinge

’n Wit tiener het die lewens van ’n Duitse gesin gered wat besig was om te verdrink by Port Alfred se oostelike strand, het die Nasionale Seereddingsinstituut (NSRI) Donderdag gesê.

“Dit het gelyk of die pa se voete Woensdag deur die strome onder hom uitgeslaan is. Sy dogter en seun het hom toe te hulp gesnel,” het Craig Lambinon, NSRI-woordvoerder, gesê.

Hulle het teen die stroom geswem om weer by die strand te probeer uitkom, het Lambinon gesê.

’n Sewentienjarige plaaslike inwoner, Jaco Roussouw, was op die strand en het hulle te hulp gesnel.

“Hy het alarm gemaak en die water ingestap. Hy het toe instruksies na die gesin geroep en hulle aangeraai om parallel met die strand te swem [om uit die sleurstroom te kom],” het Lambinon verduidelik.

“Die dogter, wat Jaco se instruksies gehoorsaam het, het toe haar pa gesleep tot hulle uit die sleurstroom was. Jaco het hulle toe gehelp om uit die water en tot op die strand te kom.”

SA’ner sal steeds in VSA verskyn vir 2 van 4 moorde

Die video-opname van die bekentenis deur ŉ swart Suid-Afrikaners oor vier moorde is deur ŉ Amerikaanse hof verwerp.

Regter Albert Mitchell het beslis dat Muziwokuthula “Muzi” Madondo se staats- en federale regte geskend is omdat sy versoeke vir ŉ prokureur en sy versoek om nie met die polisie te praat nie, geïgnoreer is.

Daar is vermoed dat hy ‘n mede-immigrant asook ‘n bankwerknemer voorheen vermoor het.

Madondo sal nogtans in die Quay County-streekshof in Nieu-Mexiko verskyn vir twee van die vier moorde – dié van pa en seun Bobby Gonzales (57) en Gabriel Baca (37).

Madonda het reeds onskuldig gepleit op die moorde. Hy het die twee mans na bewering in ŉ motel in Tucumcari doodgeskiet waarna hy na Texas gevlug het.

Hy is in 2011 vir die moorde in hegtenis geneem.

Busongeluk buite Bloemfontein beseer 68 swartes

Minstens 68 swartes is beseer toe twee busse Donderdag net buitekant Bloemfontein in die Vrystaat gebots het.

“Al die beseerdes is op die toneel behandel en na verskeie hospitale geneem,” het Santi Steinman, woordvoerder van Netcare 911 gesê.

Al die beseerdes het ernstige beserings opgedoen.

Die ongeluk het omtrent 7:00 op die N1-hoofweg gebeur.

Die oorsaak van die ongeluk is nie bekend nie.

Man oorleef panga-aanval in Witbank

Frik Bodenstein en sy swart werker is op myngrond in die Zaaihoek-omgewing naby Witbank (eMalahleni) met pangas aangerand en beroof.

Die 58-jarige Bodenstein het die voorval oorleef.

Bodenstein is met ernstige beserings in die Kosmos-hospitaal in Witbank opgeneem. Sy neus is gebreek en sy skedel is gekraak in die aanval.

Bodenstein het by die houtskoolkampe op myngrond agtergekom ’n hek wat gewoonlik oopstaan, is toegemaak.

Die toe hek was ‘n lokval want nadat hy uit die bakkie geklim het om die hek oop te maak, is hy deur swartes oorval en oor die kop geslaan

Bodenstein sê vier swartes het hom aanhoudend geslaan en geskop toe hy op die grond val. Hy het sy bewussyn kort-kort verloor na die aanval voordat hulp opgedaag het.

Een van sy werkers is ook geslaan, maar die aard van sy beserings is nie bekend nie. Dit wil voorkom asof die swart werker nie erg beseer is in die aanval nie.

Die swart aanvallers het Bodenstein se selfoon, bankkaart en bakkie gesteel nadat die twee vasgebind is.

Twee sake van aanranding en motorkaping is by die Witbank-polisiekantoor aanhangig gemaak.

RSG-debat woed om Afrikanerstemme

‘n Verkiesingsdebat wat Woensdagoggend deur die Afrikaanse radiostasie RSG gereël is in aanloop tot 7 Mei, het groot belangstelling gaande gemaak.

Die drie genooide gaste was Dr Dan Roodt van die Front Nasionaal, Dr Pieter Mulder van die VF+ en Anchen Dryer van die DA.

Die debat was van meet af aan skril met Dreyer wat klaarblyklik eerder op persoonlke aanvalle wou konsentreer as die DA se swaai na swart kiesers.

Dreyer het Roodt daarvan beskuldig dat hy nie ‘n ware Afrikaner is nie omdat hy nie diensplig gedoen het nie, terwyl Mulder dit beaam het.

Roodt het verbaas gereageer en gesê die DA wat die Kerkstraatbom en ander terreuraanvalle vandag omhels as hul eie, kan seker nie terselftertyd “verregs” wees in hul bekommernis oor diensplig nie. Dreyer het self nie diensplig gedoen nie.

Roodt het die kleinlike vlak van debatvoering betreur en gesê plaasaanvalle, buitensporige misdaad en die volksmoord op wit Afrikaners verdien eerder aandag.

Mulder het Dreyer daarop gewys dat sy ernstige wanvoostellings maak ook die DA se verbintenis tot taal en regstellende aksie. Dreyer het tydens die debat voorgegee dat tandelose voorstelle in die parlement die DA se verbintenis tot Afrikaans bewys, maar Mulder het haar daarop gewys dat die DA Afrikaners telkens ondergrawe in die komitees waar dit werklik saakmaak.

Dreyer het die DA se verbintenis tot grondgryp as ‘n manier om swart kiesers te trek verduidelik. Die DA is ten gunste daarvan dat plaaswerkers mede-eienaars van plase word soos die nuwe voorgestelde wetgewing bepaal. Die DA meen die mede-eienaarskap in die Wes-Kaap dui reeds op ‘n groot sukses.

Mulder het in sy hoedanigheid as die ANC se adjunk-minister van landbou gesê die VF+ is nie gekant teen ‘n aandeleskema nie. Roodt het gesê die FN is onbeskaamd regs as dit by eienaarskap kom en die nuwe voorgestelde grondwetgewing is totaal Marxisties en onaanvaarbaar vir ‘n vryemarkstelsel.

Roodt het na Leon Louw van die Vryemarkstigting se werk oor die kantonstelsel vir Suid-Afrika verwys en gesê die FN streef na kantonale selfstandigheid waar Afrikaners self besluit oor hul skole en gemeenskappe aangesien dit nie vir almal moontlik is om na Orania of Kleinfontein te verhuis nie.

Dryer het deurentyd skril voortgegaan om die DA ‘n as “groot” party voor te hou wat die ANC kan troef.

Beide Roodt en Mulder het haar herinner dat dit ‘n belaglike versinsel is, aangesien die DA ‘n ewe klein party as die vele ander opposisiepartye is en geen kans staan om die ANC uit te knikker nie, ook nie in Gauteng nie.

Roodt het in ‘n tussenwerpsel Dreyer daaraan herinner dat die Wes-Kaap met die hoogste misdaadsyfer spog nadat Dreyer die Wes-Kaap as ‘n modelprovinsie beskryf het.

Uit die gehoor het die DA se voormalige wit skaduminister van basiese onderwys, ‘n aanval op Niekie van den Berg geloods wat intussen oorgeloop het na die VF+. Junita Kloppers-Lourens het Van den Berg as ‘n gierigaard beskryf wat sy werk by die SAUK bedank het vir meer geld.

Mulder het daarna vir Kloppers-Lourens herinner dat sy die VF+ vir ‘n pos kom smeek het omdat sy haar posisie by die DA kwyt is om plek te maak vir swartes.

Alhoewel die drie partye is op Afrikanerkiesers gerig is, het Dreyer en Mulder gesê hulle wil bruin en swart kiesers ook lok.

Die aanbieder, Cobus Bester, het met ‘n vraag aan Roodt gesuggereer dat die Afrikaner nie bestaan nie en behalwe Roodt was die aanbieder en ander deelnemers versigtig om nie die woord “Afrikaner” te gebruik nie en het deurlopend na “Afrikaanssprekendes” verwys.

Ironies egter is dat beide die VF+ asook die DA se teikenmark Afrikaners is.

Aansoeke om spesiale stemme sluit vandag

Bejaardes en gestremdes moet hulle aansoeke om spesiale stemme vir die verkiesing voor die spertyd van vyfuur vanmiddag inhandig.

Die spesiale stemme is vir kiesers wat nie op 7 Mei by stembusse kan gaan stem nie. Hulle sal op 5 en 6 Mei kan stem.

Meer as 75.000 aansoeke vir spesiale stemme is reeds goedgekeur.

Daar is twee kategorieë van spesiale stemme, naamlik huisbesoeke en spesiale stemme by geregistreerde stemlokale.

Die Onafhanklike Verkiesingsowerheid sê bykans 57.000 van die aansoeke is vir huisbesoeke.

Mense wat op 7 Mei nie by hul stembusse kan stem nie, kan ook aansoek doen om ‘n spesiale stem uit te bring.

Buitelanders se winkel geplunder, gebrand by Rustenburg

Buitelanders se winkel in Lethabong in Rustenburg is Woensdag geplunder en aan die brand gesteek, het die polisie in Noordwes gesê.

Drie Chinese burgers is deur vier gewapende swartes aangeval wat die perseel met geweld binnegedring het, het kol. Sabata Mokgwabone gesê.

Hy het gesê die mans vasgebind deur die drie en geld is by die winkeleienaars geëis.

“Hulle het na bewering met kontant ten bedrae van R10.000, lugtyd-bewyse, en sigarette met ‘n geraamde waarde van R30.000 weggekom.”

Mokgwabone het gesê die mans het die winkeleienaars aangerand en daarna hul winkel aan die brand gesteek.

Hy het gesê die Chinese is na ‘n plaaslike kliniek geneem vir behandeling.

‘n Klag van roof en brandstigting word ondersoek.

DA sê Olievenhoutbosch-oproer nie verby

Ses mense is in hegtenis geneem na Dinsdag se gewelddadige oproer by Olievenhoutbosch suid van Pretoria.

Die polisie is steeds in die gebied ontplooi. Twee mense is tydens die oproer beseer.

Die DA sê die oproer sal voortgaan omdat daar nie genoeg geriewe vir plakkers is nie. Hulle sê die DA is ‘n party wat “omgee”.

Oproeriges was glo ook ontstoke dat die Mooiplaas-lokasiebewoners na Olievenhoutbosch verskuif is.

Ander bronne beweer weer die gebrek aan krane by Chobe-plakkers is die werklike probleem.

Daar is voorts bronne wat beweer dat die opstand oor die toekenning van HOP-huise gaan.

Olievenhoutbosch is een van die nuwe uitbreidings vir die opkomende swart middelklas.

Die geweld het uiteindelik in aanvalle op buitelanders ontaard. Woedende inwoners het Dinsdagaand winkels geplunder wat aan Pakistanse burgers behoort.

Berigte dat die Pakistani’s skote op die oproerige skare afgevuur het, kon nie bevestig word nie.

Die woordvoerder van die Tshwane metropolisie, Isaac Mahamba sê bewerings van ‘n skietery word ondersoek.

Die situasie in die gebied is tans kalm, en die paaie is weer oopgestel, maar motoriste word aangeraai om alternatiewe roetes te gebruik.

DA-leier, Helen Zille het by die Chris Hani-lokasie in Hammanskraal, noord van Pretoria sonkrageenhede uitgedeel om stemme te koop.

Sy het die plakkers ook huise en “skoon regering” belowe. Zille het soos verwag, niks oor misdaad gesê nie, aangesien die Wes-Kaap waar die DA regeer, die provinsie met die hoogste misdaadsyfer is.

Zweli Mkhize het Woensdag ’n voormalige DA-raadslid wat na die ANC oorgeloop het by die party verwelkom. Solani Gudluza sê hy was van 1999 af ’n lid van die DA, maar die party kom nie hul beloftes na nie.

“Ek is ’n harde werker, maar die DA vervolg jou daarvoor … jy word nooit beloon nie,” het Gudluza aan verslaggewers gesê.

Suid-Afrikaners het vertroue in die regerende ANC, het die party se tesourier-generaal, Zweli Mkhize, Woensdag in Soweto gesê.

“Daar is ’n baie groot aantal mense wat, terwyl ons veldtogte voer, aandui hulle wil met die ANC identifiseer,” het hy aan verslaggewers op ’n ANC-veldtog in Freedom Park gesê.

Reserwebank beboet banke oor gebrek aan geldwassery-maatreëls

Standardbank is ‘n boete van 7,6 miljoen pond in Januarie opgelê deur die Britse Finansiële Gedragskode-owerheid nadat die bank in Londen se eenheid glo nie ‘n voldoende beleid of prosedures in plek gehad het vir korporatiewe kliënte wat verbind word aan politieke figure nie.

Die boete is ingestel sodat maatreël ingestel kan word om korporatiewe figure te beskerm van beskuldigings van geldwassery.

Die Suid-Afrikaanse Reserwebank het vandeesweek aangekondig dat die land se vier grootste banke met 125 miljoen rand beboet is weens plaaslike swak maatreëls teen geldwassery.

Die Reserwebank het in ‘n verklaring gesê nadat hulle die banke beboet het, dat Standard Bank 60 miljoen rand moes opdok, First Rand 30 miljoen rand, Nedbank 25 miljoen rand.

Die Britse Barclays groep wat Absa insluit, is met net 10 miljoen rand beboet.

Die Reserwebank sê egter die administratiewe strafmaatreëls is nie ‘n aanduiding dat die betrokke banke op enige wyse wel by transaksies met geldwassery betrokke was nie.

Oproer in Giyani, Limpopo strand motoriste

Oproeriges van ses nedersettings buite Giyani in Limpopo het die hoofpad met takke versper en het ‘n sloot in die pad gegrawe.

Hulle sê die departement van vervoer het al jare gelede beloof om ‘n pad tussen Maphalle en Babangu te bou, maar daar het dadels van gekom.

Die oproermakers eis dat ‘n teerpad gebou word.

Vier klinieke is ook gesluit en skole is deur die oproer ontwrig.

Hulle sê die pad, wat ‘n aantal dorpe verbind, is al vir meer as tien jaar op ‘n lys om geteer te word, maar niks word daaraan gedoen nie.

Motoriste in die gebied is gestrand nadat die ontevredenes die deurgange onbegaanbaar gemaak het.

Die oproermakers gaan hul blokkade volhou totdat die LUR vir vervoer ‘n spesifieke datum kan gee vir wanneer bouwerk aan die pad in aanvang neem.

Malema sê EFF vir dagga en gays

Die politieke party wat die vinnigste groei, die EFF, het verklaar hy sal dit oorweeg om dagga te wettig.

Malema het hom ook ten gunste van gay-regte uitgespreek.

Die EFF het dié stap belowe as hulle ná die 7 Mei-verkiesing aan bewind sou kom.

Die leier van die party, Julius Malema het tydens ‘n uur-lange internet gesels-sessie op die sosiale netwerk, Facebook gesê die party is nie teen dagga as sulks gekant nie.

Hy sê ook dat die party die e-tolstelsel onmiddellik sal skrap indien hy die verkiesing wen.

Nadat sekere ondersteuners die kwessie van gays aangeroer het, het die EFF gesê hulle steun gay-regte.

Burgeroorlog dreig in Oekraïne

Die krisis in die Oekraïne het die land tot op die randjie van burgeroorlog gebring, het die Russiese president Vladimir Poetin aan die Duitse kanselier Angela Merkel tydens ‘n telefoonoproep gesê.

Poetin en Merkel het die komende krisisgesprekke tussen Rusland, die Oekraïne, die EU en die VSA, geskeduleer vir Donderdag in Genève, bespreek.

“Terwyl daar verskille in die interpretasie van die huidige gebeure is, is die voorbereidings vir die beplande vergadering in Genève … die fokus van die gesprekke, ” het Merkel se kantoor in ‘n verklaring gesê.

Die Russiese premier, Dmitry Medwedef het ook gewaarsku dat die Oekraïne op die rand van ‘n burgeroorlog verkeer.

Die president het beklemtoon dat die stabilisering van die Oekraïnse ekonomie ‘n voorvereiste vir ‘n vreedsame oplossing is.

Moskou het Dinsdag die internasionale vennote se onlangse anti- grondwetlike aksies in die suidooste van die Oekraïne skerp veroordeel, en glo dit kan lei tot rampspoedige gevolge.

“Ons is diep bekommerd oor die militêre operasie wat van stapel gestuur word deur die Oekraïense spesiale magte, met ondersteuning deur die weermag. Daar is reeds slagoffers,” het die Russiese ministerie van buitelandse sake in ‘n verklaring gesê.

Russiese diplomate het gesê dit verteenwoordig ‘n kriminele oortreding vir die Oekraïne om te veg teen sy eie mense wat eis dat hulle wettige regte beskerm word.

“Huidige gebeure demonstreer volgehoue onwilligheid van Kiëf se owerhede om ‘n dialoog te organiseer met Oekraïene se streke, wat noodsaaklik is vir die land,” lui die verklaring.

Die Russiese minister van buitelandse sake, Sergei Lafrof het egter twyfel oor die samesprekings laat ontstaan. Hy sê die Oekraïne kan nie kragdadig optree en dan verwag dat samesprekings plaasvind nie.

Die Oekraïne het aangekondig dat sy magte beheer oorgeneem het oor ‘n vliegveld in ‘n Russiese gebied.

Luidens berigte is 4 mense in skermutselings dood. Dit is deel van ‘n aanslag om beheer oor te neem van verskeie staatsgeboue in die ooste van die land.

Europa is verdeel oor moontlike sanksies teen Rusland met die Griekse minister van finansies, Evangelos Venizelos wat diplomasie voorstaan en Luxemburg se minister van buitelandse sake Jean Asselborn wat aangedui het dat die EU nie moet optree nie, terwyl Pole vir optrede teen Rusland pleit.

Buthelezi veroordeel Kasrils se bedorwe stem-veldtog

Die leier van die IVP, Mangosuthu Buthelezi het die veldtog “Sidikiwe Vukani! Vote No” van Ronnie Kasrils veroordeel.

Kasrils wil Suid-Afrikaners aanmoedig om hul stembriewe in die 7 Mei-verkiesing te bederf of vir oppossisiepartye te stem.

Buthelezi het Kasrils se manewales as uiters onverantwoordelik bestempel.

Buthelezi het by ‘n IVP-saamtrek naby Vryheid in die noorde van KwaZulu-Natal dié besluit veroordeel.

Hy het gesê talle mense het hul lewens opgeoffer sodat alle Suid-Afrikaners mag stem, en gemaan dat kiesers hulself benadeel indien hulle dié reg geringskat.

Die voormalige adjunk-minister van gesondheid, Nozizwe Madlala-Routledge is deel van die veldtog vir bedorwe stembriewe.

Kasrils voer aan dat dit uit protes teen korrupsie in die regering is, maar sy beweegrede klink onoortuigend aangesien hyself deel was van die skepping van die korrupte ANC.

Die geen-stem veldtog is Dinsdag bekend gestel.

Kasrils het aan John Robbie tydens ‘n onderhoud op 702 gesê dat hy kiesers afraai om ANC sowel as DA te stem.

President Jacob Zuma het ook sy verbasing oor die veldtog uitgespreek.

Zuma het tydens ‘n besoek aan die Nelson Mandelabaai-metro gesê hy is verbaas Kasrils ‘n saak kan ondersteun wat mense hul stemreg ontneem, aangesien hy self deel was van die stryd vir swart stemreg.